أبوبكر صالح، الشهير بأبي بكر النيجيري لديه طريقة في الكتابة لا تقل في متعتها عن حسن موسى. مرّة بقطع فوقو مع صديقنا هاشم الحسن الذي يهيم بشوارع سان انطونيو بحثا عن مخرج يؤدي لقبة سيدي الحسن بكسلا قال لي هاشم الحفيد: أبوبكر صالح هو حسن موسى بتاع سودانيز قلت ليهو: لكن دا نيجيري قال: برضو بشبهو
طلب غير ديمقراطي: أي زول لا يأنس في نفسه الجمال؛ يورينا عجاج كرعينو
Post: #2 Title: Re: من الجميلين Author: أبوبكر عباس Date: 10-04-2016, 10:09 AM Parent: #1
في واحد اسمو جبر، سافر المانيا هانوفر شاف ليهو ميدان ملان زهور، قام مشى عليو لقاهر مقابر بدا يقرأ في الشواهد: هيلمت كول ٢٣ سنة اندرياس بريما ٣١ سنة رومانيجة كول ١٧ سنة ليشنر دول ١٥ سنة قال للمعاهو: الخواجات ديل ليش بموتوا صغار كدا؟ المعاهو: ابدا دا ما عمرهم، دي المدة العاشوها سعيدين واستمتعوا بيها قال لصاحبو: لو مت اكتبو في الشاهد بالأسود: جبر محمد جبر من بطن أمو للقبر عارفها قديمة لكن داير أعمل بيها مدخل للمتعة البتلاقيها مع ناس لا تعرفهم، ولا يعروفك، ولا يعرفوا انهم اضافوا لك لحظات متعة
Post: #3 Title: Re: من الجميلين Author: عبدالحفيظ ابوسن Date: 10-04-2016, 10:17 AM Parent: #2
جابت ليها تلاعب بالتراث كمان يا بكري احكيها عديل ما تحرِفها تعرف بطلق لفظ زول حلو علي الناس الزي ديل . وسبحان الله ما بكونوا جميلين شكل . واقنب اشرح في قصدي مع اعتراض المُخاطب هسة دة سماحتو شنو الوشو عامل زي تربيزة اللِحام ولا زي قُرمة الجزار اها اخترت الطريق الاسهل هجرت تعبير حلو
Post: #4 Title: Re: من الجميلين Author: أبوبكر عباس Date: 10-04-2016, 10:37 AM Parent: #3
لي زمن يا أبسن، متابع طريقتو في الكتابة الساخرة التي تخلو من الإساءة اليوم قريت ليهو مداخلتو في بوست حيدر عن حيدر وطلعت سخر منهم بطريقة جميلة خالص
أتمنى أنو طلعت وحيدر ما يزلعوا من إدراج هذا المثال
Post: #5 Title: Re: من الجميلين Author: حيدر حسن ميرغني Date: 10-04-2016, 10:55 AM Parent: #4
بكور الكلس ده برلومي في المنبر يامان حقيقة روحه حلوة في الكتابة
Post: #6 Title: Re: من الجميلين Author: عبدالحفيظ ابوسن Date: 10-04-2016, 10:58 AM Parent: #5
ابوبكر صالح اب جزم زول حلو
Post: #7 Title: Re: من الجميلين Author: أبوبكر عباس Date: 10-04-2016, 12:48 PM Parent: #6
مرّة يا حيدر، كلمني عنو واحد دفعتو، قال: هو كان بقرأ في العلوم ناس العلوم زي ناس الآداب ما عندهم قراية كتير، يا ها كريريساتم ديك! عشان كدا التنظيم بقاهو كادرخطابي، وخاصة لمان لمان لمس فوقو سلاطة اللسان واللداحة. يا حيدر، الزول دا ممكن يكون برلومك هنا من ناحية زمنية، لكن الزول دا، البكلاريوس الأصلي بتاعو في اللداحة!
