Post: #1
Title: طائر الشؤم
Author: جلالدونا
Date: 09-15-2016, 01:27 PM
Parent: #0
01:27 PM September, 15 2016 سودانيز اون لاين
جلالدونا-
مكتبتى
رابط مختصر
مسكينة البومة
مظلومة ظلم الحسن و حسين
غايتو الاعراب ديل عندهم جنس حركات
|
Post: #2
Title: Re: طائر الشؤم
Author: جلالدونا
Date: 09-15-2016, 01:35 PM
Parent: #1
شوفو الحلا دى
دى احلى من سبنا
نقول شنو حقارة اعراب بس
|
Post: #3
Title: Re: طائر الشؤم
Author: عبداللطيف حسن علي
Date: 09-15-2016, 02:27 PM
Parent: #2
سيدة وجمالها فريد ++++++ خلقوها زي ماتريد
هسي يجي واحد يقول ماتريد دي ملكة من بريطانية المنشقة
فعلا الاعراب تنبح والبومة ماشة !
السؤال المعتاد : من اين انبثق بوستك هذا يا جلة ؟!
|
Post: #4
Title: Re: طائر الشؤم
Author: أبوبكر عباس
Date: 09-15-2016, 05:01 PM
Parent: #3
جلال، يا لطيف، محتج على حق سحب المداخلات بواسطة صاحب البوست.
وتحديدا استعمال فرانكلي لهذا الحق
|
Post: #5
Title: Re: طائر الشؤم
Author: عباس محمود
Date: 09-15-2016, 05:15 PM
Parent: #4
جلالدونا كل سنة وأنت طيب
طائر الشؤم عنوان رواية لفرانسيس دينق
طبعا انا قريتها مترجمة لكن العنوان في النسخة العربية كان زي عنوان البوست.
|
Post: #6
Title: Re: طائر الشؤم
Author: عبداللطيف حسن علي
Date: 09-15-2016, 05:36 PM
Parent: #5
جلال، يا لطيف، محتج على حق سحب المداخلات بواسطة صاحب البوست.
وتحديدا استعمال فرانكلي لهذا الحق
ـــــــــــــــــــــ
يا مستنير دي مسالة اخلاقية في المقام الاول وانت تعلم فكر السيد كمال فرانكلي الذي
يدعو الاريات في (بلدهم )الي ان يتقوا الله في حقوق الجاليات المتاسلمة !
اما السيد جلال ، حسب كلامك، فهو يدعونا الي اعادة النظر في التطير من البومة
التي يتطير منها الاعراب (الاكثر كفرا ونفاقا) ولولاك لحسبته بوستا ثقافيا ليس الا هههه
وهذا لاينقص من ثقافة جلالدونا شيئا !!
|
Post: #7
Title: Re: طائر الشؤم
Author: جلالدونا
Date: 09-15-2016, 06:14 PM
Parent: #6
البوست اىبثق يا عبد اللطيف من رحم هذا البورد
يا عبد اللطيف لو شفتها ماشة الهوينا زى الوجى الوحل
او كما قال اخر
من لي بمثل سيرك المدللِ *** تمشي رويدا وتجي في الأولِ
|
Post: #8
Title: Re: طائر الشؤم
Author: ايمن الصادق
Date: 09-15-2016, 07:38 PM
Parent: #6
سلامات صاحب البوست ، والحاضرين .
التطير قديم قِدم العرب ، العديد من المواقف والأحداث التاريخيه ... فعطر منشم ، أو كما جاء في الذكر الحكيم :" وقالوا إنا تطيرنا بكم ،لئن لم تنتهوا لنرجمنكم وليمسنكم منا عذاب أليم " صدق الله العظيم .
لكن التطير في زماننا هذا صار أكثر ذمامة ؛ مثل التطير من خلق الله ( في سحناتهم وألوانهم ) .... للأسف ربما تسمع بعض التعليقات في المباريات مثل : اللاعب دا شوم الله أكبر عليه ..( فقط لأن لونه أسود وشفاهه غليظه وما يتصل ) .
وأعرف عجوزآ عاشت بين حضرموت ومصوع تنزعج بمجرد رؤية شخص بمواصفات أفريقيه ..
