Post: #1
Title: إنجازات غير مسبوقة للسودان وأول ميدالية ذهبية
Author: عمر التاج
Date: 08-20-2016, 12:49 PM
Parent: #0
12:49 PM August, 20 2016 سودانيز اون لاين
عمر التاج-KSA
مكتبتى
رابط مختصر مبروك للسودان هذه الانجازات في عهد نظام الانقاذ.
ومبروك للبشير تحقيق أول ميداليتين ذهبيتين (نمرة 35 و 36):
1_السودان في المرتبه الثامنه من اصل افقر دوله في العالم...
المصدر...صندوق النقد الدولي
2_السودان في المرتبه السابعه من اكثر عشره دول فسادا...
المصدر...منظمة الشفافيه الدوليه.
3_السودان في المرتبه التاسعه من اصل اكثر عشره دول تتفشي فيها الواسطه والمحسوبيه.....
المصدر...منظمة الشفافيه الدوليه....
4_ السودان الخامسه من اصل عشره دول تسمي الدول الفاشله ويتوقع انهيارها....
المصدر....وزارة الخارجيه الامريكيه..
5_ السودان في المرتبه التاسعه من اصل عشره دول تنعدم فيها حرية الصحافه...
المصدر..العفو الدوليه...هيومن رايتس وتش تقرير مشترك
6_السودان في المرتبه الرابعه من اصل عشره دول تنعدم فيها سيادة حكم القانون والافلات من العقاب والاختفاء القسري.
المصدر .....العفو الدوليه.
7_ السودان في المرتبه الثالثه من اكثر عشره دول انتهاك لحقوق الانسان
المصدر...مفوضية حقوق الانسان بالامم المتحدة
8_ السودان في المرتبه التاسعه من اكثر عشره دول انتهاك لحقوق المراة.
المصدر... مفوضية حقوق الانسان بالامم المتحدة
9_السودان في المرتبه السابعه من اصل عشره دول انتهاكا لحقوق الطفل وزواج القصر والتجنيد تحت السن..
المصدر.... منظمة الامم المتحده للطفوله
10_السودان في المرتبه الثانيه من اكثر عشره دول يموت فيها الاطفال بسؤ التغذيه
المصدر .....مفوضية الامم المتحدة لرعاية الطفوله
11_ خمسه وستين في الميه من اطفال السودان مصابون بسؤ التغزيه ولا يجدون الغذاء المناسب
المصدر..وزارة الصحه الاتحاديه...اليونسيف
12_ مليون طفل خارج نظام التعليم
المصدر..وزارة التربيه الاتحاديه..يونسكو
13_اربعين الف طفل يموتون سنويا لعدم وجود العلاج الكافي وبسبب النزاعات
المصدر...منظمة الامم المتحده للطفوله
13_مئه وخمسين الف وفاة للنساء الحوامل او تعثر الولاده او سؤ التغذيه او النزاعات سنويا
المصدر... منظمة الصحه العالميه.
14_ اربعين في الميه من النساء اميات
المصدر...يونسكو
15_تسعين في الميه نسبة الخفاض الفرعوني...
المصدر... الصحه العالميه
16_ سبع اشخاص يموتون يوميا بمرض السرطان..
المصدر...مستشفي الذره.الخرطوم
17_اربعين في الميه من الرجال بين الفئه العمريه 18_50 ماتوا بسبب الحروب في العقدين الاخيرين
المصدر.... العفو الدوليه
18_نسبة الفقر في السودان خمسه وستين في المية
المصدر... صندوق الامم المتحدة للسكان
19_ سبعين في الميه من السودانيين لا يجدون الطعام الصحي ولا الماء النظيف..
المصدر...صندوق الامم المتحده للسكان.
20_اربعة عشر مليون سوداني بين مهاجر و لاجئ..
المصدر... منظمة الهجره الدوليه..
21_سبع الف سوداني يطلبون تأشيرة للسفر للخارج يوميا..
المصدر ......جهاز المغتربين
22_نسبة التضخم..49 في الميه...
المصدر..بنك السودان .وزارة الماليه الاتحاديه..
23_سبعين في الميه من السودانيين يعيشون علي اقل من دولار في اليوم..
