Post: #1
Title: 21 اكتوبر موضوع خطبة الجمعة ؛؛؛
Author: علي دفع الله
Date: 10-21-2016, 06:15 PM
05:15 PM October, 21 2016 سودانيز اون لاين
علي دفع الله-سنار
مكتبتى
رابط مختصر عادتي يوم الجمعة بمشي السوق حوالي الساعة 9 ص وبرجع الساعة 12 الحق لي نومة بعد اسبوع مرهق جسديا ونفسيا بي حال السوق النايم دا ....
اها اليوم قفلت الساعة 11 ص ..جاري عمك ستيني زول اللاوي خالص بخاف النار خوف جد لكن مرات بشوفو بكشف تحت تحت للنسوان ومرات بخفف دمو معاهن لمن يخشو محلو ..
ما علينا ...
كلمت الاولاد المعاي قلت ليهم يلا يا شباب نقفل طبعا فرحو وعلى طول بدينا نقفل جاري قال لي شنو اليوم مستعجل اليوم عليك خطبة الجمعة ولا شنو (كلام مليان تريقة)
نواصل ...
|
Post: #2
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-21-2016, 07:40 PM
Parent: #1
اها قلت اطلع بي عمك العالي اصلا هو زول بصدق اي حاجة يعني لو قلت ليه امبارح جانا اسد وكتلانه يفتح خشمو ويقول بالله !!!
قمت قلت ليه طبعا في حلتنا عملنا شمطة وقلنا لي شنو شيخ مالك دا ليه عشرات السنين امام مسجد وبصلي بينا الجمعة اها بعد نقاشات مستفيضة مع لجنة المسجد اتوصلنا لي مقترحات ومخرجات انو صلاة للجمعة تتوزع على سكان الحي كل اسرة ليهم جمعة وعملنا جدول امامة وخطبة الجمعة وعلقناه في المسجد ... قال لي بالله !!!
نواصل ...
|
Post: #3
Title: Re: 21 اكتوبر موضوع خطبة الجمعة ؛؛؛
Author: الباقر ابوبكر ابراهيم
Date: 10-22-2016, 05:35 AM
Parent: #2
حبيبنا على دفع الله
سلام
متابعين
تحياتي
|
Post: #4
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-22-2016, 05:39 AM
Parent: #2
وقلت لي عمك الجمعة دي وقعت علي انا ..زاد في فتحة خشمو وقال لي انت ؛؛؛؛؛ قلت ليه اي انا مالك ؟؟ وبتقول فيها شنو .. قلت ليه اليوم يوم كم ...قال لي يوم واحد وعشرين عشرة ..قلت ليه اليوم دا بصادف شنو ؟؟؟ قال لي ما عارف ..قلت ليه يا عمك اليوم بوافق ثورة اكتوبر ..وحا اتكلم عنها واقول شعر الاكتوبريات ...
وفي المسجد يتساءل عمك ؟؟
قلت ليه هسي الكاروري دا بقول خطبة الجمعة في مسجد الشهيد ولا في نشاط النيلين ..يعني هم في اي حتة جامع تلفزيون جريدة محلية بيت بكاء ولا عرس الا وتحدثوا عن مشروعهم الحضاري وتزكية مجتمعهم وغيرو ..فما فيها حاجة كان اتكلمت عن ثورة اكتوبر في المسجد ..
عمك قال لي يعني ثورة اكتوبر دي قامت عشان الشريعة والحكم بما انزل الله ؟؟؟
قلت ليه يعني شنو الحكم بما انزل الله؟؟؟؟
نواصل ...
|
Post: #5
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-22-2016, 01:31 PM
Parent: #4
حبابك الباقر قريبي ود سنار السمحة
اليومين ديل الهبوب قلبت والبلد درت والخيرات راقدة رج
جوافة المرفع ..منقة ابو حجار..موز غرسلي...
اخد ليك خفسة تعال ...
تحياتي ليك وللاسرة
|
Post: #6
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-22-2016, 06:10 PM
Parent: #5
لمن سألت عمك يعني شنو نحكم بما انزل الله ..
عاين لي قوي وجاني احساس انو قال لي حاجة كعبة .. المهم قام ينظر وقال لي يا اخي القراءن والسنة ما خلو شيء دنيوي واخروي ..
