Post: #2
Title: Re: المريخاب (الوصيف) عملوها ظاااااااهرة
Author: الصادق عز الدين
Date: 10-03-2016, 11:32 AM
Parent: #1
المريخ عملها ظاااااهرة ، سعيا نحو مركز الوصيف طوااااالي على المكتب
تم تأجيل مباراتهم مع أولاد جعل ومباراتهم مع سيد البلد بطل الممتاز
ههههههههههه
السبب شنو يا ترى ؟؟؟؟؟؟؟؟؟؟؟؟؟
|
Post: #3
Title: Re: المريخاب (الوصيف) عملوها ظاااااااهرة
Author: محمد البشرى الخضر
Date: 10-03-2016, 11:38 AM
Parent: #2
ههههه
السبب قالّيك الحوار الوطني و ليه النيل الأزرق تنقل الحفلة :)
تحياتي يا سيد البلد
|
Post: #4
Title: Re: المريخاب (الوصيف) عملوها ظاااااااهرة
Author: صبري طه
Date: 10-03-2016, 11:46 AM
Parent: #2
يا ريت الحيثيات كاملة ...
هل تمّ التأجيل بطلب من المريخ ؟ وإذا لم يكن بطلب منه ما هي حُجة اللجنة المنظمة ؟
وهل يحق أن تفرض التأجيل على فريق بناءاً على الموافقة لطلب فريق آخر ؟
|
Post: #5
Title: Re: المريخاب (الوصيف) عملوها ظاااااااهرة
Author: محمد البشرى الخضر
Date: 10-03-2016, 11:57 AM
Parent: #4
المريخ يا صبري ما طلب تأجيل (عديل كدا) لكن صرّح مساعد المدرب مثلا قال عايز معسكر تلاتة يوم و صرّح جبرة انه بالموجودين ديل ما بقدر يحل مشكلة الدفاع و كتب الاعلام المريخي ان استدعاء جمال سالم لمنتخب يوغندا لمباراة ودية قد يكون خلفه مؤامرة لإبعاده عن مباراة اهلي شندي الهدّافه كلتشي عمل حتى الآن 38 هدف ههههههه
المهم الجماعة عملوا مذكرّة شديدة اللهجة حسب وصفهم وماشين يقابلوا اسامة عطا المنان مطالبين فيها بحسم استئنافهم المعلّق و صرح انه ما ح يلعبوا اي مباراة قبل حسم الإستئناف فقال ليك اتأخروا شوية قام حصل ظرف لأسامة ضرب يعتذر ليهم ويستأذنهم انو يغادر وح يقابلهم حسن أبوجبل و بالمرةّ بلّغهم بقرارات لجنة البرمجة بتأجيل المباراتين!
طبعا ما جات سيرة الاستئناف لكن اسامة زي خلعهم كدا بالتأجيل فا اتكشّموا و اخدوا قعدتهم و رجعوا ههههههه
|
Post: #8
Title: Re: المريخاب (الوصيف) عملوها ظاااااااهرة
Author: صبري طه
Date: 10-03-2016, 12:13 PM
Parent: #5
Quote:
المريخ يا صبري ما طلب تأجيل (عديل كدا) لكن صرّح مساعد المدرب مثلا قال عايز معسكر تلاتة يوم و صرّح جبرة انه بالموجودين ديل ما بقدر يحل مشكلة الدفاع و كتب الاعلام المريخي ان استدعاء جمال سالم لمنتخب يوغندا لمباراة ودية قد يكون خلفه مؤامرة لإبعاده عن مباراة اهلي شندي الهدّافه كلتشي عمل حتى الآن 38 هدف ههههههه
المهم الجماعة عملوا مذكرّة شديدة اللهجة حسب وصفهم وماشين يقابلوا اسامة عطا المنان مطالبين فيها بحسم استئنافهم المعلّق و صرح انه ما ح يلعبوا اي مباراة قبل حسم الإستئناف فقال ليك اتأخروا شوية قام حصل ظرف لأسامة ضرب يعتذر ليهم ويستأذنهم انو يغادر وح يقابلهم حسن أبوجبل و بالمرةّ بلّغهم بقرارات لجنة البرمجة بتأجيل المباراتين!
