Post: #1 Title: أقبض .. جدادة الكترونية طاااازة .. عمل فيها دكتور كمان Author: حيدر حسن ميرغني Date: 10-07-2016, 10:08 AM Parent: #0
09:08 AM October, 07 2016 سودانيز اون لاين حيدر حسن ميرغني-Colombo -Srilanka مكتبتى رابط مختصر[url=https://www.0zz0.comhttps://www.0zz0.com[/url] شكرا دكتور اسعد
Post: #2 Title: Re: أقبض .. جدادة الكترونية طاااازة .. عمل فيها Author: Mustafa Mahmoud Date: 10-07-2016, 10:10 AM Parent: #1
الولد دا امنجي شارك في قتل شهداء سبتمبر
تفوووووووووووووووووووووووووووووووووووووو
Post: #3 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-07-2016, 10:12 AM Parent: #2
أكيد نجرو له شهادة بأنه متخرج من كلية الطب ديل ينجروا آيات وأحاديث وياكلوا مال النبي تبا لهم بكل لغات العالم
Post: #4 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-07-2016, 10:20 AM Parent: #3
من صفحة أخبار الغبش [url=[/url]
Post: #5 Title: Re: أقبض .. جدادة الكترونية طاااازة .. عمل فيها Author: Mustafa Mahmoud Date: 10-07-2016, 10:22 AM Parent: #4
كان دا دكتور يبقي بشة دايه غير قانونيه
Post: #6 Title: Re: أقبض .. جدادة الكترونية طاااازة .. عمل فيها Author: abubakr salih Date: 10-07-2016, 03:41 PM
يا سلام يا حيدر،
ياخ الكيزان ديل عجيبين و الله. امس محمد ابراهيم علي جايب تقرير تلفزيوني لقناة الخرطوم. قالوا تقرير عن زيارتهم لسير العمل فى مستشفي ام درمان و انو العمل يمضى تمام التمام و مافي اضراب. التقرير طلع مضروب و ملفق. غايتو الناس ديل ما بخجلوا نهاااائي. بحاول القي الفيديو و ادرجه هنا فى البوست.
Post: #8 Title: Re: أقبض .. جدادة الكترونية طاااازة .. عمل فيها Author: محمد على طه الملك Date: 10-07-2016, 04:39 PM Parent: #7
والله حكاية تخلى الواحد يقطع هدومو من الزعل .. يعني شنولزوم التصرفات الغبية المابتشبه اخلاقيات السودانيين دي .. لواستمرو يلعبوبينا ويخدعونا طوال 27 سنة مستفيدين من سيطرتهم الاعلامية .. اليوم بقت مافي دولة تستطيع ان تحجب اي حدث اوتزور فيه كما كان الأمر في السابق .. لعنة الله عليهم.. التحية مقدما يا حيدر وزواره
Post: #10 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-07-2016, 04:59 PM Parent: #8
بخصوص الشاب الدكتور محمد هارون .. من المفترض أن لا تمرر هذه الفرصة هكذا .. هل سنحكم على هذا الدكتور (بنقل) ورد في في احدى وسئل التواصل الاجتماعي .. وللتأكيد الذي لا يدع مجال للشك كيف نتأكد ؟؟ هل بالفعل من أنه كان في دفعة 2008م؟ وكم بالفعل يحتاج لكي يتخرج؟؟
Post: #11 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-07-2016, 05:39 PM Parent: #9
القال الكلام ده دفعته عديييل ياوائل ماتقعد تلولو الكلام في سبيل ايجاد تبرير واهي عادتك دايما مكابر ...
Post: #12 Title: Re: أقبض .. جدادة الكترونية طاااازة .. عمل فيها Author: وهبه الشبلي احمد Date: 10-07-2016, 05:49 PM Parent: #11
لو في خجل بتباع في السوق ..كان اشترينا ليكم خجل يا كيزان
Quote: القال الكلام ده دفعته عديييل ياوائل ماتقعد تلولو الكلام في سبيل ايجاد تبرير واهي عادتك دايما مكابر ...
