Post: #1
Title: زول اهبل .. اهبل جداً .
Author: shaheen shaheen
Date: 10-23-2016, 07:04 PM
06:04 PM October, 23 2016 سودانيز اون لاين
shaheen shaheen-
مكتبتى
رابط مختصر
فى الحب انا زيك زول اهبل
اهبل جداً
ورُومانسى .. وزول حساس خالص
خالص جداً
الزيى وزيك يا وردة
فى الزمن القاسى .. ده زول اهبل وعوير جداً
جداً , جداً
فيروزة شاطئ احلامى
نتعاور فى الوطن الاهبل
اهبل جداً
نحلم بـ بكرة وعارفنو
ح يكون اكعب من امبارح
اكعب جداً
نتعب منه
نلعب بالمنطق حد نصله
صارم جداً
جداً, جداًً
شافع يا شافعة يا عضاضة
يا السارقة حلاوة لبان منى
بسرق من جيبك تفاحة
واديك كرملة ومصاصة
وبطوطحك فى المرجيحة كمان
ما العيد بكرة
يوم بكرة بعيد عننا جداً !
جداً , جداً
وبريدك انا بالجد جداً
اهبل .. مُتخلف عقلياً
يا عويرة وفيروزة شاطئ
نتحدى المنطق والواقع
ده الواقع فى بلدنا السمحة
اسود جداً
جداً , جداً .
شاهين .
|
Post: #2
Title: Re: زول اهبل .. اهبل جداً .
Author: علي دفع الله
Date: 10-23-2016, 07:25 PM
Parent: #1
دا الواقع في بلدنا السمحة
اسود جدا جدا
|
Post: #3
Title: Re: زول اهبل .. اهبل جداً .
Author: shaheen shaheen
Date: 10-28-2016, 09:08 AM
Parent: #2
تحيات , طيبات , زاكيات
يا على دفع الله .
|
|