نعلم أن ليبيا كانت إحدى وجهات الإغتراب وجنى المال إلى أن وقعت فىى شرك الإبتزاز الأمريكى فأحالتها لجحيم ... الإبتزاز هو من أخطر الجرائم لأن المبتز لن يتركك حتى يفلس بك.. وحتى لو دقيت الدلجة ، ما أن تتعافى وتحاول تستجمع قواك ويراك المبتز تستعيد بعض أموالك حتى يعود إليك بالإبتزاز مرة أخرى .. ذلك صحيح لو كان المبتز فرد أو مجمووعة وعلى مستوى الأفراد .. فتخيل قوة الإبتزاز حين يكون المبتز قوة كبرى بمستوى أمريكا .. وتكون الضحية دولة حلوب مثل السعودية .. الفيلم ده سيطول مثل فيلم النط مقابل الغذاء وأسلحة الدمار الشامل ومثل فيلم لوكربى والذئ إنتهى بموت الضحية بعد الإختباء فى الحفر و المجارى ...
Post: #2 Title: Re: السعودية فى طريق ليبيا Author: Frankly Date: 10-02-2016, 01:42 PM Parent: #1
تحياتي يا منير
أتمنى أن تهرب الأموال السعودية من أمريكا اليوم قبل غد فقيمتها حوالي 700 مليار دولار وعندها سنرى من يدق الدلجة
لو ادخلت السعودية 10% من أموالها هذه إلى السودان في شكل استثمارات حقيقية في الزراعة والإنتاج الحيواني لأكلت وشبعت ولا حاجة لها ببترول واكتفتى السودان و الأسواق المحلية في كل الدول العربية
Post: #3 Title: Re: السعودية فى طريق ليبيا Author: Munir Date: 10-02-2016, 02:39 PM Parent: #2
سلامات فرانكلى ..
مع آل سعود ديل لا تتوقع فعل إيجابى سوى مزيد من الخنوع .. مشكلة الدول الإسلامية هى الوهن ــ حب الدنيا وكراهية الموت ..
طالما ظل آل سعود وأمرائهم يملكون الثروة التى تكفيهم لجنى الجنى ــ أو كما يتوهمون ــ فإنهم لن يعبأوا إذا انحسر دخل السعودية إلى الصفر .. بالنسبة لإستثمارات فى السودان، لو كان أصلو بيعبأوا بالخير لأنفسهم وللآخرين فكان السودان سيكفيهم خضروات طازجة من المزارع مسافة السكة بس.. لكنهم عبيد أمريكا ..
جحا قالوا ليهو فى حريقة .. قال ما مشكلة طالما بعيدة من حِلتى،، قالوا ليهو الحريقة فى حِلّتك.. قال طالما بعيدة من بيتى مابشتغل بيها .. قالوا ليهو الحريقة فى بيتك زاتو .. قام قال ليهم: مش بعيدة من دبرى؟؟ ..
وهكذا ابن آدم ..
Post: #4 Title: Re: السعودية فى طريق ليبيا Author: الهادي الشغيل Date: 10-02-2016, 02:46 PM Parent: #3
أغرب قرار أن تؤاخذ الدولة بجريرة فرد من مواطنيها .. إنه فعلاً ابتزاز على نسق ضحايا طائرة لوكربي .. المملكة لم ولن ترضخ لأي ابتزازات قضائية بأي شكل كان؛ لأنها دولة ذات سيادة ومعروف أثر المملكة الإقليمي والعالمي ، كما أنها تملك كروت استراتيجية قوية يمكن أن تستخدمها اذا دعت الظروف .
Post: #5 Title: Re: السعودية فى طريق ليبيا Author: Munir Date: 10-02-2016, 02:49 PM Parent: #4
طبعاً قصة جحا دى برضو بتنطبق على كل مغترب.. الليلة يقولوا ليك السعودية خفضت شنو و شنو.. بكرة يقولوا فنشوا فلان وفلان وفلان .. بعد بكرة سعودوا الوظائف الفلانية ورفدوا فلان وفلان وفلان .. والزوول يكون ماشغال بالتسونامى لغاية ما يصل داره ووو .. ومهاجر برضو فى same boat .. الليلة كتلواا فلان .. بكرة تانى فلان.. بعدو هاجموا المحجبة هناية بعد بعدو هناية تانية ... طلما it is not us يبقى who cares؟..o
Post: #6 Title: Re: السعودية فى طريق ليبيا Author: Munir Date: 10-02-2016, 02:50 PM Parent: #5
ياالشغيل إنه قانون القوة مقابل الوهن الشديد ..
Post: #7 Title: Re: السعودية فى طريق ليبيا Author: عبد الصمد محمد Date: 10-02-2016, 03:31 PM Parent: #6
منير كيفنك أبوي
تعرف المشكلة إنه الخيارات قدام السعودية كلها مريرة. ومن يتحدثون عن سحب أموالها من إمريكا لا يدرون بأن مضاعفات ذلك وما يليه من عواقب إقتصادية على السعودية لا يقل قدراً مما قد يتسبب فيه السحب من أضرار لإمريكا لذا لا أعتقد مطلقاً بأن السعودية ستلجأ لذلك.. الحقيقة التي يعرفها كل الإمريكان أن ليس لأي مسئول سعودي ولا الدولة بصفة رسمية أي يد في أي أحداث إرهابية وأن تحالفها مع الجهاديين مباشرة بعد حادثة الحرم المكي في سنة 1979 شاركت أميركا فيه كي تستغل قوة الجهاديين في التصدي للمد الروسي في أفغانستان وآسيا الصغرى المشكلة الحقيقية أمام السعودية هي أن هنالك تذمر غربي شديد من النموذج الاجتماعي السعودي لا سيما ما يعرف بحقوق المرأة حسب نموذج حقوق الإنسان الغربي وهذا ما دفع إلى التحالف بين الجمهوريين والديمقراطيين في كسر فيتو أوباما و كسر مبدأ هام جداً من مبادئ القانون الدولي وهو مبدأ سيادة الدولة، لكن تبقى الحقيقة بأن في هذا الإجراء الضرر الذي سيقع على إميركا أكبر من ذلك الذي سيقع علي السعودية لأن مقاضاة السعودية بواسطة ضحايا سبتمبر 11 هو مسألة معقدة وصعبة جداً ولكن لأميركا جنود في كل الدنيا ومخابرات في كل الدنيا ينتهكون حقوق البشر وطائرات بدون طيار تقذف الجهاديين بدون اذن حكومات هذه البلدان وإنتهاكات لحقوق الإنسان في سجن أبوغريب وخلافه ودعم لحكومات دكتاتورية في كل أرجاء الدنيا كلهم كانوا محميين بقاعدة سيادة الدولة لكن فلتشيل بعد دا أميركا شيلتها ونتائج الأفعال الإجرامية لمواطنيها خارج أميركا
Post: #9 Title: Re: السعودية فى طريق ليبيا Author: Munir Date: 10-02-2016, 03:49 PM Parent: #7
مرحبين عبدالصمد أخوى .. صافية لبن؟؟ 😎
العالم ليس محكوماً بالمنطق والعدالة .. إنها االقوة .. لو ما كده عاين بس قصة العراق وأبوغريب واليوانيوم المنضب وخدعة الـWMD بتاعة كولن باول لمجلس الأمنن وو.. إنت شوف لو ما مساخر الدنيا دونالد ترمب الأبيض الذى غزا أرض أمريكا وأباد الهنود هسه فى دعايته يجاهر ببناء جداار عازل من المكسيك وكمان عايز حكومة المكسيك هى من تتكفل بالتكلفة .. فتأمّل ..
Post: #8 Title: Re: السعودية فى طريق ليبيا Author: Munir Date: 10-02-2016, 03:35 PM Parent: #6
ياالشغيل أحد أسباب قوة أمريكا أن تجارة البترول تتم بالبترودولار .. والدولار تسنده تجارة النفط فقط وبما أن تجارة النفط هى أكبر تجارة فى العالم تبقى السعودية وودول الخليج هى الداعم الرئيسى للدولار ولقوة أمريكا بموجب إتفاقيات رهنت هذه البلاد لأمريكا مقابل حماية عروش ملوك هذه الدول بدون أدنى إعتبار لمستقل ومصلحة المواطن العربى والمسلم .. والآن ستدور الدوائر .. فى إستطاعة السعودية ودول الخليج التغلب على أمريكا، ولكنهم أوهن من بيت العنكبوت .. همهم إحتكار السلطة والمال والرفاهية وما بيشتغلوا بالمواطن شغلة .. نفس قصة جحا الفوق دى .. المهم إنوو المملكة ستنقلب لجحيم فى المستقبل القريب .. وتلحق ليبيا ..
Post: #10 Title: Re: السعودية فى طريق ليبيا Author: حيدر حسن ميرغني Date: 10-02-2016, 04:38 PM Parent: #8
تعرف يامنير في بعض الانظمة العربية بتحمل بذرة فنائها في داخلها وهي لاتدري طال امدها في الحكم .. السعودية مثالا هل السعودية " أمة" بالنظر للتركيبة السكانية القائمة على "القبلية" ؟ اكيد لا .. لانه حتى القبلية تراتيبية .. لذلك لن تصمد أمام أي هبة شعبية وهذا مايسهل استهدافها من قبل اعدائها .. القذافي وصدام وعلى عبد الله صالح .. كلهم راهنوا على القبلية وخسروا الرهان في الاخير .. مصر وتونس تجاوزوا هذا المنزلق لان السلطة ماكانت عشائرية .. السعوديةستكون اقرب منظومة حكم ستنهار لان شعبها ليس لحمة واحدة مثل مصر وتونس والجزائر " امة
Post: #11 Title: Re: السعودية فى طريق ليبيا Author: سيف النصر محي الدين Date: 10-02-2016, 05:03 PM Parent: #10
المحاكم سكتها طوييييلها و مهمة أي اتهام في القضية المحتملة ضد السعودية في انو يثبت ان السعودية الرسمية ضالعة بشكل مباشر في احداث 11/9 مهمة صعبة للغاية و الدعم للسعودية سيأتي من داخل الأجهزة الامريكية الاستخباراتية و غيرها التي ترى في ال سعود حليف مهم و صديق وفي صمد خلال كل التجارب. اما البترول و أهميته لامريكا فهذا امر ولى زمانه و أمريكا لا حاجة لها بالنفط العربي على الأقل ليس كما كان في السابق.
Post: #12 Title: Re: السعودية فى طريق ليبيا Author: Munir Date: 10-02-2016, 05:26 PM Parent: #11
الإخوة حيدر وسيف النصر .. السؤال هو: ماهو الدافع الملح القوى الذى يجعل أمريكا تخطو هذه الخطوة العدائية ضد السعودية؟؟ أكيد ليست صحوة ضمير وليست دوافع أخلاقية .. فنحن نريد أن نعرف السبب ليبطل العجب .. بس أول شئ نستبعد صحوة لضمير والأسبااب الأخلاقية ..
وياسيف النصر حتى لو القيامة قامت والسعودية طلعت براءة بعد ٥٠ سنة فإن الإبتزاز سيؤثر فى الحياة فى السعودية زيما أثّر فى ليبيا .. وزمن المحاكم ده زاتو الـحيطلِّع زيت اناس .. وذلك بسبب ذهنية جحا المتلبسة الحكّام ...
