محمد حيدر المشرف

05:24 AM September, 21 2016 سودانيز اون لاين
عبدالحفيظ ابوسن-no where
مكتبتى
رابط مختصربعيداً عن تداعيات او مآلات أي بوست سابقتعالْ يبقي للمنبر بريقه ووهجه بوجود كل ناسهلازال أسمك حاضرا هناهذا بوست مودة ومحبة فقطإذا عادت بنا الايام يا صاحب وثمة فتاة لثغة العصفور وانفاس الرياحين

كتير بنعاتب الماضي
ولا أسفاً علي الحاضر
خليك نغم فنان ياخ

نشوة ريد

إحساس إكليل

وردة وصلك جنة أصلك

نجم الليل الوصل جميل

نحنا مشينا الخطوة الأولى

وإنت معاى مشوارنا بيقصر

بكرة بنحكى الشوق للذكرى

نار الريد الغابت تظهر

الأطفال يا فاطمة بغنو

الأفراح لا بد من ترجع

الأحلام الدونك فاتت

لو واصلنا صباحا بيطلع

نشوة ريد إحساس إكليل

وردة وصلك جنة أصلك

نجم الليل الوصل جميل

صباح الخير يا عبدالحفيظ
والتحية لود المشرف

عبد الحفيظ ابو السن - الاخ المحب دوما

لك كامل الود وللاسرة الكريمة

الاخ الدكتور حيدر .. سيزدان المنبر بعودتك ... اتمناك وانت بالف صحة وعافية

شكرا اخى ود ابو سن دائما انت الرائع .. حفظك الله

.......

هاك الاختيار ملحّن .. ونعم الاختيار

تُشكر جلال
البوست مناداة للعزيز المشرف
نناديه فقط

صباح النور
فرح
تشكر والله

صباحكم خيراخوتي ... الكلس ابو سن وضيوفو الاوفياء ..


اعجز أن اقول .. ولكن ..


في الانتظار حتي أن يعود ..


ودمت يا ود المشرف ,,,

دكتور مثقف ناشط في حقوق الناس وحقاني
اختلف معه في كثير من الأشياء المهمة جدا
وبيننا اختلاف ممتد هنا يشهد عليه كثير من
الناس .. ولكن اشهد انه صاحب دواخل طيبة
ونفس نقية تتمني الخير للناس ولكل أسلوبه
في كيفية إدارة الخلاف مع الاخر . وأحييه
وهو في منفاه الاختياري واتمني عودته
حتي يواصل رسالته آلتي يؤمن بها حتي
اخر لحظة وتحمل الرأي الاخر بصدر رحب

--------
ود أبوسن عيد ينعاد عليك بالخير والبركة
والتحية للجماعة آلِ المكاشفي في نواحيكم

سلام على ود اب سن سلام على ود المشرف وسلام على مبدع نشوة تريد قاسم ابوزيد
وسلام على مصطفانا

السلام عليكم اخي عبد الحفيظ وضيوفه

المشرف انسان راقي وجميل في بوستاته وردوده....ما عدا بوسته الاخير....

اضم صوتي لصوت الآخرين واناشده ان يعود ....

وكل عام والجميع بخير وعافية وصحة وافرة

المشرف انسان راقي وجميل في بوستاته وردوده عدى بوسته الأخير كلام جميل ولكي التحية وفعلا ود المشرف راقي وجميل في بوستاته وردوده انا بالتحديد لا اتفق مع ود المشرف في كثير من المحاور واعتبره مهادن ومجامل ولا اخفيك سر أن قلت لكي بأنني من المعجبين جدا بوستاته وردوه حتى الردود التي يجامل فيها كبر مثلا على حساب شخصي الضعيف أو رؤيته في أننا معارضين متطرفين أو خصما على الفهم الراقي المدرك ولكنني من خلال تجارب شخصية مع المعني بالبوست الأخير وهو يدرك موقفي منه عشان ما حد يفتكر هنا ما اسطره قطيعة مثلا هههه في بوستات هنا موجودة وموثقة وبتحكي وآخرها مودعاتي المنبر المهم هو الاستهداف مش لناس أبو روضة ومعاوية عبيد وغيرهم من شذاذ الآفاق ومن لا يحترمون الآخر اللغة المهادنة أو التي تمتلك مقدرة على البقاء وقادرة على التصالح حتى مع امثال بكور كما يحلو لعشاقيه ومباههليه ههههه هي المستهدفة اصلا في يقينهم
وفي ظنهم المثقفاتية سيصرعونهم لو ما اليوم بكرة وفي بالهم ارتاحوا من تواضع الأداء الشرس بالمنبر
وبالتالي وجب التوجه للمثقفاتية وفي مقدمتهم ود المشرف ههههه ب
كور كوز نتن ويقوم بدور خبيث لعين
ودي شهادتي
تسحيل خروح
بكور كوز مستهبل وعلى ود المشرف الانتباه لضرورة التواجد
هنا
وعذرا الجميل ود آب سن
لو لم يرد عتاب لود المشرف فيما يخص بوسته الأخير لما كانت هذه المشاركة
وتحية لكل زول سامي ومتسامي مر من
هنا واكرر اعتذاري
للجميل فينا عبدالحفيظ

