قصي ، بريمة ، أبوحسين ، خاصة صديق الغالي ده ترامب زاتو ( على نيته )

07:13 AM October, 17 2016

سودانيز اون لاين
علي عبدالوهاب عثمان-جدة
مكتبتى
رابط مختصر

حبيبنا بكري أبوبكر ..
هؤلاء ملح الحوش .. ليهم طعم خاص ..
تخيل جلسة بدون هؤلاء ... لا طعم لا لون ..


يا بكري لو ما حلاوة كلام ترامب وعفويته وإطلاق الكلام هكذا من كان
سيتابع الانتخابات الامريكية .. رغم إنه يرفع ضغطي مليون درجة لكن
حيوحشنا بعد إنتهاء الانتخابات .. لأنه إبتدع أسلوب جديد في المخاطبة
ما عندو لا خلف السطور ولا فوق السطور يقدم وجبات جاهزة لا يكلفك
عناء البحث القراءات .. ومعه تحدد موقفك ومحلك من الاعراب .

حبيبنا صديق الغالي زي ترامب يطلق الحديث هكذا بدون ( غتغته )
ويعبر عن رأيه بصوت عالي عرفنا منه الكثير من الاحاسيس المتحفظ عنها لدى
الكثيرين منا .. أطلقها مع الريح .. واشكره لأنه أطلعنا على صورة أهلنا في الشمال
والوسط لدى بعض الاخوة الاخرين في الوطن ..

ونموذج صديق الغالي وترامب سوف يسود العالم قريباً - إبداء الرأي بدون تحفظ
كمان شايف بوتين بدأ .. وجونسون وزير خارجية بريطانيا في الطريق ..

وهذا يدل أن صديق سبق الجميع وهو صاحب الملكية الفكرية

حبيبنا بكري .. يعني ترامب لو كان عضو كان حيكون موقوف ..

معليش يا جماعة ( أعاني جداً عندما أكتب بالعامية )

مودتي الحبيب بكري

اضم صوتى الى صوتك
والايقاف ليس الحل الامثل
الاختلاف سنة الحياة

الحبيب عبدالله حسين .. مودتي ..
الاختلاف سنة الحياة ..
الواحد ممكن يختلف مع اي واحد في الدنيا دي إلا الوالدة فقط الام
كده المنبر يفقد حيويته ..
ما دام راحو الكتاب والادباء والشعراء ..
والحوش بقى جلسة سودانية ديل هم ملح البورد ..
مثال : معاوية ، دينق ، ودالباوقة ، وباقي الاخوة رغم إختلاف توجهاتهم
تشعر في رابط أقوى من السياسة والمواقف ..

مودتي عبدالله ..

وهل قبل المجتمع الامريكي ترامب يا استاذ عبد الوهاب
وما يحمله الغالي عن اهل الشمال يعبر عن عقدته هو ولا يعبر عن اخرين في القطر
وصديق الغالي لم يتم ايقافه لانه عبر عن ما في نفسه المريضة تجاه الشمال
وانما تم ايقافه لانه شتم واحده من الاخوات بالبورد ووصفها بالعاهرة
هل هذا الامر مقبول بالنسبة لديك ؟
وهل في ظنك انو موقف زي دا ما بستحق عشانو الطرد من البورد ؟
فهناك فرق كبير بين الراي والشتم والتعدي على اعراض الاخرين

وانما تم ايقافه لانه شتم واحده من الاخوات بالبورد ووصفها بالعاهرة

مودتي ودالفكي ..
دي كبيرة جداً .. عليه الاعتذار .. ولا يجوز أبداً ..
أما عن الموضوع الاخر لا اظن أن وحده فقط لديه نفس الاتجاه الوسط والشمال ( كل الجنوب )
مع أن هذا الاحساس لديه ما يبرره ولكن مشكلة صديق الخطاب المباشر ..
لأن الناس أستهلكوا الكثير من الزمن في هذا الموضوع تحت عنوانين غير واضحة
( الغابة والصحراء ) ، ( الافروعربية ) ، ( الزنجراب ) ، حتى مقالات النور عثمان أبكر
ورد صلاح احمد إبراهيم .. المشكلة أن صديق كان مباشر في خطابه .. وأختصر الطريق

مودتي ودالفكي ..
فليعتذر صديق للاخت .. ويرجع ببوست إعتذار

بكري لو سمحت خلي لينا البوست ده شوية ..

دون أن أقرأ أثني حديث أستاذي علي عبد الوهاب عثمان

شكراً على ثقة حبيبنا وائل
إرسيه وائل أمبس
تحياتي ..