في أيام العزاء جاتني مكالمات كتيرة من زملاء في المنبر، ما كنت أحسب أنني سأسمع صوتهم يوماً من بينهم ناس بيني وبينهم خلافات كبيرة في الرأي، تلقيت تعزيتهم الهاتفية لي وشعرت بحميمية في حديثهم وصدقا في التعاطف عقب كل محادثة مع أحدهم كنت أتساءل عن شنو كدا ما عارف
الأصدقاء المقصودين هم: أبو بكر عباس كبر معاوية المدير محمد المشرف جلالدونا
ما بقصد الاختلاف والخلاف، فهو مطلوب، بقصد الحيريب والشَكَل
تصالح هؤلاء الأصدقاء (أصدقائي أقصد) سيجعل المنبر مكاناً أجمل كلهم أساسيين في هذا المنبر، ومداخلاتهم مهمة
بمعرفتي الشخصية أستطيع أن أضمن استعداد المستنير (حسب تصنيفه لنفسه) والمشرّف، للمصالحة ود المدير وجلالدونا وكبر، معرفة أسافير جميلة أفتخر بها. أستطيع أن أضمنهم بحسن نية
Post: #2 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-19-2016, 05:27 AM Parent: #1
هل من مثني؟ أم أنني نسيت الكتابة؟
Post: #3 Title: Re: كيف يمكن مصالحة هؤلاء الأصدقاء؟ Author: علاء سيداحمد Date: 10-19-2016, 05:52 AM Parent: #2
والصلح خير تحياتى يا معاوية وربنا يرحم ويغفر لوالدتكم ويجعل مثواها الجنة
Post: #4 Title: Re: كيف يمكن مصالحة هؤلاء الأصدقاء؟ Author: الطيب رحمه قريمان Date: 10-19-2016, 06:11 AM Parent: #3
اخى معاوية الزبير
السلام عليكم و رحمة الله و بركاته
البركة فيكم و أحسن الله عزاءكم و رحم ميتكم و غفر لكم ..
نسال الله تعالى ان يرححم الوالدة و يسكنها فسيح جناته مع الصديقين و الشهداء و حسن اؤلئك رفيقا ..
Post: #5 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-19-2016, 09:15 AM Parent: #4
علاء سيد أحمد والطيب رحمة قريمان أشكركما
Post: #6 Title: Re: كيف يمكن مصالحة هؤلاء الأصدقاء؟ Author: خالد العبيد Date: 10-19-2016, 11:11 AM Parent: #5
في يوم عشرة شهر عشرة فتحت البوست الذي كنت تشكر فيه الاصدقاء الذين عزوك في فقدك الجلل كتبت خمسه كلكات فقط .. وكنت لتوي عائد من السودان بعد رايت امي للنرة الاخيرة وفارقتها والدمع يجري كنت اريد ان اكنب لك : كنت هناك في السودان وبحثت عن تلفون لك لنلتقي . وقبل ان اكمل العبارة وانا اكتب .. هاتفني شقيقي وابلغني برحيل امي فاظلمت الدنيا وتجمدت اطرافي رحيل الام شلل يا معاوية فاين الصبر الذي اسمع به .. اين ؟
Post: #7 Title: Re: كيف يمكن مصالحة هؤلاء الأصدقاء؟ Author: محمد حمزة الحسين Date: 10-19-2016, 01:25 PM Parent: #6
أحسن الله عزاءكم معاوية وخالد في فقد ركازة بيوتكم الام نور البيت وركازته اللهم ارحمهما جمعيا وتقبلهما واغفر لهما آمييين مطولين من البورد حتي والله لم اسمع برحيل اباذر البورد كما يحلو لي ان اطلق عليه المرحوم حرسم الا من صورة برفايل صديق رحم الله حرسم والدتيكما وموتانا وموتي المسلمين آميييين : : : : : الصلح خير يا معاوية وما توفيقك إلا بالله مع التحييات لله الزاكيات
Post: #8 Title: Re: كيف يمكن مصالحة هؤلاء الأصدقاء؟ Author: محمد المسلمي Date: 10-19-2016, 02:33 PM Parent: #7
أحسن الله عزاكم وربنا يصبركم
------ أرسلت لك في الماسنجر لضياع التلفون وارسلت لي ودابوسن عشان الرقم ضاع مني ولكن لم أوفق في ذلك
Post: #9 Title: Re: كيف يمكن مصالحة هؤلاء الأصدقاء؟ Author: عبدالعظيم مكى Date: 10-19-2016, 03:03 PM Parent: #8
احسن الله العزاء. ربنا يتقبل والدتك.
لا اظن ان هنالك خلافات شخصية وانما اختلافات فكرية. الاختلافات الفكرية لا تحتاج الي مصالحة.
تحياتي
Post: #10 Title: Re: كيف يمكن مصالحة هؤلاء الأصدقاء؟ Author: جلالدونا Date: 10-19-2016, 11:21 PM Parent: #9
رحم الله الوالدة و غفر لها و جعل مثواها الجنة اتصلت عليك مرتين لكن يظهر انو الوقت كان اخر ليل شديدعندكم خاصة و انت مسافر تانى يوم ____ شاكر و مقدر احساسك الراقى و سعيد بى حبل الود الربط بيناتنا و كل الاخوة و الاخوات هنا و صدقّنى لا خلاف لى شخصى مع الاستاذين كبر و ابوبكر و لا احمل تجاههما اى مشاعر سالبة انما هو غضب لطريقة تناولهما للذات الالهية و رسولها الامين بالصورة الما اظن تكون مقبولة فى نظر اى مسلم كل الذى ارجوهو ان يكفّا عن اذيتنا فى ما نؤمن به بهذا الاسلوب المبتزل غير ذلك لا املك لهما الا كل الاحترام عميق شكرى ليك و جاهز لى كل طلباتك
Post: #11 Title: Re: كيف يمكن مصالحة هؤلاء الأصدقاء؟ Author: Haytham Ghaly Date: 10-20-2016, 06:33 AM Parent: #10
فعلاً يا معاوية جميعنا نتمنى ان تزول الخلافات بين هؤلاء الأصدقاء
دعونا نحقق المقولة التي تقول بان اختلاف الرأي لا يفسد للود قضية
الأخوان جلال وود المدير تحياتي
بصراحة انتو من ضمن الأعضاء الذين اكن لهم الاحترام الكثير جداً
والمس فيكم روحاً طيبة ومرحة ومحببه للجميع هنا
ولكن في بوست ابوبكر عباس صدمت لهذا السيل من السباب والانفعال الزايد
الذي لا يشبه ما اعتدت عليه من خلال تعاملنا الاسفيري في هذا البورد
أي نعم من حقكم الغيرة على ما تعتقدون ولكن ليس من حقكم السب والشتم الذي
وجهتموه للاخوة كبر وابوبكر وانا هنا لا اصحح ما قاله كبر او ابوبكر واساء لمعتقدات الناس
ولكن أرى انهما لم يتعرضا لشخصكما بأي إساءة فإن اساءا للذات الإلهية التي انتم تقدسونها
فهذا بالتأكيد خطأ منهم وأتمنى منهم مراعاة ذلك في المستقبل
ولكن كان الاجدى بالدعوة لهما بالهداية والله قادر على عقابهم وهو شديد العقاب
وقادر على العفو عنهم وهو العفو الكريم وقادر على رحمتهم وهو الرحمن الرحيم
لذلك لا أرى أي سبب يدعوكم دون سائر الأعضاء هنا للتصدي لهم بهذه الطريقة التي
لا تليق بكم ولولا ما اكنه لكم من محبة واحترام ومثله للإخوان كبر وابوبكر لما تطرقت لهذا الموضوع
ولا حتى كنت كلفت نفسي عناء الرد
أتمنى من كل قلبي صلاح الحال كما الأخ معاوية
تحياتي لكم جميعاً
ولا زلت مصر يا معاوية ان المشرف وابوبكر نقاط الالتقاء بينهم اكثر من نقاط الاختلاف
ففيم هم مختلفين؟؟؟
Post: #12 Title: Re: كيف يمكن مصالحة هؤلاء الأصدقاء؟ Author: محمد مجيدو Date: 10-20-2016, 07:24 AM Parent: #1
سلام للاخوان معاوية الزبير ... وخالد العبيد ...
والبركة فيكم و أحسن الله عزاءكم واسال الله ان يرحم والدتكم رحمة واسعه و يسكنها فسيح جناته مع الصديقين و الشهداء ....
والمعذرة على التاخير في التعزية ... حيث كنت مسافر ولم ادخل المنبر منذ فترة طويلة ..
جبر الله كسركم .. و نسأل الله لكم الصبر والسلوان ..
تحياتي ,,,
Post: #13 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-20-2016, 08:20 AM Parent: #12
اشمعنا ما داير تصالحني مع اخلاص ونعمات؟
Post: #14 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-20-2016, 11:33 AM Parent: #13
سلآمات للجميع هنا عدا ابو بكر (المستنير). أشكرك أخي معاوية علي حسن النيّة، بس انا بتكلم علي راحتي في هذا البوست وهذا للعلم.
معاوية المدير...
Post: #15 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-20-2016, 11:35 AM Parent: #14
Quote: اشمعنا ما داير تصالحني مع اخلاص ونعمات؟
إنت البيوديك تتشاكل مع النسوان شنو ؟...
Post: #16 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-20-2016, 11:55 AM Parent: #15
تعرف يا معاوية*، من يوم دينا خالد سابت المنتدى بقيت حاسي انو ما عندي حبيب بالمنتدى وبقيت معادي كل الناس. الناس المشاكلم كتار، صعب عقد مصالحات استاربكسية فردية مع العدد الكبير دا؟! فشنو؟ تقوم اتا ترجع دينا، طوالي دا ح يخفي سلوكي العدائي بتاع "سوء الطوية" وبرجع حمل وديع
* اسم معاوية في كامل مداخلاتي يقصد به معاوية الزبير
Post: #17 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-20-2016, 11:59 AM Parent: #16
بعدين قول أنا صالحت الناس دي ودينا خالد غائبة؛ الناس ح تستمتع بياتو نوع من الكتابة؟! معاوية، شوف حاجة تانية ان شاء الله نجمع تبرعات لجنون البقر
Post: #18 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-20-2016, 12:03 PM Parent: #17
عليك الله، يا معاوية، اكتب لي بتاعت ابو ذكرى لمان لاقى حبيبتو قعد يقبل في البصلت وشنو كدا ما عارف، اكتبها يمكن طيف دينا يخلينا نشرب معاهم قهوة
Post: #19 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-20-2016, 12:48 PM Parent: #18
اسم ابو بكر في البوست دا بقصد بيهو أبو بكر عباس مُدعي الإستنارة المسمي نفسو (المستنير)...
Post: #20 Title: Re: كيف يمكن مصالحة هؤلاء الأصدقاء؟ Author: علي دفع الله Date: 10-20-2016, 01:01 PM Parent: #19
الصديق معاوية الزبير والصديق خالد عبيد تعازينا الحارة لفقدكم امهاتكم ويا له من فقد جلل... ------- ابو بكر المستنير خسم ود المدير دا امكن يسامحك ههههههه انت سويت ليه شنو وزعلتو قدر دا حسب معرفتي الاسفرية بي ود المدير زول بحر وما بزعل قدر دا ..الا كان وصلتو مرحلة بعيدة من الزعل .. يلا يا ود المدير يا حبوب اجبر بي خاطر ود الزبير وخليك كوووول ايه الدنيا غير لمة ناس في خير او ساعة حزن ...
Post: #21 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-20-2016, 01:53 PM Parent: #20
Quote: الأخوان جلال وود المدير تحياتي بصراحة انتو من ضمن الأعضاء الذين اكن لهم الاحترام الكثير جداً والمس فيكم روحاً طيبة ومرحة ومحببه للجميع هنا ولكن في بوست ابوبكر عباس صدمت لهذا السيل من السباب والانفعال الزايد الذي لا يشبه ما اعتدت عليه من خلال تعاملنا الاسفيري في هذا البورد أي نعم من حقكم الغيرة على ما تعتقدون ولكن ليس من حقكم السب والشتم الذي وجهتموه للاخوة كبر وابوبكر وانا هنا لا اصحح ما قاله كبر او ابوبكر واساء لمعتقدات الناس ولكن أرى انهما لم يتعرضا لشخصكما بأي إساءة فإن اساءا للذات الإلهية التي انتم تقدسونها فهذا بالتأكيد خطأ منهم وأتمنى منهم مراعاة ذلك في المستقبل ولكن كان الاجدى بالدعوة لهما بالهداية والله قادر على عقابهم وهو شديد العقاب وقادر على العفو عنهم وهو العفو الكريم وقادر على رحمتهم وهو الرحمن الرحيم لذلك لا أرى أي سبب يدعوكم دون سائر الأعضاء هنا للتصدي لهم بهذه الطريقة التي لا تليق بكم ولولا ما اكنه لكم من محبة واحترام ومثله للإخوان كبر وابوبكر لما تطرقت لهذا الموضوع ولا حتى كنت كلفت نفسي عناء الرد
حباب ود الغالي. يا ود الغالي تعلم مدى معزتي وإحترامي لك، وأنا كما هو وآضح من 2009 في الحوش دا اعامل الناس بكل أدب وإحترام وأحاول إرضاء الجميع ما استطعت، ؤ زي ما قال أخونا علي دفع الله بالساهل ما بزعل، بس كدي خليني اشرح ليك سبب إنفعالي هنا بنفس بارد ؤ بارك الله في ود الزبير. هنا انا لا أحب ان أقحم نفسي في المواضيع الدينية وأتحاشاها ما استطعت وإفتكر جاوبتك في مدآخلة وطلبت منك ان تعفيني من الإستفاضة وإن شئت شرحت لك، لكنك تفضلت مشكوراً وعفيتني. انا قصدت اشتم وشتمت وانا في كامل وعيي ؤ بي سببي. يا هيثم النفرين ديل، ابو بكر وكبر، كبر دا محامي و ابو بكر دكتور بيطري إضافة إلي أنه مُدعي الإستنارة وأطلق علي نفسه لقب (المستنير) كما هو معروف هنا وهو كما واضح للجميع ليس له مثقال ذرة من شك في أنه مستنير حقاً، ولذلك انا آخذه في هذا الجانب بالتصديق الكامل، أضف إلي ذلك اللتنين ديل جربوا العيش في امريكا الشمالية، كبر مقيم في كندا، وابو بكر المستنير يتردد علي امريكا. نجي لحكاية امريكا الشمالية، كندا وامريكا اللتنين مستقطبات لجنسيات من جميع انحاء العالم، يحملوا عادات وتقاليد مختلفة ويعتنقوا ديانات مختلفة يحكمهم قانون وآحد يحفظ للجميع حقوقهم في العيش وممارسة شعائرهم كاملة والجميع يحترم هذا القانون حتي المستنير وكبر. في هذا المجتمع قد تجد الذي يعبد الفأر والذي يعبد البقرة والذي لا يعبد شئ والذي يعبد حجر وهكذا، ولا يستطيع لا كبر ولا المستنير ان يتجرأ ويكتب في جريدة ولو كلمة يستهزئئ فيها بهذا الفأر أو هذه البقرة أو ذآك الحجر ولا يستطيع واحد فيهم يكتب في جريدة ما كتبه هنا في شأن الله، ولو إعتدى شخص علي عابد الفأر في الشارع وأستخفّ بفأره يمكن ان يجد تعاطف من جميع الناس حتي كبر والمستنير إن كانوا حضور. خليني اسأل وين إستنارة ابو بكر ؤ وين محاماة كبر ؟. نسبةً لأنوا في قانون في امريكا الشمالية بيعاقب القانوني كبر والمستنير ابو بكر لذلك يصدر منهما إحترام كامل لمعتقدات جميع الناس بما فيهم المسلمين، لكن لآمن المسألة تبقى ما فيها قانون بيعاقب الإعتداء يحصل نسبةً لأنوا الإحترام غير موجود عند هاتين الشخصيتين، والشخصيتين ديل بهيميتين لا يحترمن الآخر إلا بالقهر او القانون وانا بشوف الحط من قدر امثال هاؤلاء وإعتبارهم سقط متاع هو انسب شئ يمكنني ان اتعامل معهما علي اساسه. دي إستنارة ليست في محلها وسنين في كلية القانون لم تأدب صاحبها فراحت شمار في مرقة. بعتذر للجميع علي عبارات الشتم التي كتبتها في حق المستنير والمحامي، ولا إعتذار للمستنير والمحامي.
