من الذي (جاسف) عصاية البرلماني مهدي ابراهيم (الفاخرة)

02:28 PM October, 19 2016

سودانيز اون لاين
عمر أبوعاقلة-السعودية
مكتبتى
رابط مختصر

وجاسف لمن لا يعرف لغة الراندوك تعني سرق
وتعني أيضاً السرقة الناعمة (تخلو من العنف)

وكثير من المجاسفية يسرقون كنوع من المرض النفسي
وبالذات هنالك الكثير من المشاهير لديهم هذه الآفة

يلقى حاجة مطرفة .. طوالي يجاسفها لمجرد الاحتفاظ بها
دون الحاجة للإنتفاع منها

نرجع لي موضوعنا

وهنا معرض الخبر:



من جريدة الاهرام اليوم: أزمة في البرلمان بسبب إختفاء (عصا فاخرة) لمهدي ابراهيم

وهو أمر جلل .. ومصيبة كبرى

نعم .. أمر جلل .. حتى أنه ورد في الصفحة الأولى وبالبونط العريض

وتأتي عظم المصيبة في أمرين هامين:

الأول:

لماذا لم تخلق سرقة قوت الشعب أزمة في البرلمان ؟
لماذا للم تخلق سرقة الدواء من الشعب أزمة في البرلمان ؟
(والتحية لأطبائنا الصنادييد) الذين أعادوا جزأ منها بوقفتهم الصلبة.

لماذا لم تخلق معدلات الجريمة والمخدرات والبطالة أزمة في البرلمان ؟
لماذا لم تخلق طرق الموت في الولايات أزمة لدى البرلمان؟

لماذا .. ولماذا .. ولماذا لم ؟ والقائمة تطول

تلك عصاه التى لا يتوكأ عليها ولا يهش ولا ينش بها على غنمه بل على شعبه المسكين
عصاة مطعمة بالذهب ام بعاج الفيل يا مهدى الضليل... مازلنا نذكر ايام تهريجك فى امريكا وخروجك منها بخفي حنين

الأمر الثاني (الجلل):

عناوين الصفحة الأولى هي الأبرز دائماً وبالبنوط العريض والتي تخصص للأخبار (الجلل)

معقول صحفنا لم تجد في كل هذا السودان المنكوب (أمر جلل) سوى هذه العصا
ليرد خبرها بالبونط العريض كأول خبر وفي الصفحة الأولى وبالأحمر كمان

تكون (عصا سحرية) يا ربي .. أو هي عصا موسى في صفاتها ؟

ولمزيد من الايضاح
الخبر على اسكاي نيوز العربية - أبوظبي:

أبوظبي - سكاي نيوز عربية
أثار اختفاء عصا رئيس الكتلة البرلمانية لحزب المؤتمر الوطني الحاكم في السودان، مهدي إبراهيم، من القاعة الرئيسية الأسبوع الماضي أزمة وجلبة كبيرة بالبرلمان.
واتهم موظف بالمجلس الوطني، حاجبا بسرقة العصا ما دفع الأخير لفتح بلاغ جنائي ضد الموظف، وتوقعت مصادر لصحيفة الجريدة السودانية التي نشرت الخبر، أن يحال الحاجب إلى لجنة تحقيق.

وقالت مصادر للجريدة، إن إبراهيم نسي عصاه الفاخرة التي وصلته هدية من الرئيس عمر البشير، الأسبوع المنصرم في القبة البرلمانية، ووجدها فيما بعد أحد الحجاب.

لكن الحاجب لم يسلمها للأمانة العامة إلا بعد أيام، وبعد استجوابه عن سبب إخفاء العصا، ذكر بأنه عثر عليها في القاعة ولكن لم يتعرف على صاحبها، غير أن موظفا بالمجلس اتهم الحاجب بإخفاء العصا بهدف السرقة، مما دفع الأخير إلى تدوين بلاغ ضد الموظف.

سلام يا منان

تعيش رجباً ترى عجباً

وما في أعجب من ناسنا ديل .. الانسان في بلادي أرخص من عصاية مهدي دي

فهي عصا (فاخرة) والانسان عندنا (زول ساي)

مودتي

السؤال الأهم يا أبو عاقلة ..

من الذي يصنع البروبوقاندا للإعلام السوداني ؟؟

كيفك يا صاحبي

- البروباغندا (بالإنجليزية: Propaganda) كلمة تعني نشر المعلومات بطريقة موجهة أحادية المنظور وتوجيه مجموعة مركزة من الرسائل بهدف التأثير على آراء أو سلوك أكبر عدد من الأشخاص. وهي مضادة للموضوعية في تقديم المعلومات، البروباجاندا في معنى مبسط، هي عرض المعلومات بهدف التأثير على المتلقى المستهدف. كثيرا ما تعتمد البروباغندا على إعطاء معلومات ناقصة، وبذلك يتم تقديم معلومات كاذبة عن طريق الامتناع عن تقديم معلومات كاملة، وهي تقوم بالتأثير على الأشخاص عاطفيا عوضا عن الرد بعقلانية. والهدف من هذا هو تغيير السرد المعرفي للأشخاص المستهدفين لأجندات سياسية. فهي سياسيا تعني الترويج واقتصاديا تعني الدعاية ودينيا تعني التبشير.

