ثابو إيمبيكي وإدمان الفشل ... آرسن فينغر زمانه

08:58 AM August, 18 2016

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

إرتبط إسم رئيس جنوب أفريقيا السابق ثابو إيمبيكي بالمشهد السياسي السوداني كوسيط سلام ، كما إرتبط إسم آرسن فينغر بفريق أرسنال اللندني ، كلاهما أدمنا الفشل (رغم نجاح الاخير في بعض المواسم)
إإيمبيكي كان وسيط رئيسي في المفاوضات التي أدت إلى استقلال جنوب السودان، ورئيس لجنة الاتحاد الأفريقي رفيعة المستوى حول دارفور، التي أنشئت لتنفيذ توصيات تقرير أعده امبيكي بنفسه. ماصدق نشوب صراع في جنوب كردفان والنيل الأزرق ، ورمى نفسه بثقله للحصول على موافقة أطراف الصراع للتوقيع على خارطة الطريق التي أعدها بنفسه وأعتمدت من قبل الاتحاد الافريقي كخطوة لاحلال السلام.
شخصيا لم اتفاجأ بإنهيار مفاوضات خارطة الطريق ، ليس لمجرد سوء نية حكومة البشير أو لعدم وجود إنسجام وسط اطراف المعارضة ، وانما لضعف قدرات إيمبيكي كوسيط نزيه ، إذ لم يعد موثوقا به من قبل احزاب المعارضة ، فشل على مدى السنوات الثماني الماضية فشلا ذريعا ، لتأييده للنظام الحاكم في كثير من الحالات .
الإشكال أنه لازال يدعي انه على حق ولم يستسلم بعد، وين مودينا يا إيمبيكي ياخ
-
ياخي نحن ليه مبتلين بالفشل حتى على مستوى الوساطة

آرسن فينغر الطلَق مرتو عشان يثبت نجاحو ... إتبشتن في أول مباراة في الدوري الجديد
خايف الكيزان ديل يكون عرَسو لإيمبيكي عشان يطوَل في عواستو دي

آرسن فينقر يخرج نجوم

وأمبيكي ينفخ جضوم

من أكل الفنادق وحجوة أم ضبيبينة الما بتنتهي

نعم هو كذلك يادرديرينا
بمناسبة حجوة ام ضبيبينة ... هاك الإبتسامة دي
حال نداء السودان هو نفس حال الكديسة في النكتة القالت لي صاحبتها الكوشة ديك فيها كديس كعب وشراني. أمس مشيت الصباح اغتصبني، ومشيت بالليل تاني اغتصبني ومشيت الليلة الصباح برضو اغتصبني. هسة ماشة ليهو أشوف فهمو شنو عشان أحددها معاهو.
الناس دي ما بتتوب من كديس المؤتمر الوطني دة؟ مشو ليهو كم مرة قبل دة؟ في جنيف وفي أسمرا وفي الدوحة وفي أبوجا وفي القاهرة وهلم جرا وتاني هسة ماشين يشوفو فهمو شنو عشان يحددوها معاه.
"إذا لم تستطع مقاومة الاغتصاب فاستمتع به"
مثل صيني
لا أدري ما هو الدافع. أهو العجز عن المقاومة أو ربما هي الرغبة في الاستمتاع؟
حقوق النكتة محفوظة للأخ Samiricrc Idris من نافذة الفيس بوك