Post: #1
Title: منتهى العنصرية ..
Author: عمر التاج
Date: 08-14-2016, 12:38 PM
Parent: #0
12:38 PM August, 14 2016 سودانيز اون لاين
عمر التاج-KSA
مكتبتى
رابط مختصر الجزار في المول الكبير وزن لي كيلو من اللحم المفروم والصق عليه ديباجة سعر بـ 40 ريال ..
فتحت له صفحة من نشرة المول الاسبوعية وقلت له هنا مكتوب الكيلو 20 ريال. فقال : لا دا انتهى يا استاذ ..
قلت ليه انتهى كيف مش كله لحم بتقطع من مكان واحد ويتفرم ..
قال: لا داك كان لحم بربري لكن ده بلدي غالي شوية ..
قلت له: مش كله لحم؟
فقال لي: حاتساوي لي اللحم البلدي باللحم البربري يا استاذ؟
أيوه كله لحم لكن مش كله طعمه واحد.
|
Post: #2
Title: Re: منتهى العنصرية ..
Author: Munir
Date: 08-14-2016, 12:59 PM
هههه .. سلام ياتاج .. الراجل كلامه صاح مية فى المية ..
فرق بين البقرى والعجالى، وبين العجالى والضانى، وبين بقر المزارع المقفولة وبقر الحقول، وبين الدجاج البلدى والبطرى وسمك النيل وسمك البحار، وبين البيبسى كولا والكوكاكولا .. ووو .. كله لحم ولكن كله بثمنه ..
كمان عايز تكلفت للراجل شغله و يشتغل معاك بالخسارة ؟؟ :)
|
Post: #3
Title: Re: منتهى العنصرية ..
Author: عمر التاج
Date: 08-14-2016, 02:10 PM
Parent: #2
وعليكم السلام ايها المنير ..
كلامك سليم من الناحية الموضوعية ..
بس طبعا الراجل لمن نطق كلمتي بربري وبلدي غلف كلماته بعنصرية بينه .
والغريبة لمن وديت اللحمة الغالية دي البيت
قالوا لي الفاتت كانت اطعم..
|
Post: #4
Title: Re: منتهى العنصرية ..
Author: حمد إبراهيم محمد
Date: 08-14-2016, 03:06 PM
Parent: #3
يا ود تاج - سلام
يا اخوي نحن في السودان معذبننا ب ده خروف حمري وده كباشي وده وتيش ... وكلو بصل ...
خليك نباتي احسنلك ...
وسيبك من - لحم عشرة بلدي ده ... والبري بري بري بري انا دي ....
|
Post: #5
Title: Re: منتهى العنصرية ..
Author: عمر التاج
Date: 08-14-2016, 04:10 PM
Parent: #4
مراحب حمد ابراهيم ..
فعلا كلام كباشي وحمري وبلدي كنا بنقوله في البلد عادي
لكن في الغربة في ناس بقت حساسة زيادة عن اللزوم ..
أنا أول أيامي في الغربة صادفت الضحية .. مشى معاي رفيق زميل للزريبة وشافني مشيت على بهائم سمان
مسكني من يدي وقال لي داير تشتري البلدي ولا شنو؟
قلتليهو ومالوا البلدي ما ترى الناس خامينو اتنين وتلاتة ..
قال لي نحن ناس سواكني وبس يا زول.
ما عاكستو .. قلت يازول عنصرية لي عنصرية اشتري سواكني غليد، وبنصف سعر البلدي.
المهم لا أسع محتار ليه المواطنين ما بشتروا السواكني،
وليه السودانيين ما بشتروا الا السواكني رغم انه بكون اتربى في الغربة نص عمرو.
شفت العنصرية دي كيف؟
|
Post: #6
Title: Re: منتهى العنصرية ..
Author: عمر التاج
Date: 08-14-2016, 04:25 PM
Parent: #5
في المرة الأخيرة أعطاني الجزار لحم عجل أحمر اللون ..
وقبل اسبوع اعطاني لحم عجل بنفس اللون ولكن بنصف السعر .
طبعا هنا اتحدث عن لون اللحم ..
رغم ذلك فان الطعم مختلف ..
كما أن لون العجل في الحالتين ربما يكون مختلفا ..
فهل لاختلاف اللون والعرق هذا الأثر الكبير في القيمة؟
|
Post: #7
Title: Re: منتهى العنصرية ..
Author: عمر التاج
Date: 08-14-2016, 05:23 PM
Parent: #6
أجزم أن الكثيرين لم يجدوا إي إشارة للعنصرية في البوست..
ولكن بمجرد تمثيل الحيوانات في البوست بشعوب وقبائل السودان يظهر الفرق في تعامل وفهم الناس.
|
Post: #8
Title: Re: منتهى العنصرية ..
Author: عمر التاج
Date: 08-14-2016, 09:12 PM
Parent: #7
حتى الآن لا أجد من يتضامن معي في إدانه العنصرية .. جميل
لنواصل الحكي في نفس المول الاول ..
وبمثل اللحم .. فان المول كان يبيع التفاح الاحمر الفاتح في الاسبوع الماضي بعسر 5 ريالات للكيلو ..
بينما سعر التفاح الأحمر القاني (تفاح جالا) بسبعة ريالات للكيلو ..
أغلب الزوار يشترون من التفاح الأغلى سعرا .. بينما أفضل أنا طعم التفاح الأحمر القاني.
في اسبوع اللحم الاخير وجدت سعر تفاح جالا ارتفع ل 6 ريالات، بينما الأحمر الخفيف نقص سعره ل 4 ونصف الريال.
اشتريت الرخيص لأن كمياته متوفرة، أغلب الزوار واقعين الغالي، مجرد نفسيات منهم.
والنفسيات هنا عكس العنصرية .. ولكنها بنفس السوء في المقدار.
|
Post: #9
Title: Re: منتهى العنصرية ..
Author: Mirghani Taitawi
Date: 08-14-2016, 09:41 PM
Parent: #8
| Quote: فقال لي: حاتساوي لي اللحم البلدي باللحم البربري يا استاذ؟ |
الجزار لو مصري بيكون وزن ليك كيلو ونص عنصرية.
|
Post: #10
Title: Re: منتهى العنصرية ..
Author: حمد إبراهيم محمد
Date: 08-14-2016, 10:21 PM
Parent: #9
يا ود التاج – كمان انت ما تنسى في خرفان مهجنة بتتبع سيدها طايعة مختارة ...
وكمان في تفاح بيربوه في البيوت المحمية زي تفاح الباوقة لكنو ما سمح..
وفي "جداد" بيربوهو في اقفاص محكمة من ما يكون سواسيو لحد ما بكبر لكن ما بكاكي ...
يا اخوي ، الحكاية كلها مبرمجة وممنهجة لمسخ خلق الله، وفرمتت العقول لتلقي الاوامر والاتمار بها متل "الريبوت"...
العملية كووووووولها يبقى الجنس "الآري" هو غالي الثمن وما دونو حتوراب..... !
والله اعلم ...
|
Post: #11
Title: Re: منتهى العنصرية ..
Author: امجد الجميعابى
Date: 08-14-2016, 10:37 PM
Parent: #10
الاخ حمد بالله دي جبتها من وين
ات آ زول زول بطانة و لا شنو
|
|