Post: #22 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-20-2016, 03:10 PM Parent: #21
سؤال: القس الأمريكي الشال المصحف وقال داير يحرقو؛ ليش القانون ما عاقبو؟ الكريكتيرات الدنماركية، ليش القانون ما عاقب اصحابها؟ السخرية من الأديان من صميم حرية الكلام
الآن يراسلني صديق في الخاص للرجوع والكتابة بمنتدى سودانيات قلت ليهو سودانيات بها مادة تمنع السخرية من المقدسات وأنا حياتي هي نقد الأديان والسخرية أهم أداة لهذا الهوى
كلما أقول اتا كيشة ألقاك أكثر كياشة
Post: #23 Title: Re: كيف يمكن مصالحة هؤلاء الأصدقاء؟ Author: محمد البشرى الخضر Date: 10-20-2016, 03:31 PM Parent: #22
Quote: قلت ليهو سودانيات بها مادة تمنع السخرية من المقدسات
طيب نفس المادة دي هنا برضو موجودة!
قول هنا - كانت - في دينا خالد بس
Post: #24 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-20-2016, 04:00 PM Parent: #23
وأنا حياتي هي نقد الأديان ـــــــــــــــــــــــــ هيي لكن نحن ماأخدنا كفايتنا،شوف غيرنا كمان.. ناس (الفار والبقرة والقرد)..وللا ديل عشان زباين
Post: #25 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-20-2016, 05:32 PM Parent: #24
معقول في مادة زي هنا؟! لو فعلا في؛ بشيل فوانيسي وبرحل من بكرة دي. يا عليش مداخلتك غير مرحا، فيها وجاهة لكن عندي مشكلة؟ ستة وستين في المية من قراء سودانيز غير الاعضا ديل بفتحوا المنتدى مع قهوة الصباح؛ عشان يشوفوا جديد المستنير ما بقدر أفوت حبايبي القراء
Post: #26 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-20-2016, 05:59 PM Parent: #25
الإخوة الأعزاء أشكر لكم تداخلكم وتعزياتكم متابع البوست لكن الرد صعب شوية بالنسبة لي اليومين دي، فمعذرة سأعود -حين ميسرة- لتناول بعض المداخلات
Post: #27 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-20-2016, 06:49 PM Parent: #26
يا عليش مداخلتك غير مرحا، فيها وجاهة ـــــــــــــــــــــــــ ياها المحرية فيك.. هاك دي كمان..
قالوا في صبي اسمو فوطة،الصبي دا بحب العربات حب شديد،عشان كدا كان معذب أبوهو ،كل يوم يحنسو :يابا بدور اشتغل مساعدي.. يوم أبوهو زهج منو،قاليهو :امشي لي الزاكي سيد اللوري،كان شغلك معاهو اشتغل طوالي.. فوطة مشى للزاكي،لقى اللوري بشحنوا فيهو.. الزاكي قاليهو :ود حلال والله ،الليلة مساعدي عيان وأنا على سفر..أرح معانا طوالي.. اللوري كان شاحن ركاب وبضاعة...في واحد من اللساتك بتاعات اللوري تعبان شوية،واللستك الإسبير برضو تعبان ورافعنو مع الركاب..أها الزاكي قال لي فوطة،أعمل حسابك شديد للستك الإسبير،ماتخلي زول يقربلو.. في الشارع فوطة كرّه الركاب سفرن ،قدر مازول منهم يتزحزح عشان يجي يركب في اللستك،فوطة بهرشو طوالي.. بعد مسافة في غنماية لاوزت للزاكي،دار يتفاداها،قام قلب اللوري..فوطة خشّ في اغماءة، لما صحى لقى هدومو ملانا دم،والركاب بين قتيل وجريح..و قبل مايفقد سواقو حي وللا ميت،وللا يفقد نفسو مصاب وين،بقى يقلب في الركاب،المصابين طبعا كانوا بكوركوا لأنو حركات فوطة بتألمن..في واحد عمك عجوز مضروب و بحتضر،وأظن فضليهو 5 كلمات في حياتو كلا،من شدة زهجو من فوطة قام ضيعهن كلهن :ياولد إت بتفتش في شنو؟ :بدور اللستك الإسبير..
يافوطة استنارتك دي،لستك إسبير ساي..
ستة وستين في المية من قراء سودانيز غير الاعضا ديل بفتحوا المنتدى مع قهوة الصباح؛ عشان يشوفوا جديد المستنير ما بقدر أفوت حبايبي القراء ــــــــــــــــــــــــــــ قبل فترة بسيطة كانوا أكتر من كدا كتير...ليه التدهور دا،إنت الأيام دي ممصر وللا إيه؟
Post: #28 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-20-2016, 07:44 PM Parent: #27
ستة وستين في المية من قراء سودانيز غير الاعضا ديل بفتحوا المنتدى مع قهوة الصباح؛ عشان يشوفوا جديد المستنير ــــــــــــــــــــــــــــــــــــــــــ للأمانة وكدا،أنا من ضمن ال66% ديل ...لكن مابفتح المنبر عشانك وبس.. تحياتي
Post: #29 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-20-2016, 07:52 PM Parent: #28
ما بقدر أفوت حبايبي القراء ــــــــــــــــــــــــــــــ معليش دي مافهمتها.. كيف استنبطت إني قلتليك فوت؟
Post: #30 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-20-2016, 09:36 PM Parent: #29
Quote: كندا : يمنع القانون الكندي خطابات وأفكار الكراهية ضد أي مجموعة دينية أو عرقية وتمنع الأفكار أو الكلام أو الصور التي تعتبر مسيئة أخلاقيا من الناحية الجنسية حسب القوانين الكندية وفي 29 ابريل 2004 وافق البرلمان على قانون يمنع الإساءة لشخص بسبب ميوله الجنسية.
الولايات المتحدة : في الولايات المتحدة وضعت المحكمة العليا مقياسا لما يمكن اعتباره إساءة أو خرق لحدود حرية التعبير ويسمى باختبار ميلر Miller test وبدأ العمل به في عام 1973 ويعتمد المقياس على 3 مبادئ رئيسية وهي : عما إذا كان غالبية الأشخاص في المجتمع يرون طريقة التعبير مقبولة وعما إذا كان طريقة إبداء الرأي يعارض القوانين الجنائية للولاية وعما إذا كانت طريقة عرض الرأي يتحلى بصفات فنية أو أدبية جادة.
اوّل مرّة اعرف إنك عايش في الدنيمارك. زيّنة كاملة من الإستنارة اتلحست. بعدينك يا ماك حريف في فرق بين نقد الأديان والإساءة. فتش البلك عشان يمكن يكون في زول سحبو من توصيلة كهرباء الإستنارة...
Post: #31 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-21-2016, 01:54 AM Parent: #30
يا أخي، كنت متأكد انو الموضوع رايح ليك؟ رواية سلمان رشدي، هل هي نقد أديان أم اساءة لها؟ عشان نمشي معاك شويّة شويّة انت والكيشة جلال كندا بتاعتك دي تمنع بالقانون عديل بعض السلوك المرتبط بالدين زي تعدد الزوجات يعني ممكن أقيف في الداون تاون بتاع مدينتك وأقول: تعدد الزوجات سلوك مجتمعي متخلف جدا وبهيمي ما زال الاسلام يجيزه بالله شوفوا ديل؟! أها أنا لو قلت الكلام دا في سودانيز، اتا بتسبني، لكن لو قلتو قدام بيتك في كندا؛ بقم ما تقدر تقولها لي ويمكن اطفالك يصفقوا لي يا كيشة
Post: #32 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-21-2016, 02:21 AM Parent: #31
قصة انو جلّة ومدّة ديل زعلانين مني في سبيل الله، ما واقعة لي!
نحن في مجلس تصالح، قولوا الحقيقة
Post: #33 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-21-2016, 05:22 AM Parent: #32
نحن في مجلس تصالح، قولوا الحقيقة ــــــــــــــــــــــــــــــــــــــــــــــــــــــ
كلامك دا متاخر شوية،إت قبيل قلت
تعرف يا معاوية*، من يوم دينا خالد سابت المنتدى بقيت حاسي انو ما عندي حبيب بالمنتدى وبقيت معادي كل الناس. الناس المشاكلم كتار، صعب عقد مصالحات استاربكسية فردية مع العدد الكبير دا؟! فشنو؟ تقوم اتا ترجع دينا، طوالي دا ح يخفي سلوكي العدائي بتاع "سوء الطوية" وبرجع حمل وديع ـــــــــــــــــــــــــــــــــــــــــــــــــــ
وحسب متابعتنا دينا خالد لسة مارجعت ـــ سواء بمجهود معاوية أو خلافه ــــ إلاّ تكون رجعت للمنتدى عن طريق الماسنجر..ودي نقطة رغم إنها وجيهة، إلاّ أنه لايمكن حسابها لصالحك في هذا الصدد،لأنك لم تشر إلى هذه الحيثية منذ البداية،في تعليقك لمعاوية... الخلاصة إت متضارب في بوست واحد،وفي مداخلتين ،الفاصل الزمني بينهما ـــ وكذلك العددي ــــ ضعيف،ولايسمح بالنسيان.. ودا بأييد رأيي فيك واللي هو: إت زول متناقض،مقلق،وغير محدد، واحتمال كبير تكون اكتر من زول (أرجو ألاّ يذهب تفكيرك لأني أشير،لعدم صونك لباسويردك،فأنا بالتأكيد أعني أنك : مهبوش ).. ودي حاجات ماكعبة بصورة مطلقة،بالعكس قد تكون ميزة كبيرة.. والبحدد إنها تكون ميزة وللا منقصة،هو ضرورة إنك تفهما،وتعترف بيها،ولما تتحرش بيها بي زول ،مفروض تتراجع.. يعني ماممكن تفتح باب هظار،والناس تجي تهظر معاك ،تقوم فجاة تقلبو جد.. وبرضو مامكن تكون داير المجتمع السوداني،يعيش في استقرار،وإت في نفس الوقت،بطقش في معتقداتو وبدون ماتكلف نفسك حتى ، وتورينا يعني بديلك المقترح شنو،عشان نحن نسد احتياجاتنا الروحية،ولودايرنا كمان نتخلى عنها على الإطلاق،تكون دي انانية منك ساي.. وكمان في حاجة تانية،إت بتحب الناس يجاملوك ويعاملوك بتودد،وفي نفس الوقت،بخيل في الشعور دا تجاه الناس،وبتغطي على بخلك دا بمحاولة تخفيف الدم.. لو جاز أن أطلب منك خدمة :أبقى لينا زولا واحد..معروف من الطبيعي أي زول يحمل في داخله كمية من المتناقضات، لكن إت موسع الشغلانة كتير، قلل مقياس الرسم شوية،خلي الخريطة تبقى كبيرة،عشان نقدر نقراها..
*لكن الكلام دا كلو مابينفي حقيقة نحن من قرائك.. تحياتي
Post: #34 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-21-2016, 05:29 AM Parent: #33
سلام ليك يامعاوية الزبير في معتكفك.. نسيت أقوليك مداخلاتي دي ،هي مساهمتي في مجلس الصلح دا.. وأنا حريص جدا على ان تقرأ في هذا السياق.. مشكورين
Post: #35 Title: Re: كيف يمكن مصالحة هؤلاء الأصدقاء؟ Author: طه كروم Date: 10-21-2016, 05:37 AM Parent: #34
تحياتنــــــــــــــــــا والتعازى الحارة فى فقيدتكم الغالية
لها الجنـــــــــــــــــة ولكم الدعوات بالصبر الجميـــــــــــــــــــــــل
عـــــــــــــــذرا للتأخير لعدم دخول المنبر لفترة طويلة
Post: #36 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-21-2016, 05:56 AM Parent: #35
Post: #37 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 06:30 AM Parent: #36
سلآمات يا عليش. المستنير شخصية مضطربة مع قليل من اللزوجة. لا أستطيع ان أخفي إعجابي بكتاباته في فترته الأولى زمن جك الفول ومن وجهة نظري هي أجمل ما كتب، لكن ركوبوا لحمار الإستنارة قبل يطيعوا خلآهو يدخل بيهو في مستنقع الضياع الآسن فأصبحت تفوح الرائحة من مداد قلمه السبب الذي جعل الجميع يعافه، وأصبح ملفوظ من الكثيرين. قهوة الصباح ممتعة وجميلة ما أعتقد زول واعي يفسد متعتها بنتن ريح قلم ابو بكر المستنير...
Post: #38 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-21-2016, 06:32 AM Parent: #36
نرجع لبقية تحليلك النفسي: صعب تثبت تناقضي؟؟ مرضي النفسي الذي تحتول الوصول إليه اساسه محاولتي الجسورة أن لا أتناقض؟ فمداخلاتي وآرايي مفتوحة الجوانب وهي كما أشرت أنت لا تعطي حلا وقد تكون مدمرة. ألحظ ثغرات الكتابة بصورة سريعة جدا، ومحاولتي الولوج لتلك الثغرات تثير حفيظتكم خليني أنطط شويّة: - محمد آدم عندي إله، كنت اتابعه بشقف، رجل لا يتناقض بسهولة لو قلت ليك انو جزء مني حزين انو محمد آدم فشل في سد ثغرات مداخلته الصاعقة.