مرحبا فرح
وعذرا للرد الراتب
اشكر لك اعتذارك
ودعني أعاتبك و أعاتب المسلمي
هذا البوست لا علاقة له بأي خلاف سابق
هو دعوة صادقة للمشرف للعودة وهو وحده له الحق في خوض صراعاته إن رأي ذلك .. أو التبرير
عموما لا ار شهامة في نقد غائب او التعرض له ولو علي سبيل الاستفزاز
ايضا لا اريد التعرض ل بكري .. تلك قضية لازالت نيرانها تشتعل في مكان آخر والتعريض بها في امكنة اخري
لذا بحكم الاحترام الذي أكنه لكما
المسلمي وفرح
دعونا فيما جئنا إليه
ففي المنبر متسع لكل الخلافات
اهلونا بقولو
كلام الخطوبة يوم الطلاق ما بتلقي

تشكر انور
كدة شوف مصطفي بعذب المقطع بتاع
الاطفال يا فاطنة بغنو
والافراح لابد من ترجع

تحياتي ابسن اخوي
اتمنى عودة الصديق المشرف لانو زول منتج ومبدع وليه بصمة واضحة في البورد ...
-----------
اما بخصوص مداخلة الصديق ابو روضة والتلميح بعشاق ابو بكر عباس وخصوصا حتة مباهليه اظن المقصود انا لانو الوحيد عمل بوست بهذا العنوان للمستنير ..
فعاوز اقول ليك حاجة اذا انت مقتنع انو ابو بكر عباس كوز فتأكد يا صديقي استنتاجك خاطيء ابو بكر عباس انسان متحلل من اي لون سياسي وينتمي للمدرسة العلمانية المستنيرة الحرة الاتجاوزت الافكار ..الكيزان بنعرفهم معرفة
جيدة الواضح والمستتر وكتير اتداخلنا معاهم لانو دي مهمة بورد النقاش الانحن متواجدين فيه لكن ليس هناك ود او محبة بيننا وبينهم لا لشيء الا للمصائب والكوراث العملوها في الوطن والمواطن ...اما محبتي الشخصية لابوبكر عباس وانا هنا بصرح بيها ولا داسيها ما عندها اي علاقة بالسياسة هي نابعة من كون انو هذا الانسان متفرد وعاااادي جدا بكرة القريبة اتوقع منو يردمني لمن اقول الروب لانو طريقتو مختلفة ومتقدمة لا بحرسها صداقة ولا قرابة ولا تلاقي فكري ...
فياريت يا صديقي ابو روضة ما تكاور الشغلانة كوار .ههههه امرق اي شوكة بي دربا ..
هذا مع تحية الزمالة والصداقة الراكزة
دمت بخير ....

الصديق الأخ الشفيف على دفع نعم
وشكرا انت فهمتها
حتى الذين يبهالونه
انت يا على
خرجت لهذا الحشري في بوست
مهابلة شهير وعتيق
وانا قطعته من دابره
وهو يعلم
وغيري وغيرك وغير ود المشرف
وهاهو
يصل بود المشرف لحد العزوف من المنبر بنفس الفكرة
يا على يوم بكور حيوصلك انت لنفس لحد الوصل ليه ود المشرف

كسرة
بس سوال عليك الله
هو يا على انحنا مجموعة شذاذ الآفاق المنبرية
مكتوب علينا نشاكل وبس
ولا نقرأ بي مهل
وبرضه يا ود آب سن
ما كان حيكون في عتاب ولا لوم البوست ده
في مدخلاته كان
كما كنت تمناه انت
المهم

احترامي للجميع عدى الكيزان هنا

يا حفيظ ازيك وعيدك مبارك

معاك بنادي ودالمشرف

حبابك بت عمسيب
ومعك في انتظار ودالمشرف
اقلاها ما يكسر بخاطرنا ونحن بنكورك ليهو علنا
وخواطر الناس مهمة

يا مشرف، يا أخي، وحات رب المجرات، ما في شيء شخصي

فشنو؟ سيب الدلع وتعال

يشرفني

اشوف

المشرف

يشرف المنبر

شكرا الناظر ابو سن

مجرد مشاركة

.....................

