بدل ما يقوم يدخل في إضراب ويجهجهنا كمان نحن الماكلنلها شنو والرئيس راتيو ما بكفيهو
المؤمن صديق ما دام قالها بلسانو
توقيع جادي جدا
Post: #2 Title: Re: وقع لزيادة راتب الرئيس Author: وضاحة Date: 10-14-2016, 06:44 PM Parent: #1
حمد لبد سلامات كتااار رئيسكم الكضااب دا راتبوا كم ؟ هههههههه
Post: #3 Title: Re: وقع لزيادة راتب الرئيس Author: حمد عبد الغفار عمر Date: 10-14-2016, 06:58 PM Parent: #2
هلا وضاحة راتبو كم ما عارفو لكن قال ما مكفيهو
نحن عايزين نبعد عنو الحرج ونوافق على زيادة راتبو عشان يعرف نحن شعب محترم بدل يشيل براهو وقعي ما بكلفك شيء
Post: #4 Title: Re: وقع لزيادة راتب الرئيس Author: عمر التاج Date: 10-15-2016, 08:21 AM Parent: #3
سلامات ياحمدنا حقو قبل ما نوقع نعرف الرئيس ما مكفيهو ياتو مرتب؟ مرتب الرئيس من المالية ولا مرتبو بتاع القصر ولا مرتبو من الجيش ولا مرتبو في مجالس الادارات ولا مرتبو كقائد للجنجويد ومسئول من الأمن ولا عائدو من المزرعة المليارية كان ديل كلهن ما كفنو .. للضمان كدة زيدو ليه مرتب الحوار الوطني.
Post: #5 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 10:49 AM Parent: #4
مرحب عمر التاج
Quote: ولا عائدو من المزرعة المليارية
أولا دي شيلا بعيد لأنو ود الباوقة دخل منافس في زراعة العنب والريس ما بقدر ينافس ود الباوقة في التجارة دي
باقي الرواتب ديك كلها أكتر واحد فيها 500 جنيه بس يعني يكفيهو كيف كمان ما تبالغو
Post: #6 Title: Re: وقع لزيادة راتب الرئيس Author: عثمان عووضة Date: 10-15-2016, 11:36 AM Parent: #5
حمد لبد انتا مش صاحبي ياخ؟ اذا كانت الإجابة ب(نعم) عليك الله شوف لي ال icon بتاع الاصبع الفي النص القاهو وين وإذا كانت الاجاب ب(لا) يبقی ظز في اللي ما يقولش ظز
Post: #7 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 12:02 PM Parent: #6
عثمان عووضة اخبارك
ال icon بتاع الاصبع الفي النص القاهو وين
بتلقاهو عند ود المدير ياهو البعرف المصائب دي
أنا غايتو بقول طز كل شيء ولا البعبصة دي
Post: #8 Title: Re: وقع لزيادة راتب الرئيس Author: جلالدونا Date: 10-15-2016, 12:09 PM Parent: #6
سبحان الله زول ساكن بى عرق الشعب ياكل و يشرب من عرق الشعب ينوم و يقوم بى عرق الشعب يسافر ويمشى و يجى بى عرق الشعب كهربتو و مويتو من عرق الشعب يهيص و يلوص بى عرق الشعب شكلو عرقنا ده فيهو شى غلت اقتراحى .. يقدم استقالتو و يشوف ليهو شعب عرقو احسن من عرقينا بى عرقينا ده سنرضى بى ود عووضة رئيسا و يذهب حمد للانداية حبيسا
Post: #18 Title: Re: وقع لزيادة راتب الرئيس Author: عثمان عووضة Date: 10-15-2016, 03:02 PM Parent: #8
نقنتود ...آمنت برب التغير المناخي ياخ ياخي دي قصيدة جاهزة. للتلحين ياخي غايتو التواضع دا بيكتلك عديل. دا لو انا كان رسلتها لي حمد يلحنها ويغنيها عان دا بالله ... بعدين ياخي انا زمان قلت ليك رسل لي عدد واحد حلة بريستو. هسي كان نفعت مع عنب الرئيس بدل شلهة النيم وبنج الخيل وعلى التعترها السنة دي تمر ذاتو مافي
