Post: #1
Title: كديسة سودانية من مطار الخرطوم تهاجر الى بريطانيا على متن الخطوط الاماراتية (صورة)
Author: Adam Youssif
Date: 10-26-2016, 01:05 PM
12:05 PM October, 26 2016 سودانيز اون لاين
Adam Youssif-Jeddah, Saudi Arabia
مكتبتى
رابط مختصر *الكديسة الصغيرة اللى فـي الصورة دى سودانية.... عمرها شهر ونصف تقريباً ..
* الأسبوع الفات كانت حايمة فـي مطار الخرطوم بين الكوشة بتاعت كافيتريا المطار ومنطقة الشحن ..
*شوية شوية دخلت جوه طائرة الخطوط الجوية الإماراتية المسافرة من الخرطوم وماشّة برمنجهام فـي إنجلترا.....
* فعلاً إتحركت الطيارة والكديسة جواها من الخرطوم ..
*طول الرحلة 3000 ميل تقريباً ..
*وصلت الطيارة لـ إنجلترا و عمال المطار لقوا الكديسة وسط الشنط وطوالي بلّغو أمن المطار ..
* أمن المطار استلم الكديسة من وسط العفش وحولها إدارة الطب البيطرى فـي برمنجهام عشان يكشفوا عليها ..
*حيخلوها تحت الملاحظة الطبية والنفسية لمدة 14 يوم مع التغذية الجيدة وعشان يتأكدوا إنها خالية من الأمراض وتكون بصحة جيدة ..
* خطوط الإمارات عرضت إنها تتحمل تكلفة الكشف الطبى علي الكديسة السودانية باعتبار أنها راكب من ركاب خطوط الإمارات قادم من الخرطوم،
لكن السلطات في بيرمنجهام اصرت على معاملتها~ كما تعامل قطط بيرمنجهام~ .
* الجميل إن فـي برمنجهام سموا القطة: (سودانيس بيوتي) وبيدلعوها(سو بيوتي) ..
*بعد إنتهاء وضع ( سودانيس بيوتي) تحت الملاحظة الطبية لمدة 14 يوم،
ح يتم عرضها للتبنى من أى أسرة إنجليزية وفعلاً إتعمل إعلان لـلاسر الإنجليزية عن (سوبيوتي) وتلقت السلطات عدة طلبات تبنّي.
* فـي أقل من أسبوع الكديسة المشردة في كافيتريا مطار الخرطوم
( سافرت أوروبا ، اتعالجت أحسن علاج ، ادوها اسم، اخدت جنسية، وح تعيش مع أسرة انجليزية في بيرمنجهام).
منقول
|
Post: #2
Title: Re: كديسة سودانية من مطار الخرطوم تهاجر الى ب�
Author: ايمن الصادق
Date: 10-26-2016, 01:18 PM
Parent: #1
هي كانت مشرده في المطار ، وما ليها سيد ( أو من يهتم لأمرها - الهرة التي تدخل بسببها إمرأة النار !! - لكن لو أسي السلطات هناك عملت عرض لَمْ شمل لباقي قرايب الكديسه حيطلع ليها مية ألف سيد .
كدي من باب المعرفه ساي ... القانون البريطاني مافيهو لَمْ شمل لقرايب الكديسه دي ؟؟ :)
|
Post: #3
Title: Re: كديسة سودانية من مطار الخرطوم تهاجر الى ب�
Author: محمد أبوالعزائم أبوالريش
Date: 10-26-2016, 01:28 PM
Parent: #2
ناس الفيسبوك - الله يديهم العافية - لفحوا موضوع الكديسة ده وأدوها الجنسية السودانية.الخبر بيقول (في نهاية السطر الأول) إنو رحلة الكديسة كانت من مصر إلى المملكة المتحدة.شقاوتا شقاوة
تعديل (القاهرة) إلى (مصر) حسب ما ورد في الخبر
|
Post: #4
Title: Re: كديسة سودانية من مطار الخرطوم تهاجر الى ب�
Author: علي عبدالوهاب عثمان
Date: 10-26-2016, 01:44 PM
Parent: #3
مودتي .. آدم
يا أهلنا في بريطانيا أفتونا ..
