Post: #1
Title: اجي يا الخروف الما عندو صوف
Author: عباس الدسيس
Date: 09-20-2016, 09:23 AM
09:23 AM September, 20 2016 سودانيز اون لاين
عباس الدسيس-Saudia
مكتبتى
رابط مختصر اهلنا ناس الجزيرة زمن المشروع بخيرو والدنيا كانت سمحه بدون انقاذ كان الولد عندهم لو دخل الجامعه لازم امشي زراعه او طب
الزراعه من كبريات الاماني الشغل مفتش زراعي بالمشروع اما الطب معروف الغريبه في الموضوع بعد اولادهم ما اتخرجو ما بكون عندهم ثقة في زراعتهم وطبهم
واحد من المفتشين الزراعيين اول دخول السماد السيوبر فوسفات والناس كان بتعرف اليوريا قعد اشرح للناس اهمية السماد كل مجلس قاعدين فيهو مزارعين اشغل ليهم شريط السماد
ابوهو زهج من الشريط البدورو ليهم قال ليهو يا ولد انت قرايتك للزراعه مالها زي قراية ود صفية اختي بتاعت الطب كلها بنسلين وتترسيكلين وكلوروكين غير السماد في الجامعه ما ادوكم حاجة.
كمان في حاجة تانية مفتشين المشروع تلقي عندهم اولاد كثار ناس ولادين صاحبنا بتاع قصة الخروف الحا نجيها اتذكر انا مشيت ليهو زيارة ايام كان في احدي التفاتيش لقيت عندو ولد وبت
مشيت ليهو بعد فترة لقيت عندو دقشة بتاعت اطفال ما عارف انا ما مركز و ل بس قابلوني الاثنين ديل
قعدته معاهو لما جابو لينا صينة الغذاء يدك كان ما ربطها بي حريره ما بتعرفها من الجوقه قلت ليهو يا زول الحكاية شنو الشفع ديل كثار
قال لي والله احنا هنا من تمغرب ما عندنا برنامج .
تقوم يا الصدف تلمنا مع قريبنا المفتش في مدينة صغيره من مدن السودان معاهو دقشة الاولاد وزوجتو والنصيحه لي الله عينة النسوان المجيهات البقعدن الكلام السمحات......
نواصــــــــــــــــــــــــــــــــــــــــــــل
|
Post: #2
Title: Re: اجي يا الخروف الما عندو صوف
Author: ادريس خليفة علم الهدي
Date: 09-20-2016, 09:27 AM
Parent: #1
(*)
عباس .. يتبارك عليك العيد
حضور ومتابعة
|
Post: #3
Title: Re: اجي يا الخروف الما عندو صوف
Author: عبدالله ود البوش
Date: 09-20-2016, 09:42 AM
Parent: #2
قاليهو يا سعادة الباشمفتش السنة الفاتت لقيت فينا طريقة وطلبتنا
لكن السنة دي علي الطلاق كان ظرت طوط ما طلبنا
.
.
طلبتنا : يعني جبت ناس احشوا الحواشة بتكلفة عالية كذا غرامة
انعل ابو الشرح البخسي حلاة حديسنا
.
.
العيد اتبارك عليك يا عبس
.
.
واتا اصبر يا العفن
|
Post: #4
Title: Re: اجي يا الخروف الما عندو صوف
Author: Haytham Ghaly
Date: 09-20-2016, 10:01 AM
Parent: #3
| Quote: قال لي والله احنا هنا من تمغرب ما عندنا برنامج |
هههههههههههههههههههههه
شكيت عدم البرنامج لي الله اكان هو سبب الزحمة الحاصلة دي
الدسيس سلامات وعوافي
|
Post: #5
Title: Re: اجي يا الخروف الما عندو صوف
Author: ANWAR SAYED IBRAHIM
Date: 09-20-2016, 10:12 AM
Parent: #4
اخونا السمح عباس
كل سنة وانت بالف خير
المرّة دى ما تسويها زى بوست نسوان المغتربين اللى حكيت فيهو نص وخليت النص التانى و فكّيت البيؤق هههههههههههه
بنجيك تانى للونسة السمحة دى
لك كامل الود يا الحبيب
|
Post: #6
Title: Re: اجي يا الخروف الما عندو صوف
Author: عباس الدسيس
Date: 09-20-2016, 12:50 PM
Parent: #5
اليوم اربعاء وصبحان خميس صاحبنا اقترح علي نشتري حمل ونبتهج بيهو يوم الخميس ... كلام زي الباسطه...
