Post: #1
Title: لفائدة الجميع .. ما المقصود بالعملة الاليكترونيه ..عشان ناس المعارضة ما يفهمو غلط
Author: د.محمد حسن
Date: 08-31-2016, 09:13 AM
Parent: #0
09:13 AM August, 31 2016 سودانيز اون لاين
د.محمد حسن-
مكتبتى
رابط مختصر فكرت ونجمت كثيرا
لكني لم أقرأ ابدا
بالعملة الاليكترونية
استعنت بالشيخ قوقل قدس الله سره ما افادني
رجعت لحكومة الامارات ودبي باعتبارهم الاقدم في التعامل الاليكتروني فلم اجد شيئا
عندها تذكرت الاغنية الجميلة
يا الفريد في (عصرك) الزمان زمانك
اهدي لي من فضلك عصرة من ضبانك
لابد ان علماء النسوان وجدو فتوى للعملة الاليكترونية
وقطعا حكومة بهذا القدر الهائل من المستشارين وهم على الاقل موزعين كالآتي
10 مستشارين لرئاسة الجمهورية
2 مستشار لكل وزري اتحادي
3 مستشارين لكل والي
1 مستشار لكل وزير ولائي
اكيد هذ الجيش الصيني من المستشارين لابد ان يكون قد خرج بهذه الفكرة الجهبذ للعملة الاليكتروني
وهي ببساطة وحتى لا تفاجأو هي فقط عملية
تــــحـــــــــويـــــل رصـــــيـــــــــــد
يعني اول الشهر الحكومة ترسل ليك مرتبك رصيد
وانت تحول لصاحب الايجار رصيد ايجار البيت
زتحول لي ناس الكهربا رصيد يقوم المتحصل يعممل نايم يقول ليك ما وصل
وبتاع البقالة اييييييييييييييييييييييييييييييييييييييييييييييييك الحلة كلها تحول ليه رصيد
والارصدة تتلخبط
- عم عبد الجبار هي انا حولت ليك رصيد بي ميتين
- لكن يا علوية حسابك تمنمية
- اسوي شنو يا عبد الجبار نسوان الختة لسة ما حولو لي رصد الختة قالو شبكة وزارتهم طاشة
- طيب وانا ذنبي شنو اجدد اشتراكي عشان انتظر تحولو لي رصيد ، انا خدمتي على قدر قروشي
وتمشي السوق عشان تشتري خضار
- يا البلولة كيلو الطماطم بي كم
- كاش والا تحويل رصيد ؟
- الفرق شنو يا البلولة ؟
- الفرق كبير جدا الكاش بقلل النقاش والرصيد زي وجع دق الجريد
- كيف يعني
-يعني كيلو الطماطم كاش بي 30 وبالرصيد 50
- ليه يالبلولة ؟
- لانو العشرين رسوم خدمة
نجي للعرس
حتصير الاغنية
حبيبي وين في موقع الرصيد بلاقيه
وبدل سجل لي يا الريدة
تبقى حول لي الريدة
والمهر برضك تحويل رصيد زايد 10% قيمة مضافة
الفنان بدل ما يكون 5 مليون حيبقى 10
لانو الخمسة التانية للعازفين ورحم الله ابو داود والعارفين النكتة يعملو نايمين
وهكذا تسير الحياة باسلوب التجارة البكماء بس اليكترونيا
ود الباوقة حتعمل شنو مع ناس الحكومة لو ما حولو ليك رصيد؟
( سؤال بريء)
|
Post: #2
Title: Re: لفائدة الجميع .. ما المقصود بالعملة الاليك
Author: sadig mirghani
Date: 08-31-2016, 12:16 PM
😁
|
Post: #3
Title: Re: لفائدة الجميع .. ما المقصود بالعملة الاليك
Author: حمد عبد الغفار عمر
Date: 08-31-2016, 12:26 PM
Parent: #2
اهدي لي من فضلك عصرة من ضبانكياخي بنديك ضبان عديل من المزرعة اتصل على الموزع عثمان عووضة أو قم بزيارة موقعنا الالكتروني http://http://www.dhoban.com.sdhttp://http://www.dhoban.com.sd والله يا دكتور ما عارف نصدق العملة الإلكترونية ول القمر الصناعي ول نصدق البنقو والبغو وبعدين كم سعر العملة الإلكترونية دي مقابل الدولار وهل عندها غطاء من ذهب ول منقبة ببرقع
|
Post: #4
Title: Re: لفائدة الجميع .. ما المقصود بالعملة الاليك
Author: ادريس خليفة علم الهدي
Date: 08-31-2016, 01:41 PM
Parent: #3
يا دكتور محمد و حمد
اختشوا ..
|
|