.. سهام والهام * من ايقونات الجمال في هذا المنبر عصيات على الحروف توفيهن وصفهن رغم انهن طوعن الحروف لنشر المحبة والخير والجمال وطيب الكلم ملامحهن تشبه السودان بنات بلد اصيلات فهم وثقافه ومعرفة وادب خطاب ورصانة كتابه
* سهام والهام قصة في كتاب مطالعة زمان ايام الابتدائي لصديقتين من بنات عطبره والخرطوم
Post: #2 Title: Re: اميرة السيد وبسمات الشيخ Author: علي محمد الفكي Date: 08-09-2016, 02:08 AM Parent: #1
ولان الجمال يهدد عرش القبح والخير يقلق منام الشر تعرضت الاميرة والبسمات للعنف اللفظي من الصغار والاستقصاد من الفطريات اللزجة خاصه عبر نافذة الفيس في محاوله لمنعهن من الاستمرار في نشر المحبه والخير والجمال عبر كتاباتهن
Post: #3 Title: Re: اميرة السيد وبسمات الشيخ Author: علي محمد الفكي Date: 08-09-2016, 02:10 AM Parent: #2
اقدر واتفهم قراركن بالابتعاد والتوقف فللصبر حدود وللتحمل طاقه يتوقف عندها وليس الذكر كالانثى وان الورود لا تحتمل غرس الشوك فيها ولكن اسمحن لي ان اقول لكن ان انسحابكن يعني ان الجمال والخير استسلم للقبح وان القبح والقحل سيتمدد ليصل حتى الى الجروف ويحيلها بوار وهذا ما يريده القبح ويسعى اليه واعلمن ان تواجدكن يعني ان نغرس وردة ونخله امام البوار ليتراجع وينكمش وان نضئ لمبة في وجه الظلام ليتوارى واتمنى واتعشم ان تعودن شموس تهب الضياء وترياق يعطي العافية للمنبر
Post: #4 Title: Re: اميرة السيد وبسمات الشيخ Author: أبوبكر عباس Date: 08-09-2016, 03:23 AM Parent: #3
بكري دا مرات تشعر بيهو ضعيف جدا. كيف يعني ناس بتكتب عندك في المنبر وما قادر تحميهم من شذاذ الآفاق بتاعين الفيس بوك؟؟!!
لو غالبك تدير المنبر دا، بيعو لي كلها ألفين دولار برسلن ليك بW.U
Post: #5 Title: Re: اميرة السيد وبسمات الشيخ Author: علي عبدالوهاب عثمان Date: 08-09-2016, 08:27 AM Parent: #4
حبيبنا ود الفكي .. مودتي يا اصيل .. فقد كبير جداً .. يكفي ترجمة كتاب بن لادن .. زملائي في الشركة من الحضارم واليمنيين اصبحوا من قراء سودانيز بعد تلك الترجمة الرائعة لكتاب إستيف كوول .. ما زال كل واحد منهم يقتني طبعة ورقية من الكتاب ..
بفقد بناتنا لم يعد للمنبر بريق ..
شكراً ودالفكي .. مودتي
Post: #6 Title: Re: اميرة السيد وبسمات الشيخ Author: الهادي الشغيل Date: 08-09-2016, 08:37 AM Parent: #5
تلقيت من الأميرة بنت السيد الرسالة التالية على الماسنجر :
Quote: وجدت ان بسمات العطبراوية ما علقت في البوست الرياضي الخاص بعطبرة وانا اعلم انها شغوفة بعطبرة.. وعرفت منها انها غادرت المنبر العام نهائيا وانها شرحت ذلك في بوست الموصلي.. ووجدتها قد كتبت رسالة في الماسينجر وقالت انها غادرت المنبر العام ولكنها ستعود من وقت لآخر لتقرأ للهادي الشغيل والدرديري والشقليني وعبد الله وبعض ادباء المنبر...والله يديك الصحة والعافية
وفي سياق متصل في رسالة أخرى :
واعتقد ان غيابها عن المنبر فقد كبير لاني انا ذاتي بستمتع بكتاباتها الهادفة.. وقلت اذا ناس عطبرة كلموها يمكن ترجع للكتابة مرة اخرى.. وياريت تكتب ليها في الخاص عشان تعود لروائعها...طبعا انا غادرت المنبر قبل شهور ولكن لاسباب اخرى.. وبصراحة المنبر اصبح شئ لا يطاق من الشتائم والسباب القبيحة.. والله يديك الصحة والعافية
Post: #7 Title: Re: اميرة السيد وبسمات الشيخ Author: الهادي الشغيل Date: 08-09-2016, 08:46 AM Parent: #6
أرسلت للأخت أميرة الرسالة التالية :
Quote: الغالية أميرة :
صراحة لا أدري ماذا أقول لك فإن غيابك عن المنبر أحزننا وآلمنا كثيراً فكم استأنسنا بما تكتبين فأنتي نموذج للأخت المثالية والكاتبة المتزنة في آرائها وأتمنى منك ألا تلتفتي لكل ناعق تجرد من معنى الانسانية وأطلق مداده بالسب والشتيمة ... فالجبال الشماء لا يضرها سهام خشبية أطلقت من قوم لا خلاق لهم ولا يضر السحاب نباح الكلاب .. أتمنى أن تعودي لمنبرك أختي قلماً رصيناً سيالاً كما عهدناك ولك أن تعكسي وجهة نظرك للأخ بكري وتقدمي شكواك له وسنيصفك لا محالة
وهذه الرسالة بعثت بها للأخت العطبراوية بسمات :
Quote: الغالية بسمات تلقيت بحزن عميق رسالة من الأخت أميرة السيد أحزنتني وأوجعت قلبي وقد تفاجأت بصراحة بمغادرتك للمنبر وما كنت أتوقع أن تغادر بسمات هذه الفتاة خفيفة الظل صاحبة القبول من كل أعضاء المنبر .. بسمات صاحبة أفق واسع وأفكار جميلة جريئة تصدع بالحق تعشق عطبرة حد الثمالية ... ذات أسلوب جذاب جعل كل أعضاء المنبر يحبونها . يا ترى ما هي الأسباب من وجهة التي دعتك لاتخاذ هذا القرار الصادم لنا ؟؟ آمل مراجعة قرارك والعدول عن رأبك والرجوع لأخوتك وأخواتك في المنبر . دمتي بخير أختي
كسرة : من ينصفهن ويعمل على عودتهن للمنبر يا ترى ؟؟؟
Post: #8 Title: Re: اميرة السيد وبسمات الشيخ Author: ود الباوقة Date: 08-09-2016, 08:50 AM Parent: #7
اتمنى عودتهما سريعا
مع مطالبة الاخ بكري باغلاق صفحة الفيس بوك نهائيا
بعض من يكتبون فيها لا اخلاق لهم
شكرا ود الفكي
فناطيز من الود
Post: #9 Title: Re: اميرة السيد وبسمات الشيخ Author: طارق ابراهيم ابوالفضل Date: 08-09-2016, 09:02 AM Parent: #8
الاثنتان قمة في الاحترام
لا اعلم من المستفيد من ايقافهما و لماذا
تواجدكما مهم للغاية ..............من في مقدوره هذا فليجتهد
Post: #10 Title: Re: اميرة السيد وبسمات الشيخ Author: ياسر السر Date: 08-09-2016, 09:15 AM Parent: #9
حزنت حزن عميق لهذا القرار من هاتين الاختين العزيزتين اللتان عرفناهما هنا كاختين محترمتين لا نفرق بينهم وبين اخواتنا شقيقاتنا فارجو منهم العدول عن هذا القرار الذي اعتبره ضعف منهن لان الانسان لابد ان يدافع عن وجهة نظره ويجب عليهم ابداء ارائهم بكل شفافية وبكل حرية .. اخواتي العزيزات بسمات والاميرة اميرة السيد نحن نحتاجكم كاخوات لنا هنا نتواصل معكم ونعرف اخباركم ووجهات نظركم فلا تحرمونا من التواصل معكم ... والامر لكم ..
تحياتي : ياسر العيلفون ,,,,,
Post: #11 Title: Re: اميرة السيد وبسمات الشيخ Author: Hatim Alhwary Date: 08-09-2016, 11:29 AM Parent: #10
Quote: وليس الذكر كالانثى
تحياتي اخ علي
بصراحة انا عندي تحفظ على مسالة التمييز "الايجابي" للانثى دي والتي قد يظنها البعض ايجابية ولكني اعتقد انها "سلبية" والاصرار على جعلها "قارورة" قابلة للكسر والتهشيم
والسلوك دا بالمناسبة ليس في صالح المراة...خصوصا اذا كانت مستنيرة ارتضت الخروج للعمل العام اوالمشاركة بالمنتديات العامة لمن تقول عام معناه عكس نخبوية او خاص...مفتوح للجميع حتى شذاذ الافاق والفكر
المراة لا تحتاج حماية او تمييز ايجابي ولكن تحتاج مساواة...يجري عليها ما يجري على زميلها بالبورد "مثلا" او اي مكان اخر...عندها حق تاخدوا...عندها واجب تقدموا وبس
تحياتي
Post: #12 Title: Re: اميرة السيد وبسمات الشيخ Author: الهادي الشغيل Date: 08-09-2016, 12:06 PM Parent: #11
نتمنى تداخل بكري مالك الحوش في هذا البوست .. عايزين نعرف وجهة نظره في هذا الخصوص .. اظهر وبان
Post: #13 Title: Re: اميرة السيد وبسمات الشيخ Author: سليمان القرشي Date: 08-09-2016, 01:28 PM Parent: #12
سلامات صاحب البوست والضيوف الاكارم حقيقة نسبة لكثير من الامور لم اتابع المنبر منذ فترة الاخت بسمات والاخت اميرة فقد كبير للمنبر لانو يمثلن ركن مهم جدا وسبحان الله كنا نتمني ان تجد الاخت امتثال باسويرد حتي يكتمل مثلث الابداع والفن والجمال ومن البوست دا عرفت انهن غادرن لكن سيعودن وهن اكثر القا وجمالا ونتمني ان لاتطول
Post: #14 Title: Re: اميرة السيد وبسمات الشيخ Author: علي محمد الفكي Date: 08-09-2016, 02:16 PM Parent: #13
Quote: لو غالبك تدير المنبر دا، بيعو لي كلها ألفين دولار برسلن ليك بW.U
ابوبكر عباس تحياتي 2000 دولار دي بدفعه بكري راتب شهري لي كاتب واحد ما يكون بدفع ليك 50 دولار بس وانت ما جايب خبر نافذه الفيس وبعض المتفلتين في المنبر فعلاً يحتاجو لحسم من بكري
Post: #15 Title: Re: اميرة السيد وبسمات الشيخ Author: محمد نور عودو Date: 08-09-2016, 03:41 PM Parent: #14
سلامات الاخ الفاضل علي محمد الفكي اتمني ان يكون الاختين العزيزتين اميرة وبسمات بخير واتمني ان يكون غيابهن فترة راحة قصيرة ويعودن للمنبر وربنا يحفظهم من كل سؤء تحياتي
Post: #16 Title: Re: اميرة السيد وبسمات الشيخ Author: امجد الجميعابى Date: 08-09-2016, 04:12 PM Parent: #15
و الله يا اخواتي بلدكن بعيد خلاس لكن قبيل اكان قريب الواحد يختف كراعو لا عندكن و يحلف عليكن طلاق راسو عديل.
بالله ما تمشن
Post: #17 Title: Re: اميرة السيد وبسمات الشيخ Author: عبدالعزيز الفاضلابى Date: 08-09-2016, 04:26 PM Parent: #16
نصيحتى لهن الا يعدنَ ,, الخلاء الاسفيرى واسع وسيجدن من يحترمهن ويفهم رسالتهن وانصح كل الأخوات الانسحاب من هذا (المنبَز) حتى يبلغ كتابه (الذكور) الرشد. التحية لهن ولكل السودانيات . موضوع ذى صِلة: مافضل ليك الاتشربى سجايرمافضل ليك الاتشربى سجاير
Post: #18 Title: Re: اميرة السيد وبسمات الشيخ Author: الهادي الشغيل Date: 08-09-2016, 04:31 PM Parent: #17
Quote: و الله يا اخواتي بلدكن بعيد خلاس لكن قبيل اكان قريب الواحد يختف كراعو لا عندكن و يحلف عليكن طلاق راسو عديل.
بالله ما تمشن
ههههههههههه أمجد الجميعابي ياأخي انت راجل روحك حلوة وظريف ودمك زي العسل وأنا شخصياً بستمتع بتعليقاتك هنا وفي الفيس بوك .. محل ما عاوز تكوي بتكوي ومحل ما عايز تظارف بتتظارف .. يا أخي لك الود والتحية ،،،
Post: #19 Title: Re: اميرة السيد وبسمات الشيخ Author: عبدالحفيظ ابوسن Date: 08-09-2016, 04:46 PM Parent: #18
اعملن خاطر للناس البتحبكم
Post: #20 Title: Re: اميرة السيد وبسمات الشيخ Author: علي محمد الفكي Date: 08-09-2016, 05:16 PM Parent: #19
Quote: حبيبنا ود الفكي .. مودتي يا اصيل .. فقد كبير جداً .. يكفي ترجمة كتاب بن لادن .. زملائي في الشركة من الحضارم واليمنيين اصبحوا من قراء سودانيز بعد تلك الترجمة الرائعة لكتاب إستيف كوول .. ما زال كل واحد منهم يقتني طبعة ورقية من الكتاب ..
بفقد بناتنا لم يعد للمنبر بريق ..
