Post: #1
Title: اسامة عطا المنان يتحلل برد الاموال المختلسة عن شخصه و الاستاذة آمال!!!!!!!
Author: هشام المجمر
Date: 08-31-2016, 05:24 AM
Parent: #0
05:24 AM August, 31 2016 سودانيز اون لاين
هشام المجمر-QaTar, Doha
مكتبتى
رابط مختصر
| Quote: كشفت مصادر عالية الثقة ان أمين مال اتحاد الكرة اسامة عطا المنان قام نهار امس الاحد بدفع كل المبالغ المختلسة والتي وردت في تقرير المراجع القومي حيث سدد عطا المنان حسب ما علمت (سودانا فوق) الأموال الخاصة به والأستاذة آمال ... |
نقلا عن صحيفة سودانا فوق
|
Post: #2
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 05:27 AM
Parent: #1
و يكون هذا الفاسد و حسب عرف الانقاذ عداهو العيب
اى نعم
مش رجع الاموال التى سرقها فلا تثريب عليه
امين مال الاتحاد ...حاميها حراميها .....
فى عرف الانقاذ لايوجد شئ اسمه الحق العام...
مثل اسامة هذا كان يجب ان يبقى خلف القضبان لسنوات
|
Post: #3
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 05:32 AM
Parent: #2
اQuote: في مفاجأة من العيار الثقيل، وخبر سيكون له الكثير من ردود الافعال والتطورات، تقدم رئيس اتحاد الكرة السابق، كمال شداد بشكوى رسمية للاتحاد الدولي (فيفا) ضد اتحاد الكرة الحالي متهمة بالفساد المالي وخرق اللوائح والقوانين، وأرسل شداد شكواه في سرية تامة قبل اسبوع من الآن حسب إفادات مصادر موثوقة لـ(البيان الرياضي) التي قالت إن شداد تكتم على الشكوى مع القطب الرياضي، رئيس الهلال السابق صلاح ادريس المعروف بخلافاته مع الاتحاد الذي يقود النشاط الكروي حاليا.
وخسر شداد أمام معتصم جعفر في انتخابات اتحاد الكرة أواخر يوليو الماضي بفارق 10 أصوات، ليحتفظ جعفر بمنصب رئاسة الاتحاد لدورة ثانية على التوالي، ويسعى شداد للعودة إلى منصبه الأسبق والذي ظل يشغله لعشر سنوات قبل أن يفارقه في عام 2009 عن طريق الشكوى التي راهن على صحتها.
ويعتمد شداد في شكواه على وجود ديون لمصلحة وكالة تاكس للسفر والسياحة المملوكة لأمين الخزينة أسامة عطا المنان حسب الميزانية التي قدمها الاتحاد في الجمعية العمومية الاخيرة، وقال المصدر إن الاتحاد الدولي يحظر مثل هذا التعامل المادي على كل أعضاء الاتحاد باعتبار أن به شبهات واستغلالا لنفوذ المنصب.
وقالت المصادر إن شداد الذي يتمتع بخبرة كبيرة في القوانين الرياضية يثق تماماً في صحة شكواه ويترقب حاليا قرار الإطاحة بالاتحاد لأنه مخالف تماماً للقوانين، ويرى أنه أصبح قريباً من العودة إلى منصبه مع مجموعته التي خسرت الانتخابات.
وحسب إفادات المصدر عالي الثقة فإن شداد أرفق المستندات التي تؤكد صحة شكواه وصورة من خطاب الميزانية الاخيرة للاتحاد. وأضاف: شداد اتصل بقيادات بارزة بالدولة وأخبرها برغبته في تقديم الشكوى لأن معتصم جعفر عضو بالبرلمان كما أنه يريد تأمين موقفه لأن قرار عزل الاتحاد يحتاج الى دعم حكومي يؤكد صحة البيانات والمعلومات التي أرسلها، وقد تحصل على الضوء الاخضر من مسؤول بارز أكد له أنهم ضد الفساد والتلاعب المالي وسيدعمون موقفه حال أثبت صحة شكواه.
