كيس دُقّــة القنقليز بي 10 جنيه استرليني ؟ ..

01:23 PM October, 08 2016

سودانيز اون لاين
يحي قباني-فى الدنيا العجيبة
مكتبتى
رابط مختصر

ده قنقليزنا ولا شي تاني ؟

الراجنها شنو سمح ؟ ما نعبي و نبيع !!!

نفهم الآن الانجليز بقوا يسفو دقتنا دي ... ؟

و يا ربي الجابوا و عباهوا كده و سوقه منو ؟

١٥٠جرام ..

سلام يازول ..

Quote: ١٥٠جرام .. سلام يازول

تِلِتْ رطُــل يا منير ... تخيل !

خمسة وقيات ... بي 10 إسترليني ...

او استر نيلي على قولة صاحبي ...

كيفنك يا جميل ...

مطلوب ممول ، نبدا نجهز دراسة الجدوى ونبدا بعدها التنفيذ

Quote: مطلوب ممول ، نبدا نجهز دراسة الجدوى ونبدا بعدها التنفيذ

تعرف يا هاني ...

جابوا لي حلاوة عرديب من السودان ... علبة حلاوة عديل و شكاها انيق ...

الكنديين هسي مجننيني دايرين تاني ...

سلام من جوة قلبي يا الاصلي ...


الخواجات ياها حالتهم بحبوا الحاجات الزي
دي تصدق لما يجوني ولابتعبوني بس الكركدي
والعرديب وبكب لي فيهم شوية نكهة الروح ههه
اها بعد يشربوا الونسة بتكون جات براها عن
العصاير والعادات السودانية لما يشيلوا اهلهم .

وسلام لي ود العربي هاني .. حا اسأل ليك مخصوص
ناس انجلترا وبكلمك عشان تتاجر بيهو عندهم ..

تصدق يا هاني احكي ليك قصة ( السفة ) الاسم الحركي
الصعود ههههههههه مرة كنت في السودان في سوداني
في مدينتي عرفني مسافرة ضرب لي قال لي اخوي بجيك
في المطار بجيب ليك حاجة جبيها قلت ليهو ولا تكلف اخوك
قولها انا بجيبها ليك تصدق قائلاها شطة ولا ويكاب ولاكان
كلف فسيخ قال لي ابدآ بس هو بسلم ليها في المطار هههههه
اها لما وصلت المطار ضربت ليهو قلت ليهو انا وصلت ولو
سمحت ما تتاخر عشان ما اتاخر علي الكيارة قال لي انا قريب
ليك جاء سلم علي قال لي حا امشي اشوف موضوع الوزن
لقيتو شايل ليهو كرتونة كبيرة حقيقة استغربت قلت ليهو لوسمحت
دا شنو عشان في حاجات ممنوعة ما توزنها كلها قال لي صعود
اول مرة انا اترسل معاي صعود قلت : ليهو لو سالوني قال لي :
قولي ليهم بهارات تصدق كلام زي دا ؟ عملت القالوا لي وصلت
المطار يشهد الله يا هاني فتشني سيد بلد هولندي لما جاء للصعود
قال لي : اوووو شايلة بهارات كتيرة هههههه انا ضحكت ضحك
قلت ليهو بلاهي السودانيين وصلوا ليكم ثقافتهم لي هنا لكن بالغش؟
طبعآ بي قلبي ههههه عمومآ في هولندا اربح تجارة ولن تبور تجارة
الصعود ! يعني اي سوداني حالتو ميسورة دا تاجر صعود .

الونسة معاكم حلوة ..

اعتذر للاخطاء الملائية وعدم الرجوع اليها .

ولكم وافر الحب ,,,

مشروعك أخ يحي

على بركة الله عندك شريك قول واحد


أحمد الشايقي

قبة

البوست دا مهم والله

سلامات يحي قباني

في حي بني مالك (جدة) في معرض ببيع نفس حلاوة القنقليز + حلاوة دوم + حلاوة نبق

الكمية العندي الاشتريتها خلصت من اصحابي السودانيين الموجودين هنا خطفوها خطف

وماخلوا لي حاجة ..

