مقابلتي مع قناة (TRT العربية) حول (سد النهضة) الإثيوبي (يوجد فيديو)

استغرب المذيع ومدير القناة بانو انا طالما سودانية، فحاجي ادافع عن وجه النظر المصرية من السدواستغربوا انو اعطيت وجهة نظر مخالفة عن السائد في الاعلام العربي
واللي طبعا متاثر بي سيطرة مصر اعلاميا وبالتالي سيادة وجهة النظر المصرية.

والله طاشة جدا
ما قدرت انزل الفيديو والصور
ممممممممممم

افتحي الفيديو على يوتيوب وختي الماوس جوة الفيديو واضغطي الكليك الأيمن واختاري نسخ شفرة التضمين أو copy embed code وتعالي لصقيهو هنا

شكرا يا اخ احمد عمر
نجحت نجحت
هههه بالمرة كده وريني اغير صورة البروفايل كيف :)

في رجفة حاصلة وظاهرة في صوتك
أكثرتي من الكلام بالدارجية السودانية بينما المفروض تتكلمي الفصحى
أكثرتي من التردد والتأتأة أأآآآآ وتكرار كلمة (يعني) رغم إنه معلوماتك كانت وافية ودقيقة وواضح إنك كنتي جاهزة تماماً للمقابلة
نظرتك ماشة في اتجاه مشاتر زي المتدسية ولا الخجلانة .. لا بتعايني للمذيع ولا الكاميرا
مظهرك مسئول ولبسك ممتاز بس كان ترجعي الطرحة لي وراء شوية

(باحثة ومحللة سياسية) دي ممكن مستقبلاً تدخلك في حتت قد تكون أكبر من تجربتك السياسية .. يعني لو استضافوا معاك باحث مصري بمسكنتك الشايفها عليك دي ردحي وسخرية ساي بغلبك
هل انتهيتي وناقشتي الدكتوراة خلاص ؟ لأنه قال ليك دكتورة ميادة وانتي ما اعترضتي !


________
بالنسبة للصورة الشخصية ارفعيها في أي موقع تحميل صور وشيلي رابطها وتعالي سودانيز اونلاين افتحي رابط (ملفك) الموجود أعلى اليسار في الأسفل بتلقي خانة صورتي لصقي فيها الرابط واحفظي الاعدادات

مشكورة علي الحضور وتقديمنا ..

لاحظت فيك ربكة وتوتر ..

الارتباك وعدم التدرب علي مثل تلك الاطلالات ظهر في بعض الكلمات "أكبر حوض نيل في العالم" يفترض أكبر حوض نهري في العالم , وكذلك "قبل أن تأخذ هذه البلدان إستعمارها" وتقصدي إستقلالها .

Quote: الارتباك وعدم التدرب علي مثل تلك الاطلالات ظهر في بعض الكلمات "أكبر حوض نيل في العالم" يفترض أكبر حوض نهري في العالم , وكذلك "قبل أن تأخذ هذه البلدان إستعمارها" وتقصدي إستقلالها .

و مشكلتي الكلام بي سرعة
بضيع معها حاجات واهو بقع في اخطأ.
حاولت حلها،، بس برضو ما نفع
شكرا على ملاحظاتك يا طارق
وفعلا عندك حق

Quote: في رجفة حاصلة وظاهرة في صوتك

رجفة صوت ورجفة يدين
الارهاق ورهبة الظهور امام الكاميرا.
في الاخير انا ما متدربة على الشغل دا.

Quote: أكثرتي من الكلام بالدارجية السودانية بينما المفروض تتكلمي الفصحى

قالو لي لهجتكم مفهومة وواضاحة لينا تماما. وانا ما صدقت

Quote: نظرتك ماشة في اتجاه مشاتر زي المتدسية ولا الخجلانة .. لا بتعايني للمذيع ولا الكاميرا

مرة مرة بتهرب منو.
وبيني وبينك منظر الاستديو على مضيق البيسفور مغري تعاين

Quote: هل انتهيتي وناقشتي الدكتوراة خلاص ؟ لأنه قال ليك دكتورة ميادة وانتي ما اعترضتي !