اتلمينا في الميز وقلنا الاقتراح والجماعه ما صدقو كل زول دق يدو في التربيزة خت الشير بتاعو حمل (خروف صغير) ومما جميعو.
ويوم الخميس العصريه وصل حضرة الخروف وتلمو الجماعه حق الله بق الله كبس علينا واحد حقنه الراجل ظريف جدا وبحب ونسة العذابه مرات بتبايخ بطول القعده
معانا واحد صاحبنا بكون حريص جدا اكون مهذب قدامو لانو رئيسو قرص لي عينو طلعت بره قال لي الزول دا وزعو بدري ما اخرب خميسنا
الصباح في المكتب سامعو قال عندو ارق ما بنوم الايام دي وبزعله وجديه قال لي يا توزعو يا اديني قروشي اشوف لي خميس في محلة تانية
مليون مرة انا قلت ليك ما تلملم لينا المتزوجين انا كرهتي في الدنيا دي ونسة المتزوجين يوم الخميس الواحد إقضي بيك زمن من ما اشعر مواعيد مرتو خلصت الدخان اقوم اتنفض منك.
اتفتقت في زهني فكرة كان عندي ضرس تاعبني وواحد من اصحابنا الصيادلة بتاعين شلة الخميس استعنت بيهو الراجل حسب خبرتو المهنية قال لي حبوب منومة ما بتنفع معاك
بديك حبة مقسمة علي اربعة ارباع الربع بنومك ثمانية ساعات زي الميت ما تبلع اكثر من ربع حبة لو بلعت اكثر ممكن احصل ليك حالة لمدة طويلة تكون زي الميت وتحتاج غسيل معده.
بسرعة خشيت مع الراجل في موضوع الارق وعلاجو وبتبرع مني اديتو نص شريط فيهو كم حبة
اخونا ما صدق مشي قال ياخد ليهو نومة عصرية عشان اشوف باقي خميسو هناك.
المفتش الزراعي مواعد ضباح مشي اجيبو
اخونا داك قال لي مرتو حليت مشكلة النوم كنت مع العذابة عباس اداني حبوب بعد العشا صحوني بلع ليهو حبة كامله وجدع كرعيهو في الواطه
الاولاد جو اصحوهو لا برفع كراع لا يد جثه هامده.
المرا ضربت الكواريك..... وب علي وب علي قتلو راجلي...
والناس اتلمت والحكاية بقت هيصة وجوطه والبوليس جاء أي والله.... وحي الموظفين وقف علي كراع كلـــــ ب الراجل كان القاضي المقيم.
اخونا المفتش جاء معاهو الضباح لقي اللمة وقف اتشمشر بالعربية مرتو السمحه جاتو جاريه من بعيد قالت ليهو سجمك انت معاهم قالو قتلتو الراجل
زولنا شتت بالعربية جري علي الميز حقنا شال الخروف المعروضات وفكه الضباح عكس الهواء
|
Post: #7
Title: Re: اجي يا الخروف الما عندو صوف
Author: عباس الدسيس
Date: 09-20-2016, 01:20 PM
Parent: #6
(*)
عباس .. يتبارك عليك العيد
حضور ومتابعة
......................................................................
حبيبنا ادريس
كل عام وانت بخير مشتاقين
لابت مع الشربوت
|
Post: #8
Title: Re: اجي يا الخروف الما عندو صوف
Author: عباس الدسيس
Date: 09-20-2016, 01:25 PM
Parent: #6
قاليهو يا سعادة الباشمفتش السنة الفاتت لقيت فينا طريقة وطلبتنا
لكن السنة دي علي الطلاق كان ظرت طوط ما طلبنا
.
.
طلبتنا : يعني جبت ناس احشوا الحواشة بتكلفة عالية كذا غرامة
انعل ابو الشرح البخسي حلاة حديسنا
.
.
العيد اتبارك عليك يا عبس
.
.
واتا اصبر يا العفن
........................................................................................
