Post: #1
Title: الى حبيبنا ود الزبير .. و كتابة على الجبص
Author: جلالدونا
Date: 10-30-2016, 04:44 AM
Parent: #0
03:44 AM October, 30 2016 سودانيز اون لاين
جلالدونا-
مكتبتى
رابط مختصر اوّل حاجة القلب و الرويحة بتمنو ليك عاجل الشفاء
و طبابة من كل ألم و سقم
و يا ناس ابو العزايم و منتصر و ود المشرف و كل الاخوة و الاخوات البى هناك ..
يا ريت لو توالونا بى الاخبار
|
Post: #2
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-30-2016, 06:40 AM
Parent: #1
تانى حاجة ...
ح يجّنك الزاهرات الناديات باسمات ضاحكات
بالطّبازات
اوعاك تعمل قصة عمّنا الجعلى داك
ديل ح يخلّنك كما ولدتك امك
فلا حرج
خت فى بالك انو الطب اتقدّم
|
Post: #3
Title: Re: الى حبيبنا ود الزبير .. و كتابة على الجبص
Author: محمد أبوالعزائم أبوالريش
Date: 10-30-2016, 07:07 AM
Parent: #2
| Quote: خت فى بالك انو الطب اتقدّم |
إنت كنت معانا والا شنو؟
|
Post: #4
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-30-2016, 07:59 AM
Parent: #3
ما كت معاكم
إلّا حاسى بيكم ..
شكلو كده اكلا فى حنانو
عملت لر شنو فى الترمس و شوربة الحمام
|
Post: #5
Title: Re: الى حبيبنا ود الزبير .. و كتابة على الجبص
Author: محمد أبوالعزائم أبوالريش
Date: 10-30-2016, 09:26 AM
Parent: #4
يا زول شوربة حمام شنو .... يمين زولك ده يلقى يرعى فيها، إلاّ يفتكر روحو عريس.
|
Post: #6
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-30-2016, 03:06 PM
Parent: #5
هههها .. و مالو
نعرّس ليهو تانى و تالت و رابع
اخبار العملية شنو ... ان شاالله كل الحاجات مشت تمام
|
Post: #7
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-30-2016, 03:23 PM
Parent: #6
واحدصاحبنا سواق كارّو كان مجهجه اولاد الحلّة جهجهة شديدة خلاس
يوم رجلو انكسرت و جبصوها ليهو
مشيت ازورو ألقى ليك الجبص كلّو تعليقات
و سرحت فى القراية
من التعليقات الظريفة شباب جوهو و لقوهو نايم كتبوا
حضرنا و لم نجدك .. عقبال ما تنكسر الرقبة
|
Post: #8
Title: Re: الى حبيبنا ود الزبير .. و كتابة على الجبص
Author: حمد عبد الغفار عمر
Date: 10-30-2016, 04:51 PM
Parent: #7
ربنا يشفي ود الزبير ويعود سالم
|
Post: #9
Title: Re: الى حبيبنا ود الزبير .. و كتابة على الجبص
Author: وضاحة
Date: 10-30-2016, 04:58 PM
Parent: #8
ود الزبير بخير يا جلال ما تخاف علي
ان شاء الله بجيكم راجع سالم غانم
|
Post: #10
Title: Re: الى حبيبنا ود الزبير .. و كتابة على الجبص
Author: محمد على طه الملك
Date: 10-30-2016, 05:41 PM
Parent: #9
وكتين هو بخير مالكم قالعين منو الموبايل يا دكتورة ؟
يا جلال ياخي ترمس شنو مستشفي حمد فيه ما طاب ولذ من كل الاصناف والاجناس ..
أنا خوفي هو يماطل ويكتر القعدة ..
اجر وعافية يا ود الزبير كتابتنا دي على الجبس الليل جلالدونا دا .
|
Post: #11
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-31-2016, 01:36 PM
Parent: #10
| Quote: ربنا يشفي ود الزبير ويعود سالم |
اللهم امين يا رب العالمين
|
Post: #12
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-31-2016, 01:58 PM
Parent: #11
Quote: ود الزبير بخير يا جلال ما تخاف علي
ان شاء الله بجيكم راجع سالم غانم |
شكرا و ضاحة ... طمنّتينا كتير , ويا ريت العودة تكون اسرع مما نتوقّع
|
Post: #13
Title: Re: الى حبيبنا ود الزبير .. و كتابة على الجبص
Author: جلالدونا
Date: 10-31-2016, 03:31 PM
Parent: #12
يا الف مرحب بى مولانا الملك
Quote: وكتين هو بخير مالكم قالعين منو الموبايل يا دكتورة ؟
يا جلال ياخي ترمس شنو مستشفي حمد فيه ما طاب ولذ من كل الاصناف والاجناس ..