قالت لي سلام
أدخل قوافي الشوق
أقدم لعند قدام
مدد رجلين الكلام
واتحكر
دخلته مديت حواسي
الألفة
سلام
سبقتني سؤال
سقتني فنجان ريد حنان
من زمن الإنتظار
جمال الريد ميعاد
سؤال الورد سلام
قدر ما نطوف الدنيا
نلاقي عيونا
يبقى الوصل كلام
نتوزع في الفريق الروح
مطر
اتربع في حجيره وعد
تلولي الشوق بضحكات
تغمز عينا
يوج قلبي ينشلع برق
تغني طيورنا
لعصافيرا وكت تسرح
تطير غنى
بالريد تقول لي تعال
نقاسم رحيق الريد
كلمات
نتخاصم
وكت تنحنح رجلي
ويناغم فيها خشيم الباب
تخصمني
تترجا برعشة ولف
اترجاها بقليبي كان تزيد
برسول تضيف
عشان خاطر الولف
كل حواسي تفجر
وكت وديعه بندى
ينفتح
تنزلق الشمس ترجع تنشهق
نورا يتسابق ينعكس
ابلع ريقي سرور
كان الريق في خشيمي
يدوم
ما يجف حليقي ويكون
وقليبي وكت يضحك
كل عروقي تنتح
برغبة الريد تمطه وتفور
تقول تفج جسمي وتطير
حنين شوقكِ نفس كل الشوارع
وكت الناس في هواك تكون
وكت يطل رسمكِ
يا زينة بنات الكون
ترجع الشمس خجله
ومنكسره
تناغمني عيونك
أقعد اتحكر في شعاعها
و اكون
ضل تريان ريد وسلام

والله يا ود اب سن انت زول فاهم وراقي واي محاولة لتجريم ود المشرف دون المرور بخبث ودها المدعو بكور غير مقبولة ومرحبا بالبوست في إطار عودة ود المشرف والمستنير نفسهة
بشرط
ما يكون طفيلي أكثر من التطفل نفسه
مجرد ملاحظة
المنقسمين حول المدعو بكور أو المستنير أو المنبهل أو المدوعاتي
ماهم كبزان
هههههههه
والملاحظة الفوق دي
معالجة أساسية خلاصية
وسلام هي حتى مطلع الفجر

الاستاذ فرح

سلامات

قلت سيدي :
وفي ظنهم المثقفاتية سيصرعونهم لو ما اليوم بكرة وفي بالهم ارتاحوا من تواضع الأداء الشرس بالمنبر
وبالتالي وجب التوجه للمثقفاتية وفي مقدمتهم ود المشرف ههههه ب

مصطلح "المثقفاتية"، مصطلح مسيء، ولا يليق بالمشرف.

أرقد عافية.

تحياتي عبد الحفيظ و ضيوفه الكرام
البوست بتاع فيصل محمد خليل بعنوان
البارادايم ....
بوست شيق و مهم لتحليل خلافات بسيطة ممكن
تتحول لي مشاكل كان ممكن نعالجها بقليل من
التركيز و تحمل الاخر زي ما هو.
مش زي ما انا عاوزه

ود المشرف له بصمة لا تخطئها العين فى البورد .. البورد يفتقده ويفتقد الكثيرين الذين تركوا البورد لخلافات شخصية ..
اتمنى ان يعود الصديق دكتور المشرف لان مكانه شاغر فى البورد ..
شكرا اخى اب سن على ان منحتنا هذه الفرصة للبوح عما يجيش فى دواخلنا ..

تحية يا أبوسن

المشرف زول متماسك الفكرة ويملك أدوات التعبير عنها بشكل أكثر تماسكا
نتمنى ألا يغيب

كامل التقدير والاحترام
للاخ الجميل ود المشرف
نحن فى انتظاره

يا جماعة ..... هسى مش كان فى بوست إعتذار مفتوح ....... الزول سحب اعتذاروا...... ولا انا كنت حلمان....... بسم الله الرحمن الرحيم ...... لكن جهزت نفسى وجيت داخل لقيتو مافيش ..... اللهم اجعله خير.

يا جماعة ..... هسى مش كان فى بوست إعتذار مفتوح ....... الزول سحب اعتذاروا...... ولا انا كنت حلمان....... بسم الله الرحمن الرحيم ...... لكن جهزت نفسى وجيت داخل لقيتو مافيش ..... اللهم اجعله خير.

خوف للتكرار

سنبهار لامن افضي
يا فرح اشكر الخواض علي التنبيه
تعبير مثقفاتي سبق وان تناولناه هنا كتعبير ابتدعته السلطة للتقليل من قيمة المثقف

نعم سحب اعتذارو وغالبآ السبب مداخلتي معه وقد كانت فظه بحق وحقيق
بجد اتمني له التوفيق وان يتم مشروع استنارته
واتمني ان لا يكون رقيقآ

بوست مخستك ، العايز يقعد والعايز يمشي حاجة بتخصو !

