Post: #1
Title: اقتراح للتصويت. . من ضمن الاسئلة تقييم المنبر
Author: اخلاص عبدالرحمن المشرف
Date: 09-26-2016, 02:43 PM
Parent: #0
02:43 PM September, 26 2016 سودانيز اون لاين
اخلاص عبدالرحمن المشرف-
مكتبتى
رابط مختصر
للرجال فقط
توافق ان تنزل زوجتك للعمل تاني يوم. من وفاتك.
تتنازل الحكومة وتتواضع وتدفع لها الراتب
الاجابة الاولي تستدعي شراء نظارات اخر موديل لانها ح تحلف يمين ما تمشي مبهدلة ( ويمكن من اساسى ما تكون بكت بس كمان ما في داعي يعلقو. عليها)
واحدة كرهانا راجلها قالت لي اليموت والباقي ساهل
|
Post: #2
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 02:52 PM
Parent: #1
عدتكم وانتو حرين فيها
تدشدشوها تكسروها وحنا مالنا
|
Post: #3
Title: Re: اقتراح للتصويت
Author: محمد إبراهيم علي
Date: 09-26-2016, 02:59 PM
Parent: #2
دي ديكتاتورية جثث دي ولا شنو ههههه
زول مات كمان داير يتحكم
تنزل تقعد تعرس زاتو بي جازا :)
|
Post: #4
Title: Re: اقتراح للتصويت
Author: محمد البشرى الخضر
Date: 09-26-2016, 03:00 PM
Parent: #2
Quote:  |
|
Post: #5
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 03:11 PM
Parent: #2
واحدة قالت شايله بطاقات راجلها كلهم
والتانية بتحكي عن ايام زمان وكم دفعوا ليها في فتح الخشم
نساوينكم وانتو عارفنهن ما في شئ مجاني
دايرين تلغو العدة الغوها بس فلوس العدة ابعدوا منها
|
Post: #6
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 03:19 PM
Parent: #5
وعليه فاز اقتراح عدم تحكم الجثث
قبل العيد واحدة قالت لصاحبتها عايرة اجد فرش الصالون من وفاة المرحوم ما نجدتو
ردت قالت ليها مرحومنا هداك جوه له 7 سنين ما نجد الصالون
|
Post: #7
Title: Re: اقتراح للتصويت
Author: Hatim Alhwary
Date: 09-26-2016, 03:32 PM
Parent: #6
مساء الخير
هو شخص و "مات" حيستفيد شنو لو الأرملة حبست نفسها ولا ما حبست نفسها؟
هى للاسف عادات خاصة بمجتمع النساء في السودان
وصدقيني الارملة تحبس نفسها وتلبس ثوب ابيض وباقي الطقوس ليس بالدرجة الاولى حزنا وسلوانا للفقيد الراحل -لا اريد التعميم- ولكن الغالب بل ارضاءا للمجتمع وتحديدا مجتمع النساء
الرجال لا يعنيهم الامر
وكثير من العادات الاجتماعية في السودان -والغريبة ان معظمها مجحف للمراة- تجد ان الذي يراعيها ويحافظ عليها واستمرارها من جيل الى جيل هن النساء انفسهن
تحياتي
|
Post: #8
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 03:44 PM
Parent: #7
القصد مما اقول عدم الصدام مع المجتمع
لو قصة فلوس محلولة زي ما بتجيب عربية وتسدد رسومها
لو المجتمع وصل لدرجة الغاءها ما ح تكون في مشكلة
في حاجات فرعونية بس تبع السودان
معرفة ما يدور بالمجتمع شئ مهم ،في العاصمة حسب اعتقادي الامر سهل
|
Post: #9
Title: Re: اقتراح للتصويت
Author: ابوحراز
Date: 09-26-2016, 03:50 PM
Parent: #7
صراحة ماشاهدته وعايشته قد اصابني بالحيرة والدهشة
اعرف كم حالة وفاة حدثت لازواج رجال طبعا
بمجرد موت الراجل سبحان الله تتغير احوال البيت
تتغير للاحسن
شيء،مكيفات
وشيء سراميك وبورسلين
كراسي جلوس جديدة
وبوابة رائعة جدا
هذا بخلاف السراير وتغيير الثلاجة مع شوية طقوم ترابيز
وليس هذا هوالذي يحيرني فقط
وما يحيرني اكثر
ووقفت عنده بمنتهى الدهشة
ان المراة المحبوسة والله تخرج من الحبس سمينة وبيضاااااء
|
Post: #10
Title: Re: اقتراح للتصويت
Author: عبدالحفيظ ابوسن
Date: 09-26-2016, 03:57 PM
Parent: #9
سمعتي بي نكتة المرة الزارت صحبتها المحبوسة وجات تتونس مع راجلها .. قالت ليهو
