Post: #1
Title: السويد تُصنِع بيرة الخرطوم
Author: سيف اليزل سعد عمر
Date: 09-02-2016, 08:24 PM
Parent: #0
|
Post: #2
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-05-2016, 10:14 PM
Parent: #1
السويد تنتج نوع جديد من البيرة ابتداء من اول سبتمبر
وتطلق عليه إسم الخرطوم.
جاء في الدعاية لتسويق بيرة الخرطوم:
بيرة الخرطوم بيرة سوداء شغل وتخميرمعلمين من زريعة بلسنر. تحتوي علي عيش ريف محمر ومحلول شيكولاتة مع عصارة ساز الألمانية. بيرة الخرطوم تنفع لحلة لحمة مسبكة معاها محار بحري. تمت عملية التخمير في مبني لكنيسة سابق بمدينة سوندبيري.
|
Post: #3
Title: Re: نيوزلندا تستغني عن ميدان الخرطوم
Author: muntasir
Date: 09-05-2016, 10:45 PM
Parent: #2
سلام سيف لما تنزل امشي السيستيم بولاغت وأخد لينا سيلفي
|
Post: #4
Title: Re: نيوزلندا تستغني عن ميدان الخرطوم
Author: محمد أبوالعزائم أبوالريش
Date: 09-06-2016, 05:43 AM
Parent: #3
بسسسسس خلاص .... حنعلن الجهاد ضد السويد.
خسئتم يا هؤلاء وثكلتكم أمهاتكم.
الخرطوم العندي جنة رضوان تعملوها بيرة؟
ملحوظة:
سوف يتم سحب كل حملات المناهضة والجهاد بعد موافقتكم على تخصيص نسبة من العائدات نظير الإسم.
|
Post: #5
Title: Re: نيوزلندا تستغني عن ميدان الخرطوم
Author: يحي قباني
Date: 09-06-2016, 06:13 AM
Parent: #4
سلام سيف
يابو الريش ...
واحد مشى مصلحة حكومية يقضى غرض ...
أدى المسئول ( ظرف ) فيهو المعلوم ... و جاب ليهو كيكة يتحلى بيها ...
المسئول رجع الكيكة ...قال صايم اول ذو الحجة ....
|
Post: #6
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-06-2016, 06:57 AM
Parent: #5
دي الصورة من صفحة شركة النظام أو ((السيستيم بولاغت)) يا منتصر..
في الويكيند نجيب ليك صورة من الرف وبالمرة نعرف القارئ بشركة النظام.
|
Post: #7
Title: Re: نيوزلندا تستغني عن ميدان الخرطوم
Author: وضاح عبدالرحمن جابر
Date: 09-06-2016, 07:24 AM
Parent: #6
طيب قالو الخرطوم ما بتعنب لى تاريخهم حاجه وازالو اسمها من الميدان
مالهم رجعوا ليها تانى وسموها على بيره !!!!
غايتو كان اكرم لينا الميدان ..
وان شاء الله بس ما يكونوا سموها الخرطوم لانها سوداء!! (من نايحة عنصرية)
|
Post: #8
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-06-2016, 08:39 AM
| Quote: سوف يتم سحب كل حملات المناهضة والجهاد بعد موافقتكم على تخصيص نسبة من العائدات نظير الإسم. |
رسلوا لينا رقم الحساب ندفع ليكم بالدولار يا ابو الريش
|
Post: #9
Title: Re: نيوزلندا تستغني عن ميدان الخرطوم
Author: محمد البشرى الخضر
Date: 09-06-2016, 09:01 AM
يا وضاح ناس الميدان ديلاك النبوزيلانديين, البيرة تابعة للسويد
سلامات يا سيف, حتى الاسبلنغ ياهو زاتو ما ادونا فرصة نتحجج بتشابه الأسماء!! قصدهم شنو الكفار ديل ؟
|
Post: #10
Title: Re: نيوزلندا تستغني عن ميدان الخرطوم
Author: صبري طه
Date: 09-06-2016, 09:13 AM
Parent: #9
Quote:
قصدهم شنو الكفار ديل ؟
|
قصدهم تشرب وإنت ساكت !!
|
Post: #11
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-06-2016, 10:12 AM
Parent: #10
Quote:
وان شاء الله بس ما يكونوا سموها الخرطوم لانها سوداء!! (من نايحة عنصرية) |
في الحقيقة يا وضاح المقصود فعلا اللون الأسود. بس هم حاولوا
يعملوها بطريقة غير مباشرة....