Post: #8 Title: Re: من الجميلين Author: اميرة السيد Date: 10-04-2016, 05:40 PM Parent: #7
لو مت اكتبو في الشاهد بالأسود: جبر محمد جبر من بطن أمو للقبر >>>>>>>><<<>>>>>
ابوبكر عباس you make our day>> اندرياس بريما ده فعلا سعيد.. العاش 31 سنة من عمره سعيد.. وطبعا ده مقارنة بكثير من السودانيين البعيشوا أقل من ربع عمرهم سعداء ، ومنهم كمان الزي جبر محمد جبر والماشاف السعادة بعينو.... أظنه حيكون بوست ظريف وجميل..
. وبعين مين ابوبكر صالح .. والبتوصفوهو بكتاباته الظريفة.. وليه ما قرينا ليه قبال كدي.. والله يديك الصحة والعافية
Post: #9 Title: Re: من الجميلين Author: أبوبكر عباس Date: 10-04-2016, 07:30 PM Parent: #8
معقولة بس يا أميرة، لا تعرفي الكاتب السياسي الكبير أبوبكر صالح؟ أكيد بتهظري! مرّة يا أميرة، وصف ود الباوقة وصف صار لقبا لباوقة طبعا باوقة في مسيرة حياتو تنقل من أقصى اليسار لأقصى اليمين حسب دينق، وتنقل داخل بلاد العربان من نخيل العراق واستقر أخيرا بالسعودية تحت نخيل المدينة وصفه أبوبكر صالح ب: شارب البلحين حتى انو باوقة رد ب: الاسلام يجب ما قبله
Post: #10 Title: Re: من الجميلين Author: أبوبكر عباس Date: 10-04-2016, 07:34 PM Parent: #9
آسف البلح التاني يمكن يكون عرقي الشايقية
Post: #11 Title: Re: من الجميلين Author: حيدر حسن ميرغني Date: 10-04-2016, 07:52 PM Parent: #10
سنين من يومو .. بتاع اركان بالجد https://www.0zz0.com
Post: #12 Title: Re: من الجميلين Author: اميرة السيد Date: 10-04-2016, 09:14 PM Parent: #11
معليش يا ابوبكر .. لم نقرأ له كثيرا وعشان كده ما اتذكرته.. ولكن والله لمن قريت الإقتباس الذي أتى به حيدر حسن مرغني من احدى بوستات ابوبكر صالح عرفت فعلا انه كاتب نحرير كان يجب ان نقرأ له من زمان.. ولكن يبدو ايضا أنه مقل في مشاركاته ... ونرجو ان يعاود الكتابة... والله يديه الصحة والعافية والله يديك الصحة والعافية...
تخريمة: بالله ود الباوقة مقيم في المدينة المنورة؟؟!! يا له من سعيد.. وانا ما عارفة ما الذي يجبره في تأييد حكومة انتشر الفساد بين منسوبيها ومسؤوليها ووزرائها حتى اصبح الفساد شرف يفخر به.. ..