أخ حيدر تحياتي
من حديث المتحدث (دفعة المتهم) بأن الرجل كان دفعة 2008م اليس كذلك ؟؟ ولا شك بأن (المتهم) هو حقيقة ماثلة .. بمعى أن الرجل ليس شبحاً وما الذي يؤكد يا حيد بأن (دفعة المتهم) ليس شبحاً ؟؟ وأنه حقيقة ماثلة أيضاً وما الذي يؤكد بأن (دفعة المتهم) لو كان حقيقة ماثلة في أنه صادق في اتهامه .. نحن نريد مساعدتك ومساعدة (دفعة المتهم) في التوثيق فقط. أيضاً لم تجبني كم يحتاج طالب الطب لكي يتخرج لو ابتدأ في 2008؟
Post: #14 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-07-2016, 05:56 PM Parent: #13
طيب يامان اعمل خير واتقصى الامر طالما انت موجود في البلد تصدق جماعتكم الذين هجروا المنبر كانوا بعملوا كده رغم لي عنق الحقيقة بترهات من عندهم ..
Post: #15 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-07-2016, 06:07 PM Parent: #14
ثم محمد هارون ده منتظر شنو عشان يبرئ نفسه .. الشهادات ياوائل في السودان توزع لاهل الحظوة وان لم يفكو الخط اي مواطن في السودان عندو قريبو او جارو كوز .. يعني مافي حاجة بتدسى .. الا يكفي رفض عدد من الدول استقدام خريجين جامعيين من السودان من شدة تدهور التعليم وكثرة ييع الشهادات انا بعمل في بعثة دبلوماسية من سنين .. صادفت دبلوماسيين عرب عملوا في سفاراتهم في الخرطوم .. حكوا عن كيفية حصول بعضهم على شهادات جامعية دون ان يذهبوا للجامعة ياوائل المكابرة شينة والله
وقعت في شر أعمالك أيها (الحيدر) .. أنت نقلت لنا أمراً واتيتنا به وأنت في قرارة نفسك غير واثق ويحدثك قلبك بأن الامر في زخم .. بمعنى أن (الفار لعب في عبك) اليس كذلك .
وتريدني أيضاً أن أتقصى لك (هاهاهاااع) ولماذا اتقصى لك ؟؟ انت ملزم بأن تتقصى وتأتي بما هو صحيح لمصداقيتك وإلا فسيعتبرك البعض بأنك تنقل الاكاذيب . المتهم بريء حتى تثبت ادانته يا حييدر وانت أتيت هنا لتدين هذا المتهم فعليك بالثبات والأثبات حتى تثبت التهمة على المتهم.
Quote: الشهادات ياوائل في السودان توزع لاهل الحظوة
حيدر
انت عرف سياستي (الأول فألاول) دعنا نفرغ من هذا المتهم ثم نتوجه إلى أهل (الحظوة) كما قلت .
Post: #18 Title: Re: أقبض .. جدادة الكترونية طاااازة .. عمل فيها Author: محمد على طه الملك Date: 10-08-2016, 00:21 AM Parent: #17
سلامات يا وائل .. حيدر لم يفعل أكثر من نقل الخبر من موقع صاحبه .. صاحب الخبر ليس طالب بل دكتور اسمه وصورته على الصفحة .. وهو على درجة من الوعي يعلم معها مسؤوليته القانونية فيما ينشر على مواقع التواصل .. رأى المدعو محمد هرون بعينية على التلفاز بصفته المهنية كطبيب و مدير طبي .. إذن شهادته مبنية على المشاهدة العينية .. لم يكتفي بتوضيح أنه كان طالبا بكلية العلوم بل بين كليته وأنه لم يكمل دراسته .. لم يكتفي بهذا .. بل أضاف ما يؤكد معرفته بأن المدعو من المتهمين بالتعدى على داخليات البنات بلباس نسائي سماه ( عباءة ونقاب ) .. فوق ذلك حدد دفعتة في الجامعة بالسنة الدراسية طالبا شهادة من يقرأ كلامه.. يا وائل البينة على من ادعى .. والدكتور قدم بينة واضحة باسمه وصفته المهنية واسم المدعى عليه.. حتى لو أسقطنا الإشارة لللافته الظاهرة باسم وصفة المذكور على الشاشة .. فإن ما قدمه صاحب الصفحة كاف لإثارة شبهة معقولة حول الصفة المهنية التي أطلقها المذكور على نفسه في التلفاز.. إن كان محمد هرون لا يرى صحة ما قيل فيه فليقم دعوى ضد الدكتور أمام المحكمة .. وهنالك قانون يحمي حقوقه .. بعدين لفظ متهم دا لفظ قانوني أرجوك ما تفكو في الناس ساكت.