المهم عادي ، ولا حرج ( تطور طبيعي برأيي *_* ) .... لا لشئ فقط لأن المعاصرين لا يعرفون طائر الشؤم ، لانهم بنوا ناطحات السحاب وتطاولوا في البنيان .فبدلآ من التطير بنوع من الطير ، تطوروا وصاروا يتطيرون بنوع من البشر ( من خلق الله :) ) .!!
* التعديل لإضافة عباره مهمه ( سقطت سهوآ ) .
|
Post: #9
Title: Re: طائر الشؤم
Author: عبدالحفيظ ابوسن
Date: 09-15-2016, 08:14 PM
Parent: #8
جاء في الحديث
ثلاثة لا ينج منهن احد . الطيرة والحسد والظن
فإذا تطيرت فلا ترجع
وإذا حسدت فلا تبغ
وإذا ظننت فلا تتحقق
انتهي الحديث كما احفظه ما تقولو لي خرجو ولا ضعيف
سلام جلال وضيوفه
|
Post: #10
Title: Re: طائر الشؤم
Author: جلالدونا
Date: 09-16-2016, 05:31 AM
Parent: #9
الاحتجاج ضمن اشياء اخرى يا مستنير
و نذير الشؤم ... و هذا غير طائر الشؤم .. عندما يحل ببلد
بفرز اشياء ضارة مضرة كما هذا الفرانكلى
من ابسط صور نفاقه ان تدعو الى شئ و تأتى بنقيضه
و طبعا عارف من المعى باقى شطر البيت
عار عليك اذا شنو كده ما عارف
___
عبد اللطيف جاييك تانى
|
Post: #11
Title: Re: طائر الشؤم
Author: جلالدونا
Date: 09-16-2016, 05:39 AM
Parent: #10
مرحب عباس
و انتا طيب و ينعاد عليك و الاسرة الكريمة بالخير و البركات
فضيلة و الياس يا عباس اختارو الطريق الممكن يحل كل مشاكل البلد
لكن تعال شوف كمية اللولوات معاهم و مع غيرهم
و بى رغم ذلك رسموا الطريق الى جيل ثالث كان يمكن ان يعيش بدون عقد
الا نعمل شنو مع الزمن الشوم .. انهزمو امام جيوش التشدّد و الافك باسم الدين
|
Post: #13
Title: Re: طائر الشؤم
Author: عثمان عووضة
Date: 09-16-2016, 06:47 AM
Parent: #11
يا جلال. قالوا ديل السبعة المهلكات
في شارع الخرطوم مدني:
١- مطبات المسعودية
٢-لفة ام مغد.
٣- رکشات الکاملین
٤- حمير ابو عشر
٥- مجانين اربجي
٦- شفع العيكورة
٧- سكارى فداسي. 😁😂😂
|
Post: #12
Title: Re: طائر الشؤم
Author: عثمان عووضة
Date: 09-16-2016, 06:32 AM
Parent: #3
عبد اللطيف العلماني. الحبك رماني
شوف يا عبد اللطيف ،، صلي علي
كيم ايل سونغ.
خلاس صليت؟
طيب... اسمها ماتريت وكانت بت الحاكم الانجليزي.
بتاع كسلا.
وحاة كتاب الدين صحي
|
Post: #14
Title: Re: طائر الشؤم
Author: جلالدونا
Date: 09-17-2016, 04:34 PM
Parent: #12
يا ألف مرحب ايمن
حاجات الشووم متوافرة عند الاعراب بالاضافة لى عطر منشم عندهم الفرس داحس بتاع قيس بن زهير
و الكلبة الشهيرة براقش .. اما بالنسبة للبشر عندهم العم طويس و ده شومو مفارق عديل كده ,,
و الحولاء و البسوس وديل مرتين خطيرات عديل كده فى الشوامة..
