Post: #2
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 06:59 AM
Parent: #1
|
Post: #3
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 07:03 AM
Parent: #2
نادر جدا اقدم طلب صداقة .. إلا بإتفاق مسبق
مثلا واحد صحبي يقول لي فتش اسمي كدة ورسل لي طلب صداقة
واظن طلباتي لا تتجاوز الستة
عندي حساسية عالية مرضية في اني ارسل طلب صداقة وما يُقبل من الطرف التاني . زي الدقيت لي زول باب وتاوق لي برقراق الباب وقال لي انا مافي !!
|
Post: #4
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 07:06 AM
Parent: #3
بنفس الفهم الفوق دة بقبل طلبات الصداقة
بخجل ياخ
رغم ما يبدو علي سذاجة فكرتي
لكن بخجل واحد يرسل لي وارفضو
يمد ليك يدو للسلام وتجرها منو
|
Post: #5
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 07:13 AM
Parent: #4
بعد تجارب قبيحة من كم زول
إكتشغت انها فعلا فكرة غلط
قمت وقفت الحساب
الاصحاب قالوا لي لا ياخ .. ما توقف حسابك احذف الزول او بلكو
برضو خشيت في احراجات .. بعض الناس بوصلو ليك امتعاضهم ..
وتبقا مُحرج ..
مع انو انا بكون زهجت منهم
لسذاجة بوستاتهم وفراغها ويملو ليك كم صفحة .. مثلا واحد قبل كدة .. وراء بعض ومنفصلات منزل 35 بوست او منشور كحكم
وهي حكم لا علاقه لها بالحكم
الشفوت حلو لي المشكلة
قالوا لي خش في اسمو واعمل عدم متابعة
|
Post: #8
Title: Re: ورطاتي في الفيس بوك
Author: أحمد محمد عمر
Date: 09-04-2016, 07:26 AM
Parent: #6
تتحكم في إعدادات الخصوصية
مافي زول يكتب منشور في حائطك غيرك
وإنه ما تتم الإشارة ليك بدون استئذانك
كدة قفلت 50% من المخاطر
بالنسبة لي أنا كزول بحترم  المدام يمنع قبول طلب دامة
بحترم دي البقراها بخاف ما عافي ليه
وأهم حاجة ودي دقستها ما بتتصلح .. أعمل حساب فيسبوك رسمي منفصل لناس الشغل .. خلي مديرك المباشر وناس الشركة وطلابك لو كنت استاذ يشوفوك بالبدلة وبتتكلم رسمي وبإتزان وكدة
واتجدع مع شباب الحلة والأهل وأصدقاء الطفولة بالفنيلة الداخلية أم حمالات في الحساب الأصلي
مراجعة الأصدقاء كل كم شهر كدة وحذف الما ليهم لازمة .. ما فوكّا حاجة
|
Post: #7
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 07:20 AM
Parent: #5
الورطة الأكبر
تغيير الأسماء
تلقا ليك زول مقنقن في صالون بيتك ويقابلك بالاحضان وبي اسمك وانت ما تعرفو دة منو
كل مرة مغير اسمو وصورتو
يحيرك زاتو
تقولو ليهو انا شايفك وين
يزعل منك
ولا تبقا عليك حكاية مسطول بورسودان
|
Post: #9
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 07:34 AM
Parent: #7
ههه الطيب قلنا واحد ومعاك الصفرين
هوي ود البوش المسنوح لسعتي طالبك كان جيت بالدرب ولا عديل
|
Post: #10
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 07:36 AM
Parent: #9
المعلم ياخ
معلمي احمد
تلميذك قرح تب
عطفا علي البوست
اها جيتني في مربوطتي
|
Post: #11
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 08:19 AM
Parent: #10
المدام ما عندها شغلة كتيرة بالفيس ولا بتخشو
يقومو نسابتي من الجنسين يرسلو لي طلب صداقات والنسيب عين شمش
يا زول يوم والتاني المدام تسألني
بتعرف واحدة اسمها امتثال
انا اخو امتثال .. امتثلنا لله وحده لا غير
لا ما بعرفها ودة خط الدفاع حقي النكران فورا حتي يتضح الاتهام من الاتهام زاتو
اها تقوم تزانقني ليك
ومع التحقيقات المستمرة افهم ليك انو امتثال دي صديقة فيس .. الله يختك ختة يا الفيس
وانا نزلت صورتي بالعراقي وسافي وهي علقت
شرط للارض
|
Post: #12
Title: Re: ورطاتي في الفيس بوك
Author: محمد أبوالعزائم أبوالريش
Date: 09-04-2016, 08:21 AM
Parent: #10
كلامك ده كلو صاح يا حفيظ ...