ولا يخفي اسامة عطا المنان التعاملات المادية لوكالة السفر التي يملكها مع اتحاد الكرة وسبق له تبرير هذا التعامل بقوله ان الدولة لا توفر دعما للمنتخبات الوطنية لشراء تذاكر السفر في معظم الرحلات وان الوكالة تمنح التذاكر للبعثات بـ(الدين) ويتم السداد بعد فترة زمنية طويلة ذاكراً انه لا يحقق أرباحا مالية من هذا التعامل .
|
نقلا عن البيان الرياضى الاماراتية سبتمبر 2013
|
Post: #4
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 05:37 AM
Parent: #3
يذكر ان وكالة تاكس كانت قد قامت بتاجير طائرة خاصة لفريق المريخ للسفر بها للمغرب كما اذكر قبل سنوات بمبلغ 80 الف دولار و قام اسامة عطا المنان بخصم هذه الاموال من نصيب المريخ بالدولار و المرسل بواسطة الاتحاد الافريقى
مزمل ابو القاسم كتب عن ذلك مغتاظا و تساءل لماذا يتعاقد المريخ مع وكالة اسامة بهذ المبلغ الكبير فى حين انه كان يمكن ان يسافر بنصفه و على افضل طيران!!!!!!
اكيد فى الموضوع إن
|
Post: #5
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 05:53 AM
| Quote: قدم اتحاد كرة القدم السوداني طلب للنيابة العامة بوقف النشر في قضية الاتحاد العام المالية والتي يتم تداولها عبر عدد من الصحف والمواقع الإلكترونية وعلمت (سودانا فوق) ان النيابه العامه رفضت الطلب المقدم من اتحاد الكرة |
نقلا عن سودانا فوق
|
Post: #6
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 07:11 AM
Parent: #5
فى اى مكان فى العالم اذا وجهت النيابة تاعامة اى تهمة لآى مسئول فيتم ايقافه عن العمل حتى يتم البت فى الاتهام
السيد اسامة عطا المنان ما يزال على راس عمله كامين عام لمال الاتحاد السودانى لكرة القدم.. لم يوقف ... لم يستقيل....قااااعد و شغال وكانو ما حصل شئ
|
Post: #7
Title: Re: اسامة عطا المنان يتحلل برد الاموال المختل
Author: محمد البشرى الخضر
Date: 08-31-2016, 07:35 AM
Parent: #5
سلامات يا هندسة
يلاّ شوف المفارقة وين, الأموال المعنية هي اختلاسات من ميزانية 2014, كم كان الدولار يساوي وقتها؟ يردها في 2016
والتسوية اعتراف بالأختلاس ووسيلة لتجنب المحاكمة, طيب مش على الأقل يبعد عن منصب امين الخزينة لأنه حتى اللحظة لايزال في منصبه!
المفارقة التانية أن تجمع اتحادات الغرب طلّع بيان يعلن فيه مساندته لإبنهم اسامة في الانتخابات الجاية ووقوفهم معه ضد (الهجمة )البتعرّض ليها !!! ما فضّّل ليهم إلاّ يقولوا من الجلّابة !
وما نسوا في البيان يشكروا اللواء حميدتي على دعمه للولايات الغربية و ابنائها, شوف البلد دي بقت كيف أوما شة على شنو؟ عديل كدا حميديتي عايزنه يحمي ولدهم حتى لو ثبت عليه الفساد!
يلا ازيدك من الشعر بيت, وكالة تاكس المتولية تقريبا لجميع امور الاتحاد و المنتخبات و الاندية المتعلقة بالسفر و المعسكرات وخلافه لا يملكها اسامة (أمين الخزينة) وحده بل شريكه فيها مجدي (السكرتير العام) و آخرين
شفت تضارب مصالح زي دا قبل كدا؟
و بالمناسبة أذكر أنني قرات نفيا في مكان ما لقصة الشكوى التي قيل ان شداد تقدّم بها, و اعتقد أن مسؤوولين حكوميين أثنوه بحجج سمعة السودان وبتاع
|
Post: #11
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 12:55 PM
Parent: #7
اهلا محمد البشرى
و شكرا للمداخلة القيمة
الحقيقة ما يحدث مخجل جدا
|
Post: #8
Title: Re: اسامة عطا المنان يتحلل برد الاموال المختل
Author: aosman
Date: 08-31-2016, 08:11 AM
Parent: #1
السودان مليئ بالفساد والمفسدين, لماذا فقط أسامة عطا المنان؟
|
Post: #9