إذا اثبت ملكيتي للكديسة هل يمكن لي الاقامة في بريطانيا ؟؟
يا ناس البيطرة ما في جهة في السودان تصدر مثل هذه الاوراق ؟؟
حبيبنا آدم .. كما قال قريبنا وردي رحمه الله وشاعر الاغنية : حظك جميل دايماً تسافري بلا تصاريح للسفر
|
Post: #5
Title: Re: كديسة سودانية من مطار الخرطوم تهاجر الى ب�
Author: Adam Youssif
Date: 10-26-2016, 01:54 PM
Parent: #4
حبيبنا الاستاذ علي عبدالوهاب عثمان
زي ما قال الفنان مصطفى سيد احمد
"والله نحنا مع الطيور الما بتعرف ليها خرطة .......ولا في ايدها جواز سفر"
حتى الكدايس بقت تهاجر من السودان
في اعتقادي اذا اثبت ملكيتك "للبسة" دي البرطانيين ح يضيفو في الـ case حقك انك مؤهل للحصول على الجنسية البريطانية كونك مالك الكديسة
مودتي
|
Post: #6
Title: Re: كديسة سودانية من مطار الخرطوم تهاجر الى ب�
Author: Adam Youssif
Date: 10-26-2016, 02:01 PM
Parent: #2
اخونا ايمن الصادق
كدي من باب المعرفه ساي ... القانون البريطاني مافيهو لَمْ شمل لقرايب الكديسه دي
القانوني البريطاني بيعملو ليك لم شمل طوالي جهز ورقك بس ههههههههههههههه
|
Post: #7
Title: Re: كديسة سودانية من مطار الخرطوم تهاجر الى ب�
Author: الطيب عباس
Date: 10-26-2016, 04:09 PM
Parent: #6
تاني حب الاستطلاع لا قتل الكديس لال ودا التوج دا خلا يهاجر هههههههههه
Curiosity killed cat اخر عز هههههه
تحياتي يامان
|
Post: #9
Title: Re: كديسة سودانية من مطار الخرطوم تهاجر الى ب�
Author: علي عبدالوهاب عثمان
Date: 10-26-2016, 06:24 PM
Parent: #8
حبيبنا آدم حظنا نيله وستين نيله ..
وأنا قلت بإدعاء ملكية الكديسة الواحد يمشي لبريطانيا
الخطة فشلت .. ( هههه )
حتى الكديسة المحظوظة طلعت مصرية
|
Post: #10
Title: Re: كديسة سودانية من مطار الخرطوم تهاجر الى ب�
Author: محمد على طه الملك
Date: 10-26-2016, 07:36 PM
Parent: #9
سوبيوتي ..
المصريين كدسه سات ما بخلوها تظهر باسمكم ههههههههه.
