ياما قال كلام مالي دخل بيه إني بروح لغيره بهوى وأصطفيه بقيف بي سكون في حرف الياء ...
اي فنان قلدو تاني غلبتو عدييييل ... كل المقلدين بغنوها ما لي دخل بيهو ... بهوى و بصطفيهو ده الفرق بين الأصل ... و الصورة !!!
تسجيلي ده زاتو براهو ... :)
Post: #2 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-17-2016, 05:01 AM Parent: #1
محمد وردي لما سأله حسين خوجلي في برنامج اهل القمة لو في فنان تاني وردي معجب بيهو او غناهو كان بتمنى يكون حقو ...
قال شهادته العجيبة دي عن رسايل و احمد الجابري
Post: #3 Title: Re: ياما قال كلام ما لي دخل ( بيه ) .. ارجل غنّاي Author: ياسر السر Date: 10-17-2016, 05:34 AM Parent: #2
استاذنا يحي قباني اسعد الله اوقاتك بكل خير ياخي والمرحوم الاستاذ احمد الجابري فنان مبدع حد الثمالة وفعلا تقليده استعصى على كل المقلدين مثله مثل المبدع المرحوم خليل اسماعيل يصعب تقليدهم ... اما ما جئت به في هذا البوست فهي ملاحظة قوية منك لا يلاحظها الا من كان ضليعا في الفن وفي السمع فانت ماشا الله عليك فنان بالفطرة ... واصل في نبش هذه الاشياء الجميلة ونحن كلنا اذن صاغية ...
تحياتي : ياسر العيلفون ......
Post: #4 Title: Re: ياما قال كلام ما لي دخل ( بيه ) .. ارجل غنّاي Author: محمد الأمين موسى Date: 10-17-2016, 07:07 AM Parent: #3
أخي المبدع يحيى شكرا على تسليط الضوء على إحدى ظواهر الفن الغنائي السوداني المسماة: الجابري. الجابري - رحمة الله عليه - يضع ألحانه ويضع لها نظائر لا متناهية. فكل أداء للأغنية ذاتها يختلف عن سابقيه، كما أن تكرار الكوبليه يكون غنيا بالتمايزات التي تتنقل فيها التشديدات من كلمة إلى أخرى ومن حرف إلى آخر. ويمكن القول إن الجابري من الفنانين القلائل - مثل أبوداؤود - الذي لهم أداء رسمي للأغنية وأداء (دلع) - إن جاز التعبير. فصوته يطاوعه ليفعل ما يريد تعبيرا عن الانفعال والمزاج الراهن، وهذا ما يرهق المقلدين في مطارداتهم له عسى ولعل أن يمسكوا بتلابيب حنجرته وحسه النغمي المرهف، ولكن هيهات. لقد استمعت كثيرا لأدائه في أغنية رسائل، ولكن ما أتيت به في تسجيلك أعلاه تضمن بدائع تشنف أذني لأول مرة. لذلك أنصح من يريد الاستمتاع بإبداعات الجابري وأبوداؤود وود اللمين وغيرهم، أن يجمع للأغنية الواحدة عدة إصدارات (بالأوركسترا (قديمة وحديثة) وبالعود والأداء الجماعي للأغنية أن وجد ولا ينسى الإتيان بأداء بعض المقلدين).
Post: #5 Title: Re: ياما قال كلام ما لي دخل ( بيه ) .. ارجل غنّاي Author: almulaomar Date: 10-17-2016, 07:33 AM Parent: #4
الصمت في حرم الجمال جمال
Post: #6 Title: Re: ياما قال كلام ما لي دخل ( بيه ) .. ارجل غنّاي Author: أسامة عبد الجليل Date: 10-17-2016, 07:36 AM Parent: #4
يا سلام عليك يا قباني وعلى ملاحظتك الذكية..
العميري وراه الحافر بالحافر.. ونطقها كما هي.. لك المودة وعلى أرواحهما السلام..
