الصحفية دي زعلانة من الرجال كده ليه؟ (صورة)

05:52 PM September, 06 2016

سودانيز اون لاين
محمد أبوالعزائم أبوالريش-
مكتبتى
رابط مختصر

https://www.0zz0.com

‎‎
قالت:- لماذا تترك إحداهُن الجسم الممشوق والصدر العريض والشعر المسترسل وترتمي في أحضان ‏كرش منتفخ وشعر أجعد وملامح جامدة.‏

أي والله ((الشعر المسترسل)) .... مكتوبة كده.‏

قد تكون الغيرة

و الله يا ابو الريش لاقاني الهراء دا فى الفيس بووك امس و نكد علي ايما نكد. ياخي احترنا فى الانحطاط الذى وصلت الحياه فى السودان. ليس من يفك الخط يستحق عمود صحفي فى جريدة، لكن هانت زلابيا الصحافة ساكت.

مرحب أبوبكر،
نفس الشئ ... جاتني في الواتساب ووالله ما عارفها إتنشرت في ياتو جريدة وفي أي يوم ولا بعرف كاتبة العمود أو سمعت بيها.

فعلاً هانت زلابية الصحافة والقيد الصحفي عندنا هو وطباعة العملة واحد.

ده كلام ده بالله

حاجة مخجلة والله ياصحفية

وبعد ده كلوووووووووووووووووو
السوداني أنضف وأحسن وأفهم البتقارنيهم بيهم ديل

عثمان ميرغني مطالب بالاعتذار للشعب السوداني عن السفهه المنشور فى صحيفته. اما الست سهير دي فمرفوع عنها القلم!

سلام يا ابو الريش هاك دي معاك بالله

Quote: Sara Taha متابعة أمس الساعة ‏09:30 مساءً‏ · سأبدأ من حيث سؤال الأخت الصحفية المراهقة والتي علي ما أظن امتلكت هذه الوظيفه (بالواسطة) واتمني إلا تكون من الوساطات التي هي من تحت (الحزام )!! سألت ثم قالت : لماذا تطلب الفتاة اللبنانية الارتباط برجل سوداني وتخرج في مظاهرات للمطالبة به؟؟ انتهي السؤال! ساجاوبها علي حسب مقاس جزمتها لأنني أفضل أن أخوض النقاش مع (الجزمة) أكرمكم الله ولأنني أراها أقيم منها ! فلنفترض جزافا أن الصور صحيحة وليست فوتوشوب فما الذي يعيب الرجل السوداني في أن يتزوج لبنانية؟ وانا لا أدري لماذا تخوض في الفوتوشوب اصلا لتعمل من الطحين عجين ... فإن مثل هذه الأحداث لا يخوض فيها الصحفين الكبار . إن الرجل السوداني أن كان لا يعجبك فهذا شأن يخصك انتي لوحدك ... ولربما أباك واخوك من من يحملون (الكروش) و روائح (التمباك) فهنا سالتمس لك العذر كما سيلتمسه لك الجميع ! فلنرجع للسؤال الذي اضجع منام الامورة الصحفية (سهير) وساسالها سؤال قبل الجواب علي سؤالها : انتي متزوجة من سوداني ، لماذا قبلتي به وهل هو من من تفوح منه (العطور الفرنسية) أو أنه من أصحاب (الصدور البرجوازية) ؟ لن انتظر منك جواب لعلمي انك من أصحاب الخواء الفكري والأدبي ورب الكعبة ! اقول لك وبكل جراءة (احب وافتخر) بكل رجل سوداني علي وجه هذه الأرض وتبا لك !! الرجل السوداني وان كان يمتلك الكرش أو مدمن مخدرات أو من أصحاب كيف التمباك ، يبقي هو الرجل السوداني صاحب (الرجالة) والشجاعة والكرم . الرجل السوداني وان كانت قدماه أصابها (التشقق) فهذا دلالة علي أنه انسان كادح وإنسان عملي لا يحب أن يأكل إلا من عرق جبينه فعلي كل امرأة أن تفتخر به فالرجل (الخشن) احسن بمليوووون مرة من الرجل الناعم الطاعم (السحسوحة) أن صح التعبير ؟ اما (العراقي) المكرفس الوسخان أجمل مليون مرة من (كرفته) تلتف مثل (الحية) حول عنقه.... فبربك أيهما احلي في الرجلين؟ الرجل السوداني عملة نادرة في هذا العالم يتمني كل العالم أن يمتلكوا نصف ما يمتلكه السوداني من صفات لا أريد ذكرها لك لأنك غير قادرة علي استيعاب معني رجل سوداني . الرجل السوداني يا حبيبتي اللبناني لا يستطيع أن يكون ك (ظفر) اصبع رجله الصغير فلا تتبجحي بما لا تعرفيه ؟ جربي انتي أن تعيشي مع لبناني وسيبيعك في سوق (الرزيـــله) لمن يدفع اكثر. جربي أن تعيشي مع سوداني وان كان (من السكيرين) ستجدي انك تحسي بأمان لا مثيل له رغم هذا السكر وذاك التمباك وهذه الكرش . عزيزتي المراهقة استبدلي أباك وزوجك ب اللبنانين وارتاحي من هذه الضجة فهم في غير مستوي انحطاطك لأنهم سودانين .!؟ ليس عندي أكثر ما اقول سوي (اللهم لا تؤاخذنا بما ((كتب)) السفهاء منا)..؟! آخر خبر (الرجل السوداني اخوي وابوي وزوجي وتيجان راسي) . نقطة سطر جديد : أحب الرجل السوداني واموووووووت في كرشو وبحب (سفتو)!! سطر تاني : إن عادت هذه المنحطة سأعود . #اعتذر نيابة عن هذه السافلة لكل رجل سوداني ولكم العتبي . Sara Taha

