مبادره افطار طلبه المدارس بكوستي تستحق الدعم يا اولاد كوستي 🍃شدو الحيل

11:06 AM August, 12 2016

سودانيز اون لاين
الطيب عباس-ناوي للبلد الامين
مكتبتى
رابط مختصر

*بسم الله الرحمن الرحيم*

*رابطة ابناء كوستي الحنينة* الفيس بوك

مد ايدك للخير ..

*وعشان عيون اطفالنا ما تضوق الهزيمة*

وايد علي ايد بتجدع بعيد ..

*مبادرة افطار طلبة المدارس ..*
لا تخفي علينا الحالة الاقتصادية والظروف التي يمر بها كل بيت .. اتخيل معاي منظر طالب في مدرسة اساس ما لاقي حق الفطور لانو اسرتو ما عندهم قروش وهو بعاين لي زميلو بجي بي السندوتش بتاعو او بشتري الفطور بتاعو وبيفطر قدامو .. احساس حار جداً وبولد داخل الطلاب احساس بالدونيه وهو ما عندو ذنب في الحاصل .. وعشان كده بجي دور منظمات العمل الطوعي والشباب ..
شينه مننا نحن اولاد وبنات كوستي ما نسد الفجوة الحاصلة دي .. وعيب علينا لانو كوستي امنا ووطنا وما ربتنا علي التخاذل والتنكر ليها ولي اي زول منها مهما لاقيتو في اي مكان ..
زول كوستي متميز بترابطو ..
زول كوستي في اي حته بتلقاهو .. خلي يكون في كوستي وفي قمة الحوجة ليو ..

*بدينا مبادرة افطار المدارس والتفاصيل حتي الان لتكلفة الشهر كالاتي:*
الان بنشتغل 450 سندوتش تفاصيلها كالاتي
50 عيشة تبرع من فاعل خير
400 عيشة بنشتريها
بنجهز 7 كيلو فول انجليزي الكيلو بي 14 جنيه
رطلين زيت بي 20
والحمدلله في فاعلين خير وفرو لينا المكان البنجهز فيو وبساعدونا برضو بي الطبخ وحشي السندوتشات
وانحن بنوزع في 5مدارس والناس الشغالين في الفطور كلهم 7 اشخاص والناس ديل مرات بتحصل ليها ظروف منها العيا وغيرو وهم فرقو نفسم لي الفطور مخصوص فيلا الناس دي تساعدم البقدر يجي يشتغل او بي اي طريقة
محل تجهيز الفطور في مطبخ عنبر الاطفال في المستشفى
مع العلم انو شوال الفول بي 310 وجركانة زيت سمسم بي 280

*للمساهمه بتحويل الرصيد:*
0911630389
0123709041

*مد ايدك للخير وشارك في سد جوف جائع*

للاستفسار:
0123130389
00966502172380
0961750083
00966533179206
ومع العلم انو في قروب في الواتس للاضافة 00966502172380
او0123130389 او00966533179206

فوق

فووووووووق
وهذا اضعف الايمان

مرحب الطيب
وضيوفه
التجربة جيدة
نشأت قبل ثلاثة سنوات معتمدة اعتماد اساسي علي سكان الحي . مع التنسيق بإدارة المدارس
وفرت وجبة الافطار لعدد من المدارس
نجحت التجربة وهي تجربة قابلة للتطبيق في كل مدن السودان
الوجبة اقل ما يمكن سندوتش فول سادة . علي المتبرع توفيره او توفير ثمنه شريطة ان يكون التبرع مستمرا

يلا يا اولاد المدارس

يابكري عووووووك ارفع البتاع دا فوووق

انا متاكد انتو قدرها

فوووووووووووق
وهذا اضعف الايمان
معقولة بوستات الخير يتفرج عليها الناس
وبوستات الشر والضغائن تمتلئ بالمشاركين

والعجب بوست الشوايقة الذي اتهموك فيه بالعنصريه يا مناضل وصلت مشاركاته صفحتين وحاجه

تباشير طيبة ومتابعه لصيقة فاعل خير تبرع بصفيحه طحنية وكرتونه مربي وسيتم تغير الافطار يوم الاحد 28-8-2016 من طع مية الي طحنية .. يا سلام ياسلام ..
بوركت وعوفيت رزقكم الله من فضلة
ولسع في انتظار الدعم لدخول مدرستين جداد في الحملة ..

منقول من اعلام الرابطه

مرحب حبابك ود ابو سن .. نعم كما قال النبي صل الله علية وسلم ( خير الاعمال الي الله ادومها وان قل ) او كما قال .
الخير موجود في انسان كوستي وفي كل السودانين بس عاوز الدفره ( والبوشينج ) الله لا قطع المروة وبوركتم اينما كنتم

Quote: مرحب الطيب وضيوفه التجربة جيدة نشأت قبل ثلاثة سنوات معتمدة اعتماد اساسي علي سكان الحي . مع التنسيق بإدارة المدارس وفرت وجبة الافطار لعدد من المدارس نجحت التجربة وهي تجربة قابلة للتطبيق في كل مدن السودان الوجبة اقل ما يمكن سندوتش فول سادة . علي المتبرع توفيره او توفير ثمنه شريطة ان يكون التبرع مستمرا

احيطكم علم احد ابناء كوستي البرره بالمهج تبرع بتكاليف باقي هذا الاسبوع ..

والي الامام

فوووق

من قروب الشباب بكوستي التاريخ ٢٧-٩-٢٠١٦ الساعه ٩ م



فطور بكره جاهز ولكن مقبل الايام لو م جات اشتراكاااات تبقي مشكله

بسم الله الرحمن الرحيم رابطه شباب كوستي مبادره أفطار الطالب المحتاج 4شهور من العمل المتواصل ولسه مواصلين عشان عيون اطفالنا والدنيا بخير وشباب يؤمن بأن القول يتبعه فعل والفعل حراك مجتمعي ___ نحتاج للشباب كوستي لأكمال المبادره وعشمنا في الجميع كل الخير لتحويل الرصيد والمساهمه 0911107132 __709041 0123 للاستفسار 0121953025

إفعل الخيـر بصوت هادئي😶غداً يتحدث عملكـ بصوت مرتفع✨
ابو عباس ميديا ✨

✨
قال الله تعالى
عن سيدنا موسى
( عليه السلام ) :
﴿فَخَرَجَ مِنْهَا خَائِفًا يَتَرَقَّبُ ﴾
ثم ..
﴿ فَسَقَىٰ لَهُمَا ثُمَّ تَوَلَّىٰ
إِلَى الظِّلِّ ﴾
ثم ..
﴿ لَا تَخَفْ ۖ
نَجَوْتَ مِنَ الْقَوْمِ الظَّالِمِينَ ﴾
‏صنائع المعروف..
تبدد المخاوف ..
وتصرف الغوائل(المصائب)

والله لا يضيع أجر المحسنين

✨انت لا تحتاج لمساعده احد .. فقط تحتاج للثقه بالله
صباحك ثقه
طيب القوم

للاسف الشديد الميزانيه صفــــــــــــــــــــــــــــــــــر وتوقف الافطار ليومين ولكن املنا بالله كبيـــــــــــر

لكوستي وجوه أٌخري

.