العمده ود الوش اخبارك
وكل عام وانت بخير
البقت علي خليها ساكت لميت في واحد غشاني قال لي في شربوت بتاع كركدي وعرديب وخلطه عجيبه
احسن من بتاع البلح عملتو وقملتو اسبوع وقعت فيهو تكرع
فعلا بوزن الراس
الاثار بتاعتو الجانبيه قوم لي القولون
اجازة العيد كلها راقد سلطه
بقت علي حكاية سعادة المفتش زولك
شوقنا بحر
|
Post: #9
Title: Re: اجي يا الخروف الما عندو صوف
Author: عباس الدسيس
Date: 09-20-2016, 01:27 PM
Parent: #8
هههههههههههههههههههههه
شكيت عدم البرنامج لي الله اكان هو سبب الزحمة الحاصلة دي
الدسيس سلامات وعوافي
..................................................................
حبيبنا هيثم اخبارك يا وجيه
كل عام وانت بخير
ضيف ليها كمان قطوعات الكهرباء
تحياتي وتقديري
|
Post: #10
Title: Re: اجي يا الخروف الما عندو صوف
Author: عباس الدسيس
Date: 09-20-2016, 01:31 PM
Parent: #8
اخونا السمح عباس
كل سنة وانت بالف خير
المرّة دى ما تسويها زى بوست نسوان المغتربين اللى حكيت فيهو نص وخليت النص التانى و فكّيت البيؤق هههههههههههه
بنجيك تانى للونسة السمحة دى
لك كامل الود يا الحبيب
................................................................................................................
حبيبنا انور اخبارك
وكل عام وانت بخير
بوست نسوان المغتربين في واحد حاقد كلم الراجل الكان معاي من بورتسودان
وصلني تهديد شديد اللهجة عشان كدا عملته غمران
هنا الشخصيات قديمة ميكي ماوس عشان كدا بنواصل
تحياتي وتقديري
|
Post: #11
Title: Re: اجي يا الخروف الما عندو صوف
Author: حامد بدري
Date: 09-20-2016, 05:15 PM
Parent: #10
كلو سنة واتا طيب
العروس جديدة ودروييشة جابو ليها التجييييها بي مزاج بعد معطت ولتخت وخضبت قالت ليها يالله عباس قالت ليها عباس ده منو قالت ليها عباس ابشنب
عباس تطييييييييير عيشتو هسة بقو يحتوهو بالبخاخ حتت الاتو في الوست بوست مربوطة نتابع
ود البوش قال الشرح بودر طعم البوست
|
Post: #12
Title: Re: اجي يا الخروف الما عندو صوف
Author: عمر التاج
Date: 09-20-2016, 06:41 PM
Parent: #11
البوست ده ليهو يوم..
بكره الاربع وبعده حتى نعرف صوف الخروف مشا وين
الله يستر ما يطلع الخميس إجازه وقسم الشرطة يقفل
تحياتي للدسيس وضيوفه الكلامن داير شرح
|
Post: #13
Title: Re: اجي يا الخروف الما عندو صوف
Author: سيف النصر محي الدين
Date: 09-21-2016, 02:01 AM
Parent: #12
سلامات يا دسيس
زمان كنت بذاكر و الدنيا امتحانات و جاني زول انا أساسا زهجان منو و قعد يتكلم و يفتح في المواضيع
و يلف و يدور و انا كل ما اقرا لي صفحة ارجع اقراها من اول و جديد، المهم قال لي ده شنو البتقرا فيهو
ده قلت ليهو Barbiturates و ده عقار مخدر عندو استعمالات واسعة ابتداءا من تسكين الألم الى التخدير
و استعماله كحبوب منومة. اها زولك ده دراسته برضها ليها علاقة بالطب عشان كده عنده خلفية عن الحاجات
دي. قام سألني: هسه لو واحد داير ينتحر بحبوب الباربيتيوريت دي بحتاج كم حبة. قمت طوالي حسبتها
ليهو و ما اخدت حاجة في بالي. بعد كم يوم سمعت من الناس الساكنين معاهو انو صاحبنا نام 48 ساعة
متواصلة و لما الجماعة قلقوا عليهو اكتشفوا انو بلع كمية من الحبوب السألني منها ديك ذاتها و قاموا شالوه
ودوه المستشفى و الشي الوحيد الانقذو ان الحبوب الاستعملها كان فيها مادة تانية عشان كده الجرعة ما كانت
قاتلة. انا الخلعة الدخلت فيني اظنها لي هسه ما مرقت.
