حملة لإلغاء ساعة البكور

06:53 PM August, 14 2016

سودانيز اون لاين
حمد عبد الغفار عمر-
مكتبتى
رابط مختصر

الفكرة ترجع لعمود صحفي كتبه الفاتح جبرا وأبان فيه كافة متناقضات هذه الساعة التي تناقض الوضع الجغرافي للسودان

معا لإلغاء هذه الساعة وعودة التوقيت الحقيقي للسودان ولتكن بداية لعودة حقيقة السودان في عضمو.

التوقيع لمن يوافق على المقترح ولتنتظم الحملة كافة وسائل التواصل

من النقاط الت تطرق لها الفاتح جبرا ، وهي الأخطر،
إنو التلاميذ بطلعوا للمدارس والدنيا ظلام وما يواكب ذلك من مخاطر عليهم
ودي براها انا بعتبرها مبرر لإلغاء الساعة المضافة دي

أمجد الجميعابي

حمد الكرور
ياخي قطعت قلبنا ياخي
بالله انا قريتها الغا لستة الكرور وزعلت منك

يلا يا أمجد واتسب فيسبوك


عثمان يجازي محنك خنقتني من الضحك ياخ

احب بريمة الجهني ياخ والعار والشنار لمعاوية الحبشي

ومعا لإلغاء ساعة البكور

Quote: إنو التلاميذ بطلعوا للمدارس والدنيا ظلام وما يواكب ذلك من مخاطر عليهم

حدثت في إمارة الشارقة في النصف التاني من التسعينيات على ما أذكر
جرى اغتصاب تلميذة حتى الموت. تم إعدام المجرمين وتعديل أوقات الحضور للمدارس.
ساعة البكور دي واحدة من حركات الكيزان الكرور الجد جد الذين يدافع عنهم بريمة واللي لفوا بيها راس الناس زي
تغيير مسمى وقيمة العملة
تغيير أسماء وأماكن مواقف المواصلات
وهلمجرا

أشياء كثيرة سيتم إعادتها إلى سابق عهدها، من ساعة البكور لغاية فصل الجنوب

توقيع
.. بالاحرف الاولى كمان ...
►

يا كافي البلاء بوست ناسو كلهم كرور
والله صدق من قال الكرورين علی اشکالها تقع

معاوية في السعودية التوقيت صحيح
لما الأولاد يطلعو الساعة 6 في الشتاء بتكون مضلمة عديل
دي في السودان وقت السحور عديل

ياخ الساعة دي انا ما عارف الفائدة منها شنو
زمان الناس تطلع 7 الحقيقية وترجع 3
هسة الناس تطلع 6 (= 7) وترجع الساعة ستة (= 5)


جلالدونا تسلم يا حبيب يا كرور

يا عثمان دي مباراة
الكرور ضد البكور

يا كرور مشتاقين

یا دکتور انت کرور برضو ولا
جايي تضيع لينا وقتنا في المليانة😏

هلا د. محمد الحسن


فوق يا بكري لالغاء ساعة البكور

يا اخوانا لستة الكرور دى وين
... اجلبوها ... لنا ههنا...
غايتو بى حبّة زكاوة كده طلع
حمد كرور
الجميعابى كرور
انا ذاتى كرور
و ود عووضة كرور
الدكتور طال ما رحّب بالكرور
مع رد ود عووضة المجهجه
يبقى ما كرور و ده حسب منطوق المادة اربعة من عشرة
المهم ابوحسين موقعو شنو من اللستة
لا أظن لسته كهذى يخلو منها اسمه
و كمان محيرانى كرورية ود الزبير
لو ود الزبير كرور يبقى ده فهم متقدم للكرورية
الكرور ضد البكور
و شعارنا
كرورية... ابرة ... خيت

يا جلالدونا بكري دا ما يكون قراها الكرور ضد بكور

ويلحقنا امات طه
ابو حسين يطلع وين ؟ الكرور يفوت منو وين
نمرة عشرة ميسي الكرور

متضامنا مع الكرور اوقع لالغاء ساعة البكور

طلعتوا ما عندكم اي تراتبية او كما قال الهندي عزالدين
الكلام بالاقدمية و انا نمرة واحد في الكرور

