البشير وقلة عقله !

02:54 PM October, 23 2016 سودانيز اون لاين
مني عمسيب- هولندا
مكتبتى
رابط مختصر

يا ناس الزول دا نعمل معاهو شنو ؟يعني في اي تجمهر لازم يرقص ؟!!!

عندي معارف من جميع الدول العربية والافريقية
سالوني قالوا لي رئيسكم بحب الرقيص !

اها رديت كم مرة وتاني غلبني .

رضينا بكواريكه لما صوته راح .
اها الرقيص دا حدو متين ؟

يوجد فرق ما بين الصقرية

وما تدعينه

يا بت عمسيب

الرئيس يصوقر

هاك الصقرية دي

يوجد فرق ما بين الصقرية وما تدعينه
لو سمحت يا ود الباوقة ماتحرق لي روحي اكتر من مامحراقني .

لو سمحت يا ود الباوقة ماتحرق لي روحي اكتر من مامحراقني .

..............................................................................................................

انت عارفة يا بت عمسيب

جيبي شوية جنزبيل اخضر

ابشريهو

مع شوية نعناع

مع قشر ليمون

وتغليهم بدرجة حرارة 85 درجة

وتتركي المزيج يبرد شوية

وتشربي منو كباية ثلاثة مرات في اليوم

برد الروح ويريح اعصابك

وشكرا

ولو ما نفع معاك

تكوني محتاجة حجامة

وشكرا

Quote: يعني في اي تجمهر لازم يرقص ؟!!!

ادوهو عين يا منى ياخي ... رقيص شنو تاني ...

بقى مدردم و كلو جضوم ما قادر يمش ...

بالله مدردق بي جنبه كده زي الكفر المسرج ...

مافي حل غير اقف منك البوست بالطبلة والمفتاح .

كاريكتير ود أبو ده معبر جدا ولافق شديد مع البوست..

من أفضل كاريكتيرات ود أبو التخصصية

يا بت عمسيب سلام

حبيبنا الاصلي .. جيدن جيت يا المحبوب حبابك ..

ادوهو عين يا منى ياخي ... رقيص شنو تاني ... بقى مدردم
و كلو جضوم ما قادر يمش ... بالله مدردق بي جنبه كده زي الكفر المسرج ...
يا اصلي عين شنو البتمشي في الشياطين هههههههه دا من عمايلو واستنزاف صحته
الما واعي بيها !!!!حقيقة حاجة تحير ونسأل الله زي ما ودر صوته يودر لينا باقي
رجلينه عشان نستريح لو في راحة مقسومة لينا منهم .

ولك الشوق يا اصلي ,,,

حبابك يا سيفنا ..


كاريكتير ود أبو ده معبر جدا ولافق شديد مع البوست..
من أفضل كاريكتيرات ود أبو التخصصية
ايوا طقم لي عديل كدا معاهو ههههههههههه ,
مشكور يا سيوف ..

حبابك منى

عاد يابتى لكن الرئيس مااتقطع فى الرقيص

وعاد ماشفتى السباتة فضوها ليه يترتر شمال ويمين

أظنها دى رقصة الوداع مابتتوصف يامنى

هاك الفيديو شوفى

تحياتى

الحبيبة المهيرة .. صباح الخير عليك ..


ومشكورة علي الفيديو .
أظنها دى رقصة الوداع مابتتوصف يامنى
نتمني ان تكون الرقصة الاخيرة وربنا استجاب
دعاء الغلابة والمحرومين . لكن يا المهيرة حقيقة
حاجة بقت مخجلة جدآ تصدقي الناس هنا بضحكوا
فينا من رقيص السفاح دا ! الله يفضحه اكتر من كدا
كان فاضحنا في اي محل .


وتسلمي ومشكورة علي المرور .

Quote: الوطن اليوم تحت رحمه مريض نفسي يعانى بصورة واضحه كل السمات النفسيه لمرض البارنويا

اتفق مع التحليل اعلاه والذي سبق وان نشره الاخ اكرم البكري.