نحن بنغيب سنين ، نمضي في صمت ونعود في صمت !

انتم تصنعون من الناس اصناما ، هم انفسهم يحترون كيف اصبحوا كذلك ....

هي طبيعتنا ، ان نداهن ونكذب ونتملق ، ونصنع من الحبة قبة !

ابوعاج كان زول بليد جدا ، فجاة تحول لدراج المحن !!

وعبود لم يكن سوي انقلابي ، فقالوا له ضيعناك وضعنا وراك

والبشير الذي يقول لم يكذب ولا مرة ، ولايعرف الفرق بين الشخص والدولة يقولون

له سير سير .....

وحتي غياب كاتب في البورد او مناكفة عادية جدا ، يحتشد لها المئات ويسودوا بها الصحائف

عاطفيون جدا ، لدرجة الغاء العقول تماما .....

هذا الحديث لاعلاقة له بمحمد المشرف ، ولايهمني لو عاد او غاب ، مايهمني الغوغائية اللانهائية

كونوا عقلانيين مرة ، سيبوا الغاشي والماشي في حالوا ......


الكتابة ، حتي في الصحف تحتاج فترة غياب ، من يكتب باستمرار يفقد معينه ، فلماذا تريدون له

ان يفقد معينه ، فيبدوا انه احس بذلك ، واثر الابتعاد .....

ـــــــــــــــــــــــــ

طوبي للذين يغيبون في صمت ويعودون في صمت !!

الاخ العزيز ود ابوسن ...
والاخوة والاخوات هنا ..
تحية طيبة و ..

لأمرت لكم بالف من النوق العصافير لو كانت بيدي ولكن ..
ليس في يدي الا الكثير من المودة لكم ..

أعلم جيدا صدق كلماتكم .. ولكني اعلم فيكم الكثير من اللطف الانساني البسيط والجميل جدا ما دعاكم للكتابة ..

ف ..
طوبى للُطفاء ..
لا شيء يعدل المودة بين الناس ..

شكرا لكم جميعا .. حفيظ و د. اخلاص ومحمد على طه الملك و . جميعكم هنا وهناك.

شكرا جزيلا.

Quote: ف .. طوبى للُطفاء .. لا شيء يعدل المودة بين الناس ..

اعجبتني قدرتك علي انتقاء لفظة (طوبي للطفاء) ثم تعقيبها بانتقائية اخري (لاشئ يعدل المودة بين الناس)!

فهمت طبعا !

لكنني اثرت علي نفسي ، الا ادخل بوست نعي الا بمقدار المنعي نفسه في نفسي !

فقد غبت مايقارب السنتين او اكثر عن الكتابة (وكنت قارئا احيانا فقط) لبعض المواضيع الجادة

رغم معارفي هنا وفي الواتس ، لم يواسيني احد في فقدي لاعز اشقائي ولا احد سال عن غيابي

رغم اشتراك الكثيرون في بوستات كثيرة خاصة بي وبهم .....وعندما عدت ، وفتحت بوستات للنقاش

علمت اهمية اعضاء كثر غائبون ، فناشدتهم بالعودة لاهمية حواراتهم الغنية (وهذا ماتبقي لنا فيما يلي من عمر)

وتعلمت ان الغياب مفيد في تقوية اواصر قربي باشخاص علي ارض الواقع ، واستئناف قراءة مالم نكمله

ودرويش يقول:ان الحياة تستحق ان نعيشها :

1- لتردد ابريل

2- عشب ينمو علي حجر

3- كتب لم نقراها

4- راي امرأة في الرجال

واحييك لتضمينك كلمة الجميع فهي متسقة مع اللطفاء !!

Quote: دعني أعاتبك و أعاتب المسلمي هذا البوست لا علاقة له بأي خلاف سابق

الاستاذ ود أبوسن سلام تصدق أعدت عدة مرات قراءة ردّك علي وكيفية الرد عليك هل بالاتصال او عبر رسالة داخلية ام الرد يكون هنا حيث رددت علي رد فيه كثير من التحامل الواضح والضيق من تواجدي هنا وربما أردت تبطين الرسالة او إشارة الي ذلك .. ولكنني اوكد لك انني دخلت وكتبت مافي نفسي ومعرفة للدكتور المشرف وكان ذلك أعلاه ولم أزيد منه رغم معرفتي الخاصة بإنسانية محمد وتعاطفه الا محدود مع بني وطنه ولكنني لم اذكره لمعرفة الجميع بذلك .. ولكن المستغرب منه ردّك علي وعدم ردّك التحية او المطايبة وربما لاترغب في ذاك وهو من حقك لا ألومك عليه .. ولكن ماهو السبب الذي جعلك تعاتبني وانا قادم مثل بقية الناس ولم أمارس اي خطا هنا الا ان يكون عدا مبطن وفكرة قديمة لديك .. المهم انا لا أحتمي او أمارس العداء في بوستات الغير وان أردت اي احد المنبر بينا والكيبورد موجود وأسف جدا للتداخل معك هنا او في القادم مهم كان والسلام علي من اتبع الهدي

فقط اود ادراج ذلك التنويه البسيط والذي أنزلته في حائطي بالفيسبوك هنا يا حفيظ, وحتي اطوي هذه الصفحة تماما ..