شكراً ودالفكي .. مودتي
الحبيب علي عبد الوهاب لك التحايا النواضر كتابات اميرة وبسمات تجد دوماً فيها المفيد والاستراحة والطمأنينة نتمنى عودتهن قريباً والمواصلة دون الالتفات لصغار النفوس الذين ينثرون قبحهم بكل طريق
Post: #21 Title: Re: اميرة السيد وبسمات الشيخ Author: علي محمد الفكي Date: 08-09-2016, 05:27 PM Parent: #20
Quote: تلقيت من الأميرة بنت السيد الرسالة التالية على الماسنجر : أرسلت للأخت أميرة الرسالة التالية :
هذه الرسالة بعثت بها للأخت العطبراوية بسمات :
كسرة : من ينصفهن ويعمل على عودتهن للمنبر يا ترى ؟؟؟
الاخ الهادي الشغيل العطبراوي المحب لعطبرة سلام يغشاك اينما كنت شكراً لك على مساعيك في اثناء سهام والهام عن قرارهما ومساندتك لهن واتمنى ان تكلل مجهوداتك ومجهودات كل الرائعين ونرى القمرين في وطن القماري مره اخرى
Post: #22 Title: Re: اميرة السيد وبسمات الشيخ Author: علي محمد الفكي Date: 08-09-2016, 05:38 PM Parent: #21
Quote: اتمنى عودتهما سريعا
مع مطالبة الاخ بكري باغلاق صفحة الفيس بوك نهائيا
بعض من يكتبون فيها لا اخلاق لهم
شكرا ود الفكي
فناطيز من الود
الاخ ود الباوقه تحية الثورة والنضال ومعك نطالب باغلاق نافذة الفيس ووضع حد للمتفلتين داخل المنبر من قبل بكري وامنياتنا بعودة الاميرة والبسمات فناطيز الود ما باباها لكن بدل واحد من الفناطيز دي بي تزكيه نلقى من وراها مزرعة او ارض في موقع مميز بالاقساط الميسرة ومريحه والرخيصه مع مودتي وشكري
Post: #23 Title: Re: اميرة السيد وبسمات الشيخ Author: علي محمد الفكي Date: 08-09-2016, 05:44 PM Parent: #22
Quote: الاثنتان قمة في الاحترام
لا اعلم من المستفيد من ايقافهما و لماذا
تواجدكما مهم للغاية ..............من في مقدوره هذا فليجتهد
لم تحد عن الحق قيد انمله في شهادتك فيهن المستفيد هو كل البوم الذي لا يعيش الا في الظلام واصحاب النفوس القبيحة التي يؤرقها الجمال
Post: #24 Title: Re: اميرة السيد وبسمات الشيخ Author: علي محمد الفكي Date: 08-09-2016, 05:51 PM Parent: #23
Quote: حزنت حزن عميق لهذا القرار من هاتين الاختين العزيزتين اللتان عرفناهما هنا كاختين محترمتين لا نفرق بينهم وبين اخواتنا شقيقاتنا فارجو منهم العدول عن هذا القرار الذي اعتبره ضعف منهن لان الانسان لابد ان يدافع عن وجهة نظره ويجب عليهم ابداء ارائهم بكل شفافية وبكل حرية .. اخواتي العزيزات بسمات والاميرة اميرة السيد نحن نحتاجكم كاخوات لنا هنا نتواصل معكم ونعرف اخباركم ووجهات نظركم فلا تحرمونا من التواصل معكم ... والامر لكم ..
تحياتي : ياسر العيلفون ,,,,,
ياسر السر الفنان المرهف لك التحيه لم يكن الامر نقاش وتباين وجهات نظر فسهام والهام صاحبات افق واسع يتحمل النقاش ويجد العزر لتباين وجهات النظر ولكن كان اسفافاً وتعدي وعنف لفظي قٌصد منه اسكاتهن واتمنى معك ان لا يبلغن البوم مبتغاه بالابتعاد وفي المنبر اخوة واخوات لهن يسعدهم تواجدهن
Post: #25 Title: Re: اميرة السيد وبسمات الشيخ Author: علي محمد الفكي Date: 08-09-2016, 06:01 PM Parent: #24
Quote: تحياتي اخ علي
بصراحة انا عندي تحفظ على مسالة التمييز "الايجابي" للانثى دي والتي قد يظنها البعض ايجابية ولكني اعتقد انها "سلبية" والاصرار على جعلها "قارورة" قابلة للكسر والتهشيم
والسلوك دا بالمناسبة ليس في صالح المراة...خصوصا اذا كانت مستنيرة ارتضت الخروج للعمل العام اوالمشاركة بالمنتديات العامة لمن تقول عام معناه عكس نخبوية او خاص...مفتوح للجميع حتى شذاذ الافاق والفكر
المراة لا تحتاج حماية او تمييز ايجابي ولكن تحتاج مساواة...يجري عليها ما يجري على زميلها بالبورد "مثلا" او اي مكان اخر...عندها حق تاخدوا...عندها واجب تقدموا وبس
تحياتي
الاخ حاتم الهواري صاحب المفردة الانيقة لك التحيه ليس تمييز ايجابي ولكنه اعتراف بالواقع فللمجتمع احكام لم نصل بعد مرحلة تجاوزها وكل منا له خصوصيته في الخطاب والتعامل فخطاب الطفل يختلف وخطاب الانثى كذلك وخطاب الانداد ليس مثل مخاطبة الاخرين التساوي في النقاش والحوار لا اختلاف عليه ولكن مفرداته
Post: #26 Title: Re: اميرة السيد وبسمات الشيخ Author: علي محمد الفكي Date: 08-09-2016, 06:06 PM Parent: #25
Quote: سلامات صاحب البوست والضيوف الاكارم حقيقة نسبة لكثير من الامور لم اتابع المنبر منذ فترة الاخت بسمات والاخت اميرة فقد كبير للمنبر لانو يمثلن ركن مهم جدا وسبحان الله كنا نتمني ان تجد الاخت امتثال باسويرد حتي يكتمل مثلث الابداع والفن والجمال ومن البوست دا عرفت انهن غادرن لكن سيعودن وهن اكثر القا وجمالا ونتمني ان لاتطول
الاخ سليمان القرشي لك التحيه نتمنى ان تكون استراحة محارب ويعدن من جديد ينشرن الضياء وينثرن الورود وينفثن عبير الزهر ولا اظنهن يبخلن علينا
Post: #27 Title: Re: اميرة السيد وبسمات الشيخ Author: علي محمد الفكي Date: 08-09-2016, 06:16 PM Parent: #26
Quote: سلامات الاخ الفاضل علي محمد الفكي اتمني ان يكون الاختين العزيزتين اميرة وبسمات بخير واتمني ان يكون غيابهن فترة راحة قصيرة ويعودن للمنبر وربنا يحفظهم من كل سؤء تحياتي
الاخ الحبيب محمد نور عودو لك التحايا الزاكيات صورة بروفايلك معبرة وليت من ولوا امرنا او يتوقون لتوليه يحسون نردد خلفك آمييين ربنا يحفظهن ويغطي عليهن ونتمناها استراحة محارب وتعود سهام والهام من جديد اكثر القاً وحيويه يغظن القبح ويسرن الاصدقاء
Post: #28 Title: Re: اميرة السيد وبسمات الشيخ Author: علي محمد الفكي Date: 08-09-2016, 06:22 PM Parent: #27
Quote: و الله يا اخواتي بلدكن بعيد خلاس لكن قبيل اكان قريب الواحد يختف كراعو لا عندكن و يحلف عليكن طلاق راسو عديل.
بالله ما تمشن
المك امجد ود عمي السماني يا ها المحرية فيك يا مقنع بنات البلد العزاز من جم والقصار ما بشبهك ولا بمشي في طريقك يا ولدة الفراس ويا اخواتي سهام والهام اجبرن بي خاطر ود عمكن امجد وعزن اختكن ام محمد ومحمد دا فارس بروفايل اخونا امجد ربنا يحفظو
Post: #29 Title: Re: اميرة السيد وبسمات الشيخ Author: حمد عبد الغفار عمر Date: 08-09-2016, 07:11 PM Parent: #28
نتمنى رجوع الأخوات اميرة وبسمات
تحياتي يا علي
Post: #30 Title: Re: اميرة السيد وبسمات الشيخ Author: علي محمد الفكي Date: 08-09-2016, 07:35 PM Parent: #26
Quote: نصيحتى لهن الا يعدنَ ,, الخلاء الاسفيرى واسع وسيجدن من يحترمهن ويفهم رسالتهن وانصح كل الأخوات الانسحاب من هذا (المنبَز) حتى يبلغ كتابه (الذكور) الرشد. التحية لهن ولكل السودانيات . موضوع ذى صِلة:
الاخ عبد العزيز الفاضلابي لك التحية والتقدير اراك اجحفت في حق كثير من الاقلام الراقية والمسؤوله في سودانيزاونلاين وانت منهم وعممت حكمك على الجميع بكتابات اشخاص قله وهم في النهايه يعبرون عن انفسهم وكل اناء بما فيه ينضح اتفهم حرصك على الاخوات ورغبتك في ان لا يمسهن ضيم ولكن الانسحاب يعني ان نحقق للبوم مقصده ونجعل المكان للظلام ليسرح فيه كيفما شاء وهنا في سودانيز كل الاخوات والاخوان بينهم الاحترام الا قله اثرت ان تكون النشاز ومافي ابلاً خاتيات لهن جفار ودي طبيعة المجتمع وسنة الحياة الدفع والمدافعة بين الخير والشر والجمال والقبح
Post: #31 Title: Re: اميرة السيد وبسمات الشيخ Author: علي محمد الفكي Date: 08-09-2016, 07:52 PM Parent: #30
Quote: ههههههههههه أمجد الجميعابي ياأخي انت راجل روحك حلوة وظريف ودمك زي العسل وأنا شخصياً بستمتع بتعليقاتك هنا وفي الفيس بوك .. محل ما عاوز تكوي بتكوي ومحل ما عايز تظارف بتتظارف .. يا أخي لك الود والتحية ،،،
الشغيل كمان انت ما تبالغ وتجامل اكثر من اللازم منو الدمو عسل وظريف وروحو حلوة امجد الواحد دا حفيد محرر الرقيق ولا زول تاني يا زول ما تكبر لي الزول راسو ويقوم يصدق انو دمو عسل
والله حقيقة يا الشغيل امجد فارس حوبات ومقنع كاشفات واذا عرفته ستجد انه اجمل بكثير وسيغالب كل توقعاتك انسان بكل ما تحمل الانسانية سوداني قح وود بلد اصيل فهو حامل المسك لن تجد منه الا طيب وشهادتي فيهو من خلال معرفة امتدت سنوات عدد
Post: #32 Title: Re: اميرة السيد وبسمات الشيخ Author: عبدالعزيز الفاضلابى Date: 08-09-2016, 08:06 PM Parent: #31
Quote: اراك اجحفت في حق كثير من الاقلام الراقية والمسؤوله في سودانيزاونلاين
سلام يا ابن عمى ,, الأقلام دى زاتا تنسحب نامن سيد الحوش يسوى ليهو غفير ويقفِل الـْكَر الـبى تِحِت ده شايف الغنم بى طَفِّرَن بى فوق ليهو وقاعدات يخربَن الزراعة.
Post: #33 Title: Re: اميرة السيد وبسمات الشيخ Author: اميرة السيد Date: 08-09-2016, 09:01 PM Parent: #32
عزيزي الهادي الشغيل ولد عطبرة.. انا عايزة وقفة شوية لكني راجعة اكيد لان المنبر العام فيه ناس بالجد محترمين وادباء نستفيد منهم ..حتى ان بسمات كانت بتقول انها بتنجح في دروسها في الجامعة من مواضيع بتقراها في المنبر العام..لكنها اذا قرت رد ود الفاضلاب ما اظنها ترجع لانها هنا في نيويورك دائما تستانس برايه وبتعتبره حكيم المنبر.. والله يديك الصحة والعافية >>>>>><<<<<<<<<<<<<<<<>>>>>>>>>><<<<<
الأعزاء الافاضل ويا الناس السمحين بالحيل... هذه رسالة كتبتها قبال شوية للهادي ود الشغيل في الماسينجر .....واحتمال هو لهسع ما يكون قراها... ولمن رجعت مرة ثانية وكملت قراءة هذا البوست . قلت اعرض الرسالة هنا ليكم كلكم يا ناس يا روعة.. .. لكني راجعة ليكم بكره لمزيد من التوضيح ومزيد من التعليق. ومزيد من الشرح.... والله يديكم الصحة والعافية
Post: #34 Title: Re: اميرة السيد وبسمات الشيخ Author: وضاحة Date: 08-09-2016, 09:06 PM Parent: #32
المك على ود الرجال ابواتي قمر الرتوع وقشاش الدموع والمأمون على كافة بنات الفريقانت يا المك ان شاء الله يوم شكرك ما يجي اميرة وبسمات الرائعات وين تفارقنن وتبعدن يا حبيبات عاوزات الاشباه يمددو رجولهم ويستأسدوا وحات الله ديل اجبن من نعامه وناس عندها فراغ واحقاد وسموم وزي ما قال ليكن المك علي ضون قناديلكن ودشن عين الضلام بالضؤ والبوم براهو بيهرب ديل اصلن هدفهم يطفشوا كل الجميلين لانهم فاشلين ولو ما كنت ناجحات اكيد مافي زول ح يحسدكن ودايماً الناس بترمي الشجر المثمر ودي ضريبة الخير والجمال الجواكن وبتبشرن بيهو في كتاباتكن وهو في زول اتشتم قدر اختكن في المنبر دا ومن ناس ما يسوا لا مقام ولا اخلاق ولا تربية ولا فهم تربية قاع وشارع بدر الدين الامير شتمني وشتم امي ونجاة شتمتني بي الفاظ والله ما متوقعه تطلع من لسان مره طلعتنى بت حرام وامي جايبنى من الشارع وعبد العزيز المجنون شايل امراضو وعاهاتو وساكيني من بوست لي بوست حتى التهديد جربوهو رجال لا بتستحي ولا تخجل ولا عندها عروضوما عندهم سقف لي انحطاطهم ولا عندهم حاجة خايفين عليها لانو اصلاً مافي وحل اكتر من الهم فيه ولكن وحات الله ما هزو فيني شعره لانهم ما مالين عينيولا بستاهلو مجرد التفاته ليهم وانا قاااااعدة ليهم هنا غيظة فيهم بل كل يوم يمر ومع كل استقصاد بزيد قوه وصلابه وتصميم اواصل في طريقي طالما عارفه نفسي صاح والبركة في اخواني اولاد الرجال الما بعرفو العيب في المنبر بقووني وبسندوني يا بنات اوعكن تغادرن غيظنهم بي وجودكن وبي جميل كتاباتكن وخلوا عندكم ثقة في نفسكم ولا تلتفتوا للمشوهين وناقصين التربية وبعدين احنا البنحبكن وبنحب حروفكن وبننتظره بي فارغ الصبر ذنبنا شنو لالا ما بنقدر نفارقكن ولا بنخليكن تمشن تحياتى وبنحبكم
Post: #35 Title: Re: اميرة السيد وبسمات الشيخ Author: امجد الجميعابى Date: 08-09-2016, 10:02 PM Parent: #34
يا قول ابوي ابراهيم الجميعابي اول تبادي كتر خيركم اخوي الشغيل وود الفكي اطرائكما جعلني اتحسس رأسي الاخت اميرة بت السيد آ زولة كتر خيرك فوق جبر خاترنا بت الشيخ اسألك بالله تجي هو نحن عندنا اخت متلك بنخليها تفارقنا ها زولة ها اكان كعبين يانا اخوانك و اكان سمحين جيد ليك على اي حال عشمنا فوقك كبير بالحيل اوعاك تقمحينا
Post: #36 Title: Re: اميرة السيد وبسمات الشيخ Author: عبدالعزيز الفاضلابى Date: 08-09-2016, 10:14 PM Parent: #35
أميرة وبسمات ماتسمعن كلام وضاحة المكشكِشة دى ده انا سميته المنبز العام ,, نحن بندخلو عشان ابوالقدح بعرف محل يعضِّ اخَيّو ,, وكل مرفعين بعرِف جَعَريب رفيقو ,, إنتن ذنبكن شنو تروحَن بين السِن والضُرس؟
Post: #37 Title: Re: اميرة السيد وبسمات الشيخ Author: nour tawir Date: 08-09-2016, 10:19 PM Parent: #36
الآخ الفاضل على محمد الفكى..