منو القال ليك ما اعترضت
لحدي الان خمس مرات طلعت معاهم .. وكل مرة بقول.. بس ما بيقبلو.
قال دا حقك. مع انو ما حقي.
انا افضل كلمة باحث في الشئون ال.....
شكرا على ملاحظاتك اخ احمد
و قطعا ساستفيد منها

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

1-التجاهل
2- التجاهل
3- التجاهل

يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في
هذا المنبر
د مصطفي محمود يونيو 2006

الناس تغيب وتجي وانت لسه في عوارتك دي يا دكتور مصطفي محمود.
والله خسارة لقب دكتور دي عليك.
اسه المناسبة شنو جبت لصقتك جملتينك ديل.

مكاانك الفضائية السودانية ..

***الناس تغيب وتجي وانت لسه في عوارتك دي يا دكتور مصطفي محمود.
والله خسارة لقب دكتور دي عليك.
اسه المناسبة شنو جبت لصقتك جملتينك ديل.***
,,,,,,,,,,,,,,,,,,,,,,,,,,,,,,,,,,,
والغريبة خاتى صورة نلسون مانديلا
مانديلا كان معارضته بالتجاهل التجاهل
كان الخواجات لي يوم الليلة خالفين
كرعينُن من جوهانسبيرج لغاية فاس.
تحياتى ياميادة ومرحباً بعودتك

Quote: والغريبة خاتى صورة نلسون مانديلا مانديلا كان معارضته بالتجاهل التجاهل كان الخواجات لي يوم الليلة خالفين كرعينُن من جوهانسبيرج لغاية فاس.

تقول شنو بس يا الفاضلابي يا اخوي.
معارضة كسييييحة وبائسة ويتحملو جزء كبير من اللي وصلو السودلن اليوم.

جمعتك مبااااركة وشكرا علي الترحيب

Quote: أكثرتي من الكلام بالدارجية السودانية بينما المفروض تتكلمي الفصحى

أضف إلي ذلك قربت تتكلم بالتركي, في البداية إستخدمت كلمة "ve" وهي بالتركية تعني "و" باللغة العربية.

سلام ميادة،
هل لأثيوبيا حطة خفية للاستفادة من السد داخل الأراضي السودانية.

مادتك مبذول فيها
منطقك سليم ومرتب
موقفك الوطني (ههنا) لا تشوبه شائبة
لك مستقبل واعد

Quote: مادتك مبذول فيها منطقك سليم ومرتب موقفك الوطني (ههنا) لا تشوبه شائبة لك مستقبل واعد

شكرا لك اخ ادم صيام

Quote: هل لأثيوبيا حطة خفية للاستفادة من السد داخل الأراضي السودانية.

لم أقرا او أسم عن الامر.
قناغتي لا اعتقد بانو السد لاغراض توليد الكهرباء فقطوليس لغرض حجز النياع لاغراض الزراعة وفيرو.
لكن ليته يكن لاثيوبيا نوليا كالتي ذكرتها انت
كان السودان اول المستفيد... وبرضو ينفع نكاية في مصر

تجربة جيدة للقناة ومفيدة لك
ولقد كنت خير سفير لبلادك
كل الهنات الصغيرة تتحسن مع المزيد من هذه الأنشطة.

