شكرا

09:40 AM September, 24 2016

سودانيز اون لاين
نعمات عماد-khartoum
مكتبتى
رابط مختصر

سلام
هذه ليست محاولة لاعادة الأخطاء
بل شكر واجب للذين لم أتمكن من الرد على كلماتهم الرائعة

أستاذنا و أخونا الموصلي
الأخوة :
خالد العبيد
معاوية الزبيز
عبد الحفيظ أبوسن
علي دفع الله
عثمان عووضة
طلحة
حمد عبد الغفارعمر
ابراهيم حمودة
حافظ بشير
محمد حيدر المشرف
منير
و أعتذر لمن سقط أسمهم سهوا
أهديكم أجمل ما قرأت بالأمس .. مداخلة الأستاذ ابراهيم حمودة

الأخت الفاضلة دكتورة نعمات.. سلام يغشاك وتسلمي من كل شر.
قالو إمام المسجد كان شغال خطبة وتطرق كالعادة لتفصيلة ما زلتم تتبعون خطوات الذين من قبلكم حتى لو دخلوا جحر ضب لدخلتموه.. أخرجه بخاري..
سأل الحلفاوي مقاطعا:
الضب؟
فأجاب الإمام: لا.. الحديث.
سأل الحلفاوي مرة أخرى:
من جحر الضب؟

