حسين ملاسي يكتب مقال كامل عن مآلات الأحوال بين مصر والسودان

08:02 AM October, 04 2016

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

[url=[/url]

من حيث اللغة والفكرة والترتيب
ممكن نقول عليه كويس ما بطال ..خخخخخخخخخخ

مقال اي كلام مافيه اي عمق ممكن انا دا اكتبو ..
كان احسن ليك تكتفي بسطرينك المختومات بي فتأمل..
ومن وين جاتو فرضية انو مافي حكومة حا تستردها ...غايتو كان ياها دي كتابتك الترابة في خشمك قال مآلات الاحوال ههههه
حيدر ازيك

انا مافاهم الجديد شنو يعني في المقال
انو مافي حكومة ح تسترد حلايب





يلا في تطور من السطرين لكتابة المقال

مشكورين على المرور والتعليق ياشباب
المقال - مهما إختلفنا حوله - في مضمونه جيد
في إعتقادي يعكس وجهة نظر شريحة مقدرة من السودانيين
موضوع حلايب سيظل المحك المفصلي لكل حكومة تأتي للسلطة في السودان
وكلنا نعتقد أن نجاح اي حكومة مرهون بمعالجة ملف حلايب مهما بلغ نجاحها في اي جوانب اخرى

الأخ طلحه جامل ملاسي شديد ، وأداه ما بطال ... ونحترم هذا .
قبل كم سنه ملاسي نقل مقال لي أحدهم وعلق عليه بأنه مقال تعبان تعب الموت .
أها إنت يا ملاسي نصك دا ركيك وتعبان تعب شديد ، وفيهو عيوب لغويه ما بيقع فيها كاتب محترف .
وزي ما قال ليك ود دفع الله أحسن سطرينك ( كباسيلك ) .
.....
والموضوع تحدث فيه من منازلهم ذي ما بقولوا ( كلام بسيط وفطير ومستهلك شعبيآ ) ممكن أوقف أبسط مواطن حيقول لي ما كُتب هنا ، بل وسيزيد بالمدهش ... والنص دا أشبه بتشاهد غدآ ، لأنه تناول أكثر من قضيه أو موضوع من علي السطح .. وفي حاجات ذكرها الكاتب مستنيها تحصل ، وهي بالفعل حصلت فاااااااااااااااا أصحى يا عم
المهم هذا زمان التأمل حقآ !!!

سلامات الصادق
ملاسي بكون قرأ كتابتو دي كذا مرة عشان يتجنب الأخطاء.
يكون إتكل على المدقق اللغوي بتاع الجريدة :))

المقال ممتاز يا حيدر،
أختلف مع حسين في ترتيب اسباب استرضاء السودان من مصر الرسمية؛ سد النهضة بجي قبل موضوع الأخوان.
مصر خايفة خوف شديد من حصول تكامل اقتصادي بين السودان واثيوبيا.
بالنسبة لحلايب يا علي،
كلامو صاح، حلايب لن ترجع، ومصر من ناحية سياسية ما بتقدر ترجعها، والسودان من ناحية عسكرية ما بقدر يرجعها، زايد انو من ناحية اقتصادية؛ من الأفضل تركها لادارة مصر.

المقال ممتاز، والظاهر عليهو ملاسي استفاد من نجاة فوراول في تجويد علامات الترقيم.

أهلآ يا حيدر ،،، مدقق جريده ؟؟!
سيدي قبطانها نفسه ( ضياء بلال ) بعيد عن الدقه والتدقيق ... قبل سنتين علي ما أظن ، في مقال ليهو كان بيتناول فيهو السيول اللضربت الجزيره ، وبيستنكر علي الناس إنها بتذكر فقط السيول الضربت ام درمان وبحري ونواحيها والشماليه ، وتناسوا الجزيره التي طفق يسرد في الأضرار التي حدثت جراء السيول فيها ، ومن ضمن سرده هذا كان " إنقراض الماشــــــــــــــــــــــــــــــــــيه " !!!!!!
فتأملوا .... إنقراض الماشيه .
وبما أن الماشيه تنقرض ، فالصحافه تَنفُقْ ( نفوق الصحافه ) !!
وأرصد العديد من الملاحظات في كتاباتهم سيدي .