Post: #7 Title: Re: ياما قال كلام ما لي دخل ( بيه ) .. ارجل غنّاي Author: حيدر حسن ميرغني Date: 10-17-2016, 07:52 AM Parent: #6
سلامات قباني الفنان الراحل نادر خضر برضو اداها بشكل مميز
Post: #8 Title: Re: ياما قال كلام ما لي دخل ( بيه ) .. ارجل غنّاي Author: جلالدونا Date: 10-17-2016, 08:49 AM Parent: #7
القبانى ,, كيفك يا ذوق المرحوم بإذن الله الجابرى لو قلت ليك إنّو ده صوت ما ح يتكرّر قريب على مستوى العالم مع ميزة اختيار الكلمات و عبقرية التلحين و ما الرسايل براها حاجات تانية غصبن عنّك تدودر بى حالك كدى جيب اجعص فنّان و خليهو يلّحن كلمات زى دى الرهيف قلبو بعيش فى شكّو اكتر من يقينو تستبيهو آااااااخ انا من تستبيهو دى تستبيهو نظرة جارحة وتحترق بالحب سنينو ياخ هاك ليها كلها مانسيناك جاي تعمل إيه معانا بعد ما بدلتنا ماسقيناك أحلي ما في عمرنا من عواطف مالقيناك ********** الرهيف قلبو بيعيش في شكو اكثر من يقينو مانسيناك جاي تعمل إيه معانا بعد ما بدلتنا ماسقيناك أحلي ما في عمرنا من عواطف مالقيناك ********** الرهيف قلبو بيعيش في شكو اكثر من يقينو تستبيهو نظرة جارحة وتحترق بالحب سنينو قلبو ضايع في العيون الشاربة من حبو وحنينو وناكرة حتي إنو إنسان يسعي لي قلبي يعينو ********** ماكفاهو العذاب الهو فيهو ليه تزيد آلامو اكتر وليه عيونو العمرها ماخانتك تبكي و تسهر وليه توشح فجرو بالأحزان بعد ماقلبو نور اضحي جرح الفرقة في قلبو الحزين من حبو أكبر ********** قلبي غافر ليك ذنوبك سيبو بس تنشف جراحو الحنين العاش لحبك صرت تسخر من نواحو سيبو مرة يغسل احزانو بالأمل يشرق صباحو وكيف يطير لعشو عصفور منكسر مكسور جناحو قلبو ضايع في العيون الشاربة من حبو وحنينو وناكرة حتي إنو إنسان يسعي لي قلبي يعينو ********** ماكفاهو العذاب الهو فيهو ليه تزيد آلامو اكتر وليه عيونو العمرها ماخانتك تبكي و تسهر وليه توشح فجرو بالأحزان بعد ماقلبو نور اضحي جرح الفرقة في قلبو الحزين من حبو أكبر ********** قلبي غافر ليك ذنوبك سيبو بس تنشف جراحو الحنين العاش لحبك صرت تسخر من نواحو سيبو مرة يغسل احزانو بالأمل يشرق صباحو وكيف يطير لعشو عصفور منكسر مكسور جناحو
Post: #19 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-18-2016, 05:23 AM Parent: #8
Quote: القبانى ,, كيفك يا ذوق المرحوم بإذن الله الجابرى لو قلت ليك إنّو ده صوت ما ح يتكرّر قريب على مستوى العالم مع ميزة اختيار الكلمات و عبقرية التلحين و ما الرسايل براها حاجات تانية غصبن عنّك تدودر بى حالك كدى جيب اجعص فنّان و خليهو يلّحن كلمات زى دى الرهيف قلبو بعيش فى شكّو اكتر من يقينو تستبيهو آااااااخ انا من تستبيهو دى
آخ ساكت يا جلّي ...
يا خي بشفق على وليداتنا القاعدين في الغربة دي لما اسمع الجابري في الجريف و اللوبيا
و الله يا جلال اقرب ابكي لما الجابري يقول :
عندي شوق لي نيلنا .. و الأهل و الطيبة .. الجريف و اللوبيا و باقي ذكرى حبيبة ( و كم عندي ذكريات في الجريف غرب يا جلي ) ...
و البكا ببقى نشيج لما يصل :
يا سواقي بلدنا ... و ينو صوتك مالو .. وينو قارع مويتك ... غنى باسم حالو ... وين غسيل النيل ... و شر هدوم في رمالو ...
بالله عليك دينك ... صابونة بتعريفة مكعب كبير و ظهرة فوق البيعة ... و غسيل زي الورد ... وشر هدوم في القيفة فوق الرملة العجيبة ...
و الله يا جلال حنموت بالحسرة بس ...
ياخي شوف الأوثرتري في كلام الصادق الياس ...
عندي شوق لي ( نيلنا ) ...
نيلنا انحنا ديل ...
اها ...
الجابري وحده ... الذي يغنيها الجريف و ( اللوبيا )
كل المقلدين غلبتهم و بغنوها الجريف و ( اللوبا ) ...
