النصيحة الوصفة دي احسن من الصمغ مليون مرة

07:53 PM September, 06 2016

سودانيز اون لاين
معتز القريش-دولة قطر / الدوحة
مكتبتى
رابط مختصر

💐💐💐ونسة ساكت
يوميات رجل مهروش
عايز اعترف ليكم إعتراف صغير قد يكون مفيد. زمان كنت حمش وصعب ومافي (مرا) بتقدر تخالفني في راي ولو الولية حاولت تعمل سيك ميك بحتِّو معاها قَرَض. المهم في الفترة ديك كان ضغطي بيصل 150/100 عادي والمصران العصبي يومي هايج وجيبي ما بيخلى من الحبوب المهدئة والبنادول. المهم قعدت ضرَّبت الشغلة لقيت نفسي كدا بضيع ساي على أمِّي ووليداتي قلت خليك شاطر ريح نفسك وريح الجماعة win - win. قررت أقلب الشغلة. وبديت أرخي شوية شوية وبقيت أسمع الكلام واتهرش عادي ولو في حاجة بتغيظ أقعد أضحك وأقول الله يجازي محنك يا فلانة. ولو عصروني في طلب لو بقدر بنفذوا بنفذوا طوالي أصلاً القروش رايحة رايحة المهم (تشتري دماغك) ولو ما بقدر بقول أبشري في أقرب فترة ممكنة بنفذه طوالي عندي كم في الدنيا زيِّك. ولو زعلو مني زعل دلع هاك يا طبطبة وهاك يا جرسة (مصطنعة) ولو ما بسمتي لا باكل ولا بشرب وعلى كدا بقيت بتهرش عاااااادي وبضحك. ولو الشغلة كتمت شديد بتخارج من البيت بمشي لمحمد صاحبي وبجي شايل لي هدية أي حاجة انشالله كيس تسالي. المهم في النهاية الأمور بتمشي هسا الصباح دا ماخد لي هرشة في سبعة حاجات مع بعض وما قادر اتذكر كانت شنو بس الأمور عدّت على خير بفضل التكتيك الجديد وهسا الجماعة بيعملوا لي في قهوة الجمعة بكل طقوس أهل الشـــرق وأخوكم متجدع فنجال ورا فنجال.
آخر مرة قست الضغط لقيتو 119/75 يعني أقل من الطبيعي شوية. وفي آخر استطلاع للرأي قالوا بقيت ظريف وبشتاقوا لي قبل ما أطلع من البيت. شفتوا النعمة دي كيف؟ وبصراحة كدا الراجل المابتهرش لمرتو دا زول رايح ساي وبضيع في نفسو ووليداتو.💐💐💐💐قلنا نمسي عليكم بهرشا صغيرونية كدة😅
وصفة لارتفاع ضغط الدم ووجع القلب 😊

وبقيت أسمع الكلام واتهرش عادي

الحبيب معتز

سلامات وكل سنة وانت والجميع بخير

هههههههههههههههههههااااااايىىىىى

مالك يا زول الليلة ؟؟

ود الامير ماشاف البوست دا ولا شنو ؟

الممرضات ديل ادّوك بنج صينى ولا شنو ؟؟ !!

( بينى وبينك .. الجماعة كلّهم شغالين كدا ) اعمل نايم


مودتى

ود القريش اسعد الله صباحك وجميع اوقاتك
ومتعك الله بالصحه والعافية ....
بوست ظريف وخفيف وغير مفيد ههههههههه
اخرتها ننهرش عشان قهوة وفقدناك وكلام طاعم هههههههه
وتحياتي يا ظريف

ههههههههههههههههههه

بوست ظريف ومفيد
وما تشوف شر ان شاء الله

شايف انور ومحمد هم اول المتداخلين
الظاهر عليهم اعضاء قدامى فى نقابة الهرش ههههه

الظاهر عليهم اعضاء قدامى فى نقابة الهرش ههههه

يا علي ود القريش قال لمن كان منقطا ونافخ ريشو ومسخن
مع الجماعه ضغطوا في السماء ....
ولمن تقبل الهرش هههههه نزل واخر حلاوه
فشنووو خلينا نجرب الطريقة والوهمية دي ونشوف اخرتها هههههه

الظاهر عليهم اعضاء قدامى فى نقابة الهرش ههههه يا علي
ود القريش قال لمن كان منقطا ونافخ ريشو ومسخن مع الجماعه ضغطوا في السماء ....
ولمن تقبل الهرش هههههه نزل واخر حلاوه فشنووو
خلينا نجرب الطريقة والوهمية دي ونشوف اخرتها هههههه

هههههههه جرررب يا أخوي على مسؤوليتي
خليك من قدامى الحي

ود القريش اسعد الله صباحك وجميع اوقاتك ومتعك الله بالصحه والعافية ....
بوست ظريف وخفيف وغير مفيد ههههههههه اخرتها ننهرش عشان قهوة وفقدناك وكلام طاعم هههههههه
وتحياتي يا ظريف