Quote: قد تكون الغيرة

غيرة شنو يا أبوغيرة.

مش برضو (قد يكون) ده زمن صحافة الهندي عز الدين وفاطنة شاش؟

ههههه
واسطة تحت الحزام
غايتو بقو يفقعو عديل كدة
ازيك ابوالريش وضيوفه

السيدة سهير دي إحتمال كبير عندها مشكلة مع الراجل السودانى...

مرحب معتصم سليمان،
الأشياء لا تنفصل عن بعضها.
التردي في الصحافة جزء من التردي في كل شئ.

لك التحية اخى سيف اليزل تحليلك اقرب للحقيقة البنت تكون مغبونة من سودانى فكاها عكس الهواء فقررت تنتقم من كل الرجال السودانيين ...الزمن تغير والقيم التقليدية بتاعة يا عشانا ويا مدرج العاطلات انتهت صلاحيتها.... وصلتنا اخبار عن سودانيات فى بريطانيا خلعن ازواجهن السودانيين وارتبطن باجانب

ويستمر مسلسل سقوط متسلقي الصحافة





دي مش نفس الانسانة الكان عندها كيتة مع سحس ؟


تحياتي صاحب البوست

اخونا ود ابو الريش وضيوفو الكرام - اقول سلام واحترام ...

يا اخوانا بشيشكم - البنية قالت (بعض) ، وهي بتنتقد الجلافة والهيافة والتنمباك،

وشح نظافة الجسد واللسان عند بعضنا ، ورحم الله امرئ اهدى ألي عيوبي . - الكمال لله ...

والنظافة بحس عليها الدين .... لكن صراحة - الشعر المسترسل ده نتبرأ منه تب تب ثم تب ...

ماهى التجربة التى مرت بها سهير..
حتى تحتقر الرجل السودانى الى هذا الحد ؟
وأين يوجد ذلك الرجل السودانى الذى وصفته سهير بالوساخة والعفونة والجلافة وباقى القذارات ؟

غلطان اليدخل المنبر مع الصباح..
و الله صحى....

والله يا ستي نور
شوفي زي سهير دة
تكتب عن رجل تعشقه في خيالها
وارجو ان يكون في خيالها فقط !!
لا يهم ما كتبته بل يهمني تلك الجرأة المتجاوزة حد الذوق في لغة التخاطب بين سهير والرد عليها

آ عبدالحفيظ آخوى...

البت دى واضح انها بتكتب من تجربة شخصية..
لانها مغبونة قربت تطرشق..
و الوصف الوصفته للرجال دا..
ما مجرد ملاحظة وبس..
الكلام فيه كلام...
غايتو...
الله يهدى سرها....

اها خلاص لمعتوها .. ناس كتار لمعتهم الميديا

.
Sara Taha.
.
أصيله والله ... السارة بت طه

أستأذن زميل النبر فاروق عثمان في جلب رده على هذه المتصوحفة.