و مع الجابري يا ما حنتوه ... و ياما نشوف دلايل ...
بالمناسبة ... رسايل هي اول لحن لأحمد الجابري ... اداها ليهو الصادق الياس سنة 1963 ...
الجابري لحن رسايل ( المعجزة ) في أسبوع واحد فقط ...
اغانيه القبلها ما من الحانو ... عبد الرحمن الريح معظمها ...
Post: #17 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-18-2016, 02:38 AM Parent: #7
سلامات قباني الفنان الراحل نادر خضر برضو اداها بشكل مميز ___________________________________
تحياتي حيدر .. ورحم الله الجميل نادر خضر ...🙏
Post: #9 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-17-2016, 01:39 PM Parent: #3
Quote: استاذنا يحي قباني اسعد الله اوقاتك بكل خير ياخي والمرحوم الاستاذ احمد الجابري فنان مبدع حد الثمالة وفعلا تقليده استعصى على كل المقلدين مثله مثل المبدع المرحوم خليل اسماعيل يصعب تقليدهم ... اما ما جئت به في هذا البوست فهي ملاحظة قوية منك لا يلاحظها الا من كان ضليعا في الفن وفي السمع فانت ماشا الله عليك فنان بالفطرة ... واصل في نبش هذه الاشياء الجميلة ونحن كلنا اذن صاغية ...
تحياتي : ياسر العيلفون ......
ياسر يا فنان ... ياخي كتر خيرك على هذا التقريظ ...
و لكني و الله ليس كما تقول ضليع او فنان ... انا فقط ( احب ) سماع الأغنيات ... و لا اسمعها لمجرد التطريب ...
كما الفرق بين من يؤدي عمله بتفاني و من يحب عمله فيؤديه بحب و تفاني ...
الكوبليه ده يا ياسر ... على قولة الحبيبة كاسر فيني كم ضلعة من يوم سمعته ...
و الوقفة دي ما يقدر عليها ناس كتار ...
أي زول بيحاول ... الميزان بقع منه و يتكسر ...
Post: #10 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-17-2016, 01:42 PM Parent: #9
Quote: الجابري من الفنانين القلائل - مثل أبوداؤود - الذي لهم أداء رسمي للأغنية وأداء (دلع) - إن جاز التعبير. فصوته يطاوعه ليفعل ما يريد تعبيرا عن الانفعال والمزاج الراهن، وهذا ما يرهق المقلدين في مطارداتهم له عسى ولعل أن يمسكوا بتلابيب حنجرته وحسه النغمي المرهف، ولكن هيهات. لقد استمعت كثيرا لأدائه في أغنية رسائل، ولكن ما أتيت به في تسجيلك أعلاه تضمن بدائع تشنف أذني لأول مرة. لذلك أنصح من يريد الاستمتاع بإبداعات الجابري وأبوداؤود وود اللمين وغيرهم، أن يجمع للأغنية الواحدة عدة إصدارات (بالأوركسترا (قديمة وحديثة) وبالعود والأداء الجماعي للأغنية أن وجد ولا ينسى الإتيان بأداء بعض المقلدين).
يا محمد الأمين جبت النصيحة بالباب عديل ...
هو كذلك ... كما ابوداؤود تماما ...
لو باريتهم بودرو بيك ...
سعيد انك استمتعت بالاداء العجيب ده ...
Post: #11 Title: Re: ياما قال كلام ما لي دخل ( بيه ) .. ارجل غنّاي Author: حسن ادم محمد العالم Date: 10-17-2016, 02:20 PM Parent: #10
الفنان يحيي قباني البوستات الخاصة بك دائما تمثل متكيء لنا حدثني صديق باديس ابابا من اصدقاء سودانيز اون لاين انه حريص علي قراءة كل ما تكنب يعني عندك جمهور كبير خلينا نستثمر فيهو مع مودتي
Post: #20 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-18-2016, 05:26 AM Parent: #11
Quote: الفنان يحيي قباني البوستات الخاصة بك دائما تمثل متكيء لنا حدثني صديق باديس ابابا من اصدقاء سودانيز اون لاين انه حريص علي قراءة كل ما تكنب يعني عندك جمهور كبير خلينا نستثمر فيهو مع مودتي
التحية لك يا عالم و لصديقك بأديس ابابا ...
و ربنا يقدرنا نكتب ما يفيد الناس ..