|
Post: #14
Title: Re: اجي يا الخروف الما عندو صوف
Author: Hatim Alhwary
Date: 09-21-2016, 06:07 AM
Parent: #13
| Quote: انا الخلعة الدخلت فيني اظنها لي هسه ما مرقت. |
غايتو سلامة يا دكتور الما مات...لو مات كان حتشعر بالذنب
بعدين يا دكتور الراجل كان عاوز بس يفضفض وزول يسمعوا
عشان كده البرايات ديل وراهم سر...بدل ما الزول يخش في تعذيب ضمير احسن الواحد يسمعهم...بدل مايقولوا ...الزول دا كان كويس...بس امبارح كان مع سيف ورجع كاضم
تحياتي سيف وشكرا يا الدسيس على السرد الممتع
|
Post: #15
Title: Re: اجي يا الخروف الما عندو صوف
Author: ادريس خليفة علم الهدي
Date: 09-21-2016, 12:30 PM
Parent: #14
ركس ..
بقيت زي ابن خلدون لمن مات ما كمل ليهوا موضوع ..
غلطان انا البتابعك ...
|
Post: #16
Title: Re: اجي يا الخروف الما عندو صوف
Author: عباس الدسيس
Date: 09-21-2016, 02:43 PM
Parent: #15
عندنا زميل لينا بحب ميزات العساكر اصلو العسكر منفكين شويه في حكاية البلوم وزميلنا دا عندو مثل بقولو طوالي ((ونسة الضكير للضكير النوم منها اخير)) .
أها الراجل سمع خبر مولانا وجانا جري والشماته ماليه عيونو والخباثه ما وراء الخبر شايلها في شلاليفو .
قال لي ... شنو يا زول قالو قرضه مولانا رشيتو بحبوب والناس ختفتو جرت بيهو المستشفي جنازة خربت للناس خميس الخروف
اها عندي ليك الكلام المنو الفايده زمان قدر ما نقول نعمل صحبه مع العساكر يومين وتخربا لينا بشكله ما دام خميسنا هنا طرشق يلا نمشي ميز ناس السجون اصالحك بيهم ونخمس معاهم الظروف ما معروفة لي قدام عشان اكون عندك ركازه معاهم.
الخبر كان موتر وبما انو في اللحظات دي بتلقي ليك ناس شماته برضو في ناس حلالين مشاكل الصيدلي صاحبي جري المستشفي والنبطشيه كان فيها دكتور منتظرها بفارق الصبر تنتهي عشان الحق الخميس
وصل ليهو كل المعلومات واشتغلو علي اسعاف الراجل.
نسيت الخميس واصبحت ما فارقه معاي اتوكلت علي الله ومشيت السينما لقيت لي فلم هندي بطولة ابوطويله ((اميتاب بتشن)) اشتريت لي كوم تسالي وخشيت اربعة ساعات كافيه توريك نتيجة العملة بتاعتك
شنو قومي يا الكهرباء اقطعي في نص الفلم وتعالي يا الصفافير والكوراك بعد شويه الكهرباء جات
قوم يا البتشغل الفلم من الاوضه فوق ابدأ لينا موضة التقطع مرة الفلم اشتغل مرة اقطع والزول البشغل ماكينة السينما ما خلينا ليهو جنبه ...يا ود ال... يا ..... الفلم انتهي.
مشيت حي الموظفين علي الميز لقيت الحي هااااااااااديء والناس نايمه لا كواريك لا سكاليب براحة طلعت الميز لقيت زولي واقف لمبة بتاع الشماته قال لي طلعت منها مولانا قالو كويس
بعد الاسعافات ممكن انوم ليهو قريب اليوم كامل ودوهو البيت
يلا لي صاحبك العربي ما اكون ضرب الخروف براهو.
صاحبي العربي مشكلة بيتو بتاعت المفتشين الفيها جنينه وسور بسلك شايك عندو كلبـــــ ين كبار كان ما جاك بره ما بتقدر تخش ليهو
قلت ليهو شوف انت عارف انا جني وجن الكـــــــ لاب لو بتخش بمشي معاك الراجل حسب الفي راسو وجيعان وافق مشينا علي صاحبي.