Post: #13 Title: Re: السعودية فى طريق ليبيا Author: MAHJOOP ALI Date: 10-02-2016, 06:04 PM Parent: #12
اخونا منير اهو نحن بقينا متفقين في ابو داؤد واشياء اخري طبعا قطع شك لا صحوة ضمير ولا اخلاق . انقل ليك مساهمة من بوست الشامي . ـــــــــــــــــــــــــــــــــــــــــــــــــــــــــــــــــــ خي الشامي سلام واحترام معقولة تكون مصر والسعودية حلفاء لامريكا ، وبريطانية وفرنسا حلفاء ايضا ؟ هذه الدول تقع تحت مظلة الحماية الامريكية ، وتوظف حسب الحوجة لمقتضيات السياسة الامريكية في المنطقة ، لان امنها واقتصادها مكفول امريكيا ، دول النفوذ الامريكي في المنطقة العربية لايرقوا لمرتبة حليف لانها مرهونة امريكيا ، التحالف يشترط التكافو ، لكن العلاقة هنا الحماية مقابل الالتزام بمحددات الاستراتيجية الامريكية تتبع الدورالمرسوم تاريخيا للسعودية امريكيا ، محاربة الناصرية في سوريا واليمن محاربة الثورة في ايران واهدار الملايين في حرب العراق وايران ، توظيف الدين في افغنانستان ، الحرب المذهبية علي ايران ، تبنئ خيار اسقاط الرئيس السوري بدعاوي مذهبية ، غزو اليمن ، سياسة الاغراق النفطي للضغط علي ايران وروسيا كل هذه الادور لم تجني منها السعودية اي فائدة بل صبت في مجاري السياسة الامريكية وختمت بتفاهمات امريكية ايرانية ، هذه الدول ليست في حلف بل ادوات منوط بها دور محدد ومرسوم ضمن استراتيجية شاملة (
Post: #14 Title: Re: السعودية فى طريق ليبيا Author: حمد عبد الغفار عمر Date: 10-02-2016, 06:22 PM Parent: #13
سلام يا منير والجميع
البتقول عليهو دا ما بحصل السعودية ليست لها خطورة على أمريكا لو ما كان لديها فائدة أمريكا عينها على الصين واليابان وإيران نفسها العاملة حليفة هسه دي صحيح أمريكا قد لا تكون لديها حاجة ملحة للنفط السعودي لأنو عندها نفط رخيص وشبه مجاني من العراق وليبيا مقابل شراء سلاح من أمريكا يعني عصفورين بحجر اكتفاء بترولي ونشاط تجاري لشركات ومصانع السلاح باقي عندها شركات المحركات والالكترونيات والأغذية الخ ودي السعودية مؤخرا ركزت فيها على اليابان والصين والهند ولحد ما تركيا وروسيا السعودية سوق كبير مستهلك للحاجات دي وأمريكا محتاجة أن تبيع السعودية بترولها لبلدان أخرى تتحصل بموجبها على سيولة تجعل منها سوق كبير ممكن يتشعب مستقبلا ليشمل اليمن وسوريا ودول أفريقيا حتى ولو في شكل مساعدات لها. إذن تحول السعودية للأسواق الأمريكية وحصر الشراء عليها يؤدي لإنتعاش كبير في شركات المنتجات أعلاه الأمريكية وفي نفس الوقت ضرب للسوق الصيني واليابان الخ ياخ السعودية لو حصرت شراء الجوالات وملحقاتها بس على أمريكا قروش السعودية الفي أمريكا دي حتنتهي خلال ثلاثة سنين بس خليك من السيارات والمعدات وقطع غيارها . 700 مليار دولار بتشكل شنو للسعودية شركة جنرال موتورز بتبيع أكثر من الكلام دا في سنتين أو ثلاثة للسعودية الهيجة دي كلها نهايتها تحول السعودية بقوة من جديد للسوق الأمريكية .
ضحايا سبتمبر شنو البفتشو لحقهم بعد 16 سنة
Post: #18 Title: Re: السعودية فى طريق ليبيا Author: Munir Date: 10-02-2016, 07:25 PM Parent: #14
الأخ حمد عبدالغفار مرحباً .. السعودية كلها كم نفر عشان تكون سوق للمنتجات الأمريكية ؟؟ وحتى لو أضفت اليمن وأفريقيا كلها لا يساووا جراداية فى شنو داك .. :) .. دول الخليج بتدعم الخزائن الغربية بصفقات السلاح المليارية التى تعقد برضو بالإبتزاز .. الخطر الوحيد إنو السعودية تتخلى عن إتفاقيتها مع أمريكا بتاعة البترودولار مقابل الحماية .. وأمريكا حساسة جداً لهذا الأمر ــ أعنى بيع النفط بالبترودولار ــ وذلك كان السبب الأساسى للإطاحة بصدام حسين الذى أراد التحول لليورو والقذافى الذى أراد إبتكار العملة الأفريقية .. فإذا تحولت تجارة الطاقة لتكون حرة بدون المرور للتحويلات الدولارية فسينهار الدولار .. وحديثاً بدأت دول كثيرة فى التخلى عن الدولار وما منظومة الـbrics ببعيدة .. ولذلك أصبحت أهمية السعودية الإستراتيجية القصوى المتمثلة فى البترودولار فى مهب الريح.. فالتجارة التى تتجاوز الدولار بدأت تتعاظم بين دول العالم، وهو ما يجعل الدولار قاعد عارى فى السهلة بدون رصيد ..
Post: #17 Title: Re: السعودية فى طريق ليبيا Author: Munir Date: 10-02-2016, 06:36 PM Parent: #13
الأخ محجوب على .. يا مراحب .. طبعاً ليست صحوة ضمير، ولا أخلاق، ولا حتى عشان خاطر الضحايا .. إنه الإبتزاز الواضح لهؤلاء الحكام لأنهم مستعدين يبيعوا بلادهم وشعوبهم مقابل البقاء .. المضحك أأن هؤلاء العرب يظنون أنهم أحباب أمريكا وأصفيائها ..
١١سبتمبر دى دفعت ثمنها طالبان وصدام حسين،، يجو بعد ١٥ سنة يحفروها من أول وجديد؟؟ ... القصة إنو باقى دول الخليج عاملين فيها زايغين ولابدين وكأنهم مش اللى جابو التورتة .. الدور جاى عليهم واحدة واحدة .. وزيما بيقول جنى ،العنب يستاكل واحدة واحدة ..
Post: #15 Title: Re: السعودية فى طريق ليبيا Author: سيف النصر محي الدين Date: 10-02-2016, 06:25 PM Parent: #12
و الله يا منير الدافع ورا القانون ده مسألة محيرة. هل اسر الضحايا و المنظمات التي تعمل في واشنطن من اجلهم قوية كفاية لتقنع كل مجلس الشيوخ و اغلبية مجلس النواب بتمرير هذا القانون؟ هل التقرير أبو 28 ورقة بتاع تقصي الحقائق حول دور محتمل للسعودية الرسمية او افراد محسوبين عليها اثبت انو هناك فعلا دور و رسميون متورطون؟ الجمهوريون تاريخيا سمن على عسل مع المملكة السعودية و أعداء السعودية و من يشنون عليها الحملات الإعلامية هم الليبراليون و اليساريون و ناس المنظمات النسوية و المدافعين عن المثليين وهذه جماعات اقرب للحزب الديمقراطي الذي ترفض الإدارة الامريكية المنتمية له محاكمة السعودية للاعتبارات التي ذكرها أوباما و أهمها أن الحكم يضع سابقة تاريخية تغير وضعا مستقرا الا و هو حق الدول السيادي في عدم ملاحقتها قضائيا امام قضاء دول أخرى. احتمال يكون ده هو المقصود و موضوع السعودية اتخذ وسيلة لوضع السابقة لقانونية التي تتيح ملاحقة دول أخرى في المداخلة الجاية حانزل ليك فيديو عن زيارة قام بها أصدقاء إسرائيل في واشنطن للسعودية و تركيا و إسرائيل بقيادة دينيس روس و شوفهم كيف اتكلموا بحب و إيجابية عن السعودية.
Post: #16 Title: Re: السعودية فى طريق ليبيا Author: سيف النصر محي الدين Date: 10-02-2016, 06:26 PM Parent: #15
Post: #19 Title: Re: السعودية فى طريق ليبيا Author: Munir Date: 10-02-2016, 07:44 PM Parent: #16
ياسيف النصر حكاية سيادة دول وماأدراك من فذلكات المحللين ده أنساه وما تعول عليهو .. أذكر ليكم قصة رأس الذئب الطائر واللاّ عارفينها ؟؟ ههه .. هنا عندنا قانون القوة والقوى يأكل الضعيف .. العراق ده إنتهكوا سيادته لمن قال بس .. مصنع الشفاء بتاعنا داك راح أوانطة ساى .. دول الخليج ــ السعودية ــ ومعاها الأحمق بتاعنا ــ البشير ــ شغالين للآن إنتهاك لسيادة اليمن .. تكون قوى ــ زى أمريكا ــ إنتهك زى ماعايز، لكين تعمل فيها قوى وتمشى تنتهك وتحاكى صولة الأسد ــ زى السعودية ــ حيجوا ينتهكوك إنت زاتك .. غايتو أمريكا بتحرشها بالسعودية ده كأنها بتقول ليها آآآآى دايرنها معاكم عديل كده ..
أنا يخيل والله أعلم كده أنهم شعروا إن الملك سلمان ده ما داير يمشى معاهم عديل ... وربما شموا فيهو ريحة كوزنة ..
Post: #20 Title: Re: السعودية فى طريق ليبيا Author: Munir Date: 10-02-2016, 08:15 PM Parent: #19
هناك سؤال مهم يتعلق بالدولار .. وهو لماذا لم ينهار الدولار إلى الأن رغم أنه قاعد على الهبشة ؟؟ .. فى رأيى المتواضع أن الإبقاء على حياة أمريكا ممثلة للقوة العظمى فى العالم هو رغبة أوروبية بيضاء ليكون الرجل الأبيض والحضارة الغربية هى التى تسود البشريةة ويبقى الرجل الأبيض هو الآيدول والموديل المثالى والسيد للأبد ... فالبديل هو الشعوب الآسيوية أو الإسلامية أو اللاتينية .. فكبرياء الغرب لن يسمح بأن يكون درجة تانية فى سلم البشرية ..
ده خاطر برة الموضوع لكين ذو صلة بزاوية ما ..😏
Post: #21 Title: Re: السعودية فى طريق ليبيا Author: محمد حيدر المشرف Date: 10-02-2016, 09:24 PM Parent: #1
الدولار لن ينهار ..
ينفع اعلاه كهتاف يا منير .. لانو ببساطة الدولار بساوي دولار (ذلك ليس غباء مني والله) كل دولار يطبع عندو ما يعادله ويزيد من الجيوش الامبريالية .. اها اشبكونا يساريين وبتاع ولكن .. هي الحقيقة الوحيدة في عالم العولمة وخطاب ما بعد الحداثة.
Post: #22 Title: Re: السعودية فى طريق ليبيا Author: محمد على طه الملك Date: 10-02-2016, 10:00 PM Parent: #21
يا منير السعودية لسه شوية عليها تقدر تقول في دور الاحماء .. لكن بعد حكاية الكيماوي الظهرت دي الدور بقا علينا .
Post: #23 Title: Re: السعودية فى طريق ليبيا Author: اخلاص عبدالرحمن المشرف Date: 10-02-2016, 11:43 PM Parent: #22
السلام للاستاذ منير مفترع البوست والمتداخلين كل ما ذكره الاستاذ منير صحيح صاح الدولار يساوي دولار وكما قال مولانا الملك اظن السودان هو التالي هذا انتهاك خطير لن يم استعمال الكيماوي انتهاك خطير وفي ظني انها ليست المرة الاولي. ( قتل المدنيين بالمطلق اذا كيماوئي او سواه يجب ان يعاقب مرتكبه ) اظن ان آوان النظام قد حان كما في قصة جحا واكلت يوم أكل الثور الابيض
Post: #26 Title: Re: السعودية فى طريق ليبيا Author: Munir Date: 10-03-2016, 01:51 AM
Quote: اظن ان آوان النظام قد حان
دكتورة إخلاص المشرف .. أوان النظام قد حان من الداخل .. من الخارج دى لوكانت فيها فاعلية لما استمر ٢٧ سنة وهو النظام الذى واجه أشرس حصار فى العهود الحديثة، لم تتفوق عليه فى الصمود إلاّ كوبا وكوريا الشمالية .. مشكلة حكومة السودان الآن هى الفساد الداخلى ..
Post: #25 Title: Re: السعودية فى طريق ليبيا Author: Munir Date: 10-03-2016, 01:40 AM Parent: #22
Quote: الدور بقا علينا
يامولانا الملك نحنن دورنا مدوِّر من زمان .. من زمن أوكامبو والإبادة الجماعية .. بعدين أهو قبل فترة شغلوا اسطوانة الكيماوى دى ضد بشار الأسد ، سوَّالو شنو؟؟ .. السودان ما عنده كاش جاهز .. عشان كده عاملين ليهو قصة سهر الجداد ولا نومه .. لكين طبعاً الحكومة حريفة .. مشغلة ليهم جداد الكترونى عديل للسهر ده .. هههه ...
Post: #24 Title: Re: السعودية فى طريق ليبيا Author: Munir Date: 10-03-2016, 01:23 AM Parent: #21
Quote: الدولار لن ينهار ..
