Post: #2
Title: Re: غايصين وعايسين
Author: محمد المسلمي
Date: 08-14-2016, 04:41 PM
Parent: #1
ياطلحة سلام وحمدلله علي السلامة وماتطول الغيبة
|
Post: #3
Title: Re: غايصين وعايسين
Author: ABUHUSSEIN
Date: 08-14-2016, 05:38 PM
Parent: #2
تصدق و تآمن إنو إشتقت ليك ......
حمداً لله على السلامة يا غواصة ...
|
Post: #4
Title: Re: غايصين وعايسين
Author: حمد عبد الغفار عمر
Date: 08-14-2016, 05:46 PM
Parent: #3
وينك يا ولدنا
مشتاقين عديل
|
Post: #5
Title: Re: غايصين وعايسين
Author: جلالدونا
Date: 08-14-2016, 07:16 PM
Parent: #4
وينننك يا فرده
على ّ بى جملة الايمان
مكتولين بالشوق
حتى بالامارة فتحت ليك بوست عديل كده
مش عيب عليك
تخلينى براى اناتل فى ابو حسين
و من لف لفه زى ناس ديلاك
كان داير يطلع فى الكفر
لكن ما اديتو ليك اى فرصة
مرحب بيك و مرحب بى عودتك لى مكانك الطبيعى
|
Post: #6
Title: Re: غايصين وعايسين
Author: محمد البشرى الخضر
Date: 08-14-2016, 11:45 PM
Parent: #5
زووووط ...
سيد البلد راشي زنطور كوستي نص دستة :)
|
Post: #7
Title: Re: غايصين وعايسين
Author: طلحة عبدالله
Date: 08-15-2016, 01:53 PM
Parent: #6
ها ها ها
أهو زي أبو حسين القال مشتاقين فوق دا ضحية من ضحايا الوهم بتاع
أنا أكتب في المنبر أنا موجود ومتوفر ومشاع عشان كدا راصي ليهو تلتين
بوست في الصفحة الأولي وفي كل بوست كاتب كلام كتير دون أن يقول
فيهو أية حاجة في أية حاجة وحتي ردودو على المتداخلين ما قاعد يجاوب فيها على الأسئلة
والاستفسارات المطروحة .. كلها مجرد وشوش خدرة مدورة وعلامات
استفهام ما عندها أي مبرر بالإضافة لوهمات ورتوش بلا معني، إلى جانب
نكت قديمة مبتذلة بعضها عايزة فهامة عشان تفهما والبعض الآخر عايزة
ضحاكة عشان تضحك البني آدم ..
زي دا محشور في زمرة العايسنين العناهم البوست دا ..
ومن جانبي ما عندي ليهو حاجة أكتر من قوم لف شوف ليك شغلانية تنفعك بدل لاصق
في المنبر دا ستة وعشرين ساعة في اليوم لا أعوج لا عديل .
|
Post: #8
Title: Re: غايصين وعايسين
Author: طلحة عبدالله
Date: 08-15-2016, 02:07 PM
Parent: #7
حباب محمد المسلمي
سلام يا كلس
البوست دا مليان طواقي مفصلة بالمقاس للناس الغواصات
وبتاعين العواسات ...
لكن صاحبك داقي النوبات طالق البخور دا غير مشمول
ولا معدود لأنو عبارة عن كتلة من الهلام لا رأس ولا قعر ولا أية حاجة
دا مجرد خازوق دقاهو بكري في البورد دا .
|
Post: #9
Title: Re: غايصين وعايسين
Author: طلحة عبدالله
Date: 08-15-2016, 02:15 PM
Parent: #8
سلام كتير لعمنا وحبيبنا حمد عبد الغفار
شوق عظيم يا عظيم
|
Post: #10
Title: Re: غايصين وعايسين
Author: طلحة عبدالله
Date: 08-15-2016, 08:10 PM
Parent: #9
حباب جلالدونا
يا خوي العزيز أنا مشيت عيدت وخرفت في السودان
الشقيق وقضيت أيام حالمات ومخضرات لدرجة أني تفاءلت خير
كتير بالبلد وأهلو بمن فيهم ناس منبركم دا ولسان أمنياتي
وأحلامي أنو ألقي والناس رجعت حلوة وقلوبا نضيفة زي غسول المطر
فاذا بالحال أظرط من الأول بمراحل غير مسبوقة ولا ملحوقة ..
الناس زادت تغوصن وأحترفت العواسة والصواطة وحاجات تانية ما كريمة خالص ..
صاحبك تهريف الشهير بأبو حسين جاتوا مقشرة
وما مصدق نفخا ليك بوستات ما ليها حد ولا عد
من عينة الأنجم الزواهر التي يتوسطها عنوان لا علاقة
له بمضمون البوست .. وجرجير يتفرج مستلذا تارة ويشوت
مقرقرا تارة أخري ويزوط بلا هوادة تارة ثالثة وفي النهاية
كلو مط وجر وغلاط وكتير من الهرج والمرج وزبد البحر
وآخرون ينفخون في النار شامتين أو شاتمين أو متراشقين في الغالب
والحسابة تحسب والباندويت هباء منثورا وبكرة المسكين يتوجع
في صمت وصير وجلد والبلد راقدة رز أخدر
ها زول ها الوجع متمدد شرقا وغربا جنوبا وشمال حتي
لم يعد في البقية الباقية من وطن الجدود شبر ليس فيه موضع
خال من طعنة فلذات كبده ..
أنسى بس وقول يا رحمن يا رحيم .
|
|