اذا طفل عمره 4 سنوات ساق عربية ابوهو ودخل في الحيطة..كيف تتصرف معاه؟

08:24 AM August, 27 2016

سودانيز اون لاين
احمد سيد احمد-السعودية
مكتبتى
رابط مختصر

السلام عليكم
حصلت بالامس القريب وربنا سلم الحمدلله

في حالات زي دي ماهو التصرف المناسب تجاه هذا الطفل؟

تعرف يا أحمد أخطر الحاجة درج الناس على فعلتها وهو يسيبوا العربية شغالة ويدخلوا بقالة ولا مخبز وهي فيها أطفال بحجة أنه الجو حار والمكيف لازم يكون شغال

طبيعي تتوقع أن الطفل راح يعبث بالتعشيقة وتتحرك السيارة وترتكب كارثة ..

أرحم تقفل السيارة وتسحب المفتاح وتسيبهم في الحر أو تنزلهم معاك أرحم بكثر من الكوارث الممكن تحدث

تعرف يا أحمد أخطر الحاجة درج الناس على فعلتها وهو يسيبوا العربية شغالة ويدخلوا بقالة ولا مخبز وهي فيها أطفال بحجة أنه الجو حار والمكيف لازم يكون شغال

طبيعي تتوقع أن الطفل راح يعبث بالتعشيقة وتتحرك السيارة وترتكب كارثة ..

أرحم تقفل السيارة وتسحب المفتاح وتسيبهم في الحر أو تنزلهم معاك أرحم بكثر من الكوارث الممكن تحدث
_______
استاذنا درديري كلامك عين العقل وعندنا تجربة برضو زي دي البت الصغيرة حركت التعشيقه والعربيه اتحركت وربنا لطف بضربه ضغيره لعربية تانيه

اخده بالحسني واشرح ليهو عن اضرار ما قام بيهومعاقبتو عقاب خفيف زى حرمانه من لعبه بلعب بيها لمده محدده والاحتياط مستقبلا بخصوص عدم تركه في العربيه والعربيه شغاله عدم تمكينه من المفتاح .. وغيرها من الاحتياطات غايتو انا لو محلك كنت بعمل دى والحمد الله انو لطف وقدر ولدى عمرو 9 سنوات من حوالي تلات سنوات زادت معرفته بالعربات ونوعها واشكالها واساميها وبقى يسال كتير عن حاجات العربيه والسواقه ودايما يصر يركب معاى قدام وشوية شوية بقى يقول ليك ادينى الريموت افتح ليك الباب .. واتطور بقى يقول لى ادينى المقتاح ادورها ليك وانا أكون راكب معاهوعرفت انه لازم اسايسو .. ما احرمو .. وما امكنه من العربيه براهو فبقيت اديه المفتاح واحنا ماشين على العربيه يفتح الباب ويشغلها وانا معاهو ويساعدنى لو داير انظفها من جوهفح اسي انى استوعبت شغفوا وسمحت ليه بالمشاركة وتنفيذ بعض رغباته تحت اشرافي وهسع معاى سمن على عسل ..طبعا مع فارق العمر مع الطفل ذو الأربعة أعوام ... واذا كانت عملتو دى من شغف وجب الاهتمام بيها واذا كانت نتيجة خطا تركه في العربية وهى مدورة .. فيجب تدارك الخطا مستقبلا تحياتي

اخونا أحمد
طفلك الآن فى حالة صدمة وإن لم تبدو على تصرفاته
يحتاج إلى تعاطفك الكثير وعدم الحديث عن الحادثة فى الوقت الحاضر
بعدييين يأتى الوقت المناسب لفتح الموضوع.....
(مش غلطتو) فى المقام الأول...ارجع لأسباب الحادث الحقيقية

حدثت معى: سيارتى X حيطة الجيران...
ربك ستر مافى إصابات....