قال الأستاذ فاروق:

Quote: ردًا علي سهير عبد الرحيم‎ ‎________________________ طالعت مقال لصحفيه سودانيه,وللامانه لم اسمع بها قبلا,ولكن مؤخرا مرت ‏بي بعض كتاباتها الباحثه فيها عن الشهره ,والتي هاجمت من خلالها ‏النساء الشريفات الكادحات المتصالحات مع واقعهن وذواتهن من بائعات ‏الشاي واصفة اياهن باقذع واقبح الالفاظ,ولكن كما قيل كل اناء بما فيه ‏ينضح‎. نعود لمقال هذه الحبرتجيه التي تصنف علي انها صحفيه في زمن السقوط ‏الانقاذي,فهي تبدأ مقالها الفطير بمعلومه تفتقد وتفتقر الي أبجديات ‏الصحفي المبتدئ وهي الدقه والتحري والمصدر والنسبه الاحصائيه ‏للمعلومه المذكوره‎. تقول هذه المتصوحفه:احتفي كثير من الرجال السودانين بصوره لفتيات ‏لبنانيات‎). ‎ استقطعنا بدايه الحديث ,ونفصل لاحقا باقي حديثها الموبوء بعقد النقص ‏ومقت الذات,فهي هنا تُجمل معظم الرجال السودانين باستعمالها كلمت ‏كثير من الرجال والكثره في اللغة تدل علي الغالبيه فهي هنا تسئ الي ‏جميع الرجال السودانين,المطحونين تحت وقع ماكينة الانقاذ, فهل انصرفت ‏مجاميع هؤلاء الرجال الساعين فجرا وحتي المغيب لتوفير سبل العيش ‏لاسرهم من غذاء ودواء وتعليم,لمتابعة مواقع التواصل الاجتماعي التي ‏تستقي منها هذه المتصوحفه معلوماتها ,وماهي نسبة المتابعين لوسائل ‏التواصل منهم,وماهي نسبة من لديهم خدمة نت اساسا,ليتابعو صور ‏الفتيات اللبنانيات ويمنو النفس بقربهن؟ولكنه زمن الصحافه الخاليه من ‏المعاييرة صحافة (انجر لصق) وهاجم تشتهر‎ بل جزمت ان هذا الحدث او الصوره التي للامانه لم اراها ,انها اضحت ‏ظاهره ومصدر احتفاء لكثير من الرجال السودانين,الساعين بحثا عن ‏ارزاقهم في هذا الوطن المنكوب بدا بحكومه عاجزه وظالمه وبالقطع ليس ‏نهاية بانصاف الصحفين من شاكلة هذه المتصوحفه‎. بعدها مباشره تحرك لا وعيها الذي دفعها لهذا المقال واظنه محشو ‏يمشاهدة القنوات اللبناينه والمسلاسلات ومجلات الموضه,وبدأ هذا اللاوعي ‏المنهزم والذي يري ان صفات الرجل الجماليه,تقاس وفق محدداتها المنهزمه ‏عروبيا تجاه اللبنانيين او كل ما هو ابيض (عقدة اللون) بدأ هذا الذهن ‏في تفريغ مركب نقصه من خلال حط قدر الرجل السوداني والاساءه ‏اليه,والثناء والاعجاب والتغزل في الرجل اللبناني,الذي تراه وسيما ذو شعر ‏ناعم وبشره بيضاء,متعطر بارقي العطور وقامت بتسميتها(البت خطيره ‏وعارفه ارقي العطور وكده)وهي هنا بسطحيتها وعقلها البسيط ترد التهمه ‏عن الرجل السوداني الساعي الي اللبنانيات وتلصقها بها لا وعيا,لانها تري ‏في الرجل اللبناني مكتمل الجمال والهئيه والسلوك,بل تصف حتي عطوره ‏التي يتعطر بها؟؟؟؟؟‎!!!!!!. وهنا تنقاد هذه السطحيه وعيا ودونه وتبرهن علي انها ا تبحث في ‏ذاتها,وتتحرك وفق احلام يقظتها الواهمه وتتصور ان الرجل الكامل او ‏الوسيم وهو رجل ابيض ذو شعر ناعم وقوام ممشوق وبشره بيضاء ,وكما ‏قلنا لان ثقافتها ضحله بالشعوب وتستقيها من خلال ثقافة ا(للقاط )التلفازيه ‏ومن خلال المجلات,رأت ان الرجل اللبناني هو المكمل هئية وبهاء جمالا ‏وسلوك,وهي هنا تبحث عن معايير تخصها فقط تقبع في لا وعيها فقامت ‏بتضخيم وتهويل هذه الحادثه المحدوده, وصورتها كظاهره انصرفت لها ‏مجاميع الرجال السودانين,ومن الوارد جدا ان يكون من قام بوضع هذه ‏الصوره ودبلجتها فتاه مراهقه او صبي يافع,تشبه امانيه واحلام يقظته ذات ‏احلام وامنيات هذه الصحفيه,فقامت بالاساءه والشتم لجموع الرجال ‏السودانين دون استثناء وهي هنا للاسف لا