مساعده لتعلم الضبيحه للاضحيه 🍃🐏🐏

05:18 AM August, 13 2016

سودانيز اون لاين
الطيب عباس-ناوي للبلد الامين
مكتبتى
رابط مختصر

السلام عليكم بما انو الاضحي علي الابواب والضباحين اتدلعو والسنه الفاتت الا بي ١٠٠ ج والجلد والراس 😂🐏
السنه دي مامعرف كم حيكون ..
فعاوزين الجزارين والناس البتضبح يعلمونا ضبيحه الخروف الصحيحه هنا في البوست دا ..نظري عملي فيديوهات ..
علي فكره الاسعار حتضبحك كان ما باصرت الخروف بي نفسك ..
والله يعينكم علي حق الخروف وكل عام وانتم بخير من هسه 🍃🌹

سلام يا ابن اخي يا الطيب ود حلتنا الصغير الكتفو لحقت كتفنا
سيرة الذبح دي في هذا الزمن بتجيب الهوا
هذا من جهة، من جهة أخرى خلي الضباحين يسترزقوا ياخ
لو كل زول غسل و كوى وصلح اسلاك كهربتو ومواسير مويتو الخ براااهو، الصنايعية الهامشيين ديل يعيشوا كيف؟

Quote: م يا ابن اخي يا الطيب ود حلتنا الصغير الكتفو لحقت كتفنا سيرة الذبح دي في هذا الزمن بتجيب الهوا هذا من جهة، من جهة أخرى خلي الضباحين يسترزقوا ياخ لو كل زول غسل و كوى وصلح اسلاك كهربتو ومواسير مويتو الخ براااهو، الصنايعية الهامشيين ديل يعيشوا كيف؟

حبابك الف استاذ معاوية الزبير
عساكم بخير

هههههه الضبح صح بجيب الهواء ههههه
مرة جبت لي مفتاح مروحه قيمتو 20 ريال الكهربجي قال بركبو بي 100 من ديك طوال بقيت كهربجي .. ههههههه وسباك وناوي ابقي ضباح خرفان في زمن كل زول بقي يتمني في اي شي

تحياتي

المنبر عدم الجزارين 😂

يا بنى الضحية لا نجب على الفقراء ولا الاغنياء
حينما اقرأ مثل هذا الكلام من شاب مثلك اصاب باليأس والقنوط من امكانية التغير

Quote: يا بنى الضحية لا نجب على الفقراء ولا الاغنياء حينما اقرأ مثل هذا الكلام من شاب مثلك اصاب باليأس والقنوط من امكانية التغير

سلامات دكتور ..
عندنا سماية كرامه طيب ما نتعلم ههههههه

تحياتي

في زمنا الكان يقوم البعشوم يهجم ليك الغنماية في الخلا وينكنكش ليها في رقبتها لمن تفطس
اها لو حصلتها و هي تحتضر بقولو ليك لازم تحللها لكن الشرط الوحيد البخلي الضبيحة حقتك حلال انك تكون مطهر.

طبعا الواحد من عمر عشر بكون ضارع ليهو سكين لكن موضوع الطهور ده ما بتقدر تكذب فيهو لانو اي طهور في الحلة عملو ليهو مناسبة زيها و زي اي مناسبة زواج.

و علي كدا اتعلمنا الضبح

____________
و تقول لي بس الدواعش هم البضبحو

______________
سلام ود عباس

ههه ههههههههههه رجاله تعلمتو

ياخ انا ضبحت حمام جداد وقمري وود ابرق وعشوشه .. والفرة .. ههههه
بس خرفان دي لازم اتعلمها

Quote: في زمنا الكان يقوم البعشوم يهجم ليك الغنماية في الخلا وينكنكش ليها في رقبتها لمن تفطس اها لو حصلتها و هي تحتضر بقولو ليك لازم تحللها لكن الشرط الوحيد البخلي الضبيحة حقتك حلال انك تكون مطهر. طبعا الواحد من عمر عشر بكون ضارع ليهو سكين لكن موضوع الطهور ده ما بتقدر تكذب فيهو لانو اي طهور في الحلة عملو ليهو مناسبة زيها و زي اي مناسبة زواج. و علي كدا اتعلمنا الضبح ____________ و تقول لي بس الدواعش هم البضبحو ______________ سلام ود عباس