سلوك البشير يدلل عى انه مصاب بمرض نفسي...وهى نتيجة حتمية للطغاة والديكتاتورين في خريف عهدهم

لووول
الأسد النتر طار عقله

وَقَالَ فِرْعَوْنُ يَٰٓأَيُّهَا ٱلْمَلَأُ مَا عَلِمْتُ لَكُم مِّنْ إِلَٰهٍ غَيْرِى

البشير خلاص طيعا دخل مرض الفرعنة بامتياز...وان رقص عاريا لن يتجرأ...احد من الملأ. المحيط به..بكلمة

ودي نهاية الطغاة
تمر بخاطري مشاهد صدام حسين وهو يعرض ويهز ويدبك...ويضرب الرصاص في الهواء في اواخر ايامه...

حبيبنا هواري ... صباح الفل ,,

اكيد مريض البعمل فيه دا شئ ما طبيعي !
سلوك البشير يدلل عى انه مصاب بمرض نفسي.
يعني زول يهلل ويكبر وخاتي جنبو دلوكة عشان
يغني ويرقص ! دا شئ طبيعي ؟
اكيد نحن ما ضد الغناء لكن ضد الجن والغبا .


ولك الود ,,,

شوفوا ازدواجية المعايير ! البدل علي قلة العقل !

غايتو بشة دا لو جاتو حاجة
المتهم الأول حا يكون منى عمسيب..lol

الصديق العزيز .. كشتاوي ..


قلت لي :
غايتو بشة دا لو جاتو حاجة المتهم الأول حا يكون منى عمسيب..
اها اسه هو قالوا عيان خلاص كلامك دا اكد
القلتو ههههههههههه . غايتو لو حصلت لي حاجة
من قبل المطبلاتية تكون انت السبب ههههههه .

ومشكور يا صديق علي حسن المرور ..

بالفيديو اتفرجوا علي قلة العقل البصحها !
البشوف الرقيص يقول البلد معافية !

عينك حاااااااارة
عايزة تجيبي أجل الراجل مااالك
الزوج دا في رقبتو مراتين
و مسئولية
خففي عينك شوية
بي نقتك دي قالوا جابوا عيان السعودية عملوا له صيانة في الركبتين

العمدة سلام واحترام ...


ههههههههههههههه
بي نقتك دي قالوا جابوا عيان السعودية عملوا له صيانة في الركبتين
والله نقتي أكان بتسوي شئ كان زماااااان ودتو الاخرة
لكن بيني وبينك من حيث النقة هههههههههههههههههههه
انا نقااااااااااقة وحالتو البقول فيهو دا المختصر ههههه.

يديك العوافي يا عمدة ..

الهواري صباح الفل ..


صدق الله العظيم :
وَقَالَ فِرْعَوْنُ يَٰٓأَيُّهَا ٱلْمَلَأُ مَا عَلِمْتُ لَكُم مِّنْ إِلَٰهٍ غَيْرِى
تصدق البشير بذكرني فرعون وقلة عقله ؟

الصقرية يا ود الباوقة بتاعة الجعليين الجد جد وليس البروز المتجوعلين...والجعلية وعي وسلوك وجسدتها بنونة بت المك نمر في تراث الجعليين وكل حروب الجعليين كانت ضد الاتراك تجار الرقيق والعنصريين والاقطاعيين
ناسك ديل لا جعليين ولا حاجة ...ونفيلة جعلي واحد ما فيهم وبالذات زولك ده
والكيزان استهلكو تراث الجعليين النفيس في الفراسة في نشاط خبيث في قتل ابناء السودان في الهامش الغربي
والاخوان المسلمين والانقاذ بتاعتك دي بروز ساكت...والبروز الناس عارفنه والماصل معروف كمان
ويا بت عمسيب انتظري امر الله وهو قريب
ومن نعمره ننكسه في الخلق
لمن يربوها الكيزان ويشردوا تركيا ويخلوه يرقص براه في الخرطوم
في السودان لو مشينا بي الديموقراطية والاحزاب الوطنية وكلام الانجليز والسيد عبدالرحمن لما حكمتنا حثالة ومنبتين المركز ديل ابدا عبر كافة الانقلابات..