- معاوية الزبير دا نموذج لأحلى زول ممكن تصادفه على الاطلاق متناقض لكنو تناقض كريم
Post: #39 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 06:48 AM Parent: #38
Quote: نرجع لبقية تحليلك النفسي: صعب تثبت تناقضي؟؟ مرضي النفسي الذي تحتول الوصول إليه اساسه محاولتي الجسورة أن لا أتناقض؟ فمداخلاتي وآرايي مفتوحة الجوانب وهي كما أشرت أنت لا تعطي حلا وقد تكون مدمرة. ألحظ ثغرات الكتابة بصورة سريعة جدا، ومحاولتي الولوج لتلك الثغرات تثير حفيظتكم
Quote: معقول في مادة زي هنا؟! لو فعلا في؛ بشيل فوانيسي وبرحل من بكرة دي. يا عليش مداخلتك غير مرحا، فيها وجاهة
Quote: 15. لا يجوز لأعضاء المنبر العام التطاول على الذات الإلهية (هُوَ اللَّهُ الَّذِي لَا إِلَهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ) أو السب والتقليل من مكانة الرسل والأنبياء، أو التعرُّض للأديان أو المعتقدات أو الوطن في مُقدّراته وهويته وأرضه وعرضه أو العمل على تفكيك النسيج الإجتماعي للمجتمع السوداني واستهدافه في قيمه وأخلاقه.
إنت يا اللخو ادوّك الباسويرد ؤ جيت تخبط خبط العشواء. تعال يا بكري لملم عِدة المستنير ؤ معاها عِدة المحامي أرميهِن في الزبالة. إنت قايل تناقضك دايرلو رفع ضو ؟...
Post: #40 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 07:05 AM Parent: #39
Quote: عشان نمشي معاك شويّة شويّة انت والكيشة جلال كندا بتاعتك دي تمنع بالقانون عديل بعض السلوك المرتبط بالدين زي تعدد الزوجات يعني ممكن أقيف في الداون تاون بتاع مدينتك وأقول: تعدد الزوجات سلوك مجتمعي متخلف جدا وبهيمي ما زال الاسلام يجيزه بالله شوفوا ديل؟! أها أنا لو قلت الكلام دا في سودانيز، اتا بتسبني، لكن لو قلتو قدام بيتك في كندا؛ بقم ما تقدر تقولها لي ويمكن اطفالك يصفقوا لي يا كيشة
أنا أصلي من يوم مسكتك الطرطشة لآحظتلك كلآمك بقى ما ياهو. عاين لي جاي، القانون الكندي فيهو مواد بتمنع بعض الأشياء ؤ فيهو مواد بتجيز بعض الأشياء، بقدر ما القانون الكندي بيسمح ليك تتكلم في تعدد الزوجات بيمنعك تسخر من الآله، عشان كدا ما بتقدر تقيف وسط الدآون تاون ؤ تسخر من الله. تعدد الزوجات موضوع خاضع للأخذ والرد ؤ ممكن يكون محور نقاش بيني وبينك لكن السخرية من الله لا يمكن تكون محور نقاش. علي اسواء الفروض ياخي مفروض تحترم إعتقادي. ياخي في رمضان الخواجة في البلآد دي لو عِرِف إني صائم لا يمكن يأكل قدامي ؤ دا شئ عام كلهم بيعملوا كدا لأنّ المجتمع راقي ومستنير، إنت قايل الإستنارة دي إدعاء وهرج ومرج ساكت ؟...
Post: #41 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 07:08 AM Parent: #40
بطّل إزعاج انا داير انوم، واللآ أمشي طقشلك بيلي في الشارع، ؤ ما تنسى تلبس لِباسك سمح...
Post: #42 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-21-2016, 07:12 AM Parent: #40
وحات سيدي الحسن، يا معاوية المدير، المادة دي أول يوم اشوفها دي آخر مداخلة لي
بالمناسبة يا ابصلعة ودينق وكوستاوي وعبد الله عبد الله، المادة دي تتناقض مع الدستور الأمريكي لو حذفتوها رسلوا لي ايميل بجي
مداخلة دهب تلبو في بوست طه بتاع سكرتير الحزب الشيوعي تستحق التأمل لحين عودتي بعد حذف المادة
Post: #43 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 07:25 AM Parent: #42
اصدقك القول، والله العظيم لن أكون سعيد بمغادرتك...
Post: #44 Title: Re: كيف يمكن مصالحة هؤلاء الأصدقاء؟ Author: Haytham Ghaly Date: 10-21-2016, 07:38 AM Parent: #43
اصدقك القول، والله العظيم لن أكون سعيد بمغادرتك...
---------------
يا سلاااااام عليك يا معاوية
كنت متأكد انو الحصل دا كلو موجة غضب ولكن الشعور الراسخ وثابت هو المحبة والخوة بيننا جميعاً ومداخلتك دي دليل على بياض ضميرك ونيتك
نتمنى من ابوبكر العدول عن فكرة مفارقة المنبر يمكن افتراع بوست ومناقشة المادة او عمل استفتاء للاعضاء حتى تكون المسألة ديمقراطية نتيجتها ترضي الجميع
لكم محبتي وتحياتي
Post: #45 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 07:54 AM Parent: #44
بيد عمرو لا بيدي يا مستنير أقصد مغادرتك المنبر خليها لبوست آخر
لا يعقل أن تكون في بوست فاتحو لمصالحتكم قليل من الحساسية ياخ
Post: #46 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-21-2016, 08:10 AM Parent: #45
يا أخوانا إنتو بتبالغوا؟ الزول دا قدر ماينضغط بقول ماشي ومابمشي، وأنا ــــ ومابحلف ــــ مادايرو يمشي... لكن كمان دايرو يحدد ليهو حدود واضحة ،طبيعية،وعادلة، بختوها ــــ تلقائيا وعفوياـــ أي ناس بشتركوا في علاقة ما... الأسئلة كالآتي: المستنير رقم مهم في المنبر وللا لا؟ الاجابة نعم رقم مهم... طيب هو قعد يؤذي الناس؟ نعم.. عشان يثبت شنو،أو قضيتو شنو؟ لاشئ..لستك فوطة الإسبير..كل ذلك الدمار دون شئ.. طيب هو بتحمل التعامل بالمثل؟ لالالا..
*نحن أصلا ناس كورة،زي المستنير دا لاقيناهو كتير زمان..اللاعب لما يشعر إنو مهم في الفريق، وإنو التيم مابقدر يحقق نتائج من غيرو،بقوم يحاول يبني لي نفسو وضع كدا خاص.. يعني عاملوني بطريقة خلاف البعاملكم بيها،وللا ح تخسروا مبارياتكم... *يامستنير انا ماقلت إنك مريض نفسي...دار تبقى زي ود الباوقة كمان.. بعدين أنا هنا معااااك...لكن بطريقتي الشايفة أنا صاح
Post: #47 Title: Re: كيف يمكن مصالحة هؤلاء الأصدقاء؟ Author: طلحة عبدالله Date: 10-21-2016, 08:23 AM Parent: #46
أسأل الله أن يرحم أمك ويغفر لها وينزلها منزلة مباركة في عليين إستعين على فقدها بالصلاة والدعاء لها وجعلها الله آخر آحزانكم يا حبيب .. ما استطعت للاتصال بك سبيلا فالمعذرة .. ................................ موضوع البوست شنو ؟
Post: #48 Title: Re: كيف يمكن مصالحة هؤلاء الأصدقاء؟ Author: احمد الشيخ Date: 10-21-2016, 08:47 AM Parent: #47
احسن الله عزاءكم اخي الكريم معاوية وجعل البركة فيكم واسكنها الله فسيح جناته والزمكم الصبر والسلوان والله ما عرفت الا من البوست دا فعذرا
وشكرا على المساعي الطيبة
Post: #49 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 08:48 AM Parent: #47
ربنا يتقبل منك يا طلحة ويلزمنا الصبر ويثبت قلوبنا
الموضوع إنو هناك مجموعة من أصدقائي وأصدقاء لكثيرين هنا بل هم شخصيات مميزة جدا في كتاباتها أها الناس ديل متشاكلين مع بعض وتتسم ردودهم ومداخلاتهم مع بعض أو في بوستات بعض بالعنف بدلا من منح أعضاء وقراء المنبر متعة تبادلهم للآراء شخصيا أعاني كثيرا لأنهم أصحابي جد جد فقلنا نفتح البوست دا نخليهم يتخلصوا فيهو من خلافاتهم عسى أن يفتحوا صفحة جديدة من أجل الجميع
- عندي إحساس إنك مفروض تكون في اللستة دي
Post: #50 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 09:06 AM Parent: #49
عزاء الجميع أخي أحمد الشيخ وربنا يتقبل منك -----
يا طلحة ما تتحسس من السطر الأخير في ردي ليك، شايفك اتخاشنت مع المدعو المستنير في مداخلاتك القليلة معاهو
Post: #51 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 09:18 AM Parent: #50
عندي رأي أساسي عايز أقولو عشان أجيب المفيد، وهذا الرأي مبني على قناعة تكونت عبر سنين العشرة مع أبوبكر عباس هذا الرجل لو ترك أمور الاستنارة دي لأنها أصبحت مصدر إزعاج وتنفير للكثير من أصحابه ومنهم المذكورين في هذا البوست سيكون من أجمل الناس في هذا المنبر، الرأي العام في هذا المنبر لم يقبل آراءه فلماذا الإصرار عليها وتضييع إمكانيات معرفته الأخرى مثل هذه المنابر لا يمكن أن تتغير عبرها آراء الناس في ما يسمى بالمسكوت عنه أو ثالوث التقديس: الدين، الجنس، السياسة لا بأس من هبشها أو ملامستها خفيفاً من حين لآخر كموضوع جانبي وليس أساسيا في البوستات
أبوبكر عباس زول بمتلك أسلوب متفرد في القص والحكي ويتمتع بالخيال الواسع اللازم لرواة القصص على الجانب العلمي والعملي أشهد له ويشهد له معارفه وزملاؤه بالتفوق في تخصصه البيطري ويمكن أن يقدم لنا ولبلدنا الكثير المفيد في حقل الثروة الحيوانية وربما الزراعية أيضا
لذلك يحزنني جدا أن يكتسب كل هذه العداوات وأن تضيع كل ملكاته الإبداعية والعملية ويختصر في مجرد زول يقف ضد الدين
Post: #52 Title: Re: كيف يمكن مصالحة هؤلاء الأصدقاء؟ Author: محمد حيدر المشرف Date: 10-21-2016, 10:11 AM Parent: #1
معاوية الزبير يا زول سوداني من ذاك الطراز .. ذااك الطراز ياخ !! ذاك الطراز !
زمااااان يا معاوية .. كنت اظن, وبعض الظن حلوٌ, انو كل السودانيين من ذاك الطراز الا من أبى ذاك الجمال فتكوزن.. والله صحي !!
يااا حليل زمان يا صاحبي .. والامر بالنسبة لي لا يحتاج لمن لا تُرًدُ له كلمه ختاها على الاطلاق و .. سَمْ يا طويل العمر. وأما قبل وفيم البُعدً يا صاحبي الذي في البال الحنين: اعتقد انو الناس ممكن تتوافق على علاقات اسفيرية أقل احتكاكا, اقل توقعا و.. اكثر تعبيرا عن اختلاف الامزجة والدوافع للكتابة .. والاهم من كل ذلك أكثر احتراما لهذا المكان وكائناتو المدهشة واللطيفة جدا.
Post: #53 Title: Re: كيف يمكن مصالحة هؤلاء الأصدقاء؟ Author: جمال ود القوز Date: 10-21-2016, 11:12 AM Parent: #52
أحسن الله عزائكم أخونا معاوية .. ورحم الله الوالدة .. وأنت بلاشكـ من أجمل الأقلام بهذا المكان .. سلمت ..
Post: #54 Title: Re: كيف يمكن مصالحة هؤلاء الأصدقاء؟ Author: Kabar Date: 10-21-2016, 11:37 AM Parent: #53
وحينما افزعني درديري كباشي ودهب تلبو..*!!
ول ابا معاوية الزبير..حبابك يا صديقي..
والتعزية موصولة ليك ولول ابا خالد العبيد..!!
ومن عبرك التحية لصديقنا هيثم غالي.. واحد من اشجع السودانين الحايمين في المنبر ده..! مافي ريح بتهزنا يا صديقي يا هيثم غالي ، ونحن اجمل واقوى انسان في امسودان بقيمك.. وشاكر ليك حسن الثقة وما ح نخيب ظنك وظن البنات السمحات والرجال السمحين في السودان الفضل..! الإستنارة تعني العدل ، وانت يا هيثم واحد من اهل العدل مما عرفنا في حياتنا الفانية هذى..!!
لم اخاصم احد يا معاوية الزبير، حتى احتاج الصلح المجوبك ثانية وثالثة ، اما الإختلاف الفكري ، بقيم اخلاقية عالية ونبيلة وسامية ،(من تجربة اربعطاشر سنة في هذا المنبر) فاحسه من شخصين فقط: واحد اسمو بريمة محمد ادم وواحد اسمو محمد عبد الله حرسم.. ما عداهم.. مجرد قيح يبحث عن الشهرة على اكتاف الأخرين..!! بكلامي الخاص يا معاوية الزبير: It is better for me to lose a battle So I can win the war والمعركة التي اظن اخسرها هي: ان يشتمني البعض هنا واسكت عن سفاهتم..!! شتموهم يامعاوية الزبير وقذفوهم بالحجارة..! كارل ماكس ساموه بالعذاب ..!! وكثر كثر من اهل التنوير..باقي ليك بقت علي انا معاوية الزبير..؟!!
والحرب المعنية ، يا معاوية الزبير ، هي حرب انتصار القيم الإنسانية العالية...!
ان يشتمني البعض ، فهذا لايعني انني خصم يا معاوية الزبير..!! وقتي في الخصومة غالي جدا يا صاحب ، وانا اعرف كيف ان اباصره..!! اما الدواعش فارى هزيمتهم في الموصل وحلب ، والخرطوم ذاتو..!! الرمزية الحقة يا صاحب: محزن ان تنجب عطبرة امثال قاسم امين واسامة الخواض وطلعت الطيب وبسمات الشيخ وسارة الجاك وعادل عبد العاطي ..ثم ، يعود عليها دهر ، يسيطر على وججها الخراج المملوء بالقيح الذي يظن ان كل معركته في الحياة ان يحقق الإنتصار على كبر وامثاله بكيل السباب والشتيمة التي يعجز طفل مراهق بقولها..!! لاخصومة لي مع فرد يا معاوية الزبير ، حتى تقتضى تجشمك الصعاب ان تفتح مثل هذا النداء..!! فوقتي في الخصومة غالي جدا يا صاحب ، وانا اعرف كيف ان اباصره..!!!