الدقة اتعملت عصير مركز رهيب وعجبت جيراننا السعوديين وقالوا عايزين تاني

لمن مشيت بني مالك اجيب تاني لقيتها خلصت لانه في واحد سوداني مقيم في

جيزان اشترى كل الكمية وقال حايبيعها ويكسب من وراءها.

سلام يحي

مناسبة الواحد يعمل دعاية
بنيع ال 60 جرام كركدي ب 2.50 يورو في غرب اوربا!

http://http://www.facebook.com/roselletheewww.facebook.com/rosellethee

إنتو لسة حتفكروا في التعبئة؟

أنا ماشي أشتري لي كم شجرة تبلدي وكم هشاب وكمين هجليج.

الزمن ما معروف

بخلّي ليكم القضّيم والحمّيض ...... قصّرت معاكم؟

البوست ده النكتو منو ؟
اها .. المعانا منو ؟

ابحث عن القونقليز تحت اسم ابوحيوب وبالإنجليزي Baobab وحتشوف العجب!!!
منتوج اخر من بلادنا يتم عرضه وتسويقه بأيادي وعقول اجنبيه ونحن نتفرج وندعي المعرفة!!
انظر الي بي بي سي وسوف تجد خلطات الاكل والشرب الذي يجعلك تنسال ماذا بِنَا نحن معشر السودانين!!
نصدر الصمغ العربي لنشتريه من الغرب!! هل حننتظر الغرب في القونقليز كمان!! اصحوا يا أبناء وطني!!
القونقليز في معرض الاغذية العالمي في باريس ولكن كالعاده ليست بايادي سودانيه
سنحت لي الفرصه ان اتواجد في معرض الاغذيه Food Ingredients في باريس من ١ الي ٣ ديسمبر٢٠١٥
واثناء تجوالي في المعرض اجد نفسي انساق الي صور وعينات منتوج اعرفه عز المعرفه منذ الصغر
وانا طالب في الابتدائي وبتعريفه واحدة من ست الشاي اشتري قرطاس السفوفه بالسكر.
القونقليز يعرض من خلال شركه ايطاليه وشركه اخري نمساويه مع التعاون مع الحكومه السنغاليه;
ماهي فوائد القونقليز;
١- كميه فيتامين سي ٦ مرات اعلي من البرتقال. فيتامين بي والنياسين،
٢- الاجسام المضاده للاكسدة والسرطان ٣ مرات اعلي من الرومان والفراوله
٣- الالياف ٥ مرات اعلي من التفاح
٤- الحديد والبوتاسيوم
٥- والبكتين، والستريك، الماليك، والأحماض السكسينيك
٦- وقد ثبت اللب لتحفيز الأمعاء الدقيقة (المكون تسبق التكوين الجنيني)
٧- غني بالفيتامينات A، D، E والأحماض الدهنية الأساسية
٨- يوفر فوائد الترطيب للبشرة والشعر عند استعمال الزيت المستخلص من البذره
٩- يستعمل في تركيبات ضد الأكزيما والصدفية
١٠- يستعمل كغذاء رئيسي لمرضي فاقدي المناعه
هذه هو القنوقليز رجاءا اعطوه لاولادكم لكباركم، ادخلوه في ماكولاتكم ;;
ملحوظة :
شركه البيبسي كولا تنتج مشروب القنقوليز Boabab في اليابان..

................،،،،،،،،،،،،،،،،..............،،،،،،،،،،،،،،،.........

