الفن التشكيلي

05:51 AM October, 12 2016

سودانيز اون لاين
ابراهيم عبد الوهاب-
مكتبتى
رابط مختصر

حاولت كثيرا ان افهم او ان احب هذا الضرب من ضروب الفن
ولكن استعصى علي الامر
ولم اترك معرضاً فنينا تشكيليا الا وزرته ، ووقفت امام اللوحات
فاغرا فاهي لكي افهم ماذا تريد ان تقول اللوحه
قرات عن المدرسة الواقعية والمدرسة الرمزية
والمدرسة التعبيرية ... ولكن لا حياة لمن تنادي
اجدها مجرد رسومات عادية
اصدقائي نعتوني باني جاهل
والملفت للنظر بان اغلب الفنانين التشكيليين
من الطبقات الكادحة ، واغلب مستسغي هذا الفن
وروادة ومقتني لوحاته من الاستقراطيين



يتبع

وكان في المدرسة المتوسطة استاذ فنون
وشعبه فنون قائمة بذاتها وكان يديرها استاذ
(بوب مارلي) الشكل والهئية ، ولا انسي
حصة الفنون مع ذلك الاستاذ وهو يحمل
(المسجل) ويقوم بتشغيله لنا والطلب
برسم لوحه من وحي هذه الموسيقة
كنا نضحك وننعت هذا الاستاذ بانه مجنون
فنحن لا نجد رسم (الكنبة) التى امامنا
وهذا الاستاذ يطلب منا رسم لوحه من وحي موسيقى
اصدقكم القول كامل الفصل كان لا يجيد الرسم
الا شاب واحد فقط

إبراهيم يا ( خطير )..

كنت قايلك رجل رومانسي وتعشق الفن التشكيلي والموسيقى الكلاسيكية..

لكن لقيتك واحد من ناس قريعتي راحت ... ومن ناس الضهاري .... وناس الودك


المهم .. انا زاااااتي زيك ... لكن احسن منك بي شوية بس ..

نحن عرفنا الفن التشكيلي والثورة الأوروبية ودافينشي ومنو كدا ما عارف من حصص التاريخ

والله صحي





الشغيل

هههههههههههههه
كلنا بنعرف دافنشي وموزرات
والبجعه
هههههههه
استاذنا عبدالعزيز طلعت ما هين والله
على كدا اتا بتحب الشعر الحديث
ههههه
ياخي حتي تتبع السكة حديد الروسية نحنا درسناها
في الجغرافيا منهج عجيب كان

مودتي

/IMG]


يعني مثلا لوحة الموناليزا
شنو الخلها من اشهر اللوحات

الناس العندها زائغة فنية
شنو الشايفنو في اللوحة دي
الخلتها مميزة

سلام ابراهيم و ضيوفو الكرام
سألنا السؤال ده قبلك ناس حمد لبد و ود اب سن و بقية من رهط ادونى على راسى
ف شنو
هاك اتشكّل هنا كان تطلع بى حاجة

شكرا اخي جلالدونا
لو كنت اعلم انك فاتح بوست كامل الدسم
ما كنت فتحت البوست دا
وهذا البوست يشعرني بالطمئنينا
لكني كنت مفتكر اني انا الوحيد
الما بفهم الفن التشكيلي

مودتي

سوف أعود لهذا الموضوع

الباقر موسى

فنان تشكيلي

أبدا يا ابراهيم
ما قصدى كده و الله .. من حقك تفتح بوست عن الموضوع تانى و تالت و رابع
بس بى غادى اخوانا التشكيليين ما عبرونا
و الواحد شكلو ح يسكن فى البوست ده طال ما استاذنا الباقر وعد بالجية
له اطيب التحيات و فى الانتظار

تسلم اخوي ابراهيم علي هذا البوست
استاذ الباقر في انتظارك لمدنا بالمفيد
متابعين

" وأقول ليك حاجة أكتر ناس غتيتين في الدنيا دي هم التشكيلين ما بوروك كان مت عديل "
اخونا جلال الأخ حمد عبد الغفار اعطاءك الخلاصة للبوست السابق

فوق

كتر خيرك يا ابراهيم

في انتظار استاذنا الباقر موسى وأخونا العريفي


كنت متذكر السؤال عن تميز لوحة الموناليزا

ولغاية ما نرجع يا ابراهيم حاجة مدهشة انو دافنشي كان اي كلام في عصره وكان هناك فنانين أفضل منه


كبر

الله يخليك استاذنا كبر
وبمناسبة عدم افضلية دافنشي في عصره
قامت مجموعة بعمل تجربة جابو اقمشة
والوان لروضة اطفال وقالوا ليهم شخبطو وارسمو
الاطفال بايدهم وبالالوان شخبطو وطلعوا في الاقمشة
وبعد داك الجماعة ديل عرضو هذه الرسومات في معرض تشكيلي
وطلبوا من فنانيين تشكيلين مشهورين يدوهم رايهم في اللوحات دي
الفنانيين ديل طلعوا ليك اللوحات دي من احسن اللوحات التى اترسمت
فاااااا
الفنون جنون او كما قيل