يا جلالدونا
عندك علي محمد الفكي برضو كرور

صحيح حاجة ما مفهومة وما كان في ليها أي مبرر
والواحد لازال مستغرب كيف أستطاعت أن تمر طيلة هذه السنوات دون نقد
معروف أن نظام الساعة نظام علمي عالمي تم بتخطيط الكرة الأرضية رأسيا خط الصفر يبدأ من قرينتش يمينه اتناشر خط ويساره اتناشر خط وبين كل خط طول وآخر فرق ساعة واحدة ..
السودان كان يمين خط الصفر بساعتين أي خطين والسعودية ( مكة) بثلاثة .
بساعة البكور هذه أصبحت الساعة السابعة في السودان تعادل السابعة في السعودية
مع أنه يوجد فرق كبير في شروق الشمس .
ثم ما هي المصلحة التي حققها جر الساعة هذا ..
وهي تأثيرها ما ظهر كبيرا على مستوى الأقتصاد وغيره يمكن بسبب المقاطعة الأقتصادية .. لكن لو كان الحال بدون مقاطعة كانت الطائرات دخلت في بعض واشتعل المطار من أول يوم .

امجد والله كلامك صحي عالم كرور
تراتبية شنو البيعرفوها ديل
مفروض انت تكون الالفة بتاعنا
معليش استحمل ياخي
....
مع تحيات عمك عثمان كرور

كيف يا جميعابي مافي تراتبية قبيل قلنا وسع دائرة النشر
انتبه يا كرور

عادل الباهي كيفك يا كركرة
لا لساعة البكور

الحاجة المؤسفة انو الكيزان ما براجعو زولهم نهااااااااااائي ...
يعني عصام صديق قال البكور مفيد خلاص مفيد ونجر الساعه و بإحتفال رسمي كمان
وبحضور علي عثمان ..
زمااااااان في الجامعة اي واحد عندو تخصص في الدين وللا العربي يعمل ليهو كورس بالتخصص دا
ويبيع المذكرات ..
ضد البكور وضد الناس العملو البكور
تحياتي

سلام يا اهلنا،
الحكاية ما واقفة على تلاميذ المدارس وحدهم.
خلينا في منطق الأشياء ... يعني انا الآن في الدوحة، الساعة 9 صباحاً .... في الرياض الساعة 9 صباحاً ..... في بورتسودان الساعة 9 صباحاً ... في الخرطوم الساعة 9 صباحاً .... في الفاشر الساعة 9 صباحاً
الله يرحم خطوط الطول.

منزلنا المتواضع الكائن ببري فيهو ساعة في الحيطة أصلاً ما اتأثرت بالزمن البتقولوا عليهو ده .... يعني لا تزال هناك الساعة 8 صباحاً.

من يومي كنت رافض العملة السموها (دينار) ورافض مسمى ولايات ولا زلت أعرف فقط المديريات التسعة .... ولا زالت خارطة السودان عندي هي الموجودة في البروفايل يمين هذه المداخلة.
لذا .... أوقع في هذه الحملة.

مع احترامي اخ حمد
لكن ساعة البكور او سرقة ساعة من وقت الشعب كما سرقوا قوته ووطنه
من ضمن لستة طويلة جدا من القرارات لا اقول الخاطئة ولكن الكارثية التي اتخذتها هذه الطغمة الطاغية
دون مشورة احد ودون استفتاء احد ودون اعتبار لأحد
لكن لا أظن من المناسب طلب شئ كخدمة من نظام غاشم كهذا
اولا لأنه نظام لا يسمع الا لما يريد
ثانيا ان المعالجة الحقيقية تكون لجذر المشكلة وهي في اعتقادي ازالة هذا النظام من جذوره وليس بطلبات ترسل للنظام كأنما نضفي عليه شرعية من له حق القرار
لا تتم معالجات قرارات الديكتاتور بطلبات لتعديلها ، ولكن تعالج قرارات الديكتاتور بازالة الديكتاتور
ماذا ان تمت الاستجابة لهذا الطلب خصوصا انه ورد ضمن اجندة الحوار كما اظن اني قرأت
هل سيعتبر هذا انجازا للانقاذ ونرتاح قليلا لهذا النظام الذي استجاب لمطلب ما؟
الا تعتبر هذه حيلة نفسية لتنفيس غضب الجماهير
هل نطالب غدا بسفلتة الشارع الفلاني او معالجة القصور في المستشفى الفلاني او تغيير مدير المدرسة الفلانية؟
هذه المطالب الخدمية لا تعبر ابدا عن جوهر مطالب الشعب ، بل مطلبه كما اعتقد هو زوال هذه الديكتاتورية وعودة نظام ديمقراطي لا تتخذ فيه
القرارات الا بإذن الشعب ولا تعدل إلا بإذن الشعب