Post: #19 Title: Re: أقبض .. جدادة الكترونية طاااازة .. عمل فيها Author: وائل حمزه الزبير Date: 10-08-2016, 05:52 AM Parent: #18
الاستاذ محمد علي طه الملك تحياتي وتقديري .. وكلماتك على(العين والراس) استاذنا .. حديث أسعد يظهر لي إن لم أخطيء كله اتهام وحقيقة لم التفت له فأنا أعلم بأن أسعد من الناقمين وكوجهة نظر لا أثق في كلامه هذه واحدة .. أيضاً أستاذي محمد علي حينما سألت سؤالاً تقديرياً عن طالب الطب كنت أود أن أقول لو افترضنا بأن الطالب وكمثال لو ترك جامعة في مجال الطب مثلاُ عام 2008م .. هناك احتمال آخر بأن يكون انتقل إلى جامعة أخرى وأكمل دراسته وتخرج عام 2013م وهذا احتمال وارد أليس كذلك استاذي.. أيضاً وفقك الله استاذنا محمد ذكر أسعد بأن (المتهم) متهم بأنه فعل فعلة مشينة ولم يؤكد وانما اكتفى بالاتهام... أيضاً اعتذر مرة أخرى عن (بث) لفظة متهم التي ازعجتك فأنا لست قانونياً ولكن ذكرتها من باب الوصف فأنا اصف ما يحدث أمامي بطريقة تعارف عليها من يتناقشون أو يتحادثون. تحياتي مرة أخرى.
Post: #20 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-08-2016, 06:12 AM Parent: #19
وائل لاتتعب نفسك كثير ... الجدادة ده اكيد عراكم .. شر اعمالي ليس فيها تنكيل وقتل ووشاية يا امنجي ياقميء .. على الاقل انا ما معروف عند الناس بأني قاتل قال شر اعمال قال
Post: #21 Title: Re: أقبض .. جدادة الكترونية طاااازة .. عمل فيها Author: وائل حمزه الزبير Date: 10-08-2016, 06:21 AM Parent: #20
Quote: شر اعمالي ليس فيها تنكيل وقتل ووشاية يا امنجي ياقميء .. على الاقل انا ما معروف عند الناس بأني قاتل
حيدر صباخ (الفُل) .. مابالك انفعلت في هذا الصباح المفعم بالحيوية والنشاط.. حيدر اقرأ كلمات الاستاذ محمد فهي رد على انفعالك الصباحي الغير مفسر.. هداك الله يا حيدر .. وفي انتظار بحثك وتقصيك عن هذا الشاب والذي سيقتص منك عند الله يوماً ما لو ظلمته وبهته بنشر معلومة قد تكون لاحظ اقول قد تكون خاطئة.
Post: #22 Title: Re: أقبض .. جدادة الكترونية طاااازة .. عمل فيها Author: Hassan Farah Date: 10-08-2016, 07:07 AM Parent: #1
يا للأسف اهله يعانون من بطش النظام فى دارفور وهو باع نفسه بثمن بخس لهذا النظام....ومثله كثيرون
Post: #23 Title: Re: أقبض .. جدادة الكترونية طاااازة .. عمل فيها Author: درديري كباشي Date: 10-08-2016, 07:30 AM Parent: #22
بدون أي مكابرة هذا موضوع من المفترض أن يفتح فيه تحقيق من قبل المسؤولين في قناة الخرطوم ووزارة الإعلام .
وإذا ثبت أن هذا الشخص طبيب فعلا على قناة الخرطوم أن تثبت للمشاهد وتحضر شهاداته والكلية التي تخرج منها والمستشفيات التي عمل بها . وصورته وهو مريض ممكن كمان يتضح أنه له توأم يمتلك نفس نوع النظارة .. و للصدفة العجيبة تم تنويمه في نفس المستشفى التي يعمل بها شقيقه .أو ممكن تقول هو نفسه حصل له إرهاق من العمل المضني لوحده وتم تنويمه ..( وهذه ستكون إعتراف ضمني بوجود الأضراب ) .. ومن ثم تخرج القناة من الحرج وثبت إنها قناة مسؤولة تحترم مشاهديها .. وتعترف بالخطأ وتبرئ نفسها بأنها غرر بها . إما غير ذلك فهي قناة لا تستحق المشاهدة ..لأن كل موادها أصبح مشكوك في صدقها وجديتها .
