Could not find topic

09:22 AM September, 17 2016

سودانيز اون لاين
طلحة عبدالله-
مكتبتى
رابط مختصر

perfect
Excellent
أيوة كدا أنت كفاءة وصاحب وحبيب الكل ..
بالرغم من أني كنت مستمتع بدشدشة التلوج ومتسلي
شديد ببعض الغباء المتعمد .
خخخخخخخخخ

ربما لا يتبع .

بوست دكتور المشرف الذي خصصه لشتيمتي، أغلب الظن سحبه بكري، لأنو دكتور المشرف قال قبل كدا:
لم أمسح مداخلة طيلة وجودي بالمنبر
لا يعقل أن يكون قد سحب بوست تجاوزت مشاركاته ال١٠٤ مداخلة
لو حصل، يكون أصبح منافس خطير لفرانكلي
لا لا
غالبا سحبو بكري بوصفو بوست غير لائق بأخلاقيات الحوار

ياطلوح عيدك سعيد ياخ
خيرها في غيرها
....
عجبني الإصطفافي الإتلكشر في الفرق بين موضوع وشروط التفاوض ..
بكور .. يوم بتكتل ليك مناتل :)

من العائدين ياطلحة

غايتوا ياطلحة وجنس غايتوا 😷😷😷😷😷😷

لإصطفافي الإتلكشر في الفرق بين موضوع وشروط التفاوض

حيدروف يا العزيز العيد مبارك عليك : غايتو العبارة الفوق دي
المفروض تكون قاصدة بالضبط محترف دشدشة التلوج ..
تشبهو تماما خخخخخخ
هو خاصية الاقتباس عندكم بقت مالا ؟؟

أبو بكر عباس بطل بوست الآف الكليكات السائبة خخخخخخ
الدكتور دا ما أستبعد منو أي شىء، يتعلق بسحب بوستاتو أو انسحابو
هيم سيلف، غايتو بنسبة كبيرة جدا بكون عملها بارادتو أو غيرا ..
من جهة أخري
غايتو أنت انشهرت مادام بقي يتلكم عنك وحش الأسافير كبر .. ههههه
واصل في الهجيج يا طيب .
وبمناسبة طيب دي كل سنة وانت طيب .

محمد المسلمي العيد مبارك عليك وعلي أهلك أجمعين يا كلس

العيد مبارك يا طلحة

الظلامي بكور دا بقى ستار في زمن قياسي وفسم المنبر لفريقين مشجعو لظلامي وخصومه

فك التسجيلات متين؟

عليك الله، يا طلحة، داير أتونس مع كمال دا،
فشنو، لو جونا ناس منتصر ومنى مسيب؛ أمسح مداخلاتهم

ههههههههههههههههههههه
ذكّرتني عجز بيت الشعر القائل (و الغواني يغرّهن الثناء) يا مستنير

طلحة ازيك ياخ وكل عام وانت بخير

انت كنت غاتس وين ؟

الغريبة أبو حسين بالانجليزي برضو غاتس وما ظاهر

انتو بتشتغلو مناوبات وللا شنو ؟؟؟؟

تحياتي طلحة وجميع زوار البوست وكل عام وانتم و أسركم جميعاً بخير

في الحقيقة توسلت للأخ محمد حيدر بحق المعزة التي أكنها له بأن يسحب ذلك البوست .. ودأئماً ما أتواصل وأتناصح مع من أحبهم عبر الماسنجر إنطلاقاً من إحساس بأن ما يمسهم يمسني وفي الغالب أجد تقديراً منهم لتوسلاتي
توسل آخر معلن يا محمد وأرجو أن لا أكون قد ضغطت عليك كثيراً بطلبي أن تبقى في المنبر فبوجودكم جميعاً أحبتي رغم مناكفاتنا تطيب لنا الإقامة معاً وتطيب حياتنا

يا كمال،
في بوستك بتاع الحوار، ليش سحب مداخلة المشرف وتركت مداخلتي؟
المعنى العام للمداخلاين كان واحد؟

علينا وعليك يتبارك يا فرانكلي ..
الزول دا ظلامي واللا مستنير ؟
ومستجد في المنبر واللا سنير لأنو متابعتي ليهو بدأت قريب؟
بس عشان نعرف نتعامل معاهو من هنا وجاي.

أبو بكر الإستيكة ما بعرف مكانا ممكن تستعين بالخبير فرانكلي
لكن والله شهرتك فاتت شهرة تهريف الملقب بأبي حسين لى غادي..
هسة شوف عندك واحد زي جرجير دا ليهو شرتمية عام ونيف ولسة
غيري أنا وقلة من العوام زول بعرفو في المنبر دا مافي .. تعبان ساي المسكين .

جرجير خليك من الفلهمة ... عملت شنو في الموضوع ؟؟ خخخخخخ

هيثموف يا غالي
كل سنة وانت طيب والأهل والأسرة والأحباء تبعك قاطبة
أنا كنت هناك ياخ حيث زحمة الحميمية والإلفة والنقاء والصفاء
وكل الحاجات الطيبة .. منبر بتاع الساعة كم ياخ .

العيد مبارك عليك يا سناري وربنا يقدرك على متابعة التوسل واستجداء الخير للناس ..
نورت يا الحبيب

ازيك يا طلحة مشتاقين ويتبارك عليك العيد وما بعده من أيام حتى النهاية
أما بعد، اسمح لي أرد على العضو الذي اشتهر في غياب النجوم أمثالك

Quote: يا كمال، في بوستك بتاع الحوار، ليش سحبت مداخلة المشرف وتركت مداخلتي؟ المعنى العام للمداخلتين كان واحد؟

يا ابوبكر يا مستنير
كمال لا يحذف المداخلات بسبب مضمونها، هو يحذف مداخلات ناس عندو معاهم سوابق
عرفت؟

وما حذف اللمبة البتبقبق كيتآ ليهو 😄😀😀
الواحد يفوت سودانيز ويدمن البكيمون

عيدكم مبارك يا طلحة ولو حذفتني عافية لك

سلام يا ود الزبير والعيد مبارك عليك يا رجل ينعاد عليك
وعلي الأهل والأسرة بكل الخير يا رب .


حباب الست إخلاص وكل عام وانتم بخير
منورة .

خلينا نشوف ردو يا معاوية،
بوستو بتاع الاستيكة، كنت متخيلو داير يناقش معيارو بتاع الكنس

مداخلات كثيرة من المداخلات التي حذفها لا تصب في موضوع الحوار الفاتحو.

لو متابع بدقة؛ قام بحذف مداخلة لNasr من بوستو بتاع الحوار ونصر فتح بيها بوست؟؟
المداخلة دي نصر قال فيها فيما معناهو:
الطريق الوحيد لحل مشكلة السودان هو قلع الكيزان بالقوة
من حق فرانكلي حذف هذه المداخلة بحجة انها متطرفة وغير واقعية ولا تبني شيئا في مصلحة طرح البوست.
جيب لينا أمثلة تدعم وجهة نظرك يا معاوية

يا بكور

يشهد الله قبل كدا انا دخلت وسلمت عليهو سلام الله سااااااكت


ورب المجرات زولك كنسها زي المافي حاجة


معيار ايه الانت جاي تقول عليه

السلام ساكت يعتبر مداخلة ما عندها علاقة بموضوع البوست ومضيعة للشنو كدا الباند ؟؟
ممكن تسلم ساكت برسالة داخلية

جيب لينا مثال قوي يا غالي

Quote: السلام ساكت يعتبر مداخلة ما عندها علاقة بموضوع البوست ومضيعة للشنو كدا الباند ؟؟ ممكن تسلم ساكت برسالة داخلية جيب لينا مثال قوي يا غالي

ابوبكر مابسالك 😂😂😂😂😂😂😂😂

Quote: غايتو العبارة الفوق دي المفروض تكون قاصدة بالضبط محترف دشدشة التلوج .. تشبهو تماما خخخخخخ

ههههه
ياريت .. لكن للاسف ده مثال واضح للتصور الخاطىء لرفاق المعتقد الواحد لما يفتكروا التدافع في الحاجات دي واجب ..

بقبقه ده زي بق بق
مع تفوق بق بق بالطيبة

سلام يا سناري،
مسعاك ظاهره خير؟؟
لكن لو دققت فيه تجدة مسعى ظالم؟
أن تساعد مخطيء على طي صفحة الخطأ دون أن تكون مرصودة بالارشيف
اجراء سحب البوست بالرغم من قانونيته، إلا أنه هضم حقي الدفاعي الكان مبذول،
وازال هذه النقطة السوداء من ملف المشرف
وفي نفس الوقت يحسب له تلبيه طلب الجودية كفضل!!

Quote: الزول دا ظلامي واللا مستنير ؟

الزول دا حسب كلماته ظلامي دامس

المستنير عندنا هو من استنار بنور الله وهداه

تحياتي يا أبو بكر

ممارسة الديوقراطية دي صبة خلاص

على العموم أنا متزم بها ومع سلفيتي وأوفر لأي تداخل موضوعي في صلب البوست مساحة ورد وأتيح للأخر الفرصة بفتح بوست منفصل يصب فيه كل غبائنه ولا آبه به رغم العناوين الصارخة والمسيئة باسمي لبعضهم وهذا حقهم في التعبير عن أنفسهم.

والبورد يسع الجميع

السعي لتسجيل النقاط واضح


وبعض الحقد ذكره كبر وفضحه

Quote: إلا أنه هضم حقي الدفاعي الكان مبذول

تيكنيكالي يا بكّور لم يكن في ذلك البوست ما يستدعي دفاعك لأنه لم يشتمك, هو لم يقل أنت حقير - وهذه شتيمة واضحة طبعا - قال لا تستحق إلاّ الإحتقار و تقرأ احتقاره هو
بالتالي كن يعبّر عن مشاعره نحوك وهو حر في ذلك وهذا لا ينقص منك شيئ ولا يعد شتيمة بقدر ما هو افصاح وتعبير عن رأي.
الشي الكنت اتوقّع منك ان تقف فيه و ترده هو قول المشرّف - في ما معناه - أن تعليقاتك رأى فيها خبث منك لم يحتمله
دي النقطة الفيها هجوم عليك في رأيي كان يستحق منك الرد و تبيان أنه لا يوجد خبث و ياها دي طريقتك مع الجميع

دا رأي شخصي لا الزم به أحد بالطبع! سامع يا تنظير عشان ما تشبكني دشداشة و كندورة و بتاع :)

يعني الزول ممكن يحتقر حاجة غير حقيرة؟!!
بهذ المنطق يا بشرى، لا توجد شتيمة في الدنيا وكلها رأي شخصي وشنو كدا تلصق كلمات مع بعض زي ما قال لطيف.
بمنطقك دا، جيب الشتايم الاتعرضت ليها انت وقاعد تقيف فيها ألف أحمر؛ وأنا بطلعها ليك رأي شخصي