سلام وبعد

طفل اربعة سنوات حيجرب اي شئ حتي لو اتكلمت معاه تاني حيعملا وهو في هذا السن يجب تركو بحرية اكتر ليكتشف الدنيا علي حسب قدرتو وامكانتو اي عملية فرض توقعاتنا لسلوك عاقل منو قد يؤدي الي تعطيل عملية تطور مهمة في حياتو
اكيد في هكذا مواقف تغضب الوالدين لكن الخطاء يتحمله بكل اسف الوالد او من تؤل اليه المسؤلية٫ تركو في السيارة لوحدو غلط اخذو للبقالة او السوبرماركت مزعج بس اخف من خطر السيارة تركو في سيارة متوفقة ايضا فيه خطورة

صعب التنبؤ بما يدور في رؤوس الاطفال لذلك احسن حاجة ابعاد وتامين اي شئ ممكن يكون خطر (كهرباء ادوات حادة مواد خطرة الخ ) بعد دا بمشي يسوي ليهو مصيبة تحيرك ذاتو ههههههههههه عندي واحد برضو ٤ سنة ثانية لو ما سمعت صوتو اعرف يا في اخر الشارع مرات ملوص من دون ملابس او بعمل ليهو في عملة




واحد خواجة عجوز اشتكيتو ليه من متاعب الاطفال قال كلها عشرين سنة وترتاح بكبر وبخلي المتاعب فدحين ولدك فاضل ليو ١٦ سنة ربنا يخليهو ليك وانت ليو بكرة تبقي زكريات


ودوورد

Quote: اخده بالحسني واشرح ليهو عن اضرار ما قام بيهومعاقبتو عقاب خفيف زى حرمانه من لعبه بلعب بيها لمده محدده والاحتياط مستقبلا بخصوص عدم تركه في العربيه والعربيه شغاله عدم تمكينه من المفتاح .. وغيرها من الاحتياطات غايتو انا لو محلك كنت بعمل دى والحمد الله انو لطف وقدر ولدى عمرو 9 سنوات من حوالي تلات سنوات زادت معرفته بالعربات ونوعها واشكالها واساميها وبقى يسال كتير عن حاجات العربيه والسواقه ودايما يصر يركب معاى قدام وشوية شوية بقى يقول ليك ادينى الريموت افتح ليك الباب .. واتطور بقى يقول لى ادينى المقتاح ادورها ليك وانا أكون راكب معاهوعرفت انه لازم اسايسو .. ما احرمو .. وما امكنه من العربيه براهو فبقيت اديه المفتاح واحنا ماشين على العربيه يفتح الباب ويشغلها وانا معاهو ويساعدنى لو داير انظفها من جوهفح اسي انى استوعبت شغفوا وسمحت ليه بالمشاركة وتنفيذ بعض رغباته تحت اشرافي وهسع معاى سمن على عسل ..طبعا مع فارق العمر مع الطفل ذو الأربعة أعوام ... واذا كانت عملتو دى من شغف وجب الاهتمام بيها واذا كانت نتيجة خطا تركه في العربية وهى مدورة .. فيجب تدارك الخطا مستقبلا تحياتي

مرحبا اخونا وضاح ....كلامك سليم وعين العقل صراحه هو الولد مدلع شويه ومحتاج حزم اكتر

من المفروض الاب يدي نفسه أربعين جلدة ومائة كف, لأن الخطأ خطأه وليس خطأ الطفل. قام الطفل بأداء واجبه بأكمل وجه ويجب تهنئته على ذلك.

Quote: من المفروض الاب يدي نفسه أربعين جلدة ومائة كف, لأن الخطأ خطأه وليس خطأ الطفل. قام الطفل بأداء واجبه بأكمل وجه ويجب تهنئته على ذلك.

مداخلة زي دي تفترض انو المنبر كان يكون فيه ايكونة لايك

السلام عليكم وتسلموا يا شباب على الاضافات الثرة وبرجع ليكم بالتفصيل
بس في نقطة مهمة
ابوهو ما خلى العربية مدورة ومشى
العربية كانت واقفة جنب البيت ولكن الاب متعود يدي الولد المفتاح يمسكو في يده ساي
لكن امس غلطتو انو اداهو المفتاح وهو كان واقف جنب العربية وابوهو شايل بتو الصغيرة ودخل البيت بس ف خلال 5 دقايق حصلت الكارثة دي