اتفق معك مية المية سيكون له شان عظيم في السياسة بعدين يا مستنير ابوبكر حاف ما بتجي ابوبكر دكتور وعالم فيزيائي اد الدنيا
Post: #14 Title: Re: من الجميلين Author: Haytham Ghaly Date: 10-05-2016, 04:37 AM Parent: #13
أهلنا النيجيريين كلهم حلوين ومهضومين
بس طلع منهم ناس بوكو حرام والباقي كلو عسل
ابوبكر صالح فارس لا يشق له غبار وله بصمة
واضحة ومميزة وسط فرسان هذا الميدان
تحياتي
Post: #15 Title: Re: من الجميلين Author: احمد التجانى احمد Date: 10-05-2016, 01:03 PM Parent: #14
ود الباوقة ساكن الرياض عشان يكون قريب من السفارة , لو فيها لمبة حرقت وغيروها لازم يجى يحضرها
Post: #16 Title: Re: من الجميلين Author: احمد التجانى احمد Date: 10-05-2016, 01:06 PM Parent: #15
هسة يا ابكر لو ما جنكم تكسروا التلج لناس البندر عيبنى انا فى كلمتين , ما كنت ود جيرانكم ياخ وعذبتنا بسخريتك الما بتنتهى وكمان عذبت خالى لما بنى بيته جمبكم
Post: #17 Title: Re: من الجميلين Author: عباس الدسيس Date: 10-05-2016, 01:12 PM Parent: #15
ود الباوقة ساكن الرياض عشان يكون قريب من السفارة , لو فيها لمبة حرقت وغيروها لازم يجى يحضرها ................................................................................................................................................. هههههههههههه سلام ود التجاني ..اغيرها
Post: #18 Title: Re: من الجميلين Author: Yousuf Taha Date: 10-05-2016, 03:25 PM Parent: #17
ابوبكر كتاب جدا وممتع اظنه برضو عنده كتابة سمحة في الرياضة ومنتديات كووورة لوما اتلخبطت في الاسماء
تحياتي
Post: #19 Title: Re: من الجميلين Author: حيدر حسن ميرغني Date: 10-05-2016, 04:09 PM Parent: #18
ود التجاني .. كمخضرم .. انت في قاع الذاكرة :)) اقيف في صف الجميلين وانتظر
Post: #20 Title: Re: من الجميلين Author: احمد التجانى احمد Date: 10-06-2016, 06:44 AM Parent: #19
الجميل عباس الدسيس
ود الباوقه ما بحتمل فراق السفارة وخصوصا المسئولين الحكوميين البيزوروا السفارة كمان برضوا بيحب المثلوثة فى الرياض وما اظن يلقاها فى محل تانى
Post: #21 Title: Re: من الجميلين Author: احمد التجانى احمد Date: 10-06-2016, 06:48 AM Parent: #20
الجميل حيدر
ياخ ابكر دة لو خاتينا فى جيب الساعة برضو يكون مكسب مع انه مرات عنده مطاعنات كدة بيحاول يفشل ناس المناقل و غرب الجزيرة
Post: #22 Title: Re: من الجميلين Author: أبوبكر عباس Date: 10-06-2016, 07:56 AM Parent: #21
أحمد التيجاني، موش كفاية انو أنا وصفت حبيبتنا المشتركة بأنها أجمل زولة؟ سيب الطمع
اووو المستنير و صحبه الكرام، اسف يا شباب البوست دا ما وقع في عيني الا هسة. و الله دي شهادة الواحد يتعز بها بيها، باقي المستنير دا الشكر ما بمرق منو بالساهل
واحد صاحبي مخستك قال لي و الله الشكر الجاك من بكور المستنير شئ عجيب، باقي الشين عجبو قاسي كما تقول العرب لوووول.
بجيكم بالمهلة
Post: #24 Title: Re: من الجميلين Author: Kabar Date: 10-07-2016, 10:43 AM Parent: #23
بعد ما نتأكد أنو ابكر بتاع علوم ادارية ،ولا علوم الله و الرسول الواحدة ديك.. حتى بعد داك نضيف باقي البضاعة.. وفيها شغل سمح بالحيل..
عارفة يا بت ابا اميرة..حاجتين:
الآولانية: زمان واحدة من حلة ناس ابكر الطويل (وده غير المحتفى بيهو)..حبت تقشر في صاحابتها ، اها دايرة توريهن وين ح تلاقي حبيبها في هذا المساء (لمن كانت الجرايد بتاعة الخرتوم بتنشر اعلان : اين تسهر هذا المساء..ودي قصة تانية)..اها قالت ليهن: ح الاقيهو تحت ( الأندرلاب)..!!..هذا اذا طلع ابكر النيجيري من ناس الأندرلاب..!
التانية.. المدحة دي على زماننا وزمان ناس ابكر الطويل..كانت تجري هكذا: قالوا البرلوم انخلع.. دخل الإكزام وقع.. حماني الباص منع..! قام برلوم وبرلومة..!! الخ.. على الريتم وكده..!