تحياتي

الله يسلمك استاذ اسامه

هههههههههه
يمكن الغتاتة دي تكون جزء من
الفن التشكيلي

عارف والله اخ جلالدونا ما قصدك
لكن طرحك كان جميل
ههههههه
الباقر بجي لوك الصبر

في انتظارك
الاخ الباقر

الأخوة المتداخلون

آسف للتأخير.. و أشكركم على الاهتمام

الذي أكرر سعادتي به

سوف احاول الرد على أسئلة مفترعه البوست الجيدة

سأبدأ بالمصطلح
التشكيل في حياتنا
خلفية تاريخية
لغة التشكيل (الأبجدية والقواعد)
القيم الجمالية

وسيكون كل ذلك مصحوبا بصور

وربما يعقب ذلك جزء منفصل حول التشكيل في السودان

فقط أتساءل.. هل من الأفضل افتراع بوست منفصل، حتى لا ازحم هذا البوست ام اواصل هنا

مع تقديري

الباقر

شكرا يا الباقر..

والتحية لمتابعي ومتابعات هذا الخيط الجميل.. وتحية خاصة لمفترعه صديقنا ابراهيم عبد الوهاب..
شخصيا ، يا الباقر ، أرى ان عنوان البوست عام ، فكرة مفتوحة ، وهو مساحة تسمح بما طرحته من ثيمات اساسية..والتي ارى انها ستكون مفيدة ، وعبارة عن محاضرة قيمة في فضاء مفتوح للتفاعل الحي المباشر..!!
وبعد اذن صديقنا ابراهيم (صاحب الخيط/ الفكرة)..ارجو يا الباقر ان تستمر في شرح نفس الثيمات التي ذكرتها وبالترتيب كمان ، لأنك ستفتح افق كبير للغاية وتفيد خلق كتيرة للغاية..!
قد تعرف الساحة السياسية والحقوقية ، الباقر موسى ، كسياسي وناشط حقوقي ، ولكن القليل ، القليل جدا يعرف عن جانب الإبداع في شخص الباقر موسى ، وهذه فرصة ان يخرج الباقر عن عن صمته الجمالي ويتحدث حديث العارف..!!
البلد خربت وح تخرب كتير يا الباقر ، لأن اصحاب الحق شغلتهم تفاصيل الدنيا العابرة ، وظنوا ان ابداعهم يجب ان يكتشف من قبل الآخرين..!
ثيمة (اولاد وبنات الناس) التي تربينا عليها يا الباقر ، تسربت بعيدا بعيدا يا صديقي..!!
ووضع الأمور في نصابها ، لآ يعني اننا نخضع لثقافة الأستهلاك وتسويق ذاتنا ، وانما هي استجابة لشرط واقعي وموضوعي..!
معك ادعو كل اهل التشكيل في المشهد السوداني أن يستفيدوا من مثل هذه النوافذ ويكتبوا عما يعرفون ، لأننا بعد شوية يا الباقر ح ندخل في غاغة السؤال الوجودي: ما جدوى الفن التشكيلي؟..!!!
عني ، اقولها بكل صدق ، التاريخ البشري عرف الفن التشكيلي ، ويحتفي به كثيرا كثيرا ، ببساطة ، لأنه ذاكرة الكائن البشري التي يحرص على صيرورتها..!!

ساساهم ، بعد اذن صاحب البوست والحضور ، بالقاء الأسئلة والتوضيحات..فثملما ذاكرة امسودان اليوم يهمهم ثقافة الإستهلاك من جنجويد وثقافة حرب ، فايضا يجب ان يهمها الفن التشكيلي: هموم اهله ، من هم؟..ماذا يريدون؟..وماذا سيبقى في تلك الذاكرة: الجنجويد أم الفن التشكيلي؟..
معليش يا ابراهيم على المشاترة..

كبر

صديقنا ابراهيم..
لمن ترجع تاني تعاين لوحة الموناليزا..وتتأملها بعمق..!
المو ناليزا ، في اللوحة ، من غير حواجب يا ابراهيم..هل لاحظت الحاجة دي؟ وجه بشري من غير حواجب..!!!
واحد طلياني ، اخترع كاميرا خاصة عشان يصور بيها الموناليزا ، وكان مركز على الحواجب ، فقام اكتشف ، انو في شعرة واحدة ، شعرة واحدة يا ابراهيم في احد الحاجبين..!!
واحدة من اخطر اختراعات دافنشي ، يا ابراهيم ، فكرة طيارة الهايلوكوبتر البنشوفها حايمة في عالم اليوم النساي..!!
لكن الأفضل ، نحصر نروحنا في الفن التشكيلي ، وهي فسحة سمحة ، فيها تفاعل المبدع والمتلقى ، ودي جكة جمالية سمحة خلاص ، لو خلصت النوايا..!!