الحكاية دي بقت تشبه لي حواركم الدائر ده ما عرفنا منو أخرج شنو.. (سمايلي)
وعلى ذكر السمايلي أقترح على دكتور أبوبكر أن يكثر من استخدام المبذول من جمهرة السمايلي كي تساعد القراء في فهم نوع الاحاسيس التي تغلف حديثه.
الحديث وجها لوجه تدعمه رنة الصوت ونغمته وتعابير الوجه وحركة اليدين وكامل لغة الجسد، وهي أدوات تكشف بوضوح عن مقاصد الخطاب. في غياب هذه الأدوات يضرب الناس خماسيهم في سداسيهم و "للضمان" يتم تفسير الرسالة بأقصى درجات سوء الظن، بناء على سمعة المستنير السائدة..
أشك في أن يستخدم المستنير هذا الحل، فاستراتيجيته لا تنبني على البحث عن حلول.. لأن اللعب كلو يتم على مستوى القراية ودي ذكرتني زمان وصف عمنا "رولان بارت" لمسألة القراءة وتقسيم النصوص:
نص اللذة وهو نص متيسر وفي المتناول يكون الانتقال فيه من الدال للمدلول سهلا.. وبالتالي يسطيع الجميع الحصول على هذه اللذة وكذلك أصناف اللذات الأخرى من أكل وشرب ونوم واشباع للشهوات.
وهناك نص النشوة.. والنشوة يتعذر على الناس على اطلاقهم بلوغها، إلا اصحاب الحظ العظيم.. كان قوقلتوها عندها تشبيهات جميلة وما بتتقال في هذا المقام، ، وديل جماعة المستنير الذين يبحث عنهم ويخصهم بخطابه عشان كده بشكل متكرر قاعد ينصح الناس يمشو يتفسحو في قوقل شوية عشان يفهمو مرامي كلامو.. زي لما تقول للشفع امشو العبو برة.. وده ممكن نصنفو كنوع من الرياضة برضو، لكن خلونا نسأل عن فكرة المنبر ده من أساسو الناس قاعدين فيهو ليه؟ لأنو عالم مفترض أو وطن افتراضي ومكان لتبادل الأفكار، ولا لمة زي لمات الجمعية التعاونية أو مكتب شئون العاملين في مصلحة حكومية مترهلة تحتاج اعادة هيكلة بشكل فوري؟
السؤال ده بتترتب عليهو حاجتين:
في ناس بعتبرو قنوات التواصل الاجتماعي ومنابر الحوار زي سودانيز اونلاين عالم افتراضي الناس ممكن يمارسو فيهو الاجتماعيات ويشبعو رغبات التواصل بدرجة من الدرجات لكن ما بكون بديل للعالم الحقيقي الملموس البتلاقي فيهو الناس عيانا بيانا لذلك بكون هدفهم وتركيزهم على المحتوى الرسالة في عملية التواصل.. يعني الناس بتناقشو وبتبادلو الأفكار والمعارف والتجارب.
خلاصة الفرضية دي إنو العضو ما بحتاج يصرف الشيك بتاعو هنا .. يعني التقدير الممكن يحصل عليه الفرد هنا ما جايب مويتو، بلغة علم الاجتماع وعمنا "بيير بورديو" راس المال الرمزي لا يتحول لمكسب حياتي مباشر..
يعني لو عندك عربية جاغوار العربية دي في تققيمها الاجتماعي تتعدى القيمة النقدية لتتحول لرأس مال رمزي.. أي نعم أي تاجر مخدرات ممكن يشتري جاغوار، لكن المواطن صديق ( على وزن المؤمن صديق) يعتقد أن شخص يمتلك مثل هذه السيارة لا بد أن يكون نافذا ومتنفذا وعندو اصحاب وزراء وضباط شرطة وعيييك.. عشان كده لو عربيتك دي اتعطلت في نص حي شعبي بالليل الناس بعملو حسابهم ما في زول فالت بحاول ينهبك مثلا خوفا من العواقب.. وبرضو كان قلت يا شباب ممكن دفرة تلقى الناس يطاقشو عشان يساعدوك (احتمال يطلعو منك بحاجة).. أو على الأقل يكون عندهم حكاية ساعدوا مشهور (دفرنا عربية طه سليمان).
(ده اذا صدق ظني وطلعت الجاغوار غالية من الأساس.. أنا ما عندي حديدة والحمد لله)
الفرضية التانية ودي افتكر الحالة النحنا فيها دي.. بتقول انو الحواجز تلاشت بين العالم الافتراضي والعالم الحقيقي.. زي لعبة بوكيمون غو.. عندي زميلتي من تطلع من المكتب بتكون ماسكة الموبايل بتفتش لبوكيمون مرات تظهر ليها على الشاشة كديسة حايمة، كديسة حقيقية أو طير تقوم تفتكرو بوكيمون تحاول تقبضو..
أها جنس التداخل بين الافتراضي والواقعي ده ممكن يخليك تقرا النزاعات التي تحصل هنا بشكل مختلف..
ودي ممكن برضو مقاربتها بديناميكا المجموعات يعني منبرنا ده هو مكتب شئون العاملين في مصلحة مترهلة عندها فائض عمالة لكن على الصعيد الاجتماعي في شلليات وصراع نفوذ وقوة ليس على المستوى الوظيفي (هنا كبير الباشكاتب بكري وبس) ولكن على المستوى الاجتماعي، وده مستوى أقرب للغريزة.
اتنين من الموظفين مثلا يكونو متنافسين على زميلة موظفة تقوم الحاجة دي تخلق حساسيات بيناتهم يتم تصفيتها على مستوى الشغل، يعني خلاف المحتوى في تفاصيل العمل اليومية مرات يكون ما عندو أي علاقة بالمحتوى. عندو علاقة بالخلفية القلناها..
برضو في موظفين شفوت لله والرسول وعايزين الاحتفاظ بمكانة خاصة بدون أي سبب وجيه لاحتلال هذه المكانة.. (سمايلي بعين غامزة خصيصا للمستنير)..
بالتالي يتعدى دخول المنبر مجرد الاجراء الاليكتروني على الشبكة العنكبوتية، ليتحول للدخول لمكتب حكومي كبير مضمخ بروائح الملفات القديمة والغبار والفول. تتحول الحوارات المفتوحة لحلبة عكننة يجب أن تنتهي بمغادرة احدهم لمبنى المكتب مغاضبا (الله يضر الكيزان ركبونا في لغة غريبة).
في تقديري هذا ما يحدث الآن.. تحول هذا المكان من منبر للحوار يقترب فيه الناس من بعضهم رغم المسافات الجغرافية لصالة ثلاثية الأبعاد محسوسة ويتصرف الناس فيها بناء على هذه المحسوسية، صالة يحس فيها الشخص بنفس الآخر حارا ببصله وثومه وكراثه بكل ما يجلب ذلك معه من إحساس بالنفور والضيق.. وهذا ما يبرع فيه ***** ويتلذذ به حسب ظني .. التنفس للآخر في عنقه.