تعرضت الاميرة والبسمات للعنف اللفظي من الصغار ...
مهما كانت قسوة العنف اللفظى الموجه للاختين أميرة وبسمات.. صدقنى فلن يفيد... فهؤلاء نساء بمعنى كلمة نساء.. سودانيات بالمعنى الصاح.. لذلك.. عصيات على المهاترات.. ولن تؤثر فيهن اساءة السفهاء.. و انت تشكر على هذه اللفتة البارعة فى محاولة لرد اعتبارهن الذى لم ولن يهتز..
Post: #38 Title: Re: اميرة السيد وبسمات الشيخ Author: عبدالعزيز الفاضلابى Date: 08-09-2016, 10:47 PM Parent: #37
انا والله ماعارف الحصل عليهن شنو ومنو اللى تطاول عليهن لكن ايَّن كان الذى تطاول عليهن ,, فهو انسان مازوم عاطل من كل شهامة ونخوة والرجولة فى فهمه هى الذكورة فقط ويفتخر بها وكأنه اوجدها فى نفسه, لاحوجة لتكرار ما اصابهن فقط نقول لمن تطاول على هاتين النخلتين الباسقتين انك محظوظ اذ لم يقع غثاءك فى نظرى ,, اذن لزجرت لك ابالِسة.
Post: #39 Title: Re: اميرة السيد وبسمات الشيخ Author: امجد الجميعابى Date: 08-09-2016, 11:10 PM Parent: #38
Quote: الآخ الفاضل على محمد الفكى..
تعرضت الاميرة والبسمات للعنف اللفظي من الصغار ...
مهما كانت قسوة العنف اللفظى الموجه للاختين أميرة وبسمات.. صدقنى فلن يفيد... فهؤلاء نساء بمعنى كلمة نساء.. سودانيات بالمعنى الصاح.. لذلك.. عصيات على المهاترات.. ولن تؤثر فيهن اساءة السفهاء.. و انت تشكر على هذه اللفتة البارعة فى محاولة لرد اعتبارهن الذى لم ولن يهتز..
كلام من دهب من زولة دهب
Post: #40 Title: Re: اميرة السيد وبسمات الشيخ Author: علي محمد الفكي Date: 08-10-2016, 08:25 AM Parent: #39
Quote: اعملن خاطر للناس البتحبكم
وعشان خاطرنا خلن حروفكن الحلوات تخاطرنا تحياتي ومودتي عبد الحفيظ ابوسن يا زول يا سمح
Post: #41 Title: Re: اميرة السيد وبسمات الشيخ Author: حيدر حسن ميرغني Date: 08-10-2016, 08:42 AM Parent: #40
ياخي نحن كلنا كم عشان نتشاكل ونزعل من بعض السودان الكبير زاااتو كل شكل وحرابة ونهب مصلح ونظام عام ... وأهو الدنيا ماشة ومابتقيف تب يعلم الله مقامكن محفوظ .. وعشان خاطر الناس الحلوين ديل لازم تفرملن وتصدن راجعات للمكان الطيب ده وبقدر ما في ناس غير جديرين بالإحترام في نافذة الفيس بوك .. برضو فيهم ناس فاهمين يستحقوا ياخدوا فرصتهم في التفاعل مع اعضاء الحوش - نحن ناس عطبرة مانملأ رقشة أي إنسحاب سيهد الجبهة الداخلية بقيادة أخونا الشغيل وشكرا ياعلي
Post: #42 Title: Re: اميرة السيد وبسمات الشيخ Author: علي محمد الفكي Date: 08-10-2016, 11:08 AM Parent: #41
Quote: نتمنى رجوع الأخوات اميرة وبسمات
تحياتي يا علي
حمد عبد الغفار تحياتي يا رب تتحقق امانينا وسهام والهام يركبن الاكسبريس ويعودن واكيد ح يلقن كل الناس البتعزهن وتحترمن في استقبالن في المحطة
Post: #43 Title: Re: اميرة السيد وبسمات الشيخ Author: علي محمد الفكي Date: 08-10-2016, 11:13 AM Parent: #42
Quote: مهما كانت قسوة العنف اللفظى الموجه للاختين أميرة وبسمات.. صدقنى فلن يفيد... فهؤلاء نساء بمعنى كلمة نساء.. سودانيات بالمعنى الصاح.. لذلك.. عصيات على المهاترات.. ولن تؤثر فيهن اساءة السفهاء.. و انت تشكر على هذه اللفتة البارعة فى محاولة لرد اعتبارهن الذى لم ولن يهتز..
الاخت نور تاور لك التحيه وانتي واحده من ايقونات المنبر المضيئات والمتلفحات بالعزة والصلابة كلماتك وافية وكافية وسهام والهام هن كذلك جبل ما بتهزو ريح ونخلات تجود بالفيئ والتمر
Post: #44 Title: Re: اميرة السيد وبسمات الشيخ Author: علي محمد الفكي Date: 08-10-2016, 12:05 PM Parent: #43
Quote: أميرة وبسمات ماتسمعن كلام وضاحة المكشكِشة دى ده انا سميته المنبز العام ,, نحن بندخلو عشان ابوالقدح بعرف محل يعضِّ اخَيّو ,, وكل مرفعين بعرِف جَعَريب رفيقو ,, إنتن ذنبكن شنو تروحَن بين السِن والضُرس؟
عبد العزيز ود العم كلمة المنبز العام دي مش قاسية شوية في حقنا كلنا وفي حق صاحب المنبر ؟ وفي حسباني لا يوجد ما يبرر هذا التعميم المخل والغالب الموجود في هذا المنبر موجود بغرض ادارة النقاش المثمر ووتقديم واخذ المعلومة المفيدة والتواصل الاجتماعي وان كان كما اسميته منبزا لما تواجدوا فيه لثقتي في رجاحة عقولهم وعلو همتهم والقلة هي التي تتواجد بغرض الترصد وغمط الناس وهؤلاء لا حكم عليهم والاميرة والبسمات قادرات واصلب من ان يكسرهن كلام او يردهن الفاشلين واتمنى ان يواصلن المسير ولا يسمعن لكلماتك التي تعبر عن تشاؤمك موقف البنت الخير وضاحة ورغم ما تعرضت له يبين صلابة جوهرها وثقتها في نفسها وترفعها عن الصغائر فلها مني التحية
Post: #45 Title: Re: اميرة السيد وبسمات الشيخ Author: علي محمد الفكي Date: 08-10-2016, 12:11 PM Parent: #44
Quote: الأعزاء الافاضل ويا الناس السمحين بالحيل... هذه رسالة كتبتها قبال شوية للهادي ود الشغيل في الماسينجر .....واحتمال هو لهسع ما يكون قراها...ولمن رجعت مرة ثانية وكملت قراءة هذا البوست . قلت اعرض الرسالة هنا ليكم كلكم يا ناس يا روعة.... لكني راجعة ليكم بكره لمزيد من التوضيح ومزيد من التعليق. ومزيد من الشرح....والله يديكم الصحة والعافية
الاميرة بنت السيد زارتنا الانوار والبركات وياهو دا كان عشمنا فيك يا اصيلة ومتاكدين كنا من قدرتك وقدرة الاخت بسمات على التسامي فوق الصغائر وكنا متأكدين انكن صلبات وشديدات المراس وثقتكن بلا حدود وانكن ما ح تكسرن خاطر كل الناس البعزوكن ويحترموكن شكراً ليك كتير وفي انتظارك للتعليق وفي انتظار عودة البسمات
يا بكري شوف لينا مع موضوع اغلاق النافذه ولجم المتفلتين الداخليين موضوع التعديل المحتاج تعديل
Post: #46 Title: Re: اميرة السيد وبسمات الشيخ Author: امجد الجميعابى Date: 08-10-2016, 02:35 PM Parent: #45
هادي قعدة يا بسمات اكان ما جيتي انا وراك للحول
Post: #47 Title: Re: اميرة السيد وبسمات الشيخ Author: عبدالعزيز الفاضلابى Date: 08-10-2016, 04:24 PM Parent: #46
Quote: عبد العزيز ود العم كلمة المنبز العام دي مش قاسية شوية في حقنا كلنا وفي حق صاحب المنبر ؟
نعم يابن عمى هى قاسية وكلامك كله صاح وانا قبلانو وموافقك عليه وقبلك قاله لى اخوى عبدالحفيظ ابوسن ,, وبرضو موافق على كلامه ,, لكن بصراحة انا قصدت بالقسوة دى بكرى لعله يحس بالأذى الذى يُلحقه بنا هذا البعض النشاز ,, فطالما هم قِلة فمن حقنا عليه ان يشوف لهم صِرفة إن شاء الله يعمل لهم (حاصِل) ويطبلهم فيه لأن من أمِن العقوبة اساء الأدب ,, وارجو ان ترجع الى مداخلتى التى ذكرت فيها الـ كَــــرْ اعلاه ففيها تشبيه صورة بصورة لما يحدث فى هذا المنبر خاصة من نفاج الفيسبوك. اذا كان على أميرة وبسمات وغيرهن من الأخوات والاخوان فانا اكتر واحد فاقدهم فى المنبر وعاوزهم يرجعوا بس رجوعهم فوق الاعوج مابقبله وفى النهاية الأمر بيدهم لابيدى لأنهن بنات واعيات وعقولهن راجحة فهن من يقررن العودة من عدمها وما الذى كتبته فى هذا البوست الا رأيى وقد اصيب واخطئ هذا مع احترامى لرأيك ورأى كل الأخوات والاخوة فى هذا الشأن ,, وتفضلوا جميعاً بخالص احترامى وتقديرى وتحية خاصة للمكة نور تاور وولد العم الجميعابى. وتحية اخص بها كل العطبراويين ممزوجة برائحة زيت الديزل والاسطُبَّة متَدثرة بالابرول يحملها اليهم قطار الشوق. وتسلم ابن عمى .
Post: #48 Title: Re: اميرة السيد وبسمات الشيخ Author: اميرة السيد Date: 08-10-2016, 04:46 PM Parent: #47
وتحية اخص بهاكل العطبراويين ممزوجة برائحة زيت الديزل والاسطُبَّة متَدثرة بالابروليحملها اليهم قطار الشوق.>>>>>>>>>>><<<<<<<>>>>>>>>>>>>>الاعزاء الافاضل وكل الذين خطوا سطرا او كلمة في هذا البوست...ويا عزيزي الفاضل ود الفاضلاب: الجملة الاخيرة دي اجمل واروع جملة لوصف الجو العطبراوي.. والله شوقتونا نسكن عطبرة....وان شاء الله بسمات بت الشيخ تقرأ الكلام السمح ده عن عطبرة والعطبراويين .... .. وبجمع في الكلام واجيكم بمهلة .. دحين انا ما نسيت الكتابة .. وربنا يقدرنا للكتابة مرة ثانيةوالله يديكم الصحة والعافية..
