Post: #1
Title: بَلَغَت الحلقوم وأنتُم تُنَظِّرون
Author: عبدالعزيز الفاضلابى
Date: 10-27-2016, 05:18 PM
04:18 PM October, 27 2016 سودانيز اون لاين
عبدالعزيز الفاضلابى-Brooklyn, NY
مكتبتى
رابط مختصر احياناً النكتة تُعبِّر عن حال المجتمع الذى أُنشئت فيه. مثلها مثل فن الكارتون (الكاريكِتور)
فمثلاً نُكتة مثل هذه تبيَيِّن ان الحالة بِقت شلش.
البطريق:
* يُعتبر طائر لكنه لايطير (محسوب مع الطيور)
* يعيش فى المحيطات المتجمدة ولايملك فرو
* إذا وقف على الشط بتكالو الفقمة
* إذا نزل فى الماء ياكلو القرش
* إذا ضاع فى الجليد ياكلو الدب والثعلب
**هذا الكائن التعيس ناقصاهو بس الجنسية السودانية**
يُتبع حين ميسرة إن شاء الله ثم ان عجبكُن وان ماعجبكن اذنت لخازن الخور.
|
Post: #2
Title: Re: بَلَغَت الحلقوم وأنتُم تُنَظِّرون
Author: حمد عبد الغفار عمر
Date: 10-27-2016, 05:55 PM
Parent: #1
كيفك يا عبد العزيز
قبيل مساعد رئيس الجمهورية قال في ما معناه الشعب السوداني أصبح أكتر أملا في الحياة بعد القرارات الأخيرة بما فيها الحوار
الشعب السوداني المأمل دا قاعد في ياتو مكان
انا الشعب القالو دا أنا ما معاه
|
Post: #3
Title: Re: بَلَغَت الحلقوم وأنتُم تُنَظِّرون
Author: اميرة السيد
Date: 10-27-2016, 06:06 PM
Parent: #2
ونحن يا ود الفاضلاب قربنا نحصل حظ البطريق..
في الغربة القساية دي.. ولكن نقول هانت...ونرى في آخر النفق نور قريب..
والله يديك الصحة والعافية.. ويبعدك من حظ البطريق..
|
Post: #4
Title: Re: بَلَغَت الحلقوم وأنتُم تُنَظِّرون
Author: Elsanosi Badr
Date: 10-27-2016, 06:17 PM
Parent: #2
في واحد عندو بيت كبير قام جاتو فكرة يختو عيالو وامهم في غرفة واحدة والغرفة التانية ختا فيها الحمار والبقرة
اولادو اتضايقو واشتكوا ليهو انو الغرفة ضيقة والمعيشة فيها بقت صعبة
قام جاب الحمار حشرو معاهم في الغرفة !
قامو العيال وامهم اتضاقوا واشتكوا ليهو الضيق
قام جاب البقرة حشرها معاهم في الغرفة !
اها العيال خافو يشتكوا تاني ويقوم يحشر معاهم مصيبة زمان يزيدهم ضيق في الضيق العليهم!
اها في الحال ده عايشين مدة من الزمن !
وفي يوم من الايام (تكرم) الرجل ومن عليهم واخرج الحمار من الغرفة
العيال وامهم حسو بالانفراجه
وبعد مدة من الزمن قام اخرج البقرة
وهنا العيال وامهم فرحوا فرح عجيب وتهللت اساريرهم!!!
اها حال الشعب السوداني زي بيت الزول ابو حوار ده اقصد ابوحمار وبقرة ده !!!
|
Post: #5
Title: Re: بَلَغَت الحلقوم وأنتُم تُنَظِّرون
Author: عبدالعزيز الفاضلابى
Date: 10-27-2016, 08:18 PM
Parent: #4
| Quote: قبيل مساعد رئيس الجمهورية |
سلام ياحمد
هو مساعد رئيس الجمهورية ده وظيفتو شنو؟
|
Post: #6
Title: Re: بَلَغَت الحلقوم وأنتُم تُنَظِّرون
Author: عبدالعزيز الفاضلابى
Date: 10-27-2016, 08:21 PM
Parent: #5
| Quote: في الغربة القساية دي.. ولكن نقول هانت...ونرى في آخر النفق نور قريب.. |
ازيك يا اميرة
غايتو ماكو نور مع المنظراتية ديل .
المغبون هو البطريق
|
Post: #7
Title: Re: بَلَغَت الحلقوم وأنتُم تُنَظِّرون
Author: عبدالعزيز الفاضلابى
Date: 10-27-2016, 08:31 PM
Parent: #6
Quote: اولادو اتضايقو واشتكوا ليهو انو الغرفة ضيقة والمعيشة فيها بقت صعبة [/Quoute]
سلام ياسنوسى الـ برَّه الاوضة والجواها حالهم بقا واحد ديل شفطو النَّفس من الحوش زاتو.
وبلسان الناس الجوة نقول لى ناس بره نقِّطونا بى سكاتكم لانو كواريكُّم دى هى الحشرت معانا الحمارة والبقرة فى الاوضة.
|
|
|