ههه ياود المشرف.. قلبى قال وحح .. حاكم إنو ده شعارنا ــ الزومة شعار لن ينهار ــ تم ابتكاره مضاداً لمقولة الزومة منضايقى .. ههه .. الدولار سينهار وأمريكا إلى زوال وذلك لأنو theoretically كده فالنظام المالى القائم على الديون وصل نهاياته المحتومة (أجيب ليكم الفيديو بتاع مايكل ماهونى بتاع الـbiggest scam والللاّ عارفينو؟)، حيث فاقت ديون أمريكا ترليونات عديدة ولكنها مازالت تعيش وتصول وتجول لأن دولارها عايش بالسمعة القديمة.. ولأن الدول الأوربية تريد أمريكا سيدة للعالم ما يفكوها هاملة للهنود والصين وباقى ناس ياجوج وماجوج .. طبعاً ما جبت سيرة أفريقيا لأنو أفريقيا شغالة بحكمة عبداً بسيده ولا حراً مجهجه ... ما يجونى الجماعة يقولوا شوف منير العنصرى وبتاع ــ منير زاتو أفريقى عربى مسلم بلاك ..هههه
Post: #27 Title: Re: السعودية فى طريق ليبيا Author: Munir Date: 10-03-2016, 02:00 AM Parent: #24
بمناسبة الـ بلاك ... أولادى لمن يقوموا للهظار يقولوا لى we are african sudanese arab blacks muslims, the worst ever and most hated combination in the world ..
بقول ليهم don't worry, be happy .. 😁
Post: #28 Title: Re: السعودية فى طريق ليبيا Author: حامد بدري Date: 10-03-2016, 07:11 AM Parent: #27
منيروووف صباح الخير بتوقيتنا السعودي الايام دي جاستا ولا خستكا ده حديث المجالس واسمع مني كلام مو زي كلام جحا السعودية مؤمنة بدعوة سيدنا ابراهيم امنا وارزق اهله والنحكي ليك الخيرات الهنا مدفونة تحت التراب مرة كدة بحفروا في حاجة كدي قوم اظهري مادة كده بستعملوها للاسمنت او الحديد مابعرف المهم المادة دي كانت تستورد من الهند ودول شرق اسيا بالبواخر وبكميات خرافية قومي يالشيولات والقلابات والقطارة خمي وودي لجدة والدمام فالمملكة داعي ليها ليها سيدنا ابراهيم ومعاها رب العالمين وامريكا اكبر راعية للارهاب وحلة ضغط برستو فوقا فاصوليا لو انفجرت الاستعداد بكون مية مية ولو عايزين يشتغلوا ليها بالكروب بوروها الطفا النور منو بدون مواجهات مباشرة طبعا والارهاب لادين له والسعودية بتكافح في الارهاب والارهابيين وفي نفس الوقت التمدد الشيعي في المنطقة واتخييل لي اتا متذكر خطاب الشمطاء كوندليزا رايس في القدس بتاع التسعينات الفوضى الخلاقة والتفتيت اما زولنا ابركب بتاع الوثبة فده اديو من كلام جحا لانو ماعندو النبقة ولو ولو سوبا بفاوض في كافوري
Post: #29 Title: Re: السعودية فى طريق ليبيا Author: عمر عثمان Date: 10-03-2016, 09:11 AM Parent: #28
Up
Post: #30 Title: Re: السعودية فى طريق ليبيا Author: مني عمسيب Date: 10-03-2016, 09:26 AM Parent: #29
التحية للمنير ورفاقه العابرون ..
يا ود المشرف الفايت الكبار والقدرك . قلت لي : لانو ببساطة الدولار بساوي دولار وببساطة ابسط لانها عملة صعبة في صعب بنهار ؟
ولكم الشكر ,,,
Post: #31 Title: Re: السعودية فى طريق ليبيا Author: Saifaldin Fadlala Date: 10-03-2016, 12:07 PM Parent: #30
لانو ببساطة الدولار بساوي دولار الجنرال ديجول سأل وزير ماليتو جوزيف كايو عن كيفية عمل نظام بريتون وودز المالي الوافقت عليهو الدول المشاركة في معاهدة بريتون وودز قبل نهاية الحرب العالمية التانية بعام1944.. كانت اجابة كايو:لو ان لوحة قيمة عرضت في مزاد, الثري العربي عرض مقابلها بترول.الروسي عرض دهب.. في النهاية بقت من حظ الامريكي دفع فيها 10000دولار! سأله ديغول:اين المشكلة اذن؟اجابه كايو الحقيقة ان الامريكي اشتري اللوحة بتلاتة دولارات فقط,حيث ان تكاليف طباعة ورقة المائة دولار تكلف تلاتة سنت!اي ان الدولار مجرد ورقة بعد التوقف من تغطيته بالذهب بعد ان اعلن نيكسون ذلك وفي مؤتمر جامايكا 76 تحول للبترودولار..اي ان الخلايجة والسعودية كانوا العتالة,لانم قبلو انو كل معاملات البيع تتم بالدولار.. التحية لصاحب البوست وزواره
Post: #32 Title: Re: السعودية فى طريق ليبيا Author: Saifaldin Fadlala Date: 10-03-2016, 12:48 PM Parent: #31
القذافي فطن لللعبة دي,لذا وفي اواخر ايامه اخذ يروج لفكرة او مشروع الدينار الافريقي الذهبي عملة واحدة تغطي كل دول الساحل والصحراء وده بؤثر علي المصالح الفرنسية ,والمسألة في النهاية ما مسألة ديمقراطية وديكتاتور
Post: #33 Title: Re: السعودية فى طريق ليبيا Author: عماد الشبلي Date: 10-03-2016, 02:27 PM Parent: #32
Post: #34 Title: Re: السعودية فى طريق ليبيا Author: عماد الشبلي Date: 10-03-2016, 02:55 PM Parent: #33
الرياض تحذر واشنطن من العواقب الخطيرة لقانون"جاستا" تاريخ النشر:03.10.2016 | 12:41 GMT | آخر تحديث:03.10.2016 | 13:14 GMT | أخبار العالم العربي
كد مجلس الوزراء السعودي أن اعتماد قانون "جاستا" في الولايات المتحدة يشكل مصدر قلق كبير للمجتمع الدولي.
ورأى المجلس، خلال الجلسة التي عقدها الاثنين 3 أكتوبر/كانون الأول في الرياض برئاسة الملك سلمان بن عبدالعزيز، أن من شأن إضعاف الحصانة السيادية، التأثير سلبا على جميع الدول بما في ذلك الولايات المتحدة، وفق ما أعلنه وزير الثقافة والإعلام السعودي عادل الطريفي في بيان.
وأعرب المجلس عن الأمل بأن "تسود الحكمة وأن يتخذ الكونغرس الأمريكي الخطوات اللازمة من أجل تجنب العواقب الوخيمة والخطيرة" التي قد تترتب على سن القانون. المصدر: واس
Post: #38 Title: Re: السعودية فى طريق ليبيا Author: Munir Date: 10-03-2016, 04:48 PM Parent: #32
الأخ Saifaldin Fadlala أشكرك على المساهمة .. ربما كان نظام الأوراق المالية إختراع إنسانى ذكى .. ومن ثمّ نظام الكريدت برضو تطور وإختراع فعّال ومهم للتعاملات المالية .. فبدلاً من الزول يشيل ليهو طن من الذهب (فى جيبه:)) لشراء فيللا وبرضو كان ممكن تشيل شواويل من الأوراق النقدية (فى جيب الجلابية:)) تحول الأمر لمجرد تحويلات إلكترونية فى الأثير وكمية شحنات كهربائية لا وزن ولا رائحة ولا طعم لها !!! .. إختراعات عبقرية ـــ اليهود ديل صعبين خلاس ــ بس العيب الوحيد هو الطريقة التى تدار بها هذه العبقرية المالية .. جنون عديل كده .. معليش أسمحوا لى حأضطر أنزل ليكم الفيديو بتاع the biggest scam in history .. لأنو الماشاف الفيديو ده نص عمره ضاع .. (بنزله بعدين لو رجعت البيت بالسلامة :)) ..
Post: #37 Title: Re: السعودية فى طريق ليبيا Author: Munir Date: 10-03-2016, 04:33 PM Parent: #30
الصديقة منى عمسيت .. لا يغرنك صعوبة الدولار بدولار .. صدقينى الفيلم ده حده قريب ..
Post: #36 Title: Re: السعودية فى طريق ليبيا Author: Munir Date: 10-03-2016, 04:28 PM Parent: #29
Quote: Up
ود العم عمرعثمان .. شاكر ومقدر إهتمامك ..
Post: #35 Title: Re: السعودية فى طريق ليبيا Author: Munir Date: 10-03-2016, 04:26 PM Parent: #28
إزيك يا الفكيه حامد بدرى ــ من فكاهة وليس فقيه :) ــ ودى لأنو دائماً بتجي بزاوية فكاهية ساخرة محببة فى مشاركاتك .. بالنسبة لدعوة سيدنا إبراهيم، ونِعم بالله .. بس لا يجب أخذ الكلام بحذافيره بصورة مباشرة .. وإلاّ فالناس كلها ستكفر حينما ـ مثلاً الزوول يدعو الله ثم لا يستجاب له، أو قل لا يحس بالإستجابة ــ فما هكذا تُفهم فلسفة الدعاء .. فإذا رجعت للتاريخ الواضح فإن الرسول ــ ص ــ والصحابة تم حصارهم فى شعاب مكة لغاية ما أكلوا الجلد اليابس .. بالرغم من أن معاهم الرسول ــ ص ــ ذاته .. والله الكبير ذاته معاهم .. إذن القضية ليست بهذه المباشرة .. وحتى بالنسبة لشقاوة الدنيا المادية فإن أشد الناس إبتلاءً هم الأنبياء ثم الأمثل فالأمثل .. ولو أصلو الحكاية تقاس بنعيم الدنيا أنظر لخريطة العالم الطبيعية تجد ــ وياللغرابة ــ أن أكثر بقع صفراء قاحلة هى الأوطان الإسلامية .. أمشى شوف.. من المغرب العربى لغاية أواسط آسيا ــ باكستان أفغانستان إلخ ــ صحارى جرداء قاحلة وشقاوة شديدة .. قارن ذلك ببلاد غير المسلمين .. خضرة ومياه ووجوه حسينة .. مكة بالذات مثلاً فإنها فى وادٍ غير ذى زرع .. إذن الدعوة ليست مقرونة فقط بالرخاء المادى .. فالصحابة شخصياً كانوا فقراء يربطون بطونهم بالحجارة من الجوع .. والحكمة إن الله خلق الموت والحياة ليبلوكم أيكم أحسن عملاً .. مش عشان ناكل ونشرب ونترفه .. ووو الحديث يطول ، ولكن ليس هذا براحه .. لو استرسلنا يقوم الكفار يجو يتلموا لينا هنا ، سوط عنج ما يمرقهم .. ونحن ما عندنا مروة للعالم دى .. والما بيهديه الكريم تعبان .. :)
Post: #39 Title: Re: السعودية فى طريق ليبيا Author: حمد عبد الغفار عمر Date: 10-03-2016, 05:48 PM Parent: #35
يا منير تطبيق صرف الرواتب بالشهر الميلادي وفر 4 مليار ريال في السنة طيب 4×365 /11 دي قريب 150 مليار دي رواتب الحكومة بس ضيف ليها رواتب القطاع الخاص ثلاثة مرات قدر دي دا غير الدخل من غير الوظائف الكلام دا بتلقاه قريب 700 مليار 70 % على اسوأ الفروض قوة شرائية شيل منها 30 % شراء من خارج المستورد بقى عندك 40 % من 700 مليار دي 280 مليار ريال شراء منتجات مستوردة ودا كلام انا متأكد بكون أقل من الحقيقي وبكتير
تقول لي سوق السعودية يمثل شنو؟
Post: #40 Title: Re: السعودية فى طريق ليبيا Author: Munir Date: 10-03-2016, 09:21 PM Parent: #39
ياحمد لا خلاف أن السعودية دخلها خيالى .. يعنى لو قلنا بترول ساى عندك قول تنتج ١٠مليون برميل فى اليوم ... لو البرميل مية دولار دى براها ملياردولار فى اليوم .. دولار وليس ريال .. يعنى الـ٤مليار ريال الهسه محتفين بيها دى دخل يوم واحد، تقوول لى ٤مليار ريال فى السنة؟؟ ٤مليار دى بالنسبة للسعودية تعتبر ملاليم .. طيب المليار دولار فى اليوم دى بتمشى وين؟ دى كلها بتخش بنوك أمريكا بينما العالم العربى والإسلامى جعان .. ياخى فى أوروبا لو قاعد عاطل بتاخد بند عطالة ما يعادل قريب الـ٤ألف ريال بينما فى السعودية هناك مرتبات لا تتعدى الألف ريال فقط بعدما االزوول يكون شغال شغل الحمير .. تقول لى سوق؟ أموال مهولة فى السعودية بتخش جيب أمريكا تشغّلها وتحارب بيهاوتسقط بيها صدام حسين ووو ... كدى روق بالله أديها صنة ..😬
Post: #41 Title: Re: السعودية فى طريق ليبيا Author: Munir Date: 10-03-2016, 09:33 PM Parent: #40
Quote: وأعرب المجلس عن الأمل بأن "تسود الحكمة وأن يتخذ الكونغرس الأمريكي الخطوات اللازمة من أجل تجنب العواقب الوخيمة والخطيرة" التي قد تترتب على سن القانون.
