Post: #1
Title: سرقة 30 ألف دولار من منزل سفير السودان بيوغندة
Author: سيف اليزل سعد عمر
Date: 09-24-2016, 10:24 PM
10:24 PM September, 25 2016 سودانيز اون لاين
سيف اليزل سعد عمر-
مكتبتى
رابط مختصر قروشنا الهاملة دى....
الناس ما لاقية درب بتاع كوليرا
والسجمان ده عنده 30 الف دولار في البيت ...
|
Post: #2
Title: Re: سرقة 30 ألف دولار من منزل سفير السودان بيوغ
Author: سيف اليزل سعد عمر
Date: 09-24-2016, 10:31 PM
Parent: #1
|
Post: #3
Title: Re: سرقة 30 ألف دولار من منزل سفير السودان بيوغ
Author: سيف اليزل سعد عمر
Date: 09-24-2016, 11:04 PM
Parent: #2
في أكتوبر 2011 سرقت اموال من منزل قطبي المهدي بلغت 40 الف يورو، 11 الف فرنك سويسري، 2 الف ريال سعودي و 5 الف جنيه إسترليني....
الشهر الفات ده تمت سرقت اموال من شقة يملكها الكوز صابر محمد الحسن بلغت 28 الف يورو و 32 الف دولار....
معقولة؟؟!!! بالله دي حالة دي!!!!
|
Post: #4
Title: Re: سرقة 30 ألف دولار من منزل سفير السودان بيوغ
Author: سيف اليزل سعد عمر
Date: 09-25-2016, 06:54 AM
Parent: #3
سفير يوغندة ده مقرش خلاس والناس ما لاقية درب لمرضي الكوليرا...
بيت السفير ملاصق مكتب مدير الأمن اليوغندي ومواجه لمنزل الامين العام للحزب الحاكم ومجاور للسفارة المصرية والليبية ومنزل سفير الكنغو. الحرامي ده يكون تلب بوين؟؟؟؟
حسب السلطات اليوغندية سعادة السفير كان معاه إثنين من اليوغندين هما من تم إتهامهما بسرقة المبلغ....
قروشنا السايبة دي......
|
Post: #5
Title: Re: سرقة 30 ألف دولار من منزل سفير السودان بيوغ
Author: عبدالحفيظ ابوسن
Date: 09-25-2016, 06:58 AM
Parent: #4
ماهيتو كم يا سيف وليهو كم سنة لامن وفر قدر دة
وهو هناك موظف يفترض عندو ماهيتو بس
نحن مرضة ملاريا تجهجه الميزانية
بالمناسبة اموال قطبي كان معاها ليرة لبنانية !!
|
Post: #6
Title: Re: سرقة 30 ألف دولار من منزل سفير السودان بيوغ
Author: سيف اليزل سعد عمر
Date: 09-25-2016, 08:39 AM
Parent: #5
سفير السودان في السويد المعانا هنا ده كان
معين زوج بنته مسؤول من منزل السفير ومسكنه
معاهو كهرباء وموية وخدمات دافعها الشعب السودانى
و فوق ده كله بدفع ليهو مرتب 2000 دولار في الشهر...
ديل يا عبد الحفيظ بجنبوا المرتب وبحللوا اموال الشعب
السوداني...والاتسرق ده كله حرابيش مقارنة بالنهب والسرقة
الممنهجة في الخرطوم...
بالمناسبة الليرات اللبنانية الاتسرقت من قطبي احتمال يكون عندها علاقة بالحوايات....
|
Post: #7
Title: Re: سرقة 30 ألف دولار من منزل سفير السودان بيوغ
Author: علي عبدالوهاب عثمان
Date: 09-25-2016, 09:40 AM
Parent: #6
حبيبنا سيف .. المبلغ ده مصاريف البيت
يعني حاجة كده فوق التربيزه لزوم شراء إحتياجات البيت .
أكيد الانسان إذا كان المبلغ ده كان كل مدخراته ما كان أهملو ..
أحياناً الواحد ممكن يعني لا يعير الاهتمام بعشر ماله ..
حقيقة يا سيف .. إن خالق عز وجل يعمي بصيرة الانسان لشر أعماله .. سبحان الله
مما يجعل هؤلاء بعلنون عن هذه السرقات ويفتحون على أنفسهم جحيم الاعلام والتواصل والمنتديات
أحياناً الانسان يكون مسلوب العقل والفكر ..
مودتي سيف ..
|
Post: #8
Title: Re: سرقة 30 ألف دولار من منزل سفير السودان بيوغ
Author: سيف اليزل سعد عمر
Date: 09-25-2016, 10:54 AM
Parent: #7
| Quote: حبيبنا سيف .. المبلغ ده مصاريف البيت |
ياتو بيت؟؟. يقال إنه السيد السفير ساكن لوحده واسرته في دولة أوربية...اللهم الا اذا كان بيصرف علي حفلات استقبال مختلفة الانواع يوميا....ده فساد عديل يا علي....وياهو بالطريقة دي بتضيع أموال الغلابي الكادحين.....
|
Post: #9
Title: Re: سرقة 30 ألف دولار من منزل سفير السودان بيوغ
Author: عادل خياري
Date: 09-26-2016, 01:01 AM
Parent: #8
السفير ده لا عندو حساب بنك
لاعندو خزنة في البيت
كلام
|
Post: #10
Title: Re: سرقة 30 ألف دولار من منزل سفير السودان بيوغ
Author: سيف اليزل سعد عمر
Date: 09-26-2016, 07:27 AM
Parent: #9
Quote: السفير ده لا عندو حساب بنك
لاعندو خزنة في البيت |
مرحب أخونا عادل الخياري...
خزنة شنو وحساب شنو؟ هي اساسا
مخطط ليها إنها تتسرق وبعداك يبلغ عنها. دي ما أموال
الشعب السودانى الهاملة...اذا عرفنا بس
سرقت عملات أجنبية بالطريقة دي من قطبي وصابر والزول ده
الطرق الثانية فيها لعب تقيل جدا وفساد وصل بالبلد مرحلة الإنهيار...
تحياتى ومشتاقين يا أخو....
|
Post: #11
Title: Re: سرقة 30 ألف دولار من منزل سفير السودان بيوغ
Author: اميرة السيد
Date: 09-27-2016, 00:49 AM
Parent: #10
يا عبد الحفيظ ود ابو سن
لازم تعرف ان اي سفير سوداني
لمن ينقلوهو بره السودان بصرف الاف
الدولارات شهريا كمرتب اساسي والسكن مجان
والعلاج مجان وعنده خدم وطباخين
ومصاريف خصوصية بسموها المصاريف
السرية البعمل بيها الحفلاتِِ... واكيد هو بيلهف من المصاريفِ
دي برضه بالالافِِِِ....
عشان كده يا ود ابو سن اذا ولدك عاوزه يرتاح
خليه يدخل الخارجية ويبقى سفير...
واذا انت عاوز تعرف مرتبه حيكون كم قول لي
وبوريك التفاصيل...وقريب بسمات دبلوماسي
وحنعرف منه تفاصيل..
والله يديك الصحة والعافية
|
|