ساعة البكور تجربة ويمكن الآن دراسة إيجابياتها وسلبياتها ومن ثم تحديد ما إذا كان الأفضل الاستمرار فيها أو إلغائها
نحن بحاجة لاسترار سياسي أولاً ومن ثم برلمان يعالج جميع قضايانا الإقتصادية والإجتماعية والبيئية والصحية والتعليمية والثقافية

Quote: ياخ الساعة دي انا ما عارف الفائدة منها شنو زمان الناس تطلع 7 الحقيقية وترجع 3 هسة الناس تطلع 6 (= 7) وترجع الساعة ستة (= 5)

في السابق كانت أيام العمل 6 أيام والآن أيام العمل خمسة أيام وهنا يظهر الفرق

ساعة بكور بدون وجبة فطور

نهي نهي ما يصلح .

..


سبب واحد يخليهم يخالفوا قوانين الكون والطبيعة مافي...


معاً لإلغاء البكور....





.

Quote: في السابق كانت أيام العمل 6 أيام والآن أيام العمل خمسة أيام وهنا يظهر الفرق

في كل الدنيا أيام العمل 5 أيام

لكن مافي زول قبلنا لعب بخطوط الطول وكل الدنيا بتحسب الزمن من غرينتش.

بدل الذكاء الشديد ده مش كان ممكن يقولوا العمل يبدأ الساعة 6 بدل سبعة؟ ...... ويكونوا احتفظوا بمصطلح (بكور) العاجبم ده.

مثال: فقط في السودان ما بتقدر تقول الساعة 12 منتصف النهار، لأنو الساعة 12 عندنا لسة صباح (كذلك منتصف الليل)

Quote: مثال: فقط في السودان ما بتقدر تقول الساعة 12 منتصف النهار، لأنو الساعة 12 عندنا لسة صباح (كذلك منتصف الليل)

أصلا خطوط الطول والعرض خطوط افتراضية وليس بالضرورة أن تتفق مع التوقيت دولة مثل الصين بحجمها لها توقيت واحد
في كل العالم منتصف النهار يعني الساعة 12 ظهراً وليس مرتبط بكون الشمس في كبد السماء
والصباح ومنتصف النهار والمساء مصطلحات لا علاقة لها بوضع الشمس
ففي بعض البلادان تكون الساعة 11 مساء ولم تغرب الشمس بعد ومنصف الليل قد يكون قبل صلاة العشاء

التوقيت قديم وبالجديد
العملة قديم والجديد
التعداد قديم والجديد
مساحة البلد قديم وجديد
والغريبة الجديد اقل في قيمتو وجودتو من القديم بالاف المرات

ضد ساعة البكور
ومع بقاء قائمة الكرور

تحياتي حمد وضيوفه

Quote: بدل الذكاء الشديد ده مش كان ممكن يقولوا العمل يبدأ الساعة 6 بدل سبعة؟ ...... ويكونوا احتفظوا بمصطلح (بكور) العاجبم ده.

لا حولا !!! دى كانت فايتة علىّ .. هههه ... الظاهر علىّ أغبى من الزوول الإخترع الساعة ده .. أقصد ساعة البكور ..
معاكم لإلغاء هذه الفضيحة ..