----
يا معاوية، للأمانة
أنا قاعد أسرق منك استعمال تعبير"شنو كدا..."
فهو معبر

تحياتي يا بكري
أنا إنطلقت في مسعاي أساساً من معزة شديدة لكل آل المشرف، وتآلف روحي خاص مع محمد، رغم أننا لم نتقابل مطلقاً، لكني أحسبه أحد نجوم البورد الذين يساهمون في إنارته وإستنارته، وأفهم أنا أن غياب نجمة من أي فضاء يزيد من الضلام فيه حبة
وأنا يا أخي الفاضل خاطبت صديقي محمد منطلقاً من وعي عندي بالفرق بين المشاعر والتعبير عنها.. فكل إنسان من حقه أن يغضب، لأن كل حالات الغضب في الكون مشروعة، ولكن هنالك أشكال لا حصر لها للتعبير عن الغضب، قد يكون المشرف جرب بعضها، كأن يقطّع الواحد غضبه في فشفاشه حفاظاً على شعرة معاوية، وقد يقرر مقاطعة مصدر الغضب في طور متقدم آخر، حتى لو كان أبوه، وقد يتخذ الأمر في أطوار متقدمة شكلاً عنيفاً من أشكال التعبير عنه، وهذه هي الحالة التي تنتهي إلي مئات حالات القتل البتحدث في العالم كل يوم. محمد كما قلت لك عزيزي أبوبكر من حقه أن يغضب من أي تصرف يحس بأنه غير ودي تجاهه، ولا يحق لأي حد محاكمة أحاسيسه ووعيه، فمثلاً بالسليقة كدا ممكن ممكن الشيوعي أو الكوز أن يغضب كلاهما من مجرد رؤية الآخر حتى لو كانت تلك أول مرة يتصادفان فيها، فالأحاسيس ملك حر، وما يمكن للناس أن يفعلوه هو محاكمة طريقة التعبير عن إحاسيسهم، إن إختيار المشرف للتعبير عن غضبه قد يأتي وفق دبارة تعرف بدبارة القشة التي قصمت ظهر البعير!!! تخيل قشة تقصم ظهر بعير!!! وشرحها أن تراكم الأثقال على ظهر البعير أو أحاسيس النظير تصل مرحلة الثريشولد (العتبة عندكم في الفيزيولوجي) ولا تحتمل بعد داك قشة لأن أي قشة ستحول حالة رد الفعل من كمي (صمت وتحمل) إلي كيفي (نفرقع الحلة عندما تتجاوز الحرارة داخلها درجة الغليان). حلة محمد إتفرقعت عند درجة غليانها، وتفرقعها تمثل بالتعبير بالكلمة (العنيفة) وهي سلاح يحذق فيه صديقنا حسن موسى. أي إنسان يختار بحرية ما يناسبه من أدوات للتعبير عما بعد الغليان الروحي( بس في ناس الثريشولد بتاعهم 10 وآخرين 100) لكنه الوحيد الذي يملك حق إختيار شكل التعبير والإستعداد لردود الأفعال، متفهمة كانت أو مستنكرة، وهذا من حق أي بوردابي. وحدود التعبير أيضاً يملكها محمد ولا أحد غيره، لكن للآخرين أيضاً الحق في التوسل بأي أدوات للتعبير عنهم، وكل خطوط التعبير بالكلمة مفتوحة بادئاً ذي بدء.
انت يا أبوبكر يا أخي أحاسيسك ووعيك أيضاً ملك حصري لك وحق التعبير عنها على نفس المنوال هو إختيار تختاره بكامل حريتك وكذلك شكل التعامل مع ردود الأفعال عليه.. قد تختار أن تطوي هذه الصفحة هنا أو المواصلة في تعذية تراكماتها من جديد بإتجاه درجة غليان أخرى. قفل البوست إياة (وهو إختيار محمد للتعبير عنه) لا يمنعك من فتح بوست أو المواصلة في بوست آخر إختاره آخرون لتغذية الحالة السالفة حرصاً على إبقائها حية تتغذى وتكبر (مع العلم أنه مع أن كل بوست هو إختيار صاحبه للتعبير عن إحساس أو فكرة إلا أن سيبقى أيضاً فرصة لأخرين لفعلإما الخير أو الشر في أي بوست مثل إنتهاه كفرصة لتصفيات أخرى مربوطة بتراكمات أخرى). أنا تدخلت في الأمر لأني لا أود خسارتكما في البورد وللمعزة الخاصة كما ذكرت لك بيني وبين محمد وهو قد عبر عما جاشت به إنفعالاته وليس هنالك أي ضرورة أن يستمر البوست مفتوحاً لأنه بوست تأزم قضى غرضه ووصل رسالته.. والخيارات مفتوحة لك يا أبوبكر أن تقرر حقن الأمر أو المواصلة في تغذية الحالة..أقصد حالة المخاطبة المعلنة أو المضمرة للتشاحن المذكور وبالتالي المواصلة في تراكماتها (بالطبع يمكنك فتح بوست إذا إخترت ذلك كأداة من أدوات معالجة هذا التشاحن وإجابة ذلك التراكم)

بدون امثلة يا بكّور, قولة حقير شتيمة دي ما فيها خلاف, لكن أحتقرك زي أكرهك زي استعفنك زي شامّيك لله و الرسول
شعوري نحوك وكدا
وعادي ممكن الزول يحتقر حاجة غير حقيرة و الأمثلة كتيرة
عموما ما تقيف في الحتة دي كتير, لأنو من حقّك برضو ان ترى قولة أنا احتقرك شتيمة عشان كدا قلت ليك هو رأيي الشخصي
كنت اتوقع تعلّق على النقطة الوجيهة الأثرتها ليك بتاعة المداخلات الخبيثة

يا سناري،
البوست لم يقفل كما يفعل بكري في كثير من الأحيان ويحوله للارشيف
اعتراضي على اختفاء البوست نهائي
بكليك وتحنيس منكم، أخفى المشرف جزء من تاريخه الحواري هنا، وأخفى مجهود لكثيرين بذل في البوست

نقطتك بتاعت الحق في التعبير عن الغضب ضعيفة؟
الناس تعبر عن غضبها بالقتل
لكنها لا تستطيع - في معظم الأحيان- الافلات من العقوبة
سحب البوست اعتراف بالتعدي
مرّ دون أن يدعمه بطلب الصفح

سلام يا فرانكلي،
ننتظر أن يدعم معاوية الزبير اتهامه بدليل
وشكرا يا أخي على الاستجابة وان كانت شحيحة

يا أبو بكر أرجع أقرأ كلامي بدون إستعجال و مرات إختلاف حساسية الناس بيسبّب مشاكل، لما يكونوا مجبورين يتعاملوا مع بعض. فلا أظنك ترى أي مشكلة في كتابة جملة بكليك وتحنيس منك قفل البوست، ولكن مثل هذا النموذج من المخاطبات قد يبدأ في توليد مشاعر غير مريحة عند البعض، تبدأ في التراكم بمداخلات أخرى من نفس الشاكلة في الوقت الذي قد تدهشك ردة الفعل فيما لا ترى أنه مستفز أو فيه قلة حساسية.. بعدين أنا أفهم أن البوست بوست المشرف وليس بوست بكري أبوبكر أو بوست أبو بكر عباس وللمشرف كامل الحق في فتحه وقفله لا سيما لو كانت هنالك دوافع موضوعية لذلك.وأعطته إدارة البورد هذا الحق. بعدين من حقك أن تشفق على تاريخ المشرف الحواري وترى أن ذلك البوست عنصر عضوي في ذلك التاريخ بس في النهاية دا رأيك انت وما بالضرورة يشاركك الأخرون فيه. إذا إما إردت يا عزيزي الإستمرار في طريق تغذية التراكمات في هذا الأمر وأن تبقيه مفتوحاً وكما تعلم فإن آخر الحلقات في درب المراكمات هي ليست بالطبع لم بوست المشرف إنما هذا البوست الذي نكتب فيه، فلك الحق كل الحق وللمشرف الحق فيما يختاره من أفعال أو ردود أفعال أو حتى اللا أفعال

ما عارف فهمك لكلمة حق يعني شنو؟
ليس لدي الحق في أن أختار ردة فعل خارج قوانين الحوار المكتوبة وغيرالمكتوبة
ممكن تقول لي: لو متضرر ممكن تمشي للقانون
أقول ليك:
هذا غير ممكن عمليا

يا أبوبكر ياخ انت معجون بخميرة عكننة نت ما رديت أكتر من تلاتة ردود ونحن لمنا المشرف ياخ خلي الثقالة بتاعتك دي

يا أبوبكر ياخ انت معجون بخميرة عكننة نت ما رديت أكتر من تلاتة ردود ونحن لمنا المشرف ياخ خلي الثقالة بتاعتك دي

يا أبوبكر يا عزيزي

دا قانون الطبيعة
أي إنسان عنده الحق في إختيار ما يفعل ياكل يصوم يتزوج يزني يسالم يقاتل ...ومزود بالعقل والنواميس الاجتماعية لضبط و لتقنين إختياراته بوضع خطوط خضر وصفر وحمر
بس في النهاية في تبعات لأي إختيار وكل إنسان مفروض يكون مستعد لتحمل تبعات خياراته
وهنا بجي سؤال فلسفي عن أصل الشر في الوجود
كلنا بنختار أخياناً خيارات رائعة وأخرى ردئية قد نظل ندمانين عليها طول حياتنا خاصة إذا كانت آثارها دائمة مثل إختيار زوجة غير متوافقة وإنجاب خمسة أبناء معها

من خلال متابعتي لسودانيز منذ 2004
د . محمد حيدر المشرف لا يحذف بوستات ...
وتحياتي للجميع ....

يا عبد الصمد، يا أخي، مزعلاني هذه النهاية بالمنتدى
كنت أمني نفسي بموت (مشرف)، لكن أهو نتصبر بقول المتنبي وخالد بن الوليد
المشرفية وشنو كدا كما يموت البعير

_____كنت اتوقع تعلّق على النقطة الوجيهة الأثرتها ليك بتاعة المداخلات الخبيثة __________

وانا اتوقعت انو يعمل ميت


ازيك يا طلحة وعيدك مبارك

محمد حيدر يطول عمرك ويموت حاسدك
وكلنا ح نموت بس اتمني له ميتة بعير في خلا

اللمبة ال بتبقبق

الاستاذ طلحة عبدالله
يا اخ شكرآ علي سعة صدرك

أبوبكر عباس رجاء ما تحرجنا ...
حاول اتكيف مع الموضوع لو ما عايز تقتنع وهو كالآتي:
في البوست المعني الدكتور غلط أو علي الأقل كان فظ القول
وعمل ليك هيلمانة من مافي (تستحقها أو لا تستحقها) لكن المهم
ما كان في ليها داعي .. وبعد كدا انت ما قصرت ..
الناس تداخلت غلطت وصححت واتضامنت وشجبت وأيدت
ونددت الخ الخ الخ .. وفي النهاية الموضوع انتهي بسحب البوست
وهسة البوست دا بصراحة إشادة بقرار اغلاقه على أمل فض السيرة
الما جايبا حقها .. فااااااااشنو انسى الفكرة وجلي الموضوع .
خخخخخخخخخخ

العفو يا ست إخلاص مع التقدير


ونحية خاصة للحبيب تربيع Muhamed Hassan Abdalla

ثانكيو مستر فرانكلي
بس كتبت شنو في شنو ووين ؟؟
ما لاقي مداخلتك

Quote: من حق فرانكلي حذف هذه المداخلة بحجة انها متطرفة وغير واقعية ولا تبني شيئا في مصلحة طرح البوست. جيب لينا أمثلة تدعم وجهة نظرك يا معاوية

من وين أجيب ليك أمثلة بعدما تم حذفها؟ بعدين عينك في الفيل..
المهم عشان خاطرك بس بعيد ليك ظروف مداخلتي
عنوان بوست الأخ فرانكلي كان ولا يزال طبعا

Quote: البشير: انظروا إلى العراق وليبيا وسوريا واليمن، الآن كلهم ينشدون الأمن في السودان

تداخل الزميلان العزيزان درديري كباشي و م طه الملك وأكدا أن الفرق بين السودان وهذه الدول هو وعي الشعب والمعارضة وطبعهما المسالم
فتداخلت بالقول إنو إذا كان المقصود بالأمان العاصمة .. فعواصم هذه الدول آمنة . بس
وعينك ما تشوف إلا النور
الغريبة المداخلة التي تلت مداخلتي كانت بنفس المعنى وإن كانت أخشن بما لا يقارن بمداخلتي الوديعة الناعمة
هنا مداخلة الأخ علاء الدين صلاح

Quote: و دافور والنيل الازرق وكردفان واهلنا في هذه المناطق هل هم افضل حالا من شعب بغداد او حتى مقديشو من نعم الله وفضله علينا وحسن حظ هذا الشعب ان المعارضة ليست معارضة اسلاموية جهادية داعشية اخوانجية انتحارية تصور كيف كان سيكون الحال لو كنت القوى الاسلاموية الجاهدية الداعشية الاخوانية هي المعراضة والمعارضة هي الحاكمة

و لا تزال مداخلة صلاح قاعدة دليلا شاهدا على أن المقصود بالمسح هو صاحب المداخلة وليس مداخلته
ياخ واحد قاليك دخلت أقول صباح الخير واشوفك كيفن اصبحت، شاتو ليهو مداخلتو زيو زي أي عنصري أو بذيء
أها المايك معاك
----
رجاء، دع المشرف في حاله ما تركك

بكووور دا لسه قاعد؟؟!!

يا بكور سحب البوست انقاذ آللهي لحضرتك ... والله صحي :)
ثم زي ما قالوا ليك الاحتقار مشاعر انسانية صرفه لا يتحكم فيها العقل

كان نفسي تكون نفذته وعدك بالانسحاب الاصبح ممل وممجوج دا

غايتو لو عملتها كان جبته بنات ليك جيرانا يردحن ليك

وديل رداحات جنس ردح هههههههههه

مثلا .. مثلا يعني لما ابوهن مات قعدن يبكن ويقولن :

يا حليلك يا ابوي البتجيب لينا اللحمة بالكراع

يا حليلك يا ابوي البتجيب لينا الحليب بالعلبة

يا حليلك يا ابوي البتجيب لينا التفاح بالكيلو

الخ الخ

على فكرة هن سبعة بنات يعني ممكن يردحن شهر كامل بدون توقف


طلحة شوف لينا موضوع الخمسات البقى المريخ ياخدها دي بدل موضوع بكور العاضي دا

لحقنا ابو الهل ياخ!