Post: #9 Title: Re: وقع لزيادة راتب الرئيس Author: جلالدونا Date: 10-15-2016, 12:10 PM Parent: #6
التعديل للتكرار شكلو الواحد كان قاعد معاكم و بقى يعيد و يكرر فى كلامو
Post: #10 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 12:33 PM Parent: #9
يا جلالدونا ليس بالعرق وحده يحيا الإنسان
بعدين أنا وعووضة دا طُزين في بوست
يا الاتنين للقصر يا الاتنين للإنداية
Post: #11 Title: Re: وقع لزيادة راتب الرئيس Author: جلالدونا Date: 10-15-2016, 12:42 PM Parent: #10
اذا كان كده فلتذهب انت و ودعوضة الى الانداية حبيسين و يأتى الى القصر ابو حسين يا سلاااااام لو بقى ود المدير مدير مكتبو ح ازرع عنب و مزّتكم عنب مع المرارة وفرى كمان
Post: #12 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 12:47 PM Parent: #11
Quote: و يأتى الى القصر ابو حسين
شوف دا كمان نحن مصيبتنا شنو عشان يحكمنا أبوحسين ما نشم الهواء أصلو ياخ دا محكمة المنبر الجنائية بطارد فيهو لي هسه
ود المدير امسك مزرعة العنب لا بأس بشرط يعمل عصير
Post: #13 Title: Re: وقع لزيادة راتب الرئيس Author: جلالدونا Date: 10-15-2016, 01:01 PM Parent: #12
الحاجات كلها بتقول فليأت الى القصر ابوحسين رئيسا اول حاجة نحنا شعب لافى فى اصقاع الدنيا دى و ناس جوّة لا زالو يلفون العمة و هو سيد قوم لف و مرات اللف بالصف ثمّ برضو رئيس محكمة المنبر الجنائية ذاتو لافّى شوفو لافّى وين .. فى برارى امريكا ف شنو استدلالك بالمحكمة لايعول عليه و لا يقدح فى رئاسة ابى حسين عاش ابو هاشم عاش ابو حسين و طز فى الطزين
Post: #14 Title: Re: وقع لزيادة راتب الرئيس Author: Basamat Alsheikh Date: 10-15-2016, 02:12 PM Parent: #13
اول مرة اعرف ان الرئيس عنده مرتب.... وكنت قايلة ان رؤساء الدول ما عندهم مرتبات وخزينة الدولة مفتوحة ليهم يغرفوا منها زي ما عايزين... ....اما في السودان ..فحتى الوزراء بيغرفوا من خزينة وزاراتهم زي ما عايزين عشان مافي مساءلة ولا حساب ولا مراجعين بيراجعوا حسابات الوزارة.. واذا كان الرئيس عنده مرتب..فلازما نعرف مرتبه كم.. عشان نقارن مرتبه مع مرتبات موظفي الدولة.. ودمتم بالف خير
Post: #16 Title: Re: وقع لزيادة راتب الرئيس Author: معاوية المدير Date: 10-15-2016, 02:35 PM Parent: #14
التحية لصاحب المنشور وضيوفه الكرام. خلونا في المهم، بلآش إنصرافيات معاكم، الريس عندو مرتين ؤ مزنوق وإنتو في اصبع في النُص وتقسيم سُلطة ما بين اللِندآية ؤ عصر العِنب لآمِن يجيب الزيت !، بالله دا شعب دا ؟!. يا حمد لبد أقبل توقيعي مُرفق معه توقيع وِليداتي ؤ ناس حِلتنا والحلآل المجاورة، وتوقيع مُرفق نيابة عن محمد البشرى نسبةً لأنه مشغول بموضوع شديد الغرابة. وقعوا الله يرضى علينا وعليكم أخوكم مزنووووق.
ما توقعوا يا شعب يا كرور، زعيم اوآنطة بِشّة واللآ آيه ؟...
