ونسة

08:15 AM October, 03 2016

سودانيز اون لاين
اخلاص عبدالرحمن المشرف-
مكتبتى
رابط مختصر

الدين ده انت بتعرفو كيف
سيدنا موسي نزلت له الالواح كلها مره واحده ،رجع لقومه وقالهم دي شريعتنا ...كاملة
سيدنا محمد (ص) النزول تنجيم
السوداني وهو شاب يسمح لنفسو ببعض الاشياء وفجاءة عمرو بقي ٥٠ تلقي بدأ يتمسك بما يعتقد انو ده الدين

سنة اولي في الكلية جاء واحد من الطلاب سألني ات شكل سيدنا علي كيف
حسب مخيلتي علي الكرار شايل سيفو البتار بس طولو وعرضو ما ني عارفة
سألني سيدنا عمر. شكلو كيف ، برضو الزول التحت الشجرة والقصة المعروفة
مشيت جبت كتب لقيت سيدنا ابوبكر رقيق ، سيدنا علي عظيم الهامة والبطن
سيدنا عمر اسحم يعني بوصفنا نحن السودانيين اخضر

تاني يوم مشيت الكلية تاني جاء سألني ما هو العرش العظيم حسب تصوري لكرسي العرش
السؤال التاني قال لي الله شكلو كيف
ومن ديك فراق الطريفي

منبر بكري ده بقي لي زي صاحبي داك ههههههه

الدين ده انت بتعرفو كيف
خلاس من اسه قبال نبدآ الونسة قمتي تزهجي فينا .
ههههههههههههههههه .


حبيبة قلبي لوسي صباح الورد .

يا لوسي عندي اخوي سؤال الزهج المفضل عندو
الدين دا ؟ بذات لو خت حاجة لقاها مافيشة ههههه
اها اسه ذكرتيني ليهو هههههههه .


احلي ونسة .

ناس المجرات العلي ملو المحل ي منو هههه
باقي الناس اختفوا

اسع صاحبي ده لو في الايام دي كان ح يكون في خطر

بس بجد استفدت من اسئلته

سأل الخليفة عبدالله احدهم اسمك شنو قال له سالم
رد الخليفة كلامكم زين الا فعلكم شين

ويعطيك من طرف اللسان حلاوة

وكيف اصدقك وهذا اثر فاسك
دومآ اجعل فعلك يطابق فكرك والا فقدت المصداقية

يروى عن احد الأئمة من السلف انه كان جالساً للدرس أمام تلاميذه ,, فدخل عليهم واحد علمانى وسأل الامام ثلاثة اسئلة:
* كيف تؤمن بالله ولاتراه؟
* كيف يُعَذِّب الله ابليس بالنار وهو مخلوق منها؟
* هل الإنسان مسيَّر ولا مخَيَّر؟
تناول الإمام ابريق الفخار الذى يتوضأ ويشرب منه
وتاااخ فى صلعة العلمانى ومحل يوجعك. العلمانى كَرَج سنونو وعضَّ شلُّوفتو وداير يكبس الامام بونية
شاف التلاميذ استعدوا لحماية الامام ,, قام العلمانى اخد بعضو ومشى فتح بلاغ فى الامام ,, المهم ما اطوِّل عليكن بعد تحقيقات
البوليص والنيابة ,, احيلت القضية للمحكمة وحضر الامام وسألته المحكمة فاقر بالدعوى ,, ولما فُتِحت قضية الدفاع قدَّم الإمام مرافعة
من ثلاث نقاط فقال:
هذا العلمانى سألنى كيف تؤمن بالله ولاتراه؟ فضربته بالإبرق فآلَمه وهو يحس بالألم ولايراه وكذلك المؤمن يحس وجود الله ولا يراه.
* وسألنى كيف يُعَذِّب الله ابليس بالنار وهو مخلوق منها؟
فضربته بالإبريق المصنوع من الطين ليحس بالألم والألم عذاب فكما آلمه الطين وهو مخلوق منه تكون النار عذاباً لابليس وهو مخلوق منها.
* وسألنى هل الإنسان مسيَّر ولا مخَيَّر؟
فكان مختاراً عندما ضربته بين ان يقتص لنفسه بيده وبين ان يلجأ الى الحاكم فلما رأى التلاميذ خاف ان يفتكوا به فاصبح مُسَيَّراً
فلجأ الى الحاكم ,, وهكذا الإنسان مسيَّر فى امور ومختار فى أخرى.
المهم العلمانى ده استأنف الحكم وبعد داك انا مرقت من السودان فما عارف الحصل شنو.

مثل بسيط وبليغ يا اخوي الفاضلابي
قلت لي كسر رويسو هههه الامام صعب خلاس ومن استئناف لاستئناف
في محلو الجلسة الجاية بلبس زي السيخ حفاظآ علي الطايوق

حبيبتناعمّننا العزيزة اخلاص
بصراحة الونسةدى دايرة تام زينو معانا
حتى و لو بى مريستا
ناس القهوة مكانن ياهو داك
كدى كبّى لينا من كاس الدين
سكر الغلابا المتعبين
عشان يرتاح هوكينز او ايّاً كان اسمه فى لحد الخلود

اهلآ الابن الغالي جلالدونا
اهلنا بقولو الما بهدي المولي تعبان
نسوي شنو ؟ بس شيخ قصة الاخ الفاضلابي مرات بتنفع