Post: #24 Title: Re: أقبض .. جدادة الكترونية طاااازة .. عمل فيها Author: Hatim Alhwary Date: 10-08-2016, 07:55 AM Parent: #23
صباح الخير اعتقد ان الفضيحة الحقيقة هى سقوط قناة الخرطوم الفصائية هى ليست مفاجاءة لان كل هءه القنوات الفصائية هى اذرع اعلامية للموتمر الوطني وجهاز الامن
Post: #25 Title: Re: أقبض .. جدادة الكترونية طاااازة .. عمل فيها Author: منتصر صلاح Date: 10-08-2016, 08:12 AM Parent: #24
وائل دة لو ما عمل كدة ما ببقا وما بكون كوز .
انتا محسي من وين ؟ وكيف
يوميا ..و كل ساعة .. بل كل ثانية .. يتضح ما وصلنا اليه من دمار وانحطاط .. وفي كل شي .
كل القنوات .. كلها ... كيزانية . تحياتي حيدر
Post: #26 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-08-2016, 08:26 AM Parent: #25
وائل كعادة الكيزان ياصلاح يحب يتذاكى ويشتت الكورة بالطبع لن يدين اي عمل قميء لانه ده بتعارض مع طبيعة شغلو الامنجي .. اي بوست يدخله يقعد يجرجر في كلام فارغ تاركا لب الموضوع ..
Post: #27 Title: Re: أقبض .. جدادة الكترونية طاااازة .. عمل فيها Author: محمد أبوالعزائم أبوالريش Date: 10-08-2016, 08:40 AM Parent: #26
يا حيدر، إنت جااادي وبتناقش في وائل؟ لاحظ هو ركز على إنو الزول ده دكتور والا ما دكتور ..... عشان ما تركزوا على حكاية مرة دكتور ومرة مريض (شيخ كرتوب وبت قضيم).
سبك من ده وهاك الهدية دي:
Quote: السلااااام عليكم اطباء بلادي .. انا د/سالي ساتي .. طبيب عمومي .. بمستشفي ابراهيم مالك .. قسم الطوارئ والاصابات
وانا مناوبه اليوم في حوادث ابراهيم مالك قسم الاصابات وطبعا مضربه تبع الاضراب العام عن الحالات البارده .. وفقط بنشتغل الحالات الحرجه فقط .. ومن الصباح الباب الخارجي للمستشفي مقفول قفل تام ويتم تحويل المرضى حسب التوجيهات لمحولات اخرى من الخارج دون الدخول للحوادث ومر اليوم عادي حتي الساعه 3 ظهر .. كنا معلقين بوسترات لتوضيح الاضراب .. حوالي الساعه 3 ونص حضرو شخصين وخلعو البوسترات دي .. وبعد نصف ساعه .. نادوني لحاله حرجه ومشيت الحوادث لتقييم الحاله.. ظنا مني انو الحاله خطره لانهم سمحو لها باالدخوووول .. وبعد ذهابي واثناء مراجعتي للحاله .. اذا بي اتفاااااجأ دخول كميه من المرضى من حاله بارده لغيرها .. وفجاه تحصل جوطه .. بقيت واقفه بشرح للعيانين الاضراب االاحنا فيهو وانو مفروض يمشو وين ونشوف شنووو .. والمفاجأه الكبرى كانت دخول وفد من الاطباء من اخصائي الحوادث حقتنا لوزيره كده (غايتو اول مره اشوفها) لناس كتاااااااااار ومن ضمنهم #كاميرااااا .. انا وقفته في ذهول تام وصورو الموقف .. واستمر الوضع لمده 10 ثواني وطلعو بسرعه جدا .. لحدي م استوعبته الموقف طوالي وقفته الاخصائي واخطرته انو انا م حاشوف الا الحرجه فقط ووافقني طوالي .. وطوالي كان رده فعلي اني طلعت من الحوادث حتي يفرغوها تفريغ تام .. #فكان_الاستنتااااج 1- انو الناس دي من الاول رسلو الاتنين ديل عشان يشيلو اي ورقه بتدل ع اضرااااااابنا .. 2- انو فتحو باب الحوادث فجاه ودخلو كل العيانين في علمهم التام بتواجدي في الحوادث .. 3- جو وصووروو من غير اي استئذان مني او من الكادر المعاي( ونظام شوفو ياهم ديل شغالين )..