المصدر... قناة الجزيرة نقلا عن صندوق اقد الدولي.
24_ السودان في المرتبه الثالثه من عشره دول يهرب منها المستثمر وراس المال الوطني.
المصدر.... نادي باريس
25._ السودان في المرتبه السادسه.من عشره دول يسهل فيها غسيل الاموال.
المصدر.. الانتربول الدولي
26_ السودان في المرتبه الاولي من عشره في مجال تهريب البشر والجريمه المنظمه العابره للحدود.
المصدر.. الانتربول الدولي
27_السودان في المرتبه الخامسه من عشره دول اسواء في مجال جزب السياحه
28_ الخرطوم اغلي عاصمه عربيه وافريقيا..
المصدر قناة الجزيرة
29_ الخرطوم اغلي ايجار سكني وخدمات .
المصدر الجزيرة
30_الخرطوم اقذر عاصمه في العالم
المصدر... استبيان منظمات سياحه عالميه
31.._ السودان اكثر دوله في العالم صدر في حقها قرارات من مجلس الامن الدولي
المصدر... وزارة الخارجيه السودانيه
32:_ السودان ثالث دولة دعما للارهاب في العالم..
المصدر...وزارة الخارجيه الامريكيه.
32_السودان الدوله الوحيده في العالم تفرض عليها الان عقوبات اقتصاديه من امريكا ومجلس الامن بعد رفع العقوبات من ايران وكوبا وفنزويلا
المصدر...رائيس البرلمان السوداني
33_ المنتخب السوداني في المرتبة 143من اصل 183 دوله.
المصدر ........الفيفا
34_ القناة الفضائيه في المرتبه الاخيره في المشاهدة في الفضائيات العربيه
المصدر اتحاد اذاعة وتلفزيون العرب..تونس
35 _ عمر البشير من اطول ديكتاوريه في افريقيا والعالم العربي...
المصدر .... العفو .. وهيومن رايتس ووتش
36_السودان هو الدوله الوحيده في العالم رئيسها مطلوب للعداله الدوليه..
المصدر.... المحكمه الجنائية الدوليه
(لاتخرج قبل أن تقول ووب علينا)
..
..
منقول
|
Post: #2
Title: Re: إنجازات غير مسبوقة للسودان وأول ميدالية ذ
Author: Mahjob Abdalla
Date: 08-20-2016, 02:06 PM
Parent: #1
وووووب
|
Post: #5
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-20-2016, 04:18 PM
Parent: #2
مرحب بيك Mahjob Abdalla
ماقصرت يامحجوب ..
شيل منديلك واستغفر وقول أحي أنا
|
Post: #3
Title: Re: إنجازات غير مسبوقة للسودان وأول ميدالية ذ
Author: Fatima Alhaj
Date: 08-20-2016, 02:28 PM
Parent: #1
سلام أخي عمر
وقعت قلبي ياخي قايلاك بتتكلم عن ريو..
وعلى العموم ..
ووووواب علينا ، ما من هسا.
|
Post: #4
Title: Re: إنجازات غير مسبوقة للسودان وأول ميدالية ذ
Author: Abu Baker Ahmed Abdel Rahman
Date: 08-20-2016, 03:06 PM
Parent: #3
تحياتى عمر
ياخى حرام عليك
ماتتخيل انا دخلته البوست بي ياتو فرحة لانى مامتابع الالمبياد كويس
....
انا ماعافى ليك
|
Post: #7
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-20-2016, 04:32 PM
Parent: #4
تحياتي اخوي
Quote: تحياتى عمر
ياخى حرام عليك
ماتتخيل انا دخلته البوست بي ياتو فرحة لانى مامتابع الالمبياد كويس
....
انا ماعافى ليك |
الموضوع فعلا متزامن مع اولمبياد البرازيل
وكل لاعبيننا -ماشاء الله عليهم- محافظين على مستواهم السابق،
بتاع جامايكا الشال تسعة ميداليات ذهبية داك مابلحقن كان حاول يتعاور
الوحيد الاتطور من ناسنا هو بتاع السباحة ..
السنةالفاتت طفر قبل اللاعبين واستبعدوه ،
والسنةدي طفر معاهم وجا الطيش.