ود البشاري يافردة
براااحة على المستنير
مالك عاوز تقطع راسنا
هسع نعمل استفتاء تطلع شعبيتو اكثر من حقت سيد الحوش هيمسلف ... ده غير ناس فور اول والمساطب الشعبية الحجروهم من المتاوقة....
بكور ده زول بركة زي الحنين بتاع عرس الزين
كل يوم مكتول في بوست .. ويطلع من رماده متل طائر الفينيق ..
-
خليك قاعد يامستنير

وحات "رب المجرات"، يا بشاري، وزي ما قال المثقف الكبير حاتم الياس، على لسان شرطي يتجنب معارض مدعي:
"لو إتّا واخلاص بقيتوا نقد ذاتو ما عندي بيكم شغلة"

وانت وشجرة المؤتمر الوطني وفي قول اخر شجرة الزقوم كان بقيتو عبدالخالق ال غني ليهو وردي ذاتو ( ذاتو ترجع لهما ) ما لي شغله بكم

اما نقد فقد استضفناه في منازلنا اما انت ف فاكيها في روحك ومصدق

سلام طلحة
و دايما تجى زمن الفيضان
تحب العكر زى عيونك
اول من طالب بسحب البوست لكن لمّا الموضوع مشى قدام
و المستنير اتعصر و غرق فى جك فول الموضوع عجبنى وقلت فى بالى ياريت المشرّف ما يسحبو
المهم .. الوبست اتسحب و لا يد للمشرف فى ذلك
المستنير ده كم مرّة قلنا ليهو ما تهابش ساكت من طرف
اها مشى يهابش خربشوه خربشة السنين
و بقى فى سيدى الحسن و سيدى ست نور
غايتو البركة فى ود الزبير حفّو تعمل ليهو تمثال
حايش عنّك جنس بلاوى

يا جلال، مع انو حاسبك مع الناس التعبانين جدا، لكن لا بأس!
البوست فعلا ضربني في مقتل وهزمني شر هزيمة وأخرجني من المنبر من غير رجعة.
مداخلاتي دي معاكم اتوا ناس الصف الثالت والرابع؛ مجرد فرفرة مذبوح تساعد على الانسحاب التدريجي، وحفظ بعض ماء الوجه

انت تسمع (زي حكاية نقد دي) ونحن نصنع البوليس ده رشينا
تفرق يا زول

يا اخلاص، خليني أقول ليك مشكلتي معاك؛ عشان ما تقولي مستهونك زي الخبير:
من اسمك واضح عندك قرابة مع المشرف
تداخلك في البوست داك ودا واضح منو تداخل عصبي أو قل تداخل صداقة.
أنا بالرغم من خلافي مع المشرف إلا أنني رجل نبيل لا يحب أن يكسب معاركه من مناطق ضعفها
بمعنى؛ أي شيء أقولو ليك في موقفك الضعيف دا شنو كدا ما عارف ...
وكمان برضو: أنا لمان أخلع جلباب الاستنارة بكون جعلي، لا يعرف كيف يتعارك مع القوارير

فشنو؟ خصمتك بالنبي؛ تخليني

هنا وفي المحل ده قلت عمتووووو
واتشرف جدآ
اما مواقفه الفكرية ف صحيحة وغير ملتوي ولا اي شئ
اما قوارير فصدقني موقفك به تدليس
ولن تستطيع مصادرة موقفي الفكري والمبدائي بتهويش اني بدافع عنو لانو قريبي
يا زول بقت له حظوتين حظوة القربي وحظوة الموقف ال غير ملتوي

يا اخوى شكرا ليك برّيتنى بالصف التالت و الرابع
يمين الله انا حاسب نفسى ولا حاجة مع الاساتذة العمالقة ديل
و حتى حاجاتى الكحيانة دى لمّا يعبّرونى و يتداخلو معاى
تصدّق بفرح فرح طفولى
القضية بالنسبة لى مسألة تعلم و الحمد لله شاعر بى نفسى ماشى لى قدام
و يومى الأحس بى انو اكتفيت من الغرف من مناهلهم يا دوب ديك لحظة الفشل و قمة الجهل فى حسابى
بنهظر و نخفف فى دمنّا و نغلت و يغلتو علينا لكن الضراحة ليك يا ربّنا ما قاعدين نتعكلت فى زول
بس مرّة مرّة ود البشرى و العمد لله بيتقبل تعدينا عليهو بى روح رياضية مع انو كيشة
... عامل غرّة صلاتو المضروبة دى هو كمان ...
تضدّق ارفض تماما فكرة انك تهجر المنبر فأنت صاحب خيال خصب و اسلوب سلس
اجد فيهو الكثير من المتعة .. بس اترك الغير ما تركوك

مرات بتحنن عديل
انت احسن زول
انت اكتب زول
قصصك كلها 100%


صدقني غير ستاربوكس ما عندك شئ سمحة وانا في السمح بعرف
ولو كرست طاقتك دي في التجويد بيجي منك
صححنا لك كراسك ده اها امشي نور ما تبقبق

قال مستهونك قال

صححت له يا معاوية الزبير😄😄😄😄😄.
والله الزول ده تحفة

تخليني ماشفتها
كويس عدلتها
تصبح علي خير يا زول وبتمني لك كل الاشياء السمحة في الدنيا

Quote: اما نقد فقد استضفناه في منازلنا اما انت ف فاكيها في روحك ومصدق

هههههههههههه@اخلاص

يا بكور ما اندهشته انو اخلاص اتوصلت للنتيجة دي بالسرعة دي

وانت عمرك في المنبر اقل من سنتين؟

يا اخلاص احييييك والله

انا بعرف بكور دا من 10 سنوات ...

مشكلتو مصنف نفسو مع الناس الهاي ...

أجدد التزامي باحضار بنات جيرنا للردحي تاني

يا حليلك يا بكور البتجيب لينا اللحمة بالكراع

ويا حليلك يا بكور البتجيب لنفسك الاحتقار

ويا حليلك يا بكور الما بتعرف الجد من الهظار


الليلة ووووووووووووووووووب ()

عارف مع ردحي بنات جيرنا ديل المعزين ما عرفوا يضحكوا ولا يبكوا

اها نحن هسي عندنا شعور بالاقدام والاحجام على البكاء والضحك في ذات الوقت

Quote: ود البشاري يافردة براااحة على المستنير مالك عاوز تقطع راسنا هسع نعمل استفتاء تطلع شعبيتو اكثر من حقت سيد الحوش هيمسلف ... ده غير ناس فور اول والمساطب الشعبية الحجروهم من المتاوقة.... بكور ده زول بركة زي الحنين بتاع عرس الزين كل يوم مكتول في بوست .. ويطلع من رماده متل طائر الفينيق .. - خليك قاعد يامستنير

حيدروووف

بكور البطري دا زول بركه ونعمة من نعم الله

هسي انا بجي داخل اشوف افلامه واطلع بس

وعشان كدا انا متبرع ببنات جيراننا يردحن ويرجعنوا لو اتهور وفات المنبر

كدي يا خبير خليني أديك درس استناري:
ضرب المثل ببنات الجيران غير لائق
ليش؟
الونسة بتاعتنا انتقلت من عمود النور إلى ونسة اسفيرية موثقة وباقية
وقوقل الملعون واخوانو شياطين البحث ديل ممكن يقودن بت أو بنات من بنات جيرانكم الحقيقيين ويقولن:
شوفو الخبير دا وقلة عشرتو؟ شايل حال بنات فريقم بالاسافير
فشنو؟
لو لا بدّ منمثل؛
عندي أخواتي رداحات وديل ممكن تعالج معاهن الاحراج لو وقع في عينن ونستك دي،
أو أنجر ليك مكان من خيالك

مافي نسخة مخبأة للبوست المعني ده شان الواحد يعرف الإحداثيات؟!

غايتو المستنير غياظ شوية و عكليت لكن ما زول شتيمة ولا فاكيها في روحو


بعد ده القصة حتبقى أفتح بوست وأردم أي زول عاوزو لحد ما تتفشى بعد داك أسحب
البوست ولا كأنو حصل شئ والصحاب والفرد يجوا يشكروا سحبك للبوست وسيطرتك
على غضبك والمستنير يتردم تاااني .

تحياتي طلحة
انا واحد من الناس الاتداخلو في بوست الصديق ود المشرف المحزوف ووصفت فيه ود المشرف بانو زول ساي والمستنير بانو سابق زمنو ..وشفت رد المشرف بس كنت مشغول ولمن فضيت عشان ارد لقيت البوست اتلاشى ..
عاوز اوضح حاجة انو لمن وصفت المشرف بانو زول ساي ما كان قصدي استحقار او تقليل او اساءة المراد من وصفي له بهذا الوصف انو كان جادي لابعد اللزوم مع المستنير ولو دقق شوية حا يلقى انو ابووبكر عباس بحك الحاجات وما عندو استاندرد يعني صاحبي زميل حزبي زول ظريف معارض موالي كافر سلفي كوز شيوعي ختمي ايا كان بردم الحالة القدامو ولسان حالو الزارعنا غير الله اليجي اقلعنا ...
تسيئو تنبزو تلعن سلسفيلو ما بهمو المهم يوصل الدوز بتاع استنارتو والله صحي ..وعشان اثبت الكلام دا السلفية عارفنو كافر وبعد دا بحبوه المعارضين بعضهم بحبوه المواليين برضك ما بكرهوه ..انسان بهذا الكاريزما والصفات ما اظن زول ساهل ولا بستقصد شخص برمي كلامو ولا يقصد فيه اي مساككة او كراهية.
وكلامي اعلاه ليس عاطفي او نرجسة مني تجاه المستنير بل هو حقيقة والرجل يمكن يكون ظاهرة يجب التوقف عندها والتدقيق فيها ..واظن انه حالة ايجابية في هذا البورد زول قدر يجمع كل متناقضات البورد لحبو او لاستحسان حروف قطعا ما زول هين ..
عشان كدة يا دوك المشرف تعال راجع البورد انت والمستنير مدارس لا يمكن الاستغناء عنها ..
وعذرا لك ان فهمت وصفي لك في غير محله ..احترمك جدا وانت من الناس المميزين في هذا البورد وسيبك من المستنير دا زول ساي هههههههه
وعلى فكرة يا مشرف كنت عاوز اراسلك عالفيس ورسلت ليك طلب صداقة يا ريت تقبلو...
-----
مودتي يا طلحة
واسف .على الاطالة

غلبني كلو كلو
تسبو تنبذو ما بهمو 😄😄😄
وطيب الكلام ده كلو قلنا ليه 😄😄😄

( والقمر اذا اتسق ). صدق الله العظيم

معقولة بس يا علي دفع الله؟
ترسل طلب صداقة عشان تعتذر عن وصفو بزول ساي؟
حالتي أنا زعلان من الشيوعيين بمن فيهم معاوية الزبير على الموقف الغير واضح من هبوط زميل لهم بتقبل الآخر "الثقيل" ومستثنيك إتّا!!
ومن ناس أبوبكر صالح على الاصطفاف السكوتي؟

إذاً، أنا ح أمشي بيت عمة الولد الجاء نقد شرب عندهم الشاي، وبشتكي ليهم ضيق ولدم بالآخر واستعمالو لتعابير لا تليق بتاريخ زيارة نقد النضالية

كو كو بالباب
آسف، ضغط على الجرس (ديل بالخرطوم ٢)
جات الشغالة، بتتكلم بالانجليزي

كلمتها بانجليزي ملتق:
هاي، أنكل حرمة اخلاص مال دكتور دواء موجودة؟

Quote: تسيئو تنبزو تلعن سلسفيلو ما بهمو المهم يوصل الدوز بتاع استنارتو والله صحي

يا علي ياخ ما بزعل شنو؟؟؟

المستنير دا اكتر واحد قاعد يزعل

لكن طريقة تعبيرو عن الزعل والغضب مختلفة شوية

امال انت قايل حكاية انو كل مرة عايز يمشي ويخلي البورد دي شنو؟؟؟


هو الواحد الا يسب الدين يعني عشان تعرفو انو زعلان


ثم حمدالله بالسلامة وايه اخبار الكديب معاك

Quote: امال انت قايل حكاية انو كل مرة عايز يمشي ويخلي البورد دي شنو؟؟؟

لا لا يا هيثم ياخ دا ما بسبب الزعل, حركة ماشي و بكري يدفع و يحنّس و شنو ما عارف بل حتى الإستنارة في رقبتها دي عدّة الشغل
البزعّلو جد جد انّه العدّة دي ما تجيب دخل! أسالني منو أنا مش الجماعة حملّوني مسؤولية تكبير راسه ههههه

يا زول شاي شنو ده كسر ركبة لما نميري قال ما دايرو
افففففف
عالم مناتله و كتابة
ازيك با زول

دخل شنو يا بشرى؟
هسع طلحة صاحبك دا، متين عندو بوست وصل ليهو اكتر ١٢٣ كليك؟
قصة انو أنا أحييت سودانيز دي بعد ما كانت ماشة المقابر؛ لا تتناطح حولها البتاعات ديك

كتيرين جدا جدا بجوا سودانيز عشاني، دي برضو ما بتناطحوا
يا ود البشرى،
الناس ملّت الكتابة النمطية يا نمطي
رسالتي الاستنارية معجزتها في انك تسأل للناس الأسئلة التي تبحث عنها وهي لا تدري عن ماذا تبحث

يا مستنير يا صاحب المعجزة هههه
الدخل المقصود ما المعنى الحرفي بمعنى الكلّكات أو ردود أو ما شابه
طيب خلّيها كالآتي: أكتر شي بزعّلك لمّا أدواتك ما تجيب نتيجة أو تحدث أثر لدى القارئ
أها كدا كيف

__________________________________

لكن اختلف معك في أكتر عدد مشاركات او قراءات وصل ليه بوست لتنظير, كان عنده بوست عن اخطبوط كدا بالصدفة توقّع فيه فوز اسبانيا بكاس العالم داك اظنه حصّّل 124 او قريب منها :)

بمعنى آخر:
أنا مثير استنارة
اكتر من مستنير بمعناها السلفي يا فرانكلي
اختصارا بطلق على نفسي
مستنير

بمعنى آخر:
أنا مثير استنارة
اكتر من مستنير بمعناها السلفي يا فرانكلي
اختصارا بطلق على نفسي
مستنير

الأثر بقيسوهو كيف؟
بقيسوهو بتكاكو الناس على البوست
هسع الناس بضربوا لبعض تلفونات عشان البرست دا
حتى بالامارة واحد سأل الضارب: البوست كاتبو منو؟
قال ليهو: ما عارفو
لكن عنوانو بالانجليزي وهو في الصفحة الأولى

(حتى بالامارة واحد سأل الضارب: البوست كاتبو منو؟)

يا أبو بكر ما بنهضم حقك في أنك تختار ما تشاء

لكن لو عايز الإستنارة الجد جد ح تلقاها في معناها السلفي

معليش أنا ما داير استغل الفرصة وافتن بينك وبين الشيوعيين لكن ليه الشيوعيين بصطفوا مع بعض ضدك؟

حتى الما واقفين ضدك بيتحاشوا يصححوا الواقفين ضدك

معليش لكن بالجد عايز أعرف السبب شنو؟

كنت شيوعي وطلعت منهم

لاني شايف الشيوعيين لو الاحد طلع منهم بشخصنوه شخصنة شديدة

أتلانتا، الولايات المتحدة الأمريكية (CNN)— قضت المحكمة العليا في إيطاليا برفع التجريم عن الاستمناء في الفضاءات العامة، شرط عدم القيام بذلك أمام القاصرين، وقد أتى حكمها في هذه الواقعة لصالح رجل يبلغ من العمر 69، جرى القبض عليه بعد شكاوى ضده بالاستمناء علنًا.