الأخ عماد الشبلى .. أها الـpanic والقلق ده نحن الخايفين منه.. ده بداية طريق ليبيا زاتو.. طالما أمريكاا قررت إنها تعادى السعودية وتريد الإستحواذ على أموالها أوانطة حقو االسعودية تعمل بسياسة الجفلن خلهن أقرع الواقفات .. تقنع من الفات وتتتجه لتغيير تحالفاتها وتستقوى بأخوانها على أمريكا وليس الإستقواء بأمريكا على أخوانها .. لكين مين يقرأ ومين يسمع ..
Post: #42 Title: Re: السعودية فى طريق ليبيا Author: Munir Date: 10-03-2016, 09:45 PM Parent: #41
زيما وعدت سآتى بفيديو مايكل مالونى ــ كنت كتبته غلط، ماهونى ــ
The Biggest Scam In The History Of Mankind - Who Owns The Federal Reserve؟ Hidden Secrets of Money 4..
تشوف الفيديو وتفهم العالم ده شغال كيف ..
Post: #43 Title: Re: السعودية فى طريق ليبيا Author: حمد إبراهيم محمد Date: 10-04-2016, 01:01 AM Parent: #42
السلام عليكم عزيزي منير... مشكور لطرح هذا الموضوع الهام في الوقت الحاضر واهميته في ظني تاتي من انه يتناول قضية تهم العالم الاسلامي وليس دولة محددة. حقيقة لفت نظري من المتداخلين تركيزهم على الجوانب المادية سوى كان منها "البترودولار" او القوة المالية والعسكرية، والحكام، وغفلوا عن حركة الشعوب المسلمة وخاصة منها السنة وتمسكهم بعقيدة سلكت بهم في عهد ما الى مرتبة قيادية في العالم في مختلف ضروب الحياة والعلوم الانسانية والرياضيات وغيرها، ولن يتخلوا عن ذلك مهما طال الامد ومهما"تداعت الأمم عليهم .... ". وسيرفعون راية هذه العقيدة حتى لو بلغ الامر الى سل "سيوف القصب.."، و(ليبلغن هذا الأمر ما بلغ الليل والنهار...إلى آخر الحديث الشريف) . كما يعلم الجميع ان الإسلام هو ثاني أكبر ديانة من حيث العدد 1.62 مليار نسمة، المسلمون السنة يشكلون 90 % من المسلمين حول العالم والنسبة الباقية تنقسم ما بين الشيعة والاباضية وغيرها من الطوائف الكثيرة . لذلك امريكا والغرب عامة وبعد الازمة المالية العالمية، وما يرشح من بداية(حرب باردة) قطباها روسيا وامريكا ونوعا ما دول غربية، لن تخاطر امريكا باشعال حرب او تدبير (فوضة خلاقة) خاصة في منطقة الخليج الاسترتيجية لامن العالم، حتى لا توجد عذر لروسيا في التمدد وخلق تحالفات اكثر في الشرق الاوسط، عندها ستتناوشها الانواء يمينا ويسارا، وتحتها وفوقها، وستغرق في "شبر مية"، وهذا لن يقدم عليه ساسة امريكا والغرب. وفوق هذا فامريكا خبرت جسارة المسلمين في افغانستان وغيرها، لهذا تحسب بدقة حركة المسلمين خاصة اكثريتهم سنة كما اسلفنا الذين لا يقبلون المساس بارض الحرمين الشريفين، خاصة بعد علاقة امريكا الجديدة مع ايران، وفساد عقيدة الشيعة وزعمهم باحقية علي رضي عنه بالرسالة وغير ذلك، كما تطرح تدويل ادارة الحرمين الشريفين. كما لا ينسى المسلمين للشيعة ما فعلته فرقة القرامطة الاسماعلية الشيعة في الحرم المكي. ففي سنة سبع عشرة وثلاثمائة هاجم قرامطة البحرين مكة المكرمة في موسم الحج، وأعملوا السيوف في رقاب الحجيج، واستحلوا حرمة البيت الحرام، فخلعوا باب الكعبة، وسلبوا كسوتها الشريفة، واقتلعوا الحجر الأسود من مكانه، واحتملوه إلى بلادهم، وأعملوا السلب والنهب في البلد الحرام، وقتلوا زهاء ثلاثين ألفا من أهل البلد ومن الحجاج وسبوا النساء والذراري، وانقلبوا إلى بلادهم يحملون الحجر الأسود حيث أبقوه عندهم نحو اثنتين وعشرين سنة، ثم أعادوه إلى مكة. من هنا فامريكا تحسب الف حساب قبل ان تصنع من دول الخليج ومن المسلمين اعداء لها، اخذا في الاعتبار ان المملكة العربية السعودية هي صمام الامان للوضع في هذه المنطقة، والغرب عامة وامريكا وحتى الصهاينة يعلمون حق العلم ذلك، فلن يقدموا على معاداتها او دول الخليج، وفوق ذلك لا زالت هناك مصالح بينهم ومنطقة الخليج في مجالات اقتصادية عدة خلاف البترول، كما ان السعودية تذخر بمصادر عديدة تغنيها عن البترول فغير الذهب فهناك كنوز البحر الاحمر الذي بدأت خطوات عملية لاستغلالها بالمشاركة مع السودان، وهذا قليل من كثير.
تحياتي
Post: #44 Title: Re: السعودية فى طريق ليبيا Author: Muhib Date: 10-04-2016, 05:36 AM Parent: #43
يقول فرانكلي
تحياتي يا منير
أتمنى أن تهرب الأموال السعودية من أمريكا اليوم قبل غد فقيمتها حوالي 700 مليار دولار وعندها سنرى من يدق الدلجة
ونقول لك ..الحكايه ارقام وليس اماني سعوديه واهيه لن تضر الاقتصاد الامريكي ..
ال The US economy in GDP حوالي 18.7 Trillion
القريشات السعوديه التي تحاول ان تهدد بها امريكا حوالي 4% من الرقم اعلاه ... الازمه الاقتصاديه التي مرت بها امريكا في سنه 2008 كلفت امريكا 12 Trillion وعادت امريكا اقتصاديا افضل مما كانت ...
السعوديه لا يمكنها الضغط علي الولايات المتحده اقتصاديا بل العكس وبالارقام منذ العام الماضي قلصت امريكا من مشترياتها النفطيه من السعوديه لدرجه ان المملكه لم تعد البائع الاول في السوق الامريكي الذي وضع كندا في مرتبه اعلي من السعوديه وعن قصد .. يعني السعوديه لو فعلا عايزه تسحب اموالها القليله من امريكا كان فعلت من العام الماصي .. هنالك مصلحه لامريكا في اقامه علاقه دائمه مع السعوديه لكن لا يمكن ابتزاز او تهديد امريكا اقتصاديا
واخير هذا الاموال السعوديه $750 billion
ممكن تتشتريها الحكومه الامريكيه من السعوديه في لمح البصر ...في شكل
U.S. Treasury Bonds
لان هذه الاموال السعوديه في امريكا هي في الحقيقه عباره عن
Bonds
ولازم السعوديه تبيعها علشان تتحصل علي الاموالي ..فمن سوف يشتري ؟؟؟
ثم اخيرا ..وهذا ليس كلامي ولكن كلام
ال
IMF
بالارقام سوف تفلس السعوديه في سنه 2020 لو اقتصادها سار بسماره وهو الاعتماد علي النفط فقط ..
ادرس هنا
“[T]he IMF said that the kingdom will suffer a negative 21.6 per cent ‘General Government Overall Fiscal Balance’ in 2015 and a 19.4 per cent negative balance in 2016, a massive increase from only -3.4 per cent in 2014.
Saudi Arabia currently has $654.5 billion in foreign reserves, but the cash is disappearing quickly.
The Saudi Arabian Monetary Agency has withdrawn $70 billion in funds managed by overseas financial institutions, and has lost almost $73 billion since oil prices slumped, according to Al-Jazeera. Saudi Arabia generates 90 per cent of its income from oil.”
اكتفي بهذا القدر ..
Post: #45 Title: Re: السعودية فى طريق ليبيا Author: هاشم احمد ادم Date: 10-04-2016, 05:41 AM Parent: #43
سلام منير تبسمت وانا اطلع على مدخل البوست وعادت بى الذكرى لبوست انهيار الدولار قبل سنة أو سنتين. أتمنى من الإخوة قراءت ذلك البوست حتى تكمل الصورة وتحديدا نقطة طرحها الاستاذ إسحاق عن جعل الذكاة كمصدر من مصادر الاقتصاد
لى عودة يامنير التتحية لك
Post: #46 Title: Re: السعودية فى طريق ليبيا Author: Munir Date: 10-04-2016, 09:47 AM Parent: #45
الجميل فى كتابة المنبر ده إنك تفتح موضوع بدون رصيد ــ زى شغل البنوك المشروح فى الفيديو ــ وبعد داك الموضوع بيتجرجر ويتسلسل ويتشعب ، ويجوك أولاد الحلال يتموه ليك بجاى وبجاى ويسدوا الثغرات ، ولو كمان فتحت نفّاج للفيسبوكاب يجيبوا ليك من برة الشبكة .. وتمشى إنت ترتاح وتسيب الفيلم شغال ، وتلف وتدور وتجى بعد كم يوم بأفكار متجدد فى نفس الموضوع .. وتغيب على راحتك وترجع تواصل .. هسه أنا عندى بوست تجاوز أرشفتين ولسه ما وصلت نص الفكرة .. عجائب الزمان لا تنقضى .. والعجب إبتكار هذه المنابر المجدولة التى غيرت شكل الحوارات فأصبح البقاء ـــ فى الصفحة الأولى ـــ للأصلح .. بعدما كان زمان المنابر تلقاها مشرورة فى شكل سلسلة طويلة رد ورا رد لغاية ما تتدفق برة الصفحة .. إلخ ..
وإلى عودة ..
Post: #47 Title: Re: السعودية فى طريق ليبيا Author: Munir Date: 10-04-2016, 06:53 PM Parent: #46
مرحبتين بالعزيز حمد ود ابراهيم محمد ..
لا ننسى أن أخص خصائص أمة المسلمين أنهم أمة تعز بالإإسلام وتُذل بالتخلى عنه .. وذلك ظاهر قدامنا زى الشمس .. أكثر أمم ذليلة فى عالم اليوم هى الأمم الإسلامية ، والتى أصبحت عالة على الغرب ... واقعين البحار تأكل فيهم االأسماك فى سبيل الوصول لشواطئ الغربب ... وذلك رغم أأن الثروة كلها تحتت أرجلهم .. ثروات الخليج التى كان من المفترض أن تنهض ببلاد المسلمين يحتكرها الحكام ويخزنونها فىى البنوك الغربية .. القصة طويلة ياخ ..
Post: #48 Title: Re: السعودية فى طريق ليبيا Author: Munir Date: 10-04-2016, 07:57 PM Parent: #47
يا Muhib ، كدى شاهد الفيديو بتاع الـ biggest scam عشان تعرف خدعة الترليونات دى شغالة كيف !!!.. ياخ دى عبقرية ماعادية .. عبقرية توليد أموال من الله خلقنى ماشفت زيهاا .. غاييتو فى نهايات الفيديو لمن يبدأ يشرح دورة تخليق الأموال دى أنا بطش شبكة مهما مديت مخى لقدام وحاولت أركّز ... فعلاً عملية سحرية بتاعة شخّارم بخّارم زاتها ..
Post: #49 Title: Re: السعودية فى طريق ليبيا Author: حمد إبراهيم محمد Date: 10-04-2016, 11:01 PM Parent: #48
كتب منير :
مرحبتين بالعزيز حمد ود ابراهيم محمد ..
لا ننسى أن أخص خصائص أمة المسلمين أنهم أمة تعز بالإإسلام وتُذل بالتخلى عنه .. وذلك ظاهر قدامنا زى الشمس .. أكثر أمم ذليلة فى عالم اليوم هى الأمم الإسلامية ، والتى أصبحت عالة على الغرب ... واقعين البحار تأكل فيهم االأسماك فى سبيل الوصول لشواطئ الغربب ... وذلك رغم أأن الثروة كلها تحتت أرجلهم .. ثروات الخليج التى كان من المفترض أن تنهض ببلاد المسلمين يحتكرها الحكام ويخزنونها فىى البنوك الغربية .. القصة طويلة ياخ ..