شكرا كتير يا ميادة
قدمت شرح مفيد ومعلومات هامة عن سد النهضة
وعن مياه النيل
ليت العرب عموما والمصريين خصوصا يسمعون ويعون

كنتي مقنعة جدآ دكتوره مياده فقط اسأل هل الطمي سيقل ام يزيد

حبابك اختنا اخلاص
من ناحية الطمى : سوف يحجز سدّ النهضة جزءاً كبيراً من كميات الطمي الضخمة" ! الى جانب الفوائد التالية
سوف يُطيل سدّ النهضة عمر خزان الروصيرص بحجزه لكمية الأشجار والحيوانات والمواد الأخرى الضخمة التي يجرفها النيل الأزرق" !!
o "ثالثاً: سوف يوقف سدّ النهضة الفيضانات المدمّرة " !
o وأن السد "يساعد في التغذية المتواصلة سنويا للمياه الجوفية في المنطقة ” (في السودان)!!(ندوة قطر 27 أبريل 2014)
o والسد "فوائده كثيرة جدا لتخزين المياه والطاقة ولا يؤثر علي المياه الواردة للسودان بقدر ما يقلل من التبخر"! (الرأي العام 19-5-2011)
o وأن ” السودان لن يتأثر بقيام أي مشاريع علي حوض النيل لأكثر من مئة عام مقبلة حسب الدراسات الهيدرولوجية للمناطق "!!
o وأن”التأثيرلن يكون الا بمناطق قليلة متاخمة لنهري الدندر والرهد“ !!(ندوة الرأي العام 24-5-2010)

.
تفنيدك للموقف المصري من السد ومخاوف مصر غير المؤسسة من
إنهيار السد وتخويف السودان بانجراف ما على ضفتي النيل الأزرق
ووصول برج الفاتح لبحيرة ناصر... موقفك من ذلك كان واضحاً
بدون لف أو دوران أو دغمسة كما يفعل بعض مسؤولينا .
.
كنتِ واضحة في مسألة اتفاقية 29 .. والتي وقعها المستعمر نيابةُ عنا
.. ويجب أن يكون للسودان الحر المستقل رأي فيها ... فلا يستقيم
عقلاً ولا يسلم منطقاً أن يكون صاحب المجرى الأطول والروافد
المتعددة هو الأقل نصيباً .
.
تعتبر مصر دول حوض النيل الأخرى وكانها لا وجود لها .. بينما
يفترض ان تجلس كل دول الحوض على طاولة مستديرة لتؤسس
لواقع جديد لا علاقة له باتفاقيات القرن الماضي.
.
دكتورة ميادة بدون تكرار أي ملاحظات فقد وفيتي وكفيتي

Quote: تفنيدك للموقف المصري من السد ومخاوف مصر غير المؤسسة من إنهيار السد وتخويف السودان بانجراف ما على ضفتي النيل الأزرق ووصول برج الفاتح لبحيرة ناصر... موقفك من ذلك كان واضحاً بدون لف أو دوران أو دغمسة كما يفعل بعض مسؤولينا . . كنتِ واضحة في مسألة اتفاقية 29 .. والتي وقعها المستعمر نيابةُ عنا .. ويجب أن يكون للسودان الحر المستقل رأي فيها ... فلا يستقيم عقلاً ولا يسلم منطقاً أن يكون صاحب المجرى الأطول والروافد المتعددة هو الأقل نصيباً . . تعتبر مصر دول حوض النيل الأخرى وكانها لا وجود لها .. بينما يفترض ان تجلس كل دول الحوض على طاولة مستديرة لتؤسس لواقع جديد لا علاقة له باتفاقيات القرن الماضي. . دكتورة ميادة بدون تكرار أي ملاحظات فقد وفيتي وكفيتي

مع الاسف الراي المصري هو السائد.
وطبيعي ناس القناة استغربو انو انتقدنا الموقف المصري.
ومتخيلين انو اتوماتيكلي طالما سودانية معناه حادافع عن وجهة النظر المصرية.
وانو دي مخاولة تعتبر نقطة في بحر الادعاءات المصرية.
شكرا على ارءاك اخي محمد فضل

شكرا اخ ناصر.
للاسف محتاجين مناهضة للراي النصري اللي مسيطر على جنيع وسائل الاعلام والمراجع.
واليد الواخد لا تصفق طبعا.