Post: #15 Title: Re: وقع لزيادة راتب الرئيس Author: Basamat Alsheikh Date: 10-15-2016, 02:25 PM Parent: #13
اول مرة اعرف ان الرئيس عنده مرتب.... وكنت قايلة ان رؤساء الدول ما عندهم مرتبات وخزينة الدولة مفتوحة ليهم يغرفوا منها زي ما عايزين... ....اما في السودان ..فحتى الوزراء بيغرفوا من خزينة وزاراتهم زي ما عايزين عشان مافي مساءلة ولا حساب ولا مراجعين بيراجعوا حسابات الوزارة.. واذا كان الرئيس عنده مرتب..فلازما نعرف مرتبه كم.. عشان نقارن مرتبه مع مرتبات موظفي الدولة.. ودمتم بالف خير
Post: #17 Title: Re: وقع لزيادة راتب الرئيس Author: عثمان عووضة Date: 10-15-2016, 02:52 PM Parent: #15
معاوية رسلت ليك حاجة في الواتس عليك رب الهنايات نزلها هنا انا ابت لي ضمة
Post: #19 Title: Re: وقع لزيادة راتب الرئيس Author: عثمان عووضة Date: 10-15-2016, 03:06 PM Parent: #17
نزلها يا جبان
Post: #20 Title: Re: وقع لزيادة راتب الرئيس Author: Hani Arabi Mohamed Date: 10-15-2016, 03:20 PM Parent: #6
Post: #21 Title: Re: وقع لزيادة راتب الرئيس Author: عثمان عووضة Date: 10-15-2016, 03:33 PM Parent: #20
هاني بطل مشاكل ياخ ولا كمل جميلك ونزلها الرابط ابى يفتح معاي 😉 😜 😈 😉
Post: #22 Title: Re: وقع لزيادة راتب الرئيس Author: امجد الجميعابى Date: 10-15-2016, 04:58 PM Parent: #21
المنتمي و عووضة و جلالدونا و بقية الكرور خلاص دايرين تنجهو سيد ود الباوقة تلحقوا ابوي تبا لكم
دحين سيد ود الباوقة دا مرة من ذات المرائر مش قال عندو بيت في كافوري و بيت في المنشية و شقة في حي النصر و مزرعة في السليت ديل الحالة عملن من راتبو الما بكفي دا عليكم الله شفتوا الزول دا حبرتجي كيف
Post: #23 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 04:59 PM Parent: #21
حبابك يا بسمات
انا برضو زيك موش ما مصدق لكن ما قادر اتخيل إنو الرئيس ممكن يكون عندو راتب يمشي البنك ويصرف ويقوم من الصباح يدي مرتو حق الأكل أو السواق يجيبوا ليهو لحمة وخضار الخ
مفروض الرئيس تكون عندو ميزانية مفتوحة باحتياجاتو المعيشية فقط من أكل وملبس ومسكن ومجاملات (لأن حياتو معقدة شوية ) بدون توفير بعد داك تكون عندو فوائد نهاية خدمة زيو وزي أي موظف في الدولة مع شوية امتيازات دا لو عايزين النزاهة
وبحسب علي عثمان محمد طه (9 مليون) كنائب رئيس اتوقع يكون فايتو بدرجة وظيفية واحدة وبالتالي راتب الرئيس يكون في حدود (11 مليون ) .