و يبعدنا من الانزلاق و التسمم الأسفيري ... :)
Post: #12 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-17-2016, 05:21 PM Parent: #10
Quote: الصمت في حرم الجمال جمال
الجابري مخيف يا مُلا ...
سكتة وعرة ... صعب نمشيها و نمرق نصيحين ...
Post: #13 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-17-2016, 05:27 PM
Quote: يا سلام عليك يا قباني وعلى ملاحظتك الذكية..
العميري وراه الحافر بالحافر.. ونطقها كما هي.. لك المودة وعلى أرواحهما السلام..
العميري يا اسامة انا ما بحسبو مع الغنايين و المقلدين ...
العميري كم من الإبداع كان سابق عصره و كان كتير علينا ...
وردي قال العميري شراينو انفجرت لانها ما احتملت كم الإبداع الفيها ...
Post: #14 Title: Re: ياما قال كلام ما لي دخل ( بيه ) .. ارجل غنّاي Author: أحمد محمد عمر Date: 10-17-2016, 05:48 PM Parent: #13
كدي شوفوا دي
Post: #15 Title: Re: ياما قال كلام ما لي دخل ( بيه ) .. ارجل غنّاي Author: Elmosley Date: 10-17-2016, 05:57 PM Parent: #2
يحى وضيوفه الجابري ده في الغنا ما بتهبش
Post: #16 Title: Re: ياما قال كلام ما لي دخل ( بيه ) .. ارجل غنّاي Author: الأمين عبد الرحمن عيسى Date: 10-17-2016, 08:09 PM Parent: #15
شكرا على هذا الإبداع الأخ يحى قباني عافية حسن رغم أنها أسرعت هي وجوقتها الموسيقية في إيقاع الأغنية إلا أنها أدتها بنفس أداء الجابري
Post: #18 Title: Re: ياما قال كلام ما لي دخل ( بيه ) .. ارجل غنّاي Author: Elmoiz Abunura Date: 10-18-2016, 03:30 AM Parent: #16
لا. والف لا ياامينو مع احترامى ليك ولعافيه وفى حوس قبانى يطيب الجلوس والاستماع
Post: #21 Title: Re: ياما قال كلام ما لي دخل ( بيه ) .. ارجل غنّاي Author: الأمين عبد الرحمن عيسى Date: 10-18-2016, 10:32 AM Parent: #18
ياما قال كلام مالي دخل بيه إني بروح لغيره بهوى وأصطفيه بقيف بي سكون في حرف الياء ... اي فنان قلدو تاني غلبتو عدييييل ... كل المقلدين بغنوها ما لي دخل بيهو ... بهوى و بصطفيهو ده الفرق بين الأصل ... و الصورة !!! أنا قاصد أدائها لكلمتي بيه و أصطفيه أدتهم بنفس طريقة الجابري وده موضوع البوست ، مع تحياتي الأخ المعز أبو نورة
Post: #25 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-19-2016, 03:25 AM Parent: #21
Quote: شكرا على هذا الإبداع الأخ يحى قباني عافية حسن رغم أنها أسرعت هي وجوقتها الموسيقية في إيقاع الأغنية إلا أنها أدتها بنفس أداء الجابري
تحياتي عبد الرحمن ...
عافية جميلة ... لكن في حضرة الجابري ... تصعب المقارنة ...
Post: #22 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-18-2016, 01:57 PM Parent: #15
Quote: يحى وضيوفه الجابري ده في الغنا ما بتهبش
و شهد شاهد من أهلها ...
يا موسيقار ... الجابري مدرسته براها ... مدرسة هو فيها الأستاذ الأوحد ...
Post: #23 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-18-2016, 01:58 PM Parent: #22
Quote: كدي شوفوا دي
تحياتي احمد محمد عمر ...
و التحية للجميل طه سليمان ...