ابكر الطويل لو متذكر (لأنو كان بتاع ضواحي ساكت) ح يشرح وين موقع الإكزام هول..وهي تحفة هندسية لو شافها دان بروان (بتاع شفرة دافنشي) ح يكتب عنها عشرة روايات ناجحة..!!!
Post: #25 Title: Re: من الجميلين Author: أبوبكر عباس Date: 10-07-2016, 11:12 AM Parent: #24
يا نذير، سياسي كبير بتاع شنو؟ هل شفتا ليك دكتور لقى ليهو حتّة رطب فوقها، مرتو خلتو يرجع لعجاج أم در؟ كل الذي نستطيع فعله لامسودان هو التضامن عبر حوش بكري
Post: #26 Title: Re: من الجميلين Author: محمد البشرى الخضر Date: 10-07-2016, 02:03 PM Parent: #25
ههههههههههههههههههه
Quote: هل شفتا ليك دكتور لقى ليهو حتّة رطب فوقها، مرتو خلتو يرجع لعجاج أم در؟ كل الذي نستطيع فعله لامسودان هو التضامن عبر حوش بكري
ما تخليه يستمتع بالشكر دا شوية!! غالبك تصبر يوم يومين :)
Quote: أبوبكر صالح، الشهير بأبي بكر النيجيري لديه طريقة في الكتابة لا تقل في متعتها عن حسن موسى. مرّة بقطع فوقو مع صديقنا هاشم الحسن الذي يهيم بشوارع سان انطونيو بحثا عن مخرج يؤدي لقبة سيدي الحسن بكسلا قال لي هاشم الحفيد: أبوبكر صالح هو حسن موسى بتاع سودانيز قلت ليهو: لكن دا نيجيري قال: برضو بشبهو
و الله يا بكور ياخي الشكر ما بناباهو لكن ما تكتر لي المحلبية . حسن موسى دا شعرا ما عندنا ليهو رقبة. الراجل عنده اسلوب عجيب فى التعبير لا يقل فى تفرده عن اسلوبه فى الرسم و التشكيل. انا غايتو كل ما عندي هو شوية لسعة رباطابية ورثتها من امي. ايام العوة حقت نجيري ديك بتونس معاها فى التلفون. قلت ليها يا بت ابو العاص انتو قالوا جايين من نيجيريا، قالت لي القاولك منو؟ قلت ليها واحد في الانترنت. اخدت ليها صنة و قالت لي وكت الناس جوا من نيجيريا و سكنوا الباوقة هو حارس باقي الصقيعة ديل بسوى فى شنو بقية اهها موزعين بين العبيدية وبربر لكنها تلعن سلسفيل العبيدية. تقول ليك العبيدية كان ربطوا فيها الحمار، يقطع يفوت!
يا ود ابوسن و الله انت الاحلي ياخي. ما مجاملة لكن علي اليمين كتابتك بديعة، انا لمن استكترتك على كوستي انا قريت الثانوي فى كوستي و عندي اهل كتار موزعين فيها، لكن ما لاقاني زول بالمفهومية الشديدة ايامي الفيها. ربما لانو اانا جيتها اعربي جديد من المرابيع ود اللبيح ما عرفت مداخل البلد.
Quote: بكور الكلس ده برلومي في المنبر يامان حقيقة روحه حلوة في الكتابة
ايوة ياخي، حيدر حنين دا سينيري فى المنبر و هو القدمني للجمهور، حتى قبل ما ادخل المنبر ساعدني فى المشاركة فى بعض البوستات عن طريق المشاركة بالايميل. ايامو ديك المنبر دا مو عزيز و غالي، قبل ما تهجم عليهو السوشيال ميديا و ترخسو رخسة الدردقو فى كنانة . طبعا انا عارف بشلاقتي دي مرات احرجته شوية لكن فوتاها لي و ما قصر، في مقامي اخوي الكبير و الله.