انا وقفت بعيد قلت ليهو يلا ادقش بيت الزول قال لي انت يعني تخصصك كتل ناس وبتخاف من الكــــــ لاب
ومشي علي البيت عدل كراع قدام والتانية وراء واقابض في الشجر وصل الباب دقشو بكرعين زي باب بار افلام الكاوبوي والكـــــــــ لاب قامت فيهو جووووووووووووو ما جاب خبرها
بعد شويه اشوفو طابق المفتش صاحبي وجايين علي.
خشو في نقاش الخروف وين وديتو؟؟؟
قال الخروف قاعد جوه
وقامت عباطة الطشامه الاثنين واقفين لمبه واحد اقول نضبحو حسي والثاني اقول الوقت اتاخر نخلي الخميس الجاي
زميلنا قال خلاس ما عايز خروف قروشو اجيبو ليهو بيها عشاء بالليل دا
وقامت شكله عبيطه ما تفهم اولها من اخرها.
المفتش قال ليهو قروشك ما عندي امشي للزول داك اسألو من القروش
كمان زميلنا حاكمه معاهو في الخروف اقول ليهو أنا قروشي في الخروف انشاءالله تصحي مرتك تسوي لي عشاء بالليل دا
اها لما قال الجملة الاخيره قلت الراجل ممكن اجيب لينا مصيبه مما جاب سيرة المراة كريتو من يدو وقلت ليهو انا بجيب ليك العشا اتفقنا الخميس الجاي مع المفتش.
وصلنا الميز الراجل حاكمه معاهو في العشأ كرهني الميز قلت ليهو والله قسما عظما تجي علي غرفتي الحقك مولانا بكورس كامل بتاع حبوب يا نمتا اسبوع ولا لحقت امات طه عشا شايف عندي كشكش في السوق الشعبي امشي اندمل نوم.
الخميس البعدو حاولنا نخلي الامن مستتب والجماعه شغالين وصاية من يوم السبت لي الاربعاء ما دايرين شوشره اتجمعنا ومشينا للمفتش الراجل قابلنا في الباب عشان الكــــــــ لاب
ولقيناهو مجهز الكراسي والنجيله مرشوشه ما باقي لينا كان الملايات وفلييل دمور.
والجبنه المضفره والبصل الابيض قدر ما اتلفتنا ما شفنا خروف ولا سمعنا صوت باع باع
قلنا امكن ضبحو العصر بنطمن في روحنا
واحنا قاعدين جات مرتو السمحه خاشه تتقدل كانت مع الجيران سلمت علينا من بعيد وطوالي بباب النملي خشت جوه.
زميلي بتاع ميز العساكر الجن ركبو دنقر جمب اضاني قال لي الزول دا مرتو ما احترمتنا ما سلمت علينا في يدينا .....
اها قلت الزول دا عايز إلخبت نشوف موضوع العشاء.
يا حبيبنا الكلام للمفتش شوف لينا موضوع العشاء الخروف ضبحتو ولا لسع وينا المراره؟؟؟
الراجل قال الخروف شرد !!!!!
الجماعه زي الصبت فيهم مطره ... كيف شرد !!!
مولانا البخاف من ريسو البلعناهو الحبوب بسخريه قال ليهو دا خروف ولا مضمون ((مضامين السجون البشتغلو في الميزات))!!!
زميلي بتاع ميزات العساكر جنو وجن العشأ بعد الطشه شبكه لينا جملة واحده.... اجي يا الخروف الما عندو صوف دا علينا احنا... اجي يا الخروف الما عندو صوف دا علينا احنا.. اجي يا الخروف الما عندو صوف دا علينا احنا..
والله الليلة ما احلك مننا بله ذاتو بتاع الموضوع.
المفتش قال ليهم يا جماعه انا بلتزم ليكم لي الخميس الجاي مع العزابه بخروف بس المدام ما قصرت عملت لينا عشأ الليلة كويس.
صاحبي بتاع ميز العساكر بعد ما كان شابك في الخروف فكاهو مسك في حتة المدام ما قصرت.
معقول دي تقصر الخروف عفينا...... معقول دي تقصر الخروف عفينا...... معقول دي تقصر الخروف عفينا......
جابو العشاء المدام طلعت مقصره مليون في الميه والظاهر هي ذاتا كرهانا الشلة دي
ردمت ليك الفول شطه بدون زيت وكبت الكوارع في صحن كبير وزادتا مويه وختت دمعه مافيها لحمه شحم بس بعد الاكل تقوم يديك زي المكنيكي البعمر في عربية.
