مسطول رشَّ السم فى عيش فيتريتة واتبرَّع بيهو للمحليَّة وقال ليهم: وزعوهو للفقراء ,,, مات تلاتين موظف من المحلية ,, وخمسة ضباط إداريين ,, والمخزنجى والباشكاتب ,, ولم يمت واحد من الفقراء ,, وتحت تحت قالوا ليك المعتمد زاتو مات.
Post: #2 Title: Re: المسطول والمحلية Author: Osman Musa Date: 09-30-2016, 09:55 PM Parent: #1
هلا ود العم ,, إنت فى المعتمد ولا فى اخونا عليش الريدة لقيتو فى البوست هنا قال عشرين كيلو جنوب الزيداب قريب من كبرى ام الطيور اتبرا. انا الحقيقة اتوَهدبتَ قلت ياربى الزيداب نقلوها شمال الفاضلاب ولا عشان انا طوَّلت من البلد؟
هلا ود العم ,, إنت فى المعتمد ولا فى اخونا عليش الريدة لقيتو فى البوست هنا قال عشرين كيلو جنوب الزيداب قريب من كبرى ام الطيور اتبرا. انا الحقيقة اتوَهدبتَ قلت ياربى الزيداب نقلوها شمال الفاضلاب ولا عشان انا طوَّلت من البلد؟ ـــــــــــــــــــــــــــــــــــــــــــــــــــــــــــــ
سلام يافاضلابي... قبل زمن بعيد،كنت ماسك لي مهام مالية...وفي يوم كنت مصدع صداع شديد،وكان برضو عندي تقفيل حساب شغال فيهو.. قامت الآلة الحاسبة الشغال بيها إتعطلت،والصداع ماشي زايد،وماعندي بندول... في واحد زميلنا في مكتب قريب،قلت امشي أشيل منو آلة حاسبة،وكان مالقيتا أشيل منو بندول وأنوم وأتم الشغل بعد الصداع يروح... .مشيت ليهو وطوالي قلت ليهو: داير لي آلة حاسبة وللا بندول؟ قالي :دي قوية والله..
*كلامي الإنت اقتبستو دا ،موجه لمستثمر إماراتي..مالي زول سوداني...لكن برضو كان مفروض نستخدم الفواصل في الكلام،والأقواس وبقية الحركات الموضحة...
Quote: *كلامي الإنت اقتبستو دا ،موجه لمستثمر إماراتي..مالي زول سوداني...لكن برضو كان مفروض نستخدم الفواصل في الكلام،والأقواس وبقية الحركات الموضحة..
هلا بالقلم السخى العليش لا ياحبيب انا بس فى اللَّول كنت قايلك شارب شاى بى لبن والأهم من ده كلامك ده يوحى لى بأنك من اندينا فاكد لينا الحكاية دى عشان ندِشَّا بيها وسط القوم ونقول ليهم ده عليشنا ورونا عليشكمم.
رغم ان النكتة تعتبر فى رأيى ركن من اركان النقد وإن شئت قل هى سلطة رقابية او مرآة تعكس مزاج المجتمع ,, رضاه ,, سخطه ,, تذمُّره ,, الخ. الا انها لم تتعد الههَهات التى يطلقها سامعوها ,, وينصرفوا دون تأمُّل ولاينوبهم منها سوى تعديل المزاج لحظياً مثل حقنة المخدِّر حالما يزول أثرها يعود الألم فمنهم من يستعمل المسكنات لتحمُّل الألم ومنهم من يدوس على المه ,, لأنْ لا وقت لديه ليرتاح .