المتهم في الدعوى كان قد أدين في ماي/أيار 2015 بثلاثة أشهر حبسًا نافذًا وغرامة 3200 يورو (3600 دولار) بعدما قام بالاستمناء أمام طالبات من جامعة كاتانيا، بالساحل الشرقي للبلاد، غير أن محامي الدفاع رفع القضية إلى المخكمة العليا للبلاد، التي أصدرت الحكم لصالح المتهم، ولم تقم بإعلان الحكم للرأي العام إلّا خلال هذا الأسبوع.

ولم يتوقف حكم المحكمة العليا على تبرئة المتهم من الإتيان بسلوك جنسي يخالف القانون، بل أرسلت القضية إلى المحاكم الابتدائية بكاتانيا لتحديد تعويض للرجل ما بين 5 آلاف (5651 دولار) و30 ألف يورو (34 ألف دولار).

واعتبر قضاة المحكمة أن الاستمناء في الفضاءات العامة، ما لم يكن أمام قاصرين، ليس أمرًا مجرّما بناءً على التعديلات التي أجريت على القانون الجنائي خلال نهاية العام الماضي، وهي التعديلات التي رفعت التجريم عن مثل هذه السلوكيات الجنسية.

غير أن التعديل الجديد ينصّ أن أيّ استمناء أو إظهار للأعضاء التناسلية أمام الأطفال يعاقب عليه بعقوبة حبسية تصل إلى 4 سنوات ونصف، ويبقى رفع التجريم عن الاستمناء في الفضاءات العمومية أمرًا قليل الحدوث، إذ لا تزال الكثير من دول العالم تجرّمه وتضع عقوبات حبسية لكل من يقوم به.





ــــــــــــــــــــــــــــ
حبيبنا طلحتوف.. سلامات وعام سعيد
صراحة قريت الخبر دا اليوم ولم اجد مناسبة انسب من هيــك لاقتباسه

تحياتي

أبو بكر عباس
انتهى من الحلال ودخل في الحرام ..
سلام ليكم جميعا يا شباب لغاية ما أرجع للظلامي المستنير المستطير
أو أيا كانت كينيتو ..
خخخخخخخخخ

ولجرجير الملقب بجرجير بوستاتي من قبل توقعي الذي لم يخب
ولن يخيب ولغاية هسة دي عاملة رجة في المكان دا ( عين الحسود فيها عكاز غليد)..

تحية خاصة للصلد حيدروف الزين

اجابة لسؤالك يا فرانكلي:
يبدو انو الشيوعيين بعتبروا الشتيمة من باب حرية التعبير
أو كما قال سناري

دا ظاااااااااطو الكنا خايفين منو عليكم الطلاق
عارفين انو حردان الدكتور المستمر وتلويحو الدائم بالانسحاب (غير المنفذ)، لمجرد اختلاف
في وجهات النظر حتي ولو كان مع زول ساي زي أبو بكر الفوق دا ح يعمل
حاجات ما كويسة، أقلها بتيح مجال لبعض الفقاعات لتظهر على سطح الأحداث
مثال ( أبوبكر الظلامي المستنير) خخخخخخخخخخخخ
للحق الزول دا عرفتو قريب جدا شديد رغم انو تاريخ انضمامو ليهو فترة
ما قصيرة ودا طبعا لأنو كما أتصور ظل لايص وهايص ساي وسط عمالقة المنبر
ووحوشه من لدن منير وكبر وحيدروف وغيرم من الناس الما بخلوك تشوف
غيرم ( جرجير اوت اوف القائمة كالعادة) ..)..
عموما طبيعي جدا أن يهابش أبو بكر ويقابض يمين شمال مع التركيز على
نجوم البورد عساهو يكتسب ولو قليل من الأضواء، ولعمري دي حركة
ذكية ( ما عايز أقول خبيثة وخلافو ) .. حتي إذا ما أفلح في مسعاهو مستفيدا
من حمق البعض وبساطة البعض وغباء آخرين طلع بثلاثة أرجل في كفر
الشهرة المسروقة وأخذ يتنقز ويتنقز ويتنقز حتي قالوا ليته نزل ولكنه ما نزل
ولا حتي فكر ولا أظنه يفعل، بل واصل التنقيز مع جوطة ولخمة وكثير
من المزاعم والإدعاءات الهلامية .. خخخخخ

مش قلنا ليكم الراجل انتهي من الحلال ودخل في الحرام ؟؟
لا وكل دا بلا خبرة ولا فكرة ولا رأي منير خخخخخخخخخ


أبوبكر عباس من أية فجوة فضاء برزت وعما تبحث ؟

( كثير تلج ومعاه ايس كريم )
اتذكرت رمضان
بقبقه جد

Quote: الأثر بقيسوهو كيف؟ بقيسوهو بتكاكو الناس على البوست

يعني كمان ما تحرجنا و خاصة أنا باعتباري راهنت - يوما ما - على حملك لشعلة الإستنارة من البروف وخلافته
اسّي دا كلام يقولو مستنير! يا عزيزي ارتفاع المشاهدات و المشاركات ليس مقياسا على الأثر, اي بوست يحمل عاجل كمقدمة او (صور) كمؤخرة في العنوان بجيب آلاف الكلكات ولو حمل في المتن شوية تحبيشات جنس ومراهقة وناس مذيعة طلّقوها بجيب عشرات المشاركات!!
ياخد يومين تلاتة ويمضي دون أن يترك اي اثر
فا الأثر قطعا لا يقاس بالتكأكؤ ولا بالمكاكاة

يا فرانكلي كدي دقيقة قبل ما تعملها قاعدة, أكبر شيوعي كلاسيكي هنا من محبي وانصار المستنير وما برضا فوقو اهو علي دفع الله
هيثم غالي ومعاوية الزبير ما شيوعيين لكن قطع شك علمانيين برضو من أحباء المستنير
المكجنّين المستنير أو انصاره على حسب تجربة الواحد معاه و انطباعه مسألة فردية, لا علاقة لها بجماعة أومنهج

تنظير ياخوي الغلاط لا داع له, قبل بوست الأخطبوط الصدفة ما كان في حد بعرفك أو بقرأليك سوى بعض المداخلات البتمارس فيها هواية التظير في بوستاتي, وكذا الحال بعده لا أحد يتذكّرك ساي :)

يا فرانكلي،
باقي ليك ما فتشت عن الاستنارة بمعناها السلفي
الاستنارة داخل الدين بتشبه التعود على الفول
الاستنارة التي أنشدها بتشبه كونك وحيد في كوخ في يوم به اعصار ومطر ورعد وبرق
تحاول من خلال سنا البرق ان تبصر الله التاني
الله بتاع محمد آدم

أجد العذر لصديقي محمد المسلمي بعدم الوقوف معي، لأنو تربطه مصلحة نبيلة مع شاتمي
سر يا مسلمي، عين الله ترعاك

أرجو يا فرانكلي، أن ترد على تعقيب معاوية الزبير
الاستاذ معاوية الزبير

شكراً يا أبوبكر

لكن ما بستاهل تعقيب

كلامي أنا كان واضح وهذا يكفي

هههههههه

اذيك يا طلحة الضحكونجي

كلامك صاح يا بشرى، في حالات باوقة وروضة
في حالتي الكليكات متابعة لأبداعي (ما زي ابداع موصلي الاكاديمي المسيخ)
سودانيز دي من يوم بكري اسسها هو دينق بالصدفة، لم تنجب نجم بهذه المواصفات

يا طلحة، نجوم شنو البي البورد؟
المنبر دا يوم جيتو، ما فيهو نجم غير أميرة الأميرات دينا خالد.
ودينا دي يا ها أنا

انت خليك مواصل في طلب الاستنارة وإن شاء الله ح تصل

لكن خليني أقول ليك سبقوك كتيرين في الطريق دا وفي النهاية وصلوا لقناعة واحدة أن لا إله إلا الله محمد رسول الله وعيسي رسول الله وموسى رسول الله

في ناس لفوا ما خلوا بوذية لنقشبندية لي مسيحية ليهودية لعبرانيين مسيحيون وفي النهاية كانت النتجية لأهنهم كانوا بيبحثوا عن صدق هو الإسلام

اصدق النية تبصر طريق الله

محمد آدم دا منو؟ معليش ما عرفته

كمال
بكور ده المسيح بتاع المنبر
عشان كده الجهجهة حاصلة تجاهو
الله يهديهم :))

Quote: للحق الزول دا عرفتو قريب جدا شديد رغم انو تاريخ انضمامو ليهو فترة ما قصيرة

طبعا يا طلحة صاحبي المستنير دا انت لاقيتو لما جينا ومعانا الزميل الغايب هاشم الحسن
لحضور حفل تدشين كتاب حبيب نوره (الحب من طرف ثالث)، في النادي السوداني بالعين سنة 2011،
لكن ما بكون لفت نظرك لأنو من النوع الخجول الما بتكلم قدام الغرباء، وإذا تكلم ياهو دا حالو

طبعا يا حيدر، في ناس منتظرنو ينزل من السما بكرين وعربات الشرطة واقفة
والنسولن يبكن

الحمد لله يا معاوية، الذي يسر لنا بيل غيتس للحديث من وراء حجاب

ههههها
غايتو يا مستنير بلاك الاسافير خلا
واحدة من مخرجات هذا البوست
طلحة ضمن الدخول فى بوستات فرانكلى دون خوف من استكة

Quote: حضور حفل تدشين كتاب حبيب نوره (الحب من طرف ثالث)،

تصدق يامعاوية انا حضرت تدشين الكتاب ده في احدى اجازاتي في الخرطوم ....
لاقيت بورداب وبوردابيات لكن ماقلت لواحد فيهم انا منو
عملت بوست نفس اليوم عن الفعالية دي
-
ذو اليد سألني قلت له انا دكين ))

يا أبا بكر
دينا متين كانت نجمة هنا ؟؟؟
دي بالكتير تقول ليهو نكتة اتقالت قبل كدا خمسين مرة
أو تحاول تتظارف بالسخرية من أهل العوض ومسواكم بالفرشة
حقتا ..
لكن مصدقك لو قلت دينا ياها أنا لأنو نفس التظارف وذات
الإستماتة في إثبات الذات والمحاولات اليائسة لتخفيف الدم
من غير جدوى .. خخخخخخخخخخ

تحية خاصة للحبيب جلالدونا
وقبله للحبيب علي دفع الله
وجميع الأخوة الأحباء هنا

جلالدونا إستبعد انو فرانكلي يمسح لي مداخلة
لأنو ببساطة شديد قاعد أرد رد موضوعي حتي لو فيهو خربشة
فرانكلي دا بمسح الردود السمجة بس خخخخخخخخ


معاوية الزبير يا حبيب هو فعلا كان في كتاب تم تدشينو
في النادي السوداني بالعين قبل كدا ؟؟؟
وحاة الطلاق ما متذكر

وين المدعو تهريف الملقب بابي حسين ؟؟؟
وكيف فاتو مولد التلميع دا ؟؟؟
دي فرصة لا تعوض للشهرة والتأكيد على انو
الواحد موجود وبكتب كمان ..
تماما كما يفعل حاليا الأخ جرجير الشهير بود البشرى ..
غريبة فعلا والله
أنا محتار في غياب تهريف .

وأيم خالق الاستنارة
أول مرة أسمع بمستنير يدعى (أبوبكر)
سمعنا بشيخ أبوبكر، الفكي أبوبكر ، الخليفة أبوبكر ،
لكن (تفتيحة) يطارد مستنير زي المشرف ليعقد في تلتها يطرشنا
اقترح أن يغير المستنير أسمه لاسم ظلامي كالـ ... (صديق) ويريحنا
كل الحب للمستنيرين طلحة والمشرف وأبي بكر الصديق عباس وكل الضيوف.