تخريمة:انا خايفة يا امجد قعادك حيطول.. والله يكضب الشينة... وصي ود الفاضلاب.. ومين الأمورة دي!!! ما تقول لي دي الحفيدة( وش ضاحك).. اها نسيتنا المغسة وفقع المرارة.. والله يديك الصحة والعافية
Post: #49 Title: Re: اميرة السيد وبسمات الشيخ Author: وضاحة Date: 08-10-2016, 04:54 PM Parent: #47
بالله مكشكة قبل كم يوم ما قلت ملكة !!!! سبحان الله
يا بنات عودو ولا تتكسرو ابدا وخلن راسكن فووووق لانوا انتن عارفات نفسكن شنو بنات رجال وبنات اوصول ود حال الناس في الدنيا ازائلة فيها الخير والشر والمنتدى دا المجتمع المصغر للسودان وزى ما قالت الشاعرة امتثال عبدالله حسين عيش متوقع من الدنيا تشوف وتلاقي
Post: #50 Title: Re: اميرة السيد وبسمات الشيخ Author: عبدالعزيز الفاضلابى Date: 08-10-2016, 05:34 PM Parent: #49
ومازلت ملكة ,, انتى كمان مابتعرفينى وتعرفى معزتك عندى انتى عارفة انو الـ برشك باللبن بنرشو بالدم مكشكشة دى كلمة فى هذا المقام تقال للتحبيب يامكشكشة؟
Post: #51 Title: Re: اميرة السيد وبسمات الشيخ Author: عبدالعزيز الفاضلابى Date: 08-10-2016, 06:40 PM Parent: #50
سلام يا اميرة ,, والله بصراحة فاقدنكم وكتر خير ود عمنا ودالفكى بقا سبب على الاقل نشوفكم ,, بس والله الكلام الفوق ده الواحد كتبه من المغسة وانا عارف انه كلام الاخوان الفوق ده كلام معقول بس كلامى انا عاوز الريس ده يقش الحوش ,, حكاية انه رأىى ده فيه حجر على حرية التعبير مابوافقم عليه لأنو الزول لما يتعدى على حرية الآخرين يكون اسقط حقه فى حرية التعبير, ليس هناك حرية مطلقة.
Quote: صي ود الفاضلاب.. ومين الأمورة دي!!! ما تقول لي دي الحفيدة( وش ضاحك).
دى إيثار بنتى ,, فى اكتوبر ده ان شاء الله تتم اثنى عشرة سنة والنخلة دى فى بيت الوالد الارباب فى الفاضلاب وقد اوردت قصتها فى بوست (مافضل ليك الا تشربى سجاير) وعندى الارباب احمد عمره سنتين ومع ذلك الاحفاد مافضَّل لينا منهم كتير لانه خالد وتبيان دربهم مرق ونحمد الله على ما رزقنا ,, الملكة وضاحة دى شايف بحرها عِكِر الله يستر عليك الله روِّقيها ,, كفانا النيل قالوا مكسِّر الدنيا
Post: #52 Title: Re: اميرة السيد وبسمات الشيخ Author: علي محمد الفكي Date: 08-10-2016, 07:58 PM Parent: #51
Quote: حزنك ياوطنى احزنى التحيه للاخوات اميره وبسمات وكامل تضامننا معاهن ضد اى تعدى جارح يمس شخصهن الكريم ونتمنى عودتن. اميرة انا مدين لك بابداع معرفى كبير فى بوستك بن لادن ونتمنى نرد ليك الجميل وربنا يوفقك والاخت بسمات.
لك التحية والتقدير والاحترام الاخ جزنك يا وطني احزني مع شكري وتقديري
Post: #53 Title: Re: اميرة السيد وبسمات الشيخ Author: عبدالعزيز الفاضلابى Date: 08-10-2016, 11:12 PM Parent: #52
Quote: يا بكري شوف لينا مع موضوع اغلاق النافذه ولجم المتفلتين الداخليين
يا ابن عمى العوج المابشوفو بكرى بنعذرو فيهو لكن البجرى تحت بصره ده نعذرو فيه كيفن؟ شوف مثل الاسمو صديق الغالى ده طايح فى الناس نبذ وشتايم م لايقبلها إنسان كريم ومع ذلك بكرى لايحرك ساكناً وقد كتبنا البوستات ليراها بكرى ولكن لاحياة فيمن تنادى انا شخصياً المنبر ده فضل لى معاهو فرد حبل يومو الينقطع الخلا الاسفيرى ده واسع ,, فتكم بعافية وكتر خيرك على فقد البنيات ياها المحرية فيك.
Post: #54 Title: Re: اميرة السيد وبسمات الشيخ Author: الفاتح ميرغني Date: 08-11-2016, 11:35 AM Parent: #53
شكرا علي محمد الفكي التحية للأميرة بت السيد وصويحبتها بسمات الشيخ. يكتبن بمداد راق ويتداخلن بمعرفة وتهذيب. عبارة:" والله يديك الصحة والعافية" لها وقع جميل على النفس حتى لو جاءت من شخص تختلف معه فكريا. كتابتهن ترسّخ في المنبر ثقافة الإختلاف بمحبة.
محبتي
Post: #55 Title: Re: اميرة السيد وبسمات الشيخ Author: اميرة السيد Date: 08-11-2016, 02:37 PM Parent: #54
أعزائي الافاضل وعزيزاتي الفضليات
اولا اود ان اعبر لكم جميعا عن تشكراتي وامتناني العميقين لانني لم اعد للكتابة هنا في المنبر العام إلا بعد ان قرأت كلماتكم المنيرة والمشجعة .. وساعود للرد تفصيلا لكل من العزيزتين الاستاذتين الغاليتين وضاحة ونور تاور.. والاساتذة الأجلاء: - علي محمد الفكي( وابادر هنا وبقول ليه: ان شاء الله يوم شكرك ما يجي يا ملك).. - الهادي الشغيل -ابوبكر عباس -علي عبد الوهاب- ود الباوقة( بسمات بتقول ليك عاوزة قطعة واطة في الكاملين( وعليك الله شوف شلاقة البت دي ... الناس بتقول الطائف والمنشية وهي جارية للجزيرة)..وش ضاحك) .- طارق ابراهيم- ياسر السر - حاتم الحواري -سليمان القرشي -محمد نور عودو -امجد الجميعابي - عبد العزيز ود الفاضلاب -عبد الحفيظ ابو سن ود كوستي -حمد عبد الغفار - حيدر حسن -الفاتح ميرغني..
سوف امر عليكم وارد على تعايقاتكم السمحة دي والخلتني ارجع ليكم واستفيد منكم واتمنى ترجع لينا البسمة تاني ( وهنا بقصد الفعل وليس الاسم.. وترجع لينا كمان البسمة صاحبة الاسم .. لانها كانت راجعة بمادة دسمة عن زيارتها لقرى الجزيرة مع صديقاتها الامريكية وصور عجيبة توضح مدى عظمة وكرم الشعب السوداني رغم ضيق الحال....
وابدأ تعليقي عن ما يدور في هذا المنبر العام والذي سماه ود الفاضلاب بالمنبز العام... .. لماذا اصبح القبح اكثر من الجمال ولماذا يسود السباب والشتيمة وبافظع الألفاظ وتتراجع الروائع!!.. قبل ان اصبح عضوة في سودانيز اون لاين كنت مدمنة قراءة لمواضيع سودانيز اون لاين .. وكنت اقرأ الأدب الرفيع والونسة المريحة للنفس وجلسة على فنجان قهوة بشمالي من الأديبة الرائعة رقية وراق.. واقرأ القصائد الوطنية المعبرة من الشاعر الفذ عبد الإله زمراوي .. وكنت اقرأ المقالات السياسية المفيدة والتي توسع مداركنا فيما يدور في الوطن من السياسي محمد احمد الريح.. وكذلك كنت اقرأ للعديد من السياسيين الذين لهم شهرة واسعة في عالم السياسة ومنهم معارضين يناقشون قضايا الوطن بحكمة وحنكة ودراية وبدون شخصنة وباسلوب مهذب ومنهم مؤيدي النظام الحاكم وهم ايضا كانوا يناقشون ويجادلون بأدب واسلوب جم يجبر القارئ لاحترامهم واحترام آرائهم، ما عدا قلة منهم ومنهن، سواء كانوا من هؤلاء او اولئك ، كانوا يتنابذون بالألقاب ويشتمون السنسفيل وانتم تعرفونهم وتعرفوهن جيدا اكثر مني.... ونواصل.. والله يديكم الصحة والعافية
Post: #56 Title: Re: اميرة السيد وبسمات الشيخ Author: الهادي الشغيل Date: 08-11-2016, 03:00 PM Parent: #55
أميرة السيد كتبت :
Quote: سوف امر عليكم وارد على تعايقاتكم السمحة دي والخلتني ارجع ليكم
دي بشريات جميلة والجابك يجيب عقابك ويعود فراش القاش الى مرافئه .... ترجع عيونو حنان وتطير تداعب الموج بجناح رقيق ريان .
أميرة بت السيد : عضوة قدمت لنا أروع اللوحات من بوح خواطرها شخصية برزت في سماء المنبر . استمتعنا بتواجدها كثيراً ذات حضور جميل . وهدوء أجمل متألقة تستحق أن نطلق عليها زنبقة المنبر .
بسمات الشيخ : هي بسمة المنبر .. شخصية مبهجه بكل ما تحمله هذه الكلمة من معاني .. جريئة صاحبة قلم سيال مبدع سعدنا بتواجدها في المنبر وأمتعتنا باقات مواضيعها الرائعة ومداخلاتها القيمة .
نأمل ألا يطول الغياب عن المنبر فالكل تواق لأطلالتكن مرة أخرى وبألق جديد . أسعدكن الله وأنار دربكن
Post: #59 Title: Re: اميرة السيد وبسمات الشيخ Author: اميرة السيد Date: 08-11-2016, 03:40 PM Parent: #56
كسبت في هذا المنبر اصدقاء وصديقات واصبحن لي بمثابة الأهل والاخوات الشقيقات وقد تعرف عليهم والدي من خلال الهاتف وكان بعضهم يناقش والدي في مواضيع دينية واجتماعية اثيرت في المنبر العام حتى اصبح عالم سودانيز اون لاين جزء لا يتجزأ من حياتنا وكذلك جزءاً من مناقشاتنا وسط الزميلات في الجامعة والعمل.. وكنا ندعو للباشمهندس بكري صاحب الحوش الكبير بالخير والصحة والعافية لانه اتاح لنا هذه السانحة والفرصة النادرة كي نعبر عما في نفوسنا ونستفيد من خبرات الآخرين في هذا المنبر الرائع والذي اصبح صوت من لا صوت له... لا اريد في هذه العجالة ان استطر واسمي اسماء كان لها تأثير كبير في مجرى حياتي في هذه الغربة القساية..... وفي هذه العجالة اود ان اقدم خالص شكري واعتزازي بود عمي ودمي فايز ود القاضي ,, وقد وصفته بود عمي وقريب دمي على نسق ما قال خليل فرح لانه وقف بجانبي في بدايات كتاباتي في المنبر العام عندما ووجهت بسيل من الشتائم والسباب وشجعني للمضي قدما .. وشرح لي الكثير من خفايا تكنلوجيات هذا المنبر العام .. ومن هنا له التحايا العطرة .. والله يديه الصحة والعافية.. وبتشجيع من الاستاذ جعفر محي الدين والاستاذ علي عبد الوهاب استطعنا وبالتعاون مع بسمات وامتثال وابتهال ترجمة كتاب عن حياة اسامة بن لادن على الرغم من صعوبة بعض الفقرات بما فيها من مصطلحات معقدة وساعدنا فيها فطاحلة الترجمة ومنهم محمد خليل.. بسمات كتبت في يوم مقال في فصلها في الجامعة ومستوحاة من مقالات الاستاذ كبر ونالت اعلى درجة واشاد بها البروفيسور الذي يدرس مادة الادب المقارن وتاثير الادب في حياة الشعوب.. لا اود ان افصل واستطرد في ايجابيات المنبر العام .. ولكن لا اود ان انسى ان اقول بانه وبفضل الله ثم بفضل كتابات كتبت من قبل صوفيون وفقهاء المنبر في هذا المنبر قوي ايماني بالله وتوسعت مداركي في فهم العديد من التفاسير سواء من كتاب الله او من سنة رسوله. وكان لي مجادلات مفيدة جدا مع بعض اعضاء المنبر العام وسوف آتي لتفصيل ذلك في معرض حديثي هذا.. .. وتعلمت لغة البداوة ولغة الريف السوداني من اعزائنا اسحق ود بلة والطيب ود عبيد وعبد الله ود البوش( والذي تصفه بسمات بانه حاتم الطائي وصاحب المروؤة والشهامة السودانية الاصيلة.. وكذلك نصفه نحن).. ذلك في بوست الناس السمحين .. وكانوا ود المنسي ، وود البوش، وود شيقوق وود ابوسن ، .والذي كتبته تعليقا على بوست ود ابوسن الذي علمنا يوما ان لا نغضب مهما كان رد الفعل.. . وكل يوم الناس السمحينن بزيدوا والليلة عديت منهم 18.... ولسع السمحين التانين كتار جدا في المنبر العام .... ولكن ماذا حصل .. ولماذا انتشر الغث وساد القبح وتراجع السمين وتراجعت الروائع.. هذا ما ساتطرق اليه لاحقاً.. ونواصل.. والله يديكم الصحة والعافية
Post: #58 Title: Re: اميرة السيد وبسمات الشيخ Author: معاوية الزبير Date: 08-11-2016, 03:30 PM Parent: #55
تحياتي أميرة أولا كامل الإدانة لمن يتعرض بالإساءة اللفظية لأي كان خاصة في منابر الحوار ثانيا أتمنى أن تتجاوز الأخت (الابنة) بسمات ما حدث (رغم عدم علمي بتفاصيله) وأرجوها مواصلة مشاركاتها في المنبر درب الحياة طويل ومليان بالأشواك والزهور وأرجو ألا تعوّد نفسها على الانسحاب عند المنعطفات الصعبة لأن ما لا يقتلك يقويك
ثالثا، هذا المنبر عبارة عن شارع عام يعبره أو يقيم فيه جميع فئات وأنواع البشر من أدناها إلى أرفعها وعلينا أن نتوقع سماع ما يمكن سماعه في أي شارع عام، ويشمل ذلك الألفاظ النابية والآراء الضارة بجانب كل مهذب وجميل ومفيد
أخيرا أحيي فيك شجاعتك بالاستمرار في الكتابة رغم ما ترينه في المنبر من سوء
وشكرا للأخ علي الفكي لفتح وقيادة هذا البوست
Post: #57 Title: Re: اميرة السيد وبسمات الشيخ Author: Elmosley Date: 08-11-2016, 03:29 PM Parent: #1
حاجة مؤسفة والله طبعا ليس كل القدمين من الفيس بوك سيئين ولكن هناك أناس هم أعضاء في المنبر يجبنون عن المواجهة داخليا فيفترعون صفحات في الفيس بلا صورة أو أي معلومات ليمارسوا هذا السخف نحن نحترمهما أيما احترام
Post: #60 Title: Re: اميرة السيد وبسمات الشيخ Author: اميرة السيد Date: 08-11-2016, 04:36 PM Parent: #57
كل يوم يمر ومع كل استقصاد بزيد قوه وصلابه وتصميم اواصل في طريقي طالما عارفه نفسي صاحوالبركة في اخواني اولاد الرجال الما بعرفو العيب في المنبر بقووني وبسندوني يا بنات اوعكن تغادرن غيظنهم بي وجودكن وبي جميل كتاباتكن وخلوا عندكم ثقة في نفسكم ولا تلتفتوا للمشوهين وناقصين التربيةوبعدين احنا البنحبكن وبنحب حروفكن وبننتظره بي فارغ الصبر ذنبنا شنو لالا ما بنقدر نفارقكن ولا بنخليكن تمشنتحياتى وبنحبكم..)( اقتباس من وضاحة) >>>>>>>>>>><<<<<<<<<>>>>>>>>>>>>>>>>>>>>
مهما كانت قسوة العنف اللفظى الموجه للاختين أميرة وبسمات.. صدقنى فلن يفيد...( اقتباس من نور) >>>>>>>>>>>><<<<<<<<>>>>>>>>>>>>>
الاستاذتين الغاليتين وضاحة ونور تاور., كلام من ذهب .. وكان له تاثير كبير في نفسي... وجاياكم بمهلة ورواقة...