Post: #24 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 05:03 PM Parent: #23
عفيت منك يا ود المدير
أهو الشعب كدا ولا بلاش
شعب كرور ما يستاهل رئيس زي دا
ود البشرى ما فاضي لينا خليهو ما تشتت ليهو انتباهو
Post: #25 Title: Re: وقع لزيادة راتب الرئيس Author: Basamat Alsheikh Date: 10-15-2016, 05:26 PM Parent: #24
اذا كان مرتبه فعلا ١١ مليون جنيه بس..فانا بوقع يزيدو مرتبه لاني سمعت ان اي موظف في الشركات الخاصة مرتبه لا يقل عن ١٥ مليون جنيه في الشهر.... الا اذا انت قاصد ان مرتب الرئيس ١١ مليون جنيه في الاسبوع... ودمت بالف خير
Post: #26 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 05:38 PM Parent: #25
مجد بطل سلبطة واتهامات
البيوت والشقة ديل قبل ما يبقى رئيس بعد بقى رئيس وعرس تاني الراتب بقى ما بكفي اشترى المزرعة
وقع يا كرور صاحبك باوقة مالو ما عايز يوقع معانا
Post: #27 Title: Re: وقع لزيادة راتب الرئيس Author: ود الباوقة Date: 10-15-2016, 05:46 PM Parent: #26
يا جماعة
الرئاسة في النهاية وظيفة
زيها وزي كل الوظائف
وممكن جدا يكون راتبه ما بيكفي
وصدقوني في ناس في الاغتراب في مهن هامشية وظائفهم
تعادل اضعاف ما ياخذه الدستوريون في السودان
عشان كدا التريقة مافي محلها
شكرا حمد
Post: #28 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 05:47 PM Parent: #26
مشكور يا هاني للمساعدة
يا بسمات لا في راتب ولا يحزنون في كب لا تعد بس
Post: #29 Title: Re: وقع لزيادة راتب الرئيس Author: عثمان عووضة Date: 10-15-2016, 05:58 PM Parent: #28
طيب. خلونا في الجد وبلاش تريقة انا عندي ما يثبت انو السيد الرئيس خرق دستور جمهورية السودان بس ما بعرف انزلوا هنا كيف لو في زول حريف في التنزيل يرسل لي رقم الواتس بتاعو في الخاص ود الباوقة ما معانا😉😉
Post: #30 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 06:02 PM Parent: #29
كيف يعني خرقوا انتو بتستهبلوا ول شنو
بعدين دستورك دا بلو وأشرب مويتو وتحت جزمة الرئيس بكرة دي بنعدلوا
الرئيس ما يزرع معاكم ول شنو
Post: #31 Title: Re: وقع لزيادة راتب الرئيس Author: ود الباوقة Date: 10-15-2016, 06:05 PM Parent: #30
Post: #32 Title: Re: وقع لزيادة راتب الرئيس Author: عثمان عووضة Date: 10-15-2016, 06:10 PM Parent: #31
اخونا عمر خرق الرئيس للدستور في ما يتعلق بالراتب مع الود
Post: #33 Title: Re: وقع لزيادة راتب الرئيس Author: Basamat Alsheikh Date: 10-15-2016, 06:12 PM Parent: #31
يا ودالباوقة والله انا ما بتريق.... واذا صحي الرئيس عمر البشير مرتبه ١١ مليون فانا مؤيدة يزيدو مرتبه لاني فعلا سمعت ان بعض موظفي الشركات الخاصة في الخرطوم مرتبهم الشهري اكثر من ١٥ مليون جنيه شهريا....وسمعت من زميلة لي هنا اسمها امتثال ان احد اقربائها وهو مدير شركة مرتبه الشهري ٣٠ مليون جنيه... ودمت بالف خير وصحة وعافية
Post: #35 Title: Re: وقع لزيادة راتب الرئيس Author: عثمان عووضة Date: 10-15-2016, 06:18 PM Parent: #33
يا عمر انا عندي تلفونك ومستعد ارسل ليك المستند بس توعدني انك تنزله هنا دا لضمان جدية النقاش
Post: #34 Title: Re: وقع لزيادة راتب الرئيس Author: aosman Date: 10-15-2016, 06:15 PM Parent: #1
Post: #36 Title: Re: وقع لزيادة راتب الرئيس Author: Basamat Alsheikh Date: 10-15-2016, 06:27 PM Parent: #34
واذا كلامكم جد ... انا من هسع متبرعة بمبلغ ١٠ مليون جنيه.... وورينا حسابك نحول ليك المبلغ بالدولار.. ...ومش قالوا قدم السبت تلقى الاحد... ( وانا متفرغة ليكم الليلة وبكرة وما عندي شغلة لغاية ما نحسم موضوع مرتب الرئيس ونعرف الحقيقة ونساعد الرئيس.. ودمت بالف خير وصحة وعافية
Post: #37 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 06:36 PM Parent: #36
يا ود الباوقة كلام عثمان دا ما ترميهو واطة الرئيس بامتلاكو للمزرعة وممارسة مهنة تانية غير مهامو الدستورية مخالف للدستور ..