اصطفاف مين كده دفع الله وباقي الرجرجة خلف بقبقة وخروج محمد حيدر تشبه اصطفافهم خلف الخطيب وخروج الشفيع خضر
سودانيز ونلاين بقت زي الميدان بعد دفنها

حليل الاستنارة وحزب عبدالخالق

كريزما الخطيب و بقبقة

كريزما الخطيب و بقبقة

Quote: اصطفاف مين كدة دفع الله

اخلاص المشرف انتي زعلتي ولا شنو ؟؟؟؟
وين الاصطفاف يا بت المشرف ...
مع تحياتي
مين كدة دفع الله 😂

زعلت. .....وقاعده😅😅😅😆

قال كلكاتو قال
عالم وهم وفاكاها في روحها

طلحلح .. سلام معطر .. وكل يوم انت بالف خير ومن معك ..


كتب صديقي الماهو ضيقي : ابكرونا :

Quote: فشنو، لو جونا ناس منتصر ومنى مسيب؛

شفت ابشرك يا ابكرونا حبيب الكل الشئ الوحيد الاساسآ ما بمشي
مطلقآ عليهو الشكلة بين الصحاب . صاح انا متخصصة مشاكل مع
المفسدين اعداءنا امثال فرانكلي واشباهو لكن دا اصلو ما بعني اني
من رواد كل المشاكل .. لانه حقيقة بتعمل لي قرحة نفسية مشاكل
الناس الجميلة المابتتوقعها في يوم تلقاها في موقف زي دا !!!!

عمومآ الحصل من ود المشروف اعتبرتو خاني الحظ ولقيتو في موقف
ما بشبهو وبس .. والاتنين احبابنا واخوانا وما بنرضي فيكم الحبة .

ولكم جميعآ الحب والتقدير ..


وانت يا طلحلح .. شاحدة ربي بوستيك دا يصبح في خور الحوش .
خخخخخخخخخخخخخخخخ .

منو ي قلب كيفك
قاطعوا فرانكلي اها اتحد مع فرانكلي وجاب كثافة محمد حيدر
بقبقة وفرانكلي غتته
وده البغيظ
تحالف شنو كده ما بعرف مع منو كده
محن 😃😃😃😃😃

غايتو يا اخلاص بقيتي للمستنير في تولاهو ..
وبقى في التخارجو منكـ ..
جرب معاك كل السبل وايديه ليك ما قصرت ..

كيف الخلاص من اخلاص ..
بيتخايل لي ده لسانه حال المستنير هسه ..


طلحة إزيك يأخ ..

لسه ما تم استنارته
قرب
الاستقامة من شروط الاستنارة

وبعدين البشاري قال ليهو سبعة اخوات ما صدقو
بعد النظر من شروط الاستنارة
قدر لكراعك قبل وبعد
ونقة السنين
واللة انا ذاتي مخلوعة 😀😀😀

كراع دي حقتو
رجل حقت محمد حيدر

اسه كان سب له دين كان الملحد شايل المكسر وادو وسام المناتله

اخلاص اردمي مدعي الاستنارة دا ()

ابو بكر عباس كان ترجى الناس تصنفك ضمن المستنيرين ياخ!

مش تفكها في روحك يا عملات اخلاص هههههههههههههههه


اخلاص اختي براحة على المستنير دا ...

وبعدين بالطريقة دي بتفقدي سوايل ... والله صحي ()

وبعدين النحدثك

بكووور دا لما ادوهو عضوية في الفور اول عمل بارتي عدييييييييييل


اي والله ...


اها لكي ان تقيسي مدى فرحته بعضوية سودانيز

افقد سوائل شنوانت قائل هنا الرصيرص ولا القنيص الشرقي

شفت الراحة ال فيها الحكومة دي
تدفر فرانكلي ومعاه طلحة ذاتو😄😄😄

الابن الحبيب محمد حيدر
عارفاك داخل في ضوافرينك وفي نص هدومك من عمتو
الشئ كلام رجال و شيتآ كبار ، استنارة و مستنيرين و نيتشه وكنت و انت والزول الشين
بس العذر كلنا تلك الحنون
ما تنحرج وحاة سيدي الحسن والمهدي الامام اخواتهم وامهاتهم وخالاتهم وعماتهم كلهم زيي
الزول مستهبل وانت قلبك حار
وزي ما دخلتك في ضفورك هو ما قصرت معاه
من نوع التعرية ونقة المثقفاتيه
و الجهة الفيها الحديدة
المنبر فيه حرمتين وحابس
الباقيات بتاوقو لو ما نصفكم الأخر معاكم اعرفوا في مشكلة

ما شاء الله نشاط شديد في البوست للست إخلاص المشرف .. ههههه
تحية خاصة للحبيب ود القوز
وقبله البشاري
كل عام وأنتم بخير يا جماعة

طبعا يا حيدر، في ناس منتظرنو ينزل من السما بكرين وعربات الشرطة واقفة والنسوان يبكن
--
ديل الضهب الضايع ليهم السراط المستقيم
الاستنارة دي حاجة متعوب فيها مثل العمل الصالح

وتحية أخري خاصة للست مني عمسيب
وقبلها حيدر حسن ميرغني ..
كل سنة وانتو طيبين ورحمة الله وبركاته .

أحييك يا طلحة على العودة الأنيقة دي

لكن لو ما جبت سيرة الظلامي دا كان البوست في الصفحة الخامسة

ههههههههههههه

شغلك شغل مدربين ألمان لفريق صفوة

لما كان البورد بورد بالجد
والعضوية كانت تفتيحة وليها وزنها
بوستات طلحة كانت تلجلج في الاسافير
حتى انني لمست فيها بوادر استنارة
-
ادو الراجل حقه ياخ

تقدير فخيم والله للسيدين الحبيبين فرانكلي وحيدر حسن ميرغني
سيبكم منو المستجير دا خخخخخخخخخ

تم التعديل بحمدلله
قبل ما يجوك ناس الجرجرة والمط والمعط وبتاعين الحجج و..
( الإستغلاليين ).. خخخخخخ

Quote: بوستات طلحة كانت تلجلج في الاسافير

أمممك دللللللللل

بعدين يا حيدرنا قولة تلجلج دي زاتها ما شُكر
هاك ليها من المعجم:

Quote: لَجلَجَ: ( فعل ) لجلجَ يلجلج ، لجلجلةً ، فهو ملجلِج ولَجْلاج ، والمفعول مُلجْلَج - للمتعدِّي لَجْلَجَ فِي كَلاَمِهِ : تَرَدَّدَ فِيهِ ، تَلَعْثَمَ لَجْلَجَ الْهَمُّ فِي صَدْرِهِ : تَرَدَّدَ لَجْلَجَ اللُّقْمَةَ فِي فَمِهِ : أَدَارَهَا مِنْ غَيْرِ مَضْغٍ لَجْلَجَ فلانًا عن الشيءِ : أَداره ليأْخذه منه

كلهّن معاني سلبية
ولاّ تكون قاصدها :)

طبعاً قاصد يجلجل يا ود البشري

غايتو في ناس كانوا بسكوا بوستات طلحة عشان يشتهروا

خلّيه يا فرانكلي ياخ
دي جوز ما يخسر :)

جرجير
أقول لك كما قال أحد شعراء الربع الخالي :
استريح وخت الدعنة في رجلك ...
ها ها ها ها
طوطحو
خلاهو بين السما والواطة
علقو من عرقوبو .. خخخخخخخ

ود البشرى ياصحاح
خليك من المعنى ..
عندك شك في نجومية طلحة
ثم انا ياخي من الناطقين بغيرها .. معذور يعني
-
ياخي انت زعيمنا .. زعيم الرماديين .. خليك حنين :))

Quote: عندك شك في نجومية طلحة

نجو..إيه, نجومية منو؟
اللهم لا تعولقنا لا تخوزقنا
دا بوست شنو المكلكع دا
من استنارة المستنير لي نجومية طلحة !!
تعال تم الناقصة و قول لي مصداقية جادات او ديمقراطية فرانكلي كمان :)

آخخخخ
حظك يا ود البشرى البوست دا ما مفترعوا أنا كنت وريتك الديموقراطية الفرانكلونية

لكن ما مشكلة

نحترم الرأي والرأي الأخر للأخر

هههههههههههههههههه
الغريبة يا فرانكلي زمان كنت عامل لي خاطر وما بتأستكلي حتى ناس جلال و هيثم زعلانين
شايفك نزّلتني السوق عادي

يا ود البشرى عندي عندك طلب بصفتك فهام وصحاح:
أشرح لي مداخلة أبو روضة ببوست أب سن
قدر ما حاولت أفهم مثقفاتية قاصد يشكر بيها الدكتور ولّ يسبني بيها أنا؟!
الغريبة ابسن رد عليها عادي وفهمها، صعبت عليهو مداخلة المسلمي!
كلما أجي سودانيز دي ويتشعبطوا فيني الجريوات بتذكر طلب "كفار" قريش بتاع المبارزة في معركة بدر الكبرى

خخخخخخخخخخخخ
يا للفضائح ..
أبو بكر المستجير وقف البورد على رجل كلب
عشان الدكتور قال ليهو تستحق الاحتقار باعتبارا
شتيمة لا تليق أو كلام فظ لا ينبغي أن يخاطب به زول مستنير
بنجوم السماء.. و حلف يمين ستين انو
قمة مستهدفة شجر فيهو ثمر ووووو.. الخ الخ
لغاية ما دخلوا الطيبين هدوا من روعو ونفخوا
ليهو البالونة حتين شوية كدا راق ..
الشاهد انو ياهو ظاااااااااااااطو أبو بكر هيمسليف المتأفف المتوحوح
المولول من لفظ احتقار اللصقو ليهو الدكتور يملص كل القيم والمبادىء
الإتلفح بيها لما نابو الكلام الشين ( على حد تعبيرو) ويقعد ميطي ساي
في السهلة عشان يرقص في جنازة الوقار المزعوم الشيعو مبكيا على صباهو
الباكر وهو يصف الناس بالجريوات .. خخخخخخخ

لا وجرجير المعروف هنا بود البشرى دا كمان عنوان ضخم لتناقض
المواقف التي يستبدلها كما يستبدل شراباتو ..
شوف في البوست المسحوب دشدش تلج سيبريا والمناطق المجاورة
مدحا وثناء في أبو أبكر.. وجاء في البوست دا عشان يسخر منو باعتبارو
ولا حاجة زيو وزي نجومية طلحة الهلامية وديمقراطية فرانكلي المزعومة .. أو كما وصفا ..
هههههههههههه.......
يالكم من مجارمة مدعين .

هسع يا طلحة ممكن تفتكر انو كلمة جيروات دي كتبتها وأنا لا أعي تناقضها مع ما أدعو له ؟!
زي وزي أي واحد هنا ممكن يكتب جملة وينقضها في السطر الذي يليه؟
الكلمة دي ممكن تجيب عشرات زيك ينتقدوها، ولن يأتي واحد يبرر لي استخدامها!!
الغريبة كلكم بتكونوا قريتو القصة التعليمية بتاعت الزول القال ليهو الخليفة عمر:
"أني لا أحبك"
الثقيل أو الإعرابي الجلف رد: ايمنعني حقي؟

Quote: بتذكر طلب "كفار" قريش بتاع المبارزة في معركة بدر الكبرى

كدي يا بكور ذكرني بالقصة دي، عشان اقدر اتابع

حبيبنا طلحة مودتي ..
البوست بصراحة فاقد أبوحسين ..
يظهر لي الشلة ناقصة ..

مودتي

حبيبنا طلحة مودتي ..
البوست بصراحة فاقد أبوحسين ..
يظهر لي الشلة ناقصة ..

مودتي

أنا المحيرني في الموضوع محمد المشرف مالو علي !!
ياخي أنا (زول ساي) زي ما قال الكتاب .. أو زي ما قال علي دفع الله
زول نكرة ساي ما عندي التكتح .. لا مثقف لا أديب لا ناشط سياسي لا صاحب موهبة ولا الرمادة دي
كل أملاكي في الدنيا باسويرد بكري ومعاهو شوية منطق بشارك بيه مع الناس على طريقة غزوني ما تنسوني .. وحتى دة في ناس ما مقتنعين بيه
يعني مثلاً ود البشرى بدل يقول لي انت زول منطقي بقول لي غالاط .. شفت كيف!
المهم وانا بكامل أناقتي العنقالية دي أجي ألقى ود المشرف ما لقى شيتاً يكرم بيه ضيوف البوست غيري .. علي الحلال تكاني ضبحني في نص البوست لا إيدي لا كراعي
والغريبة ظل يصر إلحاحاً إنه بعرفني وحافظ إني حأتداخل كيف رغم إنه قال اسمي 17 مرة ما فيهن ولا واحدة صاح !
بالمناسبة يا مشرف أنا اسمي أحمد .. ما محمد ياخ

انشغلت وانقطعت عن النت وما عارف البوست مشى كيف لكن بتمنى يكون في زول اتردم معاي ما أكون اتسلخت براي مع المحتفى به

يا تنظير الله يرضى عليك ما تخمنا ساي, انا في البوست كتبت مداخلة واحدة في حق المستنير عدمانة اسم التلجة!
حتّى وصفتو بالشطة ظاهرها الحرقة و الأذى وباطنها الطعامة و اللذاذة و لابد منها لتطعيم اي وجبة وفتح النفس
أسّي الكلام دا فيه دشديش تلج ولا كندرته حتّى !!
اللهم إلاّ إذا كنت تعتبر مناداتي له بالمستنير نوع من التلج, ودي أنا ماخدها من باب نادوهم باحب الأسماء إليهم, زول سمّى نفسة المستنير اناديه بي شنو تفتكر ؟
ياخ اقول ليك حاجة؟ قوم لف


يا بكّور شايف علي شرح المداخلة ورد عليها وأدّاك حقك تمام من التلج يا قول تنظير ههههه

يا ابوحميد أمال انت قايل المنطق شنو؟ما ياهو زاته الغلاط .. لكن بفهم ما ساي :)

ممكن أشارك ؟.. استفزتنى كلمة يلجلج دى.. وحبيت أقول أنها تتفسر حسب السياق الدارجى ..