سلام يا الطيب راجع الخاص

شوف يالطيب يا ولدي
تجيب الخروف وتوجه صلبو علي اتجاه
القبلة
وتقيس شبر من راس الضنب وانت طالع
وتقطعو
بس اعمل حسابك ما تحرجم الضنب😜😜
بهظر معاك ما تمشي. تعملها بالجد 😜😜

هههههه كلكم شكلكم بضبح ليك الجزار ههههههههه زي ما قال الحنكوش جابو الخروف وقامو قشرو ههههههههه

Quote: عزالدين ...... تحياتي قال الشيخ العودة: شعره مخلوط مابين الشيب والسواد يعني تقريبا نصف شعره أبيض وتصف شعره أسود............. والصحيح حسب ما نقل في كتب السير: . Quote: كان شديد سواد الشعر ولم يكن شعره بالجعد القَطَط (شديد الجعودة) ولا بالسَّبِط (المرسل)، كان جعدًا رِجلا (فيه تثن قليل. وكان شعره يصل إلى أنصاف أذنيه حينًا ويرسله أحيانًا فيصل إلى شَحمَة أُذُنيه أو بين أذنيه وعاتقه، وغاية طوله أن يضرب مَنكِبيه إذا طال زمان إرساله بعد الحلق. ولم يحلق رأسه بالكلية في سنوات الهجرة إلا عام الحديبية، ثم عام عمرة القضاء، ثم عام حجة الوداع. كان يرسل شعره، ثم ترك ذلك وصار يفرقه من وسط الرأس. توفي وليس في رأسه ولحيته عشرون شعرة بيضاء.

تحياتي لضباحين البورد .. وسحقا لضباحين السوق
عارف يالطيب ذبح الخرفان ده أسهل حاجة .. ما عليك الا ترقد الخروف على جنبه الايسر وتستقبل القبلة وتقبض الحنجرة وتسمي وتشلخ ..
أول مرة (ضبحت) كنت في سنة أولى ابتدائي، جانا عمنا من حلفا الجديدة ولقى الوالد في السوق، قال مستعجل ومابنتظرو بس سلموا لي عليهو ..
أمي قالت لي ما بنخليهو يمشي بدون ما يتغدى .. كلم خالك يجي يضبحلو عتود من الزريبة نعملوا شية سريع ويختر.
زعلت من كلامها وقلت ليها ما لنا ما رجال .. علي الطلاق كان اضبح أنا .. شلت الجزازة وخشيت الزريبة قبضت لي بهيمة قدري وشنقلتها،
ولما نزلت فيه بالسكين وبي حرقة لقييت راس البهيمة كله في يدي.
خالي لمن وصل وعاين للبهيمة مضبوحة قال لي ارتكبت ثلاثة أخطاء، أول شي قطعت راس البهيمة كله ويفترض تقطع الحلقوم والوريدين بس...
الحاجة التانية حرجمت البهيمة عشان خليت الحنجرة مع الكتف، تالت شي ضبحت لك انتاية ههههه.
ومن يوم داك سكيني تاني ما وقفت .. ولمن أعاين للباكستانيين ديل الواحد فيهم بنحر قطيع الابل ويجرز زريبة بقر لوحده ، بقول أريتني أبقى جزار زيهم.