والله دخلت لي الحبس في نفسي
بتكون قاعدة جوة الاوضة ونضيفة والناس يخدمو فيها . لامن جلدها رطب ولونها فتح
بخصوص السؤال
اتمني بعد موتي الا تجزع زوجتي واطفالي وان يواصلو حياتهم سعداء
|
Post: #11
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 03:58 PM
Parent: #9
كم عدد الموظفات في السودان 20%؟
الباقيات ح تقول لهم شنو ؟
المجتمع اليوم اقرب ما يكون للتخلي عن اشياء كتيره بس ما تجبرهم والا ستجد معارضة
|
Post: #12
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 04:03 PM
Parent: #11
باقي تقنع اختك ي حفيظ
|
Post: #13
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 04:08 PM
Parent: #12
الاهرامات دي بنوها السودانيين للاموات
اسه اي واحد فيكم بموت له زول بسافر للعزاء ناس امريكا والجهات ديك يمكن لا
الخصوصية والتدرج والاهم ف المهم
|
Post: #14
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 04:14 PM
Parent: #13
في السعوديه صاحبتي توفي راجلها اخدت اجازاتها والباقي اشتغلت في مركز نسائي
صدقوني المجتمع اقرب للتغيير بس ما تفرضو شئ
الجبر والقانون ح يضع العراقيل ويعيق التطور
|
Post: #15
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 04:32 PM
Parent: #14
وعليه الرجال موافقين بنسبة كبيرة والنساء معترضات
يمكن في الامر مصلحة لهن كما ذكر الاخ الو حراز
وعليه اقفل باب التصويت
|
Post: #16
Title: Re: اقتراح للتصويت
Author: عبداللطيف حسن علي
Date: 09-26-2016, 04:35 PM
Parent: #13
Quote: صراحة ماشاهدته وعايشته قد اصابني بالحيرة والدهشة
اعرف كم حالة وفاة حدثت لازواج رجال طبعا
بمجرد موت الراجل سبحان الله تتغير احوال البيت
تتغير للاحسن
شيء،مكيفات
وشيء سراميك وبورسلين
كراسي جلوس جديدة
وبوابة رائعة جدا
هذا بخلاف السراير وتغيير الثلاجة مع شوية طقوم ترابيز
وليس هذا هوالذي يحيرني فقط
وما يحيرني اكثر
ووقفت عنده بمنتهى الدهشة
ان المراة المحبوسة والله تخرج من الحبس سمينة وبيضاااااء |
صحيح ابوحراز
عادة بيكون الابناء عطالة وخاملين ، لانو الاب قايم بدوره براهو
بعدما يموت بيتحركوا لاحساسهم بالخطر ، وتحركهم نتاج خوف ، عشان كدا بيفوتوه هو حي
|
Post: #17
Title: Re: اقتراح للتصويت
Author: جعفر محمد امام
Date: 09-26-2016, 07:33 PM
Parent: #1
الاخت / اخلاص المشرف
سلام عليكم
قالو الراجل في سرير الموت ، قال لزوجتو عليك الله يا فلانة بعد ما اموت و انت تعرسي تاني ، جلابتي السمنية راجلك ما يلبسها ، قالت ليهو ( بري ههي ذاتها ما قدرو )
________________________________________________________________________
الامر الوحيد المنهي عنه بامر رباني هو خطوبتها وهي معتدة من موت زوجها
بخلاف ذلك كله عبارة عن عادات و تقاليد وثنية
|
Post: #18
Title: Re: اقتراح للتصويت
Author: صباح حسين طه
Date: 09-26-2016, 07:46 PM
Parent: #17
يا ريت لو نتناول كل أمورنا الجادة وأصبحت مشكلة بصبها في قوالب فكاهية تفتح النفس للتناول
وذي ما قالت أختي اخلاص اهم ما في الموضوع دا إنه فعل الزمن أقوى من فعل الناس فيه
بس في راي في راجل تنحبسي ليه بدون حبس وفي راجل تحتفلي بوداعه
|
Post: #19
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 08:45 PM
Parent: #18
تسلمي اختي صباح
التطور سنة الحياة والاموال ال بتنصرف في بعض الطقوس أولي بها الاسرة والتمييز الايجابي للمرآة مطلوب
|
Post: #20
Title: Re: اقتراح للتصويت
Author: حمد إبراهيم محمد
Date: 09-26-2016, 09:44 PM
Parent: #19
............... نكتة...........
