إن شاءالله الفيديوهات دى عجبتك ... فى آخر فيديو قال ودموسى ظلمه ــ قصده محمدموسى بتاع فرقة تيراب ــ .. لكين فعلاً ظلمه .. زوول يجيبوه من كريمة ويدفعوا ليهو مليون بس ــ أقل من مية دولار ــ ؟؟ .. بالغت قناة الشروق ..
فى الآخر قال: ودموسى أكبر منى ويقول لى عم كوستى العمى اليعماه ... هههه
شكراً للمرور والوردة الجميلة ..
Post: #8 Title: Re: من ظرفاء الشمال .. Author: Hassan Farah Date: 10-02-2016, 11:24 AM Parent: #1
Post: #10 Title: Re: من ظرفاء الشمال .. Author: Munir Date: 10-03-2016, 02:31 AM Parent: #8
يامراحب أخ حسن فرح .. الطاهر كوستى رجل بنكهة البلد الطيبة .. ما عنده إحساس بالأعمار، قال عمره يمكن تلتمية وشويى هههه .. وفى الآخر قال محمدموسى أصغر منى ويقول لى عم كوستى العمى اليعماه ههه ..
Post: #11 Title: Re: من ظرفاء الشمال .. Author: Munir Date: 10-03-2016, 02:50 AM Parent: #10
لا يسعنى إلاّ أن آتى بأغنية دهب شيبون القمر المضوى الكون للمرحوم النعام آدم، والتى تغنى بها الطاهر كوستى فى الفيديو قبل الأخير .. الحقيقة كنت أظن الطاهر كوستى لا يجيد عزف الطمبور بل يكرر نغمة واحدة، لكنه أدهشنى بعزفه لنغمة دهب شيبون وجابها زى النعام بالظبط .. والعجيب كمان نغمة طمبوره متميزة فى قلبة هذه النغمة .. كما أن صوت الطاهر ذاته بديع ماشاء الله رغم عمره الذى فاق التلتمية وشوية حسب كلامه :).. ربنا يمتعه بالصحة والعافية وطول العمر فى النية الطيبة والعمل الصالح ..
Post: #12 Title: Re: من ظرفاء الشمال .. Author: Munir Date: 10-03-2016, 02:59 AM Parent: #11
دهب شيبون .. القمر المضوى الكون وا نارى انا من دهب شيبون .. *** قادر ربنا السوّاك .. رادِك وبالجمال خصاك .. وبتوب العفاف غطّاك .. سارح ياجِدَىْ فى هواك بخاف لَكْ قبضة الشرَّاك .. *** أخضر وفى الجروف مزروع .. مشيت أنا داير أشوف النوع .. وقف حَرّاسه قال ممنوع .. غالى وفى الرفوف مرفوع لهيجه فى الجنيد مصنوع .. وا نارى انا من *** بعد كان بيننا مافى خلاف .. ليك يومين كلامك جاف .. وليك يومين ومابتنشاف .. مالك ياقليب رجّاف؟ وقالى انا من عيونه بخاف .. وا نارى انا من .. *** خدوده بتخجِل الأزهار .. من فمه العسل مطّار .. من بسماتها برقاً طار .. من نظراتها ياسّتار بتشعل فى قلوبنا النار .. وا نارى انا من.. *** عطشان ياصبايا الحى .. ضهبان ياصبايا الحى .. ماشفتوهو زولاً لى .. حميدة اخلاقه سمح الزى .. صغِّيرْ وفى نفوره جِدَىْ .. مخلِّف فوق قلوبنا الكَىْ .. وا نارى انا من.. *** ولهان ياصبايا الحى .. مرضان ياصبايا الحى .. ماشفتوهو زولاً لى .. حميدة اخلاقه سمح الزى .. صغِّيرْ وفى نفوره جِدَىْ .. مِتِل زرع الجروف النيئ .. وا نارى انا من.. *** صُلَّاح نورى والبركل .. راجل الزومة لىَّ تصل .. تشهدوا بالعلىّ حصل .. عليك ياالله بتوكل .. يقوم لى جناح ما يتعطل بصبِحْ وزولى فوق لزحل .. وا نارى انا من..