الناس تغيب وتجي وانت لسه في عوارتك دي يا دكتور مصطفي محمود.
والله خسارة لقب دكتور دي عليك.
اسه المناسبة شنو جبت لصقتك جملتينك ديل

.................................................................................................................................

هس اتحسن كثير يا ميادة

وين اشعار قباني

واحمد مطر

والكوز رجس من الشيطان فاجتنبوه

ههههه

موفقة يا ميادة وكلام مرتب ومباشر

وفقك الله

غايتو العوارة ما بشارة
وشايف في إجماع كيزاني على عوارة مصطفى محمود
مع اني
سايف
كم عبيط هنا
وما دام الرؤية المصرية غائبة في المقابلة دي
يبقى ربي يسعد سعيد بي سعيدة

Congrats on a job well done! Well-informed presentation. Keep it up

أبو روضة
قلت لي ميادة كتحتك في البحر ؟

كلام علمي مرتب ومريح بعيدا عن الهتاف والعاطفة

يا ريت لو نطرح المواضيع الوطنية المشتركة التي نجمع عليها جميعا

لتكون بداية قوية في رتق جراح الوطن

شكرا يا دكتورة

ما شايف البوست مفتوح شارع
لي زعيط
ومعيط عشان يكتحوا
وصاحبة الخيط بدل تهتم بردود مقنعة على الرجفي والورجغة الحاصلة رغم غياب
الجانب المصري
بتصفق لي عوارة مصطفى
المهم العبط ما بشارة
والمصريين ديل احنا بينا ما بينم حلايب مش سد
وهم عندهم عند الإنقاذ ملاحقة مدبرين محاولة قتل حسني مبارك
يعني الإنقاذ حتمشي وراهم غصب وحمرة عين

ما شايف البوست مفتوح شارع
لي زعيط
ومعيط عشان يكتحوا
وصاحبة الخيط بدل تهتم بردود مقنعة على الرجفي والورجغة الحاصلة رغم غياب
الجانب المصري
بتصفق لي عوارة مصطفى
المهم العبط ما بشارة
**************
يا ابو روضة
عليك الله اتكلم معاي بي لغة افهمها ليك
عشان اقدر ارد





((والمصريين ديل احنا بينا ما بينم حلايب مش سد
وهم عندهم عند الإنقاذ ملاحقة مدبرين محاولة قتل حسني مبارك
يعني الإنقاذ حتمشي وراهم غصب وحمرة عين))
السودان طوال الفترة السابقة وخاصة في ملف مياه النيل قبل ظهور موضوع سد النهضة
محسوب دائما انو وراء موقف مصر وما تقوله مصر.
ولكن الحمد لله صار للسودان موقف مغاير لي مصر ومواقف مصر خاصة في الموقف من انشاء سد النهضة
واتمنى ان يذهب السودان في الحتة دي لي مواقف ابعد
يمكن ان نستغلها مستقبلا في ملفاتنا الخلافية مع مصر
يعني يمكن للسودان ان يستغل مووقفو من سد النهضة في الضغط على مصر في موضوع حلاب او الصيادين ومنقبي الذهب اللي يتم القبض عليهم هنا وهنا نتيجة ليت جاوزات ووو. حوادث من هذا القبيل
يعني في الفترة الحالية مصلحة السوادن انو مواقفو تتباعد عن مواقف مصر.
والكلام عن انو اتهامات لي سودانيين في مقتل ححسني مبارك وووو
لو معتمدين على افادات الترابي في برنامج بلا حدود ولا شنو دا بتاع قناة الجزيرة
الموضوع مضروب . والمصرين ما شغالين بيه
معارضتنا السودانية وقروبات التواصل حقتنا هي بس العاملة اعتبار لي حديث الترابي .