سلام أبو الدر

مافي بروبقاندا في السودان إلا وتمر على مزاج الرقيب .. والرقيب معروف في السودان

رقيب يمكنه أن يمنع بيع صحيفة بعد الطبع

ودا طبعاً بالاضافة لمجلس الصحافة والمطبوعات نفسه والذي تم تفصيله حسب مقاس الرقيب

الموضوع شائك ومعقد .. ولكن أسعدني مرورك يا راقي

مودتي

ابوعاقلة لك التحية

http://sudaneseonline.com/board/490/msg/%d8%b9%d8%a7%d8%ac%d9%84-%3a-%d8%a7%d8%b2%d9%85%d8%a9-%d9%81%d9%8a-%d8%a7%d9%84%d8%a8%d8%b1%d9%84%d9...-%29-1476888891.html

ابوعاقلة

الكوز مهدي ابراهيم دقس

إن شاء الله ما يلقاها ،وإذا لقاها يلقيها فاذا هي حية تسعى تبلعوا هو وحسبو نسوان وبدرية سليمان وباقي برطمان الهناء ما تخلي فيهم نفاخ النار

بالغت يا منتصر ياخ

قال ليك فاخرة .. فااااااخرة وهدية من سيدي الرئيس ياخ

تقول لي حية تسعى .. الحيّة لينا نحن ديل تبلعنا وتعدمنا نفاخ النار

عشان الناس ديل يرتاحوا زي ما قال عادل امام

يرتاحوا من الشعب الغلبان دا ويتفرغوا لحياتهم الفااااخرة

مودتي

السلطان دينق حبابك يابا

البلد دي الداقسين فيها كتااااار .. لكن المشكلة جلدهم بقى تخين

عدم الاحساس مشكلة ياخ

مودتي

انها فعلا سخرية القدر ان يذاع خبر عن سرقة عصاة مهدى ابراهيم ومن هو ياترى مهدى ابراهيم ومن اى بلاد اتى مهدى ابراهيم للسودان
والله يقشعر البدن لما يحدث الان فى السودان واين وصلت الاحوال فى هذا البلد الذى سرقت ارادته وهويته مهدى ابراهيم من الوافدين
الذين اتو للسودان محمولين على ظهور امهاتهم اليوم نراه يصعد فى برلمان السودان ويتوكا بعصاة رحم الله بلادى وشيوخها فعلا جزيره
مافيها تمساح يقدل فيها الورل تفو عليك فلاتى حقير

انها فعلا سخرية القدر ان يذاع خبر عن سرقة عصاة مهدى ابراهيم ومن هو ياترى مهدى ابراهيم ومن اى بلاد اتى مهدى ابراهيم للسودان
والله يقشعر البدن لما يحدث الان فى السودان واين وصلت الاحوال فى هذا البلد الذى سرقت ارادته وهويته مهدى ابراهيم من الوافدين
الذين اتو للسودان محمولين على ظهور امهاتهم اليوم نراه يصعد فى برلمان السودان ويتوكا بعصاة رحم الله بلادى وشيوخها فعلا جزيره
مافيها تمساح يقدل فيها الورل تفو عليك فلاتى حقير

انها فعلا سخرية القدر ان يذاع خبر عن سرقة عصاة مهدى ابراهيم ومن هو ياترى مهدى ابراهيم ومن اى بلاد اتى مهدى ابراهيم للسودان
والله يقشعر البدن لما يحدث الان فى السودان واين وصلت الاحوال فى هذا البلد الذى سرقت ارادته وهويته مهدى ابراهيم من الوافدين
الذين اتو للسودان محمولين على ظهور امهاتهم اليوم نراه يصعد فى برلمان السودان ويتوكا بعصاة رحم الله بلادى وشيوخها فعلا جزيره
مافيها تمساح يقدل فيها الورل تفو عليك فلاتى حقير

انها فعلا سخرية القدر ان يذاع خبر عن سرقة عصاة مهدى ابراهيم ومن هو ياترى مهدى ابراهيم ومن اى بلاد اتى مهدى ابراهيم للسودان
والله يقشعر البدن لما يحدث الان فى السودان واين وصلت الاحوال فى هذا البلد الذى سرقت ارادته وهويته مهدى ابراهيم من الوافدين
الذين اتو للسودان محمولين على ظهور امهاتهم اليوم نراه يصعد فى برلمان السودان ويتوكا بعصاة رحم الله بلادى وشيوخها فعلا جزيره
مافيها تمساح يقدل فيها الورل تفو عليك فلاتى حقير