مع التحية لصاحب البوست ..
أتذكر زمان في السبعينات ونحن معلمين في ضواحي الدنيا ( شمال)
النميري كان أعلن التوقيت الصيفي ( ساعة زيادة )
عمنا ( شمت ) الفراش كان عندو ساعة ( أبوصليب ) وست إند
كان يعتز جداً بالساعة دي .. وكان يعتقد إنه لو زاد ساعة في المواعيد
سوف تتعطل الساعة ..
والحل كان .. إذا سألناه الساعة كم يا عم شمت ؟ كان يجاوب ( الساعة تسعة يعني عشرة )
وهكذا ( الساعة واحدة يعني إثنين ) ..
إلى أن تم إيقاف التوقيت الصيفي بعد فشل التجربة ..
مودتي.. مع أني لا أعرف ما المقصود من البكور ..

أتذكر فقط : زارع الحقل في البكور ..

مودتي ..

Quote: لا حولا !!! دى كانت فايتة علىّ ..

الظاهر يا منير الأخترع التوقيت الصيفي في أوربا دا برضو أغبى واحد كان يقول للناس في الصيف يبدأ العمل الساعة 7 صباحاً وفي الشتاء يبدأ 8 صباحاً

طبعاً مع مراعاة الحالة النفسية للمتلقي

المهم

تجربة ساعة البكور تجربة تحتمل الخطأ والصواب ويمكن دراسة إيجابياتها وسلبياتها في ورش عمل علمية وليس هناك أي مانع مسبق من إلغائها أو بقائها

فرانكلى سلامات .. فى فرق ياخ . دى ساعة زايدة ثابتة صيف على شتاء ـــ بِدعة غلط ومشاترة

يا اخوانا دى ساعة البكور العملا الطيب سيخة زمان ديك
وللا واحدة تانية
و كان واحدة تانية يعنى بقى عندنا بكورين
و كان بكور الطيب سيخة لغوهو مش بكون عشان فشل
طّيب ... طيب تانى جايبين السيرة الفاشلة دى لى شنو
فعلا الحاجة دى محتاجة ليها ورش علمية زى ورشة بيت الوالى داك
_____
هوى يا الكرور ما تلخبتو علينا البوست ده
نحن هنا نتحدّث عن قضية مصيرية قد تحتاج لى ورشة

تحياتي يا منير الفكرة واحدة فقط في أوروبا فرق الزمن كبير بين الصيف والشتا
لكن الفكرة واحدة أن التوقيت ليس مرتبط بالخط الطولي وضربت مثل بالصين كلها ليها توقيت واحد
وما في مانع منطقي يقول بعدم تأخير ساعة أو تقديمها إن رأى أحدهم أن تقديمها أو تأخيرها قد يخدم غرض

Quote: إن رأى أحدهم

دي ياها زاتا المشكلة.
لما (أحدهم) ده يكون في إيدو القلم ... يبقى طز في أي نظرة علمية أو منطق أو رأي آخر.

معاك يا حمد لكن الله أعلم واحد من النافذين يتجرأ ويطرح الفكرة.

الفكرة أصلاً جاءت في فورة مرحلة التمكين لإقامة الدولة الإسلامية للسودان الشمالي (داسش) والهدف الواضح منها أنو الناس (الذين لم يطالهم الصالح العام) عشان يمشوا لأعمالهم ح يضطروا يصحو في وقت متزامن مع صلاة الفجر وبالتالي الجوامع ح تتملي ويحسب ذلك لصالح الحكومة. شفت العبقرية!

شكرا للتفاعل معليش يا جماعة شوية لخبطة شوية أبعدتني
نأمل المواصلة حتى إلغائها البوست للجميع
سوف أعود لكم

اوافق

واساند بشدة

دي عوارة ساكت

الزمن يتم تحديده وفق خطوط الطول والعرض ومش عارف ايه

تصدقوا نحن عندنا اليوم الجديد بدخل قبل موعده؟؟

يعني تلقى الساعة 12 ودقيقة بالليل
كده اليوم التاني دخل
لكن فعلياً وزمانياً لم يدخل