تستثني حتي اهل بيتها من اب ‏واخ وزوج وذوي قربي او معرفه‎. علي كل نقول لها الرجل البناني فيه المهندم ويوجد به (العولاق)فيه ذو ‏الرائحه الكريهه(كتااار) والمتعطر بارقي العطور,وليس كلهم يحترمون ‏زوجاتهم بل ان الكثير منهم يضرب زوجاته ويسئ اليهم(لا توجد مقارنه ‏بين عنف اللبناني تجاه زوجته والرجل السوداني),وهناك اشياء اخري ‏نمسك عن ذكرها فيما يخص اللبناني وزوجته ,لو فعلها سوداني لشنق ‏نفسه في وسط السوق (ما موضوعنا‎). وبالمناسبه الرجل اللبناني برضو (بسف )الصعوط,ربما افتكرت هذه ‏المتصوحفه بثقافتها الضحله وسقفها العقلي المحدود ان التمباك ظاهره ‏سودانيه خالصه,اذا كنتي لا تعلمي فالتمباك موجود من الهند شرقا والي ‏امريكا غربا ,والرجل اللبناني بذاته (يسف الصعوط),وهو ذات صعوطنا ‏يسمي التباكو,ولكنه خالي (عطرون‎). من الملاحظات التي بثها اللاوعي المضطرب والمتحرك في ديالكتيك ‏الحب للبنانين والكره للسوداني, نبذها واساءاتها وتأففها وكرهها لملامحنا ‏المميزه من شعر اكرد(قرقدي)وشفاه غليظه ولون اسود,وهي هنا تمقت ذاتها ‏لاوعيا, وووعيا تبحث عن ملامح بيضاء وشعر ناعم وشفاه رقيقه,وهي ‏محنه لها ولكنها لاتدري,ولا تدري انها لا تدري ,وهو يبين بجلاء لماذا ‏كتبت هذه الصحفيه هذا المقال وعلقت شماعة عقدها ومركبات نقصها في ‏الرجل السوداني لتصل الي مرادها من مقاييسها الفطيره, ولكن تبقي الحقيقه ‏الجليه انها هي من فضحت ذاتها,وعرت عقد نقصها وشعورها بالدونيه ‏‏,بان جعلت مقاييسها للكمال والجمال تتحرك وفق الانهزام العروبي من ‏بشره بيضاء وشعر ناعم وشفاه وانف غير غلاظ ,والهروب من سودانويتنا ‏من بشره سوداء وشعر اكرد وشفاه غليظه التي نعتز بها ونفخر بها ايما ‏اعزاز(عاجبانا وساره بالنا ملامحنا دي‎). كرجال سودانين متحررين من عقد الدونيه,متصالحين مع ذواتنا,متباهين ‏ومتماهين في سودانويتنا المزيج, نعشق الانثي السودانيه بملامحها المميزه ‏من بشراء سمراء او سوداء وشفاه غليظه وشعر غير ناعم,نحب زمامها ‏واحجالها,نعشق اللاو,والتوب والجدله ونرقص معها الكمبلا والمردوم,ناخد ‏منها الشبال ونشيل معها الصفقه,نعشق حنتها ودخانها,ونري رائحة خمرتها ‏وعرقها كلاهما ارقي واجمل من ارقي عطور باريس,لانها فقط انثي ‏سودانيه,نحنا منها وهي منا,نعيش منها وبها واليها, نحمل ما تحمل من الق ‏وبهاء وجمال وفق منظورنا المتصالح وغير المستلب‎. لو تناولت بمقالها الفطير هذا ,الرجل السوداني و اشكالاته كجزء من ‏اشكالات الشخصيه السودانيه ككل مجتمعي وفق اي منهج كان ,ماديا او ‏ثقافيا او بنيويا, وفق دراسه اجتماعيه, نفسيه ثقافيه,وبعمق وتحليل مبني ‏علي قواعد واسس وتنظير تسنده درايه ومعرفه ووعي عميق باشكالات ‏المجتمع السوداني ككل مركب , ما كنا سننتقدها ,بل ربما صفقنا لها ‏واشدنا بها,ولكنها بنت نقدها علي معلومه اسفيريه ملفقه وغير دقيقه وتفتقر ‏للاحصاء والتدقيق ,وبدات في انتقاد الرجل السوداني انتقادا غير مؤسس ‏وغير ممنهج,وغارق في السطحيه والبؤس, واتخذت الرجل اللبناني كمعيار ‏مقارنه ومقاربه,وهذا ما فضح لاوعيها المستلب‎. ونقول لها اذا كان لاوعيك يحمل هذا المخزون السئ عن ملامحنا واشكالنا ‏وثقافتنا ويعشق كل ما هو لبناني,فبمقدورك البحث عن جنسيه لبنانيه,ولكن ‏للاسف سيصنفك ذات التي كلتي له ما كلتي من مدح بمجرد عبده لا اكثر ‏ولا اقل‎.......... ‎ فاروق عثمان‎ ‎(‎ذو ملامح وسحنة وثقافه سودانويه غير لبنانيه‎)‎

إلا تكون من الوساطات التي هي من تحت (الحزام )!!