أسع اللستة الفوق دي كلها انتو كشعب جايين الطيش وتاني الطيش
شفتا انتو مظلومين قدر شنو؟
حقوا بعد العرضحال التنويري ده تفعى لي وتقول (وووب علي) من سكات
|
Post: #6
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-20-2016, 04:24 PM
Parent: #3
وعليكم السلام اختي Fatima Alhaj
Quote: سلام أخي عمر
وقعت قلبي ياخي قايلاك بتتكلم عن ريو..
وعلى العموم ..
ووووواب علينا ، ما من هسا. |
سلامة قلبك يا فاطمة ..
الوقع ده ماقلبك وبس .. ده قلب السودان ، وكل والوطن بما حمل.
وما بحلك إلا تقولي (سجمي) ماية وعشرين مليون مرة
|
Post: #8
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-21-2016, 09:18 PM
Parent: #6
الجماعة الدخلوا وما قالوا (وووب علينا)
إما ان الميداليات ال36 ما حرقتهم .. ودي تبقى عمالة
وإما حرقتهم لامن غلبتهم يقولوها ودي تبقى خيانة
عشان على الاقل كان ممكن يقولوا (سجمنا)
|
Post: #9
Title: Re: إنجازات غير مسبوقة للسودان وأول ميدالية ذ
Author: Mirghani Taitawi
Date: 08-22-2016, 05:09 AM
Parent: #8
Quote: 30_الخرطوم اقذر عاصمه في العالم
المصدر... استبيان منظمات سياحه عالميه |
بتاع السباحة الوحيد الـ مجتهد.. بحاجة لدعم معنوي ومادي (جزء
من ميزانية ولاية الخرطوم القذرة).
الأولمبياد كل أربع سنوات؟.
|
Post: #10
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-22-2016, 03:34 PM
Parent: #9
هلا بيك Mirghani Taitawi
Quote: بتاع السباحة الوحيد الـ مجتهد.. بحاجة لدعم معنوي ومادي (جزء
من ميزانية ولاية الخرطوم القذرة) |
اتخيل لي بتاع السباحة الفات هو الاكثر اجتهادا .. يا اخ داك طفر في الموية قبل الصفارة.
لكن بتاع السنة دي ما عارفه بتاع سباحة ولا سياحة
..
..
وعلى ذكر السياحة نتذكر زراير بدلة وزير سياحتنا الفاضل.
|
Post: #11
Title: Re: إنجازات غير مسبوقة للسودان وأول ميدالية ذ
Author: عبدالعزيز الفاضلابى
Date: 08-22-2016, 06:27 PM
Parent: #10
| Quote: _السودان في المرتبه التاسعه من اصل اكثر عشره دول تتفشي فيها الواسطه والمحسوبيه |
سلام يابن عمى
قالوا واحد عاوز يدخل دارالرياضة لقا الصف طويل راح وقف اول واحد
بتاع الـطزاكِر شافو قال ليهو: انت ياخينا امش اقيف فى آخر الصف
صاحبنا راح وجاء راجع تانى وقف قِدَّام. بتاع الطزاكِر قال ليهو يازول انا مش قلت ليك
امش اقيف فى آخر الصف؟
قال ليهو : مشيت ولقيت زول واقف فى آخر الصف.
انت ترتيبك ده من اول الصف ولا من آخرو؟
|
Post: #12
Title: Re: إنجازات غير مسبوقة للسودان وأول ميدالية ذ
Author: مني عمسيب
Date: 08-22-2016, 08:49 PM
Parent: #11
ود التاج .. سلام ..
فعلآ انجازات واعجازات .
مشكور علي رفع المعنويات وانخفاضها معآ
ههههههههههههههههههههههه .
|
Post: #13
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-22-2016, 09:11 PM
Parent: #11
وعليكم السلام يا فاضلابي يا حبيب..
Quote: قالوا واحد عاوز يدخل دارالرياضة لقا الصف طويل راح وقف اول واحد
بتاع الـطزاكِر شافو قال ليهو: انت ياخينا امش اقيف فى آخر الصف
صاحبنا راح وجاء راجع تانى وقف قِدَّام. بتاع الطزاكِر قال ليهو يازول انا مش قلت ليك
امش اقيف فى آخر الصف؟
قال ليهو : مشيت ولقيت زول واقف فى آخر الصف.