سلمت يداك يا ود التاج من السنة ان تضبح بنفسك لازم نتعلم

معجزة الذبح فى الإسلام (موضوع شيق يستحق القراءة)
***************************************
سؤال : دكتور جون ... لو قُطعت العروق الدموية التي في مقدمة الرقبة عند الحيوان فما الذي يحدث لهذا الحيوان ؟؟
ـ الدكتور : ما يحدث علمياً للحيوان أو الإنسان عند قطع العروق الدموية الموجودة في مقدمة الرقبة ، هو إصابة هذا الكائن الحي بالإغماء فوراً ...
...
ثم قام الدكتور بإعطاء مثال لذلك فقال لو تم خنق أحد الأشخاص من رقبته ، وضُغط عليها قليلاً فإنه سرعان ما يصاب بدوار شديد وعدم تركيز ، وذلك لصعوبة وصول الدماء إلى المخ ، وإذا زادت مدة الضغط على الرقبة يفقد الإحساس ويصاب بالإغماء.
سؤال : إذاً ... قطع العروق الدموية الموجودة في مقدمة الرقبة عند الحيوان المذبوح وإخراج الدماء لخارج جسم الحيوان يُفقده الوعي؟الدكتور: نعم ... بالطبع .
سؤال : إذاً هل يشعر الحيوان المذبوح بأي آلام بعد قطع الرقبة مباشرة ؟ الدكتور : بالطبع لا فهو فاقد للوعي تماماً. سؤال :إذاً لماذا يقوم بأداءهذه الحركات التشنجيةالتي توحي بأنه يتألم ؟؟
الدكتور : لأن عند قطع هذه العروق الدموية مع عدم كسر عظام رقبة الحيوان المذبوح وهذا ما يحدث تماماً في طريقة الذبح الإسلامية ، فإن تغذية المخ بالدماء تنقطع ، والدماغ لا يزال حي ، والجهاز العصبي الموجود في الرقبة من الخلف مازال متصل بكل أجهزة الجسم ، فيقوم الجهاز العصبي بإصدار إشارات إلى القلب وإلى العضلات وإلى الأحشاء ، وإلى جميع الخلايا الموجودة في جسم الحيوان لإرسال دماء إلى الدماغ.. وهنا تتحرك الخلايا والأحشاء والعضلات في جميع أجزاء جسم الحيوان تحركات تشنجية تقوم من خلالها بدفع الدماء إلى القلب الذي يقوم بدوره بضخ الدماء إلى الدماغ ولكن الدماء تندفع خارج جسم الحيوان بدلاً من الصعود إلى المخ ، وذلك بسبب الأوردة المقطوعة في الرقبة ، وهكذا يظل الجهاز العصبي يعطي إشارات ، وأجهزة الجسم ترسل الدماء فتخرج خارج جسم الحيوان ، حتى يتم تصفية جسم الحيوان من الدماء الموجودة فيه ، أما الفكرة الشائعة أن الحيوان يحس ويتألم عند ذبحه بهذه الطريقة فقد ثبت علمياً أن هذا الكلام خاطئ تماماً ، فكما ذكرنا بمجرد أن يتم قطع الأوردة الدموية يصاب الحيوان بالإغماء ويفقد الإحساس نهائياً ...
ـ سؤال : ولكن ... من الناحية الطبية ، هل من المصلحة أن تترك الدماء في جسد الحيوان دون تصفية ، أم أن تصفية جسد الحيوان من الدماء تعتبر أفضل ؟؟
ـ الدكتور : الدماء من أخصب البيئات لنمو الجراثيم ، كما أنها تحمل هي بنفسها مواد ضارة لجسم الإنسان ، ولو بقيت هذه الدماء في اللحوم بعد موت الحيوان مباشرة فإنها تكون بيئة صالحة وخصبة لنمو الجراثيم ، إلى جانب ما فيها من أمور كان لابد وأن تتخلص منها ...
ـ سؤال : فما رأيك في الطرق الأخرى لذبح الحيوانات وخصوصاً الطرق المستخدمة في أغلب البلاد الأوربية من ضرب الحيوان على رأسه حتى يصاب بالإغماء ثم القيام بذبحه بعد ذلك ؟؟
ـ الدكتور : هذه الطريقة لها عواقب خطيرة على صحة الإنسان ، وذلك لأن الحيوان إذا ضرب بهذا الشكل يموت موتاً بطيئاً ، وهذا الموت البطيء يكون سبباً في أن يفقد الغشاء المبطن للأمعاء الغليظة قدرته على حجز البكتريا الموجودة في الأمعاء الغليظة الموجودة في جسد الحيوان ، فتخترق البكتريا جسد الحيوان وتجد الدماء فتسبح فيها وتسير وتتفاعل معها حتى تنتشر في جسد الحيوان كله ، وأسلم طريقة لتناول لحوم خالية من الدماء والبكتريا هي بالتخلص من دماء هذا الحيوان وإخراجها منه
"""
"""
""
"
*رحمتك ربـــى

هييع شكلكم ناس أكل ساي

.