عليك الله ما أخير من النكد ونوم القوى ههههه
سلك أمروك يا فردة وخليك مفتح

وبقيت أسمع الكلام واتهرش عادي الحبيب معتز سلامات وكل سنة وانت والجميع بخير هههههههههههههههههههااااااايىىىىى
مالك يا زول الليلة ؟؟ ود الامير ماشاف البوست دا ولا شنو ؟
الممرضات ديل ادّوك بنج صينى ولا شنو ؟؟ !! ( بينى وبينك .. الجماعة كلّهم شغالين كدا ) اعمل نايم مودتى

هههههههههههه هو بدر الدين بشوف
دا بقى خردة من زمان يا أنور
بقى يرجف زي البوكس الضارب بولتين

إلا الممرضات خلهن ساي

سلامات يا معتز والف حمدالله ع السلامة كفّارة أجر وعافية إن شاء الله
ياخي الوصفة دي ليه سمّيتها هرش؟
بالعكس هي المودّة و العشرة و الإحترام المتبادل و الشراكة
اغلب حديثي الزواج حتى لو كان بعد معرفة طويلة وحب وكدا يصطدموا في الفترة الأولى بمسالة السيطرة و الكلمة الأخيرة و انا الراجل و انتي المرة وكدا
من يغلّبان الحكمة و يعيشان زواجهما على أنه شراكة متساوية في مشروع يعملان على نجاحه يعيشان نتيجة الوصفة التي قلتها
من يفشلا في ذلك إمّا عاشا جحيما أو فشل المشروع تماما و انفصلا
كلمة السر في المودّة و التراحم, وهي ابعد ما تكون من الهرشة, قال تعالى:
"ومِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ "

التحية للأخ .. معتز .. والمرور الجميل ..


مشكور يا معتز علي النصيحة المفيدة واريتكم كلكم تتبعوا
هذه النصائح ههههههههه ..

Quote: وبصراحة كدا الراجل المابتهرش لمرتو دا زول رايح ساي

دا كلام سليم وكلام عقل عشان تحافظوا علي صحتكم .

وكمان تعملوا بكلام المثل :
( المابسمع كلام مرتو الضحك شرطو ) ..




وتسلموا يا احلي ناس هههههه .

اخونا على محمد على بشير ...... سلام كتييييييييير

قالوا ( الخواف بربّى عيالو ) ههههههههه

بعدين ناس السعودية ديل عااااااااااادى بيتهرشو .. خلى واحد يجى يقول لا ههههههه

..........
تخريمة

اختنا بت عمسيب شايف الكلام عجبك .. ههههههههههه

.......
تخريمة تانية - يا معتز بالله شوف لينا ود الامير دا مشى وين ؟؟

يكون كايس خروف العيد ؟؟

مودتى للجميع

ههههههههههههههههههههههههههههههههههههه

-------------------------------------------------


محمد البشري جابها ليكم بإسنا\د قرآاني عديييييل ...طيب كان كان تجيب معاك (وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا) صدق الله العظيم

عالم هرشات كيف !ههههههههههههههههههههههههه

سلام يا استاذ ...
غايتو لفيت ودورتا واتفلسفتا في وصف حالة خاصة بي مرحلة معروفة من الحياة الزوجية الفيها بكون الزول "مضطر" يرخي ومعروف انو الصوت لما يعلا والطلبات تكترمنهن معناتا شنو؟
ارجع لي صمغك ساااااي او فتش عشبة مش عارف ايه داك عشان ترجع أأأأأأسد

Quote: بعدين ناس السعودية ديل عااااااااااادى بيتهرشو .. خلى واحد يجى يقول لا ههههههه¯

لا

حبيبنا معتز .. مودتي
بالصحة والعافية ..
بالبوست ده خطفت الاضواء من الامير بدرالدين ..

مودتي ..

وأت يا معتز معرس مرا ولا صفارة أنذار ؟
يا النبى نوح...

حبيبنا معتز .. مودتي ..
إنتو في قطر طبعاً ما عندكم لا عمرة لا حج لا ميناء لا شحن
يعني ما عندكم ضيوف من النوع التقيل خاصة كمان ناس ضواحي الدنيا
هنا في جدة مرات تلقى البيت ( مليان ) تشتاق لأم العيال حتى لشوفه بس
كلام إلا بالجوال ..
صحة وعافية .. أسأل أهل الخبرة .. والعمر ليه دور ..

مودتي .. في إنتظار الامير بدرالدين ..

حبيبنا معتز .. مودتي ..
إنتو في قطر طبعاً ما عندكم لا عمرة لا حج لا ميناء لا شحن
يعني ما عندكم ضيوف من النوع التقيل خاصة كمان ناس ضواحي الدنيا
هنا في جدة مرات تلقى البيت ( مليان ) تشتاق لأم العيال حتى لشوفه بس
كلام إلا بالجوال ..
صحة وعافية .. أسأل أهل الخبرة .. والعمر ليه دور ..

مودتي .. في إنتظار الامير بدرالدين ..