ويا وضاحة النسمة بسمات جاية الدوحة وحتقعد يوم كامل وعشان هي بتعشق منطقة اسمها اللؤلؤة حتلقيها قاعدة اليوم كله هناك جنب الموية وان شاء الله ترجع لينا ونفسها صافية من كدر موية العطبراوي وكدر المنبر العام.. ولمن نتكلم معاها بتقول لي : عليك الله اسكتي .. واسمعي كلام ود الفاضلاب السماهو المنبز العام.." والله يديكن الصحة والعافية
Post: #61 Title: Re: اميرة السيد وبسمات الشيخ Author: امجد الجميعابى Date: 08-11-2016, 05:40 PM Parent: #60
Quote: وفي هذه العجالة اود ان اقدم خالص شكري واعتزازي بود عمي ودمي فايز ود القاضي
لا اله الا الله مالك علينا يا بسمات يا اختي هو كدا منشف ريقنا لامن دايرة تسويلو شكر
Post: #62 Title: Re: اميرة السيد وبسمات الشيخ Author: اميرة السيد Date: 08-11-2016, 06:16 PM Parent: #61
مالك علينا يا بسمات يا اختي هو كدا منشف ريقنا لامن دايرة تسويلو شكر>> >>>>>><<<<<<<<>>>>>>>>>>>>>>>>>>>>>)(اقتباس من امجد) يا حليلها بسمات احتمال تكون خايضة في موية خريف الخرطوم .. ....
Post: #63 Title: Re: اميرة السيد وبسمات الشيخ Author: امجد الجميعابى Date: 08-11-2016, 06:57 PM Parent: #62
Quote: يا حليلها بسمات احتمال تكون خايضة في موية خريف الخرطوم .. ....
عفوا اميرة هي لكن ما جبتي لي سيرة المسينيح دا
Post: #64 Title: Re: اميرة السيد وبسمات الشيخ Author: اميرة السيد Date: 08-11-2016, 07:26 PM Parent: #63
والله كان جينا للجد يا امجد ود القاضي ما مسينيح .. واذا هو ما شجعنا للاستمرار وعدم الإلتفات لفاحش القول ما كنا استمرينا اعضاء في المنبر العام .. ولا كنا كتبنا حرف واحد... لاني ومنذ اول شهر وجدت هجوم شرس من البعض .. وتراجعت وقلت في نفسي : ابعد من الشر وغني ليهو... ولكن استمرينا ووجدنا منه كل العون والمساعدة والله يديك الصحة والعافية..
وسنعود ونواصل لحين ميسرة ومسرة..
Post: #65 Title: Re: اميرة السيد وبسمات الشيخ Author: علي محمد الفكي Date: 08-11-2016, 08:14 PM Parent: #64
Quote: وعشان خاطر الناس الحلوين ديل لازم تفرملن وتصدن راجعات للمكان الطيب ده
تحياتي يا حيدر ودا عشمنا فيهن وفي نسايم عطبره الحلوة والاميرة جاات ومنتظرين البسمات
Post: #66 Title: Re: اميرة السيد وبسمات الشيخ Author: علي محمد الفكي Date: 08-12-2016, 07:19 PM Parent: #65
الفاضلابي ود العم وهو البوم عاوز شنو غير انو يطرد الناس الجميلة من الحوش ويبقى الحوش خرابه وظلام عشان يعيث فيهو احنا الحارس يا عبد العزيز وتواجدنا يعني مزيد من الضؤ وبالتالي ح ينسحب كل البوم ودا ما بنفي انو بكري يجب انو يكون عندو موقف حازم خاصه تجاه العضوية البتسئ وتشتم وتتعدى على الناس
Post: #67 Title: Re: اميرة السيد وبسمات الشيخ Author: علي محمد الفكي Date: 08-12-2016, 07:26 PM Parent: #66
Quote: هادي قعدة يا بسمات اكان ما جيتي انا وراك للحول
بسمات ود عمك الجميعابي حفيد محرر الرقيق فارش منتظر رجوعك ومتاكد انك ح تجبري بي خاطرو وخاطر كل اخوانك واعمامك الهنا ونتمنى ليك اجازة سعيدة في ربوع سودانا الحبيب
تحياتي يا امجد
Post: #68 Title: Re: اميرة السيد وبسمات الشيخ Author: اميرة السيد Date: 08-13-2016, 00:44 AM Parent: #67
عالم سودانيز اون لاين تعلمنا منه الكثير..وهذا العالم فيه الكعب وفيه السمح..لكن السمح كتير وكتير جدا..لقد استفدت من هذا العالم ولا شك..قبل فترة وليست بالقصيرة وفي بداية عهدي بهذا العالم..عالم سودانيز اون لاين..
كان لي حوار مفيد ومثمر مع احد مثقفي المنبر العام وهو تبارك شيخ الدين. وحواري معه كان عن العقيدة والايمان والصوفية ووجدته محاورا شرسا وكاد ان يغلبني(وش ضاحك)..وما ننسى تعلمنا منه ومعي زميلات الدراسة كلمة ...المهم ...في نهايةالكلام..
.فيصل خليل..وبتكلم معاي نوبي....بسمات عندها ود حلة..وانا عندي ود حلة...وهو ورانا اشياء مدهشة في هذا العالم الملئ بالغرائب والعجائب..ونستمتع كثيرا ببوستاته المدهشة حقا..
درديري كباشي واحاديثه عن الغربة القساية لا نمل من قراءتها..ووالله كنا نضحك حتى حد الهستيريا..والله يديه الصحة والعافية...كان بنسينا ما نحن فيه من هم وغم الغربة..
والله يحى قباني ده زي ما قالت وضاحة انسان نادر..تعلمت منه الكثير ..واشعر براحة نفسية وهو يخاطبني بكلمة..يا بتنا..مع انه وفي الصورة في عمر الشباب..عمر المنى ..عمر الهنا...وفي احدى البوستات التي كتبتها قال لي:""اهم شئ تتعلمي من التجارب يا بتنا""..ولو لم يكتب ود قباني سوى بوست:"مفتاح المروحة فاطي نمرة ثلاثة"" لكان كفاه هذا...بوست من بيت الكلاوي زيما بيقولو...والحالات التي كتبها مدهشة....والكلام الذي قاله في ذلك البوست التحفة .."" مجتمع كان من بساطة واحترام لا تطاول لا تعادي لا ملام تبدا يومك بي حبابك وتنهيهو بي مرحب سلام...
..وطبعا كلامه ينطبق على سودانيز اون لاين زمان وهسع. ..وحنعود عشان نتكلم عن اخرين ومنهم حرسم ود .المعز وعبد المنعم سيد احمد وعبد الله عثمان وهشام عباس وبسمات وود المدير وود الفاضلاب وصلاح جادات.... ولحين ميسرة ومسرة ..والله يديكم الصحة والعافية
Post: #69 Title: Re: اميرة السيد وبسمات الشيخ Author: اميرة السيد Date: 08-13-2016, 03:25 AM Parent: #68
ومنو محرر الرقيق يا ود الفكيِِِ...وكدي ورينا اسم امجد الجميعابي بالكامل عشان نعرف جدو. منوِِِِ.... منوِِ...وانا مولعة بالشخصيات التاريخية..وممكن نكتب عنه مقالات ومقالات... والله يديك الصحة والعافية
Post: #70 Title: Re: اميرة السيد وبسمات الشيخ Author: اميرة السيد Date: 08-13-2016, 08:12 AM Parent: #69
وكلمات معبرة من د.اسامة جعلتني ادعو له دائما بالصحة والعافية وتصرفات نبيلة من ود البوش جعلتنا نصفق ونردد ان الدنيا لا زال بخير... وعشان كده دائما بنقول ان الجمال موجود على الرغم من الاصوات النشازة... ولحين ميسرة والله يطراك بالخير دائما ود المنسي الما منسي والله يديكم الصحة والعافية
Post: #71 Title: Re: اميرة السيد وبسمات الشيخ Author: امجد الجميعابى Date: 08-13-2016, 11:56 AM Parent: #70
التتفنة الاتفنتها دي ماني قايم تب الا اشوف بت الشيخ هنا دا
Post: #72 Title: Re: اميرة السيد وبسمات الشيخ Author: اميرة السيد Date: 08-13-2016, 12:46 PM Parent: #71
نواصل مع مجموعة اخرى من العقد الفريد..وما حانسى بعدين ابو حسين وتعلمنا منه ..قوم لف..عبد الله عثمان:خلانا ننحت عقولنا ونفكر في طبيعة هذاالكون ونتعمق في التفكير عن مسارنا في هذه الدنيا ونهايتنا.....وقد شوقنا لقراءة كتاب للاستاذ محمود محمد طه بالطبعتينالانجليزية والعربية..وتبحرنا في ملكوت هذا الكون...وعلى الرغممن صعوبة فهم الكثير من العبارات ..الان ان كتابات عبد الله عثمان السهلة الفهم تشجع على مواصلة قراءة المزيد من كتب الفقه والتفسير....والدي صوفي واناقشه دائما عن الافكار الصوفية وبعض الاحيان استرشد بفقرات كتبها عبد الله عثمان في بوستاته في حواري معه...ولكن ابوي دايما بيختم كلامه ويقول :يا بتي لو ما كان في صوفيه في السودان..الشعب السوداني ما كان حيعرف الدين الاسلامي.. .ولمن اقول ليه وعبد الله بن ابي السرح مشى وين..ومش قرينا في التاريخ انه هو الدخل الاسلام في السودان ..ولكنه يرد ويقول:كتب التاريخ شئ..والواقع شئ تاني...(انت وين يا تبارك ياخي ما تجي تواصل الحوار مع ابوي.....المهم..)...
هشام عباس :معارض شرس للنظام الحاكم ولكن الحق يقال ان كل ما يكتبه يتسم بالعقلانية والموضوعية والمنطق ..وياتي بادلة قاطعة لا يمكن ان تردها اذا كتب عن الظلم الذي حاق بالشعب السوداني من نظام لم يراع حقوق مواطنيه في العيش الكريم...
صلاح جادات _صاحب الاخبار الطازجة ،ولا ينافسه في ذلك الا زهير،،وجادات دائما ياتي بالادلة القاطعة لتاكيد خبره..وهي الصور التي لا يمكن ان تنفندها ولا يمكن الا ان تصدقها..وعندما نجد له اي عنوان ندخل البوست فورا ونحن على يقين ان الخبر جديد ولم نسمع به....انا متاكدة ان ناس الحكومة بيعتبروه شوكة حوت في حلقهم...
ونواصل لحين مسرة مع ود الفاضلاب وود المدير ونسمات.. ..والله يديكم الصحة والعافية..