دي واحدة من محن وعوارات الانقاذ

مع ودي

يا جماعة صلوا على النبي كلكم
اولا عشان كلامي التحت. دا مايتفهم
غلت. ويفسر علی انو تکسیر جناحین
خلوني اوقع واعلن تاييدي للالغاء
صليتوا على نبيكم؟
طيب
في زول شاوركم لمن عملوا القرار دا؟
في زول حايسمع ظريطنا دا؟
هل عملوا. دراسة بعد التطبيق لدراسة
الجدوی؟
منو هسي شغال. في السودان وبينتج
كان في ساعة البكور ولا غيرها
الليلة في السودان عشان. تقضي ليك
غرض في مكتب حكومي داير ليك تلاتة اربعة
يوم
من الساعة. عشرة لحدي الساعة واحدة الموظفين
في الفطور
ومن واحدة وانت طالع في الصلاة
العذرين ديل ماتقدر تقول بغم
تمشي. تفطر في تقاطع. هيا. وترجع تلقى
سيادتم في الفطور
تمشي تصلي مية ركعة وترجع والجماعة
في اربع ركعات الضهر
مافي إنتاج ولا في زول قلبو على البلد
لو التوقيعات بتجيب شيء خلونا نوقع عريضة
عشان الناس ديل. يمشوا وكفاية قهر
.......
شفتوا. ليكم زول بيغش. في بيت الله غير
الجماعة. ديل؟
اقسم بالله العظيم شركة. يمتلكها. احدهم
فوزوهو. في عطاء بناء مسجد بي. مليارات
سقف المسجد. وقع. في اول. صلاة
المسجد في camp احدى شركات البترول
وانا مسؤول. من كلامي دا

هلا درديري كباشي

Quote: ثم ما هي المصلحة التي حققها جر الساعة هذا ..

لم تحقق أي مصلحة بل عكرت مزاج الناس وقلبت مواعيد الناس رأسا على عقب

مرحب عمر السلمة

Quote: ضد البكور وضد الناس العملو البكور

هم تقريبا بكونوا ناسيين إنو في ساعة بكور زيها وزي الخوازيق الكتيرة الإتعملت تعريب الجامعات خصخصة العلاج والتعليم

ما فاضيين من التملك

هلا أبو الريش

Quote: منزلنا المتواضع الكائن ببري فيهو ساعة في الحيطة أصلاً ما اتأثرت بالزمن البتقولوا عليهو ده .... يعني لا تزال هناك الساعة 8 صباحاً.

هذه الساعة تمثل حقيقة السودان الضائعة فعضوا عليها بالنواجذ يا أبو الريش

هلا أحمد الشيخ

Quote: هذه المطالب الخدمية لا تعبر ابدا عن جوهر مطالب الشعب ، بل مطلبه كما اعتقد هو زوال هذه الديكتاتورية وعودة نظام ديمقراطي لا تتخذ فيه

أنا آخر قناعة وصلت ليها إنو تغيير النظام دا عايز صبر وعمل دؤوب تكمن أهدافه في حمل النظام على التراجع عما يحس به من قوة وإرغامه على التنازل من مسلماته التي يستند عليها في إضفاء هذه القوة المتوهمة عليه

وبوست العصيان المدني الناعم لو مريت عليه أنا جادي جدا فيهو لأنو ما من سبيل إلا بهتك جنبات النظام وصولا إلى عمقه حتى يذهب غير مأسوفا عليه

ومعا من أجل إلغاء ساعة البكور حفاظا على إطفالنا من الخروج في لجج الظلام

مرحب فرانكلي

Quote: ساعة البكور تجربة ويمكن الآن دراسة إيجابياتها وسلبياتها ومن ثم تحديد ما إذا كان الأفضل الاستمرار فيها أو إلغائها

يدرسوها يا دوب ؟ ما هي خلاس تمت تجربتها ودراستها ومافي ليها أي نتائج ايجابية ظاهرة، الواضحة سلبياتها فقط

Quote: في السابق كانت أيام العمل 6 أيام والآن أيام العمل خمسة أيام وهنا يظهر الفرق

الدول المتقدمة والمزدهرة دي كلها أيام العمل 5 أيام وأقصى ساعات عمل 48 ساعة في الأسبوع نظام ليهو مئات السنين
بعدين أقول ليك حاجة لو أي موظف اشتغل 5 ساعات نظيفة في اليوم يمين نطير السماء

في بٍكر عندو ساعة و انتو عاوزبن تلغوها ؟
ساعة ديغتال والا منوال والا مهنيك ؟



ضد ساعة البكور

هلا ولياب


لا لساعة البكور بدون فطور ياخ الناي يخشوا البيوت الساعة خمسة غمرانين من الجوع

هلا عبد العزيز الشغيل وينك

Quote: سبب واحد يخليهم يخالفوا قوانين الكون والطبيعة مافي... معاً لإلغاء البكور....