قلت ليه يعني انت شايف ناس عمر البشير ديل حاكمننا بما انزل الله ؛ بدون تردد قال لي اااااي ..والناس مما جونا اعلنوا الشريعة واقاموا الجهاد وامروا بالمعروف والشارع انضبط ..انت يا اخي صغير ما شفت زمان سنار دي كمية الفجور والعربدة وبيوت الدعارة والبارات والسينما وووووو الخ الخ ..
ودخل في النقاش واحد تاني عندو تلاجة موز دقنو كارة بالواطاة اخير عمك جاري دا يا اخي اول كلمة قالها لي انتوا عاوزننا نتخلى عن الشريعة ولكن دونها الرقاب..
بصراحة جاتني حالة كدة ما بعرف اوصفها ..انتوا الناس ديل بشوفوا حاجة انا ما شايفا بالجد من شدة تعصبهم وحدة قولهم واقتناعهم بانو في حاجة اسمها شريعة قربت اصدقهم ...
نواصل ..
|
Post: #7
Title: Re: 21 اكتوبر موضوع خطبة الجمعة ؛؛؛
Author: مني عمسيب
Date: 10-22-2016, 08:54 PM
Parent: #6
متابعيييييييين ...
|
Post: #8
Title: Re: 21 اكتوبر موضوع خطبة الجمعة ؛؛؛
Author: Haytham Ghaly
Date: 10-22-2016, 09:06 PM
Parent: #7
قربت اصدقهم...
----------------------
ههههههههههههههههههههههه
اسع بجيك صاحبك (المدعو) ويعملك فيها
سيف الله المسلول
|
Post: #9
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-23-2016, 05:27 AM
Parent: #8
بت عمسيب يا صديقة حبابك ...
الكومبارس هيثم غالي ازيك يا اخي ههههه شايفك عملت رايح من اللقب الجديد الرزعنا بيه اسد السنة فرحان الفرحان ههه
وين للكومبارس الاخر ود الهواري قول ليه اجمع بالخطوة السريعة ..
|
Post: #10
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-23-2016, 07:19 AM
Parent: #9
جاري قام حرش بتاع تلاجة الموز وقال ليه الزول دا قال ماشي يعمل خطبة الجمعة والدور عليه اليوم وعاوز يتكلم عن ثورة اكتوبر خصوصا اليوم الجمعة بتقابل نفس اليوم ...بتاع التلاجة عاين لي لمن قلبي فرررر فراني ..وقال لي وصلت بيك البجاحة والتعدي على دين الله انك تتحدث عن ثورة الشيوعيين في مساجد الله .
حاولت اهدي من روعه وغيرته على الدين انو الكلام دا كضب ساي وانا اصلا ما عندي نية امشي اصلي ييهم واعمل ليهم الخطبة دي ونسة ساي مع جاري دا بس هو زول طيب وصدق الحنك فيا حاج انا اسف على تطاولي ...
جررر نفس طويييل وقال لي بحذرك من التطاول على الدين ..
قلت ليه حاضر ..
بس يا اخي انت اكتوبر دا شكلك ما عارف عنو حاجة ..قال لي ولا داير اعرف ..
قلت ليه لو عرفت انو اكتوبر دا اهم مخرجاتو المشروع الحضاري والشريعة الهسي انت عايش في نفخاتا... قال لي كيف .
قلت ليه يلا ارخي لي اضانك..
نواصل ...
|
Post: #11
Title: Re: 21 اكتوبر موضوع خطبة الجمعة ؛؛؛
Author: محمد أبوالعزائم أبوالريش
Date: 10-23-2016, 07:53 AM
Parent: #10
| Quote: وصلت بيك البجاحة والتعدي على دين الله انك تتحدث عن ثورة الشيوعيين في مساجد الله |
أها ... شفت أنا جني وجن تقوموا تحشروا حاجاتكم في النص وتمشوها علينا ....
الجماعة قالوا القرشي زاااتو كوز .... ومرات يقولوا الرصاصة جاتو طاشة وهو نايم.
والترابي بي هناك قام من قبرو وقال لأحمد منصور هو العمل الثورة دي.