انا اتصلت عليهم تلفون وسالتهم لييييه سميتوها الخرطوم؟؟؟
الإجابة جات سريعة جدا: ما سميناها علي الخرطوم حقتكم.
سميناها علي الحصان الأسود (خرطوم) في فيلم العراب Godfather
والحصان زاتو مسمي علي خرطومنا الواحدة دي...المافي غيرها
|
Post: #12
Title: Re: نيوزلندا تستغني عن ميدان الخرطوم
Author: علي عبدالوهاب عثمان
Date: 09-06-2016, 10:24 AM
Parent: #11
حبيبنا سيف .. مودتي ..
يا سلام .. يا أخي أنت تثير الشجون وتذهب بنا أيام الشباب ..
كنا نسافر إلى مدينة دنقلا .. بار عمنا الخواجة إسحق .. عشان البيرة
أبوجمل ( 12 قرش ) فقط لا غير ..
من كثرة إستخدام الزجاج كان الفارغ منه يستخدم في تجميل أطراف الطريق داخل المدارس ..
ديل ناس ضواحي الدنيا .. ما عارف في المدن ربما أكثر إستخداماً من الماء ..
أفتكر أحسن مشروع في السودان وبدون دراسة جدوى ( البيرة بدون كحول ) ربح مليون في المائة
مثل الانواع المستخدمه في السعودية ..
بس في السودان سوف يكون إستخدامها مع إستحضار الذكريات ..
مودتي سيف .. معليش للخروج عن النص ..
|
Post: #13
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-06-2016, 11:13 AM
Parent: #12
| Quote: حتى الاسبلنغ ياهو زاتو ما ادونا فرصة نتحجج بتشابه الأسماء |
غايتو يا ود البشري إلا نقول قاصدين حصان فلم العراب ونعمل فيها رايحين لو ما ناس بيرة.
أو نشرب البيرة الساااااقطة ونقول البيرة بيرتنا والمحبة حقتنا.....
|
Post: #14
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-06-2016, 05:11 PM
Parent: #13
| Quote: يا أخي أنت تثير الشجون وتذهب بنا أيام الشباب |
أستاذ علي عبد الوهاب....
في حاجة غلط انا ما قادر أفهمها...وهي رغم إنو مجتمع السودان القديم كانت البيرة أبوجمل حاجة عادية جدا فيهو إلا إنه أخلاق الناس لم تفسد مثل الفساد الذي نعيشه الآن في دويلة المشروع الحضاري..أضرار الخمر بالمجتمع معروفة لكن الضرر السببوه ناس الإنقاذ من غير البيرة ابو جمل أكبر من زمن بيرة ابوجمل...
وبلد زي السويد دي فيها كل أنواع البيرة في العالم إلا إنه مستوي الضرر المجتمعي أقل كثير من المجتمع الذي شكلته الإنقاذ...
دي مجرد ملاحظة فقط وحيرة احاول أجد تفسير لها....
|
Post: #15
Title: Re: نيوزلندا تستغني عن ميدان الخرطوم
Author: علي عبدالوهاب عثمان
Date: 09-06-2016, 05:19 PM
Parent: #14
حبيبنا سيف .. مودتي ..
نحن في الشمال عشان نخيل وتمور .. كان عندنا ثقافة الحاجات دي
والقواعد والقيم التي يتم إتباعها في هذه الحالات .. زمان كان الراجل
التمام وودالقبائل الصح هو الذي يتملك نفسه عندما يكون خارج السياق والوعي ..
كان في ناس يقولوا الشراب ده حرام على الزول المايقدر يستحملوا ..
أي غلط أو إعتداء أو تهتك كان الحساب عسير .. والحكاية كان تعتبر فضيحة
هي قيم وموروثات بعيداً عن الحرام والحلال ..