#عشان كده بنبهكم وبنبه باقي المستشفيااااات للحركه دي .. اعملو حسااااااابكم بالجد بلد لا حول ولا قوه الا بالله #تطمم البطن
Post: #28 Title: Re: أقبض .. جدادة الكترونية طاااازة .. عمل فيها Author: حيدر حسن ميرغني Date: 10-08-2016, 08:47 AM Parent: #27
ابو الريش ياحبيب هسع وائل يجي يغالطك ويغالط الدكتورة والخلقكم كمان عشان يأدي دوره المرسوم له ... ده لو ما ساهم في اعتقالها والاساءة لها كمان ديل مجرد ادوات قذرة تستخدمهم السلطة تبا لهم ياخ
Post: #29 Title: Re: أقبض .. جدادة الكترونية طاااازة .. عمل فيها Author: Mohammed Alhasan Mohammed Date: 10-08-2016, 09:02 AM Parent: #28
من اجمل التعليقات عن هذا الموضوع ....
الزول دا ادوه قروش لى البلعب دور الدكتور وقروش لى البلعب دور المريض .. طلع ناصح ... شال القروش كلها لى نفسو ولعب الدورين ...
Post: #30 Title: Re: أقبض .. جدادة الكترونية طاااازة .. عمل فيها Author: وائل حمزه الزبير Date: 10-08-2016, 09:46 AM Parent: #29
الإخوة الافاضل السلام عليكم
الاخ صلاح منتصر (أنا) من دنقلة منطقة اسمها (امنتقو) . وبخصوص نقل أسعد .. أسعد ابتدأ حديثه بأن احدهم ارسل له بريد حينما قال (من بريد الصفحة) بمعنى أنه غير متأكد من صحة المزاعم ومادامت القضية (أن فلان) قال له .. أقول انا ايضاً من (بوست أسعد) قرأت التالي :
Post: #31 Title: Re: أقبض .. جدادة الكترونية طاااازة .. عمل فيها Author: محمد أبوالعزائم أبوالريش Date: 10-08-2016, 09:56 AM Parent: #30
Quote: شوفوا الحاجات البتفرح القلب وتنعش الروح..اقراوا الكلام ده هذا ما حدث من أطباء الإلزامية في الدمازين
خلونى اتكلم شويه عن اطباء الخدمه الوطنيه بمستشفى الدمازين وهم تقريبا بشكلو 80% من الاطباء العاملين بالمستشفى (عددنا 25 طبيب) .. الليله من الصباح جاءنا منسق الخدمه فى المستشفى واجتمع بينا فى مكتب مدير عام المستشفى بحضورو .. وقال كلام كتيييييير فارغ عن انو انتو مجندين ملزمين بتنفيذ التعليمات .. واى طبيب ما برجع لشغلو بالكامل ويكسر الاعتصام ح تتخذ فيهو الاجراءات القانونيه .. ايقاف الخدمه تماما .. ومنعك من قضاءها لفترة سنتين .. محاكمه عسكريه بوجود المستشار القانونى بتاعم قد تصل للسجن .. وغيرو وغيرو .. المهم هدد وقام وقعد .. بعد الهترشات دى كلها نحن موقفنا كان واحد .. اجتمعنا كلللللنا كاطباء بالمستشفى .. خدمه وطنيه واطباء اصحاب وظائف .. وقررنا بالاجماع مواصلة الاضراب عن الحالات البارده مهما حدث .. وطلعنا برضو بانو اذا المنسقيه اتخذت اى اجراء ، رد الفعل بتاعنا ح يكون كالتالى : 1/ الاعتصام الشامل والمفتوح حتى عن الحوادث 2/ تقديم استقالات جماعيه من كل الاطباء العندهم وظائف فى وزارة الصحه الولائيه 3/ خاطبنا الاخصائيين واطلعناهم على التطور الاخير خاطبنا برضو واتواصلنا مع رئاسة اللجنه المركزيه واطلعناهم على التطور الاخير بولاية النيل الازرق .. وهم قالو ح يتابعو معانا وح يحصل تصعيد شامل فى حالة فصل 25 طبيب . المسرحيه ما انتهت هنا طبعا .. رجعنا ميز الاطباء .. تااااانى قام المنسق جاءنا فى الميز ومعاه حاشيته ومعاهم المرة دى ضابط فى الجيش (برتبة نقيب) لمانا كللللنا نحن ناس الخدمه فى حوش الميز .. اتكلم الضابط وقال هو عندو كلمتين بس ( العايز يشتغل ويكسر الاعتصام يجى بجاى .. والماعايز يشتغل يجى بالجهه التانيه) طبعا كلللللنا ومن غير تفكير او تردد وقفنا فى الجهه البتأكد مواصلتنا لاضرابنا المشروع وعدم خضوعنا لتهديدات المنسقيه .. حتى منسق الكوادر الطبيه د.ضياء الدين انحاز لصف اخوانو وقف معانا فى نفس الجهة والتحيه ليو .. وحتى المدير الطبى د. احمد فيصل انحاز لاخوانو وقف معانا فى نفس الجهه وقال انو هو كطبيب منحاز لقضية الاطباء والتحيه ليو .. طبعا حتى المدير الطبى فى مستشفانا خدمه وطنيه .. المهم سجلو اسماءنا بالكامل وإتوعدونا بقرارات قاسيه.. وطلعو من الميز .