كبر

فعلا لمن ركزت على الصورة لا يوجد حواجب

قريت مقال في بي بي سي عربي عن ان هنالك صورة فتاة اخرى
داخل لوحة الموناليزا
الرابط
http://www.bbc.com/arabic/artandculture/2015/12/151208_hidden_portrait_


مودتي اخي كبر

اذنك معاك خونا كبر
والبوست بوستيك
وبوست للجميع

شكرا اخونا الفنان الباقر
كلو خير لو كتبت هنا او فتحت بوست جديد
في انتظارك

في تعليق للفنان التشكيلي السوداني العالمي (ابراهيم الصلحي ) على لوحة للتشكيلي محمد اشرف ابوسمرة من ناس ابوروف
رسم فيها بيوت شعبية في منطقة (القمائر) .. وكل الزوار كانوا يمرون على اللوحة مرور الكرام دون اي تعليق حتى
واستوقفت اللوحة الفنان الكبير الصلحي وقال لى محمد ابوسمرة :
اللوحة دي انا شامي فيها ريحة (زبالة)

ههههههههههههههه
دا العقل الباطن

في المرحلة المتوسطة استاذ الفنون كان مجتهد معنا ايما اجتهاد
كان عندو مسجل بجيبو لينا في الحصة ويشغل موسيقي
ويقول لينا من وحي الموسيقي كل واحد يرسم لوحة
بامنه الله نحنا خريطة الجغرافيا كنا بنشفها ، نخت صفحة الكراس
في الكتاب وبنمش عليها
فااااا نرسم من وحي الموسيقي ، الموسيقي لمن تشتغل نص الفصل كان بنوم
من اثر الفول والموسيقي
دائما اساتذه الفنون والموسيقى كانوا اكثر الاساتذة بشتغلوا بضمير واجتهاد

.
..تحياتي وتقديري لك ولضيوفك ولكل قبيلة التشكيليين
اغلب اصدقائي في مراحل الدراسة الأولى كانوا يذهبون للعيادة كرهاً في مادة الرياضيات
بينما امسك بطني حينما تاتي حصة الفنون واقول للأستاذ انا ماشي العيادة ..
وحتى المساعد الطبي الغريب والعجيب جداً ..
والذي كان في جيلنا جزءا لايتجزأ من المنظومة التربوية ..
كان لايسالك عن مرضك ..
بل يقول ليك وبصوت غليظ جداً { حصتك شنو ياحيوان } ؟؟؟؟ !!!!
وحينما اقول له { فنون } يبتسم بخبث ويقول :
الفنون دي عاوزة ليها دفتر عياااااادة ؟؟؟
المهم سرعان ما ياخذك الى رف به زجاجات خضراء فاقع لونها
وبها مزيج اشبه بالجير وطعمه مر جدا ويفتح لك خشمك كما { البقرة } تماما
ويقول ليك غمض عينيك ويكشح لك هذا المزيج في حلقك ..
وياويلك لو { شرقت } ستجد كف زي السم من يده الغليظة
والمدهش ان هذا المزيج لأي مرض
بل انه يجعلك بعد ربع ساعة فقط في استرخاء تام !!!
طبعا القزازة مكتوب عليها { بيرة ابوجمل } !!!!
آآآآآآآآآآآآي والله زي ما اقول ليك !!!!
وربما هذا سبب الاسترخاء .. والله اعلم !!!!



كرهتي للفنون كف مسموم من احد الأساتذة
كف يخليك تشوف اي شيء قدامك { أخدر } !!!
والسبب انه طلب منا رسم قطية
وبالفعل رسمتها بكل مافيها
وكمان زيادة في كاريزما اللوحة وفسيفساء الألوان زرعت امام القطية اشجار جميلة وعصافير ..
وحينما مر الأستاذ توقعته ان يطلب من التلاميذ التصفيق لي ..
فاذا بصفقة على الجضوم لازالت آثارها بائنة
كل السبب انه وجد القطية بلا شبابيك وبلا{ باب } والله نسيتم !!!
ولو اتى الصلحي آنذاك فلن يشم اي رائحة .. فمن اين تخرج الرائحة ؟؟؟؟
قال عصافير جميلة قال !!!!!

لكن لم اتوقع ان قصة عشق بيني وهذا الفن ستحدث يوماً ما ..
وبدأت اقرا لدافنشي وشفرة دافنشي وبيكاسو وسيزار ومايكل انجلو ويوكسس..
يوكسس الفنان الخرافي صاحب لوحة { الطفل والعنبة }
وادهشتني المونوليزا والعذراء والبرتقالة ..
ولايمكن ان اذهب السودان الا وازور كلية الفنون الجميلة..
وبها لوحة لنسور تتشاجر ان تمعنتها كثيرا فستاتيك ريشة طائرة ربما تثقب احدى عينيك

وتحياتي لك اخي ابوحراز
والله ذكرتنا بالعيادة وبالدواء (كنا مسمينو بول الحمير)
ههههههههه