مندهش جدا للهجوم الذي يقوم به بعض اعضاء المنبر على المملكة العربية السعودية. السعودية هي الدولة التي يجب ان تشكر على كل ما قامت وتقوم به تجاه السودان والسودانيين. لقد وقفت ودعمت السودان طيلة السنوات السابقة واستقبلت ملاييين السودانيين بحفاوة بالغة. هل بعد كل هذا نعضي اليد الممدودة بالخير للشعب السوداني!!! هل وصل بنا عدم الوفاء الي هذه الدرجة؟. ليس لنا حق ان نحدد للسعودييين من يحكمهم وكيف يحكمون وان نركز على وضعنا الداخلي وهو اسوأ بكتير من معظم دول العالم. من يظن ان السعودية ستنهار بالقرارات الامريكية الاخيرة فهو واهم والمتضرر منها هي امريكا نفسها وزكرت ذلك في مداخلات سابقة. واول هذه القرارات القوية هي اتفاق السعودية والصين على ان يكون التبادل التجاري بعملاتهم المحلية وابعاد الدولار الامريكي تماما.
Post: #2 Title: Re: السعودية دولة قوية ذات سيادة Author: هيثم التوم Date: 10-07-2016, 01:25 PM Parent: #1
احيييك اخي الفاضل الحق احق ان يتبع السعودية بنت مجدها بفكرها اتاحت لكل العلماء ان يخدموا المملكة وفرت سبل القوة فصارت قوية
السعودية اعز بقعة في الارض السودانيين
Post: #3 Title: Re: السعودية دولة قوية ذات سيادة Author: عبدالعظيم مكى Date: 10-07-2016, 03:00 PM Parent: #2
الاخ هيثم
بارك الله فيك.
حتى في مجال العلوم والمعرفة الان الجامعات السعودية في قمة الجامعات العربية وتخطو بخطوات واسعة لتتبوأ قمة هرم الجامعات العالمية وفي فترة وجيزة حا نشوفها من ضمن المائة جامعة الاولى على مستوى العالم.
Post: #4 Title: Re: السعودية دولة قوية ذات سيادة Author: مني عمسيب Date: 10-07-2016, 03:22 PM Parent: #3
التحية لك اخي عبد العظيم ..
السعودية هي الدولة التي يجب ان تشكر على كل ما قامت وتقوم به تجاه السودان والسودانيين. زي شنو ؟
Post: #5 Title: Re: السعودية دولة قوية ذات سيادة Author: aosman Date: 10-07-2016, 04:35 PM Parent: #1
أوباما مؤيدو "جاستا" لا يعلمون فحواه ولم يناقشوه وما حدث خطأ وسابقة خطيرة .
Post: #6 Title: Re: السعودية دولة قوية ذات سيادة Author: عبدالعزيز الفاضلابى Date: 10-07-2016, 05:32 PM Parent: #5
سلام يامكى الناس دى بتعارض اى شيئ حتى ولو وافق هواهم. ديل بذكرونى بقصة الشيوعيين الـ غِرْقت مركبهم وقذفهم الموج الى جزيرة لايعرفونها فقالوا: الجزيرة دى لو فيها حكومة نحن ضدها ,, حتى قبَّال يعرفوها تابعة لياتو بلد. ديل يا مكِّى ماشين بى نظام عجبنى للمرقوت او كما يقول اخونا جنى: خصى نفسه نكاية فى مرتو. بعدين يامنى سؤالك ده اجابته من المعلوم بالضرورة. وزى ما قال ليكم مكى : سايبين عوَجكُن وقاعدين تصَلِّحوا فى عوَج غيركُن. ودى بلوة العقل السودانى بنحشر نفسنا فى اللى مَلاناش فيه ,, إنتوا عارفين البؤس اللى نحن فيه جاى من وين بس حِقيرتى فى بقيرتى ,, والسعودية حيطتكم القصيرة ,, عشان الحيطان الطويلة ماقادرين تنُطُّوها ,, خراب السعودية خراب بلدكم اكتر مما هى خربانة ,, فالتفتوا لخراب بلدكن وسيبوا السعودية فى حالها ولاترموا فشلكم وعجزكم على السعودية وانظروا الى خطاب المعارضة تجدوه يخلُص الى غاية واحدة : الانتقام من الحكومة ورئيسها ,, ولايهم بعد ذلك كيف تُحكم البلد. يالبؤس المعارضة ,, اعرف تماماً ان اقلاماً كثيرة ستأتى الى هذا البوست وتمسك فى كلامى الاخير هذا وتدلق براميل من التنظير والشخصنة التى لاتسمن ولاتغنى من جوع ولا تجيئ بتغيير ,, ولكن لابأس اتفلسفوا ما اتفلسفتو,, نامن تلقوا نفسكم مقطَّعين فى الارض اسباطا ,, وليتكم بعد تقطيعكم تكون اسباطاَ امما.