شوف اسماعيل حسن قال شنو فى درب البنات:

في درب البنات يا يُمّه أنا اتبشتنت .. واتبهدلت واتغربت دابي
أنا اتوكّرتَ في بلدا بناتا بلا الخيول الجامحة فوق الريح تشابي
وجوهن يُمّه كان شفتي القَمَرْ .. لَجْلَجْ يضاحك في الرّوابي
عيونن يُمّه زي بحر المحيط الموج يولول .. والعِرِقْ لافِحنى فايت وا خرابي
سنيناتِن بلا شُخُب الحليب الصافي يلهج في الكبابي
ريقِنْ يُمّه زي خمر التمور المِنْ زمان طامْرِنو في جوف الخوابي
رقيباتن رقاب الريل .. على الحَدَب البعيد شَرَفَنْ علي هِوهيو كلابي
العرجون يصارع في السبيط .. مِندلّي في قَلْب الجريدْ هتّان ينقّط في العسل يا ريت شرابي
ولونِن يُمّه زي لون القمِحْ ضَرّوه شوف ضراني كيف ..
الله يضاريكَ يا الضَرْضَرْ صَوابي
دريباتِن عُقاب التِّيه .. ما في خبير يشق التِّيه على بلد الدوابي
مهورِن غاليْ ما بقدر عليهن .. وحاتك انت ما بقدر عليهن
كمان شوفي المصيبه نفيستي فيهن
منو البقدر يمد ايديهو لي كيس المرابي ..

طلحة لمن يجى طافح زهجان من حال البورد الراكد بيخجه يخلى أمواجه تتطاقش وبيكون فى قمة التجليات .. بس هو زاهد فى الـ شو .. وثنائية جرجير وتنظير (طلحة ـ محمدالبشرى) هى من بهارات هذا المنبر المتميزة ــ ظهرت براها .. توموتيكى كده :) .. طلحة سخرية شطة بس، ومحمدالبشرى مالح ..

ملحوظة .. المستنير ده قدر جاب كثافة إخلاص المشرف دى كيف ؟؟.. الست إخلاص فى البوست ده أظهرت عنف شديد اللهجة ضد المستنير الغيّاز .. ومع اللهجة الغاضبة وزعت الدعوات الصالحة والأمانى الطيبة !!! ..وبرضو فى بوست المشرف عمل شمطة مع نعمات لامن برضو استغربت كيف قدر يزعِّل نعمات قدر ده ؟؟ .. أكتر إتنين تستبعد زعلهم هم إخلاص ونعمات .. مفروض المستنير يراجع حساباته .. لكين الشنكل العمله للبشارى فى حكاية بنات جيرانهم شنكل خطير سبقنى عليه .. وكلمة "غير لائق" هى أكتر كلمة لائقة لتلك الحالة ..
الكويس فى شخصية المستنير إنها شخصية محايدة زى الفول .. هسه الفول ده مش ممكن تاكله بأى حاجة؟؟ وطيب !!
الزوول ممكن يكون صاحبك ويفكك بتعليق يعوقك ولا يبالى .. هسه يكون عوّق البشارى من حيث لم يحتسب .. لكين البشارى يستاهل ــ ما تعرفه معاك واللّا مع الخيانة ــ

(قال ما بيشتم لكين اليوم داك قال لى عوير :)) ..

هزُلت !!

سنيناتِن بلا شُخُب الحليب الصافي يلهج في الكبابي
ريقِنْ يُمّه زي خمر التمور المِنْ زمان طامْرِنو في جوف الخوابي
رقيباتن رقاب الريل .. على الحَدَب البعيد شَرَفَنْ علي هِوهيو كلابي
العرجون يصارع في السبيط .. مِندلّي في قَلْب الجريدْ هتّان ينقّط في العسل يا ريت شرابي
ولونِن يُمّه زي لون القمِحْ ضَرّوه شوف ضراني كيف .. الله يضاريكَ يا الضَرْضَرْ صَوابي

حبيبنا منير .. مودتي يا جميل ..
يا سلام على الكلام الجميل ..
شوف روعة إسماعيل ..
جمع بين الحليب ( أحل الحلال ) وكما عرقي التمر ( الحرام ) خمر معتق ( نبيت التمر المدفون شهور تحت الارض )
كمان يا منير إسماعيل وظف الكلب في جمال الوصف زي قريبنا خليل فرح ( كلبي يا جمجوم أصلو خاين )
ديل أهلنا ناس فطرة .. كمان لون القمح في القيساب ( خاصة القمح البلدي زمان قبل السلالات المستوردة ) كان ليه لون
في غاية الجمال ..( جمع الاضداد ، الحليب والعرقي والكلب والغزال )
شكراً أبوبكر على البوست .. الذي جعل منير يرجع بنا إلى عالم الترابلة وجمال الشمال ..
أبوبكر الحبيب مودتي .. نحن السودانيين كده نزعل نشاكل ونتصالح .. وكان زمان عندنا نظرية في ( ميز المدرسين ) في الزمن الجميل
عبارة ( كلام الليل يمحوه النهار ) .. ويمكن تطويع هذه العبارة بشعار آخر له علاقة بالمنبر ليكون مخرج مناسب للجميع ..

معليش سرحت بعيد .. كل منك يا منير يا رائع ..

حبيبنا طلحة مودتي بلاحدود .. مفتكر البوست فاتحه المستنير ..
معليش الزهايمر والكبر حصل ..
وبعدين كما منير أخذني إلى حيث لم أتوقع ..
مودتي الحبيب طلحة ..
صدقني أبوبكر بقى نجم الموسم ..

حبيبنا طلحة مودتي بلاحدود .. مفتكر البوست فاتحه المستنير ..
معليش الزهايمر والكبر حصل ..
وبعدين كما منير أخذني إلى حيث لم أتوقع ..
مودتي الحبيب طلحة ..
صدقني أبوبكر بقى نجم الموسم ..

الحبيب على عبدالوهاب عثمان .. ياخى أنا بريدك لله فى الله .. أقل إشارة للجمال طوالى تطير بيك لأرض الشمال ولوحة من التراث فتعكسها لينا مملوءة بالأشجان .. شكراً ليك ..
زيما قلت أنا استفزتنى كلمة يلجلج التى جابها العزيز حيدر، وجاء محمدالبشرى هرشه فقام حيدر جرَّ واطى وقعد يتحجج بالناطقين بيها وماأدراك من الحنك الميت .. هههه .. أها كلمة يلجلج دى قاعدة ملجلجة لى فى ذهنى مربوطة بعبارة اسماعيل حسن ــ رحمه الله ــ القمر ضاحك يلجلج فى الروابى .. صورة بديعة ما بتتنسى .. يجى محمدالبشرى يقول لي شنو وشنو .. كمان جاء فرانكلى شايت ضفارى قال المقصود يجلجل ــ لا بالله .. أحسن تقول جلالدونا ــ .. الإبداع فى كلمة يلجلج إنها معكوس يجلجل التى موسيقاها مزلزلة عنيفة ..
ونلاحظ إبداعية أبيات القصيدة فى أى بيت فيها .. والبيت الواحد فى شقين ــ شطرين ــ .. الشق الأول وصف ساكن ، ثم يلحقه بالشق التالى ويكون وصف ديناميكى فيهو صورة متحركة .. يعنى شوف قال وجهن زى قمر ــ وصف ساكن ــ .. ثم يتبع الوصف الساكن بصورة ديناميكية فعلية ــ قمر ضاحك يلجلج فى الروابى ــ ..
مشى للبييت البعدو .. يقول العيون بحر محيط ــوصف ساكن ــ ثم بعديها صورتين متحركات .. موج يولول .. وبعده .. العرق لافحنى فايت وا خرابى ـــ صورة ديناميكية فعل مضارع متواصل ...
سنيناتن زى شخب الحليب الصافى ـــ وصف ساكن ــ ثم الصورة المتحركة ــ يلهج فى الكبابى ــ
وهكذا تلاحظ هذا النسق التلقائى فى أبيات القصيدة ... تلقائية غير مصنوعة ..
أأما الحلال فى وصف السنون بالحليب الحلال ... لكينن لمن جاب سيرة الريق وطعمه فإرتبط بخمر التمور .. طعم الريق ده بيتعرف كيف إن ما ارتبط بالحرام ومن ثم الخمر والحرام .. فرزت االليلى ؟؟ ..
معليش إتفسحنا ليكم فى هذه المساحة الماهلة التى أتاحها لنا العزيز ظلحة.. وإن طلعنا برة الموضوع .. فعذراً ..🙂🙂🙂

يا منير المقصود بالعربية هو يجلجل

ودا من الإقلاب الحاصل في العامية

بنقول جداد وبنقصد دجاج

وفي بعضهم بقولوا ديش وشدرة وفقعت (فقأت)

وهسع وبنقصد ها الساعة (هذه الساعة)

ومعليش وبنقصد ما عليه شيء

هي لكن يا منير عايز تغالط المعجم يعني :)
قاليك يلجلج معناها يتردد ويتلعثم وشنو ما عارف
ثم الفكرة في نقد شكّير راكوبة تنظير في خريف البورد

يافرانكلى وودالبشرى طبعاً زيما شايفين .. كلمة يجلجل معروفة، لكنى جبت ليكم كلمة يلجلج بأصلها الدارجى اللطيف والمرجع اسماعيل حسن ملك الكلمة اللطيفة .. قال القمر ضاحك يلجلج معناها خلاس يلجلج .. ما تقول لى معاجم وإقلاب وشنو وشنو .. معاجم بتاعة الساعة كم ياعم ؟؟🙂..
يعنى دايرنى أقول القمر ضاحك يجلجل فى الروابى .. دى تبقى ضحكة مجلجلة تفتقر للحياء 🙂..
الخلاصة إنو عبارة حيدر بتاعة بوستات طلحة قاعدة تلجلج فى روابى البورد عبارة صحيحة وبلاغية مقتبسة من عبارة اسماعين ــ القمر ضاحك يلجلج فى الروابى .. وهو المطلوب ..😎

طبعا انت ما بتتغالط أصلك يا منير :)
خلّينا من اللفظ ونمسك المعنى, وينن بوستات تنظير البلجلجن زي القمرة القالها اسماعيل حسن في روابي البورد
ياهو بوست الأخطبوط الصدفة دا ولاّ واحد تاني؟

شكرا منير صاحبي :))
بالله لكشر لي ود البشرى ده لامن يستغيث
الواحد محتاج اصطفاف نوعي

كيفك ياحيدر .. محمدالبشرى دواهو عند طلحة .. أصلو طلحة زوول رشاش شديد ... هسه شوف شغال رش فى المستنير وود البشرى ون شوط ــ مع إنو الأخير رشاشة فى عضمه ده ـــ ، و حتى لاحق ليك ودالمشرف فى منفاهو ...

بالمناسبة أنا لى هسة مستغرب من غضبة محمدالمشرف على أبوبكر .. معقول مكاواةة أبوبكر أثّرت فيهو قدر ده؟ لدرجةة يحرد البورد؟؟ ...

كيفك ياحيدر .. محمدالبشرى دواهو عند طلحة .. أصلو طلحة زوول رشاش شديد ... هسه شوف شغال رش فى المستنير وود البشرى ون شوط ــ مع إنو الأخير رشاشة فى عضمه ده ـــ ، و حتى لاحق ليك ودالمشرف فى منفاهو ...

بالمناسبة أنا لى هسة مستغرب من غضبة محمدالمشرف على أبوبكر .. معقول مكاواةة أبوبكر أثّرت فيهو قدر ده؟ لدرجةة يحرد البورد؟؟ ...

ههههههه
مداخلات منير في البوست زي خضراء الدمن
ومال إيه ...
اذا كان جرجير عندو فيهو خرطمية مداخلة تلات أرباعن هراء
والباقي لغو .
شكرا منير على الحسن البديع ..
والتقدير موصول لعلي عبد الوهاب .

كتب أحمد محمد عمر
أنا المحيرني في الموضوع محمد المشرف مالو علي !!
ياخي أنا (زول ساي) زي ما قال الكتاب .. أو زي ما قال علي دفع الله
زول نكرة ساي ما عندي التكتح .. لا مثقف لا أديب لا ناشط سياسي لا صاحب موهبة ولا الرمادة دي.