Post: #24 Title: Re: ياما قال كلام ما لي دخل ( بيه ) .. ارجل غنّاي Author: Adil Hassan Date: 10-18-2016, 02:34 PM Parent: #1
يا ود قباني ياخ بوست وجع عديل بوست مؤلم في الغربة الله يرحمك يا الجابري ويرحم كل مبدعينا الرحلو عن دنيانا وخلو لينا الإرث الجميل ده الجابري ألحانو غريبة وعجيبة وأنا بقرأ في البوست لما جيت لتعليق جلادونا في أغنية ما نسيناك ولما وصلت لي الكوبليه حق ما كفاهو وما كفاهو وقفت وإحترت وقلت الجابري ده شنو الكان بدور في مخو عشان يغير اللحن هنا بالصورة دي ألحانو ثرية جداً بعيدة عن التدوير المعروف .. أي لحن من ألحان الجابري ممكن يتقسم على أربعة أغاني وسيد الإسم محبوبي وكتين يبتسم الدنيا يا ناس تنقسم والفرحة تملاها وتزغرد فيها والشوق ينهزم يديكم العافية على المشاعر والإحاسيس الجميلة الدخلتوها في نفوسنا بالبوست الروعة ده
Post: #37 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-21-2016, 04:15 AM Parent: #24
Quote: وسيد الإسم محبوبي وكتين يبتسم الدنيا يا ناس تنقسم والفرحة تملاها وتزغرد فيها والشوق ينهزم يديكم العافية على المشاعر والإحاسيس الجميلة الدخلتوها في نفوسنا بالبوست الروعة ده
وجعنا ماليو حدود يا عادل ...
وصبرنا فات حد الصبر ...
زمان و انا شافع ... بسمع في الراديو ... سمعت المذيع بقول لو لم يكتب غيرها لكفته ...
و من يومها مسكت الجملة دي من شدة اعجابي بيها ... و بقيتها زي حقتي عديل ...
لكن ما بمرقها الا في الشديد القوي ...
و الشيد القوي هنا الزول الإسمو كامل عبد الماجد و سيد الإسم ...
و سيد الاسم ياها لو ما كتب غيرها لكفته براااها ...
ياخي ما عمري شفت لي كلمات ( طرية و لينة ) زي الكلمات دي ...
تسمعها من الجابري او تسمع كامل عبد الماجد بلقيها ...
تحسهم قاعدين جنبك بلولوك ...
ياخي ده بكا ... و ريدة ما وجدت مثيل ...
كتبها كامل عبد الماجد وهو طالب في كلية الاقتصاد ... سنة 70 !!
تخيل قال وكان قد كتب قبلها اغنية تايه الخصل لحمد الريح الذي كان يعمل وقتها في مكتبة جامعة الخرطوم !!!
الزمن داك مشى وين يا ناس ؟
Post: #26 Title: Re: ياما قال كلام ما لي دخل ( بيه ) .. ارجل غنّاي Author: Ahmed Tuhami Date: 10-19-2016, 10:22 AM Parent: #1
سلام علي جسده المسجي في باطن احمد شرفي ..............وسلام علي روحه في سرمدها
Post: #27 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-19-2016, 09:40 PM Parent: #26
Quote: لا. والف لا ياامينو مع احترامى ليك ولعافيه وفى حوس قبانى يطيب الجلوس والاستماع
صديقي الوجيه المعز أبو نورا ...
و في وجودك نسعد يا حبيبنا ...
صديق الزمن الجميل نادر احمد الشريف الحبيب كتب في كتابه عن الجابري :
هوج الرياح ( عاصفة الموسيقى )
و كانت الكلمات ( لشاب ) يسكن في منطقة حي العرب بالقرب من منزل الجابري ...
ذلك الشاب هو الشاعر المهول مصطفى عبد الرحيم ... الذي كان يتيم الاب منذ طفولته و نشأ مع والدته فاطمة بت احمد البدوي ...
فعاش كل آلام اليتم و الحرمان ... فلا عجب ان أخرجت مخيلته الشعرية هوج الرياح و تذكار عزيز ... و غرام الروح ... وكل تلك الكلمات الحزينة ...
و .. هات يا زمن .. جيب كل احزانك ..تعال جيب المحن ...
Post: #28 Title: Re: ياما قال كلام ما لي دخل ( بيه ) .. ارجل غنّاي Author: محمد على طه الملك Date: 10-20-2016, 00:53 AM Parent: #27
سلامات يا هندسة وزوارك الكرام .. غايتو يا جلالدونا اتقطعت في سؤالك دا .. فعلا دي قصيدة دايره تشريح عشان كل مقطع ياخد اللحن والصوت المناسب ليهو .. ودي واحده من قدرات هذا الفنان الفخم .. أنا لما أسمع الجابري برضو بسرح بي سؤال .. لو في زول عايز يعمل دراسة عن الجابري وفنو يبدأ من وين .. يخيل لي دراسة فنان شامل زي الجابري إلا تعمل ليهو كونسلتنسي.. مختصين في علوم الموسيقى وعلماء صوت وخبرا في وضع الالحان وتوظيفها و تشريحيين لمخارج الحروف ووووو... غايتو الموهبة دي حاجة كدا لى هسه العلم ما وصل لسرها .. كدي ركزو على .. اللللللليل.. النييييييييل .. الما سمع صوت الساقية لن يستوعب تطبيقيات الصوت الحاصلا هنا .. أسأل الله أن يمتعه بنعيمة كما أمتعنا بفنه الراقي .. شكرا مرة أخرى يا هندسة.