Post: #38 Title: Re: وقع لزيادة راتب الرئيس Author: علي محمد الفكي Date: 10-15-2016, 06:38 PM Parent: #36
حمد كيفنك الرئيس لما راتبو ما مكفيهو حقو يضرب ولا يقدم استقالتو يشوف ليهو شغلة تاني وبرضو نوقع لزيادة راتب الريس ما بنرضى الجهجهة للزعيم اسه لو جوهو الرؤساء زيارة اخر الشهر يمشي يتدين والفلل باعوها يسكنن وين بيتو ما بيسعن وعندي اقتراح تاني نزلو لينا رقمو هنا والناس تحول رصيد
Post: #39 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 06:41 PM Parent: #38
هلا عثمان
رأيك شنو نعمل ليهو تبرعات وتمسك لينا إنت الكشف
ما عندي مانع أنا ذاتي عايز لي مدخل للرئيس دا
بس لازم ترسلوا ليهو صورة من الكشف عشان ما يغالطوني
ويبدوا بي الحساب والمراجعة
Post: #45 Title: Re: وقع لزيادة راتب الرئيس Author: Hani Arabi Mohamed Date: 10-15-2016, 10:17 PM Parent: #39
شوفو لسيد ود الباوقة رئيسكم المفدى تذكرة سفر عبر مراكب التهريب لأوروبا يمكن تبقى ليه توبة ويبدا حياة جديدة هناك
Post: #40 Title: Re: وقع لزيادة راتب الرئيس Author: ود الباوقة Date: 10-15-2016, 06:43 PM Parent: #38
اختنا بسمات
انا اقصد اخونا حمد بالتريقة
مع الود
وللسيد الرئيس العمر المديد في طاعة الله وخدمة الشعب
وشكرا
Post: #41 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 06:52 PM
يا ود الباوقة منو البتريق أنا جادي لو الرئيس راتبو ما مكفيهو بحق، أطالب بزيادة راتبو لكن هل دي الحقيقة
بالله عليك الله اللقاء بتاع حسين خوجلي مع الرئيس دا ما أكبر تريقة على الشعب السوداني
Post: #42 Title: Re: وقع لزيادة راتب الرئيس Author: حمد عبد الغفار عمر Date: 10-15-2016, 06:54 PM Parent: #41
يا علي محمد الفكي أخبارك
الفلل دي اتباعت متين ولي منو وبأي كيفية
بعطاء عام ول غمتي
مشكور للتوقيع
Post: #43 Title: Re: وقع لزيادة راتب الرئيس Author: معاوية المدير Date: 10-15-2016, 07:45 PM Parent: #42
الرئيس المديون.. وحسين خوجلى --- ابراهيم الكرسني ---- حرام والله حرام يا حسين تكشف أسرار الفقرانين رئيس غلبان عايش بالدين وبرضو كمان راجل مرتين!؟ ---- نحنا معاهو بقالنا سنين و لا اتحرينا و لا عارفين إنّو الريس زول مسكين وعايش بالدين حرام والله حرام يا حسين!! ---- نشوف فى حالنا ومحتارين نشف ريقنا... بقالو سنين طلع زيتنا... بقالو سنين جوع أهلنا... بقالو سنين نسأل روحنا إيه الحاصل.. وين رايحين ؟! ---- نسأل.. و نسأل و ما عارفين... إنّو سببنا... رئيس فقران... عايش بالدين... وبرضو كمان... راجل مرتين!!!؟؟ ----- جانا رئيس يا دوب ورانا سبب أمراضنا وسبب الدين!! يزعم قال .... الناس جاهلين لى أمور دينن مو عارفين!! يحلف بالله صباح... ومسا إنّو يرجع حكم الدين وإنو السودان أرض الحرمين!!؟؟ ---- يا دووب شفنا شنو الماذينا شنو المارضنا ليه عيانين!! شنو الخلانا دوام دايشين!! أتاري رئيسنا زينا واحد برضو كمان عايش بالدين !! --- عمركم شفتو رئيس مسكين؟ و عايش بالدين!! من موقابي... لى عيدي أمين؟! حرام والله حرام يا حسين تكشف أسرار الفقرانين!! ---- عيب يا أخوانا بس ورونا... نحلها كيف؟! كيف بالله رئيسنا يكون واحد مسكين وكمان مديون وراجل مرتين؟! حرام والله حرام يا حسين!!! ---- أهلنا غبش واقفين فى الحر رجال ... وولاد نسوان... وبنات صفين... صفين واحدين دايشين واحدين دايخين بس مو عارفين أيه الحاصل... وليه ملمومين؟! ---- قام أبو أحمد من وسط الناس الغلبانين قال يا أخوانا دعم الريس واجب وطني دعم الريس ... واجب ديني ومو للتمكين!! ---- من وسط الهيصه قام إتفرعن أبو العفين قال يا أخوانا... الحل شئ واحد..مافى اتنين إنّو نلملم... من كل زول... غلبان مسكين... و إيد على أيد بنبني سوا.... " صندوق الدين"!! ---- فرحو الناس الغلبانين وهتفو كتيييييير... " يعيش يعيش.. أبو العفين" " دعم الريس واجب وطني" " دعم الريس للتمكين" "هي لله.. هي لله" "دعم الريس.. دعم الدين"!! ---- قام أبو أحمد قال يا وليد جيبلك قفه اللت قندولي ومن البركاوي تجيب كيلتين و إنتا آ عسمان أمش الدكان شوف الترمس جيبلك هينين وشوال واحد ماهو كفاية عليك يا الريس من قمح الروكة تجيب اتنين ---- أبو أحمد قال يا أخوانا شهر ما فيش تموين فطور دنيس العشا تركين ده كلو عشان "صندوق الدين" وعشان ريسنا يعيش مبسوط ما يعيش مديون زي باقى أهلنا المديونين راجل محمول راجل مرتين!!؟؟ ---- قامو أهلنا الغلبانين هتفو كتيييييير... ضدك يا حسين!!؟ مش بالله حرام يا حسين رئيس غلبان ... عايش بالدين... وبرضو كمان... راجل مرتين... تكشف أسرارو... والله تسترو.... وتتخلق بأخلاق الدين؟؟!! ---- مش بالله... حرام يا أخوانا... فوق الجوع ... والمرض الزايد... وحالنا المايل... كمان يتلمو... علينا اتنين... رئيس كضاب.. ومعاهو حسين!!
الجمعة ٢٠١٦/١٠/١٤م
Post: #44 Title: Re: وقع لزيادة راتب الرئيس Author: مني عمسيب Date: 10-15-2016, 09:59 PM Parent: #43
حمد كيفنك ؟
اسمعني ممكن تنزل لينا فيديو البشير لو سمحت ؟
Post: #46 Title: Re: وقع لزيادة راتب الرئيس Author: كمال عباس Date: 10-15-2016, 10:22 PM Parent: #44
تحياتي إخ حمد عبد الغفار وضيوفه
مقتطف من مقال لي نشر في صحيفة الراكوبة الوارفة( *** البشير يحتاج لدخل أضافي لأنو "محمول وراجل مرتين !!