Post: #7 Title: Re: السعودية دولة قوية ذات سيادة Author: زينب محمد عبدالله Date: 10-07-2016, 06:07 PM Parent: #6
كتب عبد العزيز الفضلابى :
( ,, خراب السعودية خراب بلدكم اكتر مما هى خربانة ,, فالتفتوا لخراب بلدكن وسيبوا السعودية فى حالها ولاترموا فشلكم وعجزكم على السعودية )
اذا كان خراب السعوديه خراب بلدنا زى ما انت قلت فمن باب اولى نتضامن معهم او نقول ليهم انتو غلطانيين عملا بى مبدا ( انصر اخاك ظالما ومظلوما ) فكيف تطلب من الناس ان يسيبوا السعوديه فى حالها فى الوقت الانت بتقول خراب السعوديه هو خراب بلدنا !! يعنى الناس تأكل وتقش يدينا وتسكت ساكت عملا بى مبدأ ( الخواف ربى عيالو ) وليس بى مبدأ ( الرزق من رب السعوديه وليس السعوديه )
السعوديه هى مصدر نشر الارهاب فى العالم وتشويه دين الاسلام المسالم وتحويله عن طريق شيوخهم الوهابيه الى دين قتل ودمار السعوديه لمن تخلى الناس فى حالها بعدين الناس بتخليها فى حالها
Post: #8 Title: Re: السعودية دولة قوية ذات سيادة Author: عبدالعزيز الفاضلابى Date: 10-07-2016, 06:35 PM Parent: #7
Quote: ذا كان خراب السعوديه خراب بلدنا زى ما انت قلت فمن باب اولى نتضامن معهم او نقول ليهم انتو غلطانيين
زينوبة الـ مابِتْحوق ازيَّك فاقد الشيئ لايعطيه ,, نحن بقت علينا حكاية عريان من صلبه ولابس سديرى. بعدين زى البتسوو فيه ده ماهو مناصحة ده صب زيت على الناروشايف بعض الشباب هنا مافضل ليهم الا يقولوا شيلو الكعبة من مكة وختوها فى اوروبا.
Post: #9 Title: Re: السعودية دولة قوية ذات سيادة Author: مني عمسيب Date: 10-07-2016, 07:06 PM Parent: #7
التحية للجميييع ..
يا فاضلابي موش تخلي سيب البوست يرد ؟ بعدين يامنى سؤالك ده اجابته من المعلوم بالضرورة. سؤالي ما زال قائم وبتمني من صاحب البوست يرد ؟
زي شنو ؟ بتمني الرد من صاحب البوست .