نويه بسيط: لم يحدث أن قمت بحذف بوست في منبر سودانيزاونلاين .. سواء بصورة مباشرة أو بالطلب من إدارة المنبر.
"وافر شكري وتقديري للصديق صاحب الوجدان السليم "سناري" .. وأراك وحدك بثقافتك العالية تشكل أغلبية يا صديقي .. أو كما قال على المك عن صلاح !!! "
لكل الاصدقاء والصديقات هناك, أصحاب السراط الانساني المستقيم, الاصحاء الانقياء وعلى المحجة السمراء باطنها كظاهرها وسامة واستقامه.. لكم جميعا كل الاحترام والتقدير.

بوست يؤكد حبنا لمحمد المشرف ودايماً ود أبوسن ود كوستي النضال في مقدمتنا في تفقد أحوال الأحبابمحمد المشرف وعبداللطيف وكمال عباس ودينق وحتى ودالباوقة ولا أنسى عبد الحفيظودكتور سيف وسناري وجادات وطراوة أعمدة ضواية في البورد عالمنا الجديد وصدقني يا المشرف لو غبت عننا بغيب ملح البورد ويمسخ شويتين ومكانكم يا الأحبة في قلوبنا بعدين يا عبداللطيف ولله أنا حاسي بيك وما انت براك كتيرين بغيبوا والناس بتنشغل عنهم وأحياناً في ظروف معينة في حاجات معينة بتخلى الناس مدركة لغياب بعضنا وزي ما قالوا تلتو ولا كتلتو واظنك مدرك اكتر مني ما يشكله قلم المشرف في البورد وانت اول من يهمه وجود قلم ذي محمد حيدر في البورد يلا يدنا في بعض عشان البورد ما يضيع

.

التحية للنبيل المثقف الأخ محمد حيدر المشرف والأخ عبد الحفيظ

محمد حيدر
انت ممن يجعلون مثلي يواصل في هذا المنبر
المحل يسع الجميع. وقلبك يسع

الحبيبة عبير خيري
شفت اسمك دخلت
معرفتي بوجودك يجعل للمكان ( عطرآ ) وال فيه عطر بنشم

د/ ابو بكر عباس
تم استنارتك وادينا فرصة نقول تم دورو ودور

التحية لكم جميعا
والتحية لود المشرف وهو يستجيب للنداء ورجاءات الاخوان
ز
العذر ل عبداللطيف
والاعتذار الصادق وصادق التعازي .
والاعتذار ل محمد المسلمي
لم يكن القصد ابدا
وفعلا اخطأت بعدم الترحيب بك ورد تحيتك وان كان في الامر من تعزية فهي انني عاتبتك والعتاب بين الاخوان .. وليس اللوم
وهو عتاب يا مسلمي
قال اهلنا الصوفية
االمودة بين اللئام ألف عام وبين الكرام مدي الدوام
فالمودة والاحترام بيننا باقية
ومن جهتي سأقول لك مباشرة ان اردت قول شئ مثل ما ظننت ولن ألجأ للمواربة والتلميح
عموما
أعتذر جدا
لك ول فرح
واعتذر لكل من ظن
ومرحبا بالعزيز ود المشرف

غايتو يا مشّرف انا ما سعيد بى عودتك
كان تخلّى اّية الاستنارة العظمى ده ياكل فى خاترو شوية
الجريو جلال

التحية والتقدير والشكر للاعزاء أدناه
لقد كانت الاحداث أكبر من قدرتي علي المتابعة
اعتذر لعدم الرد المفصل
وتظلون انتم الافضل
الاعزاء
بدر الامير
فريدة محجوب
علي دفع الله
محمد حسن عبدالله
ابوبكر عباس
عماد الشبلي
عادل البراري
حامد الصاوي
علاء سيد احمد
حمد عبدالغفار عمر
عمر دهب
ايمن نواي علي
اخلاص المشرف
عبدالغني محمد الحاج
عبير خيري
جلالدونا
و
كتر خيركم