|
Post: #11
Title: Re: كديسة سودانية من مطار الخرطوم تهاجر الى ب�
Author: حيدر حسن ميرغني
Date: 10-27-2016, 02:57 AM
Parent: #10
دي كديسة مناضلة
لازم تاخد عضوية المنبر
|
Post: #12
Title: Re: كديسة سودانية من مطار الخرطوم تهاجر الى ب�
Author: Haytham Ghaly
Date: 10-27-2016, 05:09 AM
Parent: #11
هههههههه
وانا مستغرب من وجود الجقور الكتار في السوق المركزي
اتاري الكدايس هاجرت
|
Post: #13
Title: Re: كديسة سودانية من مطار الخرطوم تهاجر الى ب�
Author: Adam Youssif
Date: 10-27-2016, 09:02 AM
Parent: #12
Haytham Ghaly
وانا مستغرب من وجود الجقور الكتار في السوق المركزي اتاري الكدايس هاجرت
ههههههههههههه
|
Post: #15
Title: Re: كديسة سودانية من مطار الخرطوم تهاجر الى ب�
Author: Adam Youssif
Date: 10-27-2016, 09:07 AM
Parent: #9
الحبيب علي عبدالوهاب عثمان
تحياتي
حتى الكديسة المحظوظة طلعت مصرية
المصريين مستخسرين علينا حتى الكدايس غايتو خشمي عندي
|
Post: #14
Title: Re: كديسة سودانية من مطار الخرطوم تهاجر الى ب�
Author: Adam Youssif
Date: 10-27-2016, 09:04 AM
Parent: #8
الحبيب نيازي مصطفى
شكرا على الرابط
|
Post: #16
Title: Re: كديسة سودانية من مطار الخرطوم تهاجر الى ب�
Author: aosman
Date: 10-27-2016, 03:17 PM
Parent: #1
عندي كديس ضكر ما ممكن نعرس ليهو الكديسة دي عشان يعمل لم شمل؟ بعدين دي كديسة سودانية ما حتقدر تعيش إلا مع كديس سوداني لتقارب الثقافات وإختلافات الثقافات مع الكدايس الإنجليزية. بعدين كديستنا دي متعودة تأكل من الكوش ما جاها إسهال في الأيام الأولى؟
|
Post: #17
Title: Re: كديسة سودانية من مطار الخرطوم تهاجر الى ب�
Author: Hatim Alhwary
Date: 10-28-2016, 08:18 AM
Parent: #16
مساء الخير
طبعا اوربا والمجتمعات الغربية الثرية لا تحس بالتاقض الجسيم
في احتفاءها بحيوان اليف قادم من دول الفقر والمرض وتترك الانسان الذي كرمته القوانيين والمبادئ العامة للامم المتحدة يموت في قوارب الموت ويتعفن في معسكرات اللجؤ بالسنين في انتظار وثيقة تسمح له بالعمل وحقوق المواطنة.
ضمير مترفي اوربا الذي يرى ان حياة حيوان اولى واحق بالحفظ والرعاية من حياة انسان من الدول الفقيرة
|
Post: #18
Title: Re: كديسة سودانية من مطار الخرطوم تهاجر الى ب�
Author: Mohammed Alhasan Mohammed
Date: 10-29-2016, 10:52 AM
Parent: #17
قبل حوالى عشر سنوات تقريبا وفى موقف السيارات الملاصق لمقر عملى فوجئت انا واحد الزملاء بقطة صغيرة وهى مهشمة الارجل الخلفية ويبدو ان احدى السيارات قامت بدهس القطة ذون ان ينتبه السائق ......قمت ا انا وبعض الزملاء باحضار بعض الحليب والطعام لتلك القطة لانها اصبح لاتقوى على المشى وتقوم بسحب الارجل الخلفية المهشمة من مكان لاخر ..وفى احد الايام تصادف مرور احدى السيدات الاوربيات ..لم تكد ترى القطة حتى ترجلت من سيارتها واتجهت نحو القطة وهى تغمغم بكلمات الرثاء والاسف و تكاد تبكى ....وظلت فترة طويلة بجانبها ثم ذهبت واتت بطعام فاخر وغطاء للقطة وظلت هذه السيدة تعاود القطة يوميا ..وبعد حوالى اسبوع تقريبا حضرت نفس السيدة بسيارة دبلوماسية اوربية ومعها السائق ..ويبدو انها كانت زوجة السفير او السفير نفسه .فهنالك علم ملفوف على مقدمة السيارة ..وقام السائق بانزال قفص صغير مخصص للقطط قام بوضع القطة فيه ثم غطاها ووضعها فى السيارة وانطلقت السيارة الدببلوماسية وعلى متنها قطتنا المحظوظة ......
|
|