Post: #73 Title: Re: اميرة السيد وبسمات الشيخ Author: امجد الجميعابى Date: 08-13-2016, 02:26 PM
Post: #74 Title: Re: اميرة السيد وبسمات الشيخ Author: علي دفع الله Date: 08-13-2016, 02:45 PM Parent: #73
الارباب ود الفكي تحياتي .. زميلات البورد بسمات واميرة من الاقلام البقراها بتركيز ..وعاجبني الهارموني وانسياب افكارهن وراؤهن بصورة سلسة وعاجبني الديوتو بتاع السفر الوافي لقصة بن لادن وكذلك لتايتنك .. بالجد وجودهن اضافة ولازما الاتنين لاني بحس انهن بكملن بعض.. التحية والاحترام ليهن واتمنى نشوف ليهن شغل جامد كعربون للمعجبين ... والتجلة والتقدير لكم اخي مودتي
Post: #75 Title: Re: اميرة السيد وبسمات الشيخ Author: اميرة السيد Date: 08-13-2016, 05:19 PM Parent: #74
وطبعا اذا نسيت ما بنسى وضاحة اللماحة... وضاحة التي تزرع الخير في كل خطوة... وتزرع الفرح في كل لفة...وتعلمنا منها ان الدنيا بخير... والله يديها الصحة والعافية.. وسنعود لحين ميسرة ومسرة والله يديكم الصحة والعافية
Post: #76 Title: Re: اميرة السيد وبسمات الشيخ Author: علي محمد الفكي Date: 08-13-2016, 07:07 PM Parent: #75
Quote: ومنو محرر الرقيق يا ود الفكيِِِ...وكدي ورينا اسم امجد الجميعابي بالكامل عشان نعرف جدو. منوِِِِ....
الاميرة واصلي مستمتعين باندياحك السلس والصادق وممكن نسميهو سفر الجمال يا ستي امجد ود السماني ود ابراهيم ود سليمان محرر الرقيق هو جدو الفارس العصامي الزبير باشا رحمة
Post: #77 Title: Re: اميرة السيد وبسمات الشيخ Author: عمر دهب Date: 08-13-2016, 07:37 PM Parent: #76
كامل الاحترام والتقدير للكريمات اميره وبسمات
Post: #78 Title: Re: اميرة السيد وبسمات الشيخ Author: عمر دهب Date: 08-13-2016, 07:37 PM Parent: #76
كامل الاحترام والتقدير للكريمات اميره وبسمات
Post: #79 Title: Re: اميرة السيد وبسمات الشيخ Author: عمر دهب Date: 08-13-2016, 07:37 PM Parent: #76
عفوا
Post: #80 Title: Re: اميرة السيد وبسمات الشيخ Author: امجد الجميعابى Date: 08-13-2016, 09:57 PM Parent: #79
بسمات بت اعمي ظني فوقك خلي بالك كبير خلاس و عشمي اكبر و ماني قنعان طب و حرم تتفنتي دي ماني قايم من عندها
Post: #81 Title: Re: اميرة السيد وبسمات الشيخ Author: اميرة السيد Date: 08-14-2016, 03:01 AM Parent: #80
الزبير باشا مرة واحدة يا ود الفكي... تراهو امجد ده ما ساهل...وهو من سلالة الملوك.... غايتو اذا بسمات رجعت بالسلامة من ارض الوطن الحبيب وما عملت ليه خاطر ورجعت ...وتكتب لينا ذكرياتها بالتفصيل تكون اتلومت لوم اليابا فضيل... وما تسالني منو اليابا فضيل..اسال ود المنسي ..او ود الفاضلاب....ود حلة بسمات...الاتربو وسط دخاخين القطارات ومسحو وجوهم بالاسطبة ....الاسطبة دي اسال منها ود الفاضلاب...هو الجاب الكلمة جي... ...لكن يا ود الفكي ..وريتنا اسمه بالكامل لكن ما فيه اسم الزبير باشا رحمة....كدي ورينا الحقيقة...يمكن يكون ده مشروع مقال جاهز نستعيد فيه تاريخ الوطن... والله يديك الصحة والعافية.. ونواصل لحين ميسرة ومسرة
Post: #82 Title: Re: اميرة السيد وبسمات الشيخ Author: اميرة السيد Date: 08-16-2016, 02:57 PM Parent: #81
ساخرج من صلب الموضوع شوية وارجع ثاني.....ولكن السياق يصب ايضا في طيبة وشهامة السودانيين... .. من زمان كنت عندي فكرة افتح بوست جديد واتكلم فيه عن سبب اختياري للجنسية السودانية بدل الجنسية العراقية.. ما تستغربوا لان والدتي عراقية.. ووالدي سوداني من اقصى شمال السودان... واتذكر عندما قدمت طلبي لعضوية سودانيز اون لاين.. اتصل بي الباشمهندس بكري هاتفيا وسالني بضعة اسئلة وسالني اذا انا سودانية ميه الميه واضاف ان في لهجتي لكنة عربية .. وشرحت له ان والدتي عراقية ووالدي سوداني ميه الميه.....وهنا في نيويورك تنقلت في اكثر من وظيفة.. الى جانب مواصلتي دراساتي.. وكونت صداقات حميمة جدا مع زميلاتي السودانيات في موقع الدراسة وموقع العمل.. ومنهن بسمات وابتهال وامتثال.. واخريات,,,
طفولتي كانت في العراق... ولكن عاد والدي للسودان وانا لا زلت طفلة وعشت في قرية نائية في شمال السودان وعاشت والدتي ايضا هناك.. وكنا نسافر للعراق دائما لزيارة اخوالي وخالاتي.... وعندما دخلت المدرسة الوسطى طلبت مني والدتي ان نسافر للعراق ونطلب الجنسية العراقية لي كي تساعدني الجنسية فيما بعد في الدخول للجامعات العراقية بدون تعقيدات... ولكني رفضت وقلت سوف لن ابدل جنسيتي السودانية باي جنسية في العالم.... جرى في دمي دم السودان وطيبة اهل السودان.. واتحدث اللغة النوبية بطلاقة,,,بل لي محاولات الكتابة بها,.. ويمكن افوت استاذنا علي عبد الوهاب النوبي القح في طلاقة الحديث بالنوبية( وجه ضاحك) عشان ابوي ما بتكلم معاي إلا باللغة النوبية ويقول لي عشان ما تنسي لغة اجدادك.. وتميلي للغة امك العراقية الما مفهومة دي....( وطبعا في كلمات في الدارجية العراقية لا صلة لها باللغة العربية المفهومة لدينا....( وبالمناسبة والدتي حتى الآن تتحسر على عهد صدام حسين) .ز ولمن نقول ليها ده كان دكتاتور سئ السيرة ويقتل الناس بدون سبب وتقول : مش اكتر من البتقتلوا كل يوم في شوارع بغداد .. وعلى الاقل كانت في حكومة واحدة والآن توجد اربعة حكومات.. واحدة منها حكومة داعش التي تذبح المسلمين كل يوم..." وندخل في جدل بيزنطي ..."" عندما تحصلت على الجنسية الامريكية قبل فترة قليلة فقط .. تداعبني امتثال وتقول برضك ما بتبدلي الجنسية السودانية باية جنسية في الدنيا..!!! ولكني ارد عليها.. نعم ما ببدل الجنسية السودانية باي جنسية .. والجواز الامريكي لسهولة التنقل بين دول العالم المختلفة..... ولدينا امل كبير بان يعود للجواز السوداني هيبته وعزته وكرامته... والخطوة الاولى حتكون إلغاء تاشيرة الخروج .... ونعود لنواصل .... والله يديكم الصحة والعافية..
Post: #83 Title: Re: اميرة السيد وبسمات الشيخ Author: عبدالله ود البوش Date: 08-16-2016, 03:19 PM Parent: #82
أميرة وبسمات ريحاتنا هذا المنبر وعطره الفواح لهما التحية والاحترام مع تحياتي لامتثال شكرا ود الفكي
Post: #84 Title: Re: اميرة السيد وبسمات الشيخ Author: علي عبدالوهاب عثمان Date: 08-16-2016, 04:10 PM Parent: #83
Quote: واتحدث اللغة النوبية بطلاقة,,,بل لي محاولات الكتابة بها,.. ويمكن افوت استاذنا علي عبد الوهاب النوبي القح في طلاقة الحديث بالنوبية( وجه ضاحك) عشان ابوي ما بتكلم معاي إلا باللغة النوبية ويقول لي عشان ما تنسي لغة اجدادك.. وتميلي للغة امك العراقية الما مفهومة دي
أميرة .. أوووني .. مسكاقمي .. أصيلة دائما هكذا .. اللغة النوبية هبة من الله .. أرض النوبة موطن الجمال والقيم والتاريخ والاصالة والفن إذا بحثنا في كل فنون الارض هل نجد أغنية مثل ( مسونكيل ) لوردي .. لحن وكلمات وعمق ورمز .. حتى البيئة والسكون والتاريخ المجسم هناك أشياء في بيئتنا تقرب الواحد من جوهر الانسانية .. ويجعله عالمي السلوك بغض النظر عن أي معتقد
معليش يا جماعة ليست شوفينية ..
شكراً ودالفكي .. ما قصرت ..
Post: #85 Title: Re: اميرة السيد وبسمات الشيخ Author: اميرة السيد Date: 08-16-2016, 05:27 PM Parent: #84
ودي هدية بسيطة ... واجمل وقت بنقضيه هنا لمن امتثال تعزف لينا مسونكيل ونغني مع بعض ونقلد وردي والبلابل.. ...والله يديك الصحة والعافية
Post: #86 Title: Re: اميرة السيد وبسمات الشيخ Author: علي عبدالوهاب عثمان Date: 08-16-2016, 05:53 PM Parent: #85
مع التحية والمودة لحبيبنا ودالفكي ..
أميرة .. وووني ..
أنا سمعت مسونكيل مئات المرات .. لكن في التسجيل ده وردي في قمة الروعة يبدو لي أن المكان والشخوص الحاضرين لهم تأثير وخاصة بنوتنا في الكورس مبالغة لفة العمة دي ذكرتي زمان أيام كنا مدرسين والمدرسين كانوا مشهورين بلف العمة التوتال الانجليزي كنا نلف العمة في شكل هرم .. لكن الاسلاميين وناس ترباس غيرو الاستايل .. وردي مازال في القديم .. صوت وردي وخليل فرح .. أكيد إمتداد لمؤدي التراتيل الكنسية التي كانت في فرس وصاي .. أصوات غير عادية ديل أكبر من ترديد أغنية لهم بعد آخر فوق الغناء والطرب .. سوف أحتفظ بهذا التسجيل لأن وردي بالغ حتى في الحركة الجسدية ولأول مرة .
شكراً اميرة ..
والشكر أجزله لود الفكي .. الزول الرائع دائماً مودتي بلا حدود لاستدعاءك لبناتنا مرة أخرى ..
Post: #87 Title: Re: اميرة السيد وبسمات الشيخ Author: عبدالعزيز الفاضلابى Date: 08-16-2016, 06:22 PM Parent: #86
Quote: ما تستغربوا لان والدتي عراقية.
اووووو ودعمى ودالفكى ,, أكو معانا اجانِب ونحن ماجايبين خبر؟ لايهم يا اميرة من أى البلاد انتِ ,, نحن نحبك لأنك اميرة واللسم صادف اهله ,, انت جمعتى بين حضارتين ,, الرافدين والنوبة وكليهما ضاربتان فى اعماق التاريخ ,, وهاهو سلسال اجدادك من الجهتين يصل اليك ليعطينا اميرةً متوجة بالتزكية لتملك قلوبنا وتجلس على عرش مملكتين خلدهما التاريخ واستعصمتا من الزوال بعطائهما المستمر. نحن لانحبك لأنك عراقية او لانك سودانية ,, نحن نحبك لأنك اميرة. فمكان الميلاد لم يكن لك الخيار فيه وابويك ماكان لك الخيار فى من يكونا ,, ولكن قطعاً أنت من اختارت أن تكون اميرة بحسن الخلق وجمال الروح والادب ,, ساعود حين ميسرة بإذن الله بشيئ من ادب الكرخ والرصافة والكوفة
Post: #88 Title: Re: اميرة السيد وبسمات الشيخ Author: اميرة السيد Date: 08-17-2016, 01:57 AM Parent: #87
الشكر ليك يا ود الفاضلاب....واخجلت تواضعنا....وش ضاحك... ماكو معاكم اجانب...وانا سودانية ميه الميه... وما كنت عارفة اعمل ايه اذا ما كنت سودانية وناس الحارة ما اهلي.... ....ده كله من ذوقك الرفيع لانك اصيل ود اصيل.....وما عدمناك.... ....وجاياكم بمهلة عشان نكمل الحدوتة..... والله يديكم الصحة والعافية
Post: #89 Title: Re: اميرة السيد وبسمات الشيخ Author: MOHAMMED ELSHEIKH Date: 08-17-2016, 12:17 PM Parent: #88
ظروف مرضية بعدتني عن المنبر ومناوشاته بباوقته وابو حسينه وجاداتهولكن لم اصدق ان تغادر اخواتنا او بناتنا المنبر بسبب مهاوشات من فاقدى هوية وعاطلى مواهبولصوص ظلام يخجلون من تبيان هوياتهم.الشكر كله لابنتنا(او اختنا) ايما اختارت لعودتها لحضن احبابها من شيالي وشيالات التقيلة وعزاز النفوس احفاد الكنداكات وسلالة بناة اكثر من 400 هرم. ومن هنا دعوتى لفردتها ابنتي (بت الشيخ) للعودة التي ستكون عصية على لصوص الأسافير وشماشرتها.ودعمى الفاضلابي ا رجو ان لاتعصر على البنبر شديد فغثاء السيل لايبالي الله بهم.
ومن هذا المكان الجميل ادعو اهل المنبر من عطبرة وما جاورها والمتواجدين بام المداين عطبرة في خامس ايام العيدلتشريفي بزواج ابني(عابدين) ابن شقيقي وذلك بمدينة عطبرة قاعة...........( والله ماعارف اسمها). تحذير:الهادي الشغيل اكان بقيت هناك وماجيتني بختو معاك قرض في المنبر دا .