Post: #39 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-22-2016, 04:13 AM Parent: #28
Quote: سلامات يا هندسة وزوارك الكرام .. غايتو يا جلالدونا اتقطعت في سؤالك دا .. فعلا دي قصيدة دايره تشريح عشان كل مقطع ياخد اللحن والصوت المناسب ليهو ..
قال صديقي نادر احمد الشريف الحبيب ... في كتابه أحمد الجابري - الزهور بسمت لينا :
الجابري أدى هذه الاغنية أداء رائعا تشتشف منه نضوجه الفني ( 1970 )
ثم استرسل قائلاً ... أبو آمنه حامد ذلك الرجل الذي قدم من مدينة (هيا) مسقط رأسه في شرق السودان الساحر و هو من قبيلة الهدندوة و تعتبر اللغة العربية بالنسبة له لغة ثانية و لكن الموهبة هي التي منحته كل هذه المعرفه و التعابير العربية الجميلة ...
وجدت تسجيل للاخ سيمباتكو ... قمت بتعديل الصوت و تنضيفه ... له التحية ...
في مقدمته يلقي أبو آمنه حامد بعض كلمات القصيدة العجيبة ...
Post: #38 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-22-2016, 04:03 AM Parent: #26
Quote: سلام علي جسده المسجي في باطن احمد شرفي ..............وسلام علي روحه في سرمدها
رحم الله العبقري احمد الجابري ...
تحياتي اخي تهامي ...
Post: #29 Title: Re: ياما قال كلام ما لي دخل ( بيه ) .. ارجل غنّاي Author: ابراهيم عبد الوهاب Date: 10-20-2016, 07:18 AM Parent: #1
الجابري وما ادراك ما الجابري عبقرية الالحان وغموض السيرة يستحق الرجل بوست عن سيرته والحانة وصوته الجميل يستحق هذا الرجل التكريم ، ويوجد معانا موسقيين وفنانين مثل الموصلي يمكنهم التحدث عن عبقرية الحان هذا الفنان
شكرا لكم جميعا
Post: #41 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-25-2016, 05:14 AM Parent: #29
Quote: الجابري وما ادراك ما الجابري عبقرية الالحان وغموض السيرة يستحق الرجل بوست عن سيرته والحانة وصوته الجميل
رحم الله الجابري و من جايله من العظماء ...
تحياتي إبراهيم ...
Post: #30 Title: Re: ياما قال كلام ما لي دخل ( بيه ) .. ارجل غنّاي Author: محمد مجيدو Date: 10-20-2016, 07:45 AM Parent: #1
Post: #32 Title: Re: ياما قال كلام ما لي دخل ( بيه ) .. ارجل غنّاي Author: محمد مجيدو Date: 10-20-2016, 08:25 AM Parent: #31
اهلين يا ابو حميد .. وكل سنة وانت طيب ..
ابدا ما بطيق حركاتو .... كرهني الجابري زاتووو ...
تحياتي يا برنس ..
Post: #33 Title: Re: ياما قال كلام ما لي دخل ( بيه ) .. ارجل غنّاي Author: طلعت الطيب Date: 10-21-2016, 01:57 AM Parent: #32
شكرا قبانى
Post: #34 Title: Re: ياما قال كلام ما لي دخل ( بيه ) .. ارجل غنّاي Author: طلعت الطيب Date: 10-21-2016, 02:05 AM Parent: #33
صوت جميل وذكريات عزيزة
Post: #35 Title: Re: ياما قال كلام ما لي دخل ( بيه ) .. ارجل غنّاي Author: طلعت الطيب Date: 10-21-2016, 02:22 AM Parent: #34
الجابرى عليه الرحمه باذن الله صوت متفرد تغنى بنصوص تنبض بالحب والحياه وموسيقى استطاعت ان تتمرد على التقاليد الباليه وتتجاوزها التراث الغنائى الذى خلفه الرجل يعد بمثابه ضمير للحداثة السودانية التى انتكست لاحقا
Post: #43 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-27-2016, 04:26 AM Parent: #35
Quote: الجابرى عليه الرحمه باذن الله صوت متفرد تغنى بنصوص تنبض بالحب والحياه وموسيقى استطاعت ان تتمرد على التقاليد الباليه وتتجاوزها التراث الغنائى الذى خلفه الرجل يعد بمثابه ضمير للحداثة السودانية التى انتكست لاحقا
تحياتي يا الطيب ...