البشير وقلة عقله ! صورة !

عادل ود عمي امين .. حبابك يا خوي ..


ويا بت عمسيب انتظري امر الله وهو قريب ومن نعمره ننكسه في الخلق
ونعم بالله واني عليه من المتوكلين .



ومشكور علي الطلة الجميلة ..

الحبيبة المنقة .. وضوحه .. سلام معطر ..


هههههههههههههههههه
البشير وقلة عقله ! صورة ! وشك ضاحك .
والله ياها قلة العقل البضحك ههههههه .


وشوشة :
يامنقة اسمعيني ممكن تشرحي لي الوش اللذيذ الضاحك
دا بتجيبيهو كيف ؟ عاجبني عن صاحبي ود المدير ههه.


وكل يوم وانتي احلي يا حب .

رئيس تفاعل مع الجماهير وتفاعلت معه واحبته

حديثه معهم بسيط ومن القلب الي القلب

ياهو ده رقيصنا وعرضتنا الرجوليه
والرجل لم يسكسك او يهتز بمجون
فلغة الجسد التي يؤديها السيد الرئيس انما تعني
التضامن والتلاحم مع هذه الحشود الهادره وكانما
يخاطبهم بانني فرد منكم واليكم وفي افراحكم واتراحكم
نمضي معا يدا بيد الي السودان الذي ننشده

هكذا حال الرؤساء الذين احبتهم شعوبهم

اوباما ماتراهو سكسك وغني واتهوزز فهل انقص ذلك
من شعبيته في شيء؟؟؟

الغريبة ولا واحد فيكم تحدث عن عددية الجماهير التي
اصطفت وامتلات بهم الساحة امام السيد الرئيس
في لوحة تلاحمية تسر وتبهج كل من قلبه علي هذا الوطن

متع الله السيد الرئيس بالصحة والعافية
وادام لنا رقصه

فموتو بغيظكم

من اقل ادبيات النضال ان تحترم رئيسك ومن يحكم وان كنتم علي خلاف معه
حتي يحترمكم العامه ويحترمنا العالم ويحترم وجهات نظركم فيه

فشتان مابين النضال البناء وهرطقاتكم هذه

ارتقو حبه

تحترم رئيسك

هو رئيس يعني!!!؟
ومن متين!!!؟
ومين اختاره رئيس!!!!؟

بت عميس وضيوفها اريتكم بعافية...

Quote: حقيقة حاجة تحير ونسأل الله زي ما ودر صوته يودر لينا باقي رجلينه عشان نستريح لو في راحة مقسومة لينا منهم

الرفيقه المناضلة مني حباااااااااااابك لينا طوله
انا بقول امييييييييييييييين ياكريم لي دعوات المظاليم ي مني وكل اهلنا الفي الكراكير والفيافي
انشاء الله رجلينه مربطات بي حبيل بنده هههههههههههههههه
زي م قلتي فضحنا فضيحه العره البشطير هههههههه
مـــــــــــودتي لك وكل اصحابك سلامي لهم
شــــــــــــــــــــــــــــطة

الحبيبة فريدة بت عمي محجوب .. صباحك خير ..

يا فريدة !!
تحترم رئيسك هو رئيس يعني!!!؟ ومن متين!!!؟ ومين اختاره رئيس!!!!؟
حقو زي عمر عثمان دا الواحد ولا يرد عليه وانا غايتو قررت من زمن هذا القرار
خليهو يجي يردح زي ما داير ما بسألوا قولي لي ليش ؟
لانه ما شايفة اي فرق بينه وبين قليل العقل رئيسه ياهم شبهينا واتلاقينا عشان كدا
تصدقي ما بقرأ مداخلاتو ؟


ولك وافر الشكر ,,,

شوفوا قلة العقل !!!
والشئ المؤسف الموالين ليه نسخة منو نفس الطينة والعجينة !