بت المشرف صاحبة البوست ، والاحباب المشاركين – سلام...
بمناسبة عدة المرأة المعتدة، نكتة ظريفة مبذولة بتصرف ...
------------
شاب "قليل الخبرة في الحياة" من ريفنا الحبيب، تزوجت اخته وطلقت وبعد فترة خطبها رجل اخر.
الماذون حضر لمنزل أسرة الشاب لاتمام عقد الزواج، والماذون يسأل الشاب.
الماذون: اختك بكر؟
الشاب: لا .. البكر انا.
الماذون: قصدي هل تزوجت من قبل ام لم تتزوج بعد...؟
الشاب: أي أي أي.. تزوجت ود عمها وطلقناها منو.
الماذون: هل دخلت في خلوة؟
الشاب: ااااي دخلناها خلوة الشيخ.
الماذون: قصدي هل هي وطليقها دخلا في غرفة لوحدهما.
الشاب: اااي ما ساقها ومشوا بيتهم.
الماذون: اختك اخذت عدتها؟
الشاب: اااي حتى الفناجين جابتن ما خلتن.
الماذون: شرط دفتر قسائم الزواج وقال: انعل ....... وراح فتح ليه محل "ودعماري".
******
---------- سؤال: هل يحق لي شرعا ان اسمح لزوجتي أن لا "تحد علي" وتفعل ما تشاء؛ إذا وافاني اجل الله قبلها...؟
تحياتي
|
Post: #21
Title: Re: اقتراح للتصويت
Author: اخلاص عبدالرحمن المشرف
Date: 09-26-2016, 09:53 PM
Parent: #20
دي اخوي حمد اجابتها عند المولانات اما ناس حوش بكري حسب الاستفتاء الميت ما عندو حقوق
اوعاكم يا النسوان تموتوا الاول ديل لي روحهم ما ادوها حقوق
تاني يوم بعرس ف شنو خليك حريفة
|
Post: #22
Title: Re: اقتراح للتصويت
Author: اخلاص عبدالرحمن المشرف
Date: 09-27-2016, 01:09 AM
Parent: #21
اقتراح اخر للتصويت
منبر بكري يستحق
لا يستحق
|
Post: #23
Title: Re: اقتراح للتصويت
Author: اخلاص عبدالرحمن المشرف
Date: 09-27-2016, 01:17 AM
Parent: #22
ابهما اكثر حرية وابلغ اثرآ
منبر بكري
الراكوبة
|
Post: #24
Title: Re: اقتراح للتصويت
Author: اخلاص عبدالرحمن المشرف
Date: 09-27-2016, 01:44 AM
الفرق بين عدد المتصفحين قبل الاستفتاء وبعده
فترة تمديد يمكن حد يقول في حرية طبعآ التاوقو ومرقو خائفين فهم تبع الاجماع السكوتي
|
Post: #25
Title: Re: اقتراح للتصويت
Author: اخلاص عبدالرحمن المشرف
Date: 09-27-2016, 02:53 AM
Parent: #24
اغلق باب التصويت
عليه اتم اجازتي وارجع براحتي
|
Post: #26
Title: Re: اقتراح للتصويت
Author: اميرة السيد
Date: 09-27-2016, 03:00 AM
Parent: #24
اظن والله اعلم ان حكاية الحبس دي انما استجابة لامر الله
بان تظل الارملة التي مات زوجها في بيتها ولا تتزوج الا بعد مضي اربعة
اشهر وعشرة ايام ...حتى لا تتخلط الانساب ويتبين الامر اذا ما
كانت حامل من زوجها الذي توفى...و نرجو من الفقهاء التعليق اذا كان
هذا هو التفسير...
ولكن اعتقد ان اغلبية السودانيات لا تتزوجن بعد وفاة ازواجهن الا بعد فترة
طويلة ولاسباب وظروف قاسية تمر بها، ولكل قاعدة شواذ...
...
منبر بكري يستحق ..يستحق ..الاشادة يا اخلاص...
..لم ازر الراكوبة حتى الان...حتى احكم...ورينا الويب سايت عشان نزورها...
والله يديك الصحة والعافية
|
Post: #27
Title: Re: اقتراح للتصويت
Author: اخلاص عبدالرحمن المشرف
Date: 09-27-2016, 10:27 AM
Parent: #26
رائك مقدر ي اميرة
و برضو اعذرني .. احصل الاجازة ال ح تبوظ
الموقع هوAlrakoba
الراكوبه
تجي معاك بالعربي ولا الانجليزي
|
|