الدكتورة
نعمات عماد
حمد الله علي السلامة ونورتي البورد
وكل سنة انتي واسرتك بالف خير

لك كل الود والاعزاز
دومآ رائعة

سلامات دكتورة نعمات .. فعلاً مداخلة ابراهيم حمودة مداخلة رائعة كنت عايز أشيد بيها فى حينها، لكين نية التعقيب راحت منى فى الزحمة .. :)

إن شاء الله بس تكونى تجاوزتى العكة الماجايبة همها دى ..

صباح الخير نعمات..

آخر مداخلة فى بوست لكى بخصوص كمال عباس أمس على ما أذكر..
رجعت فى المساء ما لقيت البوست..
فهل هو نفس البوست الذى شكرتى فيه من تداخل معك ونسيتى مداخلاتى الاثنين ؟
أم هل أنا غلطانة فى عنوان البوست وأنه موجود ولكن أنا ما قادرة افهم ؟
أم سحبه بكرى ونقول الحمد لله لان الشكل فى المنبر دا ماليه داعى اصلا حتى فى الرد عليه ؟
ولا البوست مشى وين ؟
يا ريت توقعى لى الكلام لآنى أهتميت بموضوعك فى البوست المختفى..

الاخت نعمات حماد مساء الخير ..
كتبتي بوست خاص لابو بكر عباس وردمتيه ردم السواد واللواد ...اتداخلو زملاء كتار ووضحو ليك انك زعلك مافي محلو والبوست اتواصل بس هسي ما شايفو زي الاتسحب ..جيتي تاني كتبتي بوست عنوانو شكرا مليتوه كلام كتير قدر ما حاولت افهم محتواه غلبني كلو كلو ...العاوز اقولو انتي لمن جيتي البورد دا اتخصصتي في نقل اخبار الصحف ونححتي فيه وعملتي قاعدة قراء ما بطالة .فنصيحتي ليك ركزي في نقل اقوال الصحف افيد ليك وافيد للقراء البتابعوك عن نفسي لا قاعد اقراها لا ورقية ولا منقولة في السايبر ..
هذا مع احترامي وتقديري ..
وشكرا

تحياتي أخت نور تاور والتحية للأخت نعمات

Quote: صباح الخير نعمات.. آخر مداخلة فى بوست لكى بخصوص كمال عباس أمس على ما أذكر.. رجعت فى المساء ما لقيت البوست.. !

لعلك تقصدين أبوبكر عباس !
هناك كمال عباس وهشام عباس و أبوبكر عباس تجمعهم زمالة المنبر !

سلامات نعمات
عشان ماتزعلي مني تاني بأكد اولا على حقك في توجيه الشكر لمن تشاءين
بس احب اعرف الشكر ده على شنو بالضبط طالما أكد لك أكثر من متداخل في بوستك الاخير عن اخونا ابوبكر أنه لم يسيء إليك .. وهو نفسه أكد ذلك
احترامي وتقديري لك

كمال عباس ..
صباح الخير..

أنا فعلا أقصد ابوبكر عباس..
وهو خطأ غير مقصود..
فلك العتبى حتى ترضى..

سلام اخ محمد نور عودو

كل عام وأنتم و الاسرة الكريمة كما تتمنوا

المنبر منور بيك و بي ناسو كلهم

مشكور

شكرا يا نعمات ..
والاخ ابراهيم حمودة زول بتاع محن عندما يتعلق الامر بالكتابة الجميلة .. شكل الكتابة جميل وروح الكتابة اجمل. والأجمل من كل ذلك قراءتها هنا وقد فاتتني بي هناك ..

إقرار وتوضيج:
أقر أنا أني أشكرك للسبب اعلاه واتحمل تماما مسؤولية هذا الشكر.

Quote: أقر أنا أني أشكرك للسبب اعلاه واتحمل تماما مسؤولية هذا الشكر.