--------------------------------------------------------

سارة .... الكلام ده ما بشبهك ...!!!

http://www.up-00.com/"http://www.up-00.com/"










http://www.up-00.com/"http://www.up-00.com/"




الزولة دي مرت بعدة علاقات زوجية غير موفقة قالت بطنها طامة من الرجال وما وجدت الرجل
الذي يستحق سهير عبد الرحيم تالله لو وقعت لي في كرتيلا اخليها واخلي قروشي الدفعتها ، لا تقل
عن فاطمة شاش في شيء وجهان لعملة واحدة .

هذه الصحفية ظلمت الرجل السوداني ظلما بينا وواضحا...
وان لم اقل ظلم الحسن والحسين زي ما بيقول المثل...
فهذه الصحفية التي يبدو انها معجبة بالقوام الممشوق والشعر
الناعم (المسترسل)..وتقديم الورود في المناسبات نسيت بان
مثل هذا اللبناني وتفوح منه رائحة البارفان الباريسي يقدم لزوجته
الزهور بيد ويطعنها باليد الاخرى حيث يخرج من البيت ليصاحب
فتاة اخرى لها مواصفات اخرى...يعني خيانة
لكن الرجل السوداني وبكرشه البارز وملامحه الجامدة وشعره الاجعد افضل عندي
الف مرة من ذلك الرجل ذو القوام الممشوق والشعر الناعم لان جمال الرجل لا يدوم
وجماله في روحه وشهامته ومروءته وكبريائه وعزته...
..والدتي عراقية وتزوجت والدي وهو سوداني نوبي ميه في الميه وبشهادة والدي
كانت وهي شابة حسناء يلهث الشباب خلفها ولكنها اختارت والدي....وفي ونساتنا
تقول لي يا اميرة تقدموا كثيرين من اقربائي ولكني اخترت مصطفى وتعرفتةبه
صدفة ووجدته الرجل الذي يمكن الاعتماد عليه فهو ذو مروءة وذو شهامة وذو
كرم واخلاقه عالية.....وتبدا تشكر فيه....لغاية ما نوقفها ونقول ليها كفاية يا امي
ابوي تاني ما حيسلم علينا...
...والله يا اخوانا انتو السودانيين ما ممكن ابدل بيكم لا لبناني ولا عراقي ولا امريكي
ولا سوفيتي.....انتو العزة ..انتو الكرامة ..انتو الشهامة...انتو اخوان البنات...
والله يديكم الصحة والعافية

كتر خيرك الأمين البشاري،

دي فاقعة مرارة النسوان والرجال.

Quote: لا يهم ما كتبته بل يهمني تلك الجرأة المتجاوزة حد الذوق في لغة التخاطب بين سهير والرد عليها

حباب عبدالحفيظ،
ما عارف الأخت الردت دي نشرت ردها وين .... لكني أظنه في الوسائل الحديثة وليس في صحيفة كما مقال هذه الصحفية.
طبعاً النشر في إحدى مواقع الإنترنيت أو بالهواتف النقالة لا يجعل ما يُنشر بعيد عن النقد، لكن الفرق هنا أن النشر في الصحف الورقية يسبقه تدقيق لغوي وموافقة على نشر المادة نفسها .. هذا الهُراء المنشور مر على كل القنوات (بالإفتراض) الموجودة بالجريدة المعنية.

إنت قايل الإنهيار في الإقتصاد بس؟

Quote: الصحفية دي زعلانة من الرجال السودانيين كده ليه؟

يقال: بانهم طلقوها ..... ثم تاني طلقوها.....

الحال من بعضه

عشرات البوستات هنا تعرضت لفتيات (غير سودانيات) من كل القارات، صاحبتها تعليقات وآهات وتوصيف وأشعار و (أحي أنا) من رجال سودانيين. افحصوا الأوصاف التي أتت بها واعيدوا البصر كرتين. ____ لم تقل غير الحقيقة، ولكنها أنثى، عبرت عنكم.