ياخ لخبطتو لينا فهم التاريخ زاتو.
|
Post: #12
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-23-2016, 04:35 PM
Parent: #11
ابو الريش يا صديقي هههههه فعلا اكتوبر صنعها الابطال وقفزوا في سنامها الاقزام ..ولي الليلي ما اتدلوا ...
و حا اكتب ليكم تاريخ جديد عن اكتوبر في خطبتي بتاعة الجمعة الصادفت 21 اكتوبر
انتظروني..
|
Post: #13
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-24-2016, 07:33 PM
Parent: #12
اكتوبر المخطوف
سنواصل ....
|
Post: #14
Title: Re: 21 اكتوبر موضوع خطبة الجمعة ؛؛؛
Author: مني عمسيب
Date: 10-24-2016, 08:06 PM
Parent: #13
اكتوبر المخطوف سنواصل ....
يا ود دفع الله يا صديق في معتقد اكتر من الايمان
بالوطن والشعب ؟
واصل ومتابعة عشان عندي كلام كتير دايرة اقولو .
ولك وافر التقدير يا صديق ,,,
|
Post: #15
Title: Re: 21 اكتوبر موضوع خطبة الجمعة ؛؛؛
Author: Haytham Ghaly
Date: 10-25-2016, 05:23 AM
Parent: #14
Quote: الكومبارس هيثم غالي ازيك يا اخي ههههه شايفك عملت رايح من اللقب الجديد الرزعنا بيه اسد السنة فرحان الفرحان ههه
|
هههههههههههههه
والله يا علي اخوي الناس ديل جنهم تنابذ بالالغاب مع دينهم العالملين فيها بدافعو عنو دا نهاهم عن ذلك
قولي هو الشغال بي تعاليمو منو قرقرقرقر
تصدق اسد الله دا انا قاعد اتخيلو سمين ونفسو قايم .. والله جد
بعدين بالنسبة لي أكتوبر يا علي ما أكتوبر بس الاتختف وبقى شمار في مرقة
ياخ الاستقلال ذات نفسو اتختف وأول اخطاءنا كانت منذ الاستقلال
فلن يستقيم الظل والعود اعوج يا فردة
|
Post: #16
Title: Re: 21 اكتوبر موضوع خطبة الجمعة ؛؛؛
Author: عماد الدين الطيب عمر
Date: 10-25-2016, 01:11 PM
Parent: #1
حبيبنا ود دفع الله
ليك أشواق عندي
واصل
متابع
|
Post: #17
Title: Re: 21 اكتوبر موضوع خطبة الجمعة ؛؛؛
Author: عماد الدين الطيب عمر
Date: 10-25-2016, 01:13 PM
Parent: #1
حبيبنا ود دفع الله
ليك أشواق عندي
واصل
متابع
|
Post: #18
Title: Re: 21 اكتوبر موضوع خطبة الجمعة ؛؛؛
Author: فرح الطاهر ابو روضة
Date: 10-25-2016, 01:41 PM
Parent: #17
على دفع الله
بالله والله
تواصل
نقطة سطر جديد
مشتاقين
|
Post: #19
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-25-2016, 05:42 PM
Parent: #18
تحياتي الجميلين
هيثم غالي يا صاحب
عماد الطيب ابو الطيب يا حبيب شوق الشوق والله
بت عمسيب يا جميلة
ابو روضة يا صاحب
-------------------
اكيد حا اواصل بس والله فترانة فترة من امها ..اليومين ديل شغال حصاد السمسم بطلع الفجر من سنار بمشي الخلاء بحي المطاح ...
عموما قربت انتهي ...
حا اكمل لانو في حاجات كتيرة الناس مشت فيها ووجب علينا ان نلقي عليها الضو ..وحا اجتهد فيها بقدر الامكان ...
بت عمسيب واصلي فيما تريدي ان تضيفيه
البوست حقك طول في عرض ...
تحياتي لكم .
|
Post: #20
Title: Re: 21 اكتوبر موضوع خطبة الجمعة ؛؛؛
Author: علي دفع الله
Date: 10-27-2016, 06:28 PM
Parent: #19
اكيد حا تكون هناك مواصلة ....
|
|