ولكم الشكر ,,,
Post: #10 Title: Re: السعودية دولة قوية ذات سيادة Author: عبدالعزيز الفاضلابى Date: 10-07-2016, 08:19 PM Parent: #9
Quote: ذا كان خراب السعوديه خراب بلدنا زى ما انت قلت فمن باب اولى نتضامن معهم او نقول ليهم انتو غلطانيين
زينوبة الـ مابِتْحوق ازيَّك فاقد الشيئ لايعطيه ,, نحن بقت علينا حكاية عريان من صلبه ولابس سديرى. بعدين زى البتسوو فيه ده ماهو مناصحة ده صب زيت على الناروشايف بعض الشباب هنا مافضل ليهم الا يقولوا شيلو الكعبة من مكة وختوها فى اوروبا. ******** معليش يازينوبة ,, اضطررت لاعادةالمداخلة تعليقاً على مداخلتك ,, المداخلة الاولى دخلت بعدها بت نفيسة دى مابعرف سوتلها شنو اصلها وكت بحرها يحَمِّر معاى بتدخل تدينى الـ فيها النصيب .*******اها يامنى قلتى لى انا ممنوع من الرد؟ ليه؟ اصلو البوست ده من المحرمات علىَّ بالرضاعة ولا من بنات (الأخ)؟ وانا ماعارف؟ . منى انا متأكد انتى عارفة المكى بقصد شنو بس ياها عكلَتَّك نروح منها وين ,, ياخ خليكى حنينة علينا زى زينوبة دى نامن تقوم علينا بتجدِّعنا بالزهور وانتى ساكنة فى بلد الزهور
Post: #11 Title: Re: السعودية دولة قوية ذات سيادة Author: عبدالعظيم مكى Date: 10-08-2016, 04:18 PM Parent: #10
التحية لجميع المتداخلين. اما بالنسبة لسؤال اختنا بت عمسيب وعلى الرغم من ان ضؤ الشمس لا يحتاج الي دليل ولكن اكراما لسؤالك اذكر لك بعض ما قدمته المملكة العربية السعودية للسودان. 1. قدمت المملكة البترول ومشتقاته وبإسعار تفضيلة والي الان. 2. المملكة كانت الدولة السباقة بالدعم لكل الكوارث التي حلت بالسودان وخصوصا فترة الحفاف والتصحر واول طائرة نزلت مطار الخرطوم كانت من المملكة. 3. استثمارات المملكة في السودان هي الاكبر بعد الصين موفرة الالاف فرصة العمل السودانيين في الداخل. 4. استقبال المملكة لملايين السودانييين ونادرا ما يخلو بيت سوداني من مغترب في المملكة موفرة بذلك جل العملة الصعبة.
وهذا غيض من فيض ومن لا يشكر الناس لا يشكر الله. "
Post: #12 Title: Re: السعودية دولة قوية ذات سيادة Author: مني عمسيب Date: 10-08-2016, 04:32 PM Parent: #11
لك التحية اخي الفاضل .. عبد العظيم ..
ولكن : . قدمت المملكة البترول ومشتقاته وبإسعار تفضيلة والي الان. 2 . المملكة كانت الدولة السباقة بالدعم لكل الكوارث التي حلت بالسودان وخصوصا فترة الحفاف والتصحر واول طائرة نزلت مطار الخرطوم كانت من المملكة. 3. استثمارات المملكة في السودان هي الاكبر بعد الصين موفرة الالاف فرصة العمل السودانيين في الداخل. 4. استقبال المملكة لملايين السودانييين ونادرا ما يخلو بيت سوداني من مغترب في المملكة موفرة بذلك جل العملة الصعبة. الم يكن السودان سباق للخير عندما كان قبلة للشعوب الأخري واليمن وغرب افريقيا شهود علي ذلك ؟ الم يكن السودان الدولة الوحيدة التي مازال يشهد لها التاريخ بسفنها المحملة بالمؤن الغذائية تجاة الحجاز ؟ الم يكن السودان الدولة المعروفة بكساء الكعبة المشرفة ؟ وهذا قطرة من النيل . السعودية مستقبالكم لانكم من خيرة الشعوب ومستقبالكم كوافدين عمل وبكفلائها ! يعني انت شغال عشان كدا بتاخذ المقابل .
وللاسف الشديد : السعودية واقفة مع النظام الخلاكم انتوا هناك منكم المرتاح ومنكم الغير ذلك ولمصلحتها الشخصية وليست لمصلحتكم انتوا !
دي قصة السؤال .
ومعذرة تاني ما بجي ارد علي اي كلام احترمآ للاخوة الهناك . وربنا يصلح حال بلدنا ونمشي نطورها بعزتنا وكرامتنا ..
ولكم الشكر الكتير ,,,
Post: #13 Title: Re: السعودية دولة قوية ذات سيادة Author: عبدالعظيم مكى Date: 10-08-2016, 06:39 PM Parent: #12
طبعا كتيرين بفتكرو انو ابتدرت هذا المنشور لانو لي مصلحة شخصية او احد مغتربي السعودية وهذه هي الاحكام المسبقة ال بعيدة عن التفكير العقلاني. لست مغترب بالسعودية وكنت مقيم بالمانيا ويمكنني ان اعود اليها او الذهاب الي اي دولة في العالم في اي وقت. ما جعلني اكتب هذا المنشور هو عدم الوفاء لأهل العطاء. والسعودية من اهل العطاء الذين لهم ايادي بيضاء على الشعب السوداني. لسنا نحن من نحدد للسعودييين حكامهم او الكيفية التي يحكموا بها . خلونا يا جماعة في بلدنا نشوف كيف حا نمرق من الورطة ال نحن فيها.