النحدسك بي تجربتي مع الفيسبوك:
أول ما ظهر الفيسبوك، عملت لي حساب ونسيتو ..... بعد ما بدأ ينتشر، بقت تجيني إيميلات من ناس بعرفهم، يطلبوا مني التسجيل في الفيسبوك وانا أطنّش .... لحدي ما مرة زهجت وقلت خليني أسجل .... أول ما دخلت إيميلي، إكتشفت إنو عندي حساب!!!
إستمرت علاقتي بالفيسبوك ضعيفة شديد وأصدقائي في دائرة محدودة جدا .... لأني ممكن عادي أعدي شهرين ما أدخل.
حالياً الوضع اختلف بعد ما بقيت أدخل من التلفون (سابقاً كان من الكمبيوتر بس).
أها .... عودةً لموضوعك .... أنا مستفيد من تاريخي الفيسبوكي ده، ممكن أطنش طلب صداقة عادي على أساس إنو دخولي نادر.
الشئ التاني عندي مشكلة مع طلبات الصداقة البتجي من ناس بيستعملوا (نيكنيم) .... يعني لو جاني طلب من واحد إسمو (ود كوستي) أو (بت كوستي) في الغالب حأطنش .... لأنو الإسم ما وراني ده منو ... إلاّ إذا كان في صورة.
|
Post: #13
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 08:40 AM
Parent: #12
والله يا ابوالريش انا اصلا دخولي بالموبايل
غايتو لو في توثيق عند ناس الاتصالات بكون اول سوداني يخش النت بموبايل .. خشيت بي تلفونات ما تتخيل انو ممكن تخش النت
لكن علاقتي مع الفيس ضعيفة .. انا متوجس وشكاك وشايف الفيس ينتهك الخصوصية
لكن مرات بركبني جن وبنشط فيهو
|
Post: #14
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 08:51 AM
Parent: #13
نرجع لي
امتثال
|
Post: #15
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 11:44 AM
Parent: #14
النصيحة ليك يا الله انا فعلا ما اتذكرت امتثال دي
لكن اتذكرت شرط للارض دي كون انها تخاطب رغبتي في سماعها .. الواحد بعد بقا يتعقد زاتو .. تلاقي ليك شاب ولا شابة تخاطبو بندية يقوم يحبطك ب يا عمو
ولا تكون واقف تجيك قمرة تتهادي عليك لامن قلبك يفرك وتفرد البسمة تضوي سنا .. تقول تقول ليك
يا عمو بسأل من ناس منو كدة ما بعرف
هي ناس منو يطيرو واتا في عصباتم
المهم اتذكرت التعليق الانثوي الذي يقطر ذكاء وفهم دون الاسم
|
Post: #16
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 01:24 PM
Parent: #15
مرحب عصام وحبابك والله
يا ريت وارجو شاكرا تعديل تعبير الاسمو فهو دلالة جفاء ونحن نرجوه
مرحبا النوبي
وحبابك
شاكر ليك طيب قولك
كتر خيرك
هههه ياخ قصة تدقك المطرة وانت تخمخم في العيال والله كأنك معانا
النواميس مقجوجة نص الحوش والمطرة تجيك .. بالذات في مطر كدة بجي نازل بي نمرة خمسة . تصحي مخلوع .. وعقلك يشتغل بي سرعة رهيبة .. تشيل ولا تصحي .. العيال ديل نومهم تقيل .. تكون خامي الصغير ولابع الكبير وانت داخل .. تجي مارق تشيل اخوهو ومصحي معاك واحد
الكبار زاتهم الا الزول تقودو قواده تدخلو
خم الناموسية شيل اللحاف .. في هدوم في السلك نزلهن
وانت متحرك تحس بطعم الاسرة . إنك تنتمي لهذه الارض . لامطارها وكتاحتها وقطعت كهربتها عز حوجتك لها
انك مغروسا كأشجار النيم في شوارعها
و
البدهشك عيالك الصباح لامتذكرين مطرة ولا عارفين الدخلهم منو