يا ود المشرف خلى حاجاتك واضحة و محددة و قاطعة
ياتو مسئولية الح تتحمّلا .. الاخلاقية وللا الجنائية .. و كمان شكرك ده فيهو ريحة المسئولية التاريخية برضو
ف شنو
ما تجهجهنا معاك

دكتورة نعمات كل الشوق يا حبيبة
والف حمد لله على السلامة
تستاهلى كل الروائع والكلمات الجميلة يا انسانة
ود المشرف
الف حمد لله برجوعك اوعاااك تانى تقول ماشي
ياخى نحن بنتعلم متكم عاوزين تمشوا تخلونا
انتوا فاكرين نفسكم احرار
انتوا ملك لنا بحروفكم واقلامكم الرائعة
تحياتى

أختي الحبيبة اخلاص

مشكورة على الكلمات الجميلة .

طبتي و طابت أيامك دايما .

سلام اخ المنير

مبدع جدا الاستاذ ابراهيم حمودة تتمني ان يثري المنبر اكثر بكتابته الجميلة .

مشكور على السؤال ....قالو عكة تفوت و لا حد يموت .

سلام يا نعمات

ابراهيم حمودة صور المسألة تماما في نص إدبي ممتاز

عفواً يا نعمات
حيث اني احد الذين وجِه لهم الشُكر
والشكر ل ابراهيم وذلك النص الذي لم أحظ بقراءته هناك
تلاقي الواقع الافتراضي والحقيقي . كما يحدث في افلام الخيال العلمي .. من مات هنا حتما مات هناك . الموت بمعناه البلاغي
اهو هسة الناس المابتعرف معاوية الزبير الا افتراضيا تفاعلت مع موت والدته الحقيقي المرير تفاعلا حقيقيا .وبل انتقلت العلاقة من واقعها الافتراضي نحو الواقع الحقيقي .. وغير ذلك من احزان وافراح الناس
ف شنو
المنبر صار واقعا حقيقيا يبذل الناس ذواتهم فيهم ويعيشون واقع يومهم فيه
ف حقو
نزداد حساسية في اسلوب الخطاب والحوار ونختار الكلمات بعناية في تلك الاركان المظلمة من الحوار حتي نبدد عتمة سؤ الظن
كثير مودة وحب .. إن جاز ذلك الحب دون اعتبار جندري

د نعمات
وجودك في حد ذاته شكرا
ونرجو أن تزول وتزال كل الغمامات التي تغطي سحابات المحبة
وعشمنا في ذلك
عشم الارض القاحلة في هطول المطر
لك الود

الآخت الفاضلة نعمات عماد...

أنا اسمى ما بسقط سهوا..
ورسالتك وصلت مع الشكر..

اختي الحبيبة نور تاور

ما قريتي ردي ليك في البوست أياه ؟

كتبت فيه عن فخر نساء السودان بنضالك و عن نبل و عدالة قضيتك

وعن معاناتك وتمسسك بحقك في التعبير مهما كلف الأمر .

لم يسقط أسمك سهوا لأني فطيت ناس عشان أرد عليك أولا

كنت حزينة لزعلك و لكل ما حدث في الماضي داخل المنبر

تجاوزك للماضي و تساميك عليه دليل على قوة ارادتك و عزيمتك .

كوني بخير .

سلام أخ علي دفع الله

عساك طيب ؟

مشكور للنصيحة و لوقتك .

البوست ليس له غرض سوى شكر كل من تفاعل وتداخل ناصحا أو

مبينا لوجهة نظره . لم أتمكن من شكرهم أمس أساسا بسبب بطء سرعة النت و أنقطاعها.

سلام و تحية أستاذ كمال عباس

البوست نور بمرورك الكريم

شكرا لك .

سلام أخ حيدر حسن ميرغني

من وين جاتك فكرة اني زعلانة ؟

قدرت كثيرا اعتذارك و هو يدل على صدق و ذوق .

أمس رديت على بعض المتداخلين لذا لم أذكرهم هنا

في هذا البوست رديت على باقي المتداخلين بشكرهم

لأن مداخلاتهم الأصلية غير متوفرة كلها .

لا يهم في أي جانب كانوا فأنا أشكر اهتمامهم و تداخلهم .

وافر الاحترام

طيب والرميتيهو بي تهمة قدر الضربة دة موقفه في الأمم المتحدة شنو ؟

سلام د . محمد حيدر

أسا الشكر ده عيبو شنو ؟ تهمة يعني ؟

شكرا لاقرارك و لعودتك للمنبر .

و لا شكر على واجب .

تسلم .