بو روضة
قلت لي ميادة كتحتك في البحر ؟
_____________________________
خليك محضر خير يا احمد هههههههههههه
مع اني ما فاهمة الموضوع

(( وما دام الرؤية المصرية غائبة في المقابلة دي
يبقى ربي يسعد سعيد بي سعيدة))

ما فهمت الكلام دا عشان اعرف ارد يا سيد ابو روضة

هس اتحسن كثير يا ميادة
***********
حالتو اتحسن يا ود الباوقة
دا معاط ياخ
كتر خيرك وشكرا على التشجيع والاشادة

دكتورة ميادة ...

شكرا على تفنيدك للاكاذيب المصرية من سد النهضة
والذي نرجو ان يكون خير وبركه للسودان والسودانيين ..
ولا تلتفتي لعوارة البعض الذي لا يريد خيراً لاهله ...
ويتمسك بالشعارات الجوفاء ....

عالم بطااالـــــــــــــــــــة ......

ميادة اختي ، مسكاقمي
كدي خلينا من سد النهضة الفي اثيوبيا ... كدي قولي لي رأيك في المصيبة الجاية على النوبيين وهي سدي كجبار ودال

عافيلقو

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

1-التجاهل
2- التجاهل
3- التجاهل

يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في
هذا المنبر
د مصطفي محمود يونيو 2006

اختنا ميادة
التسجيل انتهي واذيع واصبح من الماضي
هذه درجة مهمه جدا في السلم وقد تجاوزتيها بامتياز
اها يعنى عاينى لا قدام وبس
نتوقع مزيد من المقابلات واللقاءات مع الواجهات الاعلامية
وانتي عارفه نحن مقصرين في الحته دي
خلي عيونك في المستقبل وربنا معاك

اختنا ميادة
التسجيل انتهي واذيع واصبح من الماضي
هذه درجة مهمه جدا في السلم وقد تجاوزتيها بامتياز
اها يعنى عاينى لا قدام وبس
نتوقع مزيد من المقابلات واللقاءات مع الواجهات الاعلامية
وانتي عارفه نحن مقصرين في الحته دي
خلي عيونك في المستقبل وربنا معاك
_______________________________
صباح الخير اخ علي الكرار
شكراعلى النصائح الغالية
وجزاكم الله خير جميعا

سكرفي يا قريبي حمزاوي
كدي قولي لي رأيك في المصيبة الجاية على النوبيين وهي سدي كجبار ودال
______________________________
كان مافي سدود مافي تنمية وتطور
الحكومة تعمل ليكم شنو يعني
تجيب التنمية لغاية المناطق ديك كيف
مافي سدود مافي طرق
مافي سودان مافي كهرباء
مافي كهرباء مافي مصانع مافي استقرار مافي حياة
وكهذا
المعترضين على السدود دي
يا اما عايشين بره ومغتربين وبالتالي ما حاسين بي معاناة اهاليهم
او معارضين بالداخل ليهم ارتباط بالمغتربي ديل
بيغزو فيهم
وانا لو الحكومة ما بشتغل بالاصوات دي
حتى لو اضطر لي ترحيلهم بي قوة السلاح.
لو استطلعنا مواطن المنطقة البسيط العايش ومكتوي بي نار عدم وجود تنمية هناك
حنلقاه تلقائيا معؤيد لي فكرة انشاء السدود والكباري.

دكتورة ميادة ...

شكرا على تفنيدك للاكاذيب المصرية من سد النهضة
والذي نرجو ان يكون خير وبركه للسودان والسودانيين ..
ولا تلتفتي لعوارة البعض الذي لا يريد خيراً لاهله ...
ويتمسك بالشعارات الجوفاء ....