Title: Re: اسامة عطا المنان يتحلل برد الاموال المختل
Author: عمر عثمان
Date: 08-31-2016, 12:37 PM
Parent: #8
عداهو العيب
اى نعم
مش رجع الاموال التى سرقها فلا تثريب عليه
as you said eng Hisham
|
Post: #10
Title: Re: اسامة عطا المنان يتحلل برد الاموال المختل
Author: Maawya Hussein
Date: 08-31-2016, 12:46 PM
Parent: #9
الفيفا حاليا شغاله تنضف في الفساد الخلفو بلاتر ..ايميلات ومراسلات الفيفا متاحه للجميع لو جمعنا القصاصات دي كلها مع الترجمه ومرفقه معاها خطاب توضيحي الفيفا حا تجمد نشاط الاتحاد السوداني وحا تحاسب قاده الاتحاد العام حسب قوانين الفيفا
|
Post: #14
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 01:08 PM
Parent: #10
Quote: الفيفا حاليا شغاله تنضف في الفساد الخلفو بلاتر ..ايميلات ومراسلات الفيفا متاحه للجميع لو جمعنا القصاصات دي كلها مع الترجمه ومرفقه معاها خطاب توضيحي الفيفا حا تجمد نشاط الاتحاد السوداني وحا تحاسب قاده الاتحاد العام حسب قوانين الفيفا
|
كلامك صحيح يا معاوية
عايز واحد يجيب تقرير المراجع العام
ورقم البلاغ و يرسله للفيفا
|
Post: #15
Title: Re: اسامة عطا المنان يتحلل برد الاموال المختل
Author: Maawya Hussein
Date: 08-31-2016, 01:14 PM
Parent: #14
الناس لو وصلت لي الفيفا طرف الخيط الفيفا بتكمل الباقي ..الوضع الحالي للكوره السودانيه مستفيده منو الحكومه(امنيا) والتجار (اعلاميا) وماديا الصحف الرياضيه
تجميد النشاط الكروي السوداني هو الحل الامثل في الوقت الحالي الي ان يستقيم الوضع
|
Post: #16
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 01:44 PM
Parent: #15
Quote: الناس لو وصلت لي الفيفا طرف الخيط الفيفا بتكمل الباقي ..الوضع الحالي للكوره السودانيه مستفيده منو الحكومه(امنيا) والتجار (اعلاميا) وماديا الصحف الرياضيه
تجميد النشاط الكروي السوداني هو الحل الامثل في الوقت الحالي الي ان يستقيم الوضع |
اصلا كرة القدم اصبح يديرها جهاز الامن .....هو الذى يخطط و دير اقصد على المستوى الاعلى .....وجهاز الامن سياستو انو اى شئ يجب ان يصب فى مصلحة بقاء النظام و استمراريتو
|
Post: #13
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 01:05 PM
Parent: #9
شكرا يا عمر عثمان
اهو دى المحرية فيهم يسرقو و يتحللو
كمان يتحللو بالمحلى
|
Post: #12
Title: Re: اسامة عطا المنان يتحلل برد الاموال المختل
Author: هشام المجمر
Date: 08-31-2016, 12:58 PM
Parent: #8
Quote: السودان مليئ بالفساد والمفسدين, لماذا فقط أسامة عطا المنان؟
|
ماذا تعنى بسؤالك هذا يا عثمان؟
اسالك انا سؤال
لو دخل لص بيتكم و انت صاحى بتخليهو لانو امس فى حرامى سرق بيت جيرانكم وما اتقبض؟
منطقك على اي حال عجيب و يشتم منه غرض فقول غرضك بصراحة
|
Post: #17
Title: Re: اسامة عطا المنان يتحلل برد الاموال المختل
Author: Hatim Alhwary
Date: 08-31-2016, 02:38 PM
Parent: #12
سودان عمر البشير لن تستطيع ان تغمض عينيك من الفساد...دولة البشير ضربت الرقم القياسي في اشكال الفساد والوانه
دولة البشير هي الدولة الوحيدة في العالم...بل في التاريخ...التي يعيد فيها السارق مسروقاته ثم يذهب الى بيته....عادي زبادي
الحرامي مشى بيتهم....شطة...ساكت ما عملوها ليهو
ما اتعس الحرامي المسكوهو في احد حواري اطراف العاصمة قبل فترة وعملوا ليهو...الشطة...و
تلقاهو سرق ليهو دهباية ولا دلاقين....ولم يسلم من الشطة
الاسلامويين السفلة قطعوا ايامن الفقراء والمحتاجين في سرقة اموال تافه لسد رمقهم ورمق اطفالهم