و كذلك في نفس الموضوع كتب الصحفي محمد محمد خير :
منذ عقدين من الزمان ترسبت كل الدهون التي أصبتها من لحم الضأن (والربيت ) وكادت أن تسد شراييني وتتخلل شرياني التاجي نحو القلب
ليتوقف فأكف بالتالي عن الإرسـال. لولا عناية إلهية خاصة لكنت في عداد الموتى وكنت يومئذ معارضاً في القاهرة قطعاً كانت المعارضة ستسميني
(الشهيد محمد خير) وحتماً كان ناشطوها سيردون بأس (الربيت) الذي أسقمني وسيؤكدون أن سبب موتي كان ( التعذيب) فيما لن يقوموا بواجباتهم
المالية تجاه أسرتي فأنا (استشهدت ) ومضيت وهم (يحملون أرواحهم في أكفهم) في سوق العتبة والبارات الشعبية وقهوة « جي جي» واتحاد المحامين
كلنا شهداء بالتبني التلقائي لهذه الكلمة. حين أكرمني الله بالسفر لكندا انتخبت طبيباً كندياً بارعاً وجه كل طاقاته الطبية لكولسترولي الذي جعل منه
موضوع دراسة فهو من نوع خاص جداً فالتحية لكل ضأن بلادي!! منحني ذلك الطبيب وصفة لمدى الحياة أعاقرها منذ عام 1996م وهي عبارة
عن حبتين إحداهما لتقليل الكولسترول في الدم والأخرى لمجابهة إحتمالات الذبحة وظللت أعاوده وأفحص كل عام. قبل ثلاثة أشهر ارسل لي
ذلك الطبيب الكندي (إيميل) وأوصاني بشراء عصير (التبلدي) المتعارف عليه في بلادنا (بالقنقليس) وحين قرأت الرسالة هاتفته فأوضح لي أن
(البورد الصيدلي ) الكندي توصل لهذا الإكتشاف علمياً مبيناً بأن التبلدي في الأصل عبارة عن مادة مضادة للكولسترول وأوصاني بالفحص بعد شهرين
من تناوله اليومي في شكل عصير. من حسن حظي أنني كنت في السودان وتوجهت مباشرة للسوق المركزي وأشتريت (3) ارباع قنقليس حتى إندهش البائع
وعدت للدوحة لا يشغلني غير شرب كوب من عصيره المركز وبعد شهرين توجهت للفحص وبالأمس كانت النتيجة أن دمي وكل شراييني وأوردتي ومساماتي
وشرياني التاجي أصبحت في حل عن الكولسترول بإنخفاض معدله العام والصالح والضار. كانت نتيجة مدهشة لم تستطع العقاقيرواللعلاجات الطبية المعتمدة
صيدلياً الوصول إليها خلال عشرين عاماً فيا مرضى بلادي بهذا الداء الذي يسكن جسد كل سوداني حر ذكرا كان او انثي عليكم بالتبلدي حين الفراغ
من قراءة هذا العمود مع تمنياتنا ودعائنا بالشفاء لكل مريض .
بالله ياشباب كل من لديه ترسب في الشرايين كلموه خلوه ياكل ويشرب قنقليز وزعوها جزاكم الله خيرا.

يباع فى امريكا يا يحيى فى Wall Mart بعشره دولار موجود فى اماكن الماكولات العضويه وطبعا عندكم وول مارت فى كندا ايضا

حبيبنا القباني ..
أنا وزميلي في المكتب مندهشين من البوست ..
بالنسبة لي أنا من أقصى الشمال ما عندي معرفة عن القنقليز
ولكن السؤال المحير كيف وصل هذا المنتج إلى هؤلاء ؟
هل يكتبون المصدر ؟
========
مصداقاً لكلامك حبيبنا القباني
أمس في قناة سودانية 24 في إقتصادي إختصر الموضوع وقال :
فقط شريط الهشاب ، والفول السوداني ، والسمسم الابيض ، والكركدي يمكن أن يحل مشكلة السودان نهائياً
ويمكن أن يضاف القنقليز ..

وفعلاً ذكر الاسعار بالارقام وكانت خيالية ..

مودتي حبيبنا القباني صدقني وطن لا نستحقه ،،