Post: #30 Title: Re: من الجميلين Author: حيدر حسن ميرغني Date: 10-07-2016, 04:21 PM Parent: #29
مفيش احراج ياشفيف كلنا في النضال حدين سيف وسوا بنقاتل
Quote: . وبعين مين ابوبكر صالح .. والبتوصفوهو بكتاباته الظريفة.. وليه ما قرينا ليه قبال كدي.. والله يديك الصحة والعافية
سلام يا اميرة بت الشيخ كلامك صحيح انا ما قاعد اكتب كتير فى الفترة الاخيرة. المشاغل المشاغل ما ادتنا طريقة. عموما معظم مشاركتي فى المنبر عبارة عن نقاشات من الاخرين فى بوستاتهم اكتر من كتاباتي حقتي انا. بكور طبعا بحب الاكشن عشان كده بيكون متابع النقاشات دي.
Quote: ابوبكر صالح فارس لا يشق له غبار وله بصمة واضحة ومميزة وسط فرسان هذا الميدان
تشكر يا هيثم ياخي، طبعا نحن الفرسان الحقيقين هم الناس الشغالين من جوه. شايف اضراب الاطباء الايام دي اعاد في الناس روح اكتوبر. و الله الاطباء رفعوا راسنا و راس البلد. كل الاعمال النبيلة سوها: طبابة الناس و النضال من اجل حياة أفضل و شرط خدمة انسانية!
Post: #34 Title: Re: من الجميلين Author: أبوبكر عباس Date: 10-09-2016, 04:45 AM Parent: #33
من الجميلين: معاوية الزبير هو القائل: "أحب الونسات إلى قلوب الناس هي ونسة قلة الأدب، بس تنقال بأدب" كما فعل الزميل الطيب صالح على لسان بت مجدوب أعتقد انو قصد ب "بس تنقال بأدب" قصد أن تخلق لها سياقا جيدا وتزلقها شويّة شويّة
Post: #35 Title: Re: من الجميلين Author: abubakr salih Date: 10-10-2016, 10:05 AM Parent: #34
Quote: تفق معك مية المية سيكون له شان عظيم في السياسةبعدين يا مستنير ابوبكر حاف ما بتجي ابوبكر دكتور وعالم فيزيائي اد الدنيا
ابو النيز يا فردة، تشكر ياخي كل الشكر، اي شايف ناس المنبر ديل اكلوني ساكت فى دكترتي دي. مرة سمعت لي نكتة ضحكتني كما لم اضحك من قبل. كنت فى زيارة للنرويج، لجامعة بيرقن. صديق سوداني لطيف، يعمل طبيب فى المستشفي هناك اسمه ايمن بشرى عزمنا عشاء في منزله و مع اسرته. تصادف وجود والدته فى زيارة للنرويج و هى امراة لطيفة جدا و معلمة قديمة و مثقفة و وناسة. حكت لينا قصة واحدة دايرين يخطبوها و قالت لناس امها انو الخطيب دكتور. اها لمن جاء الخطيب قالوا الام سالته. قالت ليهو: يا ولد انت دكتور ... دكتور ولا من العواليق بتاعين الجامعة ديل . ضحكنا زيين و الناس سكتوا من الضحك و انا واصلت براي اضحك كل شوية من النكتة، غلبني اسكت. ام ايمن قالت لي انت مالك بتضحك لحدي هسة، ايمن قال ليها ما دا من العواليق بتاعين الجامعة زاااتم. اها يا صاحبي نحنا هنا عواليق جامعة ساكت! حتى بكور دكتور الابل ماخد حق دكترته بالكامل و نحنا بتاعين فيزياء الغلاف الجوي و المحيطات ضاعين ساكت ههههه.
Post: #36 Title: Re: من الجميلين Author: أبوبكر عباس Date: 10-10-2016, 10:15 AM Parent: #35
نورا كرم الله، بيطرية صديقة من المناقل يا بكور، قالت لي: ما شفت يا بكري، دكتور الرفاعي صاحبك فاضحنا بالمناقل، كل يوم بطلع كرسيهو العصر قدام الميس ويقعد ياكل في قصب السكر كانت معانا خالتها قالت: خليك من الرفاعي دكتور فلان الدكتور الصحي صحي قاعد ياكل قصب السكر في الشارع!!