أنا خوفي هو يماطل ويكتر القعدة ..
اجر وعافية يا ود الزبير كتابتنا دي على الجبس الليل جلالدونا دا . |
الترمس يا ملك يعلو و لا يعلا عليه .. فعال .. مسل .. جبّار كسور و فوق ده لذيذ
بعدين اصلا هو بدا فى المماطلة , ما شايف العملية من الاحد ودوها التلاتاء
و رغم ده كلّو .. ارجع و اقول
حسب خبرتى كطبيب بالمشاهدة ... المشاهدة ما الشهادة ...
فى حالات اصابات الحواداث يكون التركيز الاول على انقاذ حياة المصاب نفسه
بالكشف الشامل للتأكد من وجود او عدم و جود نزيف داخلى
و الحمد لله اخونا معاوية اتجاوز الحتة دى
الخطوة التانية العمل على انقاذ الاعضاء المصابة من البتر
و برضو اقدر اقول اتجاوز الحتة دى برضو
اذ لا توجد سابقة طبية ببتر ضلعة او حوض مصاب
,, و بعدين كيف يعنى يبترو حوض زول ..
المرحلة التالتة التأكد من قدرة الاعضاء على اداء وظائقها
المرحلة الاخيرة التجبير و التجبيص ثم التأهيل
و دى الحتة الدايرين فيها الترمس ..
شوربة الحمام خليناها قد تكون متوفرة فى المستشفى
دكاترة المنبر كيف .. انفع اكون طبيب ؟
ان شالله استشارى
|
Post: #14
Title: Re: الى حبيبنا ود الزبير .. و كتابة على الجبص
Author: elhilayla
Date: 10-31-2016, 07:22 PM
Parent: #13
يا سلام عليك يا جلالدونا
ربنا يطمنك
سمعنا من ود أب سن العملية يوم التلاتاء
والترمس يا الملك لا يعلى عليه
طبعاً أنا زولاً مجرِّب؛ ما ني طبيب
أسألني منو: أنكسر حوضي بفضل الله والترمس مرقت يا قول حبوبتي
ذي الشعرة من العجين ولله الحمد
نتمنى على الجميع موالاة ود الزبير بدعواتهم الطيبة
____
الحليلة
|
Post: #15
Title: Re: الى حبيبنا ود الزبير .. و كتابة على الجبص
Author: جلالدونا
Date: 11-01-2016, 02:07 AM
Parent: #14
عليكم السلام اخانا الحليلة
مالك جيت ايدك فاضية ... وين التمر
تعرف مع البروتين الكامل فى الترمس
و المنجنيز و المعنيزيوم و النحاس و الكبريت و البوتاسيوم و الكالسيوم ال فى التمر
اخونا معاوية ده يبقى فلز عديل كده
و يا ريت لو واحد فيكم سخا و جاب مديدة الدخن
شوربة الحمام قالوا فى المستشفى فى
مافى داعى تجيبوها
|
Post: #16
Title: Re: الى حبيبنا ود الزبير .. و كتابة على الجبص
Author: muntasir
Date: 11-02-2016, 03:16 PM
Parent: #15
سلام جلال انا جيت منه قبل شوية وهو بخير ويشكر الجميع ما شلت ليه دستة برتكان لكن ما دخلت ليه بايد فاضية وديت ليه كتاب بتاع زنادقة
|
Post: #17
Title: Re: الى حبيبنا ود الزبير .. و كتابة على الجبص
Author: جلالدونا
Date: 11-05-2016, 05:27 AM
Parent: #16
hahahahahaha
هاك ليها
ضخكة زنديقة يا منتصر
كان تشيل لبك حبّة رصاص عشان تتم الناقصة
و معاها شوية هنضبة
كتّر خيرك كتير
طمّنتنا
و الحمد لله من قبل و من بعد
|
Post: #18
Title: Re: الى حبيبنا ود الزبير .. و كتابة على الجبص
Author: عمر دهب
Date: 11-05-2016, 05:40 AM
Parent: #17
سلام جلال
معاوية مضقوق عين بى حبكم الكتير ليه