من اقل ادبيات النضال ان تحترم رئيسك ومن يحكم وان كنتم علي خلاف معه حتي يحترمكم العامه ويحترمنا العالم ويحترم وجهات نظركم فيه فشتان مابين النضال البناء وهرطقاتكم هذه ارتقو حبه

لو هو احترمنا والتزم بي الدستور بتاع2005. والمادة 57 التي نهت ولايته في يناير 2015..كنا احترمناه..لكنه كاذب وفاجر ايضا...ولا يمثل الا الاخوان المسلمين في السودان نحن انتخبنا حاتم السر في 2010

اخي عادل .. لك التحية ..

الكلام دا قولو لي بشر سوي .
لو هو احترمنا والتزم بي الدستور بتاع2005. والمادة 57 التي نهت ولايته في يناير 2015..
كنا احترمناه..لكنه كاذب وفاجر ايضا...ولا يمثل الا الاخوان المسلمين في السودان نحن انتخبنا حاتم السر في

اتفرجوا في قلة العقل !!!!

الرئيس اخذ استراحة من الرقيص عشان
يهدد الشعب بالقوة في حالة الخروج للشارع !


فاصل ونواصل رقيص الرئيس !!!

*

عشان يؤكد ليكم الراجل دا وقلة عقله !!
اسه البلد والشعب في شنو وهو في شنو؟

رأيكم شنو في قلة العقل دي ؟ ماشي يحضر شنو
كدا ماعارفة ! وقاعد لي جنب طفل في محل ترفيه !
يا للخيبة وقلة العقل !! الله ينتقم منكم ويرينا فيكم اياته .
قادر يا كريم ,,

شوفوا قلة العقل وعدم احترام النفس !!! الله ينتقم منك كان كشفت حالنا الله يكشف حالكم يا المفسدين .

عمر عثمان ...
ما شاء الله عليك أسهبت في الحديث عن الفيديو الذي يظهر فيه البشير يعرض في الساحة الخضراء ، طيب بالمرة كدة شوف فيديو الحفلة القاعد يرقص مع وداد والبنات الأجنبيات وادينا رأيك بالله ضروري ، وكذلك عايزين رأيك في صورتو مع الشافع الإماراتي وهو بتفرج على سباق السيارات .

اسوا من الرئيس من يلتفون حوله ولا يسدون له النصح بل يزينون له سوء عمله

https://youtu.be/-GJQWFgxFuYhttps://youtu.be/-GJQWFgxFuYhttps://youtu.be/-GJQWFgxFuYhttps://youtu.be/-GJQWFgxFuY

يا منى أنا فى حياتى الطويلة عريضة دى..
ما قابلنى زول فى برود الدم وتبلد الاحساس والبلادة زى بشة..
مبالغة....
غايتو رب العالمين عنده حكمة فى انه سلط علينا زول بالمواصفات دى 27 سنة..

مساءك بكل الحب والجمال..
بقوا ينسونا السلام يا كافى البلا...

مساء النصر بنكهة الفل .. يا حبيبة .


تقولي شنو ؟
غايتو رب العالمين عنده حكمة فى انه سلط علينا زول بالمواصفات دى 27 سنة..
غايتو التجربة دي يا نوارة الشعب السوداني قال لي
ايوب شن عرفك بالصبر هههههه .

اللهم نشكيهم اليك .

الحبيبة .. دومة .. مساء النصر .

تقولي شنو ؟!
اسوا من الرئيس من يلتفون حوله ولا يسدون له النصح بل يزينون له سوء عمله
عائلة عبد الواحد كلها واحد .. وتالله يا دوما يا شقيقة نفسي
القي لي كوز زول بفكر احسن من البشير كلهم بشبهوا بعض !