طبعا ما جات سيرة الاستئناف لكن اسامة زي خلعهم كدا بالتأجيل فا اتكشّموا و اخدوا قعدتهم و رجعوا ههههههه
|
وحسن أبو جبل دا بلغهم بتأجيل زواج بنتو مثلاً ؟؟؟؟؟؟
غايتو السودان بلد المحن والعجائب !!!!!!!!
|
Post: #6
Title: Re: المريخاب (الوصيف) عملوها ظاااااااهرة
Author: الصادق عز الدين
Date: 10-03-2016, 11:58 AM
Parent: #4
سيد البلد حضن كاس الدوري وإحتفل
وخالف كراع فوق كراع وبيتفرج في المسرحية السنوية دي
ويضحك ويضحك ويضحك
|
Post: #7
Title: Re: المريخاب (الوصيف) عملوها ظاااااااهرة
Author: الصادق عز الدين
Date: 10-03-2016, 12:00 PM
Parent: #6
الراقي ود البشرى ما تنسى فترة الإيقاف لعدد من اللاعبين
قالوا الروووب عديل كده
|
Post: #9
Title: Re: المريخاب (الوصيف) عملوها ظاااااااهرة
Author: محمد البشرى الخضر
Date: 10-03-2016, 12:37 PM
Parent: #7
لا يا صبري حسن ابوجبل استلم المذكرة شديدة اللهجة البتطالب بي حسم الإستئناف فقط
لكن البلغهم بالتاجيل هو أسامة بالتلفون لمّا بعتذر و عايز يستاذن
يّلا شوف التصريح دا و سيناريو المؤتمر الوطني زي بتاع السنة الفاتت Quote: أكد الدكتور نجم الدين المرضي وكيل وزارة الشباب والرياضة ضرورة تأجيل بعض المباريات المتبقية في الممتاز من اجل اتاحة الفرصة للحوار الوطني حتى يبلغ غاياته، وأضاف: طلبنا تأجيل مباراة القمة بواسطة الاتحاد العام واللجنة المنظمة من العاشر من اكتوبر إلى أي وقت لاحق تحدد اللجنة بنفسها وذلك لاتاحة الفرصة للرياضيين من اجل المشاركة والمساهمة الفعالة في افتتاح أعمال الجمعية العمومية للحوار الوطني والتي تتزامن مع تاريخ هذه المباراة، وأكد المرضي أن هذا اليوم يعتبر من الأيام التي سيسجلها التاريخ في صفحاته لأنها ستحقق الغايات المنشودة للسودانيين منذ امد بعيد في أن ينعم السودان بالاستقرار والهدوء ومواطنه بالطمأنينة على مختلف ألوانهم ومشاربهم السياسية والرياضية الشبابية وخلافها، وذلك من اجل اقرار وثيقة (كيف يدار السودان في كل المناحي)
صحيفة كورة سودانية الالكترونية
وأضاف المرضي: لذلك كان طلب التأجيل منطقياً ومقنعاً للكافة، لذلك نناشد الرياضيين بوصفنا وزارة الشباب والرياضة المساهمة في هذا الحدث الكبير والهام والذي سيغير تاريخ البلاد ليس لجزء معين من السودان بل في كل أرجائه. |
طيب يا سعادتك عرفنا القمّة يوم الإفتتاح كورة أهلي شندي يوم 6 مالكم عليها؟
كدا معناها مافي فريق من الفرق الأخرى يحتج على التأجيل, ناس الهلال اظن عرفوها فطلّعوا بيان ذكي جدا قال ما عندنا مشكلة موافقين على التأجيل وما عندنا شغلة بوصيفنا منو ههههه
|
Post: #10
Title: Re: المريخاب (الوصيف) عملوها ظاااااااهرة
Author: محمد البشرى الخضر
Date: 10-03-2016, 12:43 PM
Parent: #9
واضحك مع نظرية المؤامرة مع عمّك ابوشيبة Quote: تأجيل مباراة المريخ وأهلي شندي ومباراة القمة أمر طبيعي ومعقول لأن هناك قضايا متعلقة بالمنافسة لم يتم البت فيها ومنها استئناف المريخ بعد رفض شكواه ضد المدعوم طعناً في مشاركة شيبون..
* وفي الأصل برمجة مباراتي المريخ الدوريتين مع أهلي شندي والمدعوم متزامنة مع أسبوع اللعب الدولي للمنتخبات خطأ وظلم فادح.. ولا أظن هذا يحدث في العالم من حولنا فهناك فرق تعتمد على محترفين يشاركون مع منتخبات بلادهم وبالتالي فبرمجة مبارياتها متزمنة مع اسبوع اللعب الدولي فيه ظلم كبير لها..