فليشتمنا البعض كما شاء.. ولكن عليهم ان يقرأوا رواية ديردي كباش (من الشرق) ورواية سارة الجاك (من الشمال ، تحديدا عطبرة) ورواية دهب تلبو (من الغرب)..!!
الدواعش ، لن يهزموننا يا معاوية الزبير..وهم يتمنون ان نخاصمهم..ولكن لن يظفرون بهكذا شرف..! ان يشتمك طرف يا معاوية الزبير فهذا لا يعني انك في خصومة مع ذلك الطرف..!! فنشنو الجمل ماشي والكـــــلب ينبح..فها يتوقف الجمل لأن الكــــلب الداعشي نبح؟؟؟؟؟
اين هاشم الحسن ، يا عثمان محمد صالح؟
كبر
________________________
* درديري كباشي ، واحد من الأسماء في قائمة تخصني (المدهش فيها معاوية الزبير) ، كنت اود ان اعرض عليها بعض الأعمال التي انجزتها والتي اسعى لإنجازها ، ولقد افزعني ، درديري ، في ذات بوست (في سودانيز اونلاين) حينما اباح ان ول ابا حرسم شاوره في امر النشر ودار النشر الأنسب ، فاشار ديرديري كباشي بكل حكمة ورجاحة عقل للدار الأنسب ، فكانت الدار التي ارسلت تعزيتها في فقد حرسم واعلانها التكفل بنشر روايته اليتيمة..امثال درديركباشي ، يا معاوية الزبير هم من يشرفني الإختلاف معهم ، وانا اعرف انسانيتهم ، وهم يعرفون انسانيتي ، ورغم انف الباشبوزك سارسل ما اظنه كفيل بالنشر لهذا الدرديري..! اما دهب تلبو، فهو في الحق ود اخت ، شاب انيق ومثقف بحق وحقيقة ، وهو من ضمن قائمتي المفضلة لإستشارتها في اعمالي ، ليس لأن دهب نشر كتب ، ولكن لأن دهب قارئ محتمل اثق في قراءته للأشياء..
Post: #55 Title: Re: كيف يمكن مصالحة هؤلاء الأصدقاء؟ Author: طلحة عبدالله Date: 10-21-2016, 11:55 AM Parent: #54
وقع لي الكلام يا معاوية يا صاحبي من البداية لكن أعتقد ما يحدث هنا بين المذكورين وغيرهم لا يرتق لمصاف الدوشمان الذي يمكن أن يقود للقطيعة والحقد الأسفيري دا كلو مجرد هرجلة مدرسة إبتدائي.. هسة يعني زي أخونا المستجير دا ما ممكن نعتبر هرجيهو القاعد يسو فيهو هنا مشكلة لأنو بالكتير لو شتمك بقول ليك أنا مكان ما فيهو دينا خالد ما بقعد فيهو ثم تلقاهو بعد دقيقة قاعد أول الصف حتي لو في حفلة حنة ولد طهور .. انه يحب الظهور يا صديقي زيو وحبيبنا الدكتور محمد المشرف صاحب التعابير التي لا يمكن أن تكون إلا أنها خارقة لدرجة أحيانا ما تفهمو عايز يقول شنو .. البقية بضمن ليك أنا ناس ونسة ساي ما بتاعين شدائد .. ما تشيل هم انت بس .
Post: #56 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 12:03 PM Parent: #54
Quote: ما عداهم.. مجرد قيح يبحث عن الشهرة على اكتاف الأخرين..!!
جيت يا خايب الرجا، وينو كلآمك بتاع الدوشكات فوق الكتف والرجالة المفتعلة، هسّع بقيت تقول دواعش ؟، دواعش يا باطل. بعد الصلح الشتيمة إنت البديتا وإنت الإعتديت، وإنت عارف بتعمل كدا ليه ؤ عارف تحت تأثير شنو ؟. إتهامك لي بالدواعش ما بيحلك والليلة الجمعة ؤ باكر السبت ابقى راجل تعال النادي ؤ قول داير معاوية المدير، بلآش كلآم فارغ معاك ؤ دوشكا فوق الكتف ؤ حزام رصاص يا باطل...
Post: #57 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-21-2016, 12:07 PM Parent: #56
كبر يا ود ابا، قلت لي الرسول لو جا بتملآهو نار ؤ حتي ربنا زاتو بترصصو، كدي خليك من ديل تعال اهبشني باصبعك ساكت يا كلب...
Post: #58 Title: Re: كيف يمكن مصالحة هؤلاء الأصدقاء؟ Author: حمد عبد الغفار عمر Date: 10-21-2016, 12:53 PM Parent: #57
سلام يا معاوية
غير العنوان إلى متى يمكن مصالحة ---------- عشان يتم الصلح بين الأخوان ديل لا بد من تحديد سبب الخلاف في ضبابية حول ماهية الخلاف هل هو فكري ، شخصي أم شخصي مغلف بفكري لو مسكت المجموعة في ثلاثة (مشرف ومعاوية وجلالدونا ) مافي بينهم خلاف وفي اتنين (بكور وكبر ) مافي بينهم خلاف وفي النص قد ما تلقى خلاف شاسع بين مشرف وكبر مثلا خلاف الثلاثة مع بكور بختلف عن خلافهم مع كبر
المهمة صعبة وزي ما قالت دينا
انك لن تهدي من تشاء ولكن الله قادر على المسألة دي
ربنا يهدئ النفوس ببركة هذه الجمعة
Post: #60 Title: Re: كيف يمكن مصالحة هؤلاء الأصدقاء؟ Author: ذواليد سليمان مصطفى Date: 10-21-2016, 01:32 PM Parent: #58
مقتبس خى معاوية الزبير
السلام عليكم و رحمة الله و بركاته
البركة فيكم و أحسن الله عزاءكم و رحم ميتكم و غفر لكم ..
نسال الله تعالى ان يرححم الوالدة و يسكنها فسيح جناته مع الصديقين و الشهداء و حسن اؤلئك رفيقا ..
عذرا مال عرفت خبر الوفاة الا من هذا البوست مقتبس من قريمان
Post: #59 Title: Re: كيف يمكن مصالحة هؤلاء الأصدقاء؟ Author: Kabar Date: 10-21-2016, 01:25 PM Parent: #56
ول ابا طلحة..حبابك يا صديقي يا ديجانقو هوي افرز..ياااااااااااخ..!! انا ما زول ونسة يا عمك..!! ومش مهم..
بالرياضة بتاعة الصهاينة ذاتو..هاك المنطق ده: اصلا الخطبة العصماء ياطلحة مكونة من تلاتة جمل تجري كالآتي: وانا ، اساسا برضو، بهديها لنادي الأهلي بمدني بفوزه على بانقي ، مبروك على نادي الأهلي بمدني..!!
اها ، يا طلحة ، ابكر الطويل محتاج نص سنة ضوئية عشان يتذكر موقع نادي الأهلي بمدني..! ومحتاج عشرة سنة ضوئية عشان يتذكر انو نادي الأهلي انتصر على بانقي..!!
اما الرجرجة والدهماء وبغاث الطير ، ديل لغاية القيامة العصر لا ح يعرفوا نادي الأهلي مدني ولا ح يعرفوا انتصار نادي الأهلي مدني على بانقي..!!
الجدير بالذكر بانقي ، هي عاصمة افريقيا الوسطى ، يعني جوار الكاميرون ، والكاميرون فيها بوكو حرام ، وبوكو حرام بت خالة داعش لزم..!!
وده كلو ما مهم يا طلحة..!! المهم العياط بتاع رمضان زايد لمن يقول ليك: خليك مع الزمن يااااااااااااااااااخ ، هو ده وكتو..!!
علي بالحلال يا ابكر الطويل ، اخط مقدمة سهرة رمضان زايد هنا بيان بالعمل ، الإ تشوف الدواعش طه جعفر ومحمد ادم , بكرة , في مدينة الرقة بشمال سوريا..!!
يتخيل لي الإستنارة الشديدة مرات بتودي صاحبها للجنون ، وشعب امسودان لسع ما بيستاهل الواحد يدن عشانو..!!!!
كبر
Post: #61 Title: Re: كيف يمكن مصالحة هؤلاء الأصدقاء؟ Author: طلحة عبدالله Date: 10-21-2016, 01:34 PM Parent: #59
يلا سلااااااام على رمضان زايد ياخ دي عايزة ليها منير والله .. المهم يا ول أبا ما تمسك قوي في أية حاجة . تحياتي ورحمة الله وبركاته
Post: #62 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-21-2016, 02:06 PM Parent: #61
أشرت لتلك الحيثيّة قلت: "يمكن طيف دينا يخلينا نشرب معاهم قهوة" ـــــــــــــــــــــــــــــــــــــــــــــــــــ بمشّط في الميدان لقيت دي...وعجبتني ،ماالمداخلة ذاتا،لكن الطريقة التي صيغت بها المداخلة... في عالم القصص،الناس بقيموا الشخصيات الخيالية في السرد بمعايير كتيرة، واحد من تلك المعايير ،هو سهولة أو صعوبة التعاطف من قبل القارئ أو المشاهد... إنت مميز بسهولة التعاطف بالغريزة... يعني سهل تكسب التعاطف...لكن كمان ساعد نفسك شوية، وماتعتمد على الغريزة دي بالكامل.. وتصدق بعد الخرتمائة مداخلة دي،أنا مابقدر أجزم إني داير منك شنو بالضبط... معاوية الزبير ــــ لأنو صاحبك ـــــ بالواضح قاليك ابعد عن الدين ... أنا طبعا ماعندي حق أقوليك كدا،لكن ممكن اتحايل و أطلب منك شئ بسيط :قليل من الحساسية لايضر... منتظرين عودتك...والسلام على من اتبع الهدى (دي طبعا تحية الكفار)هههههه تقبل بالغ احترامي
Post: #63 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 04:06 PM Parent: #62
كل المداخلات هنا مهمة ولا بد من التعليق عليها متى ما أسعفني الوقت، سواء تلك المتعلقة بموضوع البوست أو مداخلات التعازي سأبدأ بالأخيرة وأدعو الله أن يستجيب لدعواتكم
أخي خالد العبيد
Quote: في يوم عشرة شهر عشرة فتحت البوست الذي كنت تشكر فيه الاصدقاء الذين عزوك في فقدك الجلل كتبت خمسه كلكات فقط .. وكنت لتوي عائد من السودان بعد رايت امي للمرة الاخيرة وفارقتها والدمع يجري كنت اريد ان اكتب لك : كنت هناك في السودان وبحثت عن تلفون لك لنلتقي . وقبل ان اكمل العبارة وانا اكتب .. هاتفني شقيقي وابلغني برحيل امي فاظلمت الدنيا وتجمدت اطرافي رحيل الام شلل يا معاوية ....
نعم شلل وعكسه أيضا.. زلزال لم أشأ اقتباس جملتك الأخيرة عن الصبر، ثق سيأتيك اليقين ويثبت قلبك، سيأتيك عبرها في حلم أو عبر رسالة وفجأة دون مقدمات، المهم أن تكون منشغلا دوما بالدعاء لها عليهما الرحمة وعلى جميع أمواتنا.
شكرا للأعزاء محمد حمزة الحسين محمد المسلمي (وجدت المسنجر أخيرا وما كنت أظنه يعمل) عبد العظيم مكي جلالدونا (صدقني عدد المكالمات الفائتة التي كان يسجلها هاتفي جعل من المستحيل العودة إليها واحدة واحدة) هيثم غالي محمد مجيدو علي دفع الله طه كروم نصر الدين عثمان تقبل الله تعازيكم وغفر للوالدة وأدخلها فسيح جناته إنا لله وإنا إليه راجعون
Post: #64 Title: Re: كيف يمكن مصالحة هؤلاء الأصدقاء؟ Author: Hamid Elsawi Date: 10-21-2016, 05:03 PM Parent: #63
العزيز معاوية الزبير ان شاء الله البركة فيكم يا أخي ربنا يرحم الوالدة و يلزمكم الصبر عبرك أرسل العزاء لكل افرد اسرتكم الكريمة
------------------ لي عودة لاحقا في موضوع البوست ربنا يهدي النفوس. و ننظر للاشياء ليس من زاوية واحدة.
Post: #65 Title: Re: كيف يمكن مصالحة هؤلاء الأصدقاء؟ Author: ابراهيم ناصر Date: 10-21-2016, 05:09 PM Parent: #63
نسال الله لوالدتكم الرحمة و المغفرة وعالي الجنان
Post: #66 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 05:16 PM Parent: #63
الأعزاء حامد الصاوي إبراهيم ناصر جزاكم الله كل خير وتقبل دعواتكم --------------
Post: #67 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 05:17 PM Parent: #66
بالنسبة للإخوة "الأعدقاء"* مداخلة جلالدونا كانت بشارة خير
Quote: صدقّنى لا خلاف لى شخصى مع الاستاذين كبر و ابوبكر و لا احمل تجاههما اى مشاعر سالبة انما هو غضب لطريقة تناولهما للذات الالهية و رسولها الامين بالصورة الما اظن تكون مقبولة فى نظر اى مسلم كل الذى ارجوهو ان يكفّا عن اذيتنا فى ما نؤمن به بهذا الاسلوب المبتزل غير ذلك لا املك لهما الا كل الاحترام عميق شكرى ليك و جاهز لى كل طلباتك
البشرى التانية جاءت من ود المشرف، بعد تقريظ شديد، جاء في لسان العرب في باب (الظاء) فصل (القاف): (وقَرَّظَ الرجلَ تقريظاً: مدحَه وأَثنى عليه، مأْخوذ من تقريظ الأَديم يُبالَغُ في دِباغِه بالقَرَض)
Quote: يااا حليل زمان يا صاحبي .. والامر بالنسبة لي لا يحتاج لمن لا تُرًدُ له كلمه ختاها على الاطلاق و .. سَمْ يا طويل العمر. وأما قبل وفيم البُعدً يا صاحبي الذي في البال الحنين: اعتقد انو الناس ممكن تتوافق على علاقات اسفيرية أقل احتكاكا, اقل توقعا و.. اكثر تعبيرا عن اختلاف الامزجة والدوافع للكتابة .. والاهم من كل ذلك أكثر احتراما لهذا المكان وكائناتو المدهشة واللطيفة جدا.
Post: #68 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 06:42 PM Parent: #67
ود المدير، قدر ما فتشت لاقتباس من مداخلاتك مع أبوبكر يطمئن له قلبي ما عترت إلا فوق اللتنين ديل
Quote: اصدقك القول، والله العظيم لن أكون سعيد بمغادرتك...