عالم بطااالـــــــــــــــــــة ......
************

شكرا اخ مجيدو


___________
يا بكري الاقتباس عندي ما شغال ياااخ

صاحبة البوست وضيوفك الكرام سلام
اعتقد ان المقابلة جيدة من حيث المعلومات والطرح وان تخللها نوع من السرعة والارتباك في الحديث
بخصوص سد النهضة مازالت الاثار المرتبه محل نقاش وجدل حتي بين علماء السودان في مجال الري
ولكني اعتقد ان الدول في طرحها للموضوع تجاوز العلمية وتحول لموضوع سياسي مخض مما حول معركة السد من مشروع هندسي
ذو مردود اقتصادي الي موضوع سياسي خاضع للمزيدات والمساومات ومادة اعلامية للاستهلاك

الاخت ميادة اتمني لك مزيد من التقدم في مجالك العلمي
هنا لقاء ضاف حول السدود مع د.محمد جلال هاشم تحدث
فيه عن السدود عامة في السودان واثيوبيا وطبيعة ارض المشروع

صاحبة البوست وضيوفك الكرام سلام
اعتقد ان المقابلة جيدة من حيث المعلومات والطرح وان تخللها نوع من السرعة والارتباك في الحديث
بخصوص سد النهضة مازالت الاثار المرتبه محل نقاش وجدل حتي بين علماء السودان في مجال الري
ولكني اعتقد ان الدول في طرحها للموضوع تجاوز العلمية وتحول لموضوع سياسي مخض مما حول معركة السد من مشروع هندسي
ذو مردود اقتصادي الي موضوع سياسي خاضع للمزيدات والمساومات ومادة اعلامية للاستهلاك

تضارب سوداني مصري إثيوبي في موعد توقيع دراسات سد النهضة :-
الأحد 28 أغسطس 2016 - 3:23 م
ستوكهولم – آية أمان:
- مصدر إثيوبى: المشاورات قائمة.. ومصر لم ترسل الملاحظات حتى الآن
قال مسئول اثيوبى، قريب الصلة بملف المفاوضات مع السودان ومصر بشأن سد النهضة، أنه لم يتم الاتفاق على موعد نهائى للتوقيع على عقود الدراسات الفنية مع الشركتين الفرنسيتين «بى آر إل» و«أرتيليا»، إذ لا تزال المشاورات قائمة بين وزراء المياه فى الدول الثلاث لتحديد موعد التوقيع بعد التوافق على جميع البنود الفنية والقانونية فى العقود.
وكانت وزارة الخارجية المصرية، أعلنت الأسبوع الماضى على لسان المتحدث الرسمى، المستشار أحمد أبو زيد، عن التوصل لاتفاق ثلاثى بين مصر والسودان وإثيوبيا لتحديد موعد 5 و 6 سبتمبر المقبل، لتوقيع العقود الفنية مع الشركات الاستشارية بحضور وزراء المياه فى الخرطوم.
وأضاف المصدر الإثيوبى، فى تصريحات على هامش فعاليات الأسبوع العالمى للمياه بالعاصمة السويدية ستوكهولم، إن أديس أبابا والخرطوم انتهيتا من مراجعة بنود العقود وارسال جميع الملاحظات إلى اللجنة الفنية الثلاثية الوطنية لمراجعتها، وكاشفا عن أن الجانب المصرى لم يرسل ملاحظاته النهائية حتى الآن، وهو ما ينفى امكانية عقد الاجتماع خلال الاسبوع المقبل، حيث لم توضع أى مواعيد على أجندة الوزراء.
وتابع المصدر، فى تصريح لـ«الشروق»، أن سبب التأخير فى صياغة العقود منذ شهر ديسمبر وحتى الآن، يرجع إلى أن مراجعة جميع التفاصيل الفنية الخاصة بكل بند من بنود العقد تتم بدقة عالية على المستويين الفنى والقانونى، وحتى لا يحدث خلاف على تأوليها مستقبلا وتتم الدراسات بطريقة ترضى جميع الدول.
وأكد المصدر أن «الاجتماعات المقبلة ستكون على مستوى وزراء الخارجية والمياه معا، نظرا إلى أن توقيع عقود الدراسات خطوة مهمة على المسار السياسى لتنفيذ بنود إعلان المبادئ الذى وقعه رؤساء الدول الثلاثة فى مارس 2015»، بينما أعلنت مصر أن الاجتماعات ستكون على مستوى وزراء المياه فقط.
وأوضح المصدر، أن لقاء وزراء المياه الثلاثة على هامش اجتماعات ستوكهولم للمياه قد ينتج عنه اتفاق بشأن موعد توقيع العقود أو حل جميع البنود العالقة بشأن البنود المتضمنة فى العقود الفنية الخاصة بالشركات، لافتا إلى أن الجانب المصرى قد يعرض ملاحظاته على بنود العقد خلال لقاء الوزراء ويتم الاتفاق على الموعد.
وعن أهمية والتزام إثيوبيا بتنفيذ نتائج الدراسات، قال المصدر: «اعلان المبادئ لم يلزم إثيوبيا بتنفيذ نتائج وتوصيات الدراسات بشكل مباشر، ولكنه تم تحديد فترة 11 شهرا لاجراء الدراسات وأربعة أشهر آخرين للنظر فى كيفية تنفيذ توصيات الدراسات».
فى سياق متصل، رفض وزير المياه السودانى، معتز موسى، التأكيد على انعقاد الاجتماعات فى الخرطوم، قائلا: «الخارجية المصرية أعلنت وهى أعلم بذلك».