مودتي سيف ..
|
Post: #16
Title: Re: نيوزلندا تستغني عن ميدان الخرطوم
Author: muntasir
Date: 09-06-2016, 05:22 PM
Parent: #15
هبت الخرطوم في جنح الدجى
|
Post: #17
Title: Re: نيوزلندا تستغني عن ميدان الخرطوم
Author: محمد فضل الله المكى
Date: 09-06-2016, 05:47 PM
Parent: #16
.
بووووووووووع ......... أرقُد يا عيش ....... أنا جرابك .
|
Post: #18
Title: Re: نيوزلندا تستغني عن ميدان الخرطوم
Author: محمد أبوالعزائم أبوالريش
Date: 09-06-2016, 05:57 PM
Parent: #17
لو حريفين كانوا يشتروا إسم (أبوجمل)
| Quote: بووووووووووع ......... أرقُد يا عيش ....... أنا جرابك . |
يا سعادتك ..... ده (شعير) ساكت.
|
Post: #19
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-07-2016, 06:01 AM
Parent: #18
Quote: هي قيم وموروثات بعيداً عن الحرام والحلال ..
|
تجدنى اتفق معك في هذه النقطة يا علي...
|
Post: #20
Title: Re: نيوزلندا تستغني عن ميدان الخرطوم
Author: بلال زكريا
Date: 09-07-2016, 09:25 AM
Parent: #19
زمان في زيارة الي هولندا،، كان من ضمن البرنامج زيارة مصنع،، (الهنكن،)
- الخواجة - ذكر أنواع البيرة واصنافهاوجودتها وقال - بِلسينر - من تشكيا- ،كورونا اكسترا- بافارياالخ ، ومن الضمن جاب سيرة( ابو جَمَّل)،،،،،
و- قال إنها- من أفضل الأنواع والسر في ألموية!!، ( بيرة ابو جَمَّل والشراب سكوب،، كُبّ يا عليّ بالكبابي الشُوّب )،، من دفاتر (حَكيّ السنايِر)،،،،
معلوم أن ( الخُرطُومِ )، تعني الخمرّ شديدة الإسكار ،،
قال أبو الطيب :- وأخٍ لنا بَعَث الطلاقَ أليّةً لأعِللِنّ بهذه الخرطوم ،، فجعلتُ رَدّي عِرسهُ كفارةً ،، من شُربِها وشرِبتُ غير أثيِمُ،،
كلام المتنبي معناهو - إنوّ صاحبو حلف عليهو طلاق لازم يإخد كاس من( الخرطوم) وهي قوية بالحيّل،، قام دَقَش ليهو كاس واحد - عز بيهو طلاق صاحبو - وقال ما أظن فيها حُرمه ،،
المِهِم بذلك بيكون السويديون قد إستبقوا معاني اللغة - ليجعلوا من جِعَتَهم- (Khartoum )- ،، خمرةً وكمان - شديدة الاِسكارِ ،،، ،،
تحياتي،،
|
Post: #21
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-07-2016, 04:14 PM
Parent: #20
Quote:
هبت الخرطوم في جنح الدجى |
إلا دُجي أكتوبر في إسكندنافيا الباااردة دي...
|
Post: #22
Title: Re: نيوزلندا تستغني عن ميدان الخرطوم
Author: سيف اليزل سعد عمر
Date: 09-08-2016, 10:44 AM
Parent: #21
| Quote: المِهِم بذلك بيكون السويديون قد إستبقوا معاني اللغة - ليجعلوا من جِعَتَهم- (Khartoum )- ،، خمرةً وكمان - شديدة الاِسكارِ |
إستاذ بلال زكريا....
شكرا علي المداخلة ذات الابعاد المتعددة في الجودة والمعانى...
بمقاييس الزمن حقنا ده بيرة ابوجمل كانت بترحمن لمن يحتسوها.
القزازة براها كان طولها قريب 30 سينتيمتر ومقياس للسمن والعسل والذي كان يعبأ و يباع فيها....
خالص التحايا....
|
Post: #23
Title: Re: نيوزلندا تستغني عن ميدان الخرطوم
Author: Munir
Date: 09-08-2016, 10:48 AM
Parent: #22
| Quote: السويد تُصنِع بيرة الخرطوم |
دى حقارة يا سيف اليزل ..
|
|