ولك الشكر ,,,

Quote: عمر عثمان ... ما شاء الله عليك أسهبت في الحديث عن الفيديو الذي يظهر فيه البشير يعرض في الساحة الخضراء ، طيب بالمرة كدة شوف فيديو الحفلة القاعد يرقص مع وداد والبنات الأجنبيات وادينا رأيك بالله ضروري ، وكذلك عايزين رأيك في صورتو مع الشافع الإماراتي وهو بتفرج على سباق السيارات .

الرجل يرقص مع زوجته وبين ابنائه وبناته
دلالة علي تواضعه وحب الجماهير له وتفاعلهم معه

البشير رجل شعبي ومثال للرجل السوداني الاصيل ود البلد
وفي النهاية بني ادم, فدائما مايحاول رؤساء وقادة الدول ان
يجدو مدخلا تراثيا شعبويا بسيطا لينفذو منه الي قلوب شعوبهم

عندما يرقص ويهتز ويغني اوباما ياسلام, بارد علي قلبكم وفيه مافيه
من الرقي والتحضر

اما عنوان البوست ففيه مافيه من اسفاف
اذا كنا قد ولينا امرنا لقليل عقل ليحكمنا طيلة هذه الفتره
فالاجدر ان نوصف نحن كشعب سوداني بقلة العقل

اتو بس بت عمسيب ودكتور مصطفي ديل يشيلو ويفركو واتو تضوقو
وتبلعو

امد الله في عمر البشير سنينا عددا وسدد خطاه واعانه علي حكم البلاد
والعباد لغاية مايبين للبلد صاحب

للوكت داك الله يديهو الصحة والعافيه اليرقص ويعرض

من قلة عقل البشير دائمآ بهدد الشعب الاعزل بقوة السلاح !
دا الرجل الجاء يحكم بأسم الاسلام والتشريع الاسلامي !
السؤال اين علماء العالم الاسلامي من هذا الفرعون ؟

ولا يسعنا الا ان نقول للهذا السفاح المهدد للحياة !

ماذا بربك تنتظر ؟

السفاح يعترف وبمنتهي البساطة ! لقتله ابرياء
مسلمين !! وما زال يتنتهك في حقوق اهل كل
السودان بدون فرز !! اي قلة عقل هذه ؟


" />">

.
بت عمسيب ... طن من التحايا
.
باللهِ الخلطة السحرية بتاعت باوقه دي مااااااااا تطنشيها
وان غلبك تحضيرها ..... فيزا والسعودية .. ثم أمشي على
السفارة في الرياض ...
البوفي يابت عمسيب ... أقطعي ليكي كباية كبايتين .. بلا
تحضير بلا لمَّه ..
.
بالهنا والشِّفا

حبابك بلالي ود عم فضل الله يشهد الله مشتاقة ليك .
لعلك طيبة ؟

بما اني مكجنة امور ود الباوقة لكن وصيتك ياها
العامله بيها هههههه .
البوفي يابت عمسيب ... أقطعي ليكي كباية كبايتين ..
بلا تحضير بلا لمَّه .. . بالهنا والشِّفا
ومكجنة السعودية وعقالات الملوك برضو ههههههههه.


تسلم يا حبيب ومشكور علي الزيارة والبوست نور ..

Quote: و كلو جضوم ما قادر يمش ... بالله مدردق بي جنبه كده زي الكفر المسرج ..

قال تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "

فدوي الشبح ..سلام ..

يعني انت او انتي ما بفرق جاية ولا جايي ما بفرق
تحولي لي او تحول لي ما بفرق البوست لي ديني
من سياسي ؟؟؟؟؟؟؟؟؟!!!!!!!!!!
Quote: و كلو جضوم ما قادر يمش ...
بالله مدردق بي جنبه كده زي الكفر المسرج ..
قال تعالى : " ياأيها الذين آمنوا لايسخر قوم من
قوم عسى أن يكونوا خيراً منهم ولانساءٌ من نساءٍ
عسى أن يكن خيراً منهن ولاتلمزوا أنفسكم .....
ولاتنابزوا بالألقاب بئس الإسم الفسوق بعد الإيمان
ومن لم يتب فأولئك هم الظالمون "

يعني القتل والنهب وكل ما هو محرم وعملتوهوا
انتوا اخوان ابليس والشيطان حلال !!!!وعشان
جاء زول كتب في سفاحكم الكلام دا جاية تعملي
او تعمل ما بفرق مرشد ديني ؟

لو سمحت البوست دا ما فتحته برنامج ديني .