Post: #37 Title: Re: من الجميلين Author: احمد التجانى احمد Date: 10-10-2016, 11:16 AM Parent: #36
يا ابو بكر النيجيرى سلام غايتو شايف انه ربنا حباك بصفات كثيرة تشابه فيها زولنا دة غير الاستنارة زمان فى الحلة كانوا بينادوه بابكر الفلاتى تانى حاجة الاثنين طلعتوا دكاترة ساى لو اكلتوا عنكوليب زول بيلومكم مافى
Post: #38 Title: Re: من الجميلين Author: اميرة السيد Date: 10-10-2016, 02:10 PM Parent: #37
اها لمن جاء الخطيب قالوا الام سالته. قالت ليهو: يا ولد انت دكتور ... دكتور ولا من العواليق بتاعين الجامعة ديل . ضحكنا زيين و الناس سكتوا من الضحك و انا واصلت براي اضحك كل شوية من النكتة، غلبني اسكت. ام ايمن قالت لي انت مالك بتضحك لحدي هسة، ايمن قال ليها ما دا من العواليق بتاعين الجامعة زاااتم. ( QUOTE) <<<<<<<<<<<>>>>>>>>><<<<<<<<<<<>>>>>>>>>>>>
يا جماعة فقعتو مرارتنا بالضحك... وضحكتونا ونحن غارقين في الهم.. هم الغربة والقراية والشغل.. ... هسع بعد ما قريت الكلام ده قررت اوقف دراسة الماجستير لأنه تعبنا حيروح شمار في مرقة.. لانه اذا كان التفكير بان الناس العندهم دكتوراة في مجالات غير الطب وشغالين اساتذة جامعات ما حيكون عندهم اي وضع اجتماعي في المجتمع ... واحتمال ندرس الطب من جديد عشان يعترفوا بينا..( وجه ضاحك).. مع انه الدكاترة ديل ذاتهم تخرجوا على ايدي ( العواليق ) بتاعين الجامعة ديل ... حتى اذا كان دكتور ومحاضر في كلية الطب والله يديك الصحة والعافية.. .. ..
Quote: ابوبكر كتاب جدا وممتع اظنه برضو عنده كتابة سمحة في الرياضة ومنتديات كووورة لوما اتلخبطت في الاسماء
لك تحياتي يا يوسف، باقي لي فى شوية تشابه فى الاسماء، ما قاعد اكتب فى المنتديات الرياضية، زمااان طلقنا الكورة ما بشاهد الا كاس العالم و امم اوربا. الكورة السودانية حالها من حال البلد كله. دمار خالص.
Quote: يا ابو بكر النيجيرى سلام غايتو شايف انه ربنا حباك بصفات كثيرة تشابه فيها زولنا دة غير الاستنارة زمان فى الحلة كانوا بينادوه بابكر الفلاتى تانى حاجة الاثنين طلعتوا دكاترة ساى لو اكلتوا عنكوليب زول بيلومكم مافى
سلام يا باشمهندس، طبعا نحنا ضاييعن ساكت. طلاب كلية الطب من سنة البرليم اهلهم بينادوهم يا دكتور يا دكتور. اما العنكوليب هين، انا سمعت انو البياطرة ديل بياكوا امباز عديل تضامنا مع مرضاهم.
Post: #42 Title: Re: من الجميلين Author: abubakr salih Date: 10-11-2016, 10:24 AM Parent: #41
Quote: ما تخليه يستمتع بالشكر دا شوية!! غالبك تصبر يوم يومين :)
هههه يا ود البشرى بكور دا ياخي فاكهة المنبر. مثل مرات بكتر المحلبية و بتجيب ليهو المشاكل
. طبعا انا عارف بشلاقتي دي مرات احرجته شوية لكن فوتاها لي و ما قصر، في مقامي اخوي الكبير و الله.
تضامنا مع مرضاهم.