Quote: السيدة سهير دي إحتمال كبير عندها مشكلة مع الراجل السودانى...

مشكلة مع الراجل السوداني يا سيف والاّ مع راجل سوداني؟
بتفرق كتير.

سودانى جوة وجدانى بريدو

والله الراجل السودانى هو ابوى واخوى وعمى وخالى وجدى وتاج راسنا

ليكم التحية جميعا

ظواهر جديدة وأقلام مسمومة نتنة الكتابة وسيئة الصيت تنتهج مبدأ خالف تذكر وتحاول أن تسلك أقصر الطرق للشهرة تطل علينا بين الفينة والأخرى أمثال فاطمة الصادق داليا الياس وهذه المأفونة سهير عبد الرحيم .
والعيب ليس فيهن بل العيب فيمن سمح لهن وأعطاهن لقب صحفيات وسخر لهن الصحف السيارة .

آآآآآه يا بلد ... كم أنا موجوع

دم بخير يا صديقي

شكرا الشغيل عبرت عني تماما
ثالوث فاطمة -سهير - داليا دا ما خير مثال للتردي في عالم الصحافة.

داليا الياس دي عندها خارم بارم مسمياهو قصيدة بتقول فيها( وقلبك كربريتر ) والاغرب انو في منتديات بتستضيفهم يتكلموا!
والاعجب هن مفتكرات الناس دي بتحقد عليهن وقاصدنهن.
جنس محن

سهير دي, إيميلها في الهوت ميل, دي صحفية بتاعت شنو؟

كرجال سودانين متحررين من عقد الدونيه,متصالحين مع ذواتنا,متباهين ومتماهين في سودانويتنا المزيج, نعشق الانثي السودانيه بملامحها المميزه من بشراء سمراء او سوداء وشفاه غليظه وشعر غير ناعم,نحب زمامها واحجالها,نعشق اللاو,والتوب والجدله والفرده ونرقص معها الكمبلا وعلي ايقاع المردوم,ناخد منها الشبال ونشيل معها الصفقه,نعشق حنتها ودخانها,ونري رائحة خمرتها وعرقها كلاهما ارقي واجمل من ارقي عطور باريس,لانها فقط انثي سودانيه,نحنا منها وهي منا,نعيش منها وبها واليها, نحمل ما تحمل من الق وبهاء وجمال وفق منظورنا المتصالح وغير المستلب.

لو تناولت بمقالها الفطير هذا ,الرجل السوداني و اشكالاته كجزء من اشكالات الشخصيه السودانيه ككل مجتمعي وفق اي منهج كان ,ماديا او ثقافيا او بنيويا, وفق دراسه اجتماعيه, نفسيه ثقافيه,وبعمق وتحليل مبني علي قواعد واسس وتنظير تسنده درايه ومعرفه ووعي عميق باشكالات المجتمع السوداني ككل مركب , ما كنا سننتقدها ,بل ربما صفقنا لها واشدنا بها,ولكنها بنت نقدها علي معلومه اسفيريه ملفقه وغير دقيقه وتفتقر للاحصاء والتدقيق ,وبدات في انتقاد الرجل السوداني انتقادا غير مؤسس وغير ممنهج,وغارق في السطحيه والبؤس, واتخذت الرجل اللبناني كمعيار مقارنه ومقاربه,وهذا ما فضح لاوعيها المستلب.ونقول لها اذا كان لاوعيك يحمل هذا المخزون السئ عن ملامحنا واشكالنا وثقافتنا ويعشق كل ما هو لبناني,فبمقدورك البحث عن جنسيه لبنانيه,ولكن للاسف سيصنفك ذات التي كلتي له ما كلتي من مدح بمجرد عبده لا اكثر)(QUOTE)
>>>>>>>>>>>><<<<<<<<<>>>>>>>>>>>>>>>
<<<<<<<<<<>>>>>>>>>>><<<<<<<<<<<<<
عجبني كلام فاروق في بوست آخر في نفس الموضوع وحبيت انقله هنا لمزيد من المعلومة حول الرجل السوداني
الذي تريد هذه الصحفية ان تحتقره ...
واود في هذه العجالة ان ازيد .. كفى بالرجل السوداني وفاؤه واخلاصه لزوجته واولاده ويضحي بكل شئ في سبيل ان تكون الأسرة مترابطة
ومتماسكة وتجده حتى اذا أساءت إليه يوما هذه الزوجة بأي وجه من الوجوه تجده يغفر ويسامح في سبيل ترابط وتماسك أسرته وفي سبيل
ان يتربى الأولاد تربية صحيحة .. وانا اتكلم عن الأغلبية ، ولكل قاعدة شواذ....ولا أظن ان جنسية اخرى تفعل وتضحي مثل الرجل السوداني
ذو الهمة والشهامة والمروءة...
والله يديكم الصحة والعافية

مرحب يوسف طه،

Quote: دي مش نفس الانسانة الكان عندها كيتة مع سحس ؟

أنا والله بقيت ما بعرف الصحفيين (تخلّف وكده) .... يعني الزولة دي ما بعرفا قبل مقالها الرجالي ده.