حبيبنا الطيب
شوف الفيديو دا

الطيب عباس وشركاه
كل سنة وانتوا طيبين
يازول دا ضبح لا فتوى لا لا رياضيات لا معلومة تلقطها نظريا وفيديويا
فيديويا دي بتجي ولا ما بتجي ماعارف
عموما بحكم الخبرة في ضبح خرفان الرحلات .. لازم واحد يمسك ايدك دي
ويطبقها بالسكين وفي رقبة البهيمة ... بيان بالعمل
خو انت ذاتك لغاية هسي مابتعرف تضبح ليه !!!؟
اخوك احمد / تعليم الكبار

مرحب احمد يس
عماد الفيديوهات ميه ميه 👍

الموضوع قديم من السنه الفاتت المهم علمونا السلخ لانو الرقبه دي قطعتا انا في كرامه السنه الفاتت في كوستي

🤓دحين الخروف بي كم آناس

سلام،
شكلك ما كنت بتتفرج في الضبح وانت صغير.
بالنسبة لي زي سواقة العربية ...... إتفرجت كتير قبل ما أسوق ..... وكنت ما بفوّت ضبيحة ... لما آن الأوان ضبحت بكل سلاسة.

بس هسي مافي مروّة.

يا زول ادي الضباحين 100 والجلد والرأس صدقة مالك ومال مرمرة اللحم ومردغتو في التراب
وتجيبو ملان جرائد وكسار حطب ومليان صوف. ولامن الناس يتغدو انت لحمك دا ما بيمرق.

هسي يعني عايز تتعلم الضبح السنة دي وتوكل الناس لحم نضيف؟؟؟
كان تتعلم في الرحلات والمعسكرات الناس هناك ما بتكون فارزة
هسي عيد الضحية كل زول بي لحمو- ما تخرب لحم خروفك بي سكين ضراعك

وان كان لابد في قروب في الفيسبوك اسمهم (وصف لي) كان قلت ليهم وصفوا لي بيتنا
بتلقي زول يجاوبك وبي الجي بي اس- يجيب ليك اكرة بابكم مصورة.

Quote: يا بنى الضحية لا نجب على الفقراء ولا الاغنياء حينما اقرأ مثل هذا الكلام من شاب مثلك اصاب باليأس وال################ من امكانية التغير

ياسلام يا د. احمد الحسين، لما أقرأ مثل هذا الكلام يحدوني الامل بان الدنيا مازالت بخير.
لفتة، لصاحب البوست وللقراء:
لماذا نتقرب لله بقتل حيوان!!!
ماذنب ومادخل الحيوان في كوني احج او لا احج
اعبد او لا اعبد، او أقوم بأداء باقي طقوسي الدينيه
الاخري او لا اقوم؟
نحن غير مجبورين ولا مكلفين، بان نفعل
مامفعله أسلافنا!!

Quote: عندنا سماية كرامه طيب ما نتعلم ههههههه

كرامة تعني بهجتنا ولاتعني كدرنا والمنا، وعليه، يتحتم علينا شكر الله، لا غضبه!!
لماذا، نهدر روح سديَ في عملية شكرنا لله!!

مالم نترك قتل الحيوان بهذه الصورة البشعه لايمكن
تقيف حروبنا العالمية!!

قساوتنا مع الحيوان تعكس مدي قساوتنا مع
بعضنا البعض(داخل الوطن الواحد وخارجه)!!

لما نعرض فيديو وفيه عملية ذبح لحيوان بهذه
القساوة وبهذه البشاعة والفظاظة مفترض مانلوم
انفسنا ولا نلوم أبنائنا لما يقوموا يفجروا انفسهم
وغيرهم بحزام ناسف!!!
إذا ربنا إبتلانا بهذه العادة الضارة المتخلفة علينا ان لا نجاهر بها(إذا بليتم فإستتروا)!!!

نذبح وأولادنا تتفرج علي المشهد فرحانا مسرورة
ونحن نشجعهم علي ذلك!!!

تأكيدٱ ... نحن . بهذة الصورة لينا بالناس
المنوط بيهم عمارة الأرض بل العكس صحيح!!!