Quote: من أكثر الشخصيات المحببه إلي نفسي في البورد شخصيتا ود الباوقه وأبوبكر عباس . رغم إختلاف توجهاتهما وما يدعوان إليه ولكنهما يتشابهان في كثير من الأشياء

ههههه غايتو يا حافظ الامام انتهيت من ود المشرف نهاية مرة .. الله يسامحك


لا اظن ان شخصية محمد المشرف من تلك الشخصيات التي يمكن ان تتوقف عن التعبير عن نفسها لمجرد احتكاكات بسيطةً كانت او غير بسيطة

وانما اظنه آثر ان يتوقف قليلاً حتى يتخلص من تلك المشاعر السالبة التي كونتها ظروف شتى وعزف المستنير لسوء طالعه على اوتارها دون قصد

كتبت من قبل واكرره هنا : لا اظن ان نقاط الاختلاف بين ابوبكر عباس ومحمد حيدر المشرف اكثر من نقاط الالتقاء والاتفاق ولا اظن ان هناك خلاف

سوى في الأسلوب فقط وهذا يمكن تحمله من الجانبين وليس عليهم بعسير.



الصديق عبداللطيف تحياتي


دائماً اجد نفسي اتفق معك في جل ارائك المطروحة في هذا البورد وتعلمت من بوستاتك الكثير ولك الشكر على ذلك

لكن دعني اختلف معك هنا يا صديقي لا اظن المقصود من تلك المداخلات في هذا البوست وغيره للزملاء تأليه المشرف

وجعله صنماً يعبد ولكن البورد بالنسبة لنا كما شاي الصباح الذي يحمل نكهة معينة تلك النكهة مكونة من عناصر عديدة

اذا افتقد أي من تلك العناصر فلن يعطي الشاي المفعول المطلوب وينتابنا الصداع و ( الخرم )

اختلاف توجهات المتداخلين في هذا البوست تحديداً تخبرنا عن قلم المشرف وما يحمله من نزاهة يشهد عليها الاضداد

فلذلك يا صديقي الجميع هنا حريص على الا يفقد ذلك الشاي احد عناصر نكهته وانت واحد من اهم تلك العناصر .. لك الود دائماً


تحياتي ود أبو سن الزول السمح الفات الكبار والقدرو

أتمنى معك الا يغادر احد هذا البورد وان نكون كما نحن نختلف ونتعارك ونتشاتم زاتو لكن قاعدين مع بعض في حوش بكري دا

ومن الغرائب المضحكة في هذا البوست طلع المستنير كوز والمشرف ذات نفسو كوز فتأمل تلك المتعة النادرة في هذا المكان


تحياتي للجميع بدون فرز

مرحبا هيثم
وحبابك
شاكر لك طيب قولك
العزيز عبداللطيف فهمت كلامو من عشمو في زملاء البورد .. وليس موقفا مبدئيا . فهو ينتقد البوست ثم يعاتب الناس علي ماضي يشبه البوست
و

والشكر للاعزاء من الفيس
جلال
صامت الصامت
عبده دبنقا
حافظ الامام محي الدين

تعرف يا حافظ
انا اصلاً ما شايف بكري ملحد .. الألحاد بذلك المعني المطلق .. رغم انو ما فارق معاي ابدا .. المهم شكل علاقتو الدنيوية دي معاي .. حقيقة انو موجود وانا موجود .. ومن خلال وجودنا نحاول ان نجعل الحياة محتملة . ان يكون لنا شغفا بها .. الشغف من خلال التواصل الانساني البسيط دة بين قوسين الونسة ونبادل الافكار والاستمتاع بالحوار
حتي تعبير مستنير الذي يطلقه علي نفسه لا آخذه مأخذ جد منه . فله من الذكاء الاجتماعي ما لا يجعله يطلقه علي نفسه بجدية . بل هو امر متسق مع سلوكة السايبري
اقول ليك زي شنو . زي لامن تكون لاعب حريق وتتنبر علي الناس اللاعبين معاك .. كما كان يقول واحد صحبي
النقطة الفي الآس دى انا النقطتها
ولا
انا مؤلف كتاب
ذ مودرن ميذوت اوف ويست باي اتش ان كرار
ف شنو
الامر ما اظن عندو علاقة ابدا بالالحاد او المجاهرة به