Quote: يا اخوانا بشيشكم - البنية قالت (بعض) ، وهي بتنتقد الجلافة والهيافة والتنمباك، وشح نظافة الجسد واللسان عند بعضنا ، ورحم الله امرئ اهدى ألي عيوبي . - الكمال لله ... والنظافة بحس عليها الدين .... لكن صراحة - الشعر المسترسل ده نتبرأ منه تب تب ثم تب ...

أظنك تقصد (يحث) عليها الدين.
هي ما ممكن تنتقد (جلافتنا) بدون ما تغني لي (خيابة) غيرنا؟
طبعاً ما دام عايز تدافع عنها وتبرر ليها ... ما أظن تقتنع، لكن كدي شوف المقابلة العاملينها معاها فوق دي ... قالتها بصراحة ... الزولة دي عندها مشكلة مع الرجال.

Quote: والقيم التقليدية بتاعة يا عشانا ويا مدرج العاطلات انتهت صلاحيتها.

لكن يا حسن فرح ياخوي، نقوم نمشي من النقيض للنقيض؟
الزولة دي شايفة السوداني معفن ورجلو مشققة وشلوفتو كبيرة وزايدها بالسعوط.
يبقى الحل في النعومة ونكون أقرب للخيابة؟

الزولة دي أكيد سطحية جداً فهي تصف في الرجل اللبناني البتشوفو في المسلسلات
التلفزيونية، إذا عايزة تتغني بجمال الرجل اللبناني فاخرجي من بيروت وأذهبي إلى
الضيعات، مع إيماني أن خشونة الرجل هي جزء من رجولته. أما ذو الصدر العريض
والشعر المسترسل والعطر الباريسي فتعالي إلى الخليج وسوف تعرفي نوع من الرجولة
لا نعرفه نحن السودانيون. وربما يكون النوع الذي تبحثين عنه.
تحياتي أبو الريش

" البنية قالت (بعض) "
أخي حمد البنية لم تقل بعض،
بل قالت " احتفل كثير من الرجال في السودان " ( رغم أن كلمة احتفل هنا
خطأ ) ... كثير من الرجال..
وقالت " يبقى السؤال الأهم الذي ينبغي أن يجيب عليه الرجال السودانيون"
... الرجال السودانيون بصورة عامة ..
والسؤال أخي حمد هل أنت ضمن هذا ( الكثير ) و( الرجال السودانيون )
حتى تجيب عليها أم أنك اكتفيت ب ( البعض ) ؟

فاطمة الحاج
قلتي الحقيقة. .لان الزولة دي ما عارفة ان
اللبنانيين البتشوفهم في المسلسلات ديل
بيعملوا ليهم مكياج لساعات طويلة واكثر من
مكياج البنات...وفعلا اذا هي عاوزة تشوف اللبنانيين
العاديين وبدون مكياج خليها تمشي شوارع
بيروت عشان تشوف العجب والمخدرين والسكارى
والعطالة...
عالم بطاااالة....زي ما بيقول محمد مجيدوِ...
والله يديك الصحة والعافية

دي شكلها مأخذة شاكوش من النوع البيكفّر داك ...
لسع ما فاقت من الخبطة 😩

نور تاور سلام،

Quote: البت دى واضح انها بتكتب من تجربة شخصية.. لانها مغبونة قربت تطرشق.. و الوصف الوصفته للرجال دا.. ما مجرد ملاحظة وبس.. الكلام فيه كلام...

تجربة شخصية؟
وين طيب المهنية والبطيخ؟
لا هي عندها مهنية ولا الجريدة البتكتب فيها معنية بالمهنية؟

السقوط سقوط ....... في كل شئ.

زوار البوست جميعاً،

كل عام وأنتم بخير

الآخ الفاضل محمد أبو العزايم أبو الريش..
كل عام أنت والسودان بخير..