هذا هو السودان
|
Post: #17
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 01:38 PM
Parent: #16
امتثال
اها بتكون امورك باظت ولا يجدي التملص
قدامك حلين يا تعترف ولا تعترف
والحقيقة لا تحلك .. آي والله ما بتحلك بتورطك . قول لي كيف
يعني امتثال دي جاتك من صحبتك مع وفاء الاصلا جاتك من صحبة النعيم والانت كلهم ما شفتهم وهم رسلوا ليك معجبين بيك .. اقصد بكتاباتك
اها لو قلت كدة تحقيق شهر ما بحلك .. بفتحو ليك تحقيق مع اي زول منفصل ويعملو ليهو فايل
والاعجاب بياخد شهرين تحقيق
ف صعب انك تدخل انسان حقيقي في عالم افتراضي هو زاتو ما بعرف عنو شي
الورطة دي بمرقك منها الكضب
تكضب بس وتمرق بأقل الخسائر ويتم فتح ملف اتهام لك
الملف دي إلا تفرمط المدام .. ما بتنسي لو فرمتطها زاتو في برامج اعادة الملفات المحذوفة
|
Post: #18
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 01:56 PM
Parent: #17
تفوت الورطة
وتجي الفكرة
المصدر !!؟؟
من ينقل نشاطي الافتراضي بحسن نية وبراءة لواقع اسرتي الحقيقي المترصد مع موضة الزواج التاني اللافه وسط الحلة والمعارف
هل تم النقل بحسن نية ولا سؤ قصد وترصد ؟!
منو طيب !؟
|
Post: #20
Title: Re: ورطاتي في الفيس بوك
Author: اميرة السيد
Date: 09-04-2016, 02:02 PM
Parent: #17
ود ابو سن ما انت براك الفي ورطة..
.امتثال الموسيقار كمان في ورطة...ونحن من صباح الرحمن زنقناها ليك وقلن ايها كيفن تمشي وتطلبي صداقة ود ابوسن بدون ما تكلمينا ...وعاينت لينا بحمرة عين قوية وسكتت..اها...قلنا السكوت علامة الرضا وانها فعلا المقصودة...لكن بعد شوية هبت فينا وقالت: يا هبيلات في كم امتثال في الدنيا دي...
وعشان كمان نكاويها مكاوية شديدة قلنا ليها هسع دخلتي ود ابو سن ود شيخ العرب في ورطة...ودايرين منك تكتبي مرافعة وتقولي فيها ان رسالة الصداقة دي كتبتيها وتلقائيا بتترسل لكل اعضاء المنبر العام ..لكنها قالت هي اساسا ما عندها صفحة فيس بوك وما فاضية للفيس بوك......
..براءة...يا ود ابوسن..وش ضاحك
والله يديك الصحة والعافية
|
Post: #19
Title: Re: ورطاتي في الفيس بوك
Author: سليمان القرشي
Date: 09-04-2016, 02:01 PM
Parent: #1
الحبيب ودابسن سلامات
وكل عام وانت بخير والسنة الجاية في عرفات
كتبت رد طويل ماعرفت مشي وين المهم
واصل في ورطاتك وشوف لينا معاك مخرج
طلبات الصداقة الانثوية مابناباها الا بنخاف
من لجان التفتيش هههه ماممكن صفحتك تكون
زي صالون الفراش كلها رجال لازم تطعم الحكاية
وتديها نكهه ظريفة كدا ولاشنو
تسلم ياحبيب
|
Post: #21
Title: Re: ورطاتي في الفيس بوك
Author: علاء سيداحمد
Date: 09-04-2016, 03:13 PM
Parent: #19
مرحبا يا حفيظ
وانا برضو دخلت فى ورطات كتيرة فى الفيس بوك وقمت بحذف اى شخص ما اعرفه
ودخلت فى اعدادات الخصوصية فى ( من يمكنه النشر فى التسلسل الزمنى للاحداث الخاص بك ) وقمت بتعديل الى ( أنا فقط )
وبالاعداد دا بقى مافى زول يقدر يكتب فى حائطى ..