تراث بديع و اختيارات لكلمت عميقة المعاني ...
Post: #47 Title: Re: ياما قال كلام ما لي دخل ( بيه ) .. ارجل غنّاي Author: احمد حمودى Date: 10-27-2016, 06:35 PM Parent: #32
Post: #42 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-27-2016, 04:24 AM Parent: #30
Quote: يا هندسة ..وضيوفك سلام ..
الجابري فنان جميل وراقي ...
تحياتي يا مجيدو ...
ياخي زمراوي رجل فنان ... رغم الكعوجة حقتو :) ...
Post: #36 Title: Re: ياما قال كلام ما لي دخل ( بيه ) .. ارجل غنّاي Author: طه جعفر Date: 10-21-2016, 02:56 AM Parent: #1
قباني الفنان المهذب انا عازمك عشا و بحضور فنان مميزعلي العود
إكراماً لك علي هذا البوست الأنيق المريح للأعصاب يا خي ضيوفك زاتم معزومين اها كيف
طه جعفر
Post: #40 Title: Re: ياما قال كلام ما لي دخل ( بيه ) .. ارجل غنّاي Author: Ahmed Yassin Date: 10-22-2016, 05:36 PM Parent: #36
يحي قباني وشركاه انت شكلك عايز تتعبنا مع الجابري لانه بصوته الصادح وادائه الصوتي Lyricism يذوب حنانا ويستجلي المعاني بصوته ويخليك تعيش او تعوم في بحر الجريف الجابري وسيلته التعبيرية في الغناء هي مدهشة وتصل لدرجة الخرافة وانت يا يحي ببساطة شديدة جبت الفرق القاعدين نتكلم عنه اللي هو بين السمع السمعHearing والإستماع Listening وفي التعامل الموسيقى والغنائي الايجابي Perceptive اداء الجابري المبهر صوتا وغناء لا يشبهه الا اثنين فقط في مجمل غناء السودان هما: وردي وابوداؤد الذي يملك ثمانية من اوزان نغمات الحنجرة العشرة هؤلاء هم اصحاب الاداء المتفرد والعميق ويمكن ان نطلق على الاداء بالعبقري
Post: #44 Title: Re: ياما قال كلام ما لي دخل ( بيه ) .. ارجل غنّاي Author: عبدالمنعم العوض Date: 10-27-2016, 09:18 AM Parent: #40
سلام حبيبنا يحيى دائما اتذكرك وايام الكلية معمار الخرطوم وحفلتكم بتاعة كابلي حقت رحلة اوربا ديك وكنتم الدفعة القدامناايام يا زمان لفت انتباهي تشابه كبير في المقدمة الموسيقية لاغنية رسائل للاستاذ الجابري واغنية مساء الخير والاحساس والطيبة للاستاذ محمد عبده فهنالك اقتباس واضح يصل الى حد كبير علما بان رسائل سبقت اغنية محمد عبده بسنين عددا مشكلتي ما بعرف احمل اغاني واقدر اجيب اهذه الاغنية يا ريت يا باشمهندس لو تسلط الضوء على هذا الموضوع بعقد مقارنة بين الاغنيتين شكرا
Post: #45 Title: Re: ياما قال كلام ما لي دخل ( بيه ) .. ارجل غنّاي Author: عمر عثمان Date: 10-27-2016, 10:35 AM Parent: #40
مستمتع
Post: #46 Title: Re: ياما قال كلام ما لي دخل ( بيه ) .. ارجل غنّاي Author: أمير محمد أحمد أبيض Date: 10-27-2016, 12:56 PM Parent: #45
زمراوي أفضل من تغنى بأغنيات الجابري من المقلدين
Post: #48 Title: Re: ياما قال كلام ما لي دخل ( بيه ) .. ارجل غنّاي Author: Ahmed Yassin Date: 10-28-2016, 11:15 PM Parent: #46
كل من القى السمع و إنطرب و عشق جماليات غناء الجابري وهو على ذلك شهيد الصوت دا تم رفضه في الاذاعة ثلاث مرات تباعا وبرضو ودالريج اصر انه يمشي الجابري في الاداء له حليات وزخارف مستحيلة في عالم الموسيقى والاداء دا بغني الحرف الواحد داخل النص الشعري.. ويكفي كدة لانه صعب الواحد يشرح جماليات وتطريب الجابري ونوجزها في اسطر وكلمات واجمل اغنيات الجابري ليست هوج الرياح ولا رسائل ولا الجريف واللوبيا ولا حكمة بل هي (بعد عام) كلمات مبارك المغربي ودا جزء منها
