Post: #1
Title: ملمح من ملامح عنصرية دويلة مثلث حمدي ..
Author: اسماعيل عبد الله محمد
Date: 08-16-2016, 11:06 AM
Parent: #0
11:06 AM August, 16 2016 سودانيز اون لاين
اسماعيل عبد الله محمد-
مكتبتى
رابط مختصر بعد ان تم طردنا وتشريدنا من الوطن الحبيب بسبب سياسة دويلة مثلث حمدي الاقصائية و بعد ان احتضنتنا بلاد اخرى غير الوطن الحبيب اصبح ناقوس الذكرى يدق في عالم نسياننا ويذكرنا بكثير من المواقف العنصرية والجهوية التي عانينا منها في وطن كان يمكن ان يجمعنا دون تمييز ...
وانا اقلب دفاتر الذاكرة ..
تذكرت يوم سفري الى نيالا من مطار الخرطوم ..
عندما فوجئت بان الصالة المخصصة لمغادرة الغرابة و الجنوبيين انذاك كانت صالة الحج و العمرة وذلك لبعد مسافتها و فقرها مع انه كل صالات مطار الخرطوم فقيرة عندما نقارنها بمطار اديس ابابا ...
رموز دويلة المثلث المشئوم يتعاملون مع الغرابة و الجنوبيين بكثير من الازدراء حتى في التعاطي مع الخدمات التي يدفعون حقها مقدماً ...
تلك الصالة كانت مخصصة للطيران المغادر و القادم من ملكال , الجنينة , نيالا الفاشر .
انها مجرد صحوة لذكرى منسية ....
|
Post: #2
Title: Re: ملمح من ملامح عنصرية دويلة مثلث حمدي ..
Author: علي عبدالوهاب عثمان
Date: 08-16-2016, 12:49 PM
Parent: #1
حبيبنا إسماعيل .. مودتي أخي ..
أولاً صورة البروفايل ( جيفارا ) ترجع بي لأكثر من نصف قرن
ايام زمان الجميل .. أمس شفت ( كاسترو ) في عيد ميلاده التسعين
عقبالنا ..
نرجع لموضوعك .. من مشاهداتي للتلفزيون عبر القنوات السودانية
الفاشر ونيالا وكادقلي .. مقارنة بعاصمتنا في ضواحي الدنيا (دنقلا)
باريس ولندن ما في مقارنة المباني والمكاتب في نيالا والفاشر عبارة عن تحف ..
إستادات وأندية حتى الفرق الرياضية فيها بقت تنافس الهلال والمريخ العاصمي ..
حبيبنا إسماعيل تعال سافر من دنقلا إلى حلفا وشوف الدنيا كيف .. صدقني
إنتو في الغرب في نعمة مقارنة بديارنا .. وكما جاي الفيضان ليقضي على الاخضر واليابس
الله يهون ..
تحياتي .. الحبيب إسماعيل ..
|
Post: #3
Title: Re: ملمح من ملامح عنصرية دويلة مثلث حمدي ..
Author: Hassan Makkawi
Date: 08-16-2016, 01:11 PM
Parent: #2
| Quote: تذكرت يوم سفري الى نيالا من مطار الخرطوم .. |
حاول تتذكر يوم سفرك الى نيالا من فورت لامى...
كانت ( كدارى ) مش؟
|
Post: #4
Title: Re: ملمح من ملامح عنصرية دويلة مثلث حمدي ..
Author: حامد بدري
Date: 08-16-2016, 01:12 PM
Parent: #2
مسا الخير
ايتو بس الله يشفاكم ويهداكم الجنوبييين ايام النييران مفتوحة وكل بيت سوداني عندو متوفي في بور او البيبور او او مافي زول اتعرض ليهم ولامن رفعوا العلم واندرشوا تناي ورجعو ماف زول اتعرض ليهم لزومو شنو البتعمل فوقو ده ايتو اتا شغلك ده مغارز امنجية وتلقاك غرابي كوز ملئ عضنيك وانا عندي عبدالله دينق جلابي
فابرد الله يسترا معاك
|
Post: #5
Title: Re: ملمح من ملامح عنصرية دويلة مثلث حمدي ..
Author: علي محمد الفكي
Date: 08-16-2016, 01:38 PM
Parent: #4
| Quote: تذكرت يوم سفري الى نيالا من مطار الخرطوم .. |
انت يا زول عوير ولا بليد
قالو العوير براهو يخت نفسو تختة تنشين
والبليد بي ايدو بحفر قبرو
اظن لاقتك الذكرى ناقوس يدق في عالم نسياننا وعجبتك ولفحتها وجيت جاري
قلت افتح بوست وادخله فيهو
غايتو انا عُفتك
لكن ما بضمن ليك الجميعابي وباقي شلة الكرور
وجاوب على سؤال حسن مكاوي
عشان ما تنسألو مرة تانية
|
Post: #6
Title: Re: ملمح من ملامح عنصرية دويلة مثلث حمدي ..
Author: Artiga Gilani
Date: 08-16-2016, 02:03 PM
بسم الله الرحمن الرحيم
انا سافرت من صالة الحج والعمرة دى مرتين
وانا لا غرابى
ولا جنوبي
لكن الشفوت ديل يكون عرفونى ادروبى
من الهامش قامو حولو الرحلات لى صالة
الحج والعمرة .. ولا عزاء لمن سافروا معى
من هذه الصالة وكانو خليط من المثلث ومن
الهامش برضو ...
ارتيقا
|
|