،،، البشير بعد نصف ساعة من القرار قرار المحكمة الجنائية ،،،
،،، رسالة لكل العالم تعبير طبيعي من الشعب السوداني ،،،
،،،






عزالدين عباس الفحل
ابوظبي

كل واحد التخ من التاني





















ـــــــــــــــــــــــــــ
لو خليتي بوستاتك صوت كان اجمل!!

سلام اختي بت عمسيب

رغم ان البوست قديم لكن يا دوب لمحتو...

رغم معارضتي للبشير
لكن كلامك انو برقص ما صحيح
البشير بعرض
والعرضة معروفة طبعاً
وللامانة البشير يجيد العرضة بصورة تثير الاعجاب

مع ودي

لو ما قلة عقل !

البلد في حالة وباء وهو في قعدة طرب !

اللهم اليك المشتكي .

منى بت عمتي ,
سلام ومشتاقين,
وصفة ود الباوقة ما تعملي بيها تكون مسمومة بالنظر !
وتانيا:
القشير مش بس يهدد في الشعب بالسلاح ,
دا من قلة عقلو لاحقنا في الاخرة يوصي فينا عشان نكضب على رب العالمين !!
في قلة عقل اكتر من دي ؟؟ ما سبقو عليها طفل رضيع !
خسارة شعب السودان الهمام بقوا يحكموهو الدلاهات !!

ست البنات.

حبابك الحبيبة ست البنات يا خيتي .

البشير الله ينتقم منه قليل العقل !
القشير مش بس يهدد في الشعب بالسلاح ,
دا من قلة عقلو لاحقنا في الاخرة يوصي فينا عشان
نكضب على رب العالمين !! في قلة عقل اكتر من دي ؟؟
ما سبقو عليها طفل رضيع ! خسارة شعب السودان الهمام
بقوا يحكموهو الدلاهات !!
الغريبة كلهم قليلين عقل حتي المعانا الهنا ديل بتابي فيهم شنو
من قلة العقل يا بت امي ؟ ههههههه كل واحد ابله واهبل من
التاني ! غايتو الله يعوضنا بعد دا .

ومشكورة يا الحبيبة .

بت عمسيب

رمضان كريم

ارجو الاتصال..رقمى بالبروفايل

السفاح وقلة عقله والانبطاح للاعراب !

من بوست الكلس ود دفع الله .. فيديو !

مرحبا وتحية طيبة
المشكله ما في شخص البشير المشكله في النظام الماسك
كل مفاصل الدوله ومشكلة الشعب المخدر و المغلوب علي امره

لك التحية اخي الفاضل .. محمد عمر ..


وكما تفضلت المشكلة في نظام باكمله ويجب استصاله
من جذوره وهذا ما نسعي له بالرغم من الاحباط من قبل
الشعب .. ومن هنا نناشد جميع الشرفاء الانضمام والانخراط
في حزب الاشاوس للتغيير ( المؤتمر السوداني ) ..

ولك الشكر ,,

السفاح وقلة عقله وحيلته !

البشير يرسل مرتزقته من جنود الي حرب الشقيقة اليمن !

يا عيب الشووووووم .

السفاح وقلة عقله ...

يا يرقص يا احج !

البشير قرر الذهاب للتسول لبناء السودان !

الم يكن هذا من قلة عقله ؟
اين ذهبت الاموال السرقت ونهبت ؟
اين ذهبت اموالهم الهربت الي دول الخارج !
اين اموال البترول والذهب ؟

الم نقل لكم البشير وقلة عقله ؟

دين ابوهم اسمه ايه !!!!!!!!!؟؟؟؟؟