Post: #90 Title: Re: اميرة السيد وبسمات الشيخ Author: الهادي الشغيل Date: 08-17-2016, 01:18 PM Parent: #89
MOHAMMED ELSHEIKH
Quote: ومن هذا المكان الجميل ادعو اهل المنبر من عطبرة وما جاورها والمتواجدين بام المداين عطبرة في خامس ايام العيدلتشريفي بزواج ابني(عابدين) ابن شقيقي وذلك بمدينة عطبرة قاعة...........( والله ماعارف اسمها). تحذير:الهادي الشغيل اكان بقيت هناك وماجيتني بختو معاك قرض في المنبر دا .
ثانياً : والله الفكرة في العيد في عطبرة موجودة والقدم ليهو رافع وأبشر بالخير إن جيت عيدت في عطبرة يشرفني كتير أكون متواجد في الفرح وربنا يتمم على خير يارب ... ونقول لأبننا عابدين مقدماً ( بارك الله لك وبارك عليك وجمع بينكما في خير) . تسلم أخي ود الشيخ
Post: #91 Title: Re: اميرة السيد وبسمات الشيخ Author: اميرة السيد Date: 08-17-2016, 05:32 PM Parent: #90
قبل ان اواصل كلامي عن ما يدور في المنبر العام من ايجابيات وسلبيات، اعود مرة اخرى كي ارد على تعليقات جميع الذين خطوا سطرا في هذا البوست،، وفي المقدمة ارد على الاستاذة الدكتورة وضاحة وعلى الاستاذة الاعلامية نور تاور::
اقتبست هذه الفقرة من تعليق د. وضاحة:- >>>><<<>>>>>>>>>>>>>>>> ""بل كل يوم يمر ومع كل استقصاد بزيد قوه وصلابه وتصميم اواصل في طريقي طالما عارفه نفسي صاح والبركة في اخواني اولاد الرجال الما بعرفو العيب في المنبر بقووني وبسندوني يا بنات اوعكن تغادرن غيظنهم بي وجودكن وبي جميل كتاباتكن وخلوا عندكم ثقة في نفسكم ولا تلتفتوا للمشوهين وناقصين التربية وبعدين احنا البنحبكن وبنحب حروفكن وبننتظره بي فارغ الصبر ذنبنا شنو لالا ما بنقدر نفارقكن ولا بنخليكن تمشن""" ..,,<<<>>>><<<<<<<<<<<>>>>>>>>>>>>>>>> الاخت الدكتورة وضاحة: لقد تابعت كل ما تخطينه من روايع هنا في المنبر العام.. وكذلك تابعت بالفخر والإعزاز كل الأعمال الخيرة التي تقومين بها لمساعدة الفقرا ء والمحتاجين...واصبحتي قدوة لكل من يريد عمل عمل الخير.. وتابعت الهجوم الذي تتعرضين له من وقت لآخر .. ولكني وجدتك قوية في وجه العواصف.. وهذا التعليق وجدته بالقعل منطقي جدا... ومن اقوى الأسباب التي جعلتني اعود للمنبر العام مرة اخرى، متجاهلة نصيحة التوأمة الصديقة بسمات التي تنصحني بعدم العودة للكتابة مرة اخرى وتقول لي بالحرف:" ابعدي من الشر وغني ليه"" وتقول لي ارجعي واقري روائع الذين يكتبون واستفيدي من ثقلفة المثقفين والمثقفات ولكن لا تعرضي روحك للسباب والكلمات الفظة..."" ولكني حاولت ان ان اقنعها بما سطرتيه هنا من منطق قوي.... وقد اقتنعت انا بهذا وعدت كي اكتب وانا اظن اذا توقفت عن القراءة والكتابة فهذا يعني بالنسبة لي الموت السريري ,,,, فلا حياة بدون نشاط .. ولا حياة بدون ان اكتب وان اقرأ كل يوم شئ جديد..... والله يديكي الصحة والعافية واللقمة الدافية يا ملكة.. ومع مودتي التي تعرفين...
Post: #92 Title: Re: اميرة السيد وبسمات الشيخ Author: عبدالعزيز الفاضلابى Date: 08-17-2016, 05:51 PM Parent: #91
Quote: وتقول لي بالحرف:" ابعدي من الشر وغني ليه""
قولى لى بت السودنة غلط. لإنو لو غنيتى للشر بجى يرقص جنبك عشان كده الصاح تبعدى عنه نوهائي يمكن اكون شبه مقتنع بكلام ودالفكى والاخوان اعلاهو بس رأيى حتى لو رجَعتن ماتِتكَبَّسَنْ البوستات من طرف ,, تداخلن فقط مع الناس اللى بحترموكن
Post: #93 Title: Re: اميرة السيد وبسمات الشيخ Author: امجد الجميعابى Date: 08-17-2016, 06:45 PM Parent: #92
الاخوات اميرة و بسمات اولا شكري الاكيد للاخت اميرة التي استجابت لمناشدة الكثيرين و جبرت خاطرهم و ستعود بت الشيخ ان شاء الله و برضو جبرا لخواطر الكثيرين و استجابة لنداءتهم المتكررة. عايني لي جاي يا بت الشيخ انا في قعدتي ديك ما قمت
Post: #94 Title: Re: اميرة السيد وبسمات الشيخ Author: اميرة السيد Date: 08-17-2016, 07:32 PM Parent: #93
عصيات على المهاترات.. ولن تؤثر فيهن اساءة السفهاء.. و انت تشكر على هذه اللفتة البارعة فى محاولة لرد اعتبارهن الذى لم ولن يهتز.. >>>>>>>>>>><<<<<<<<<<<<>>>>>>>>>>>>>>>>>>> الاستاذة الاعلامية نور تاور كلماتك ليست فقط من ذهب ولكن ايضا من نور وتنير طريقنا في الدرب الصعب الذي اخترته... درب الكتابة والدخول في حوارات ومناقشات للاستفادة والنهل من مورد الثقافة اينما كانت ونتمنى ان نكون عصيات على المهاترات ... وفي الحقيقة استفدت كثيرا من وصايا السينيرات في المنبر العام ... والشكر لهم جميعا..وزي ما قال ود ابوسن .. نحن نذهب وتبقى كلماتنا للأبد... والله يديك الصحة والعافية
Post: #95 Title: Re: اميرة السيد وبسمات الشيخ Author: اميرة السيد Date: 08-18-2016, 02:13 AM Parent: #94
امجد حفيد الزبير باشا.... بسمات راجعة من السودان يوم الاحد...ويوم الاتنين ان شاء الله بنوريك هي حترجع للكتابة تاني..ولا لا!! ...وسؤال ..هل فعلا زي ما بيقول ود الفكي انت حفيد الزبير باشا... ونعود لحين ميسرة ومسرة.. والله يديك الصحة والعافية...
Post: #96 Title: Re: اميرة السيد وبسمات الشيخ Author: الهادي الشغيل Date: 08-18-2016, 07:17 AM Parent: #95
كتبت أميرة السيد
Quote: ما تستغربوا لان والدتي عراقية
أختنا الأميرة أميرة السيد :
يا سلام على العراق وأهل العراق فقد خالطناهم ودرسنا في جامعاتهم فهم من أنبل الشعوب وأرقاها فأنا درست جامعة بغداد وكنت أسكن حي الصليخ وآتي بالباص (طابقين) دو اللون الأحمر الجميل للجامعة وفي المساء نتجمع دوماً دار رابطة الطلبة السودانيين والكائنة في الأعظمية أو نتمشى في شارع السعدون وأبونواس وكرادة مريم وحدائق بابل المعلقة التي تعد من عجائب الدنيا السبع .. والله العراق ده كان عراقاً بحق وبغداد هي فعلاً بلد الرشيد ومنارة العهد التليد .. هل تصدقي كنا نتاقضى علاوة من الجامعة مقدارها 30 دينار لكن لرخاء البلد آنذااك ورخصها كنا ننفق فقط 10 دينار والباقي ادخار .. كانت الجامعة تغدق على الطلاب لدرجة كانت تدفع 90 دينار للإجازة السنوية ثلاثة أشهر بواقع 30 دينار لكل شهر وتذكرة الطائرة للسودان ذهاباً وإياباً .. وبعض الطلبة كانوا يدلعون أنفسهم فيستلموا ال 90 دينار وقيمة تذكرة الطائرة كاش ويستقلون القطار إلى الموصل ومن ثم الى تركيا ومنها استقلال القطار للدخول إلى فرنسا وألمانيا وبلجيكا وبقية دول أوروبا ...
الآن أسمع أن الأسعار طارت وأصبح الناس يتحدثون عن سعر بعض البضائع بالآلاف ... صراحة العراق بلد جميل قضينا هناك أجمل أيام حياتنا .. أسأل الله أن يعيد العراق لسابق عهده دولة رائدة فتية وأن ينعم عليه بالأمن والسلام . والله يديك العافية زي ما بتختمي كل مداخلاتك أختي ..
Post: #97 Title: Re: اميرة السيد وبسمات الشيخ Author: محمود بكر Date: 08-18-2016, 09:25 AM Parent: #96
الابنة الفاضلة اميرة
اولا : حمد لله على العودة ثانيا : نصحيتي للشباب عموما هي الصمود والصلابة حيث ان الذي يهرب اليوم سيظل يهرب طيلة عمره لاتسنحوا لمن يريد ارغامكم على المغادرة بتحقيق رغبته
بعدين يا اميرة / انتي تحديت كل الصعاب وسافرت الى امريكا وحيدة ليس معك سوى ايمانك وقوتك تجي تهربي من منتدى طبعا الكلام مكرر لشقيقتك بسمات لكن التحية
Post: #98 Title: Re: اميرة السيد وبسمات الشيخ Author: اميرة السيد Date: 08-18-2016, 02:41 PM Parent: #97
سهام والهام *من ايقونات الجمال في هذا المنبرعصيات على الحروف توفيهن وصفهن رغم انهن طوعن الحروف لنشر المحبة والخير والجمال وطيب الكلمملامحهن تشبه السودان بنات بلد اصيلات >>>>>>>>>><<<<<<<>>>>>>>>>>>>>>>>>>>>>(َQUOTE)
عزيزي الفاضل علي محمد الفكي
ياخي كتر خيرك يا زول يا سمح . لهذا الوصف الذي لا نستحقه.... لكن وبما اني ما سمعت بسهام والهام .. قلت اقوقل الاسمين ديل ونشوف علي ود الفكي شبهنا بمنو... ووجدت ان عضو المنبر العام ولياب كاتب بوست وعنوانه:" يا اهل العوض .. اهديك كتاب المطالعة القديمة" وفي البوست تحدث عن قصص في كتاب المطالعة ومنها: الطيور.. سبل كسب العيش في السودان..الحمامة والقطة والكلب... سليمة بائعة اللبن.... ووجدت ايضا من تحدث عن قصة سهام والهام.. وهي قصة بنتين واحدة من حلفا والثانية من الخرطوم،وهناك من قال واحدة من الخرطوم والثانية من بورتسودان، وهناك ثالث من قال واحدة من عطبرة والثانية من الخرطوم... ولكن المهم انهما اصبحتا صديقتان بعد ان تم التعارف بينهما في رحلة بالقطار..." ووجدت ان عضو في المنبر اسمه : اهل العوض، رد على ولياب بهذه الجملة الظريفة والمنطقية جدا:" حقو تشكر بكري وبيل غيتس اللذين واجدا فينا هذه المودة ودفء الصداقة عبر هذه الحروف السحرية....".. وانا بقول ليك يا علي ود الفكي ونحن كمان بنشكر بكري صاحب الحوش الكبير ونشكر بيل غيتس كمان اللذين اتاحا لنا هذه الفرص كي نتعرف على ناس سمحين زيك ياخي... واتاحا لنا كي ننهل من هذه الثقافة الغزيرة في كافة المجالات المنتشرة في صفحات سودانيز اون لاين . ومن الكتاب الذين لا يشق لهم غبار واستفدنا جدا من مقالاتهم البروفيسور عبد الرحمن ابراهيم محمد .. والذي اذا لم يكتب غير الملحمة النوبية لكفاه ذلك.... .. ومن هذا البوست ايضا اود ان احي الدكتور اسامة الأمام والذي اهدى لي كلمات طيبة ومشجعة نشلتني من جو كئيب كنت اعيش فيه.. ولا انسى هنا ايضا ناس امثالك وامثال د. اسامة الامام وهم النسمة الرقيقة بسمات ، او كما تسميها منى عمسيب نسمات، وابتهال وامتثال ، ومن على البعد، من بلد ود ابوسن، سلافة، جميلكم كلكم في رقبتي، زي ما بيقولوا ناس قريتي..