تعرف يا حافظ
انا اصلاً ما شايف بكري ملحد .. الألحاد بذلك المعني المطلق .. رغم انو ما فارق معاي ابدا .. المهم شكل علاقتو الدنيوية دي معاي .. حقيقة انو موجود وانا موجود .. ومن خلال وجودنا نحاول ان نجعل الحياة محتملة . ان يكون لنا شغفا بها .. الشغف من خلال التواصل الانساني البسيط دة بين قوسين الونسة ونبادل الافكار والاستمتاع بالحوار
حتي تعبير مستنير الذي يطلقه علي نفسه لا آخذه مأخذ جد منه . فله من الذكاء الاجتماعي ما لا يجعله يطلقه علي نفسه بجدية . بل هو امر متسق مع سلوكة السايبري
اقول ليك زي شنو . زي لامن تكون لاعب حريق وتتنبر علي الناس اللاعبين معاك .. كما كان يقول واحد صحبي
النقطة الفي الآس دى انا النقطتها
ولا
انا مؤلف كتاب
ذ مودرن ميذوت اوف ويست باي اتش ان كرار
ف شنو
الامر ما اظن عندو علاقة ابدا بالالحاد او المجاهرة به

تشكر حافظ
انا اصلا ما شايف غير كدة

محمد حيدر المشرف
انسان جميل رشيق العبارة
من القلائل الذين تمنيت ان اراهم وجها لوجه
التحية له

تشكر خالد
ومرحبا
ودالمشرف من الذين يشكلون بصمة واضحة في المنبر

أتمنى أن يعود محمد

بالله غبت يومين لقيت العجاجي قايمي
ود المشرف قلم مهذب كروحه المهذبة وله حجته
من اثرياء المنبر فكريا
شكرا ود اب سن

تشكر فتحي
ودالمشرف كتر خيرو رجع

شكرا للحضور يا مشرف
رغم إنك أبداً ما قلت صراحة ح تترك المنبر
لكن برضو ما حبيت أتداخل لمناداتك، خايف بكرة أمشي من المنبر وتكون طالبني دين

تحياتي الاخ حافظ الامام

تصدق يا حافظ انا افتكرتك شبهت ود المشرف بي ود الباوقة
عشان كدا قلت ليك انتهيت من ود المشرف
لكن ما فات شي برضو انت كدا انتهيت من المستنير😂😂
بالتأكيد يا حافظ تعليقي على كلامك دا لا يحمل في طياته شيء
سوى الدعابة الخالية من اي نوايا سيئة
مداخلتك مفهومة من الاول ولا تحتاج الى شرح واعلم تماماً
انك عبرت عن محبتك للإخوة ابوبكر وود المشرف اضافةً
لود الباوقة
لكن شكلك انت الما فهمت الدعابة في مداخلتي
واتمنى ان تكون وضحت الان
لا زلت مصراً ان اوجه الاتفاق بين المشرف وابوبكر اكثر
من اوجه الاختلاف واظنهم يعلمون ذلك

تحياتي لك وللصديق ود اب سن

داخل بالتلفون
العذر اذا وجدت اخطاء

دكتور المشرف كالساموراي
لايمكنه أن يضع سلاحه.
وأكيد حيجبر خاطر اصحابو.
سلام يغشاك ود أبوسن وضيوفك.

تشكر هيثم
كتر خيرك يا صاحب

تحياتي اخ عبد الحفيظ
دكتور محمد حيدر المشرف من ابرز كتاب المنبر حاليا
وهو رجل يتمتع بالثقافة العالية والموضوعية واحترام المتحاورين
بالاضافة الى انه انسان محترم ومهذب وصاحب ذوق عالي..
كنت ساكون اكثر المتاسفين على تركه المنبر ولكن الحمد لله انه
لم يستجب لغضبه ويترك داره واصدقاءه الذين يحبونه ويحترمونه..
شكرا لك لافتراعك بوست لمناشدته العودة وهو يستحق هذه المناشدة..

عوداً حميداً للمشرف ..
وماقصرت يا حفيظ يأخ ..

ــــــــــــــــــــــــــــــــــــــــ

عارف أحلى حاجة عاجباني ياحفيظ ..
إصراركـ على فتح كوة الفيس ..
حتى نتابع قامات سامقة رغم إختلاف الناس حول رؤاها ..
شخصياً بعتقد إنه البورد فقد 30% من بهاءه وألقه ..
بعد اقفال نافذة الفيس ..
لانه حرمنا من مطالعة مايخطه البعض من عمالقة الحرف عبر نافذة الفيس ..
ويكفيكـ متعة أن تتابع ما يكتبه شخصيات مليانة فهم زي ..
صامت الصامت ..
حافظ ..
عاطف رغم اختفاءه ..
نبيل ..

أنا بشوف الناس مايكونوا حساسين ..
رغم الكثير من السباب الذي اتى من نافذة الفيس من بعض الشواذ ..
لكن هي تجربة كانت في منتهى الروعة وجديرة بالتقدير ..
واتمنى ان يعيد بكري أبوبكر النظر في حجب مشاركات الفيس ..
ويشوف طريقة للفلترة ..
رغم علمي بصعوبة الامر ..
لكن ده مابعني موافقتي على شتائم البعض من مشاركي نافذة الفيس ..
لبعض اعضاء المنتدى ..