انت ترتيبك ده من اول الصف ولا من آخرو؟ |
قالوا واحد شاف بنتين عاجباتنهن روحن .. ممسحات ومكحلات و يتمايلن في مشيهن..
ولمن جن مارات بي جمبة قال ليهن ( سنة يالفي النص).
أسه شكله السودان واقع في نص الترتيب بتاع أي حاجة كعبة.
إلا في ال36 بند الفوق ديلاك ماسك الدفة .. لانفعو المسوح الحضاري ولا الدلكة الاسلامية 
|
Post: #14
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-23-2016, 02:30 PM
Parent: #13
اخونا Abu Omar من الفيسبوك قال الروووب لكن بالطريقة الاسلامية
Quote: دي منظمات عميلة .. حارقهم عشان انحن مسلمين ..
وقاصديننا في دينا . |
|
Post: #15
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-24-2016, 09:42 AM
Parent: #14
(ووووب علينا) أس (وووبين علينا) تكعيب
هذه نيابة عن القراء المروا من هنا وما عندهم باسورد.
ونرفعه لمزيد من (الحوقلة والوحوحه)
|
Post: #16
Title: Re: إنجازات غير مسبوقة للسودان وأول ميدالية ذ
Author: Mohammed Alhasan Mohammed
Date: 08-24-2016, 12:45 PM
Parent: #15
تحياتى ..
القائمة تطول ولاشك .....ولكن اعتقد ان الانجازات هذه غير مسبوقة وخصوصا وانها تحققت فى 27 سنة .فقط ..وليس 27 قرن ...
التحية لاصحاب المشروع الحضارى على هذا السبق الحضارى ...
|
Post: #18
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-24-2016, 03:15 PM
Parent: #16
اهلين اخونا محمد الحسن..
| Quote: القائمة تطول ولاشك .....ولكن اعتقد ان الانجازات هذه غير مسبوقة وخصوصا وانها تحققت فى 27 سنة .فقط ..وليس 27 قرن . |
فعلا قائمة الخراب المحلي لا حدود لها ..
ولكن هذه جزء من اللستة التي منحنا فيها جوائز عالمية.
|
Post: #17
Title: Re: إنجازات غير مسبوقة للسودان وأول ميدالية ذ
Author: احمد حمودى
Date: 08-24-2016, 01:04 PM
Parent: #15
WOOOOOOOOOOOOOOOOOOOOOOPE
|
Post: #19
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-24-2016, 03:25 PM
Parent: #17
مراااحب احمد حمودي
| Quote: WOOOOOOOOOOOOOOOOOOOOOOPE |
جميل يا اخ احمد ذكرتنا بترجمة كلمة ووب للخواجات أمثالكم ..
يمكنك عزيزي الخواجة أن تقول وووب الروووب باي من اللغات التالية:
باللغة الصينية 沒有什麼太糟糕
باللغة العبرية שום דבר לא חבל
باللغة اليونانية Ezer ez da oso txarra
السودانية الاصيلة: سجمنا ورمادنا
باقي دول العالم : (كر) علينا
بس أوع واحد يمشي قوقل ترانسليت
|
Post: #20
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 08-24-2016, 08:23 PM
Parent: #19
الصديقة بت عمسيب مرحب بيك ومبروك الانجاز.
Quote: ود التاج .. سلام ..
فعلآ انجازات واعجازات .
مشكور علي رفع المعنويات وانخفاضها معآ
ههههههههههههههههههههههه . |
جهزي منديلك يا منى لانه في لستة اعجازات اخرى جاية في الطريق..
لسة قدامنا سرقات وهبات وكوميشنات وبلاوي
كان ما قلبك ما بتحمل قولي (كر علي ) دشليون مرة واتكرفسي نومي
|
Post: #21
Title: Re: إنجازات غير مسبوقة للسودان وأول ميدالية ذ
Author: عمر التاج
Date: 09-03-2016, 08:21 PM
Parent: #20
لمزيد من الكركرة والوبوبة والسمسجة
الكركرة من كر علينا .. والوبوبة من ووب عليكم والسمسجة من سجمكم والرمادة في خشمكم
|
|