التانية دي مبتورة
Quote: لا أستطيع ان أخفي إعجابي بكتاباته في فترته الأولى زمن جك الفول ومن وجهة نظري هي أجمل ما كتب، لكن ركوبوا لحمار الإستنارة قبل يطيعوا خلآهو يدخل بيهو في مستنقع الضياع الآسن
انت يا مدير لو خليت لغة ناس الضهاري على قولة الأمير ما بتجيك عوجة
النشوف كبر
Post: #69 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 08:19 PM Parent: #68
كبر ما عندو مشكلة مع أبوبكر غير إنو الأخير فايتو بي كم حرف كدا أو قول في ترتيب حروف الاسم الأصلي لأنو أبو دي زايدة ساكت لكن يبدو إنو المشكلة الحقيقية هي بين كبر وود المدير وهاذي زي ما قال حمد، دينا قالت
Quote: انك لن تهدي من تشاء ولكن الله قادر على المسألة دي ربنا يهدئ النفوس ببركة هذه الجمعة
أنصح ود المدير في المصالحة الجاية ياخد واحدة تانية على قول عادل إمام، أقصد سفنجة تانية يبدو إنها المرة الفاتت كانت ضيقة
عايزين ابو حسين يأصِّل لينا من بدأ بخرق الهدنة؟!
Post: #70 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-21-2016, 11:59 PM Parent: #69
أما المدعو المستنير فهو مجرد زول يقصد إثارة المشاكل وما عندو أي قضية شخصية مع زول في المنبر دا على الإطلاق فقط يريد أن يختبر ردة فعل الناس بالتطرق لمواضيع حساسة وذلك من أجل أن يثبت لنفسه صحة أو خطأ ما يفكر فيه وغالبا ما يثبتون له خطأه (لأفهام مختلفة) فيتراجع بينو وبين نفسو، وأحيانا علناً وأحياناً العكس (يثبت صحته) لكن ثمة ضحايا جدد دائما في الطريق وفي كل الأحوال هو مستعد ليقدم روحه فداءً لمن يختلف معه عندما يستدعي الأمر ذلك على أرض الواقع وهذا ما قصدته من مداخلة سابقة
من خلال أحاديثي معه، ما عندو أي مشكلة مع ود المشرف أو جلالدونا أو ود المدير بالعكس هو يحبهم لأنهم يمثلون له تحديات صلبة لأفكاره بينما عندو راي سالب في ناس تانين نادراً ما يتداخل معهم
أرجو ألا أكون أسهبت في الكتابة عنه، لكني فقط أردت أن أصوّب الطريق لأصدقائي الثلاثة ومن هم في الطريق حتى لا نمشي في اتجاه خاطيء بإحساس نحسبه صادقاً (من يدري؟!) ونهدر الوقت والانفعالات في هذه الأسافير الهلامية
وسأعود لبقية الآراء والتعازي
Post: #71 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-22-2016, 05:19 AM Parent: #70
بالعكس هو يحبهم لأنهم يمثلون له تحديات صلبة لأفكاره ـــــــــــــــــــــــــــــــــ معليش يامعاوية،أنا ناوي سفر اليوم،وباخد يومين تلاتة إن شاء الله،يعني ما ح اكون متابع لفترة.. بس لفتت انتباهي كلمة (أفكاره ) دي،ودار أسألك ،إت عارف بالضبط ماهي أفكار المستنير؟ مدرستو شنو الزول دا؟ اتجاهو شنو؟ الشاسيه بتاعو شنو؟ أنا اتخيلي دي اهم نقطة في الموضوع كلو..لو عارف ورينا ،وبعداك ،كان الله أذن ،بنشيف.. تحياتي
Post: #72 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-22-2016, 05:48 AM Parent: #71
ومن هم في الطريق حتى لا نمشي في اتجاه خاطيء بإحساس نحسبه صادقاً (من يدري؟!) ونهدر الوقت والانفعالات في هذه الأسافير الهلامية ــــــــــــــــــــــــــــــــــــــــــــــــــــــــــــــــــــــــــــــــ
في حاجة تانية ،حكاية إنك بتعرفو في الطبيعة دي ما اظنها ذات نفع كتير هنا يامعاوية.. لأنو ممكن نحن تتاح لينا فرصة نعرفو على الطبيعة ،ومايسلك معانا نفس السلوك القعد يسلكو معاك.. لو استمرت الإمور كدا،الاتجاه الخاطئ الفوق دا،متحمدو متحمدو..والذنب في إننا نحسبه صادقا،عائد للمستنير.. الشغلانة واضحة يامعاوية،لو داير زولك مايقع في مشاكل،كلمو يقدم تنازلات..زي ما بقية الناس قعد تعمل، ولو أبى نحن ماعندنا ليهو غير :احساس نحسبه صادقا.. والطبيعة بالنسبة لينا ،ياها المنبر دا..
Post: #73 Title: Re: كيف يمكن مصالحة هؤلاء الأصدقاء؟ Author: أحمد محمد عمر Date: 10-22-2016, 07:19 AM Parent: #72
Post: #74 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-22-2016, 08:42 AM
أستاذ أحمد محمد عمر دي الجزئية كاملة
وتصدق بعد الخرتمائة مداخلة دي،أنا مابقدر أجزم إني داير منك شنو بالضبط... معاوية الزبير ــــ لأنو صاحبك ـــــ بالواضح قاليك ابعد عن الدين ... أنا طبعا ماعندي حق أقوليك كدا،لكن ممكن اتحايل و أطلب منك شئ بسيط :قليل من الحساسية لايضر... ـــــــــــــــــــــــــــــــــــــــــــــــــــــــــــــــــــــــــــــــــــ
دار أقوليك إنت بالنسبة لي في الموضوع مامحايد،وما أظن عندك قدرة على الحياد (دا حسب تقييمي)... الشئ التاني الوجوه الخدراء دي ،مافي حاجة بيناتنا ،بتخليني أفسرا تفسير في صالحك،عشان كدا ما كنت أتوقع منك تجي خاشي بيها توووش من أول تعارف بينا... لكن بعد دا ،راجع المداخلة البترتا دي ،ولو لسّ اجتهادك في محلو،قدم أسئلتك،وتأكد ح تلقى ليها إجابة.. ياهسّ ،يكمان بعد نجي من السفر،إن شاء الله.. في انتظارك
Post: #75 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-22-2016, 09:24 AM Parent: #74
معليش يا أستاذ أحمد ،أنانسيت أنبه على حاجة.. لو كمان فهمت،تعال قول فهمت... دار أسس معاك قاعدة صلبة و مفهومة... مامعروف يمكن نتقابل لي قدام..بتنفعنا (قصدي القاعدة)... تحياتي
Post: #76 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-22-2016, 10:03 AM Parent: #75
كيف ما عارف افكارو يا عليش، زول صاحبي وكنا ساكنين سوا نقعد نتونس ونتناقش لغاية نص الليل ونقوم ننوم، ولغاية قبل اسبوع كنا بنتناقش هاتفيا و أهو افكارو مبذولة في عشرات البوستات في المنبر دا المشكلة ليست في افكار المستنير، كل زول حر في أفكارو، المشكلة في الطريقة البطرح بيها افكارو على الناس المكان المناسب والزمان المناسب واللغة المناسبة وهذا ما أقوله له دائما
أخشى ان يظن الناس أنني أبرر لصاحبي أبوبكر فأفقد أهم شروط الوساطة: الحياد
ونواصل
Post: #77 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-22-2016, 10:10 AM Parent: #76
كويس يا معاوية، إنك فاهم الريدة دا داير شنو!
كدي البوست دا خليهو، أمشي شوف سيدي الحسن ذات نفسو جانا في بوست محمد آدم
لو كمان دينا جات؛ لذهبت عنكم وقلت لكم: لقد تركت فيكم؛ بأيهم إقتديتم؛ إهتديتم
Post: #78 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-22-2016, 10:30 AM Parent: #77
كويس يا معاوية، إنك فاهم الريدة دا داير شنو! ــــــــــــــــــــــــــــــــــــــــــــــــــــــــــــــ ماحافظ النكتة بالضبط،لكن قالوا في زمن نميري،في قوات ودوها تحارب في العراق ضد ايران.. نميري قال نحن متبرعين بمخصصات الشهر الأول للقوات دي لصالح العراق... يعني الناس ح يمشوا يقاتلوا ملح في شهرن الأول... نميري طبعا مافي زول بقدر يقوليهو سيك..ميك.. القائد ـــ كان جنرال ــــ جمع القوات ووراها تعليمات نميري... في نقيب ردئ وروحو محرقاهو ،لما سمع التعليمات،طوالي قال للقائد : ك... أمك.. القائد دار يهرشو قاليهو بصوت عالي :قلت شنو؟ النقيب قاليهو :قول والله ماسمعت...
Post: #79 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-22-2016, 11:00 AM Parent: #78
Quote: النقيب قاليهو :قول والله ماسمعت...
قول انت يا عليش، انا والله ما فهمت
Post: #80 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-22-2016, 11:32 AM Parent: #79
معاوية الزبير يا قريبي، أنا ما ليش دعوة خالص. انا مع صاحبك المستنير دا زي سعيد صالح مع يونس شلبي، لا مصالحوا لا محاربوا دمستو مرّة وآحدة. تااااااااااني رجع لدينا خالد، يا خسارة مداخلآتي ؤ جديتي في الموضوع البركة في شتيمتي لكبر فهو يستحقها، هذا العنصري المأزوم أنصحه بمراجعة طبيب نفساني وإلا سيظل هكذا كلآموا كولو هناية ؤ فلآنة، ؤ مداخلآت كما المعلقات فارغة حتي من هواء الفساء، وردوم فديوهات ؤ رصاص ؤ دوشكات ؤ كلآشات، غايتو الزول دا قاعد يجي داخل الحوش دا زي وزارة الدفاع. في هذا البوست هترش هترشة تجعلني أشفق عليه، هسّع في داعي لدور النشر، ؤ حشد هذا الكم الهائل من الأسماء التي لا علآقة لها بالموضوع، والمقدمة لمحمد مسكين، ؤ فريق الأهلي مدني وووووووإلخ من الهضربة والهترشة ؟!. دا خلآس راسمالوا وآآآآع، ؤ يقعد يطقع بالحجار...
Post: #81 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-23-2016, 00:43 AM Parent: #80
شخصيا يا قريبي أنا راضي عن نتيجة البوست حتى الآن وشايف الناس المختلفة مع أبو بكر قدموا حسن النية وهو شرط أساسي للمصالحة، تبقّى هنا أن يرد ابن عباس كتابةً بالذي أبلغني به شفاهةً
أما في ما يتعلق بموقفك مع العزيز كبر وموقفه منك فيحتاج للصبر هكذا هي المفاوضات التي نتابعها في عملنا منذ أيام اتفاق أوسلو بين الفلسطينيين وإسرائيل مطلع التسعينيات حينما كانوا يختلفون في أيلولة المسجد الأقصى وقبة الصخرة ياخ لا بأس
سأواصل لاحقا، وأتناول طريقة كبر في الكتابة، الوقت متأخر عندنا وأنا جايي من دوام مسائي مرهقاً وعندي (فلايت)، وهذه كلمة أساسية للحديث التالي
Post: #82 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-23-2016, 01:31 AM Parent: #81
يا عليش الريدة، طلعت زول تعبان ومليان الفاظ سوقية! منو العوض وعليهوالعوض غلطان أنا البجي أكتب في منتدى لامي لميم زي دا
Post: #83 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-23-2016, 08:03 PM Parent: #82
قول انت يا عليش، انا والله ما فهمت ــــــــــــــــــــــــــــــــــــــ سلام الأخ معاوية الزبير.. حضرت من السفر قبل ساعات وسأعاود السفر غدا صباحا إن شاء الله، وغالبا ساحضر مع آخر الإسبوع يإذن الله.. مباشرة فعّلت الخدمة وذهبت لهذا البوست وبعد أن اكتب هذه المداخلة سأغلق.. على أمل الحضور بعد أيام.. أشكرك على تفهمك القصد من إيراد تلك النكتة هنا،بينما المستنير ذهب إلى الاتجاه الآخر.. ولم يكتف بذلك،إنما أصدر حكمه وشتيمته وأسفه على مشاركتنا المنبر..وكل هذه الأشياء تتعارض مع استنارته المزعومة.. بالواضح ياعزيزي معاوية،البوست دا مهم جدا جدا بالنسبة لي، ولكني أيضا أراعي لك ،فإن كان هناك أي تحفظات منك تجاه مشاركاتي أو قيود أو أشياء من هذا القبيل ، أرجو إخطاري بها مباشرة ،أو بالتلميح هههه.. انا الزول دا مابسيبو مابسيبو.. قال الفاظ سوقية ههه يامستنير بالواضح الكلام دا مابحلك،شوفلك صرفة غيرو.. ومن هسّ فكر في طريقة تصيغ بيها افكارك الأشار ليها ود الزبير، والأنا منها سالتو قلتليهو يامعاوية لو عارف أفكار المستنير البشاكل بسببا الناس دي ورينا ليها. قال مالية البوستات..وهي طبعا مالية البوستات.. لكن مالياها شنو؟ كان الله مد في العمر بجيك يامستنير.. والسلام على معاوية الزبير..وعلى من اتبع الهدى
Post: #84 Title: Re: كيف يمكن مصالحة هؤلاء الأصدقاء؟ Author: جلالدونا Date: 10-23-2016, 09:51 PM Parent: #83
عاد ما جضّمتو جضّيم السنين
Quote: غلطان أنا البجي أكتب في منتدى لامي لميم زي دا
ياها فرمالتو الاخيرة فى امتهان الغير و منّها و العجز الكامل و عض بنان الندم ثم ثمة امر اخر انتا ماشى وين خليك فى بكانك ده مشاويرك كلّها بقضّيها ليك و ان لزم الامر بسوق معاى اخوى ود الناظر هو نحنا لاقين زول يطقطقو لينا بعدين يا ريت لو تتكلم عن مطالبنا دى اول هام نطالب بسقوط دكتاتورية المستنير المشكوك فى استنارته نزع اللقب و تسليمه على مفرش زهور للمستنير محمد ادم مستنيرنا الجديد بى حق و حقيق مش استنارة شككان و ملعوب فيها تانى هام تعيين هيثم هوارى نائبا له
Post: #85 Title: Re: كيف يمكن مصالحة هؤلاء الأصدقاء؟ Author: Haytham Ghaly Date: 10-24-2016, 06:13 AM Parent: #84
Quote: حباب ود الغالي. يا ود الغالي تعلم مدى معزتي وإحترامي لك، وأنا كما هو وآضح من 2009 في الحوش دا اعامل الناس بكل أدب وإحترام وأحاول إرضاء الجميع ما استطعت، ؤ زي ما قال أخونا علي دفع الله بالساهل ما بزعل، بس كدي خليني اشرح ليك سبب إنفعالي هنا بنفس بارد ؤ بارك الله في ود الزبير. هنا انا لا أحب ان أقحم نفسي في المواضيع الدينية وأتحاشاها ما استطعت وإفتكر جاوبتك في مدآخلة وطلبت منك ان تعفيني من الإستفاضة وإن شئت شرحت لك، لكنك تفضلت مشكوراً وعفيتني. انا قصدت اشتم وشتمت وانا في كامل وعيي ؤ بي سببي. يا هيثم النفرين ديل، ابو بكر وكبر، كبر دا محامي و ابو بكر دكتور بيطري إضافة إلي أنه مُدعي الإستنارة وأطلق علي نفسه لقب (المستنير) كما هو معروف هنا وهو كما واضح للجميع ليس له مثقال ذرة من شك في أنه مستنير حقاً، ولذلك انا آخذه في هذا الجانب بالتصديق الكامل، أضف إلي ذلك اللتنين ديل جربوا العيش في امريكا الشمالية، كبر مقيم في كندا، وابو بكر المستنير يتردد علي امريكا. نجي لحكاية امريكا الشمالية، كندا وامريكا اللتنين مستقطبات لجنسيات من جميع انحاء العالم، يحملوا عادات وتقاليد مختلفة ويعتنقوا ديانات مختلفة يحكمهم قانون وآحد يحفظ للجميع حقوقهم في العيش وممارسة شعائرهم كاملة والجميع يحترم هذا القانون حتي المستنير وكبر. في هذا المجتمع قد تجد الذي يعبد الفأر والذي يعبد البقرة والذي لا يعبد شئ والذي يعبد حجر وهكذا، ولا يستطيع لا كبر ولا المستنير ان يتجرأ ويكتب في جريدة ولو كلمة يستهزئئ فيها بهذا الفأر أو هذه البقرة أو ذآك الحجر ولا يستطيع واحد فيهم يكتب في جريدة ما كتبه هنا في شأن الله، ولو إعتدى شخص علي عابد الفأر في الشارع وأستخفّ بفأره يمكن ان يجد تعاطف من جميع الناس حتي كبر والمستنير إن كانوا حضور. خليني اسأل وين إستنارة ابو بكر ؤ وين محاماة كبر ؟. نسبةً لأنوا في قانون في امريكا الشمالية بيعاقب القانوني كبر والمستنير ابو بكر لذلك يصدر منهما إحترام كامل لمعتقدات جميع الناس بما فيهم المسلمين، لكن لآمن المسألة تبقى ما فيها قانون بيعاقب الإعتداء يحصل نسبةً لأنوا الإحترام غير موجود عند هاتين الشخصيتين، والشخصيتين ديل بهيميتين لا يحترمن الآخر إلا بالقهر او القانون وانا بشوف الحط من قدر امثال هاؤلاء وإعتبارهم سقط متاع هو انسب شئ يمكنني ان اتعامل معهما علي اساسه. دي إستنارة ليست في محلها وسنين في كلية القانون لم تأدب صاحبها فراحت شمار في مرقة. بعتذر للجميع علي عبارات الشتم التي كتبتها في حق المستنير والمحامي، ولا إعتذار للمستنير والمحامي.