تعليق
ولا يهمك يا بو حميد
الدكتور دا أسلوبو في مواجهة أقل إختلاف معاهو
قال لي نفس الكلام دا تقريبا قبل كدا
وهسه قال للمستجير أبو بكر حاجة زيو
وبكرة لمنير الفوق دا
وبعد بكرة بقولوا لى نفسو هو ظااااااااطو
نان ات قايل شنو .. خخخخ

ياخ طبعااً أنا برضو تابعت بوست محمدالمشرف ــ لكين ممكن فاتتنى مداخلات كتيرة ــ أجيب ليكم وكت من وين أنا ؟؟ ..
أها برضو حيرتنى عدائية محمدالمشرف ضد أحمدمحمدعمرده .. يشيل ويكتب محمد محمد .. لغاية ما قلت ودالمشرف مالو مع محمدالبشرى .؟ . أعمل اسكرول أب أقول أفتش محمدالبشرى ده هبب شنو .. ألقاهو آخر حلاوة بدون أى عداوة .. أقوم أعمل سكرول داون ألقى مداخلة تانية برضو شديدة اللهجة موجهة لـ محمد .. ثم أقوم تانى أعمل اسكرول أب ثم داون لغاية ما قنعت زاتو .. وماخطر ببالى إنو يكون قاصد أحمدمحمدعمر .. ذكرنى حلقات االمصارعة الحرة لمن الحكم يندق سنبلة ساى ..
بعدين الحاجة التانية ـ أنا ده الماعندى خلفية عن الموضوع فهمت عبارة على دفع الله لمن قال ليهو لقيتك زوول ساى .. لكين محمدالمشرف طفّش الكورة ..
بعدين أخيراً ياطلحة شايفك هنا هاجمت النجمة دينا خالد هجوم عنيف حيرنى .. الظاهر نحن قاعدين فى المنبر ده people ساى ، وماجايبين خبر للمشاكل الحاصلة بورانا .. دينا يشاكلوها؟

الحكاييى شنى آناس؟؟ .. 😯

ههههه

Quote: ياخ طبعااً أنا برضو تابعت بوست محمدالمشرف ــ لكين ممكن فاتتنى مداخلات كتيرة ــ أجيب ليكم وكت من وين أنا ؟؟ .. أها برضو حيرتنى عدائية محمدالمشرف ضد أحمدمحمدعمرده .. يشيل ويكتب محمد محمد .. لغاية ما قلت ودالمشرف مالو مع محمدالبشرى .؟ . أعمل اسكرول أب أقول أفتش محمدالبشرى ده هبب شنو .. ألقاهو آخر حلاوة بدون أى عداوة .. أقوم أعمل سكرول داون ألقى مداخلة تانية برضو شديدة اللهجة موجهة لـ محمد .. ثم أقوم تانى أعمل اسكرول أب ثم داون لغاية ما قنعت زاتو .. وماخطر ببالى إنو يكون قاصد أحمدمحمدعمر .. ذكرنى حلقات االمصارعة الحرة لمن الحكم يندق سنبلة ساى .. بعدين الحاجة التانية ـ أنا ده الماعندى خلفية عن الموضوع فهمت عبارة على دفع الله لمن قال ليهو لقيتك زوول ساى .. لكين محمدالمشرف طفّش الكورة .. بعدين أخيراً ياطلحة شايفك هنا هاجمت النجمة دينا خالد هجوم عنيف حيرنى .. الظاهر نحن قاعدين فى المنبر ده people ساى ، وماجايبين خبر للمشاكل الحاصلة بورانا .. دينا يشاكلوها؟ الحكاييى شنى آناس؟؟ .. 😯

يا منير طلحة أصلاً كدا برش ضلوا ذاته

يا أخي كرهنا فريق المريخ وصفوة الحاصر والتاريخ

هههه ياخ وحات شيخي اتا ألذ زول
معلم وسيد المعلمين كمان يا
احمد محمد عمر
الاقتباس التحت دة من تعليمك

Quote: أنا المحيرني في الموضوع محمد المشرف مالو علي !! ياخي أنا (زول ساي) زي ما قال الكتاب .. أو زي ما قال علي دفع الله زول نكرة ساي ما عندي التكتح .. لا مثقف لا أديب لا ناشط سياسي لا صاحب موهبة ولا الرمادة دي كل أملاكي في الدنيا باسويرد بكري ومعاهو شوية منطق بشارك بيه مع الناس على طريقة غزوني ما تنسوني .. وحتى دة في ناس ما مقتنعين بيه يعني مثلاً ود البشرى بدل يقول لي انت زول منطقي بقول لي غالاط .. شفت كيف! المهم وانا بكامل أناقتي العنقالية دي أجي ألقى ود المشرف ما لقى شيتاً يكرم بيه ضيوف البوست غيري .. علي الحلال تكاني ضبحني في نص البوست لا إيدي لا كراعي والغريبة ظل يصر إلحاحاً إنه بعرفني وحافظ إني حأتداخل كيف رغم إنه قال اسمي 17 مرة ما فيهن ولا واحدة صاح ! بالمناسبة يا مشرف أنا اسمي أحمد .. ما محمد ياخ انشغلت وانقطعت عن النت وما عارف البوست مشى كيف لكن بتمنى يكون في زول اتردم معاي ما أكون اتسلخت براي مع المحتفى به

---

Post: #165 Title: Re: Could not find topic Author: معاوية المدير Date: 09-21-2016, 10:18 PM Parent: #163 (لكن ما بكون لفت نظرك لأنو من النوع الخجول الما بتكلم قدام الغرباء، وإذا تكلم ياهو دا حالو). ـــــــــــــــــــــــــــــــــــ هههههههههههههههههههههه، اموّت رُكُن ياخ، النوع دا الكي بورد بالنسبة ليهو زي قزازة العرقي. مستنير من وراء حجاب. العيد يتبارك عليك يا طلحة كما لا يفوتني ان ابلّغ سلآمي لعمتي بت المشرف وخالص التحايا لبتاع درجة تالتة جلالدونا، واقول للحنين السلآم جاك يا زول هوي، ؤ سلآم كتييييييييييير لفرانكلي كيتاً عليهو عشان ما راح يقدر يمسح المداخلة دي ؤ معاهو ؤ سلآم لجميع ناس البلد...

---

Post: #170 Title: Re: Could not find topic Author: Frankly Date: 09-22-2016, 08:53 AM Parent: #165 يا معاوية المدير تعال لي في بوستاتي عشان أرد ليك السلام

---

Post: #166 Title: Re: Could not find topic Author: طلحة عبدالله Date: 09-21-2016, 10:19 PM Parent: #163 يا دكتور منير انا وصفت حالة ما هاجمت الست فعلا من وجهة نظري انها بتحاول تتظارف بدون خطوط حمراء خخخخ وأكاد أقتنع بادعاء المستجير أبو بكر انو هو ظااااااااظو دينا خالد لأنو نفس الإستايل في خفة الدم المنجورة من الرأس .. والله ما عايز أقول (سماجة) عشان ما اتفهم غلط بس . حبابك والله يا منير المنير .

---

Post: #167 Title: Re: Could not find topic Author: طلحة عبدالله Date: 09-21-2016, 10:22 PM Parent: #166 وتحية خاصة لود المدير الأصلع ههههههه كل سنة وانت طيب يا زول طيبان

---

Post: #168 Title: Re: Could not find topic Author: جلالدونا Date: 09-22-2016, 01:12 AM Parent: #167 Quote: العيد يتبارك عليك يا طلحة كما لا يفوتني ان ابلّغ سلآمي لعمتي بت المشرف وخالص التحايا لبتاع درجة تالتة جلالدونا، واقول للحنين السلآم جاك يا زول هوي، ؤ سلآم كتييييييييييير لفرانكلي كيتاً عليهو عشان ما راح يقدر يمسح المداخلة دي ؤ معاهو ؤ سلآم لجميع ناس البلد... درجة تالتة الرفيعة دى !!! ياخى بقيت اشجع فريق هلال العليفون أسمع ... الحكاية دى جابتلها نوق عصافير و انتا لاك النعمان لاك عنترة فشنو تقوم تتخارج يا حبة ما تلفخك عصفورة .. المحيرنى فرانكلى الماخد راحتو ده

---

Post: #169 Title: Re: Could not find topic Author: أحمد محمد عمر Date: 09-22-2016, 08:46 AM Parent: #168 ود أب سن وحاة الله انت الخير والبركة Quote: برضو حيرتنى عدائية محمدالمشرف ضد أحمدمحمدعمرده يا منير الحكاية بدت لمن أنا استغربت عدائية محمد تجاه شاهين .. أها طوالي نشّن علي فاااااا شنو .. بل راسك

---

Post: #171 Title: Re: Could not find topic Author: معاوية المدير Date: 09-22-2016, 08:55 AM Parent: #169 (المحيرنى فرانكلى الماخد راحتو ده). ــــــــــــــــــــــــــــ ياخي دا يحيّر نطي بن شمهروش زاتو، بالله يتحاوم في بوستات الناس زي المافي شي !، جِنِس سغالة اصلآ ما قابلتني، زول سغيل بس !. يلآ يا فرانك، تعال أمسح...

---

Post: #172 Title: Re: Could not find topic Author: طلحة عبدالله Date: 09-22-2016, 09:00 AM Parent: #171 هههههههههههه فرانكلي ما يقدر يمسح لكن يقدر يرش بالمثل خخخخخخخ أحب الأكشن ياخ ... البوست مبذول لكل صاحب غبينة ههههههههههههه بس ما تاخدو راحتكم للآخر يا جماعة عشان أنا وإن كنت شرير لكن برضو أحيانا بتحرج وتحية للوحدة العربية

---

Post: #173 Title: Re: Could not find topic Author: حيدر حسن ميرغني Date: 09-22-2016, 09:29 AM Parent: #172 انا صاحبو وقاعد يمسح لي مداخلاتي انت منو ياود المدير

---

Post: #175 Title: Re: Could not find topic Author: معاوية المدير Date: 09-22-2016, 09:34 AM Parent: #173 ( انا صاحبو وقاعد يمسح لي مداخلاتي انت منو ياود المدير ). ـــــــــــــــــــــــ والله انا بقيت بتاع سنتر لِيّق ؤ هلآل العيلفون، لكن طلحة طلع نِمس !، عليك الله شنو ؟...

---

Post: #174 Title: Re: Could not find topic Author: Haytham Ghaly Date: 09-22-2016, 09:34 AM Parent: #171 Quote: يلآ يا فرانك، تعال أمسح... هههههههههههههه العاجبني انو بدا ياستك ود البشرى زاتو هو بوستاتو وكلامو شن طعمن الماسخات الكلهن تطبيل وفبركات وهو عارف انو كل بوستاتو مكشوفة الغرض والمرض عشان كدا ما بقدر يخلي الناس يكشفوها ويكشفو حالو ؤ يملصوهو ميييطي في قارعة بوستيهو زااااتو يسألني الله كان ما خاطر طلحتوف دا كان ارشو لمممن يقول بس بث الواحد ما عايز يبقى (سغيل)

---

Post: #176 Title: Re: Could not find topic Author: طلحة عبدالله Date: 09-22-2016, 09:37 AM Parent: #174 لا لا يا هيثموف رش ساي ولا يهمك اعتبر البوست حقك خخخخخخخخخ

---

Post: #177 Title: Re: Could not find topic Author: معاوية المدير Date: 09-22-2016, 09:44 AM Parent: #176 ( هههههههههههههه العاجبني انو بدا ياستك ود البشرى زاتو هو بوستاتو وكلامو شن طعمن الماسخات الكلهن تطبيل وفبركات وهو عارف انو كل بوستاتو مكشوفة الغرض والمرض عشان كدا ما بقدر يخلي الناس يكشفوها ويكشفو حالو ؤ يملصوهو ميييطي في قارعة بوستيهو زااااتو يسألني الله كان ما خاطر طلحتوف دا كان ارشو لمممن يقول بس بث الواحد ما عايز يبقى (سغيل) ). ـــــــــــــــــــــــــــــــــــــــ يا عمّك أرفع كُراعك من الأبنص عشان ما تحرج صاحب المحل، هو بِكسِف. خلآس ما تلقولكم طاقة بس، هسّع منتصر يجي مقلّع...

---

Post: #178 Title: Re: Could not find topic Author: طلحة عبدالله Date: 09-22-2016, 09:52 AM Parent: #177 يا جماعة قلنا ليكم رشوا شنو الحسس القائمين فيهو دا رشوا رشوا رشوا .. بس أركزوا للقصف المقابل خخخخخخخخ اتوا نسيتوا أنا قبل كدا فتحت بوست مخصوص للرش والرش المضاد واللا شنو ؟ البوست الرشيت فيهو ضنب التيس داك ههههههههه... طبعا هو عرفا زاغ بقي يقابض من بعيد لبعيد. رشوا ساي الله يقويكم ..