عموما نحن هنا فى مستشفى الدمازين وباقى مستشفيات النيل الازرق (الروصيرص - مستشفى الصداقه الصينى) متماسكين ومواصلين اضرابنا مهما حصل
وابقو الصمود
Post: #32 Title: Re: أقبض .. جدادة الكترونية طاااازة .. عمل فيها Author: وهبه الشبلي احمد Date: 10-08-2016, 10:26 AM Parent: #31
فعلا الاسمو وائل دا بشتت في الكورة وبس...
ياخي الزول دا دكتور عديل كدة ...ومدير طبي كمان ...خلاص
بس كيف بقي مريض في نفس الوقت ؟؟؟؟ تعال اثبت لينا دي
Post: #33 Title: Re: أقبض .. جدادة الكترونية طاااازة .. عمل فيها Author: سيف اليزل سعد عمر Date: 10-08-2016, 11:28 AM Parent: #32
يا جماعة قبل كده في شاب كان شغال دكتور في مستشفي عطبرة علي ما اعتقد قريب ثلاثة سنوات من غير شهادات...فشنو المابخلي (الجدادة دى تعمل فيها دكتورة).....؟؟؟
أحذروا الانقاذ تنشر أطباء بلا مؤهلات لكسر أضراب الاطباء... ايها المواطن ساند إضراب الأطباء ودافع عن حقك في العلاج...
لعنة الله علي الإنقاذ.....
Post: #34 Title: Re: أقبض .. جدادة الكترونية طاااازة .. عمل فيها Author: وائل حمزه الزبير Date: 10-08-2016, 11:56 AM Parent: #33
Quote: بس كيف بقي مريض في نفس الوقت ؟؟؟؟ تعال اثبت لينا دي
الأخ الشبلي
قضية الصور بالمناسبة تريد زرقاء يمامة (هاهاهاععع) .. يا عزيزي والذي نفسي بيده لا علاقة بين الصورتين .. ركز قليلاً واهدأ وستعي بأنها فرقعة معارضة فقط .. ومن الان سأضيف هذه (الدقسة) للمعارضة في صحيفة أعمالها السوداء.
Post: #38 Title: Re: أقبض .. جدادة الكترونية طاااازة .. عمل فيها Author: محمد على طه الملك Date: 10-09-2016, 02:19 AM Parent: #37
سلامات يا وائل .. مشكور على التعقيب وطلب الرأي حول الفيديو والرسالة التي أرفقتها .. بعيدا عن المسائل التقنية .. واضح إنو صاحب الرسالة التي أتى بها الأخ حيدر .. عرض بينة مبدئية تشتبه في أن محمد هرون المتحدث في الفيديو يعمل بمهنة الطب .. وكتب عبارات تشكك في أنه درس الطب .. أنت تفضلت برسالة من آخر يقول صاحبها أن المتحدث في الفيديو زامله وقرأ الطب بجامعة الأزهري .. بداية ليس بيننا من يملك الصلاحية لاتهام أي من هذه الأطراف أوحتى تكذيبهم .. التشكيك في مهنة محمدهرون وقع وانتهى بمجرد اطلاق الرسالة في مواقع التواصل.. وليس من سبيل أمام محمد هرون أو من ينوب عنه لدرء الشك غير اللجوء للقضاء .. عندها إما أدان القضاء من أطلق المعلومة .. أو أثبت هذا الذي أطلقها صحة ما ادعاه .. فيصبح الشاكي عرضة لتهم أخرى.. الكرة الآن بين قدمي محمد هرون .. إن شاتها ربما تصيب الهدف .. وربما تدق في العارضة وترتد إليه لتصيبه.
Post: #39 Title: Re: أقبض .. جدادة الكترونية طاااازة .. عمل فيها Author: وائل حمزه الزبير Date: 10-09-2016, 03:45 AM Parent: #38
الشكر لك أستاذنا محمد علي طه الملك واتفق مع كلماتك الواضحات
[/url] شكرا دكتور اسعد
[/url]
[/url]