تحياتي صديقي معاوية
ولا شك يا معاوية اني ابادلك الاحترام بأكثر منه وهذا ما تستحقه كحق راسخ لا شك فيه
واذكر فعلاً انك تنأى بنفسك عن الجدال في امر العقائد وانك طلبت مني في ذاك الخيط ان اعفيك
وفعلاً لم اطلب منك أي شرح او توضيح لعلمي انك تفضل البعد عن مثل هذه النقاشات
ولكن يا معاوية ما حدث هنا وفي الخيط المعني هو ما جعلني استغرب هذا الانفعال الذي هو غريب عن طبعك
المتعود عليه وجعلني أتساءل لماذا لا يترك معاوية هذا الامر كما ترك الكثير من قبل ولم يقحم نفسه فيه
أي نعم انه من الانانية ان تطلب من أي شخص ان يكون كما تريده ولكن بكل صراحة كل مداخلاتك التي هاجمت فيها
الأخ كبر وابوبكر حسب قراءتي هي لا تشبهك ابداً لدرجة انه انتابني الشك بان الذي يكتب ليس معاوية
عموماً يا صديقي انت لك مطلق الحرية كما جميع الأعضاء هنا عن التعبير عما يختلج بنفوسهم وافكارهم
ولكن التمني دائماً حاضراً بان كل جميل يظل جميلاً كما هو فكن جميلاً يا صديقي كما عودتنا دائماً
وصد لي ملامحك يا حراز
تحياتي وودي الذي تعلم
Post: #86 Title: Re: كيف يمكن مصالحة هؤلاء الأصدقاء؟ Author: Haytham Ghaly Date: 10-24-2016, 06:34 AM Parent: #85
Quote: ومن عبرك التحية لصديقنا هيثم غالي.. واحد من اشجع السودانين الحايمين في المنبر ده..! مافي ريح بتهزنا يا صديقي يا هيثم غالي ، ونحن اجمل واقوى انسان في امسودان بقيمك.. وشاكر ليك حسن الثقة وما ح نخيب ظنك وظن البنات السمحات والرجال السمحين في السودان الفضل..! الإستنارة تعني العدل ، وانت يا هيثم واحد من اهل العدل مما عرفنا في حياتنا الفانية هذى..!!
الصديق كبر تحياتي وسلاماتي
واشكرك جداً على هذا المدح وارجو ان أكون من العادلين فعلاً ولكن كم هو صعب وشاق ان تقف
بين اتنين او ثلاث من الأصدقاء تربطك بهم علاقة برغم انها حتى الان اسفيرية ولكن يشعر المرء انه يعرفكم على واقع الحياة
كما لو عشنا ردحاً من الزمن في مكان واحد ونشكر سودانيز اونلاين على جعل هذا ممكناً
صعوبة العدل يا كبر تكمن في ان كل الأصدقاء هنا اعزاء عليك ولهم من الاحترام ما يتساوى فيه الجميع فكيف تفصل بينهم بالعدل وكيف توصل مفهومك بالطريقة الصحيحة
بالتأكيد انا هنا لست في محل قاضي ليفصل ويحاكم كل ما املكه هو رأيي الشخصي أقوله بطريقة ودية مع حفظ حقوق اراء الاخرين راجياً منه ان يساهم في اصلاح ذات البين
كل الذي اتمناه ان تصفو القلوب وتهدأ النفوس و(يجب ان نختلف) ولا بد من ذلك فهذه هي الحياة ولكن كمان يجب تفريق الكيمان فما لقيصر لقيصر وما لله لله
مع تحياتي واحتراماتي لكم جميعاً
Post: #87 Title: Re: كيف يمكن مصالحة هؤلاء الأصدقاء؟ Author: Kabar Date: 10-24-2016, 08:17 AM Parent: #85
كتب هيثم غالي:
Quote: ولكن بكل صراحة كل مداخلاتك التي هاجمت فيها
الأخ كبر وابوبكر حسب قراءتي هي لا تشبهك ابداً لدرجة انه انتابني الشك بان الذي يكتب ليس معاوية
هيثم..حبابك يا صديقي كتر خيرك للمرة الثالثة على هذه الشجاعة ، وصدقني ح تكلفك الكتير.. معاوية المدير كائن بسيط للغاية ، وقدراتو محدودة بصورة لا تتخيلها.. ولكنه يسمع كلام اخرين ، اليومين ديل عاملين فيها اصحابو وقاعدين يحرضوهو عشان يشيل وش القباحة.. معاوية المدير يحرضه الآتي اسمائهم: عضو المنبر راني السماني ، عضو المنبر عبد العظيم كودي ، ومواطن اخر احجم عن ذكره هنا لأنه يعلن للملأ بان كانت له عضوية في المنبر واضاعها (وتحت تحت قاعد يكتب باسم دينق)..ندعه ليقتله خوفه عن المواجهة..! عضو المنبر جلال عمر (القاعد يتباكي قدام الملأ هنا عن ضرر الشتيمة ويعمل نايم عن شيتمة معاوية المدير للأخرين)..
ومالم تستطع ان تتخيله او تصدقه يا هيثم ، معاوية المدير بيبكي ليل ونهار (بدموعو عدييل) عشان يلقى ليهو تذكرة ونثريات ويمشي يلحق الحوار الوطني (راجع دهنستو لمنصور المفتاح في بوست قطاع الشمال وتجارة العملة ).. فالرجل لا يعرف الله الإ بالقدر الذي يحقق له مصلحتة الذاتية الصغيرة للغاية..!! في هذا المنبر ، تداخل الأصدقاء حامد الصاوي وابراهيم ناصر ، وهم يعرفونني اكثر من معرفتهم لمعاوية المدير ، ولكنهم سكتوا وعملوا رايحين..!!..ليه هل عشان قاعدين يلاقوا معاوية المدير كل اسبوع في وشهم ، ولا عارفين حقيقة عن معاوية ولا يستطيعون الجهر بها امام الملأ؟..وهي الحقيقة التي يعرفها معاوية عن نفسه وعامل فيها داسيها من الناس..!!
لماذا سكت كل اهالي عطبرة عن شتيمة معاوية المدير للأخرين؟..هل تظن انهم سكتوا حبا في الشتيمة وانزال الضرر بالآخرين ، ام انهم عارفين البير وغطاه؟..
اها ح يمرقوا من جحارهم ويقعدوا في حكاية كبر عنصري ومأزوم ومفروض يمشي لطبيب نفسي؟.. ومالو.. هو الشتيمة بتكتل زول؟..
والفي راسنا بنسويهو.. وعدناهم من قبل انو ح نفركش ليهم فكرة المعارضة في راسهم..واهو الواقع قدامك ، بعض من حركاتنا وبعض بالنية ساكت قاعد يحصل..!!
وبرضو..
ح نتكلم عن فضائح قطاع الشمال لمن يبرك في التراب.. وح نحرش الحكومة انها ما تقبل باغاثة من خارج السودان .. والحشاش يملأ شبكتو.. يطلعونا ولاد عزبات ولا عنصرين ولا مأزومين.. مش مهم المهم..بنعرف كيف نضرب في المليان..!!
شكرا لشجاعتك يا هيثم.. وابادلك مثلها ، لأن مثل هذه المطبات لا تصنع وطن ، ولكن صناعة الوطن لابد من ازالة العقبات..
انت قايل حكاية ان يوصفنا طه جعفر بالمأزومين والمرضى النفسيين جاية من فراغ؟..ياهم نفسهم الناس البتكتب باسم دينق اخوان وبتحرش معاوية المدير ، قاعد تقول لينا الكلام ده بالسنوات.. فمن خسر كثيرا؟..
عشت في نفس المدينة مع صديقنا طلعت الطيب ، صديقنا منصور المفتاح ، صديقنا حامد الصاوي ، صديقنا ابراهيم ناصر ، ومرتضى جعفر ، والباقر عثمان ، وصديقنا عبد المنعم خير الله ، وصديقنا النصري امين ، وصديقنا احمد الريح ، وصديقنا جمال ابا يزيد ، وصديقنا امير مساعد.. وغيرهم كثر وكلهم اعضاء في هذا المنبر..وكلهم يعرفون كبر ، ومن حقهم ان يقولوا عنه سلبا او ايجابا.. فيا ترى لماذا سكتوا عن شتيمة معاوية المدير؟..باقي ليك ارجل منهم؟..ولا عارفين البير وغطاها؟..
ودمت طيبا يا هيثم غالي..
كبر
Post: #88 Title: Re: كيف يمكن مصالحة هؤلاء الأصدقاء؟ Author: جلالدونا Date: 10-24-2016, 09:26 AM Parent: #87
دعونى آخد ما يلينى من وثبة كبر الكبرى\
Quote: عضو المنبر جلال عمر (القاعد يتباكي قدام الملأ هنا عن ضرر الشتيمة ويعمل نايم عن شيتمة معاوية المدير للأخرين)..
وهو دايما هكذا يظن ان اى هجوم عليه .. على الاخرين ان يدافعوا عنه ... و إلّا .. هذا حكمه , عاملين نايمين فى موقعة ذات الكسمسات و حفرة الدخان ,انبريت للدفاع عنّك و امام من ؟ امام بيت اشباح دينق كما تقول وين كنت لمّا كنت بكاتل عشانك سورى ليك .. عملت نايم و ... بس الزميل صديق الغالى تفرغ لشتم ساكنى الشمال النيلى ,ووصفهم بى اقل تعبير .. انه لا يليق هل ادنت كتاباته هل طلب منك احد ان تدين ما يكتب فى عضو سألك عن موقفك من كتاباتو كبر سيب الخرخرة و معاها النياصة البتسوى فيها دى يوم استاربكس الاولى لو قايلا حصلت من فراغ يبقى ما عرفت قدر الرجال الساهمت فى الحتة دى و الدليل برغم البعد كنت حاضر معاكم و التلفون يشهد باركت ليكم الجلسة و النية اللهم اجعله خير كلّو كان شان شنو ؟ عشان متوسمين فيك خير فاذا بك تضرب توسّمنا عرض الحائط كبّر غضبنا يوم رفعت كلاشينكوفك لتصرع الله برصاص لا قبل له به و من بعده نبينا محمد لو تجرّأوا على هبش نهد الله و رسوله صرعى فى صولات يملك زمامها من هو فوق لهما ياخى ده افترا ما بعدو افترا ارحم نفسك يا زول ... فى النفس اجيب فيديو على الطريقة الكبرية و ونسة مع بت فى اى حتة و معاها كتّر خيرا على المطايبة ____
Post: #89 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-24-2016, 09:55 AM Parent: #88
حينها لم أكن أعرف المحامي كبر، إلتقيته فقط مرتين. خياله المريض أوحى له بما تجدونه ظاهر في الرآبط اعلآه، وما زال المرض يلآزمه كما هو واضح في آخر مدآخلة له في هذا البوست...
Post: #90 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-24-2016, 11:33 AM Parent: #89
Quote: هيثم..حبابك يا صديقي كتر خيرك للمرة الثالثة على هذه الشجاعة ، وصدقني ح تكلفك الكتير.. معاوية المدير كائن بسيط للغاية ، وقدراتو محدودة بصورة لا تتخيلها.. ولكنه يسمع كلام اخرين ، اليومين ديل عاملين فيها اصحابو وقاعدين يحرضوهو عشان يشيل وش القباحة.. معاوية المدير يحرضه الآتي اسمائهم: عضو المنبر راني السماني ، عضو المنبر عبد العظيم كودي ، ومواطن اخر احجم عن ذكره هنا لأنه يعلن للملأ بان كانت له عضوية في المنبر واضاعها (وتحت تحت قاعد يكتب باسم دينق)..ندعه ليقتله خوفه عن المواجهة..! عضو المنبر جلال عمر (القاعد يتباكي قدام الملأ هنا عن ضرر الشتيمة ويعمل نايم عن شيتمة معاوية المدير للأخرين)..