مرحب علي محمد الفكي

Quote: التوقيت قديم وبالجديد العملة قديم والجديد التعداد قديم والجديد مساحة البلد قديم وجديد

والحلم قديم وجديد أن تذهب هذه الطغمة

ويرتاح البلد

مرحب علي عبد الوهاب

Quote: مع أني لا أعرف ما المقصود من البكور ..

اعتقد هو القيام باكرا في الصباح بحثا عن الرزق

ولكن هذه تتم بصورة فردية وليس بنظام دولة يلزم الجميع ويقلب رأسهم على عقب

لا معنى لتقديم الساعة

هلا منير

Quote: فى فرق ياخ . دى ساعة زايدة ثابتة صيف على شتاء

زمان يا منير لما تقول طالع الساعة 4 عصر بقولوا ليك خليها تبرد شوية الدنيا لسه مسخنة

هسة لو طالع مشوار لو قالوا ليك الساعة 5 (4 زمان) حيلك يموت وتقول خلاس مغربت ما طالع بعد دا والغريبة هسة الشمس بتغيب سريع خلاس بعد الساعة خمسة (4) زمان

بهدلة ما ليها لزوم أصلو

جلالدونا

أنا ما عارف العملا منو لكن بذكر علي عثمان دا نقز فيها واستلما بعدو البشير

Quote: نحن هنا نتحدّث عن قضية مصيرية قد تحتاج لى ورشة

دي عايزة يرجعوا ليها النقل الميكانيكي كلو
ياخ عربية الإنقاذ دي بقت قرنبع وهي أصلا من يوما اشتروها من التشليح

أبصم بالواحد والعشرين ..
على التضاد مع من يضادون نواميس الكون وجغرافيته
واطالب بإعادة حياة الوقت لطبيعتها الزمنية

=

لا اعتقد يا حمد بنجاح إستراتيجيتك القائلة بهتك جنبات النظام، وبدفع النظام إلى التراجع بعد النفاذ إلى قلبه.
أسلوب جمع التوقيعات ليس له قيمة ولا جدوى مع أنظمة استمدت شرعيتها من صندوق الذخيرة وليس من صندوق الانتخاب أو شرعية رضى الناخبين.. فتلك القيّم الحضارية يا حمد منعدمة تماماً في "دولة المشروع الحضاري"
وأظن أن تجارب التاريخ، وخبرة (27) سنة علّمت الجميع أن الأفعى حتى وإن غيّرت وسلخت جِلدها فلن يتغير طبعها.
كما أن الأستاذ عووضة قطع قول كل خطيب بجملته الموجزة والقاطعة:

Quote: لو التوقيعات بتجيب شيء خلونا نوقع عريضة عشان الناس ديل يمشوا وكفاية قهر

لم تنجح تجاربنا السابقة يا حمد في هتك جنبات النظام وتشريمه وهو الذي وُلد أصلاً مشوه ومشرّم ..

والواقع أن تجارب اقتراب المعارضة من النظام ومؤسساته بدعوى اختراقه وهدم جنباته، لم نكسب منه سوى أن التقطنا من النظام جرثومة التبعثر والتشرذم والتهرؤ .. ولُدغت المعارضة أكثر من مرة وأصيبت بعدوى التشوه الخلقي وبنفس أسقام النظام.