-------------------------------------------------
السلام عليكم عزيزي منير – مرة تانية ... هذا صحيح، لكني لا ارغب في ان ابرر حال الامة الاسلامية حاليا، لكن المثل بالمثال يضرب، فامتنا بعد ان كانت صاحبة حضارة رائدة قادت وحدت بالغرب الى مدارج العلم والتقدم واخرجتهم من ظلمات الجهل والفاقة الى نور المعرفة والحضارة، الذي حاد عنا للاسف بتواكلنا وغفلتنا وانشغالنا بملذات الحياة اكثر من ما يدعونا اليه ديننا للبحث والتفكر والاستزادة في العلم والمعرفة – وما اعطيناكم من العلم الا قليلا. كما ينبغي ان نعلم ان الامة الاسلامية في عطائها تتمثل بالرسالة الخاتمة المحمدية، رحمة للعالمين، تعطي بلا من ولا اذى، عكس الغرب الذين لا يعطي الا ليسلبوا اكثر، مثال ذلك تعاملهم لمستعمراتهم في دول العالم الثالث او على الاصح الفقيرة، كحدائق خلفية، ومورد للمواد الخام لمصانعهم، وربطهم باقتصادياتهم، وعملاتهم النقدية، ما زادهم فقرا، فلا جرم ان نرى هجرات ابناء هذه الدول الى امهاتهم السافحات (الكمونولث) و(فرنك - فرنسا) و(جلدر - هولندا) و(فرنك – بلجيكا)، وغيرها من دول استعمارية. والسؤال: عن هذا الزواج المحرم بيننا والغرب، وارتباطنا باقتصادياتهم وعملاتهم النقدية واستثماراتنا المالية في بنوكهم، هل لنا من توليفة للخروج من هذا النفق المظلم..؟!
تحياتي
Post: #51 Title: Re: السعودية فى طريق ليبيا Author: Munir Date: 10-05-2016, 12:40 PM Parent: #49
سلامات الأخ حمد ابراهيم .. الفرق بين الحضارة الإسلامية والغربية هو أن الحضارة الإسلامية حضارة أخلاقية ــ راس مالها الأخلاق ــ بينما الغرب حضارته مادية .. الإسلامية تدعو لعدم الإنجراف للمتعة والملذات، بينما الغربية تجتهد لتجعل حياة المرء متعة وملذات بإعتبار أنها فقط الحياة الدنيا نلهو ونلعب ونتمتع ثم نموت وينسدل الستار .. الغربيين نجحوا فيما يصبون إليه، بينما المسلمون فشلوا فيما هم مكلفين به .. الغربيون لو فقدوا المادة يجن جنونهم ــ أنظر حال فنزويلا الآن وهو مقدمة لما ستؤول إليه دول الغرب حينما ينفلت العيار وينطلق العنان ، وتعرف النتيجة حين ينطلق العنان ــ والمسلمون لو جاعوا يقاوموا الجوع بالصيام والصبر ــ وياخدوا الأجر ــ .. الشئ المهم الذى يجب أن ننتبه له أن الإسلام ليس محصور فى السعودية ولا باقى الدول العربية والإسلامية بل للناس كافة ، فيجب أن لا نفكّر بثنائية "نحن" و"هم" .. بل هسه فى حديثنا ده إحتمال يكون واحد إسكيمو ولى صالح جارّى ليهو عدد وصايم كمان .. :) .. بل إحتمال يحصل shift لثقل الإسلام كله من الشرق للغرب قبال القيامة ماتقوم :)
Post: #50 Title: Re: السعودية فى طريق ليبيا Author: Othman Al-Hasan Babikir Date: 10-05-2016, 12:05 PM Parent: #1
أشتم رائحة الحقد على السعودية وعلى المغتربين السودانين بالسعودية ...!!!! تحليلات عبارة عن أمنيات سوف لن تتحقق بإذان الله وهي مجرد أضغاث أحلام نوم نومك يا شيخ .....!!! أترك عنك السعودية وخليها في حالها فهي قادرة أن تواجه مشاكلها بنفسها سودانك فيه بلاوي متلتلة لو كان فيك فائدة نظر لينا في مشاكل السودان ، فالسودان أولى بتحليلاتك وتنظيراتك يا هذا ....
Post: #52 Title: Re: السعودية فى طريق ليبيا Author: Munir Date: 10-05-2016, 12:47 PM Parent: #50
الوهابى الكريه Othman Al-Hasan Babikir
خلاس جن جنونك عشان إتكلمنا عن أولياء نعمتك ؟؟ .. هسه لو إتكلمنا عن السودان تحشر ليك جزمة فى خشمك وما تقول بِغِم ..
كل كلباً يهوّى خوفاً على ضنبه ..!!!
Post: #53 Title: Re: السعودية فى طريق ليبيا Author: Othman Al-Hasan Babikir Date: 10-05-2016, 01:12 PM Parent: #1
( كل إناء بما فيه ينضح ... )
الود عامل فيها عقلاني وبتاع تحليل وموضوعية وكلام من هذا القبيل ، لكن في أول لفة وكلمة واحدة تخليه يطلع زفارتو ....!!!!
قال ايه قال : الوهابي الكريه ونقول ليك : دي ما ظبطط معاك يا محللنا البارع لأنو ما عندي علاقة بالوهابية عشان ما تخلق ليك معركة من غير معترك ....
خلينا ننزل لمستوى فهمك ونجاريك ، فالسعوديين ليسوا أولياء نعمتي أنا فقط ، هناك اكثر من 2 مليون سوداني بالسعودية وهؤلاء الـ 2 مليون يعولون على أقل تقدير أسر خلينا نقول الأسرة الواحدة فيها 3 أشخاص يعني بفهمك أنت السعوديين أولياء نعمة لـ 6 مليون سوداني ( ربع سكان السودان تقريباً ) ...... ليس هذا فحسب بل حكومتك واصلا خير السعودية ... شن قولك ؟؟؟؟ وانت البتتفاصح هنا ده تلقى خير السعوديين واصلك بطريقة أو بأخرى أو واصل ناس من أسرتك أو عائلتك الممتدة ... ده مش موضوعنا .. موضوعنا إنو حقدك على السعودية لن ينال منها ما تقعد تنبح ساي وتضيع زمنك في الفارغة ومقدودة ، لو فيك خير وجه تحليلاتك لبلدنا فهي في أمس الحاجة للخروج بها مما هي فيه ....!!!
Post: #54 Title: Re: السعودية فى طريق ليبيا Author: Munir Date: 10-05-2016, 01:48 PM Parent: #53
الكريه المدعو Othman Al-Hasan Babikir
ماعندى زمن أضيعه معاك وما عندى ليك غير الإحتقار .. إنت زول بطينى فقط خفت وجاى تنبح زى الكلب دفاعاً عن سيدك .. بالرغم من أنو الكلام عام، لكين غيرتك على ملء بطنك أكبر من غيرتك على بلدك .. الناس الإتداخلوا هنا فيهم واحدين من السعودية مافيهم واحد جاء يتلادح زيك ..
Post: #55 Title: Re: السعودية فى طريق ليبيا Author: حمد إبراهيم محمد Date: 10-05-2016, 02:19 PM Parent: #54
الاخ منير والمشاركين - في ظني هذا الفيديو مفيد ويوضح كثير من النقاط حول
ما يثار حاليا من نقاش عن قانون - جستا - وتعقيداته في منطقة الشرق الاوسط :
Post: #56 Title: Re: السعودية فى طريق ليبيا Author: Othman Al-Hasan Babikir Date: 10-05-2016, 02:49 PM Parent: #54
Post: #57 Title: Re: السعودية فى طريق ليبيا Author: Munir Date: 10-05-2016, 04:02 PM Parent: #56
الله يهدينا ويهديك .. أختانى بس ..
Post: #58 Title: Re: السعودية فى طريق ليبيا Author: Munir Date: 10-05-2016, 06:46 PM Parent: #57
أكترر شئ بيحيرنى ردود فعل السودانيين ودفاعهم عن البلدان التى يقيمون بهاا دفاع عجبب يبخلون به حتى على أهلهم وبلدهم .. زى هجمة المدعو مين ده الذى غلى الدم فى عروقه بمجرد أن ذكرت أن تداعياات العدائية الأمريكية ضد السعوديية ستجعلها تسير فىى درب ليبييا ... والله شئ عجيب ... هسه لو كنت كتبت عنن السودان ماكان فتح بوزه .. لا فعلاً طلب منى أكتب عن السودان وأنبذ السودان عشان يجى يصفق .. رغم أنه عنده غبينة بايتة ضدى بإإعتباره وهابى كاره للمتصوفة مثلما تبين ذلك فى بوستات ماضية .. فالرجل يضمر حقد مذهبى دفين .. ومن أبلد الدفوعات أن يجى يقول لى السعودية فيها كم مليون سودانى ووو .. بالله ده كلام زوول عنده مخ؟؟؟ يعنى يكون قايلنى مقطوع من شجرة؟؟ نحن أهلنا وأخواننا أبناء عمومتنا كلهم فى السعودية ، فهل فى زووول بيحقد على أهله؟ وهل ذلك يمنع أن نتكلم فى الشأن السعودى ؟؟؟ .. هذه هى الذهنية المنبطحة التى هى مستعدة تبيع أى شئ فى سبيل عدم جرح شعور ولى نعمته .. عينة رخيصة من البشر مستعدة لأى شئ فى سبيل بطنه ..
Post: #59 Title: Re: السعودية فى طريق ليبيا Author: Munir Date: 10-05-2016, 07:20 PM Parent: #58
الغريبة قبل مدااخلتين كتبت عن كيف إإنك تكتب بمزاخ وتفتح موضوع بدون رصيد ويجوك أولاد الحلال يتموا ليك الكلام ويسدوا الثغرات وووو .. التقول سحرت نفسى !!!!.. نسيت الطفيليات الإسفيرية البتجى واقعة ليك زى االضبان تسد ليك نفسك...😠
Post: #60 Title: Re: السعودية فى طريق ليبيا Author: Munir Date: 10-05-2016, 08:35 PM Parent: #59
الأخ حمد ابراهيم .. شكراً للفيديو .. لقد شاهدته كله ، وإنطباعى هو أن هؤلاء القوم ممكن يتكلموا عن أى شئ ويلفوا ويدوروا حول الموضوع بدون ما يتطرقوا لبؤرة القضية .. بؤرة القضية هى الصراع الإسلامى الصهيونى .. الناس دائماً تميل لتأويل الصراعات بأنها صراع مصالح .. ربما فى باقى بقاع الدنيا يصح ذلك جزئياً .. هناك صراعات بشرية عنصرية، صراعات على المصالح، صراعات على الموارد إلخ.. لكين فى حالة الشرق الأوسط فالصراع حضارى يتمحور بين الإسلام واليهودية والمسيحية يتمركز مادياً فى المسجد الأقصى وهيكل سليمان ووو .. شوف الحكمة دى .. كل تاريخ الديانات دى مزدحم فى هذه الجغرافيا الصغيرة .. لو كانت القصة مصالح أليست مصلحة أمريكا فى صداقة مليار مسلم بدلاً عن بضع ملايين من اليهود؟؟ .. إذن القضية عبارة إنحياز عقائدى ضد الإسلام والمسلمين .. لذلك تجد العالم الغربى منحاز لإإسرائيل فى كل الظروف رغم التكلفة المادية والأخلاقية العالية .. والإنحياز فى أووجه ضد العرب .. يعنى عندما يكون هناك خخلاف بين عرب وأكراد ممثلاً ينحازوا للأكراد .. عرب وأفارقة ينحاازوا للأفارقة .. عرب وأمازيق ينحازوا للأمازيق .. وهكذا .. فأنا أعتقد أن أساس السياسة مبنى على هذه الأسس العقائدية التاريخية .. طبعاً المحللين الذين يملأون القنوات ديل ما ممكن يجيبوا سيرة العقدة العقائدية دى عشان ما يوصموا بأنهم إسلاميين .. عشان كده تشوف هذا اللت والعجن فى الفاضى ..