Post: #14 Title: Re: السعودية دولة قوية ذات سيادة Author: سيف النصر محي الدين Date: 10-08-2016, 08:28 PM Parent: #13
يا عبد العظيم ما تكون حساس اكتر من الللازم. السعودية و السعوديين برضو بهتموا بشؤون الدول الاخرى و بتدخلوا فيها و يناقشوها. يعني مثلا نحن ما عندنا جرائد زي الشرق الاوسط و الحياة زي السعودية و ما عندنا قناة العربية و ديل كلهن مملوكات للدولة السعودية عديل و لا يتورع العاملون فيهن عن نقاش و انتقاد اي دولة عربية. السعودية ايضا تحدد للدول الاخرى ذات السيادة من يحكمها و كيف يحكمها و عندك مصر طوال ازمتها خلال الكم سنة الفاتت السعودية كانت لاعب اساسي في جميع الاحداث. و في اليمن مشوا شوط اكبر باستخدامهم القوة عديل عشان يحددوا لليمنيين من يحكمهم. مطالبتك هذه لا علاقة لها لا بالواقع و لا بالمنطق و لا يمكن النظر اليها الا من باب النزعة الدونية التي تصيب البعض حينما يتعلق الامر بالسعودية. و هنا انا لا اعنيك شخصيا بانك مصاب بهذه النزعة و لكنك تأثرت بها و لا شك لأنها منتشرة جدا.
Post: #15 Title: Re: السعودية دولة قوية ذات سيادة Author: سيف النصر محي الدين Date: 10-08-2016, 09:33 PM Parent: #14
و ان ننسى لا ننسى البحرين و لبنان و سوريا و العراق حيث يبلغ التدخل السعودي مستويات عالية جدا.
Post: #16 Title: Re: السعودية دولة قوية ذات سيادة Author: عبدالعزيز الفاضلابى Date: 10-08-2016, 11:11 PM Parent: #15
ياسيف انا معاك كلامك منطقى والعالم اصبح متشابك بس ياسيف الناس دى مابتنتقد فى السياسة السعودية واثرها على محيطها الذى نحن جزء منه ,, الناس دى ان تمسس السعودية حسنة تسؤهم ويفرحوا ان اصابتها مصيبة المسألة شماتة ياصديقى ودونك اللغة الإحتفالية فى هذا المنبر. المسألة تصفية حسابات عقدية ,, دون النظر الى عواقب أمنياتهم, بعضهم يغلِّف تلك الأمانى بكلمات حق يُراد بها الباطل. بعدين ياسيف يعنى خلاص نحن حلينا مشاكلنا مع حكومتنا اللى رجعتنا للعصر الحجرى وجايين ننصح السعودية اللى مواطنيها عايشين فى القرن الواحد وعشرين؟ بقت علينا حكاية: رَازَّة ونطَّاحة ,, قال ليهو يا ابو مركوب تعَلِّم الحيلة للحمامة ولاتُعَلِّمها لنفسك؟ ياسيف ياخوى كدى خلونا نعرف نَمرُق من كِتير بله ده ,, ناس الزارعنا غير الله يقلعنا والحسوا كوعكُُن وماشابه بعد داك كان فينا باقى مُرُوَّة نساعد بيها السعودية. عبدالعزيز الفاضلابى
Post: #17 Title: Re: السعودية دولة قوية ذات سيادة Author: سيف النصر محي الدين Date: 10-08-2016, 11:50 PM Parent: #16
صحيح يا فاضلابي كثير من منتقدي السعودية دوافعهم ايدلوجية و صحيح ان القوى العلمانية تنظر للسعودية على انها عقبة كبيرة امام تحقق مشاريعهم السياسية و للمال السعودي على انه الممول الرئيسي للمشاريع المضادة و للامانة فهم معهم حق في نظرتهم تلك. و اتفق معك انه على الأقل في هذه الظروف الحالية الأفضل ان نركز على قضيتنا الأساسية.
Post: #18 Title: Re: السعودية دولة قوية ذات سيادة Author: Othman Al-Hasan Babikir Date: 10-09-2016, 03:26 PM Parent: #1
لك التحية الأخ عبد العظيم ولكل المتداخلين ....