أنا أقصد تماما أن ما كتبته المدعوه سهير يعبر عن تجربة شخصية..
والسبب هو أن درجة أنفعالها فى هذا المقال قد وصلت الى 60%, أى درجة الغليان..
ثم أنها جمعت كل الرجال السودانيين فى سلة واحدة..
حتى نسيت أن فيمن تسبهم أبوها وأخوها وجدها ويمكن أبنها..الخ
ثانيا الوصف غير واقعى ومجحف الى اقصى درجة لدرجة أننى تساءلت وانا اقرأ المقال..
من أين أتت بهذه العينة من الرجال ؟
لآن الرجل السودانى الذى نعرف نظيف ومهذب وحساس وقوى جدا..
وهو أكثر رجال الكرة الآرضية sexy...ويعرف كيف يعامل المرأة أكثر من الرجل اللبانى الذى استشهدت..
أما مسألة المهنية التى سألت عنها..
فالصحافة فى زمن الكيزان ليست صحافة..
وهذا موضوع طووووويل يحتاج الى منبر منفصل ليأخذ حقه من النقاش..

Quote: اها خلاص لمعتوها .. ناس كتار لمعتهم الميديا

يكون ده غرضها الأساسي يا مصعب؟

تكون دقّستنا لكن.

[

Quote: شاكوش من النوع البيكفّر داك

حولااا!!!

حوالينا ولا علينا ..!!!

سعادتو ود المكي .... العيد يتبارك عليك.

بت طه أصيلة ... لكن دي:

Quote: اقول لك وبكل جراءة (احب وافتخر) بكل رجل سوداني علي وجه هذه الأرض وتبا لك !!

خوفي تكون (تباً لك) بتاعة ترجمة الأفلام ديك.

----
دي شكلها مأخذة شاكوش من النوع البيكفّر داك ...
----


تعليق اوسكار

سهير لاتفعل اكثر من انها تنشر تجاربها الشخصية ..
وعما يعتمل ويجيش بدواخل نفسها الخربة من خطرفات ..
اعتبرها شخصية غير سوية البتة وتعاني من الكثير ..
من الارتكاسات النفسية والانحرافات العاطفية ..
فهي لديها مرارات مهولة وعلى اصعدة عدة ..
فتسقط تجاربها وافكارها على الواقع وتعمم حسب ماتراه ..
تاكدوا ان تم اسقاط تجارب سهير ومراراتها ..
على اي شخص سوي لكتب مثلما تكتب وزيادة ..
عموما رغم كتاباتها الفجة وايحاءاتها الجنسية ..
وتركيزها على نواحي تفتقدها وتتوق هي نفسها اليها ..
اجد لها العذر واللوم ماعليها لانها انسانة مريضة ..
اللوم على الشخص الذي يفسح لها المجال في ان تنشر ..
غايتو سهير كان اتزوجت اكيد ستختلف وجهة نظرها ..
لكن طول ماهي عزباء كده لن تقف كتاباتها وايحاءاتها ..
فهي تحقد على كل المجتمع وكل كتاباتها السابقة تشهد بذلك ..
سهير ماخلت منحى من المناحي الا واسقطت عليه من تجاربها ..
وعممت فيه بصورة ممجوجة تفتقد كثيرا الى الرزانة والروية ..
بعدين لو تابعها اي احد وهي تتكلم في التلفزيون لراي الكم الهائل ..
من التهور والقاء الكلام على عواهنة والتعمم وبصورة عجيبة ..

علاجها وااااحد وبس عرسوا ليها وارتاحوا وريحوها ... هههههههه ..
اعملوا ليها عرس سهير .. على وزن عرس الزين ههههه ..



لسهير كامل تعاطفي ...

عادل الباهي سلام،

شكراً لإيراد هذه الصورة التي توضح الكثير حول شخصية الصحفية.

______
يا ريت لو تعدّل حجم الصورة لأنها فتلت البوست.

إحترامي

وانت بخير يابو الريش والسنة الجاية كما تشتهي

يا بنتنا سهير ، معلش برضو كان أبيتينا سنظل آباءك وأخوانك وأهلك وعشيرتك .

بس الشعر المسترسل ده يا ربي مسترسل عبر البريد الألكتروني أم بالبريد السريع ، أم بوسائل التواصل .

(الشعر المسترسل قالت )، والله يا سهير لا يعجبك لونهم وأجسادهم ما بتشوف الموية وريحتهم زرنيخ زرنيخ ، توقع الصقر من الجو (إلا من رحم ربي)

وبعدين ماركات العطور دي ممكن أي يعرفها بدون ما تشوفها ( بارك الله فيك يا عمنا قوقل الذي جعلت ذلك ممكنا) .

يلا معلش ، حبينا نخاطب دون أن نخدشك لأنك في النهاية أختنا .