Post: #1
Title: من يعمل إعلان لكريمات تبييض وتفتيح البشرة هل يُعتبر عُنصري ؟
Author: صبري طه
Date: 08-14-2016, 09:09 AM
09:09 AM August, 14 2016 سودانيز اون لاين
صبري طه-
مكتبتى
رابط مختصر العُنصرية دي شكلها وهم معشعش في أمخاخ البعض !!
فلو قُلت فلان طويل فهل يُعتبر هذا تمييز عُنصري بناءً على الطول ؟
وهذا على وزن فلان أسود بناءً على اللون !!
ولو كُنت أسود وقُلت أن فلان أسود فكيف تعتبرونني عُنصري وأنا في نفس درجة اللّون ؟
وهذا يقودني إلى سؤال آخر فإن قُلت أنّ فلاناً أبيض اللون .. فهل أنا أيضاً عُنصري ؟ لم أسمع/ أقرأ لأحد يستنكر على من نعت آخراً بالبياض ؟
أمثلة لألوان البشرة:
الأسمر
الأخدر
الأصفر
الأحمر
الوصف العُنصري لم أسمعه / أقرأه إلاّ عندما يرتبط باللون الأسود .. عجبي !!
|
Post: #2
Title: Re: من يعمل إعلان لكريمات تبييض وتفتيح البشرة
Author: مني عمسيب
Date: 08-14-2016, 10:25 AM
Parent: #1
صبور .. صباح الخيرات ,,
Quote:
من يعمل إعلان لكريمات تبييض وتفتيح البشرة هل يُعتبر عُنصري ؟ |
المصيبة بيعتبروا الاتنين عنصرين المعلن
والمبيض \ ة نفسو .
اها يا صبور دي نحلها كيف ؟
ولك التقدير ,,,
|
Post: #5
Title: Re: من يعمل إعلان لكريمات تبييض وتفتيح البشرة
Author: صبري طه
Date: 08-15-2016, 07:50 AM
Parent: #2
صباح الخير يا منى .. أدلعك أقول ليك شنو :)
Quote: المصيبة بيعتبروا الاتنين عنصرين المعلن
والمبيض \ ة نفسو .
اها يا صبور دي نحلها كيف ؟ |
الحل أي زول بي كيفو العايز يبقى أبيض والعايز يبقى أسود والعايز يبقى كاروهات :)
يا مُنى في الزواج البعض بيشترط عروس بمواصفات معيّنة ومن ضمن المواصفات مثلاً لونها أبيض أو أصفر أو فاتح مع العلم إنّو هو احتمال يكون لونو أسود :)
يعني نبعد العنصرية من كل المواصفات الطول وعريضة المنكبين وخلافو ونمسك بس في حتّة اللون دي ونصبغها بصبغة العُنصرية !!
|
Post: #3
Title: Re: من يعمل إعلان لكريمات تبييض وتفتيح البشرة
Author: أيمن محمود
Date: 08-14-2016, 10:26 AM
Parent: #1
| Quote: من يعمل إعلان لكريمات تبييض وتفتيح البشرة هل يُعتبر عُنصري ؟ |
زيز وزي البيعمل اعلان لتسمير البشرة يا صبري، زي ظرافتك العايز تعدل خلقتها 
|
Post: #4
Title: Re: من يعمل إعلان لكريمات تبييض وتفتيح البشرة
Author: عوض محمد احمد
Date: 08-14-2016, 03:28 PM
Parent: #3
مبيضات البشرة استعمالها اختياري و ليس فيها شبهة تغول على حقوق احد
عكس الحال في اعلان عن وظيفة مثلا و يتم فيها استبعاد اصحاب لون معين مع استيفائهم
للشروط المطلوبة
|
Post: #7
Title: Re: من يعمل إعلان لكريمات تبييض وتفتيح البشرة
Author: صبري طه
Date: 08-17-2016, 07:08 AM
Parent: #4
Quote: مبيضات البشرة استعمالها اختياري و ليس فيها شبهة تغول على حقوق احد
عكس الحال في اعلان عن وظيفة مثلا و يتم فيها استبعاد اصحاب لون معين مع استيفائهم
للشروط المطلوبة |
طيب إنت لو عايز ليك شغالة للبيت لونها أبيض .. موقفنا منك حيكون شنو ؟!
أو سكرتيرة لشركتك الخاصة لونها أبيض !!
