Post: #2
Title: Re: يا بت بيوت الهجعة كيف ؟
Author: ASHRAF TAHA
Date: 09-01-2016, 06:51 PM
Parent: #1
معتوقة ومعتقة ومنعتقة
نوافير إنتشاء وحشمة
وحَـمار العين
تضحك كلما وقعت مصيبة
تمشى على العجين وتلخبطو
وترطن إذا جاها الحنين
يا بت بيوت الهجعة كيف ؟
غبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك
لما تصحى المسام
سكاتك عليهم سكوت والسلام
صوتك وكت قطع البحر
قبال مراكب العمدة
ضهر النيل عرق
والشمس فوق حبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق قبال يقع
فوقـك سقف
إتنحنح الجالوص
أمرق على مهلك مروق الحنة من ضفر
العروس
واصعد على مهلك صعود البذرة والروح
والشموس
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق
قبال يقع
فوقـك سقف
إتنحنح الجالوص
أمرق على مهلك
أمرق هلي مهلك
الحنة من ضفر العروس
واصعد على مهلك
صعود البذرة والروح والشموس
مبنية مدن الخوف
من طينة آخر الليل
وانا فى سقالة الشوق
قدح البصيرة تقيل
فاتح زريبة الجوف
تمرق تخش الخيل
على كيفة كيف معلوف
ضهر المظنة يشيل
وانا ظنى ظنيـتـو
فى النيل غريق فى النيل
و الليل ولافى بالو ليل
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت؟
ما عاد هواك
يفتح فى الكتمة
شباك النزيف
وين تكيتك
فى الغيمة شطيف النجوم
ريف الجسد صدرك
سبلوقة اللبن الحريف
داسينى فيكى نضر
والأنبياء فاتوا
والأنبياء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ما ذنب جلد الطار
لو غنو بيهو شتر
ما تخافى الله معاك
وكل الملائكة سمر
|
Post: #3
Title: Re: يا بت بيوت الهجعة كيف ؟
Author: ASHRAF TAHA
Date: 09-01-2016, 07:05 PM
Parent: #2
ما تخافى الله معاك
وكل الملائكة سمر
|
Post: #4
Title: Re: يا بت بيوت الهجعة كيف ؟
Author: ASHRAF TAHA
Date: 09-01-2016, 07:08 PM
Parent: #3
يا يلد
|
Post: #5
Title: Re: يا بت بيوت الهجعة كيف ؟
Author: عبداللطيف حسن علي
Date: 09-01-2016, 07:42 PM
Parent: #4
شكرا يا اشرف
عاطف لاينضب وضوحه ابدا ، وعثمان العودة يتعمق اكثر في دهاليز الغموض
|
Post: #6
Title: Re: يا بت بيوت الهجعة كيف ؟
Author: اخلاص عبدالرحمن المشرف
Date: 09-02-2016, 00:49 AM
Parent: #5
نبي الجن والرجرجة اظنك وقعت اسيرو
مزروب في زريبتو قيدك ما بتفك واريتو ما يتفك
،. سقاك من ريقو
تبحت تفتش في كنز وكنزو ما في نظيرو
شيل نعالك وخش قبال الملائكه يصيرو
عاطف خيري يجلسك مع الملائكة فخذ مقعدك واستمع
ثم السلام عليكم
|
|