ومالم تستطع ان تتخيله او تصدقه يا هيثم ، معاوية المدير بيبكي ليل ونهار (بدموعو عدييل) عشان يلقى ليهو تذكرة ونثريات ويمشي يلحق الحوار الوطني (راجع دهنستو لمنصور المفتاح في بوست قطاع الشمال وتجارة العملة ).. فالرجل لا يعرف الله الإ بالقدر الذي يحقق له مصلحتة الذاتية الصغيرة للغاية..!! في هذا المنبر ، تداخل الأصدقاء حامد الصاوي وابراهيم ناصر ، وهم يعرفونني اكثر من معرفتهم لمعاوية المدير ، ولكنهم سكتوا وعملوا رايحين..!!..ليه هل عشان قاعدين يلاقوا معاوية المدير كل اسبوع في وشهم ، ولا عارفين حقيقة عن معاوية ولا يستطيعون الجهر بها امام الملأ؟..وهي الحقيقة التي يعرفها معاوية عن نفسه وعامل فيها داسيها من الناس..!! لماذا سكت كل اهالي عطبرة عن شتيمة معاوية المدير للأخرين؟..هل تظن انهم سكتوا حبا في الشتيمة وانزال الضرر بالآخرين ، ام انهم عارفين البير وغطاه؟.. اها ح يمرقوا من جحارهم ويقعدوا في حكاية كبر عنصري ومأزوم ومفروض يمشي لطبيب نفسي؟.. ومالو.. هو الشتيمة بتكتل زول؟.. والفي راسنا بنسويهو.. وعدناهم من قبل انو ح نفركش ليهم فكرة المعارضة في راسهم..واهو الواقع قدامك ، بعض من حركاتنا وبعض بالنية ساكت قاعد يحصل..!! وبرضو.. ح نتكلم عن فضائح قطاع الشمال لمن يبرك في التراب.. وح نحرش الحكومة انها ما تقبل باغاثة من خارج السودان .. والحشاش يملأ شبكتو.. يطلعونا ولاد عزبات ولا عنصرين ولا مأزومين.. مش مهم المهم..بنعرف كيف نضرب في المليان..!! شكرا لشجاعتك يا هيثم.. وابادلك مثلها ، لأن مثل هذه المطبات لا تصنع وطن ، ولكن صناعة الوطن لابد من ازالة العقبات.. انت قايل حكاية ان يوصفنا طه جعفر بالمأزومين والمرضى النفسيين جاية من فراغ؟..ياهم نفسهم الناس البتكتب باسم دينق اخوان وبتحرش معاوية المدير ، قاعد تقول لينا الكلام ده بالسنوات.. فمن خسر كثيرا؟..
الأُفكاتو الجيّفة كبر.اولاً الكائن صاحب الإمكانيات البسيطة المحدودة دا طلب يقابلك جنب النادي ؤ ما قدرت تجاوب، دحين من الناحية دي إتلهي لأنّك جبان. مِنون ديل العاملين أصحابي اليومين ديل !، عبد العظيم كودي وراني السماني اعرفهم منذ سنين،وإنت عارف كدا، لكنك جُبلت علي الكذب حتي تبرر تلفيقك. مواطن آخر إنت وصفته بأنه خوآف ولا يستطيع المواجهة، إنت الما خوآف البيحميك تواجه ؤ تجيب إسمو شنو ؟. أنا لا أعرف هذا المواطن لكن لو إنت قلت إسمو بوريك كان قاعد يحرشني ولآ لا. ابقى راجل قول إسمو. جلالدونا أهو ردّ عليك. إنت ما راجل عشان تشيّل شيلتك ؤ شيلة أهلك برآك لذلك دايماً تلجأ للتباكي وتصنيف الشخص الذي لا يقف في صفك بأنه ضدك و يؤيد الناس للوقوف ضدك، لذلك تُكثر دائماً من البكاء شافوا شتيمتي ما قالوا حاجة، شافوا الإعتداء علي أهلي ما قالوا حاجة !. أنت تلجاء لهذا الأسلوب لأنك شخص عاجز. حيلك يا سعادتك دهنسة شنو كمان لمنصور المفتاح البعرفوا ويعرفني من سنة 91 بطّل تهريج وفِتن وألعب غيرا. ثم بتطلب من هيثم يرجع للبوست بتاع العُملة، يرجع يشوف دهنستي وين وِإنت مسحت مدآخلتي ؟، أقوليك حاجة، أكتب بوعي، واللآ أقولك أكتب واعي. بعدينك يأخي حاول تعرف ربنا إنت عشان تاني ما تقول، لو جا الرسول نرصصو ؤ لو جا ربنا زاتو نرصصو. غداً إن شاء الله سوف أهاتف كلاً من، حامد الصاوي راني السماني عبد العظيم كودي إبراهيم ناصر، الناس ديل ما موجودين إنت قايل نفسك بتتكلم عن ناس من كوكب آخر ؟. ديششششششآك أهالي عطبرة كوووولهم !؟، إنت داير الناس الذكرتهم ديل + أهالي عطبرة يجو يقيفوا معاك عشان يدينوا معاوية المدير الشتمك ؟، يا زول معاوية المدير دا ما معاك في مدينةوآحدة بدل تقعُد تتبكى ؤ تتشكى للناس ما تجي تقطع لسانوا. إنت اوّل عُنصريتك دايرالآ رفع ضو ؟، نفسك المأزومة العنصرية هي الخلتك ذكرت الأخ عبد العظيم كودي هنا يا عنصري يا مأزوم. بالله عليك تخلي نيّتك البيضة دي تتبيّن فيني ؤ تقلبني سحلية. قلت لي بالنيّة ؟!. ختاماً، ركّز علي الضرب في المليان ووعك تقول أنا قلت عنّك ود عزبا.
نسيّت اقولك، الزول المأزوّم هو الزول البيناتل في المنبر وفجأة يضرب لخصمو تلفون ؤ يقعد يبكي زي الطفل السغيّر، واللآ مُو كدي ؟. يأخي إنت راجل كبير ؤ محامي عليك الله تاني ما تعمل كِدا...
Post: #91 Title: Re: كيف يمكن مصالحة هؤلاء الأصدقاء؟ Author: Hamid Elsawi Date: 10-24-2016, 06:16 PM Parent: #90
معاوية و كبر المعركة الاسفيرية دي ماعندها معني و بتخصم من رصيدكم الاثنين؟ ما تتوقع يا كبر اني اتدخل في المشكلة اسفيريا لانو ببساطة ممكن ازورك في البيت و اتحدث معاك و عملتها قبل كده و كذلك مع معاوية الذي لم اسجل له زيارة رغم انها واجب لانه حضر للمدينة قادما من مدينة اخري. لقد قمت بما استطيع حتي الان لحل هذه المشكلة و ما قمت به و انوي القيام به ليس للنشر اسفيريا ... لاني بعتقد دي قضايا خاصة و لا داعي لنشرها لخصوصيتها. بالاضافه لانو ما بتفيد القراء باي شكل ارجو ان نلتفت لما يفيدنا و يطور آفاق تفكيرنا
Post: #92 Title: Re: كيف يمكن مصالحة هؤلاء الأصدقاء؟ Author: مامون أحمد إبراهيم Date: 10-24-2016, 06:41 PM Parent: #91
أحسن الله عزاءكم أخي معاوية الزبير
رحم الله الوالدة العزيزة وأسكنها فسيح جناته
( إنا لله وإنا إليه لراجعون )
Post: #93 Title: Re: كيف يمكن مصالحة هؤلاء الأصدقاء؟ Author: مامون أحمد إبراهيم Date: 10-24-2016, 06:41 PM Parent: #91
أحسن الله عزاءكم أخي معاوية الزبير
رحم الله الوالدة العزيزة وأسكنها فسيح جناته
( إنا لله وإنا إليه لراجعون )
Post: #94 Title: Re: كيف يمكن مصالحة هؤلاء الأصدقاء؟ Author: Hamid Elsawi Date: 10-24-2016, 06:49 PM Parent: #89
حذفت للتكرار
Post: #95 Title: Re: كيف يمكن مصالحة هؤلاء الأصدقاء؟ Author: محمد حيدر المشرف Date: 10-24-2016, 07:44 PM Parent: #1
معاوية سلامات
Quote: تبقّى هنا أن يرد ابن عباس كتابةً بالذي أبلغني به شفاهةً
الامر ما محتاج الكلام ده ولا حاجة ... اعتبر الموضوع منتهي يا عزيزي من جانبي .. وأستطيع أن اتكلم, كذلك, بلسان جلالدونا صحوبية واقتدار
شاكر جدا يا معاوية .. وعارف ما بيناتنا ياخ ولكن ... وتماما كما التقريظ أعلاه .. ضروري ومستحق
Post: #96 Title: Re: كيف يمكن مصالحة هؤلاء الأصدقاء؟ Author: جلالدونا Date: 10-25-2016, 00:38 AM Parent: #95
يمين الله كلام المشرّف ما يقع واطا تاب يا زول صافية لبن و ان شاء الله سعيك ما يخيب يا ود الزبير و ح اخت ايدى فوق ايدك عشان ود المدير يستجيب بأذن الله وشكرى الجزيل ليكم مع التقدير و الاحترام
Post: #97 Title: Re: كيف يمكن مصالحة هؤلاء الأصدقاء؟ Author: Haytham Ghaly Date: 10-25-2016, 04:45 AM Parent: #96
Quote: يمين الله كلام المشرّف ما يقع واطا تاب يا زول صافية لبن و ان شاء الله سعيك ما يخيب يا ود الزبير و ح اخت ايدى فوق ايدك عشان ود المدير يستجيب بأذن الله وشكرى الجزيل ليكم مع التقدير و الاحترام
دا كلام جميل جداً يا المشرف وجلال ويفتح النفس في الصباحية السمحة دي
واناشد وارجو من الاخوة ود المدير وكبر ان يجبروا بخاطرنا وخاطر ود الزبير
وان يرجعوا لصوت العقل فلا فائدة تجنى من الخلافات سوى مزيداً من العداءات
التي لا طائل منها
تحياتي لكم جميعاً
Post: #98 Title: Re: كيف يمكن مصالحة هؤلاء الأصدقاء؟ Author: معاوية الزبير Date: 10-25-2016, 06:32 AM Parent: #97
سلام يا هيثم يا غالي الجماعة ديل ما بيناتهم أي مشكلة، ود المدير ود المشرف ود عباس وجلالدونا هذا ما اكتشفته من محادثاتي معهم، رغم إني ما لاقي وسيلة اتكلم بيها مع جلال (اتصل ياخ 0097466684229)
تبقى المشكلة الكبرى بين ود المدير وكبر أرجو الرجوع إلى مداخلة Hamid Elsawi
وشكرا يا حقصة
Post: #99 Title: Re: كيف يمكن مصالحة هؤلاء الأصدقاء؟ Author: أبوبكر عباس Date: 10-25-2016, 08:31 AM Parent: #97
سلام أعتذر للجميع عن السلوك الجلف وسوف أتحاشى المساس بالمقدسات الإسلامية بمنبر بكري
Post: #100 Title: Re: كيف يمكن مصالحة هؤلاء الأصدقاء؟ Author: محمد البشرى الخضر Date: 10-25-2016, 05:20 PM Parent: #99
الاسلامية بس ولاّ كل الأديان؟ عموما ديلاك المساس بيهن ما بجيب دخل اساسا الكيتة بتقوم بالمساس بالإسلامية فقط
Post: #101 Title: Re: كيف يمكن مصالحة هؤلاء الأصدقاء؟ Author: muntasir Date: 10-25-2016, 06:54 PM Parent: #100
سلام معاوية الحل نجيبهم هنا ونعمل ليهم مفاوضات الدوحة بكة علي أنا فلاي دبي ذهاب وإياب ٥٠٠ريال بي زندقته دي يكون سجاير ما بشرب مامكلف نثريه ٣٠٠ ريال نضقل بيه برايسلس، بتاعين وفد المنافي بتاعين كندا عليك أصلهم الإثنين متقريفين لحوار وكان غشوا كونيكشن حيدر أباد نستقبلهم مقصرين حالقين مشنقين الطواقي
Post: #102 Title: Re: كيف يمكن مصالحة هؤلاء الأصدقاء؟ Author: معاوية المدير Date: 10-25-2016, 08:58 PM Parent: #101
Quote: سلام معاوية الحل نجيبهم هنا ونعمل ليهم مفاوضات الدوحة بكة علي أنا فلاي دبي ذهاب وإياب ٥٠٠ريال بي زندقته دي يكون سجاير ما بشرب مامكلف نثريه ٣٠٠ ريال نضقل بيه برايسلس، بتاعين وفد المنافي بتاعين كندا عليك أصلهم الإثنين متقريفين لحوار وكان غشوا كونيكشن حيدر أباد نستقبلهم مقصرين حالقين مشنقين الطواقي
لا حول لله. أتعبناك شديد معانا يا منتصر، تلآتة سطوّر ؤ كلمتين !، ياخي حقك عليَّ والسهر السهرتو دا إن شاء الله في ميزان حسناتك، والشكر لكل الذين سعوا هذا المسعى الحميد وهم كلهم اخواني وأحبابي، والشكر موصول لأخي الحبيب ابو بكر عباس كانت دردشة ساعتين كل الجمال ومن حقي ان افخر وأفرح إذ أتاح لي المستنير هذه الفرصة وانا الكائن البسيط صاحب القدرات المحدودة. اشكركم مرةً أُخرى علي (الأوفر) فوالله لو أُتيحت لي فرصة للسفر للفردوس لمحاورة حضرة المحامي كبر لرفضت، يكفيني اتملق الأخ منصور المفتاح حتي احظى بتزاكر وبعض نسريات لألحق ركب الحوار صُحبة طراجي مصطفى أستمتع بالركلسة في فنادق الخرتوم واقزقِز تسالي وانا أتسكع علي شارع النيل. شكراً لكم جميعاً شكراً أخي المستنير...
Post: #103 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-27-2016, 11:19 AM Parent: #102
أنا جيت.. وفي بعدي لقيت،كل الأرض أجواء فرايحية... ماشاء الله تبارك الله..
التحية أولا للاخ ود المدير الذي خصص مداخلة باسمي وانشغلت عن الرد عليه.. والتحية من بعد للاخ جلالدونا على كلامه الطيب في حقي...