تولي العام يا دنياي لم تعطف ولم تسال ولم تدري كيف حال الحال منذ لقائنا الاول وما زودتنا حتي القليل لعامنا المقبل لكنك لم تكن تدري بما قد جد من امري وان هواك اضحي غاية المامل تولي العام والايام تعصف بالمني عصفا واصبح قربنا بعدا وامسي امننا خوفا كتمت هواك لكن حال يمن يهواك لا يخفي وما هم الذي يهواك ومن لا يعرف الشدوي ومن ما زال رغم الجور يرجو اللين والعطفا
Post: #49 Title: Re: ياما قال كلام ما لي دخل ( بيه ) .. ارجل غنّاي Author: محمد على طه الملك Date: 10-28-2016, 11:41 PM Parent: #48
والله يا قريبي بعد كلامك الرائع دا مشيت فتشت لأعنية بعد عام ولم أنجح .. ياريت يتفضل علينا بيها ود قباني .
Post: #51 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-29-2016, 03:12 AM Parent: #49
احمد يس و مولانا الملك ...
خليني اختلف شوية معاك يا احمد ...
بعد عام من اجمل أغاني الجابري و ما غناها كتير ...
لكن ما اعتقد ممكن تتويجها اجمل اغنية للجابري ...
خاصة انو لون الشعر الفصيح الاضان ما متعودة عليهو من احمد الجابري ...
اتفضل يا مولانا .. بعد عام ... الجابري ومبارك المغربي ...
Post: #50 Title: Re: ياما قال كلام ما لي دخل ( بيه ) .. ارجل غنّاي Author: يحي قباني Date: 10-29-2016, 03:08 AM Parent: #36
Quote: قباني الفنان المهذب انا عازمك عشا و بحضور فنان مميزعلي العود
إكراماً لك علي هذا البوست الأنيق المريح للأعصاب يا خي ضيوفك زاتم معزومين اها كيف
طه جعفر
طه يا فنان ...
ياخي انا لاقيك وين ...
اقطع اليوم و انا حاضر ان شاء الله يا حبيب ...
Post: #52 Title: Re: ياما قال كلام ما لي دخل ( بيه ) .. ارجل غنّاي Author: Ahmed Yassin Date: 10-29-2016, 05:21 AM Parent: #50
مولانا محمد علي ودالملك كلامك الفوق دا : كدي ركزو على .. اللللللليل.. النييييييييل ..
مفروض ما يعدي ساكت كدة دا ايقاع العشرة بلدي .. واول من ادخله وعمله قاعدة ضرب ايقاعي للخماسي هو العميد احمد المصطفى في اغنية (ظالمني وطول عمري ما ظلمتك يوم ) والغريب انه بدأ الاغنية بايقاع (الفالس) ولقى فيها شوية تكرار ورتابة فادخل فيها العشرة بلدي .. وبرضو احمد المصطفى هو الجاب الكلارنيت والساكسفون من مصر وبالايقاع دا نفسه الكابلي وزع بيهو (دمعة الشوق) الغناها كرومة بالنقرزان الخفيف الجابري كان مفتون بــ (فريد الاطرش) وحتى كان متابع افلامه السينمائية في سينما امدرمان وكان منجذب لطريقة عزفه على العود مع ان الجابري اتعلم العود من (احمد حسن جمعة ) فردة ميرغني المامون
Post: #53 Title: Re: ياما قال كلام ما لي دخل ( بيه ) .. ارجل غنّاي Author: بله محمد الفاضل Date: 10-29-2016, 08:15 AM Parent: #52
................
Post: #54 Title: Re: ياما قال كلام ما لي دخل ( بيه ) .. ارجل غنّاي Author: عبدالمنعم العوض Date: 11-02-2016, 11:35 AM Parent: #53
مساء الخير والاحساس والطيبة
Post: #55 Title: Re: ياما قال كلام ما لي دخل ( بيه ) .. ارجل غنّاي Author: عبدالمنعم العوض Date: 11-02-2016, 11:40 AM Parent: #54