ودولة البشير "دولتهم "الفاسدة ....تقول لكيزانها بصريح العبارة...اسرق...وان اكتشف امرك...رجع المسروق...وامشي بيتكم....بدون شطة
|
Post: #18
Title: Re: اسامة عطا المنان يتحلل برد الاموال المختل
Author: mohmmed said ahmed
Date: 08-31-2016, 04:29 PM
Parent: #17
وعفا الله عن ما سلف
وباركوها يا جماعة
وربنا امر بالستر
والراجل ما قصر رجع القروش
والجلد جلدنا ما بنجرو فى الشوك
اتمنى من اى جهة رياضية او اى شخصية رياضية اعتبارية ان ترسل هذه المعلومات للفيفا
هسا اسامة دا بالليل بنوم مرتاح
|
Post: #19
Title: Re: اسامة عطا المنان يتحلل برد الاموال المختل
Author: أبوبكر عباس
Date: 08-31-2016, 04:37 PM
Parent: #18
كتب ود البشرى:
"سلامات يا هندسة
يلاّ شوف المفارقة وين, الأموال المعنية هي اختلاسات من ميزانية 2014, كم كان الدولار يساوي وقتها؟ يردها في 2016
والتسوية اعتراف بالأختلاس"
وين مصدرك لصحة خبر التسوية دا يا ود البشرى؟
|
Post: #20
Title: Re: اسامة عطا المنان يتحلل برد الاموال المختل
Author: محمد البشرى الخضر
Date: 08-31-2016, 11:02 PM
Parent: #19
مصدر الخبر ولاّ (صحّة) الخبر؟
ما بعملوها كدا, حاول مرّة أخرى :)
تعبان يا مستنير.. تعبان شديد! خلّيك في ميدانك البتعرفه أبرك لك وأفيد الصورة البتحاول ترسمها 
|
Post: #21
Title: Re: اسامة عطا المنان يتحلل برد الاموال المختل
Author: أبوبكر عباس
Date: 09-01-2016, 02:02 AM
Parent: #20
انت لم تتعامل مع خبر "سودانا فوق" كخبر قابل انو يكون صاح أو غلط.
انت لطقت للراجل واعتبرت الخبر صحيح وبنيت عليهو
عشان كدا سؤالي كان:
ما هو مصدر صحة خبرك؟
لو كنت داير اسأل عن مصدر الخبر الأصلا مكتوب؛ كنت سألت صاحب البوست.
|
Post: #22
Title: Re: اسامة عطا المنان يتحلل برد الاموال المختل
Author: محمد البشرى الخضر
Date: 09-01-2016, 05:20 AM
Parent: #21
ما قلت ليك تعبان ودا مو ملعبك؟
خبر طلب الإتحاد للتسوية في القضية الخاصة بوكالة تاكس - المملوكة لأسامة ومجدي وآخرين - و المتهم فيها موظفين بالوكالة بالإضافة لموظفة بالإتحاد ورد في الصحف من تاريخ 2 اغسطس
وعقبت عليه عشرات الكتاب في الاعمدة و المقالات ولم يصدر نفي لا من الاتحاد ولا من النيابة ثم ظهر خبر قبول التسوية يعد قرابة الشهر وليه يومين وايضا عقب عليه العشرات وبرضو لم يصدر نفي من اي من الجهات ذات العلاقة
ثم أن الخبر منطقي و ممكن حدوثه عند ميزانه بميزان المنطق و العقل لذا وللأسباب أعلاه اطمأنيت لصدقه وبناء عليه كان تعليقي
داكلو هيّن, بعد دا إن يقى تبيّن كذب الخبر ما عندي مشكلة ولا عقد بعتذر عن تعليقي واتراجع لاني مكابر ولاني راسم لي صورة خايف عليها من الإهتزاز
|
Post: #24
Title: Re: اسامة عطا المنان يتحلل برد الاموال المختل
Author: هشام المجمر
Date: 09-01-2016, 06:10 AM
Parent: #18
| Quote: هسا اسامة دا بالليل بنوم مرتاح |
والله يا محمد سيد احمد شكرت الراجل
انت قايل الزي ده عندو ضمير عشان يانبو
نايم مرتاح و قايم مرتاح و ما بهمو شئ ده لا يعرف شئ اسمه الضمير
|
Post: #23
Title: Re: اسامة عطا المنان يتحلل برد الاموال المختل
Author: هشام المجمر
Date: 09-01-2016, 06:02 AM
Parent: #17
هههههههههههههههه
يا حاتم
بدون شطة و قاعد على كرسيهو الوسير
صدور تقرير المراجع العام لوحدو كفيل بانو يوديهو فى ستين دهية من ناحية فقد المنصب فى اى مكان تانى فى الدنيا
اما فتح البلاغ ضده و توجيه الاتهام له بواسطة النيابة ده اعلان بوجوب ايقاف الرجل عن مزاولة عمله
|
|