اهم شئ لا تقبل صداقة من لاتعرف .. ولو ازعجك اى عضو اعمل ليهو حظر واشترى دماغك على قول المصاروة ..
|
Post: #22
Title: Re: ورطاتي في الفيس بوك
Author: جعفر محي الدين
Date: 09-04-2016, 05:55 PM
Parent: #21
والله يا عبد الحفيظ إنت زول كتاب
والواحد لما يدخل بوستاتك ما يعرف يرد ليك على شنو ول شنو
المهم أنا من دربي دا ماشي أرسل ليك طلب صداقة
في حال إنك لم تكن من أصدقائي حتى هذه اللحظة
|
Post: #23
Title: Re: ورطاتي في الفيس بوك
Author: عبدالحفيظ ابوسن
Date: 09-04-2016, 09:39 PM
Parent: #22
ل
حين
ميسرة
|
Post: #24
Title: Re: ورطاتي في الفيس بوك
Author: عبدالحفيظ ابوسن
Date: 09-05-2016, 04:03 AM
Parent: #23
هههههه يا اميرة
امتثال دقستكم وبتخش فيس من وراكم
عامله حساب تحقيقاتكم دي وزنقاتكم
تعرفي
ليه الناس ما تعتبر الحاجة الفي فيس دة امر يخصهم وحدهم يخص الفيس
والصداقة في الفيس بتعني صداقة no more
ليه نحن مهجسين كدة
عملت اقتصار المنشورات للاصدقاء وهي زاتا شمن المنشورات تعليقات صغيرة .. ولا ذكريات ولا حبة شعر
ما قاعد اغوص كتير واركز مع الفيس زي ما قلت بنتهك الخصوصية ويخليك في السهلة
شغال جرد الليامات دي
لقيت فجأة ناس قاعدين في بيتي ولا بعرفهم
موقف المسنجر تماما من خلع الليل
|
Post: #25
Title: Re: ورطاتي في الفيس بوك
Author: معاوية الزبير
Date: 09-05-2016, 04:32 AM
Parent: #24
هلا يا حفيظو
دخلت الفيسبوك من باب مهني بحت أثناء دورة تدريبية عن استخدام وسائل التواصل في مجال الإعلام
ونسيت الموضوع سنين عددا، لا أدخل الفيس إلا نادرا وغالبا لطلب أو الاستجابة لطلب إضافة أصدقاء
ما حبيتو لأني دخلتو بعقلية سودانيز اونلاين
لكن لقيت فيهو حاجات أسعدتني: أهل قدامى، أصدقاء قدامى
آخر حاجة قبل يومين حصل اتفاق بين أصدقاء زملاء من خريجي جامعة الزقازيق
نقوم بموجبه في وقت لاحق هذا العام بزيارة إلى تلك الجهات بعد ثلاثين عاما من التخرج
حاجة ما بطاله مش؟
|
Post: #26
Title: Re: ورطاتي في الفيس بوك
Author: عبدالحفيظ ابوسن
Date: 09-05-2016, 05:43 AM
Parent: #25
آمين سليمان
ورفقة ان شاء الله
ههههه تجي تطعم يطعمو بيك
|
Post: #27
Title: Re: ورطاتي في الفيس بوك
Author: عبدالحفيظ ابوسن
Date: 09-05-2016, 05:45 AM
Parent: #26
فعلا علاء نهاية الامر عملت كدة
شغال قش
قش زي القش
امسح اكنس
القصة جابت هوا
|
Post: #28
Title: Re: ورطاتي في الفيس بوك
Author: عبدالحفيظ ابوسن
Date: 09-05-2016, 05:48 AM
Parent: #27
حبابك جعفر
وكتر خيرك
طوالي ياخ هو نحن نطولك
|
Post: #29
Title: Re: ورطاتي في الفيس بوك
Author: عبدالحفيظ ابوسن
Date: 09-05-2016, 06:44 AM
Parent: #28
مرحبا معاوية
وحبابك
مافي شك فيهو فوايد
النافعكم انتو بعاد ام العيال ماعندها مصادر لمعرفة مايدور داخل الشبكة
|
Post: #30
Title: Re: ورطاتي في الفيس بوك
Author: جمال ود القوز
Date: 09-05-2016, 11:22 AM
Parent: #29
والانكى ياحفيظ الواحد من ديل ..