البشير يتدثر برداء الزهد ورقة الحال !ويقول إنو مرتب الحكومة لايكفيه لذا يحتاج لدخل إضافي! *والسؤال إذا كان المرتب لايكفي فمن أين لك بالمزرعة الرئاسية الوارفة التي يقدر ثمنها بالمليارات؟ أليس البشير هو القائل (989 ( لاأملك منزلا وأسكن في بيت الأسرة في كوبر الحلة ما كوبر العمارات !! ) ثم عاد ليعترف بأنه يملك (بيت في كافوري ومزرعة نموذجية في السليت وشقة في مجمع النصر السكني وبيت في الطائف!!) عتراف البشير بإمتلاك هذه العقارات لم يأتي كضرب من الشفافية والوضوح وإنما جاء كضربة إستباقية تقطع الطريق إمام الحديث عن ثرائه وفساده و كإعلان - للمعلوم للناس سلفا- حتي يقال كم هو زاهد ونزيه هذا الرجل ! بس بيت في كافوري ومزرعة نموذجية في السليت وشقة في مجمع النصر السكني وبيت في الطائف!! وينسي الكاذب بأنه أعلن متبجحا في 89 أنه لايملك شئيا من حطام الدنياوأنه يسكن في حي بسيط بكوبر ! ويظن سيادته أن الناس ستصدق أنه هذه هي كل ممتلكاته وأنه صادق في إقراره !!- وأنه لا يملك شئيا تحت إسماءالزوجات والأخوان ! ، لم يسترسل البشير ليحدثنا عن أرصدته في البنوك الخارجية وعن مصدر ثروته وثروات أخوانه من أين له ولهم بهذا ؟ ولم يقل شئيا عن سر إعجابه وحمايته للمتعافي والجاز وأسامة عبد الله ونافع ولم يحدثنا عن مؤسسة سند الخيرية التي ترأس مجلس إدارتهازوجته- السيدة وداد بابكر وعن علاقته بجمال الوالي! البشير جزء من منظو مة الفساد وهو الحامي والمتستر علي أركان الفساد ! ولم يقل لنا البشير شئيا عن سر علاقته وحمايته لطه عثمان ( الفات الكبار والقدرو) والذي أزاح رموز الإنقاذ وتربع علي عرش الإنقاذ وأمسك بي ريموت التحكم في البشير و"بزر" السلطة والثروة! ! يتطاول في البنيان ويفاخر بتعدد مساكنه الفخيمة ومزارعه وإستراحاته لخاصة- حيث الغناء والرقص والإبتهاج الرئاسي -!! ، وهو أمر يبين وبجلاء أن البشير لا يعرف من الإسلام الا قشوره وأنه يوظف الدين لأغراض سياسية وذاتية ويستخدمه كسلاح لضرب وإرهاب خصومه وكأداة لدغدغة مشاعر البسطاء والدفع بشباب ومهمشي الحزب الحاكم كوقود للحروب وكحناجر تهتف بإسمه وتعيش بعدها في ظل الحرمان بينما ينعم هو بالقصور والمساكن الفاخرة والرياض الخضراء والمزارع الوارفة!!. * نعم مرتب رئاسة الدولة لايكفي النزهاء!! لذا الأزهري مات وبيته مرهوناوالرئيس عبود يرحل من بيت الحكومة ليسكن مع قريبه لأزهري مات وبيته مرهون للبنك العقاري وفي رصيده مبلغ 55 جنيها!! وجدت لجنة التحقيق المايوية ( ان حصيلة الـ (55) جنيهاً في حسابه بالبنك وهو رئيس مجلس السيادة ورهن منزله للبنك العقاري) وعن الوزير حسن عوض الله رفيق الأزهري يقول شوقي بدري (السيد حسن عوض الله الرجل الثانى فى الوطنى الانحادى الذى كان يغنى له فى أغانى السيرة فى أمدرمان أزهرى اتعلّى والثانى حسن عوض الله هذا الرجل كان يسكن فى منزل بالايجار فى الملازمين . وقبلها فى الزقاق الضيق الذى يمتد من ميدان البوستة فى امدرمان الى بوابة مركز بوليس أمدرمان خلف بار (على كيفك) لصاحبه أبوستولو حاجوقلى ) http://www.alrakoba.net/articles-action-show-id-50808.htm
Post: #47 Title: Re: وقع لزيادة راتب الرئيس Author: الهادي الشغيل Date: 10-16-2016, 08:40 AM Parent: #46
أعجبني أحدهم حينما قال (( يا جماعة نحن البلد دي تاتي ماعندنا فيها قعاد اذا كان الرئيس راتبه ما مكفيهو نحن المقعدنا تاني شنو )) ههههههه والله كلام منطقي ... أليس كذلك ؟!!!!!