علاّ دي قدر مااجتهدت ماقدرت افهما..(الحقوق محفوظة لأهلها)
سلام أعتذر للجميع عن السلوك الجلف وسوف أتحاشى المساس بالمقدسات الإسلامية بمنبر بكري ــــــــــــــــــــــــــــــــــــــــــــــــــــــــــــــــــ
فبدور استعين بصديق، ودالبشرى ياحبيب،رأيك كيف؟ شايف شنو ؟ أرضا سلاح وللا نكب باقي الحنك؟
Post: #104 Title: Re: كيف يمكن مصالحة هؤلاء الأصدقاء؟ Author: محمد البشرى الخضر Date: 10-27-2016, 11:30 AM Parent: #103
حمدالله ع السلامة يا عليش, انت قاعد تسافر وين - الدهب و الزراعة ؟ شفت الحشرية كيف ههههههه المهم يا صديق كب الحنك لا تموت بيه, اهلنا قالوا البموت بي حنكو بيورم - أو ما شابه لكن شنو.. غيّر التون او خفّفه خليه يماشي الجو الـبمبي السائد في آخر البوست :)
Post: #105 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-27-2016, 01:21 PM Parent: #104
حمدالله ع السلامة يا عليش, انت قاعد تسافر وين - الدهب و الزراعة ؟ شفت الحشرية كيف ههههههه ــــــــــــــــــــــــــــــــــــــــــــــــــــــــــــــــــــ معقول ياحبيبنا حشرية منك إنت؟ قعد أسافر الزراعة وأشياء اخرى،الدهب لسّة شوية..
دار اتكلم شوية في الطبقة الصنعا المستنير في المنبر (سواء كان هومتعمد أو غير متعمد)... أعني :طبقة المستنيرين... المستنير طبعا قدم اعتذار،عشان كدا من ناحية مرجلة ساي ،مابنقدر نتكلم فيهو... لكن ماذا عن السيستم أو النظام ؟ هل سيزول أم سيستمر.. يعني تقدر تقول كدا،زي مثال حسني مبارك...صاح هو شتت...لكن نظامو لسة قاعد... وعشان الأجواء البمبية دي،والمستنير طبعا بستخدم كلمة وردية ، وهو ماقعد يحترما أو كان مابحترما ــــ قصدي الأجواء الوردية والبمبية ــــ وشاكل بسببا زول قبل كدا... ودا كمان ملف براهو،أعني ملف الناس البتحرش بيهم المستنير...وانا لاحظت إنهم ناس مختلفين في اهتماماتن، لكن في صفة واحدة بتجمعهم :كلهم ناس مسالمين للغاية..والناس النيرفز المستنير عادة قعد يتجنبم ولو كانوا أشد ظلامية.. لكن أنحن أولاد النهارد دا..عشان كدا ح احاول أطرح الأمر بطريقة بمبية،في المداخلة الجاية،إن شاء الله.. تحياتي
Post: #106 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-27-2016, 01:59 PM Parent: #105
كدي أول حاجة النحاول نتقمص إسلوب المستنير... أبدأ من هنا.. يوم بقرا في بوست للمستنير،لقيتو شابك الناس دينا خالد..دينا خالد ...دينا خالد.. في اللحظة الدار أطلع فيها من البوست،الشافع جاب الشاي،أخدت لي بقة،قمت لاحظت إنو في ضب متحرك في الحيطة،ماشي على جندبة... أنا ماعارف هل سؤالي النتج بعد داك ،كان من الفونكا،وللا من الضب.. لكني على أي حال تساءلت :هل ممكن تكون دينا خالد دي تركت المنبر عشان المستنير؟... في اللحظة دي ،والضب كان على البعد المفروض يفتح فيهو خشمو،عشان يلتهم الحشرة،لكنو بدلا من تصرفو الطبيعي المفروض يتصرفو..قبل عليّ وعمل الصوت البيعملو الضب عادة :كص..كص.. أها الضب لما قبل تاني للحشرة لقاها طارت..قام قبل علي تاني وقالي :حريقة في المستنير الطير دينا خالد من المنبر ،وطير الجندبة من الحيطة... أنا طبعا ماهمتني الحشرة بقدر ماهمتني جسارة الضب المستنير دا، قمت قلتليهو :ياضبو ،إنت الليلة قدمت خدمة عظيمة في درب الاستنارة،استنارتك دي لو لقينا ربعا هنا ،أكيد ضلام المنبر دا ح يبقى نور كلو..أنا ح أديك 2 لمبة استنارة،او أقوليك هن 3 لمبات عديل كدا،إنت ضحيت بقوتك وقوت عيالك عشان درب الاستنارة.. انتهى التقمص.. يلاّ نشوف تعليقات المستنيرين.. 1. ياسلااااام يامستنير ،يو ميك ماي داى. 2. عمييييق يامستنير. 3.الليلة ،الله يستر عليك من الظلاميين. 4.البوست دا انا ح أبخرو عشان مايجي ظلامي يخش هنا ويخرب الجمال دا..
وأنا ـــ أعني عليش ـــ مرات بقول ،الناس ديل يا إما من جماعة (رضد) يعني رفع ضغط الدم... وللا كمان يكون بكري ابوبكر ،مدي كل واحد فيهم بدل الباسويرد فيل كبير.. ودا كلو مامشكلة،لكن المشكلة في إنو السيستم دا بقا رابطة وأخوة، و قاعدة ومنصة كبيرة لإطلاق صواريخ التهكم على بقية الأعضاء..والكذبة الصغيرة بقت قبة كبيرة.. وياريت لو القبة تحتا فكي...كان طلعنا بفائدة..لكن هسّ السؤال مازال قائما :ماذا استفدنا من شعلة الاستنارة الضاوي نورا في المنبر؟
Post: #107 Title: Re: كيف يمكن مصالحة هؤلاء الأصدقاء؟ Author: محمد المرتضى حامد Date: 10-28-2016, 08:54 AM Parent: #106
ريثما يعود عزيزنا معاوية الزبير قريبا بإذن العلي القدير.. اللهم اشفه شفاءا لا يبارح سقما ،
آمين..
Post: #108 Title: Re: كيف يمكن مصالحة هؤلاء الأصدقاء؟ Author: محمد أبوالعزائم أبوالريش Date: 10-28-2016, 10:43 AM Parent: #107
Quote: ريثما يعود عزيزنا معاوية الزبير قريبا بإذن العلي القدير.. اللهم اشفه شفاءا لا يبارح سقما ،
Post: #109 Title: Re: كيف يمكن مصالحة هؤلاء الأصدقاء؟ Author: جلالدونا Date: 10-28-2016, 02:19 PM Parent: #108
حمدلله على السلامة و الامنيات بعاجل الشفا اجر و عافية انشاء الله ____ يا ابو العزائم ياخى ممكن تشيل ليك كيلو ترمس و معاهو شوربة حمام تقيلة ليهو و الحساب يجمع ان شاء الله
Post: #110 Title: Re: كيف يمكن مصالحة هؤلاء الأصدقاء؟ Author: هاشم الحسن Date: 10-28-2016, 05:56 PM Parent: #1
معاوي يا حبيــب عمّن قريـــــب تبقالنا طيّــــب تقوم عجـــــلان صافي النيّــــة تقوقي قمـرية تهب الهمبريب وكمنّك الطبيـب للخواطر تطيّب ****** على خطة معاوية ولد الزبير الطيب، طابت أريحياته... النرميـلنا بياض، مستحق بالمناسبة وأهو جات المناسبة، بياض للأديب عليش الريدة بخصوص أبكرونا حامل اللمبات....ولّ بتردوا جودية معاوية؟. تعرف يا أديب، وما طالبني حليفة يا عليش،، مع اللتنين ديل نحنا فرد حوار وونسات قديمة أقدم من أول سؤآل وأحدث من الإجابات المتوقعة لأي منا على أي منا. فكثيرا وكثيرا جدا ما نتبادل بل قل نتنادم الآراء ولا نندم على اختلاف. بل قد ندمغ بعضنا بأختام اللحظة لكن أصلووو ما بنزعل.... وكعادة، إذ لا خيل عندنا، نتهادى اللقى وخاصة الأدبية، فما بنختلف عليها إلا قليلا وعند اللزوم فقط، ملح وسكر يعني.. أها قبل كمِّن يوم كدا،،،قبّال ود البشرى ما يتحسر على اعتزال هيثم ودقلبا عن الحكي ويطالبه بالمزيد/نحنا كمان بنطالب، فأنا الفقير للمتع الأدبية، ومن مساطب القراء ساي، قلت للمستنير أخوي دا ــ ما لقيت فرصة أقول لمعاوبة، ويا معاوية أهو بكلمك ــ إنو: القصة الطويلة/ النوفيلا/ رواية قصيرة أو كيفما تسميها (هيثم ودقلُبا في أحراش الدمازين) الكاتبا زول جديد في المنبر، بالنسبة لمعرفتي طبعا، الاسمو كذا وكذا، اللي هو عليش الريدة، تستحق القراءة من كل بد لأنها: وفنيـــــاً بس... {{كحكاية فهي متعة باذخة باعثة على استمخاخ رومانسي شفيف لا تقلقه حتى لذة انفتاح النهاية على غموض مثير مستفذ، وكأسلوب سردي فهي؛ لغة على بساطتها، لعوب ولا بهلوان سيرك، كشفت عن منسوجة مجتمعية وفلفلتها حيوطا أنكاثا. وهو من بعد أسلوب راقص ولا معزوفة من كمان عاصم الطيب قرشي في مقامات الرضا بالدمازين. وأما الكنتة الأدبية الجد جد ففي لعبو بالزمن! لعّاب ياخي! وقّف يا زمن! أرح يا زمن، طوطح الزمن ورمى ليهو باص ثرووو وهو لاعب ضدو، ياخي عليش دا لعب لعبة الزمن الروائي ديك بتقنية محترف كتابة، يمين يتفرغ ليها يوريكم كتابة الجن!}} غايتو، نهيت كلامي بإنو؛ عليش أبو الريدة دا، أكبر من مشروع أديب في سودانيز دي، لو الظروف سمحت يعني وكدا وطول بالو وخلى السفر الكثبر البلافايدة... لينا طبعا!! أها المستنير دا وعدني وعد من لم يخلف، إنو يقراها ويرجع يغالطني كضرورة لا مناص، فتفاءلت خيرا ، لكن ما أظنو لقى طريقة من كثرة انشغاله بمهامه التنويرية! ****** تعرف يا عليش أنا بعدها قريت (أمراض مزمنة) و (العنّابة والشرابات) في سودانايل، فقرّ رأيي على رأيه الأول، لكن لسع ما كلمتا زول ههههههه.... ****** فشنو... عليك الله يا أديب طالما طلعت إتّا زاتك عكليتة وما قاعد في برج الأدب الماسي، فحقو تدي المستنير فرصة/هدنة/أي سبب يمشي يقرأ ويستمتع ويتعاطف مع "عايدة" لأنو أصلوا من يومو قال شامّي أولاد قلبا على خطى ناس الضهاري الحاسدين ثم بالله سردبوا عن محبة وإخلاص وخلونا نستمتع بالمغالطات في منبر جميل.
Post: #111 Title: Re: كيف يمكن مصالحة هؤلاء الأصدقاء؟ Author: عليش الريدة Date: 10-28-2016, 08:08 PM Parent: #110
سلام أستاذنا هاشم..وشاكرين لك كلامك الطيب.. أنا ياعزيزي ،سوداني كأي (سوداني طبيعي)..غرابي ،جلابي،آدروب،جانقي..أو أيا كانت تلك الأوصاف الهلامية.. نبتُّ في تلك الفضاءآت بين خطوط الطول والعرض.. تحت الشمس،فوق النيل..ومن لجج الصحارى والغابات.. لدي ـــ أكثر من أي شعب آخر في العالم ــــ إرث اعتز به وأحمله في حنايا قلبي.. قد يكون هو في نظر الناس،مشوها،أو مشوشا،أو مولود من رحم صدف الفوضى.. لكن نظر الناس لايعنيني في شئ.. مقتنع أنا كما ينبغي أن يكون الاقتناع،أني على شئ، غني،كريم،كفؤ... يستطيع بأقل هبة من نسمة،أن يتعافى ،رغم ماحاق به من تلك الصرصر العواتي.. الأمثلة كثيرة ياعزيزي،أنت وأنا نعرفها..الناس وبقية العالم يعرفونها.. وإن أردنا أن نتحدث عنها،فقد نستهلك أزمانا طويلة.. نعم الضرر يحدث وهناك تراجع،لكن مازالت في (ناسنا) ،لمعان من ذلك البريق القديم.. هذا التكاتف ،والتسامح ،والثقة بالنفس،وكل ماتبقى من تلك الصفات البهية.. لابد أن نسأل أنفسنا من أين أتت؟ هل من الدين وحده ؟لا..لا..لا (وأنا بذلك عليم )..وقد افتح بوستا بهذا الصدد.. الصفات السودانية ياعزيزي ،رأيناها في المسلمين والمسيحيين واللا دينيين.. وفي كل قبيلة نبتت داخل هذا المستطيل الذي يسمى السودان.. وعندما يأتي شخص ليجدد لنا إرثنا وعاداتنا لتواكب مرور الزمن ، فيجب أن يكون ذلك مدعاة لمساعدتنا وفخرنا.. لكن.. عندما يأتي شخص ليركل ويقذف ،وليس لديه شئ ليقدمه بديلا،وهو مع ذلك يعتبر الأمر مزحة.. فمن أبسط حقوقنا أن نسأله : ماذا تريد بالضبط أيها الشاب؟ ماهي رؤيتك؟ الجميع يطرح الأسئلة ويحاول أن يظهر مكامن الخلل،هذا أمر لا تميز فيه،لكن التميز في طرح المشاريع،والرؤى.. وإلم يكن لديك شئ ،فعلى الأقل تأدب، كما يتأدب من ليس لديه شئ يقدمه ..فلا أحد يستطيع تحمل المفلس المتكبر..
الطريقة التي تربيت أنا بها،أكون محظوظا إن وفرتها لأبنائي..لكن هذا صعب جدا، ففي الواقع ،هناك على الأرض المحايدة، تظهر حقيقة جلية،أنا لست كأبي وأبي ليس كجدي.. الخام في كل عام ينقص خردلة..بفعل الطبيعة فقط،دون تدخل من أحد .. وعلى هذه الخردلة نحن نتحسر،فمابالك بالأطنان التي ينوي المستنير سحبها منّا..
*شاكر لك أيضا تقريظك لكتاباتي ،وهذي ــــ لو تعلم ــــ شهادة كبيرة اعتز بها.. لا شئ شخصي ضد المستنير،لكن ألف شئ ضد رؤياه ..أو بالأصح شبح رؤياه.. عميق احترامي وتقديري