تشكروا والله
محمد حسن
فاطمة الحاج
نصر الدين
معاوية الزبير
جمال القوز
ويا ودالقوز يا صديقي تلك ايام مضت ارهقتها سودانيز احيانا

ودابوسن سلام ياصاحب ومشكور كثير علي ازالة سوء الفهم
الذي حدث اعلاه ومشكور علي المطايية ولك كل الود الذي تعلم


_____
مارسلت لي تلفون الأخ معاوية الزبير
وللعلم كان عندي بس ضاع مع الجهاز
السابق 😭😭😭😭😭😭😭😭

المرور الاكارم ..
فعلا لاشي يعادل المودة في الحياة ..المودة التي تاتي بلامقابل وبلا اهداف خفية
ل ادري كنه الخلافات او الزعل او لما المطالبة بعودة المشرف او الكتابة عنه ولكن
ليعلم المشرف ان هناك من يتابع حروفه الانيقة والمميزة فكرا وعمقا وافادة ....لبوستاته جمال وعمق للفكرة دوما في الحزن والفرح وفي الزعل والرضى ....كلو كلام حلووو حقا وانا عن نفسي اتحسس كثير من بوستات البعض وكلما فتحت بوست للمشرف او مداخلة احدق بجمال الابتسام
والجلباب وانا اقرا بكون مركزة في الصورة وبكون مبتسمة جدا حتى وفي بوستاته العصيبة احيانا ههههه ولك ان تعرف بامشرف ان لك اصدقاء قراء ومتابعين هنا ...اتمنى ان الخلافات وهي طعم الحياة ان لاتاتي بنتيجة حرمان ابدا
اختلفوا كماتريدون
واستنيروا
وتشاجروا ولكن جميعنا في حوش بكري نرفع شعار باقون حتى الموت ..والحياة محطات نترجل فيها من الحين للاخر فكونوا كما العهد ....
مررت من هنا ولقيت الحلوين عبير وود ابوسن واخرين كثر
لكم جميعا صادق الود والمحبة ..
وكل الود لك المشرف

ومني محبتي

نعمات حمود
[/B




كلام جميل من زول جميل ،
د . محمد حيدر المشرف
من الناس الـ Beautiful
الإحترام و التقدير ،

،،،،،،،

Quote: المرور الاكارم .. فعلا لاشي يعادل المودة في الحياة ..المودة التي تاتي بلامقابل وبلا اهداف خفية ل ادري كنه الخلافات او الزعل او لما المطالبة بعودة المشرف او الكتابة عنه ولكن ليعلم المشرف ان هناك من يتابع حروفه الانيقة والمميزة فكرا وعمقا وافادة ....لبوستاته جمال وعمق للفكرة دوما في الحزن والفرح وفي الزعل والرضى ....كلو كلام حلووو حقا وانا عن نفسي اتحسس كثير من بوستات البعض وكلما فتحت بوست للمشرف او مداخلة احدق بجمال الابتسام والجلباب وانا اقرا بكون مركزة في الصورة وبكون مبتسمة جدا حتى وفي بوستاته العصيبة احيانا ههههه ولك ان تعرف بامشرف ان لك اصدقاء قراء ومتابعين هنا ...اتمنى ان الخلافات وهي طعم الحياة ان لاتاتي بنتيجة حرمان ابدا اختلفوا كماتريدون واستنيروا وتشاجروا ولكن جميعنا في حوش بكري نرفع شعار باقون حتى الموت ..والحياة محطات نترجل فيها من الحين للاخر فكونوا كما العهد .... مررت من هنا ولقيت الحلوين عبير وود ابوسن واخرين كثر لكم جميعا صادق الود والمحبة .. وكل الود لك المشرف ومني محبتي نعمات حمود ،،،،،،،

عزالدين عباس الفحل
ابوظبي

والله انتو ال beautiful

يا جماعة هوووي ..
وكما اعلنتها فوق: لاشيء يعدل المودة بين الناس ..
وانا كل ما أمر والقى البوست ده فوق, بشيل هم

هم أن أكون قدر الكلام وهذه المودة الظاهرة .. وشهوةٌ أن تكون المودة في عزها ظاهرة .. وهذا والله مقام عز منيف شيدتموه حرفا بحرف الي جانب حفيظ.. ود اب سن الذي لا يكتب الا عن الهوى والعشق لذلك الوطن, رائحة الطين والأصدقاء .

شكرا جزيلا وجميلا وكثيرا جدا.

أبو الروض يا كحيل، يا مثقفاتي،
مداخلتك الفوق هي أجمل مداخلة قرأتها في ٢٠١٦
ترصد الأرشفة
قبلها بيوم أسحبها
أولادك بعدين بشوفوها