خففوا الحب شوية
انا عندى اخوانى فى قطر والامارات بيموتو فى معاويه
اى والله
برضو كلمتهم يخففوا شويه
عين المحب احيانا
اكعب من عين الحسود
|
Post: #19
Title: Re: الى حبيبنا ود الزبير .. و كتابة على الجبص
Author: الطيب عباس
Date: 11-06-2016, 12:03 PM
Parent: #18
سلامات لمعاوية وصاحب البوست والضيوف
مشيت ليو يوم الجمعه لقيتو نااايم دعوت الله له سرا ومرقت هو لا يعرفني بس انا اعرفه بطيبته وابتسامته
|
Post: #20
Title: Re: الى حبيبنا ود الزبير .. و كتابة على الجبص
Author: جلالدونا
Date: 11-06-2016, 12:30 PM
Parent: #19
يا الف مرحب اخونا عمر دهب
يا ريت لو نقدر ياخى
كل الحب ده بس عشان حرف
بنحب الحرف ياخى
عموما طقّة العين هينة
جاهزين بى البخور و يا عين يا عينية
|
Post: #21
Title: Re: الى حبيبنا ود الزبير .. و كتابة على الجبص
Author: معاوية المدير
Date: 11-06-2016, 09:14 PM
Parent: #20
لفحت البخور والرُقية، قلت الفاهو بِسراع والوِليد والبِنيّة
جايين وراي بالعمود، كِسرة بي قرع ؤ شوية جرجير
ؤ عجور ؤ بصل مع لِحيمات محمرات، الوِليدات إتأخروا
ظنيت الغفير أحماهم يدخلوا.
|
Post: #22
Title: Re: الى حبيبنا ود الزبير .. و كتابة على الجبص
Author: محمد على طه الملك
Date: 11-06-2016, 09:41 PM
Parent: #21
برتكان شنو ؤ بخور مين !! هو بقول ليكم مشتهي البخبخة البخبخاااااااااااا ..
ياربي سفة تنفع ؟ حد يصحي كيكي.
|
Post: #23
Title: Re: الى حبيبنا ود الزبير .. و كتابة على الجبص
Author: معاوية الزبير
Date: 11-07-2016, 06:58 AM
بل كتابة على أوراق القلب
انتو اقعدوا خجلوا في تواضعنا كدا لغاية ما الواحد يقوم يتنقب من شدة الخجل
برجع ليكم شوية شوية مع رجوع العافية
محبتي الكتيرة
|
Post: #24
Title: Re: الى حبيبنا ود الزبير .. و كتابة على الجبص
Author: جلالدونا
Date: 11-07-2016, 07:23 AM
Parent: #23
اول حاجة .. عذرا للرد الراتب كما بقول ود اب سن
و التانية نحمده و نشكره اذ ان الاصابعين قادرة تطقطق الكى بورد
يا زول يا سودانى الف الف حمدلله على السلامة
اوعاك من كسرة و قرع ود المدير و جرجيرو
اوصيك بى كبدة الابل
|
Post: #25
Title: Re: الى حبيبنا ود الزبير .. و كتابة على الجبص
Author: علي عبدالوهاب عثمان
Date: 11-07-2016, 07:31 AM
Parent: #24
حبيبنا جلالدونا .. كيفك يا رائع ..
المالك الحصري لمصطلح ( نقونتود ) .. مودتي ..
اسلوبك حكيم في التعامل مع أصاب حبيبنا ودالزبير ..
طريقة تثير الحيوية والامل وترقى بالنفس فوق الالام ..
يا سلام جلالدونا .. تجاوزت أسلوبنا التقليدي .. بكائيات .. ودعوات الشفاء بصوت
مرتفع في حضرة المريض حتى يظن المريض أنه في حالة ميئوس منها ..
لقد لا حظت نفس الطريقة مع بدرالدين الامير عند مرض الفنان محمد السني .. عندما
فتح بوست عن مرض السني بدأ بمزاح ونكته وعكننه إخوانية ..
فلفسة رائعة تذهب الأذى والمرض ..