ودي على مقاس لو عايز زوجة لونها أبيض ؟!
|
Post: #6
Title: Re: من يعمل إعلان لكريمات تبييض وتفتيح البشرة
Author: صبري طه
Date: 08-16-2016, 10:00 AM
Parent: #3
| Quote: زيو وزي البيعمل اعلان لتسمير البشرة يا صبري، زي ظرافتك العايز تعدل خلقتها |
سمعت أو قرأت قبل الفترة أنّ الفنانة المصرية شيرين عبدالوهاب عملت تسمير لبشرتها ...
|
Post: #8
Title: Re: من يعمل إعلان لكريمات تبييض وتفتيح البشرة
Author: محمد الزبير محمود
Date: 08-17-2016, 08:27 AM
Parent: #6
| Quote: الوصف العُنصري لم أسمعه / أقرأه إلاّ عندما يرتبط باللون الأسود .. عجبي !! |
لعل الأمر ناتج عن الظلم الذي تعرض له السود عالميا واعتقاد البعض انهم عبيد او دون البيض ولو تعدل الأمر وصرنا نحن السود اسياد الدنيا وسدنا البيض لتغيير الوضع وصار الوصم بالبيض عنصرية !!!
كما كان المسلمون يسمون الروم يومها بني الأصفر وكانوا هم بعد الفتوحات الإسلامية هي الأمة الأضعف ودون العرب بابيضهم واسودهم .
تحياتي
|
Post: #9
Title: Re: من يعمل إعلان لكريمات تبييض وتفتيح البشرة
Author: مني عمسيب
Date: 08-17-2016, 09:13 AM
Parent: #8
صبور .. صباح الفل ..
اول شئ قبال ما انسي دلعني قول لي ( امونة ) ..
وردآ علي
Quote: الحل أي زول بي كيفو العايز يبقى أبيض والعايز يبقى أسود والعايز يبقى كاروهات :)
|
طيب وقت ماعندك قشة مرة فاتحلك بوست في شنو ؟
ههههههههههههههههه .
Quote: يا مُنى في الزواج البعض بيشترط عروس بمواصفات معيّنة ومن ضمن المواصفات
مثلاً لونها أبيض أو أصفر أو فاتح مع العلم إنّو هو احتمال يكون لونو أسود :)
يعني نبعد العنصرية من كل المواصفات الطول وعريضة المنكبين وخلافو ونمسك بس في حتّة
اللون دي ونصبغها بصبغة العُنصرية !! |
والله يا صبور لو جيت للحقيقة ناس كتر ماراضين بخلقهم وي ما اقول ليك
لو جيت العالم الاوربي هنا ناس بتشمس نفسها لما اجسامها تتحرق يقول ليك
دايرين يكونوا شوية براون اي داكنين ... خواجيات كتار متزوجين سود عشان
عيالهم يجوا داكنين لانهم بحبوا الدكانة .
احكي ليك قصة :
في العمارة الساكنة فيها عندي جارتي هولندية ظريفة بنتشاحد اها مشيت
اجيب لي منها حاجة الله يسلني يا صبور فتح لي الباب راجلها قلت ليهو
الزولة دي وين قال لي تعالي شوفيها هههههههه مشيت لقيتها معرضة وشها
لي جهاز تحت البنفسجية ههههههههه ووشها محممممر ودموعها جارية من
الاشعة البنفسجية قلت ليها دا شنو ؟ قالت لي دايرة ابقي ( براون ) هههههه
ولاحظ البراون بس الوش يعني الوش بروان باقي الجسم ابيض ههههههه
يعني بني بي ابيض هههههههههه . زينا كدا اسود بي ابيض ههههههههههه
غايتو مافي قناعة تاااامة .
ولك الشكر يا الحبيب الموضوع لذيذ وقيافة .
|
Post: #10
Title: Re: من يعمل إعلان لكريمات تبييض وتفتيح البشرة
Author: ود الباوقة
Date: 08-17-2016, 09:41 AM
Parent: #9
Quote: اها مشيت
اجيب لي منها حاجة الله |
مية في المية باكنبادودر
اليومين ديل ايام زلابية في هولندا
صبري لك الود
|
Post: #11
Title: Re: من يعمل إعلان لكريمات تبييض وتفتيح البشرة
Author: مني عمسيب
Date: 08-17-2016, 09:45 AM
Parent: #10
| Quote: مية في المية باكنبادودر |
بما اني حذرتك ما تبارني لكن وقت مصر حا ارد عليك
انت يا يما خليتك ههههههههههه عرفت كيف ؟
تصدق ياها شحدتي ليها يا ملح يا بكنباودر هههههههه.
براميل من التحذيرات برائحة الياسمين ,,,
|
Post: #12
Title: Re: من يعمل إعلان لكريمات تبييض وتفتيح البشرة
Author: ود الباوقة
Date: 08-17-2016, 10:55 AM
Parent: #11
| Quote: براميل من التحذيرات برائحة الياسمين ,,, |
بس ما تكون الوردة حمراء
لانو بتعمل لي طنين وسكسكة في عظم الترقوة
مودتي
وبالهناء الزلابية
عقبال ( ام علي )
|
|