أعود وأعلن أتفاقي التام بل وأبصم بأصابعي العشرة على مداخلة الأستاذ العزيز (أحمد الشيخ) وعلى كل حرف ورد في مداخلته الهامة:

Quote: لا أظن من المناسب طلب شئ كخدمة من نظام غاشم كهذا اولا لأنه نظام لا يسمع الا لما يريد ثانيا ان المعالجة الحقيقية تكون لجذر المشكلة وهي في اعتقادي ازالة هذا النظام من جذوره وليس بطلبات ترسل للنظام كأنما نضفي عليه شرعية من له حق القرار لا تتم معالجات قرارات الديكتاتور بطلبات لتعديلها ، ولكن تعالج قرارات الديكتاتور بازالة الديكتاتور ماذا ان تمت الاستجابة لهذا الطلب خصوصا انه ورد ضمن اجندة الحوار كما اظن اني قرأت هل سيعتبر هذا انجازا للانقاذ ونرتاح قليلا لهذا النظام الذي استجاب لمطلب ما؟ الا تعتبر هذه حيلة نفسية لتنفيس غضب الجماهير هل نطالب غدا بسفلتة الشارع الفلاني او معالجة القصور في المستشفى الفلاني او تغيير مدير المدرسة الفلانية؟ هذه المطالب الخدمية لا تعبر ابدا عن جوهر مطالب الشعب ، بل مطلبه كما اعتقد هو زوال هذه الديكتاتورية وعودة نظام ديمقراطي لا تتخذ فيه القرارات الا بإذن الشعب ولا تعدل إلا بإذن الشعب

التحية لكم ولكافة ضيوفكم الكـر ام
...
..
.

مرحب حسن بشير

Quote: الفكرة أصلاً جاءت في فورة مرحلة التمكين لإقامة الدولة الإسلامية للسودان الشمالي (داسش) والهدف الواضح منها أنو الناس (الذين لم يطالهم الصالح العام) عشان يمشوا لأعمالهم ح يضطروا يصحو في وقت متزامن مع صلاة الفجر وبالتالي الجوامع ح تتملي ويحسب ذلك لصالح الحكومة. شفت العبقرية!

هي أصلا كانت مرحلة الإرهاب الفكري واسكات الآخر لتمرير أي شيء
وممكن ساعة البكور دي يكون مقصود بيها جانب أمني

المهم بعد دا عازنها تتلغي

هلا ياسر منصور

Quote: تصدقوا نحن عندنا اليوم الجديد بدخل قبل موعده؟؟

دي طبعا ما بكونوا عارفينها المهم بكور وبس

لا للبكور

فيصلنا يا خليل
مراحب

Quote: في بٍكر عندو ساعة و انتو عاوزبن تلغوها ؟

في بِكور كتار ما واحد

دي ساعة بدون شوكات وبدون أرقام تتخيلها بس حسب رأسك

ضدها موش؟

هلا عمر التاج

Quote: أبصم بالواحد والعشرين .. على التضاد مع من يضادون نواميس الكون وجغرافيته واطالب بإعادة حياة الوقت لطبيعتها الزمنية

ديل شدة ما شفقانين عايزين اليوم يصبح قبل وقتو ما عارفهم لاحقين شنو

نطالب معك بالغاء هذه الساعة

تأكيداَ للموقف
ضد البكور و اطالب بالتخور

مرحب الصادق عبدالله الحسن

Quote: لا اعتقد يا حمد بنجاح إستراتيجيتك القائلة بهتك جنبات النظام، وبدفع النظام إلى التراجع بعد النفاذ إلى قلبه. أسلوب جمع التوقيعات ليس له قيمة ولا جدوى مع أنظمة استمدت شرعيتها من صندوق الذخيرة وليس من صندوق الانتخاب أو شرعية رضى الناخبين.. فتلك القيّم الحضارية يا حمد منعدمة تماماً في "دولة المشروع الحضاري" وأظن أن تجارب التاريخ، وخبرة (27) سنة علّمت الجميع أن الأفعى حتى وإن غيّرت وسلخت جِلدها فلن يتغير طبعها.

أنا لست من أنصار التقارب أو المشاركة في النظام إطلاقا ولكن أرى الضرب في الجوانب سوف يجعله يتراجع ويحترم الشعب قليلا
أنا بأكد ليك معظم أهل النظام ممكن يكونوا ناسيين إنو في ساعة بكور هم منغمسون فيما يعنيهم ووالصباح والليل لديهم واحد

النظانم يترنح ونحن عايزين الحاجات ترجع شوية شوية حتى نخفف من التركة الثقيلة لمن يأتي