هكذا هي سياسة الإنقاذ عندما وصلت سدة الحكم فقد قامت بالهجوم على كل الدول المجاورة وحتى على دول ما وراء البحار وفي النهاية وبعد 27 سنة عادت ذليلة وضيعة تسعى بكل السبل لإصلاح ما خربته بأيديها لهذه العلاقات بل وسمعنا تحت تحت أنها سعت وتسعى بكل جهد لعمل علاقات مع إسرائيل التي كان مطبوع على جوازنا ممنوع السفر لها " يا سبحان مغير الأحوال " ...!!! ومما يؤسف له يسير على نهج الإنقاذ بعض الرجرجة والدهماء بالهجوم على بعض الدول ومن بينها السعودية وفي الغالب أن هؤلاء لهم دوافع طائفية وتصفية حسابات هم أعلم بها ، متناسين أن ما قامت وتقوم به السعودية تجاه السودان وشعبه لم تقم به أي دولة أخرى ، وحتى وقت قريب عندما كانت حكومتنا " الرشيدة " تستقبل وتستضيف السفن الحربية الإيرانية في البحر الأحمر مما يمثل طعن للسعودية في خاصرتها ، فرغم ذلك لم تقم السعودية بأي رد فعل لهذه التصرفات المتهورة واللامسؤلة من " حكومتنا الرشيدة " وتعاملت مع الأمر بكل حكمة وعقلانية ودون أي تهور . ليس لنا الحق في التدخل في علاقات السعودية الخارجية وليس لنا الحق في أن ندلي برأينا في سياستها فهذا شأنها تتدخل في اليمن ، تتدخل في سوريا ، تتدخل في أي دولة أخرى ليس لنا الحق في أن نحشر أنفنا في ذلك إلا اللهم أن يكون للمتدخلين في شئون السعودية تصفية حسابات وهذا هو الراجح والمؤكد ....!!
Post: #19 Title: Re: السعودية دولة قوية ذات سيادة Author: سيف النصر محي الدين Date: 10-09-2016, 04:04 PM Parent: #18
ليه "ليس لنا الحق" في التدخل في علاقات السعودية الخارجية و لا الادلاء براينا و من حق السعودية و السعوديين أن يتدخلوا في شؤوننا و الادلاء برايهم في امورنا؟ ليه مثلا من حق عبد الرحمن الراشد أن يكتب عن السودان؟ هل على راسو ريشة مثلا؟ ليه من حق العربية نت أن تتحدث عن أي شيء و في كل شيء ابتداء من ستات الشاي انتهاء بالحوار الوطني و نحن مطلوب منا أن نسكت و نصم خشومنا؟ هل تعتقد اننا لا نسوى مثلا و أن السعودية ارفع مقاما و اعلى شأنا مننا؟ هل هناك فرق بين أن يندد الناس بالعدوان الإسرائيلي على غزة مثلا و العدوان السعودي على اليمن؟ هل المطلوب الا نهتم بما يحدث في سوريا و غيرها مما للسعودية علاقة مباشرة به؟
Post: #20 Title: Re: السعودية دولة قوية ذات سيادة Author: عثمان الأمام Date: 10-09-2016, 04:37 PM Parent: #19
سلامات
د. سيف ما خلى حاجة تتقال لكن كل الدول ذات سيادة والسودان واليمن وسوريا ومصر وتونس وليبيا برضو ذات سيادة وقضايا السعودية قضايا دولية وإقليمية وبتأثر وبتتأثر بي كل الحوالينا فما في حق بخلي القنوات السعودية والمملوكة لسعوديين والصحافة التابعة ليهم يتناولوا قضايا الآخرين بدون حد يتناول القضايا السعودية!!
والمنبر ده أتناول قضايا في كل الدول مصر وسوريا واليمن وروسيا وايران إشمعنى ما يتناول السعودية سواء مؤيد ولا معارض ليها!!
Post: #21 Title: Re: السعودية دولة قوية ذات سيادة Author: Yasir Elsharif Date: 10-05-2017, 11:44 AM
سلام
هل لا يزال صاحب البوست على نفس الرأي؟؟
Post: #22 Title: Re: السعودية دولة قوية ذات سيادة Author: عبدالعظيم مكى Date: 10-06-2017, 09:35 AM Parent: #21
السعودية اليوم افضل من الامس وغدا ستكون افضل من اليوم، والى الان الدولة القوية ذات السيادة. انفتاحها للعالم الخارجى سيزيدها قوة ومنعة.