* ونحن نعتقد إن استدعاء الصربي ميشو لجمال سالم ليشارك في مباراة حبية ليوغندا بتوجو يوم غدٍ الثلاثاء 4 أكتوبر، ثم مباراة غانا الرسمية في غانا يوم الجمعة القادم 7 أكتوبر جاء بتحريش من عناصر زرقاء.. كما يشتبه في لجنة البرمجة التي كانت قد أخرت مباراة المريخ وأهلي شندي من اليوم الإثنين 3 أكتوبر إلى بعد غدٍ الأربعاء 5 أكتوبر حتى يسافر جمال سالم ولا يتمكن من المشاركة يوم الأربعاء!! وكذلك مباراة القمة المبرمجة يوم الإثنين القادم، بعد أن تتم عرقلة عودة جمال سالم بتأخير الحجوزات من قبل ميشو.. وقد ذكرت الصحف الزرقاء إن المنتخب الأوغندي سيتم تكريمه في أوغندا يوم الأحد القادم قبل 24 ساعة من موعد لقاء القمة.. شفتوا؟!
* اعتقد البعض إن الاتصالات الزرقاء التي جرت الأسبوع الفائت من الخرطوم مع ميشو غرضها إعادة الصربي لتدريب المدعوم.. فكتبت الصحف عن ذلك.. ولكن فات على الجميع إن هذه الاتصالات يمكن أن تكون بغرض تطفيش الحارس جمال سالم من مباراتي المريخ مع النمور والمدعوم!!
* وقد وردت أمس تصريحات لميشو يهدد فيها جمال سالم بعقوبات الفيفا إذا لم يسافر مع المنتخب الأوغندي إلى توجو وبقى في الخرطوم للمشاركة في مباراة أهلي شندي..!! كما هدده بالإقصاء نهائياً وإلى الأبد من المنتخب الأوغندي!!
* كيف عرف ميشو بمباراة أهلي شندي إن لم يكن محرشاً أو متواطئاً مع جهات تستهدف المريخ؟!
* وكيف يهدد ميشو جمال سالم بالإقصاء النهائي.. فهل يضمن هذا الصربي البقاء حياً ومدرباً للمنتخب الأوغندي إلى الأبد؟!
* تباً للمتآمر العامل وشو متل قرد الطلح!! |
هههههه الزول دا زعلان شديد, بالغ في قرد الطلح دي !
|
Post: #11
Title: Re: المريخاب (الوصيف) عملوها ظاااااااهرة
Author: صبري طه
Date: 10-04-2016, 09:21 AM
Parent: #10
Quote:
لا يا صبري حسن ابوجبل استلم المذكرة شديدة اللهجة البتطالب بي حسم الإستئناف فقط
لكن البلغهم بالتاجيل هو أسامة بالتلفون لمّا بعتذر و عايز يستاذن
يّلا شوف التصريح دا و سيناريو المؤتمر الوطني زي بتاع السنة الفاتت
|
معليش يا ود البشرى على طشاش الشبكة .. وما فرقت أهو بقى تأجيل زواج بنت أسامة عطا المنان :)
Quote:
هههههه الزول دا زعلان شديد, بالغ في قرد الطلح دي !
|
بيت البكا حرّروهوا أهلو بالطلح ذاتو :)
وبخصوص جمال سالم وغياب المحترفين شكلو نسى المريخ بمن حضر !!
|
Post: #12
Title: Re: المريخاب (الوصيف) عملوها ظاااااااهرة
Author: الصادق عز الدين
Date: 10-05-2016, 09:13 AM
Parent: #11
الواقع بقول الهلال سيد البلد بمن حضر والان يملك مواهب واعدة سوف تسيطر على منافسات كورة القدم في السودان لسنوات طويلة إن شاء الله
المريخ أصبح يلعب بالمشاطيب والمسرحين ودي مشكلة ديل خلاص أي حركة تشمط عضلة
|
Post: #13
Title: Re: المريخاب (الوصيف) عملوها ظاااااااهرة
Author: عمر سعيد علي
Date: 10-05-2016, 09:30 AM
Parent: #12
كدي بالله ورونا رئيس مره على الهلال ده وما انسحب قبل كده . .
صلاح ادريس . . الامين البرير . . الكاردينال . .
|
|