لا دي واسعة جدا من ضياء يا ايمن .. إنقراض عديييل كده
ولا حتى اثر ( نفوق ) مافي :))
-
بكور يامستنير .. اتفق معك تماما
المقال ممتاز وليت ملاسي يميل للكتابة بهذا الشكل دائما

حيدرنا

المقال ممتاز وليت ملاسي يميل للكتابة بهذا الشكل دائما
يلقى نفس وين تاني؟

غايتو إلا يشحن السنة الجاية المقال دا كان ممكن يشغل ملاسي 6 شهور في " فتأمل" براهو قام كمل رصيدو

معذرة انا ما شفت البوست دا فتحت بوست عن نفس الموضوع
جني

المقال يكون سوالو فلايت




اتفق تماما مع ما كتبه صديقي علي دفع الله

لاعليك ياجني
كلنا ملاسي :))

ومن وين جاتو فرضية انو مافي حكومة حا تستردها .

صباح الخير

المقال ركيك

أنسب وصف للمقال الفوق دا هو(ما بطال )
القالوا كويس والقالوا كعب عندهم غرض .. خخخخخخخ

الجميل طلحة
انا ما عندي غرض
والله صحي
بالمناسبة انت من الكتاب الانا بشهق لمن اشوف حروفهم
كن بخير

Quote: من حيث اللغة والفكرة والترتيب ممكن نقول عليه كويس ما بطال

طبعا أنا لست من اهل اللغة العربية وأجد نفسي ضعيف فيها لكن وجدت المقال سهل في القراءة وترتيب الأفكار كما ورد في الاقتباس أعلاه. بس لا أتفق بأنه إقصاء الأخوان المسلمين وإمكانية إفساح المجال السوداني لأخوان مصر لممارسة نشاطهم في السودان هو من العوامل التي دفعت مصر للتوجه نحو السودان وتحسين العلاقات.
الحكومة السودان أستوعبت الدرس وباعت الأخوان المسلمين والآن إتخذت منحى آخر وهو التطبيع مع معظم دول العالم.
في تقديري السبب الأساسي في التحول المصري في موقفهم تجاه السودان هو التطور الأخير الذي حدث في العلاقات السودانية مع دول الخليج بصورة عامة و السعودية بصفة خاصة ومشاركة القوات السودانية في حرب اليمن ورعد الشمال والتي أعطت السودان فرصة لإظهار قدرات وإمكانيات القوات السودانية القتالية وخبرتها الطويلة في الحروب والتي تميزها عن بقية قوات المنطقة العربية. طبعا هذه حقيقة بغض النظر عن موقفنا من الحكومة السودانية ورأينا فيها وممارستها الخاطئة في السودان.

مقال فاضي اكركب

عش رجبا تري عجبا

العشر قام ليس شوك

اي زول ادوه دلقان قلم قنب اجرجر

بخصوص حلايب
لما استلم الصادق المهدي مهام عمله كرئيس للوزراء في اخر ععد ديمقراطي وكان يتعرض لمشكلة حلايب في حملته الانتخابية .. مصر سحبت بعض الخدمات التي كانت تقدمها لسكان المنطقة .. وقللت من وجودها الرسمي
لما زار الميرغني حلايب بعد شهور قليلة من عمر الحكومة الديمقراطية .. اشتكى المواطنين من صعوبة الوضع .. ماكان منه الا ان خاطب الحكومة المصرية بتقديم الخدمات التي كانت تقدمها في السابق لاهالي حلايب
-
الصادق المهدي استخدم آنذاك تشبيه بليغ للمناطق المتنازع عليها بين السودان وجيرانه .. قال الواحد لما يحب يقعد في اي مكان وهو لابس جلابية اولا بيعمل على لملمة اطرافها قبل القعاد .. ولذلك كان يرى انه من الضرورة معالجة قضايا الحدود بنفس الهمة المبذولة في قضايا الحكم الداخلية .. لكن لم يمهله الوقت لمعالجتها .. في نظري الصادق اكثر قيادي سياسي تطرق لقضية حلايب
وتعامل بندية شديدة مع ادارة مبارك لدرجة انه لم يزر مصر الا بعد ان زار بلدان عربية اخرى .

Quote: سلامات الصادق ملاسي بكون قرأ كتابتو دي كذا مرة عشان يتجنب الأخطاء. يكون إتكل على المدقق اللغوي بتاع الجريدة :))

سجم ملاسي وسجم المدقق معاهو، ملاسي دا
لو قرأ ألفية ابن مالك والأجرومية مافي فايدة
دحين اخيرلوا يرجع لي سِطيروا و فتأمّل.

هو خبارو خلانا ؟...