أها اكلنا وانتهينا وبعد كدا نغسل ونمشي.
الجنينه فيها ماسوره ارضيه اول زول مشي اغسل فيها وقع في الطين براسو لانو عايزه تركيز الماسوره بخرطوش اسود وجمبها طوب رفعنا الوقع
الراجل نادي ولدو يا ولد تعال غسل لي اعمامك.
الناس كلها غسلت زولي بتاع ميز العساكر قعد اخر زول الولد جاء اغسل ليهو واحنا وقفنا ماشين.
اول جملة والولد بغسل قال ليهو ماشاءالله يا ولدي والله الخالق الناطق تشبه امك احمد الله الما جيت تشبه ابوك.
الاداني الحبوب قال لي يا زول الراجل دا بجيب ليك مصيبه ارفعو من الكرسي خلينا نتخارج.
مشيت عليهو وهو عامل فيها بنشف في يدينو بتكلم مع الولد قال ليهو اها خلاس احنا ماشين قل لي امك مع السلامة.
المفتش عاين ليهو بسخريه وقال ليهو عليك الله يا فلان بعد دا اخد ليك قدله جوه البيت لامو امشي اقطع فيها قدوم عشان تختانا.
انتـــــــــــــــــــــــــــــــــــــهت
|
Post: #17
Title: Re: اجي يا الخروف الما عندو صوف
Author: عباس الدسيس
Date: 09-22-2016, 06:12 AM
Parent: #16
كلو سنة واتا طيب
العروس جديدة ودروييشة جابو ليها التجييييها بي مزاج بعد معطت ولتخت وخضبت قالت ليها يالله عباس قالت ليها عباس ده منو قالت ليها عباس ابشنب
عباس تطييييييييير عيشتو هسة بقو يحتوهو بالبخاخ حتت الاتو في الوست بوست مربوطة نتابع
ود البوش قال الشرح بودر طعم البوست
............................................................................................................................................
صديقنا وحبيبنا حامد بدري
كل عام وانت بخير
تصدق وتأمن بالله بشنب وبدون شنب زولك صنديد
مشتاقون
|
Post: #18
Title: Re: اجي يا الخروف الما عندو صوف
Author: عباس الدسيس
Date: 09-22-2016, 06:51 AM
Parent: #17
البوست ده ليهو يوم..
بكره الاربع وبعده حتى نعرف صوف الخروف مشا وين
الله يستر ما يطلع الخميس إجازه وقسم الشرطة يقفل
تحياتي للدسيس وضيوفه الكلامن داير شرح
........................................................................................................
حبيبنا عمر التاج اخبارك
الليلة الخميس يا حليل زمن خميسك تبيع قميصك
تحياتي وتقديري
|
Post: #19
Title: Re: اجي يا الخروف الما عندو صوف
Author: عباس الدسيس
Date: 09-22-2016, 07:31 AM
Parent: #18
سلامات يا دسيس
زمان كنت بذاكر و الدنيا امتحانات و جاني زول انا أساسا زهجان منو و قعد يتكلم و يفتح في المواضيع
و يلف و يدور و انا كل ما اقرا لي صفحة ارجع اقراها من اول و جديد، المهم قال لي ده شنو البتقرا فيهو
ده قلت ليهو Barbiturates و ده عقار مخدر عندو استعمالات واسعة ابتداءا من تسكين الألم الى التخدير
و استعماله كحبوب منومة. اها زولك ده دراسته برضها ليها علاقة بالطب عشان كده عنده خلفية عن الحاجات
دي. قام سألني: هسه لو واحد داير ينتحر بحبوب الباربيتيوريت دي بحتاج كم حبة. قمت طوالي حسبتها
ليهو و ما اخدت حاجة في بالي. بعد كم يوم سمعت من الناس الساكنين معاهو انو صاحبنا نام 48 ساعة
متواصلة و لما الجماعة قلقوا عليهو اكتشفوا انو بلع كمية من الحبوب السألني منها ديك ذاتها و قاموا شالوه
ودوه المستشفى و الشي الوحيد الانقذو ان الحبوب الاستعملها كان فيها مادة تانية عشان كده الجرعة ما كانت
قاتلة. انا الخلعة الدخلت فيني اظنها لي هسه ما مرقت.
.......................................................................................................................................