Post: #48 Title: Re: وقع لزيادة راتب الرئيس Author: جلالدونا Date: 10-16-2016, 03:06 PM Parent: #47
يطيب لى ان استغل هذا البوست .. دون استئذان صاحبه .. فى مسأله تنويرية عاجلة و بحتة الوظيفة الحكومية منشأة بموجب حوجةمهنية لاداء اعمال محددة حسب وصفها الوظيفى الذى يحدد واجباتها و مقابلها المادّى ديوان شئون الخدمة هو صاحب الحق الاصيل فى انشاء الوظيفة و تدرجها فى السلم الوظيفى عليه رئاسة الجمهورية ليست وظيفة انما هى منصب تأخذه برصاء الناس او غصب عنهم و كذا سائر المناصب الدستورية حيث لا ضوابط لها الا مزاجية الرئيس و معه اهل الحكم بالذات فى بلدنا وطالما عرفنا الفرق بين الوظيفة و المنصب يبقى سيد المنصب ما محتاج كشف عشان كده ما ح ادفع فيهو بعدين الرئيس عندو ميزانية مكتب عديل كده شاملة اى شى بما فيها البيتين وقصة انو اى مغترب فى شغل هامشى بقبض اكتر من الرئيس ده شغل نى زى ذر شنو داك ما عارف فى عيون ود عوووضة
Post: #49 Title: Re: وقع لزيادة راتب الرئيس Author: امجد الجميعابى Date: 10-16-2016, 03:46 PM Parent: #48
تحويل رصيد يا جماعة الزول مزنوق شديد
Post: #50 Title: Re: وقع لزيادة راتب الرئيس Author: حمد عبد الغفار عمر Date: 10-16-2016, 04:34 PM Parent: #49
يا هاني ود الباوقة ما بقطع تذكرة ولا حاجة بدل يساعد الرئيس عايز ينافسو في زراعة العنب
زي ما قال د. محمد عبدالله الريح كان عايز تجرب ناس السودان أبني دكان وأقفلو حتلقى آلاف بنوا دكان وقفلو
Post: #51 Title: Re: وقع لزيادة راتب الرئيس Author: حمد عبد الغفار عمر Date: 10-16-2016, 04:47 PM Parent: #50
منى عمسيب ما عرفت الفديو ياتو لكن هاك متعي نظرك
الله يديني ويديك مزرعة زي دي غايتو الرئيس مستمع والله
قمحا وعنبا وتمني
Post: #52 Title: Re: وقع لزيادة راتب الرئيس Author: حمد عبد الغفار عمر Date: 10-16-2016, 04:51 PM Parent: #51
كمال عباس مرحبا
ياخ داك زمن زاهي ونضير حيث كان العامل يرفض الرشوة وينك
أهو الدستور واضح
Post: #53 Title: Re: وقع لزيادة راتب الرئيس Author: حمد عبد الغفار عمر Date: 10-16-2016, 05:10 PM Parent: #52
كذلك يا الهادي الشغيل ونحن ذاتنا رغم الجوى البودينا ليها شنو
Post: #54 Title: Re: وقع لزيادة راتب الرئيس Author: حمد عبد الغفار عمر Date: 10-16-2016, 05:15 PM Parent: #53
جلالدونا والله قدمت التنوير بقدر ما استطعت لكن تنويرك دا ما بيأكل عيش مع مواد دستور 2005 الفوق ديل كلام واضح وقاطع سامع ول أنادي ليك عووضة
يا أمجد تصدق أنا حكاية تحويل رصيد دي ما راكبة لي كلو كلو وما قادر أفهم الرصيد دا بعملو بيهو شنو هل شركة الاتصالات بتسيلو ليك قروش ول كيف؟
Post: #55 Title: Re: وقع لزيادة راتب الرئيس Author: Basamat Alsheikh Date: 10-16-2016, 05:38 PM Parent: #54
حكاية تحويل رصيد دي قدر ما شرحوها لي ما فهمتها... مش كده وبس..انا لقيت زميلات هنا بحولن قروش لاهلن عن طريق تحول رصيد من هناِِ من امريكا.. ..اها دي بفهموها كيفنِِ ودمت بالف خير
Post: #56 Title: Re: وقع لزيادة راتب الرئيس Author: وضاحة Date: 10-16-2016, 05:49 PM Parent: #55
نزلو لينا رقمو هنا والناس تحول رصيد ---------------------------------- كااااااك يا علووووى اوسكار حلوة حلوة شديد
Post: #57 Title: Re: وقع لزيادة راتب الرئيس Author: السنجك عثمان Date: 10-16-2016, 06:22 PM Parent: #56
هو عندو فاطنى وال محمد الما مكفيهو شنو تنكفى فوقو الدنيا