Quote: مداخلة زي دي تفترض انو المنبر كان يكون فيه ايكونة لايك

الأخ حامد عبد الله, لك التحية والتقدير, حقيقة أنحن كشعب سوداني دائما نرمي اللائمة على غيرنا حتى الجماد, أضف إلي ذلك, تلقى الواحد ماسك الموس ولمن يجرح نفسه بالموس يقول ليك الموس جرحتني, ولمن يمشي يتعثر في حجر يقول ليك الحجر عتر لي, تقول الحجر جاءه في محله وعتر ليهو, ويقول ليك الباب ضربني والغريبة يكون هو مشى للباب في محله, وبعدين أكتر حاجة بتزعلني تلقى الطالب يرسب في مادة يقول ليك الأستاذ أو الدكتور رسبني وحتى ولي الأمر يقول ليك الأستاذ أو الدكتور رسب ولدي.
المعروف أنه الطفل في مرحلة من مراحل حياته لابد أن يلعب وبكون عنده حب أستطلاع لتقليد ما يقوم به الكبار فعلينا نحن الكبار أن نراقبهم مراقبة لصيقة ونوجههم التوجيه الصاح. ياخي كل الحيوانات عندهم طريقة لتربية أبناءهم إلي أن يوصوله لعمر معين بعد داك يخلوا كل واحد ياكل ناره, وأجمل شيئ بطبقوا الطريقة بصورة دقيقة ورائعة جدا وأنحن بني البشر بنجوط الشغلانة جوطة شديدة.

Quote: الأخ حامد عبد الله, لك التحية والتقدير, حقيقة أنحن كشعب سوداني دائما نرمي اللائمة على غيرنا حتى الجماد, أضف إلي ذلك, تلقى الواحد ماسك الموس ولمن يجرح نفسه بالموس يقول ليك الموس جرحتني, ولمن يمشي يتعثر في حجر يقول ليك الحجر عتر لي, تقول الحجر جاءه في محله وعتر ليهو, ويقول ليك الباب ضربني والغريبة يكون هو مشى للباب في محله, وبعدين أكتر حاجة بتزعلني تلقى الطالب يرسب في مادة يقول ليك الأستاذ أو الدكتور رسبني وحتى ولي الأمر يقول ليك الأستاذ أو الدكتور رسب ولدي. المعروف أنه الطفل في مرحلة من مراحل حياته لابد أن يلعب وبكون عنده حب أستطلاع لتقليد ما يقوم به الكبار فعلينا نحن الكبار أن نراقبهم مراقبة لصيقة ونوجههم التوجيه الصاح. ياخي كل الحيوانات عندهم طريقة لتربية أبناءهم إلي أن يوصوله لعمر معين بعد داك يخلوا كل واحد ياكل ناره, وأجمل شيئ بطبقوا الطريقة بصورة دقيقة ورائعة جدا وأنحن بني البشر بنجوط الشغلانة جوطة شديدة.

شكرا اخ عثمان ما قلت الا الصاح وان كان مؤلم الا هكذا الحقيقة اهلنا بيقولو حارة لا يمكن نسب الخطاء للطفل باي حال راكبا رقبة ابوهو من دون اي لولوة بس ياهو العترة بتصلح المشي
حتي نحن منها نستفيد ونتعلم و نعتبر

ودوورد

السلام عليكم جميعا
بعد تكمله القصة يا احمد واضح ان الخطأ من الأب الذى غفل عن طفل فى الرابعه وتركه مع عربيه مفتاحها فى يده
ما فعله هذا الطفل الذكى وفضولى للمعرفه والتجريب سيفعله كل طفل فى مكانه
الخطأ الاكبر ل الأب تعود الطفل على مفتاح العربيه
هناك أشياء يجب ان يتعلم الطفل فى عمر صغير أن لايقترب منها مثل البوتاجاز أو غلايه المويه هذا مع حرص الكبار على ابعادها من متناول يده
مقدار العقوبة يكون حسب التجاوز
من حيث المبدأ اتفق مع وضاح فى أن تكون العقوبه حرمان من شى يحبه الطفل أو مثلا إذا كان فى سن اكبر يمنع لفتره زمنية محددة بين ربع ساعة إلى نصف ساعه من اللعب مع إخوانه أو يترك فى غرفته وحيدا أو يقوم بعمل منزلى ما
فى حالتك اعلاه يا اخونا احمد المذنب هنا الأب العزيز هيمسيلف :)
الطفل يحتاج هنا إلى حسن توجيه وشرح واضح وبسيط دون تعنيف وربما يكون مصدوما مما حدث

السؤال كيف تتصرف مع الأب .
هذا أب عرض طفل صغير للخطر، يجب أن يحاسب.

والله دخلت على اساس انو مفروض الاب ياخد علقة صاح
لكن لقيت الشباب ما قصرو
:)

طفل ذكي ..لة مستقبل عظيم ...