---

Post: #180 Title: Re: Could not find topic Author: Frankly Date: 09-22-2016, 10:03 AM Parent: #178 يا طلحة انت بتتكلم مع منو؟ يا أخي البرالمة ديل رسلهم لبوستات ود الباوقة كدي بالجنبة كدا ما في طريقة تنادي ود الصايم ولا تمبس؟

---

Post: #179 Title: Re: Could not find topic Author: عثمان عووضة Date: 09-22-2016, 10:02 AM Parent: #153 د. منیر معلیش شخب الحلیب ولا ساکن ولا حاجة ( هو الغلات دا حق ابو منو) يا دكتور شخب دي فيها ديناميكية تحير الواحد زمان لمن كنت سغير كنت ما اشوف لي زول بيحلب غنمايتو الا اجري اقعد جنبو شفت. صوت اللبن في ماعون الحليب ياهو كلمة (شخب) دي ذاتها شخب. شخب. شخب. والله صحي

---

Post: #181 Title: Re: Could not find topic Author: معاوية المدير Date: 09-22-2016, 10:11 AM Parent: #179 (يا طلحة انت بتتكلم مع منو؟ يا أخي البرالمة ديل رسلهم لبوستات ود الباوقة كدي بالجنبة كدا ما في طريقة تنادي ود الصايم ولا تمبس؟). ـــــــــــــــــــــــــــــــــــــــــ ههههههههههههههههههه، والله يا طلحة احييك في بعدي يا نجمي ياياياياياااااااااااا سعدي، هسّع دا إقتباس كامل لكلآم عمّك فرانك ؤ ما يقدر يمسح نقطة. تمبس ؤ ود الصايم يا راجل يا كبير. طيّب وكت برالمة بتمسح ليه ؟، يا سغيل...

---

Post: #182 Title: Re: Could not find topic Author: Haytham Ghaly Date: 09-22-2016, 10:18 AM Parent: #179 Quote: يا أخي البرالمة ديل رسلهم لبوستات ود الباوقة قادر الله .. قاااادر الله .. سي سي فوق الوليد الضي بالله انت فرقك من ود الباوقة شنو؟؟؟؟؟؟؟ مشييييشيييب

---

Post: #183 Title: Re: Could not find topic Author: طلحة عبدالله Date: 09-22-2016, 10:25 AM Parent: #182 هووووووى يا مدير ويا هيثموف عليكم الطلاق فرانكلي دا رشااااش ما تشوفوا سردبتو دي خخخخخخخخ المهم حاولوا انتوا وهو سخنوا الآكشن شوية ياخ .. معقولة دا رش بالغين هسة ؟؟؟؟؟ .. هههههههه

---

Post: #184 Title: Re: Could not find topic Author: معاوية المدير Date: 09-22-2016, 10:45 AM Parent: #183 (هووووووى يا مدير ويا هيثموف عليكم الطلاق فرانكلي دا رشااااش ما تشوفوا سردبتو دي خخخخخخخخ المهم حاولوا انتوا وهو سخنوا الآكشن شوية ياخ .. معقولة دا رش بالغين هسة ؟؟؟؟؟ .. هههههههه). ـــــــــــــــــــــــــــــــــــــــــــ هههههههههههه، ياخي ذكرتني قصة الحمار واللسد، قالوا، اللسد مرّة دخل في طين لزج، زي المستنير كدا، اها جا الحمار فايت لقاهو غاتس في الطين. اللسد عايز يعمل فيها حريف قالوا، يا الحمار تعال مرقني من الورطة دي. الحمار قال ليهو، ورطة !، إنت ما شفتة ورطة، الورطة لآمن الطين ينشف ؤ يجو ناس الحِلة يلقوك وكران. عيييييييك حِلّك لآمن يجو ناس الغباين منتصر، ناصر، جلالدونا ؤ بقية ناس الحِلة، عمّك الوكرتو في الطين دا حا ينسلخ حتي لو بقى نملة. المايك عندك يا فرانك...

---

Post: #185 Title: Re: Could not find topic Author: Haytham Ghaly Date: 09-22-2016, 10:48 AM Parent: #184 Quote: قالوا، اللسد مرّة دخل في طين لزج، الواحد لما يكون ما عارف القصة ما يألف سااااكت دا ما الأسد دا أبو العفين أبو العفييييييييين قال اسد هه

---

Post: #186 Title: Re: Could not find topic Author: حيدر حسن ميرغني Date: 09-22-2016, 10:51 AM Parent: #185 ياهيثم معاوية ده مابعرف إلا الورل والحرويل الاسد ده ماشافو إلا في الحديقة في كندا

---

Post: #187 Title: Re: Could not find topic Author: معاوية المدير Date: 09-22-2016, 10:56 AM Parent: #186 ( الواحد لما يكون ما عارف القصة ما يألف سااااكت دا ما الأسد دا أبو العفين أبو العفييييييييين قال اسد هه). ــــــــــــــــــــــــــــ شكراً للتصحيح، انا غايتو اوردتها كما وصلتني. يا حيدر مالك ياخ، إنت مُش قلت الراجل صاحبك ؟!. المايك معاك يا فرانك...

---

Post: #188 Title: Re: Could not find topic Author: Haytham Ghaly Date: 09-22-2016, 10:57 AM Parent: #186 والله يا حيدر انا زاااتي احترت فيهو اسد شنو!!! والله الا كان الأسد بتاع ناس ود الباوقة وفرانكلي الكل يوم عاضي جلابيتو وقايم صوف قال اسد هه

---

Post: #189 Title: Re: Could not find topic Author: معاوية المدير Date: 09-22-2016, 11:03 AM Parent: #188 يا جماعة ادوا عمو فرانك دا فرصة معاكم، ما ممكن مداخلة وآحدة بس، خُش يا فرانك المايك معاك...

---

Post: #190 Title: Re: Could not find topic Author: Haytham Ghaly Date: 09-22-2016, 11:04 AM Parent: #188 واللذيذ في الموضوع انو في مداخلتو دي راشي ليك ود الباوقة بي هاند باك كدا بدون ما يشعر ومن حيث لا يحتسب ودي انا فاهما ليي عايز يستبق التشبيه بي ود الباوقة لانو عارف انو توأم بالنسبة لي ود الباوقة فالمسألة دفاع عن النفس ويا روح ما بعدك روح طبعاً الكيزان اصلهم كدا في أصغر محك لا بعرف صاحب ولا اهل يا نفسي وبس وممكن عادي يقولك ديل فسدة ومجرمين لي ناسو زاتم ما شفتو الاسمو ( ابي) مين كدا قال شنو في البشير بعد اقالو من منصبو مبدأ خوة فرتك دا عااادي عندهم

---

Post: #191 Title: Re: Could not find topic Author: حمد عبد الغفار عمر Date: 09-22-2016, 11:19 AM Parent: #188 والله يا طلحة بوست تكتبو وما يجيب أبو حسين ببقى لي صعب هسة زاتو كان could not found بس لازم أسلم عليك بعد الغيبة دي

---

Post: #193 Title: Re: Could not find topic Author: معاوية المدير Date: 09-22-2016, 11:31 AM Parent: #191 يا جماعة الزول دا بقى يكتب بالحبر السري واللآ شنو ؟. شايف إسمو آخر زول تداخل ؤ ما لآقي المدآخلة !...

---

Post: #194 Title: Re: Could not find topic Author: حمد عبد الغفار عمر Date: 09-22-2016, 11:38 AM Parent: #193 طلحة غتيت بكون استكها هسه الموضوعية القدمتها يا فرانكلي في البوست دا شنو؟

---

Post: #195 Title: Re: Could not find topic Author: معاوية المدير Date: 09-22-2016, 12:05 PM Parent: #194 ( يا معاوية المدير تعال لي في بوستاتي عشان أرد ليك السلام (عدل بواسطة Frankly on 09-22-2016, 09:12 AM) (عدل بواسطة Frankly on 09-22-2016, 09:19 AM)). ــــــــــــــــــــــــــــــــــــــــــــــــــــــ ههههههههههههههههههههههه، قايلني زيّك يا غشيم، يدردقك ؤ يقنطرك طلحة، ؤ داير تقنطرني ؤ تمسحني مُش ؟. بعدين تعال هنا مسحت شنو يا الثعلب المكار ؟، إنت حتي في بوستات الناس تمسح !. عندك وردة فوق يا سغيل. المكرفون معاك يا عمو فرانك...

---

Post: #196 Title: Re: Could not find topic Author: طلحة عبدالله Date: 09-22-2016, 12:34 PM Parent: #195 سلام وتقدير عظيم للدوق حمد عبد الغفار كل سنة وانتوا كويسين يا حبيب . أما بعد الاخوة الأعضاء ود المدير وفرانكلي والجنود بصراحة رش اللبن دا ما بنفع في البوست دا .. اتصلحوا معانا واللا فضوا لينا المكان للبديع منير يجىء ينزف لينا نزف منفرد هنا .. بلا عدل بلا دردقو بلا حنك عاضي معاكم .. خخخخخخخخخ

---

Post: #197 Title: Re: Could not find topic Author: طلحة عبدالله Date: 09-22-2016, 12:44 PM Parent: #196 الأعضاء فوق نزلت غلط المقصود الأعداء خخخخخخخخخ

---

Post: #198 Title: Re: Could not find topic Author: Munir Date: 09-22-2016, 02:38 PM Parent: #194 العجيب الجماعة ناس ودالمدير والشلة قالوا فرانكلى ماخد راحته فى البوست قال .. يا كِيَشا التمساح ــ المسّاح ــ بدردق فيكم .. عايز ليهو كم واحد يمشى ياخد راحته هناك عشان يطير بيهو فوق وينزل يمسح بيهو الواطة .. قال فرانكلى ماخد راحته قال ..

---

Post: #199 Title: Re: Could not find topic Author: Munir Date: 09-22-2016, 03:00 PM Parent: #198 الأستاذ الحبوب عثمان عووضة .. أشكرك على الفك والتركيب لمعنى شخب الحليب ، والذى بأمانة ما كنت مستوعب كلمة شخب دى بصورة يقينية .. أو بالأحرى ما كنت فارزها إسم أم فعل .. والأغلب ظنيتها إسم مرتكزاً على شخلوب التمر .. خاصة وإنو فى الأبيات التالية جاب سيرة العرجون والسبيط والتى رسخت لى تشابه شخب الحليب مع شخلوب السبيط .. وبرضو عبارة شخب الحليب لو فلفلناها زيادة .. ممكن أقول ليك إنو كلمة حليب دى زاتها فهمتها بمعنى ساكن مغاير للمعنى بتاعك الديناميكى .. فـ "حليب" الفهمتها أنا بمعنى لبن (زى حليب المراعى النافخ ناس السعودية :)) .. أما حليب فى سياق كلامك فإنه عملية حلب اللبن شخصياً .. والفرق واضح :) ..

---

Post: #200 Title: Re: Could not find topic Author: عثمان عووضة Date: 09-22-2016, 04:03 PM Parent: #199 يسعدك ويخليك ربي يا دكتور لو ما خايفين طلحة يزعل كان واصلنا😉😉

---

Post: #201 Title: Re: Could not find topic Author: طلحة عبدالله Date: 09-22-2016, 05:07 PM Parent: #200 حباب عثمان عووضة البوست بوستك يا حبيب وبالمرة انت قريب صلاح عووضة ؟؟ ونصلح الساعات كمان .. خخخخخخ

---

Post: #202 Title: Re: Could not find topic Author: عثمان عووضة Date: 09-22-2016, 11:36 PM Parent: #201 شكراً طلحة ابدا والله ما قريبه لكين من عندنا

---

Post: #203 Title: Re: Could not find topic Author: جلالدونا Date: 09-23-2016, 00:07 AM Parent: #202 ود عووضة ازّيك و بالمرّة كده مشتاقين ياخ ____ بالمناسبة يا طلحة اصاحبك ديل طلعو ما بعرفو يرشّو وشغلن نى ياخى ممكن تديهم نموذج للرش يحتذى به

---

Post: #204 Title: Re: Could not find topic Author: عثمان عووضة Date: 09-23-2016, 00:37 AM Parent: #203 بالله هسي دا وكت يصحى فيه بشر لو ما انت ود خلاف نقنتود بصحيح

---

Post: #205 Title: Re: Could not find topic Author: معاوية المدير Date: 09-23-2016, 09:45 PM Parent: #204 (على شخلوب التمر .. خاصة وإنو فى الأبيات التالية جاب سيرة العرجون والسبيط والتى رسخت لى تشابه شخب الحليب مع شخلوب السبيط ..). ـــــــــــــــــــــــــــــــــــــ شخلُوّب عديّل كدا يا منير !، علي القسم انا كنت قايلك جنا بندر !...

---

Post: #206 Title: Re: Could not find topic Author: عبدالحفيظ ابوسن Date: 09-23-2016, 10:18 PM Parent: #205 انتو الواطة صبحت ولا ننوم

---

Post: #207 Title: Re: Could not find topic Author: معاوية المدير Date: 09-23-2016, 11:04 PM Parent: #206 (انتو الواطة صبحت ولا ننوم)*. ـــــــــــــــــــــ إنت النايملها شنو ؟...

---

Post: #208 Title: Re: Could not find topic Author: Munir Date: 09-24-2016, 12:29 PM Parent: #207 ودالمدير سلامات ... أُُمّال إيــــه .. أخوك من جوة ود بلد ومن برة ود بندر 😎...