التحية والتقدير للاخت ميادة كمال على هذا الجهد المبذول .. وفقك الله وسدد خطاك

فحاجي ادافع عن وجه النظر

صاحبة البوست سلام
ذكرتي الأتي في معرض ردك على احد الإخوة عند سؤالك عن سدي دال وكجبار:(حتى لو اضطر لي ترحيلهم بي قوة السلاح.)هلا ابنتي واوضحتي باي منطق تحملي السلاح لترحيل اهالي المناطق المذكورة انفا؟وأي مسوغ قانوني يمنحك هذا الحق ؟وشكرا

( ذكرتي الأتي في معرض ردك على احد الإخوة عند سؤالك عن سدي دال وكجبار:(حتى لو اضطر لي ترحيلهم بي قوة السلاح.)هلا ابنتي واوضحتي باي منطق تحملي السلاح لترحيل اهالي المناطق المذكورة انفا؟وأي مسوغ قانوني يمنحك هذا الحق ؟وشكرا )

الاخ يوسف طه
تحياتى
يا اخى ده كلام زولة مفلسة زى حكومتها واصلا هم ما عندهم شئ للناس غير القوة !

Published on May 22, 2016
الفديو نازل ليهو 3 شهور لماذا فقط الان قررتي نقله هنا ؟؟

راجعي التعليقات في اليوتيوب
تحياتي

السلام عليكم
ذكرت الاخت ميادة ان اريتريا ايضا تغذي مياه النيل، هل المعلومة دي صحيحة، لاني بصراحة اول مرة اسمع بيها.
وشكرا ليكم

Quote: x صاحبة البوست سلام ذكرتي الأتي في معرض ردك على احد الإخوة عند سؤالك عن سدي دال وكجبار:(حتى لو اضطر لي ترحيلهم بي قوة السلاح.)هلا ابنتي واوضحتي باي منطق تحملي السلاح لترحيل اهالي المناطق المذكورة انفا؟وأي مسوغ قانوني يمنحك هذا الحق ؟وشكرا

وعليكم السلام اخ يوسف طه.
بمنطق المصلحة العامة.

ذكرت الاخت ميادة ان اريتريا ايضا تغذي مياه النيل، هل المعلومة دي صحيحة، لاني بصراحة اول مرة اسمع بيها.
وشكرا ليكم



ارتريا لاتاتى منها مياه القاش من اثيوبيا كل المياه تاتى من اثيوبيا