يا السنجك يا خوي .. السودان دا بلد المتناقضات
أنا لا أعرف مهدي أبراهيم ولا جذوره
ولكن ما أعرفه أنه هو أحد أركان الحزب اللا وطني
والعصابة التي أضاعت السودان وأضاعت أهله
وكان جينا للحق هناك الكثير من الذين تسللوا للوطن وعاثوا فيه فساداً بلا حسيب ولا رقيب

وما يطفو على السطح الآن من بيع للهوية والجواز السوداني
ستكون له عواقبه (راجع بوست جني) وبكرة يا ما نشوف

وربك يستر بس

تفو عليك فلاتى حقير

حبيبنا عمر .. مودتي ..
عبرك أقول للاخ السنجك مثل هذه العبارات تجعل بعض يتعاطفون
معه حتى لو كانوا معارضة .. لأنها تثير العصبية ..
عارف ومقدر ظروفك وقلبك على الوطن الضائع
وأتابع مداخلاتك التي دائماً ما تكون في الصميم ..

وكما قال الاخ عمر ( لا أعرف مهدي ولا جذوره ) كده صح

مودتي .

السنجك مقولة اللذين دخلوا السودان على ظهور أمهاتهم هي دليل عنصرية النخبة التي اوصلتنا لما نحن فيه ورونا منو الجا داخل السودان بي لكزس هو عواليق ليس لأصله ولكن لأنه كوز مقيت

سلام علي عبدالوهاب

زي ما قال منتصر: منو الدخل السودان دا بي لكزس

مودتي

العنصرية مقيتة .. ولا طائل من ورائها الا دمار المجتمعات
السودان معبر هام للهجرات من وإلى أفريقيا عبر الرحلات الدائمة على مدار العام
سواء للتجارة أو للعلم أو الحج أو غيره
هذه الهجرات هي التي أفرزت لنا هذا السودان بتنوعه وسحناته الجميلة الفريدة في نوعها

وكثير من المهاجرين أستقروا في السودان على مر السنين .. تعايشوا وأمتزجوا مع الأصول وذابوا فيهم
وناس كتير وقرى ومدن وأحياء بكاملها .. لو رجعت لجذروها لوجدت أنها مهاجرة
ولكنهم جزء من الهوية السودانية .. والكيان السوداني .. أثروا الوطن وساحاته في مختلف ضروب الحياة
أهدونا فناً جميلاً .. ورياضة لها تاريخها .. وعلوماً لا زلنا ننهل منها .. والكثير الكثير

وياهو دا السودان .. شئنا أم أبينا

دمتم سالمين

لمتابعة النمط

لا يوجد أسوأ من الصحافة في السودان إلا عنصرية ناس السنجك ديل

Quote: وجاسف

الأخ/ أبوعاقلة- تحياتي
سمعت عن لغة الراندوك ولم أتعرف عليها فهلا تسلط الضوء عليها إن كانت لك معرفة بهاحتى ولو بخيط منفصل.

Quote: مافيها تمساح يقدل فيها الورل تفو عليك فلاتى حقير

؟؟؟؟؟!!!!!!

الاخ السنجك

سلام وتحية.

أنا لم أدخل هذا البوست منذ مداخلاتي فيه قبل مدة، ولقد دخلته الأن وقرائت فيه ما كتبته أنت عن الفلاتة، في الحقيقة هذا كلام عنصري بغيض ويجب أن لا يصدر منك، كما يجب أن تعتذر عليه.

وجب عليك الاعتذار يا السنجك

أمانة ما أتلومت تب

ياخ عليك الله هو السودان دا كيفن بلا هذا التنوّع الجميل

مودتي

حماد الطاهر .. كبّر اللفة ياخ
شاكر مرورك

بالنسبة للراندوك مافي معرفة وثيقة كدا إلا كلمات الواحد يسمعها من هنا وهناك
شغلتنا الغربة عن متابعة الشارع السوداني الكل يوم فيه جديد يدهشك
أتوقع في بوست في المنبر دا اتعمل قبل كدا عن لغة الراندوك (أقع الأرشيف)
ولو لقيت زمن بحاول أجمع فيه المفردات دي معانيها للفائدة العامة

مودتي

منتصر حبااابك تاني

((ورونا منو الجا داخل السودان بي لكزس))

انت عارف لو نظرت للسودان دا من كل الجوانب تلقى فيه ابداع عجيب وفي كل المجالات
كل المقومات متوفرة عندنا لنهضة لا مثيل لها
ولو جيت تشوف وين مكمن الداء ووين الخطأ
تلقى في أمور أقعدت السودان وكسّرتنا نمشي لي قدام
أكبر حاجة فيها هي العنصرية التي لازمت الحاكم والمحكوم فترة طويلة من الزمن
غايتو إلا نحلم معاك بوطن خالي من العنصرية لأنها جد بغيضة .

مودتي

سلام ود الامام

هي كلها على بعضها وجوه لعملة واحدة
ولا نستثني شئ من مشاكل السودان والحفرة الواقع فيها
ياخ نحن بقينا متأخرين في كل حاجة

إنا لله ياخ