Post: #61 Title: Re: السعودية فى طريق ليبيا Author: حمد إبراهيم محمد Date: 10-05-2016, 11:57 PM Parent: #60
كتب منير :
الأخ حمد ابراهيم .. شكراً للفيديو .. لقد شاهدته كله ، وإنطباعى هو أن هؤلاء القوم ممكن يتكلموا عن أى شئ ويلفوا ويدوروا حول الموضوع بدون ما يتطرقوا لبؤرة القضية .. بؤرة القضية هى الصراع الإسلامى الصهيونى .. الناس دائماً تميل لتأويل الصراعات بأنها صراع مصالح .. ربما فى باقى بقاع الدنيا يصح ذلك جزئياً .. هناك صراعات بشرية عنصرية، صراعات على المصالح، صراعات على الموارد إلخ.. لكين فى حالة الشرق الأوسط فالصراع حضارى يتمحور بين الإسلام واليهودية والمسيحية يتمركز مادياً فى المسجد الأقصى وهيكل سليمان ووو .. شوف الحكمة دى .. كل تاريخ الديانات دى مزدحم فى هذه الجغرافيا الصغيرة .. لو كانت القصة مصالح أليست مصلحة أمريكا فى صداقة مليار مسلم بدلاً عن بضع ملايين من اليهود؟؟ .. إذن القضية عبارة إنحياز عقائدى ضد الإسلام والمسلمين .. لذلك تجد العالم الغربى منحاز لإإسرائيل فى كل الظروف رغم التكلفة المادية والأخلاقية العالية .. والإنحياز فى أووجه ضد العرب .. يعنى عندما يكون هناك خخلاف بين عرب وأكراد ممثلاً ينحازوا للأكراد .. عرب وأفارقة ينحاازوا للأفارقة .. عرب وأمازيق ينحازوا للأمازيق .. وهكذا .. فأنا أعتقد أن أساس السياسة مبنى على هذه الأسس العقائدية التاريخية .. طبعاً المحللين الذين يملأون القنوات ديل ما ممكن يجيبوا سيرة العقدة العقائدية دى عشان ما يوصموا بأنهم إسلاميين .. عشان كده تشوف هذا اللت والعجن فى الفاضى ..
هذا صحيح، وهذا ما قصدته في مداخلاتي السابقة، الصراع العقدي الحضاري بين الإسلام والمسيحية الصهيونية، وظهر ذلك بزوغ فجر الرسالة الخاتمة، على سيدنا محمد عليه افضل الصلاة واتم التسليم. حيث يزعم اليهود ان عدم ايمانهم برسالة محمد صلى الله عليه وسلم؛ هو نزول جبريل عليه السلام بها، رغم انهم يثبتون انه ملك مرسل من عند الله. ثم ان العلاقة والتماهي بين المسيحية البروتستانتية والمسيحية الصهيونية تحقق ذلك منذ بداية تأسيس الدولة الأميركية في القرن الـ17 ولعبت الرؤى الأصولية المسيحية البروتستانتية دورا كبيرا في تشكيل هوية الدولة. وتتميز البروتستانتية في الولايات المتحدة بصفتين يمكن من خلالهما فهم محاور حركة المسيحية الصهيونية: - هيمنة الاتجاه الأصولي على البروتستانتية. - سيطرة التهود على الأصوليين البروتستانتيين. وآمنت المسيحية الصهيونية Christian Zionism "قبل تأسيس دولة إسرائيل" بضرورة عودة الشعب اليهودي إلى أرضه الموعودة في فلسطين، وإقامة كيان يهودي، واعادة بناء هيكل سليمان فيها؛ يمهد للعودة الثانية للمسيح وتأسيسه لمملكة الألف عام. ففرخ هذا الزواج غير المقدس، حركة "الماسونية" أي البناءون الاحرار، وهي حركة باطنية تسعى لترسيخ مبدأ وهي حركة باطنية تسعى لترسيخ مبدأ اللادينية، وتعتمد السرية، وتتخذ من مبدأ (حرية – اخاء – مساواة) مبدأ ظاهريا من اجل تحقيق اهدافهم بالاستعمار الاستيطاني بدءا من فلسطين والعالم العربي للهيمنة على العالم. وحسب زعمهم هم من بنوا هيكل سليمان عليه السلام. وللماسونية مبدآن رئيسيان: 1/ حرية الضمير المطلقة: أي كلما كان صاحب ضمير مطلق لا يعبئ البتة باحد يكون له وازع من ضمير حى في احلك المواقف. 2/ تكافل البشرية: وهي لفظة مجردة من المعنى الجوهري لها، إذ لا يعنون التكافل الا فيما بينهم، ولا يعنيهم امر العالم الاخر. عزيزي منير، نحن في خضم هجمة علمانية في ظاهرها تكرس لحضارية مسيحية صهيونية ضد الاسلام ورسالته لخير وتحضر البشرية. واسفا على حالنا في زمننا الاغبر هذا، الذي لا يسر عدوا ولا صليحا، أسفا أسفا أسفا.
دمت معافى ...
Post: #62 Title: Re: السعودية فى طريق ليبيا Author: Othman Al-Hasan Babikir Date: 10-06-2016, 12:07 PM Parent: #1
لو اكتفيت بمداخلتك المكونة من 5 كلمات ( الله يهدينا ويهديك .. أختاني بس ) كان ختيتك ، لكنك أعقبتها بمداخلتين فكان لازم نرجع ليك تاني من باب الرد والتوضيح يا شاطر ...!!!
قال صاحبنا : ( أكترر شئ بيحيرنى ردود فعل السودانيين ودفاعهم عن البلدان التى يقيمون بهاا دفاع عجبب يبخلون به حتى على أهلهم وبلدهم ) ونتساءل : انت وين شفتنا تقاعسنا عن الدفاع عن بلدنا عشان تحكم علينا بهذا الحكم ؟؟؟ ده إسمو اصطياد في الماء العكر ومحاولة لتأليب الناس ضد من يخالفك الرأي يا فالح ..!! ثم أن هذه الأراء التي نبوح بها فيما يخص البلدان التي نقيم فيها ليست هي دفاع عن هذه البلدان وإنما هي أراء فقط ليس إلا ، ولكن لأنها لم ترق لك ولم تأتي على هواك لذا صببت عليها جام غضبك...!!! ثم أن هذه البلدان ليست بحاجة لنا حتى ندافع عنها .
قال صاحبنا : ( زى هجمة المدعو مين ده الذى غلى الدم فى عروقه بمجرد أن ذكرت أن تداعياات العدائية الأمريكية ضد السعوديية ) ونقول : بل أنت الذي غلى الدم في عروقك بمجرد أن أوضحنا نواياك فأزبدت وأرغيت ولعنت وإلا ما سبب هذه الجقلبة والجلبة التي أحدثتها ، أما كان الأفضل لك بان تكتفي بردك بالمداخلة صاحبة الخمسة كلمات أعلاه ؟؟؟ لكنك أعقبتها بمداخلة ثانية ثم بمداخلة ثالثة وسب ولعن ، مما يؤكد غليان الدم في عروقك أنت وليس في عروقي أنا ، وأن مداخلتي قد أفقدتك صوابك يا ...... يا شطوي ...!!!!!
قال صاحبنا : ( هسه لو كنت كتبت عنن السودان ماكان فتح بوزه .. لا فعلاً طلب منى أكتب عن السودان وأنبذ السودان عشان يجى يصفق ) ونقول : للمرة الثانية برضو ده اسمو اصطياد في المياه العكره يا شاطر ...!!! ومداخلتي موجودة أعلاه فلم أطلب منك أن تنبذ السودان ، كيف تجرؤأن تحرف كلامي وهو مازال موجود أمام الناس ؟؟؟ أنا طلبت منك وقلت لك بالحرف الواحد إن كان فيك فائدة فالسودان أولى بتحليلاتك فهو في أمس الحاجة بسبب ما يعانيه ، ولم أطلب منك أن تنبذ السودان يا فالح ؟..!! ألعب غيرها يا شاطر ما تحاول تكورك وتضرب السكليب وتلم الناس ...
قال صاحبنا : ( رغم أنه عنده غبينة بايتة ضدى بإإعتباره وهابى كاره للمتصوفة مثلما تبين ذلك فى بوستات ماضية .. فالرجل يضمر حقد مذهبى دفين ..) ونقول : والله وبالله حتى هذه اللحظة التي أكتب فيها هذه المداخلة لا أتذكر الموضوع الذي تداخلت فيه معك سابقاً ، نعم أذكر أنه كانت هناك مداخلة لكن عن ماذا والله لا أتذكر لأني نسيت الكلام في وقتو وفي محلو ، وهذا يؤكد أن هذا الكلام مردود عليك وأن الغبينة بايته عندك انت وليس عندي أنا ، فما تحاول تصطاد في الماء العكر للمرة الثالثة وتألب الناس يا شطوري ، برضو ألعب غيرها ؟؟؟
قال صاحبنا : ( ومن أبلد الدفوعات أن يجى يقول لى السعودية فيها كم مليون سودانى ووو .....الخ ) ونقول : انت هنا يا شاطر بتأكد الكلام الذي قلته أنا ، فانت تتهني بأن السعويين هم أولياء نعمتي وأنا أقول لك إن كانوا هم أولياء نعمتيفهناك أكثر من 6 مليون سوداني هم أيضاً متهمون منك بأن السعوديون هم أولياء نعمتهم أليس كذلك ؟؟؟
قال صاحبنا : ( هذه هى الذهنية المنبطحة التى هى مستعدة تبيع أى شئ فى سبيل عدم جرح شعور ولى نعمته .. الخ ) ونقول : هذا المنبر لا يوجد فيه سعودي حتى أقوم بتكسير الثلج له وحتى لا أجرح شعوره كما تدعي يا شاطر ...!! هذه قناعاتي ولا أحد يجبرني لأن أقولها فهو رأي أقوله لك ولغيرك وفي كل منبر وفي كل مكان وليس بالضرورة أن يوافق هواك حتى ترضى عني .......
قال صاحبنا : ( نسيت الطفيليات الإسفيرية البتجى واقعة ليك زى االضبان تسد ليك نفسك ) ونقول : انت عايز كل الناس تطبطب عليك وتثني علي رأيك ؟؟ وتقول ليك أن ما ذهبت إليه هو الرأي السديد ؟؟؟ طيب انت لو ما عندك المقدرة على مقارعة الحجة بالحجة ، ولو ما عندك المقدرة على تحمل الرأي الآخر ما تدخل نفسك في متاهات انت ما بتقدر عليها ؟؟؟؟؟ عشان ما تكون ردودك كلها سب ولعن وكلام فارغ وعشان ما تفضح نفسك على الملآ وتطلع زول قاعد في السهلة ساي ....
Post: #64 Title: Re: السعودية فى طريق ليبيا Author: Munir Date: 10-06-2016, 09:24 PM Parent: #62
الأخ العزيز حمد ابراهيم .. أرى أننا متفقين على البعد البؤرى للقضايا .. إن لم تكن العقدة العقائدية هى أساس الصراع الشرق أوسطى فذلك سيعنى أن نتجاهل كل قصص الأمم وتاريخها والمواعظ التى يركِّز عليها القرآن والتراث الإسلامى .. الناس بتحاول ترمى كلل ذلك وراء ظهرها وتظل تلف وتدور فى دوامة السياسة المتقلبة .. هناك عقيدة غربية بأن فلسطين هى وطن اليهود .. ومن المفارقات الصارخة أن الحضارة الغربية تقوم على العلمانية التى تركّز على إإبعاد الدين من الدولة، ولكن تجد هذا المبدأ ينهار تماماً فى حالة إسرائيل حيث الدولة هى الدين زاتو، ورغم ذلك فإن الغرب الديمقراطى العلمانى يدعمها بلا حدود .. فكل عقيدة الغرب مرتكزة فى إسرائيل .. فإنهم بالفعل أكثر ولاءً لدينهم من المسلمين الذين باعوا دينهم بدنياهم .. بالنسبة لموضوع البوست، قارن بين إرتماء العرب تحت أقدام أمريكا مع إرتماء أمريكا تحت أقدام إسرائيل .. قارن كيف أن العرب يخزنون أموالهم الترليونية ليغذوا خزائن أمريكا مع المعونات الأمريكية البليونية لإسرائيل بدون مقابل .. وإذا شاهدت فيديو مايكل مالونى بتاع الـbiggest scam تشوف كيف الربا يؤدى لتخليق الأموال وكيف أن بلاد الشريعة ـــ السعودية وأخواتها ــ مساهم رئيسى فى هذه الدورة الربوية المهولة .. !!! لذلك لن أستغرب إذا صادرت أمريكا كل ودائع السعودية وبعدها تقبِّل على باقى دول الخليج .. ولذلك قلت مفروض السعودية تعمل بمقولة الجفلن خلهن أقرع الواقفات .. الفات مات ..
Post: #65 Title: Re: السعودية فى طريق ليبيا Author: سيف الدين بابكر Date: 10-06-2016, 10:22 PM Parent: #64
يا هؤلاء: إن النزيف لن يتوقف ...الهجرة من شمال السودان إلى بلاد أخرى مجاورة أو بعيدة ..لن تتوقف .. حتى يتم إفراغ شمال السودان من (أفضل البشر: علماً وعملاً وأخلاقاً) من أهل السودان.... سياسة الفراعنة السود. ولتبق بقية من قوم فرعون التي تقول نعم لتعيش وتتنعم على حساب الأغلبية الغالبة من أهل السودان. .. الإبقاء على البقية من قوم فرعون التي أدمنت الذل والاضطهاد وهضم الحقوق... في (بلاد السوءدان) التي انتشر فيها الفساد وسفك الدماء في كل ركن من أركانها.