مودتي حبيبنا جلالدونا ..
|
Post: #26
Title: Re: الى حبيبنا ود الزبير .. و كتابة على الجبص
Author: جلالدونا
Date: 11-12-2016, 05:04 AM
Parent: #25
النقونتود على
حبابك يا صاحب وشاكر و مقدر للتقريظ
مشكلة الكسور يا اخونا على ما الكسر ذات نفسو
المشكلة فى الرقدة الطويلة و مملة بى حكم التجبيص
اها قلنا نخفف عليهو
و تكتب ليهو فى الجبص الاسفيرى ده
بى ونستكم معاهو اكيد بيلقى حبة تسلية و بعض ذهاب للملل
للملل
عليك الله شوف عكلتة الكلمة دى
من حرفين بس
لام و ميم
لكنها تفعل الافاعيل فى الانسان
__
شاكر مرورك الكريم يا على و بالتأكيد معاوية شاكرك اكتر منّى
|
Post: #27
Title: Re: الى حبيبنا ود الزبير .. و كتابة على الجبص
Author: معاوية الزبير
Date: 11-22-2016, 06:50 AM
Parent: #26
شكرا جلالدونا والأعزاء.. على كل شيء
(( الحمد لله والشكر له على تخفيف قضائه، هذه نعمة عظيمة وعظة رقيقة تستوجب مزيدا من المحبة والتقدير له والتبجيل الحمد لله وقع الحادث بأخف الضرر، وجرت العملية الجراحية بأفضل ما يمكن
وبعد فضل الله كان الأثر الكبير لدعواتكم واتصالاتكم ورسائلكم وزياراتكم المباشرة ولا أقول عنها أكثر من أنها أعطتني حياة جديدة في كل شيء
الآن أتعافى وأتعلم المشي من جديد من بين أشياء اخرى كنت أحسبها هينة لا تستحق الالتفات إليها فإذا بها في نظري اليوم عظيمة مثل إنزال قدمي من السرير والمشي خطوات، ومراقبة حركات الناس العفوية، اشتهاء تدخين سيجارة،
حمل ابني على كتفي وهو الذي فغر عيناه عجبا من عجزي، ومزيد من التقدير لتفاني زوجتي في تكريس الأيام الماضية في رعايتي مثل وليد، والوقوف في الشارع أمام المنزل والنظر إلى السماء،،،،
سأعود أقدّر كثيرا هذه التفاصيل وكذلك ما هو أصغر منها وشكرا لكم كثيرا حتى فرصة أخرى)).
|
Post: #28
Title: Re: الى حبيبنا ود الزبير .. و كتابة على الجبص
Author: عمر أبوعاقلة
Date: 11-22-2016, 06:57 AM
Parent: #1
كنا نتابع تقدمك بلهف .. سعينا وراء تلفونك .. أرسلنا لك الواتسابات محملة بالدعاء
لم نجد رداً .. ولكن وجدنا اطمئناناً على أنك بخير .. وهذا وحده كاف
عموماً طبت وطابت أيامك
والتحية عبرك لصاحب هذا الجبص والذين مروا من هنا للكتابة عليه
|
Post: #29
Title: Re: الى حبيبنا ود الزبير .. و كتابة على الجبص
Author: معاوية الزبير
Date: 11-22-2016, 07:11 AM
Parent: #28
شكرا ود ابو عاقلة على التجبيصة هههه
لا اتعامل مع الواتساب حتى الان
مودتي
|
Post: #30
Title: Re: الى حبيبنا ود الزبير .. و كتابة على الجبص
Author: عبدالحفيظ ابوسن
Date: 11-22-2016, 07:15 AM
Parent: #29
امس كان معاي قدورة بردسول
سألتو منك
قال لي
عمل ليهو سبحة كبيرة
قلت ليهو بقول فيها شنو . ضحك
شكلو عارف
|
Post: #31
Title: Re: الى حبيبنا ود الزبير .. و كتابة على الجبص
Author: جلالدونا
Date: 11-22-2016, 07:16 AM
Parent: #28
ياخ الف حمدلله على السلامة
و كمان دخلت مرحلة الفيزيكال سيربى
يااخ ده تقدم ملحوظ و معتبر كمان
و دعواتنا ليك
ربنا يحفظك و الاسرة الكريمة من كل شر
تحباتى لى اختى و الولاد
|
Post: #32
Title: Re: الى حبيبنا ود الزبير .. و كتابة على الجبص
Author: معاوية الزبير
Date: 11-22-2016, 07:59 AM
Parent: #31
قال لي عمل ليهو سبحة كبيرة قلت ليهو بقول فيها شنو . ضحك شكلو عارف
شكلو ما شاف الحجر بتاع التيمم كان اامن
مشتاقين يا حبيب
|
|