السلطات تحظر دخول الشيخ الأمين للبلاد

12:19 PM September, 20 2016

سودانيز اون لاين
زهير عثمان حمد-السودان الخرطوم
مكتبتى
رابط مختصر

كشف شيخ الطريقة القادرية المكاشفية بأم درمان، الأمين عمر الأمين، إن السلطات حظرت دخوله الى البلاد بعد إغلاق زاويته بأم أم درمان دون سبب، متهماً مسؤولاً نافذاً بالوقوف وراء حظره من

دخول البلاد، وأوضح أن ذات المسؤول تسبب في اعتقاله في الإمارات بعد الوشاية به لدى السلطات هناك، والتي أطلقت سراحه فيما بعد وقدمت له اعتذاراً عن توقيف.
وقال الشيخ الأمين في حوار مع “الجريدة” من مقر إقامته بلندن، ينشر بالداخل، إنه تعرض للظلم وأوقف مسيده بلا سبب، ومنع تجمع الحيران به لإقامة حلقات العلم والقرآن، كما تم منعه من استقبال الضيوف والسفراء الأجانب، وأضاف الأمين: “لا أعلم حتى الآن أسباب حظري أو الجرم الذي ارتكبته في حق البلاد أو مواطنيها، حتى يتم حظري، لكن الظلم ظلمات”، مؤكداً أنه لم توجه له أي اتهامات من أي جهة في السودان سواء كانت رسمية أو شعبية، ولم تدون بلاغات في مواجهته من أي جهة أو مسؤول.الجريدة

زهير عثمان حمد





سلام أخوي وصديقي العزيز أبو الزهور ،
شيخ الأمين عمر الأمين ،
عادي ممكن يدخل السودان ،
و الظاهر ناوي الجية ،
لربوع الوداي ،
خاصة و أن شتاء لندن ع الأبواب ،

،،،،،،،







عزالدين عباس الفحل
ابوظبي

يازهير كل سنة وانت طيب يأخ ..
معقول شيخ الامين لحدي هسه ماعارف ..
متنفذو النظام الحاربوه قلبوا عليهو ليه !! ..
شيء عجيب يأخ ..
هسه ده يسموهو شنو يعني !! ..

الرجل استنفذ كل أغراضه ..
واصبج كرت محروق وعبء ثقيل ..
المفروض شيخ الامين ومن باب الحصافة مايغش نفسه ..
فهو أدرى بكيفية وصوله للمكانه الكان فيها ..
والهيلمانه التي صنعها له نفس متنفذو النظام الذين قاموا بمحاربته ..
فالرجل نفسه صنيعة فلا هو وراث سجادة ..
ولا هو سلسل أسرة صوفية لها طريقة ..
غايتو في دي بالغ شيخ الامين ..
من تعامل مع هذا النظام لابد أن يكون جاهز لمثل هذا اليوم ..
مش يفضل نايم في العسل ..
وينتظر تفنيشه بالطرقة البايخة دي ..
كان من زمان يشيل عدته وييمم صوب أوربا ..
بدون البشتنه الحصلت عليهو ..

كامل تعاطفي مع شيخ الامين ..
فهو في النهاية مواطن سوداني ..
ولا يحق للحكومة منعه من دخول وطنه ..
فهذا حق أصيل له ..

مين المات ابوهو وورثوا البلد دي عشان يمنع مواطن من دخول بلده!!!!
لو شيخ الامين مطلوب القيض عليه في اي جرم، على الحكومة ان تدعه
يدخل وبعد ذلك تلقي القبض عليه ثم تقدمه للقضاء ليقول كلمته..
اذا صح هذا الخبر فعلى الدنيا السلام..

ده حق دستوري و تكفله القوانين الدولية الا اذا كان هو يخطط
لنيل اللجوء في محل إقامته

الحاصل شنو ... عايزين يدوروا موضوع شيخ الأمين تاني عشان يشغلونا؟

بعدين منو بيملك حق منع مواطن دخول بلده؟
أفرض مكام ما قاعد (بريطانيا أو غيرها) قالوا ليهو إتطلب الله، ما عايزينك هنا ......... يمشي وين؟

ده كلام فارغ والزول ده حار بيهو الدليل .... قولوا ليهو شوف ليك طريقة تانية ترجع بيها للأضواء.