سلام أخونا جلالدونا

أنت ح تودي الراجل في مصيبة ( لا سمح الله ) عشان ال4 حروف ديل ؟ ههه

**نسيت أضيف وجه ضاحك في ردي لدكتور محمد حيدر .

وضاحة دكتورتنا الجميلة

مشتاقين . أحوالك ؟

يا ستي أنت اللي تستاهلي كل الكلمات الرائعة ياذوق .

تمنياتي لك بالتوفيق في كل شئ .

تسلمي .

سلام أخ حمد عبد الغفار

المداخلة تمام كما وصفتها نص أدبي ممتاز و سهل ممتنع .

يديك العافية .

التحية لك دكتورة نعمات وأهو ذي ما بقولوا البتجي من السما تحملا الواطة والله بدي الناس لو مافي الدنيا في الآخرة على قدر نياتها ونواياها

مشكورة نعمات على الرد
تقديري لك

Quote: المنبر صار واقعا حقيقيا يبذل الناس ذواتهم فيهم ويعيشون واقع يومهم فيه ف حقو نزداد حساسية في اسلوب الخطاب والحوار ونختار الكلمات بعناية في تلك الاركان المظلمة من الحوار حتي نبدد عتمة سؤ الظن كثير مودة وحب .. إن جاز ذلك الحب دون اعتبار جندري

سلام عبد الحفيظ يا شريكنا في القهر و الكوليرا و الموت البطئ

شكرا للمداخلة الجميلة و لتذكيرنا بمراجعة انفسنا و المحبة الأخوية .

تصدق أمس كنت أكتب و أنا محمومة فعلا و النت ذي الزفت .. كلمني أخ فاضل و نصحني بسحب البوست

فوافقت و أوكلته بذلك . و لأني مشوشة بالحمى لم أحفظ الصفحةالتانية من البوست و لم أقرأ كل المداخلات .

مداخلة حمودة لم تلوم و لم تحكم على أحد ، فقط فسرت كيف يتحول اختلاف الرأي الى ضيق سايبري بلآخر .

كن بخير .

أستاذنا المبدع الموصلي

شكرا لكل هذا التفاؤل و الأمل و الثقة في بكرة .

و أكيد الغمامات ح تزول و مهما عمر السكة طال بلدنا ح ترجع هيا هيا

دم بصحة و عافية .

رميتيهو ؟

والله انا خايفاك ترمي نفسك بسبب البقجة اللي على ضهرك

يا أحمد ياخي الكراهية حتخليك تفقد المنطق .. ثم ، ألعب غيرها .

ألف تحية لك يا صباح حسين و يوما أبيض زي القشطة الجابك

نورتي البوست و المنبر كلو . ما تمشي أي مكان خليك هنا المنبر محتاج ليك .

دمتي .

العفو يا نعمات يا اختي
كراهية شنو ياخ !
مافي حاجة شخصية
ولا في أي لعب
سؤال مباشر شديد
انتي جيتي اتهمتي زول بي إنه اتعدى عليك لفظياً ومن مداخلات الناس معاك وسحبك للبوست واضح إنك عرفتي روحك غلطتي في التهمة
سؤالي عندك ليه اعتذار ولا لينا نحن القراء القرينا تهمتك دي ولا لسة مصرة على إنه غلط فيك ؟

تسلمي يا نعمة العقل واللسان يا عفيفة رسالتك عبر البوست الطيب مثلك وصلت لمن يعنيهم الأمر
بس الله يحفظك ممن لا يعنيهم البوست ومن الكوليرا الاتفشت
القرا ليك من قبل يا اختي والحيقرا ليك لقدام ما حيجدوا فيك الا حامل المسك
عمرك ما كنت نافخ كير

نعمات عماد





سلام الفاضلة د. نعمات ،
التقدير و الإحترام و التجلة ،
لشخصك الرفيع المقام ،
عندما تغيب الأقلام النيرة ،
تنطفئ شمعة سودانيز اون تماماً ،
بغيابك عمَّ الظلام الدامس ،
تحياتي ،
،،،،،،،






عزالدين عباس الفحل
ابوظبي

يا دكتورة أزيك تحياتي
أنا ماقريت حاجة ولا عارف الحاصل شنو لكين المهم شكرا ليك
وأنشالله كل الاماني الكويسة معك