يا هؤلاء: إن الهجرة والعمل في بلاد المسلمين هو كسباً للدين والدنيا معاً ... بعد أن ضاقت بلاد السودان بما رحبت. ومن يهاجر يجد في الأرض مراغماً كثيرة وسعة... فالله لا يرضى عن الساكتين عن الاستضعاف والحرمان من الحقوق في بلادهم. فليهاجر من أراد الكرامة والعزة والحرية خارج بلاد السودان التي أصبحت قطعة من جهنم بما كسبت أيدي الحاكمين قبل المحكومين.
يا هؤلاء: إن المرء مع من أحب .. فمن أحب بلاد الكافرين وما هم فيه من كفر وفسوق وعصيان فهو معهم .. في نار جهنم وبئس المصير. ومن أحب بلاد المسلمين وما هم فيه من اسلام وتقوى وطاعة فهو معهم... في جنة اخوان على سرر متقابلين.
يا هؤلاء لماذا تطلقون لعبيد الشيطان حرية الكتابة في كل شيء ابتداءً من الطعن في رب العالمين وليس انتهاء بالطعن في الأشخاص والاتهامات والسباب والساقط من القول والفاحش من الكلام. وتحرمون على المسلمين الكتابة - وإن سمحتم بها وأنتم أبناء المسلمين - تحصرون فرص الكتابة في واحدة أو اثنين.. كراهية في الحق والصدع به..
Post: #66 Title: Re: السعودية فى طريق ليبيا Author: Munir Date: 10-07-2016, 11:24 AM Parent: #65
إتنين دواعش إتلموا فى البوست عشان تكلمنا عن السعودية .. !! ..
Post: #67 Title: Re: السعودية فى طريق ليبيا Author: سيف الدين بابكر Date: 10-07-2016, 10:42 PM Parent: #66
أما السعودية فقد باعكم العسكر الأمريكاني - أيها المتأسلمون عبدة المال والنساء والسلطة والجاه - من أجلها ومن أجل أموالها ومن أجل أمنها وخدمتها من قبل دولتكم وحكومتكم المنافقة المكونة من أهل التقية أنصار إيران سراً حلفاء الخليج علناً... فهل يجرؤ رئيسكم على الكلام ناهيك عن أن يجرؤ الأتباع الأذلاء المنتفعين من النظام الشمالي العنصري المتعفن؟
Post: #69 Title: Re: السعودية فى طريق ليبيا Author: عبدالعظيم مكى Date: 10-08-2016, 04:01 PM Parent: #67
Quote: السؤال هو: ماهو الدافع الملح القوى الذى يجعل أمريكا تخطو هذه الخطوة العدائية ضد السعودية؟؟ أكيد ليست صحوة ضمير وليست دوافع أخلاقية
طبعا مافي اي دوافع اخلاقية. ومافي اي فائدة حا تجنيها امريكا الدولة من اللقانون بالعكس الاثر السلبي اكبر لذلك الادارة الامريكية وقفت ضد القرار. اسر الضحايا كسبت الرأي العام الامريكي والامريكيون هم من يسقطون او يفوزون هولاء النواب واي نائب يقف ضد هذا القانون سيسقط لا محالة في اي انتخابات قادمة. ببساطة مرور هذا القرار ليس عشان خاطر عيون الضحايا وليس فيه فائدة لامريكا ولكن لرغبة نواب للاحتفاظ بمقاعدهم.
Post: #70 Title: Re: السعودية فى طريق ليبيا Author: Munir Date: 10-08-2016, 04:34 PM Parent: #69
الأخ عبدالعظيم مكى سلامات .. كنت ناوى أجيك فى البوست بتاعك عن إنو السعودية دولة ذات سيادة ، فأحسست أننى أحد المعنيين ــ لكين مالقيت زمن وبراح ذهنى للمشاركة هناك ..
سآتيك للتعقيب هنا ..
Post: #71 Title: Re: السعودية فى طريق ليبيا Author: فؤاد إبراهيم Date: 10-08-2016, 07:13 PM Parent: #70
العبث برصيد دولة من قبل الولايات المتحدة يعنى الكثير، ومستقبل علاقات حكومة المملكة العربية السعودية مع الولايات المتحدة غامض
..
Post: #72 Title: Re: السعودية فى طريق ليبيا Author: احمد الشيخ Date: 10-09-2016, 08:50 AM Parent: #71
تحياتي اخ منير اتفق معك تماما في كل حرف العلاقة بين السعودية وامريكا ليست حلفا بل هي كنظام الكفالة السعودي فأمريكا هي كفيلة السعودية والسعودية مكفولة لأمريكا وكما نظام الكفالة السعودي فالكفيل يقوم باستنزاف المكفول ثم يقوم باستبداله متى ما أراد يعني زي ما بقول المثل سيدي بسيده هههه منذ بدايات تأسيس المملكة في دورها الثالث على يد الملك عبدالعزيز كانت العلاقة واضحة جدا حيث اسس لها لقاء عبدالعزيز بالرئيس الأمريكي وقتها روزفلت على متن العبارة كوينسي لتوقيع ما سمي باتفاقية كوينسي والتي تقضي بقيام امريكا بحماية عرش الأسرة الحاكمة مقابل تزويد المملكة امريكا بالطاقة هذا الاتفاق ببنوده العلنية والسرية يوضح ملامح العلاقة بين الدولتين فهي علاقة حماية من امريكا لعرش ال سعود مقابل ان تقوم السعودية بدفع الأموال والبترول وتنفيذ اجندات امريكا في المنطقة وحتى تاريخه نجح كل طرف في واجباته لكن لا شئ يدوم للأبد الا المصالح ليس للسعودية من شئ تفعله الا المزيد من الرضوخ ، فهي التي وضعت نفسها منذ البداية في هذا الموضع واختارت هذا الخيار بدلا من ان تكون دولة مستقلة ذات سيادة تستمد شرعيتها من شعبها وتستثمر ثروتها في تطوير شعبها ومصادرها وتكون قائدة للعالم الاسلامي بحكم وجود الحرمين فيها لكنها اختارت بدلا من ذلك الانضواء تحت حماية الاساطيل الامريكية
Post: #75 Title: Re: السعودية فى طريق ليبيا Author: Munir Date: 10-09-2016, 11:56 AM Parent: #72
سلامات أحمدالشيخ .. شكراً ليك .. ده الكلام البنقول فيهو عشان الناس تعرف أبعاد السياسة الواضحة زى الشمس .. لكين البيقنع الدواعش ناس جحا البيفكروا ببطونهم منو؟؟ .. زيما قلنا ، السعودية وباقى دول الخليج لو فعلاً هى دول ذات سيادة خليها تفتح سوق البترول للعايز يشترى باليورو مثلاً ... لن يجرؤوا ــ رغم إنو هذا القرار حتى لو تفووهو بيهو سيكون too late ، إلاّ ممكن نقول القحة ولا صمة الخشم ..
Post: #73 Title: Re: السعودية فى طريق ليبيا Author: Munir Date: 10-09-2016, 11:41 AM Parent: #70
الأخ عبدالعظيم مكى .. فى البوست بتاعك قلت أن السعودية دولةة ذات سيادة . أقول ليك ظاهرياً نعم ، ولكن فى الحقيقة لا .. ليست السعودية وحدها بل كل دول الخليج، إن لم أعمم كل الدول العربية .. فى نقطة مهمة رئيسية وهى إلتزام هذه الدول ببيع النفط بالدولار إلتزام بالقهر .. يعنى لو ألمانيا أرادت شراء نفط لازم تشترى دولار أولاً ثم تدفع بالدولار ... وذلك ما يجعل للدولار قيمة ــ أى أنه العملة الإحتياطية العالمية الرئيسية ــ وكل ذلك بفضل إتفااقيات أمريكا مع السعودية وودول الخليج فى أن يكون الدولار هو العملة المستخدمة فى شراء النفط ... ظلت هذه الحالة سائدة طوال عهود ... ولكن حديثاً بدأت الدول تتعامل خارج نطاق الدولار وتتاجر فيما بينها بدون مرحلة التحويل الدولارى ... وقد بدأت دائرة التعامل خارج دائرة الدولار تتسع وبذلك ستفقد السعودية ودول الخليج أهميتها فى دعم الدولار ... ونتيجة ذلك ما نشهده الآن من مثل هذا القانون الأمريكى لإبتزاز السعودية .. ديل الأمريكان ياخ .. ماشفت أفلام الكابوى زمان ؟؟
Post: #74 Title: Re: السعودية فى طريق ليبيا Author: Munir Date: 10-09-2016, 11:47 AM Parent: #73
الأخوان هاشم أحمدآدم وفؤاد إبراهيم ... شكراً للمرور والتعليق .. ونطمع فى المزيد ..
Post: #76 Title: Re: السعودية فى طريق ليبيا Author: عبدالعظيم مكى Date: 10-09-2016, 01:07 PM Parent: #74
Quote: ولكن حديثاً بدأت الدول تتعامل خارج نطاق الدولار وتتاجر فيما بينها بدون مرحلة التحويل الدولارى .
والخاسر الكبير هو امريكا مؤنثا كانت ام مذكر. الان السعودية اخرجت الدولار من تعاملاتها مع الصين. والتبادل التجاري بين الصين والسعودية اكبر من التبادل بين السعودية وامريكا. تخيل تحالف يضم روسيا والصين والبرازيل وكوبا وفينزويلا وكوريا الشمالية والسعودية اضافة الي بعض دول الفكة. القرارات الامريكية الاخيرة متخبطة بشهادة الادارة الامريكية وهي الخاسر الاكبر والايام حبلى ستلد كل عجيب. واظن بداية افول الامبراطورية الامريكية فقد وقفت في القمة فترة طويلة وليس بعد وصول القمم الا الانحدار.
Post: #77 Title: Re: السعودية فى طريق ليبيا Author: Munir Date: 10-09-2016, 02:09 PM Parent: #76
مرحباً عبدالعظيم مرة أخرى .. السعودية ممكن تكون فى موقع قوة إذا عندها المروة والإرادة السيادية فى أنها يكون عندها رد فعل قوى ضد الإبتزاز الأمريكى .. فالدولار عايش على سمعته البترودولارية التى تعتبر السعودية عمادها الأساسى .. الدولار ليس له رصيد وسندات أصولية تدعمه بينما رصيد السعودية قاعد تحت الأرض .. ده الرصيد المادى ساى .. أما الرصيد المعنوى فهو بلا حدود .. والله هسه السعودية دى لو دقت الدلجة وقالت للعالم الإسلامى : النجدة !! إلاّ المسلمين ديل رغم فقرهم سيأتون رجالاً وعلى كل ضامر يأتون من كل فج عميق .. وذلك ليس غريباً ، ففى الماضى حتى كسوة الكعبة والمؤن كانت تأتيها من السودان الفقير .. بس قول كيف السعودية تستقوى بأخوانها على أعدائها وتبطِّل تستقوى بأعدائها على أخوانها .. أنا شخصياً أكتر شئ حارقنى هو التآمر على الشهيد صدام حسين ذو الشهادة المشهودة لتأتى إيران تستلم العراق ، وهسه السعودية تبذل جهدها بإستماتة لتحوشها من جهة اليمن ..
دول الـbrics شغالة شغل شديد لتستغنى كلياً عن الدولار بينما دول الخليج مكنكشة فيهو وعاملين فيها ملكيين أكتر من الملك ... غايتو بما أن هذا الإقتصاد قائم على القمارــ stock markets ــ والربا ، ومسنود على الدولار كعملة إحتياطيةة والدولار قاعد بدون رصيد ذهبى ، فلا تستغرب إنو بين يوم وليلة الناس تصحى الصباح وتلقى مدخراتها تساوى صفر .. والفوضى الحصلت فى فنزويلا ليست بعيدة .. ياخى لو ما المهازل تصبح قمة حجج التنافس لرئاسة أقوى دولة فى العالم هى الفضائح الجنسية الشخصية ــ يقولوا ليهو إنت سنة ٢٠٠٥ كان عندك علاقة شنو وشنو يقوم، يقول ليها إنت راجلك برضو مش عمل و شنو؟ وكمان قال ليك الجمهور يضحك ويصفق وينتخب ..
هزُلَت !!!