يخلّو ده كلّو و يمسكو فى بومتنا الجميلة دى
شوامة اللون دى جديدة و ان كان اللون الاسود يرتبط بالحقد و سواد القلب
|
Post: #15
Title: Re: طائر الشؤم
Author: جلالدونا
Date: 09-17-2016, 04:53 PM
Parent: #14
يا هلا بالمشربتاتى ود اب سن
| Quote: فإذا تطيرت فلا ترجع |
كيف الكلام ده
يمين الله ارجع و نص و خمسة
عديلى كان ممسّى معانا بى اولادو
اها نشيل و نخت معاهو عشان يبيتو معانا أبى كلّو كلّو
ركبو العربية و مع دويرتو ليها جات كديسة سوداء ماشة قدّام العربية
صاحبك قعد يتشوهد و يتحولق
عاين لى و قال .. قلت لى نبيت .. ما تخلينا نمشى ياخى
قلت ليهو خلاض امشو و درايف سيف
وحاتك ما اشتغل بى الشغلة
بطّل عربيتو ودخل
و يومين ما مرق من البيت
|
Post: #16
Title: Re: طائر الشؤم
Author: جلالدونا
Date: 09-17-2016, 07:52 PM
Parent: #15
يا هلا بالكرورابى الكورى
___
و مالو نصلّى عليهو
عليه افضل الشوعىة و اللينين
Quote: قالوا ديل السبعة المهلكات
في شارع الخرطوم مدني:
١- مطبات المسعودية
٢-لفة ام مغد.
٣- رکشات الکاملین
٤- حمير ابو عشر
٥- مجانين اربجي
٦- شفع العيكورة
٧- سكارى فداسي. |
عليك الله ديل كوووولهم دخلو داير ة الشوووم
طيّب شارع مدنى فضل فيهو شنو
غايتو يا بخت ناس الحيصاحيصا
|
Post: #17
Title: Re: طائر الشؤم
Author: Haytham Ghaly
Date: 09-18-2016, 05:34 AM
Parent: #16
والله انا قلت أبو الجل دا داير يمرق من علبو ويتكلم عن رواية دكتور فرانسيس دينق
القاك جايب ملكة جمال البوم ؤ محتفي بيها كمان
البومة طائر جميل جداً وتشاؤم العرب منو غالباً يكون سااااكت بدون سبب
او يكون ظهرت مع مصيبة حاصلة من مصايبهم الكتيرة
بزمتكم البجلب الشؤم اكتر البومة وللا فرانكلي صاحب بكور دا
العجب ود الباوقة يفتح خشمو عن الدولار طااااخ يزيد الفين تلاتة
|
Post: #18
Title: Re: طائر الشؤم
Author: جلالدونا
Date: 09-18-2016, 07:06 PM
Parent: #17
رواية طائر الشوم يا هيثم المفروض تكون مقررة ضمن المنهج الدراسى
لو كان المسئولين دايرين مصلحة البلد
كلامنا هنا عن الشوم الذى ينضح سمّا منهم و من اتباعهم
ليه ما يكون الصحيح انقاذ الشوم
الجابت لينا كل بلاوى الدنيا
ما نعلم منها و ما لم نعلم
|
Post: #19
Title: Re: طائر الشؤم
Author: محمد أبوالعزائم أبوالريش
Date: 09-18-2016, 07:36 PM
Parent: #18
| Quote: طائر الشؤم عنوان رواية لفرانسيس دينق |
نعم .... أنا كمان دخلني العنوان ...
طائر الشؤم هو عنوان الرواية المترجمة (د. عبدالله أحمد النعيم)
عنوان الأصل بالإنجليزية: Cry of the Owl
|
Post: #20
Title: Re: طائر الشؤم
Author: وضاحة
Date: 09-18-2016, 07:38 PM
Parent: #18
جلال كل عام وانت بخير
بتعرف السم المدسوس في العثل
بس هو دا ظااااتوا
|
Post: #21
Title: Re: طائر الشؤم
Author: جلالدونا
Date: 09-18-2016, 08:19 PM
يا هلا ابو العزائم
طائر الشؤم قبل ان تكون عنوان للرواية
كانت كلمة متداولة و بكثرة
و بالنسبة لعنوان النسخة العربية فانها لا تحمل المعنى الحرفى للعنوان يالانجليزية
بالمناسبة كان ممكن المترجم د/ عبدالله يعنونها ب نئيج البوم
ولكنه لن يكون جاذبا
___
جابك العنوان !! .. برضو خير و بركة
|
Post: #22
Title: Re: طائر الشؤم
Author: جلالدونا
Date: 09-18-2016, 08:25 PM
Parent: #21
يا الف مرحب بالوضاحة
و انتى طيبة و عساك من عوادو
بعرفو تب
بس تانى ماب نتغشى ليهم
خاضة ناس ال mishaps
الله يكفيك شر العوارض
|
|