يجر ليك وراهو طرشمية اقتراح صداقة ..
وناس ترسل لك طلبات وانت لاتعرفهم ..
|
Post: #31
Title: Re: ورطاتي في الفيس بوك
Author: عمر السلمة
Date: 09-05-2016, 12:58 PM
Parent: #1
السلام عليكم ورحمة الله وبركاته
اهلنا الفوق جججت عليكم
زمان كنت ما بقبل طلب صداقة لزول / زولة من مواليد 90 وانت جاي
لكن الزمن دا عصرو علينا اولاد وبنات الحلة واولاد اهلنا عموم والحلّال القريبة
الواحد ماااااا بقدر يرفض
تحياتي للجميع
|
Post: #32
Title: Re: ورطاتي في الفيس بوك
Author: عبدالحفيظ ابوسن
Date: 09-05-2016, 01:41 PM
Parent: #31
آي والله يا جمال القوز
تلقي نفسك معتل ليك كترة خلقك وشايلهم فوق صفحتك
تقوم تعمل الخصوصية الاصدقاء تقبلو يكتب في حيطتك يقومو اصحابو يقرو وعييييييك
غايتو الفيس دة كلامو براهو
|
Post: #33
Title: Re: ورطاتي في الفيس بوك
Author: aosman
Date: 09-05-2016, 03:47 PM
Parent: #1
في ورطة أكبر من كده؟
https://postimg.org/image/gehx80a21/
https://postimage.org/image host
|
Post: #34
Title: Re: ورطاتي في الفيس بوك
Author: عبدالحفيظ ابوسن
Date: 09-06-2016, 03:43 AM
Parent: #33
والله يا عمر لي الليلة ما بقبل صداقة زول من التسعينات
واحذر جدا بنات واولاد الاهل
ههههه
عثمان زولك دقس
|
Post: #35
Title: Re: ورطاتي في الفيس بوك
Author: بشير حسـن بشـير
Date: 09-07-2016, 06:23 PM
Parent: #34
،
،
،
Quote: هه ياخ قصة تدقك المطرة وانت تخمخم في العيال والله كأنك معانا
النواميس مقجوجة نص الحوش والمطرة تجيك .. بالذات في مطر كدة بجي نازل بي نمرة خمسة . تصحي مخلوع .. وعقلك يشتغل
بي سرعة رهيبة .. تشيل ولا تصحي .. العيال ديل نومهم تقيل .. تكون خامي الصغير ولابع الكبير وانت داخل .. تجي مارق
تشيل اخوهو ومصحي معاك واحد
الكبار زاتهم الا الزول تقودو قواده تدخلو
خم الناموسية شيل اللحاف .. في هدوم في السلك نزلهن
وانت متحرك تحس بطعم الاسرة . إنك تنتمي لهذه الارض . لامطارها وكتاحتها وقطعت كهربتها عز حوجتك لها
انك مغروسا كأشجار النيم في شوارعها
و
البدهشك عيالك الصباح لامتذكرين مطرة ولا عارفين الدخلهم منو
هذا هو السودان |
لوحه جميله ورائعه رغم ما فيها من معاناه
مرور وتحايا يا ود اب سن
،
،
،
،
،
|
Post: #36
Title: Re: ورطاتي في الفيس بوك
Author: عبدالحفيظ ابوسن
Date: 09-08-2016, 07:28 AM
Parent: #35
مرحبا بشير
وحبابك
هي لوحة لها صفة العموم في كل الوطن الحبيب
وبعضهم يقضي الليل غرف . الاثرياء الجدد تطاولوا علي الجيران ردما .. كسروا البيت القديم ورفعوا البيت متر . متر ونص من الشارع .. عمل قصتو وبني وردم قدام بيتو . زرب بيوت جيرانو وحاصر مخرج الموية .. يا يغرف يا يقع البيت
|
|