دكتور سيف النصر سلامات يا حبيبنا
اتخيل لي دا زاتو العقار البقصدو انا
في لصقات تتلحك تخليك تفقد اعصابك
وعشان تتخارج منهم ممكن اودوك التوج بمشكله
تحيات وتقديري
|
Post: #20
Title: Re: اجي يا الخروف الما عندو صوف
Author: عباس الدسيس
Date: 09-22-2016, 07:33 AM
Parent: #18
تحياتي سيف وشكرا يا الدسيس على السرد الممتع
..................................................................
سلام حاتم اخبارك
وكل عام وانت بخير
|
Post: #21
Title: Re: اجي يا الخروف الما عندو صوف
Author: عباس الدسيس
Date: 09-22-2016, 07:34 AM
Parent: #18
ركس ..
بقيت زي ابن خلدون لمن مات ما كمل ليهوا موضوع ..
غلطان انا البتابعك ...
.......................................................
حبيبنا ادريس
كدا كيف معاك ربيع بن لبيده
|
Post: #22
Title: Re: اجي يا الخروف الما عندو صوف
Author: مازن فيصل هلال
Date: 09-22-2016, 08:20 AM
Parent: #21
ههههههههههههههههه شكلها دي ايام ما قبل النقاذ لاني ما شفت سيرة لي اورنيك تمنية ولا جبت سيرة لي سعر الخروف ... شايف الخروف كان عامل زي طلب البيتزا في متاول اليد و الجيب هههههههههههه سرد جميل و ممتع جدا جدا ... صلحت لينا خميسنا يا استاذ عباس
|
Post: #23
Title: Re: اجي يا الخروف الما عندو صوف
Author: عباس الدسيس
Date: 09-22-2016, 08:55 AM
Parent: #22
صلحت لينا خميسنا يا استاذ عباس
................................................
مازن يا حبيبنا سلام
خليك علي كدا ما تمشي تقابض الخرفان هههههههه
|
Post: #24
Title: Re: اجي يا الخروف الما عندو صوف
Author: عبدالرحيم أبراهيم العبيد
Date: 09-22-2016, 12:39 PM
Parent: #23
سلامات شيخ عباس
كل عام وانتم بخير
حكي جميلومرتب
يا أخي مالك علينا ذكرتنا بذلك الزمن الجميل
أشتغلنا في مشروع الجزيره ربنا يشفيه وتعود ليه الصحة مرة اخري
وكنا نسكن تلك السرايات الجميله
الحملان والخرفان أسهل حاجه بس قبل ساعه تكلم (الجنايني )
شفت الدلع ده كيف كمان كل واحده عنده حديقه امام بيته وتسمي الجنينه
الله يجازي الكانوا السبب
مع وافر تحياتنا للجميع
|
Post: #25
Title: Re: اجي يا الخروف الما عندو صوف
Author: عباس الدسيس
Date: 09-22-2016, 02:41 PM
Parent: #24
سلامات شيخ عباس
كل عام وانتم بخير
حكي جميلومرتب
يا أخي مالك علينا ذكرتنا بذلك الزمن الجميل
أشتغلنا في مشروع الجزيره ربنا يشفيه وتعود ليه الصحة مرة اخري
وكنا نسكن تلك السرايات الجميله
الحملان والخرفان أسهل حاجه بس قبل ساعه تكلم (الجنايني )
شفت الدلع ده كيف كمان كل واحده عنده حديقه امام بيته وتسمي الجنينه
الله يجازي الكانوا السبب
مع وافر تحياتنا للجميع
..............................................................................
مرحب الباشمفتش ابراهيم العبيد
ايامكم كانت عسل الله
اجازي ساكت الله اغتس حجرو
حسي دياركم اصبحت خرابات ينعق فيها البوم
تحياتي وتقديري
|
Post: #26
Title: Re: اجي يا الخروف الما عندو صوف
Author: ادريس خليفة علم الهدي
Date: 09-24-2016, 07:38 AM
Parent: #25
(*)
|
Post: #27
Title: Re: اجي يا الخروف الما عندو صوف
Author: ادريس خليفة علم الهدي
Date: 09-25-2016, 06:48 AM
Parent: #26
(*)
|
Post: #28
Title: Re: اجي يا الخروف الما عندو صوف
Author: عباس الدسيس
Date: 09-25-2016, 07:00 AM
Parent: #27
صاحبي ادريس اعجبك السرور
|
|