Post: #78 Title: Re: السعودية فى طريق ليبيا Author: MAHJOOP ALI Date: 10-11-2016, 05:09 AM Parent: #77
يامنير السعودية لاتملك الارادة السياسية ولامقومات السيادة للخروج من بيت الطاعة الامريكي ، وزي ماقلت انت اعلاه اليك الاثبات .نقلا من اخبار اليوم
ــــــــــــــــــــــــــــــــــــــــــــــــ
مباحثات خليجية أمريكية حول تطوير الشراكة الاستراتيجية في مجالات التسلح ziyani الرياض -(د ب أ) – بحث الأمين العام لمجلس التعاون الخليجي الدكتور عبداللطيف بن راشد الزياني ، اليوم الاثنين ، مع مساعد وزير الخارجية الأمريكية للحد من التسلح فرانك روز ، الذي يزور المملكة حالياً ، تطوير الشراكة الاستراتيجية في مجالات التسلح بين الجانبين الأمريكي والخليجي. وذكرت وكالة الأنباء السعودية الرسمية (واس) أن الدكتور عبداللطيف بن راشد الزياني ، ومساعد وزير الخارجية الأمريكية فرانك روز بحثا خلال” الاجتماع العلاقات الخليجية الأمريكية في المجالات العسكرية ، والسبل الكفيلة بتعزيزها وتطويرها في إطار الشراكة الاستراتيجية بين الجانبين”.
Post: #79 Title: Re: السعودية فى طريق ليبيا Author: Munir Date: 10-14-2016, 10:43 PM Parent: #78
هوان ووهن شديد يامحجوب .. ذهنية جحا تنطبق تماماً على البنى آدم ــ ولا أبرئ نفسى ــ... دائماً يستبعد أن الخطر سيصل لحدى عنده ــ معليش مرات الواحد بيستعير بعض العبارات الغير سودانية من أجل التنويع :) ـــ فهؤلاء القوم يظنون أن المزيد من الخنوع والذل سينجيهم من الإبتزاز، رغم إنهم عارفين مية فى المية أن مزيد من الخنوع يعنى مزيد من الإبتزاز .. قال ليك عندما دكت خيول التتار بغداد أُصيب المسلمون بالهلع والفزع والوهن الشديد ...حتى إنو قيل أن الجندى المغولى كان يكاوش ليهو جمهرة من الناس ويحجزهم فى بقعة ويقول ليهم أقيفوا فى محلكم ده ، مافى واحد يتحرك، خلونى أمشى أجيب سيفى عشان أضبِّحكم .. فيخنعوا وينتظروه لغاية ما يمشى ويجيهم راجع يقتلهم ولا يحركون ساكناً .. ده ياهو النحن شايفنو قدام عيوننا الآن ..
وقلنا البلد ماشة فى طريق ليبيا ، وهسه قيل إنو التقشف بدأ .. وخلاس البحبحة والبدلات الوظيفية بدأت فى التقلص .. كمان قال ليك لو أخوك حلقولو بِلْ راسك.. قبل يومين قريت إنو الكويت لغت بدل السكن للمعلمين الوافدين ..
Post: #80 Title: Re: السعودية فى طريق ليبيا Author: Munir Date: 10-26-2016, 08:59 AM Parent: #79
Post: #81 Title: Re: السعودية فى طريق ليبيا Author: GeerTor Tong Date: 10-27-2016, 11:03 AM Parent: #80
صاحب البوست وضيوفه الكرام السلام عليكم ورحمة الله وبركاته. معليش ح اعرج بموضوعك شوية لبرا ... في واحدة إسمها (سارة بارتمان) كانت ولدت في جنوب افريقيا بمنطقة كيب تاون.... البت دي شالها واحد من الخواجات معاها إلى لندن.. الزول اللي شالها كان إسمه وليام دنلوب... في لندن كان دورها مثل دور اي حيوان يأتي الناس لمشاهدته مقابل دفع مبلغ من المال للسيد وليام دنلوب... حسب ما يقال بأن سارة تلك كانت لها شكل مؤخرة وأعضاء تناسلية كبيرة هي السبب التي ساقها دنلوب في البداية قائلاً بأنه يريد بعض البحوث العلمية عليها مما جعلها توافق على مرافقت الى بريطانيا...لم تكن مؤخرتها فقط بل جسمها ككل كان ضخماً بدرجة غير عادية لذا كان الزوار يستدلون بها على تخلف السود.. المهم... إنتهت المطاف بسارة في فرنسا وماتت عام 1815 م.... وهناك تم أخذ الجمجمة والأعضاء التناسلية ليتم وضعها داخل زجاجات عرض.... في عام 1974 م تم ايقاف العرض الجماهيري... في عام 1994 م طالب الرئيس الجنوب افريقي نلسون مانديلا ببقايا سارة بارتمان... لكن طلب جنوب افريقيا لاستلام بقايا سارة بارتمان إنتظر لفترة 8 سنوات كانت الحكومة الفرنسية تقوم باعداد وإصدار قانون يمنع مثل ما قامت به جنوب افريقيا حتى تتجنب فرنسا ملاقات قانونية أو ضغوطات مستقبلاً من دول أخرى... ببساطة يا منير...... أعضاء نادي الخمس قطط السمينة عندما تقوم بخطوة نحو الآخرين فهي لا تهمها سوى الننائج المتوقعة عليها فهي تتحسب لردود الفعل وإذا وجدتها غير مفيدة فهي جاهزة لتصرفات أخرى تجنبها الضرر مهما كان صغيراً وعلى العكس فلو أن هناك ضرر واقع على جهة أخرى فهي لا تهمها. عندما وافقت كل من الصين وروسيا على ما حدث في ليبيا كانت الوعود البراقة بأن الهدف ليس قلب نظام الحكم في ليبيا لكن إتضحت الكذبة لاحقاً لذا تستميت روسيا في الدفاع عن بشار الأسد الآن....... عادت الحرب الباردة بقوة فلو لاحظت القنوات التلفزيونية عندما تنقل مشاهد واخبار ما يحدث في سوريا لا تستطيع التفريق بين الكلام الاميركي والخليجي فكلها تدور في محور رسم صورة (روسيا) المجرمة...... صناعة الحروبات صارت نامية جداً فما يحدث في سوريا عبارة عن صراع لاعبين آخرين في ميدان شخص آخر.... اميركا بجانبها حلفاءها من جانب وروسيا التي لم تظهر الصين بجانبها علناً من جانب آخر هما الفريقان الرئيسان الذان دفعا السعودية وإيران إلى ميدان التسخين. أحسنت السعودية في تسديد الضربات الموجعة فقامت إيران بمراجعة نفسها فقامت بالرد الموجع في اليمن. كان الظن السائد بأن مبارة عاصفة الحزم مجرد مبارة ودية........ تحياتي. قير تور
Post: #84 Title: Re: السعودية فى طريق ليبيا Author: Munir Date: 10-30-2016, 07:53 AM Parent: #81
Quote: أحسنت السعودية في تسديد الضربات الموجعة فقامت إيران بمراجعة نفسها فقامت بالرد الموجع في اليمن. كان الظن السائد بأن مبارة عاصفة الحزم مجرد مبارة ودية........
الأخ GeerTor Tong سلامات .. عندى إحساس إنو كلامك لم يكتمل .. جمّعت المعطيات ولملمت أطراف القضايا وقنطرت الكورة ولكنك لم تشوتها ... 🙂 مثلاً ماهى الضربات الموجعة التى أحسنتهاالسعودية؟
Post: #85 Title: Re: السعودية فى طريق ليبيا Author: GeerTor Tong Date: 10-30-2016, 09:49 AM Parent: #84
س :ماهى الضربات الموجعة التى أحسنتهاالسعودية؟ *************************** ج: قبل عاصفة الحزم قامت السعودية ومعها حليفاتها الخليجية بجولات ناجحة بسببها لم تعد كل من السودان واريتريا تحومان في فلك إيران. إنضمت السودان للتحالف وتم تحييد اريتريا التي لم تسمح لجماعة أنصار الله من إستخدام اي من مينائي مصوع أو اسمرا. من ناحية أخرى هناك طرف خاسر من هذه المعادلة السعودية الجديدة وهي حركة حماس التي كانت في السابق تتلقى أسلحتها عبر (اريتريا ـ السودان ـ سيناء [مصر]). ارجو ان تكون إجابتي مقنعة. على كل حال ليس بإستطاعتي الإفصاح عن المزيد فالأيام القادمة سوف تكشف لنا الكثير مما لا نعرفه عن مطابخ السياسة.. على كل حال يبدو أن الولايات المتحدة تعيد الكرّة في قرص أذن إيران كما حدث في الثمانينات عندما تدخلت مدعية حماية سفينة كويتية من إيران فكانت أن وجدت إيران نفسها مجبرة على اتفاق سلام مع العراق. هذه المرة الولايات المتحدة تتدعي حماية حاملات طائراتها ضد أنصار الله بل كشفت أنها اوقفت سفن اسلحة من قبل مما يعني بأن الرسالة موجهة لإيران. تحياتي قير تور
Post: #82 Title: Re: السعودية فى طريق ليبيا Author: aosman Date: 10-27-2016, 10:27 PM Parent: #1
ياتو طريق؟ طريق الإنقاذ الغربي ولا شريان الشمال؟
Post: #83 Title: Re: السعودية فى طريق ليبيا Author: د.محمد بابكر Date: 10-28-2016, 01:02 AM Parent: #82
Quote: we are african sudanese arab blacks muslims, the worst ever and most hated combination in the world ..
أوسكار يا منير اولا يا ريت اخوانا منير و عثمان يروقوا شويه فالموضوع والله مهم جدا و أهميته بالنسبة لينا كسودانيين اكبر ربما للوجود السودانى الكبير و الذى ذكره الاخوان و فى نهاية المطاف هذا مكان للرأى لا اكثر ولا اقل. اهنئك اخى منير ابتدار هذا النقاش ، أقول و بحكم دراستى فى باكستان كان ان أتيح لى ان أعاصر نشأة ما عرف بظاهرة الافغان العرب و التى كانت برعاية أمريكية و تمويل سعودى و إشراف و تدريب مصرى و كلنا يعرف ما حدث بعد الانسحاب السوفيتي من أفغانستان و كيف ان الشباب العربى الذى ساهم بما يعرف بالجهاد قد تقطعت بهم السبل و انهم ولأسباب مختلفة قد انتهى بهم المطاف فى سجون الأنظمة العربية المختلفة. هذه التجربة جعلت اميركا قريبة جدا من هذه التنظيمات تارة بالاختراق و اخرى بالتنسيق العلنى و من ثم فهم المنابع الفكرية المغذية لهذه التنظيمات ، ثم جاءت ١١ سبتمبر و لم تكن هذه التنظيمات بعيدة عنها و لو ادعاءا و يومها فهم الغرب و على وجه التحديد ان القاعدة او الفكر المتشدد هو عبارة عن طرائق تفكير اكثر منه تنظيمات ذات قيادة مركزية و موحدة فمتشدد المورو يتبع نفس ما يتبعه مهووس بوكو حرام و عبدالحى يوسف ينعى بن لادن امام كاميرات التلفزيون ألوطنى رغما عن انهما لا يعملان تحت مظلة تنظيم واحد و هكذا. أتيح لى ايضا ان اشهد اهتمام المؤسسات الغربية و سعيها لمعرفة منابع هذا الفكر المتشدد وقد صار من المعتاد ان تكتب الصحف الكبيرة عن ان المنبع لكل هذا الهوس هو الفكر الوهابى الرائج فى السعودية هذا طبعا بالاضافة الى منظمات المجتمع المدنى و التى ظلت تضغط على حكوماتها لأجل التخلى عن مساندة السلطات العشائرية فى منطقة الخليج. ماذا يفعل الغرب اذا ذلك المهدد الجديد؟ هل توريط السعودية و دول خليجية اخرى فى مستنقع اليمن و سوريا هو جزء من هذا المخطط؟ هل التلويح بمقاضاة الدولة السعودية كمسئولة عن احداث ١١ سبتمبر هو جزء من إرهاق السعودية؟ هل بوادر الفتنة بين اهم دولة عربية"مصر" و أغنى اخرى"السعودية" هو كذلك جزء من اعادة ترتيب المنطقة؟ هل استنزاف دول الخليج و إرهاقها ماديا بالصرف على حروب عبثية هو خطوة نحو استبدال هذه الأنظمة العشائرية باخرى اكثر حداثة من وجهة نظر غربيه هو كذلك جزء من مخططات الغرب؟ وختاما و لأننا فى السودان سنتأثر بما سيجرى فى هذه المنطقة، ما هو الذى تخبئه لنا الأيام. فى الختام اخى منير ربما بدت هذه الأسئلة غريبة و منطوية على تشاؤم و لكنها على كل أسئلة مشروعة مع تحياتى لك و ضيوفك.