والله يديك الصحة والعافية
Post: #99 Title: Re: اميرة السيد وبسمات الشيخ Author: اميرة السيد Date: 08-18-2016, 05:40 PM Parent: #98
العزيز ابوبكر عباس معقولة يا ابوبكر تثمن موقع سودانيز اون لاين بألفين دولار بس.... وانا سمعت، والعهدة على الراوي، ان احد المليونيرات عرض على الباشمهندس بكري مبلغ 20 مليون دولار كي يبيع له الموقع ولكنه رفض العرض رفضا باتاً... يعني كان ممكن يستلم المبلغ الهائل ده ويفتح بيزنس ويرتاح من وجع الرأس .. من ده شتمني .. وده سباني .. وده لعني...ولكنه اختار ان يدير هذا الموقع الإلكتروني الفريد لكي يستمر الموقع صوتا لمن لا صوت له لكل السودانيين في المهجر وفي داخل السودان.. لكن يا ابوبكر ممكن شذاذ الآفاق ديل نوقفهم بتعاون اعضاء المنبر العام وبالكلمة الطيبة... وبالمناسبة كلمة شذاذ الآفاق دي سمعتها قبال كده في بوست قديم ولكن نسيت المناسبة.... وشكرا على مرورك والدعم .. والله يديك الصحة والعافية
Post: #100 Title: Re: اميرة السيد وبسمات الشيخ Author: اميرة السيد Date: 08-18-2016, 08:03 PM Parent: #99
استاذنا علي عبد الوهاب عثمان ووو أبونينقا مسكاقمي... والله يا استاذ علي ود عبد الوهاب.. لو ما تشجيعكم وحماسكم لينا انت والاستاذ جعفر محي الدين من السعودية ما كنا حنقدر نكمل ترجمة كتاب بن لادن.....وكمان لمن عرفنا معاكم كمان اصحاب من اليمن ومن حضرموت بالذات ازددنا حماسا كي نكمل الكتاب باسرع وقت ممكن....فشكرا ليكم كتير جدا.. وبسمات عندها كتاب جميل ومفيد جدا عن المملكة وبها معلومات دقيقة جدا عن كيفية توحيد ارض الحجاز وماذا فعل الملك عبد العزيز بن عبد الرحمن آل سعود كي يوحد القبائل المتفرقة ، حيث كانت كل قبيلة تسيطر على منطقة وتسطو على القبائل الاخرى المجاورة وكانت شريعة الغاب ، بل قل شريعة الصحراء تحكم ارض الحجاز... .. والمعلومات وفيرة وغزيرة ولم تنشر قبل ذلك في الصحف.... ولكن لا يبدو ان ذلك العمل سيرى النور .. بعد ان حردت بسمات . ولمن تصل يوم الاحد يمكن نصل معاها الى اتفاق... ولقد تابعنا معك مقالات الثقافة النوبية وكانت فعلا ممتعة ورائعة .. وان شاء الله ما تقبف وتواصل هذا السفر الثقافي الرائع والبديع... والشكر ليك كتير لدعمك ومؤازرتك لينا...وان شاء الله نكون عند حسن الظن. . والله يديك الصحة والعافية
Post: #101 Title: Re: اميرة السيد وبسمات الشيخ Author: عبدالعزيز الفاضلابى Date: 08-18-2016, 11:20 PM Parent: #100
سلام ياللميرة ,, غايتو ودعمى اتاح لنا فرصة لنجتر الشعر وابدأ بالشاعر الكوفى الفارس القائل: نا الذي نظر الأعمى إلى أدبي و أسمعت كلماتي من به صمم أنام ملء جفوني عن شواردها ويسهر الخلق جراها ويختصم و جاهل مده في جهله ضحكي حتى أتته يد فراسة وفم إذا رأيت نيوب الليث بارزة فلا تظنن أن الليث يبتسم و مهجة مهجتي من هم صاحبها أدركته بجواد ظهره حرم رجلاه في الركض رجل واليدان يد وفعله ماتريد الكف والقدم ومرهف سرت بين الجحفلين به حتى ضربت وموج الموت يلتطم الخيل والليل والبيداء تعرفني والسيف والرمح والقرطاس والقلم هل عرفتموه؟
Post: #102 Title: Re: اميرة السيد وبسمات الشيخ Author: اميرة السيد Date: 08-19-2016, 00:28 AM Parent: #101
نعم عرفناه ..وهل يخفى القمر... هو ابو الطيب احمد المتنبي... والذي قال ايضا.. يا اعدل الناس الا في معاملتي فيك الخصام وانت الخصم والحكم... ...والله يديك الصحة والعافية
Post: #103 Title: Re: اميرة السيد وبسمات الشيخ Author: اميرة السيد Date: 08-19-2016, 01:07 AM Parent: #102
ولحين ميسرة ومسرة.... غدا لنرد على تعليق الهادي الشغيل وود الباوقة وطارق ابراهيم ابو الفضل... والله يديكم الصحة والعافية
Post: #104 Title: Re: اميرة السيد وبسمات الشيخ Author: علي محمد الفكي Date: 08-19-2016, 11:01 AM Parent: #103
التحية لكل الجميلين الذين مروا من هنا وتركوا اثرهم الجميل واستنشقنا عطر كلماتهم سأعود اليكم ان شاء الله فرداً فرد غايتو حالتي صعبه مع القرايه ام دق وكمان معاها زحمة شغل فلكم المعزرة ولحين ميسرة او كما قال خالد المنسي يا ناس الزول دا وين اتروهو وادونا خبرو
Post: #105 Title: Re: اميرة السيد وبسمات الشيخ Author: اميرة السيد Date: 08-19-2016, 02:47 PM Parent: #104
كنا نتاقضى علاوة من الجامعة مقدارها 30 دينار لكن لرخاء البلد آنذااك ورخصها كنا ننفق فقط 10 دينار والباقي ادخار .. كانت الجامعة تغدق على الطلاب لدرجة كانت تدفع 90 دينار للإجازة السنوية ثلاثة أشهر بواقع 30 دينار لكل شهر وتذكرة الطائرة للسودان ذهاباً وإياباً .. وبعض الطلبة كانوا يدلعون أنفسهم فيستلموا ال 90 دينار وقيمة تذكرة الطائرة كاش ويستقلون القطار إلى الموصل ومن ثم الى تركيا ومنها استقلال القطار للدخول إلى فرنسا وألمانيا وبلجيكا وبقية دول أوروبا ...
الآن أسمع أن الأسعار طارت وأصبح الناس يتحدثون عن سعر بعض البضائع بالآلاف ... صراحة العراق بلد جميل قضينا هناك أجمل أيام حياتنا .. أسأل الله أن يعيد العراق لسابق عهده دولة رائدة فتية وأن ينعم عليه بالأمن والسلام .(QUOTE) >>>>>>>>>><<<<<<<<>>>>>>>>>>>>>>>>>>>>>>>>>>>>
عزيز ي الفاضل الهادي الشغيل.. ود عطبرة البار .. والله من حكاويكم انت ومعاوية ود المدير وبسمات عن عطبرة التي كانت عاصمة الحديد والنار بقينا نتمنى نسكن ونقيم في عطبرة...( بس ان شاء الله ما بتكونو بتبالغو كمان في وصف طيبة اهل عطبرة وجمال طبيعة عطبرة... وود الفاضلاب مرات بقول ان دخاخين القطارات مليانة في الجو ... مع اني بعرف ان السكة حديد انتهت من زمان.... اولا نشكرك كتير الشكر على جهودك وتشجيعك ودعمك كي نعود للمواصلة والاستمرار في الكتابة في هذا الموقع الإلكتروني الفريد.... وطبعا انا متأكدة ان والدتي اذا قرأت كلامك عن استقرار العراق زمان كانت حتأيد كلامك بالحرف لانها بتحن دائما لزمن الاستقرار والامن في عهد صدام .. ولمن يوم قرأت ان بروفيسور في جامعة في بغداد اصبح متسول ويعيش في الشوارع ان بعض طلاب الجامعات كانوا ياتون اليه حيث يجلس في شوارع بغداد كي يساعدهم في حل المسائل الجسابية.. كانت والدتي تبكي على الاطلال.... .. وانا سمعت من خالي الذي يعيش في السعودية الآن انه كان طالبا في جامعة الخرطوم وان الجامعة كانت بتمنح مصاريف الجيب للطلاب الفقراء وان جميع طلاب الجامعة كانوا يسكنون في داخليات الجامعة .. يعني سكن مجان واكل مجان .. ومصاريف جيب كمان.. وتذاكر للسفر للطلاب للعودة الى اهاليهم في القرى والمدن في الاقاليم في الاجازات... يعني جامعة الخرطوم كانت احسن من جامعات بغداد في توفير الرفاهية والجو الصالح للدراسة للطلاب.. ونسمع الآن ان الطلاب يدفعون رسوم دراسية حتى في جامعة الخرطوم.... وكمان الجامعات في بغداد اصبحت سيئة جدا والامن غير متوفر والجماعات الارهابية يدخلوا في ساحات الجامعات ببنادقهم واسلحتهم ويخطفون الطلاب والطالبات..... ونتمنى ان تعود ايضا لجامعة الخرطوم سمعتها الممتازة لانها كانت من بين احسن 50 جامعة في العالم .. والان نسمع انها من الجامعات في مؤخرة قائمة احسن جامعات العالم... ونتمنى ايضتا ان يعود للعراق استقراره وامنه ورفاهيته ورخاؤه.... والله يديك الصحة والعافية
Post: #106 Title: Re: اميرة السيد وبسمات الشيخ Author: وضاحة Date: 08-19-2016, 05:31 PM Parent: #105
Quote: وطبعا اذا نسيت ما بنسى وضاحة اللماحة... وضاحة التي تزرع الخير في كل خطوة... وتزرع الفرح في كل لفة...وتعلمنا منها ان الدنيا بخير... والله يديها الصحة والعافية.. وسنعود لحين ميسرة ومسرة والله يديكم الصحة والعافية
تشكرات يا محبة وسعيدة بعودتك وكم اسعدنى معرفة انك عراقية سود\انية التحية لى اهل الرافدين الصامدين احب ناس العراقيين عشرتهم جميلة واخوان اخوان وقت الشدة عندى صديقتى من اقرب المقربين الي دكتورة فاتن من حلب نعم الاخت انسانة جميلة وراقية وبمتوت في العراق وخاصة الاسطورة كاظم الساهر مرة كان عندهم حفلة فى الدوحة وعزمتنا كانت بشكة والله العظيم ورقصنا كمان معاهم وسط الدبكة يحيا الله العراق وحفظ اهلها تحياتى مع اكيد محبتى
Post: #109 Title: Re: اميرة السيد وبسمات الشيخ Author: اميرة السيد Date: 08-20-2016, 02:23 AM Parent: #100
شكرا عزيزي الفاضل ود الباوقة للمرور والتعليق والدعم المعنوي والروحي... والله في ناس في الفيس بوك (النافذة التحت)سلوكهم وكتاباتهم مهذبة لكن في بعضهم كلامهم بفقع المرارة زي ما بتقول بسمات.. ومفروض الباشمهندس بكري يقفل الشباك ده...والناس المحترمين والكتاباتهم ممتازة يديهم باسويرد عشان يشاركوا هنا فوق كاعضاء في سودانيز اون لاين.. براميلةمن الود والله يديك الصحة والعافية
Post: #125 Title: Re: اميرة السيد وبسمات الشيخ Author: اميرة السيد Date: 08-25-2016, 00:57 AM Parent: #100
عبد الحفيظ ابو سن ..ود كوستي.. حاضرين يا ود ابو سن...عملنا خاطر ليك ولامثالك من الناس الكلهم تهذيب واسلوبهم اسلوب سمح... ومنك دائما نتعلم ضبط النفس وعدم الزعل.. والله يديك الصحة والعافية
Post: #107 Title: Re: اميرة السيد وبسمات الشيخ Author: محمد مجيدو Date: 08-19-2016, 07:43 PM Parent: #1
يا أميرة .. يا بت ألامراء ..ووو أشريتو .. ( يا الجميلة ) ان برو انتي قلقه .... ( يعني البت دي بتشبه القمره )
انا ما كنت متابع سبب حردانك انتي وبت الشيخ من المنبر . لاكييين .. عودتكما مطلب شعبي زي ما شايفه .. واكيد هذا المنبر فيه الغث والثمين ... ولا تلتفتن لقول الحثالة منهم ... فانتن اكبر من ذلك .... وان شاء الله بت الشيخ ترجع بالسلامه وتواصل الكتابة الجميله ...
وشكرا لصديقنا علي الفكي لفتح هذا البوست ... وتقبلوا تحياتي ,,,
عالم بطاااالـــــــــــــــــــــــــة .....
Post: #108 Title: Re: اميرة السيد وبسمات الشيخ Author: mohmed khalail Date: 08-19-2016, 08:17 PM Parent: #107
سلام يا صاحب البوست ..
ولك التحية والتقدير والود المقيم..
اميرة السيد وبسمات مصطفى..من اميز من مر على المنبر العام..اسهاما وخلقا..وذوقا ولطافة..
اصبحت مقل جدا في مشاركاتي في المنبر العام مع دوران الحياة ولكن..عدت عبر بوست اسرة اسامة بن لادن المميز جدا..لهاتين الجميلتين..للاسهام والاسهام المتواضع في الترجمة..ولكن..مع متعة في القراءة والمتابعة..
فشكرا يا اميرة للاستجابة والعودة..ولابد من ان تعود بسمات ايضا ..او..
ساقطع لها هذه البلاد من اقصى غربها حيث اقيم..الى اقصى شرقها حيث تقيم..لرجاءها بالعودة..
هذه اول مداخلة لي في المنبر العام منذ ما يقارب السبعة اشهر ..وذلك لاهمية البوست..
شكرا ايها الرائعون..
Post: #110 Title: Re: اميرة السيد وبسمات الشيخ Author: اميرة السيد Date: 08-20-2016, 03:48 AM Parent: #108
عزيزي طارق ابراهيم الف شكر للمرور والتعليق ودعمك المتواصل لنا يا ملك.. ولا ننسى ايضا انك كنت مواصل معنا في بوست بن لادن وتشجعنا من وقت لاخر....ونرجو دائما ان لا نخيب ظنك.. والله يديك الصحة والعافية
Post: #111 Title: Re: اميرة السيد وبسمات الشيخ Author: اميرة السيد Date: 08-20-2016, 04:55 PM Parent: #110
ونواصل الردود مع بقية العقد الفريد الى حين ميسرة ومسرة.... لغاية ما نصل كمان الى مجيدو....وتعبير ...عالم بطااالة
وبتخيل لي ده تعبير سااااخر.....لكن عاجبني شديد والله يديكم الصحة والعافية
Post: #112 Title: Re: اميرة السيد وبسمات الشيخ Author: اميرة السيد Date: 08-21-2016, 02:30 AM Parent: #111
عزيزي الفاضل ياسر السر ..ود العيلفون...العيلفون ارض الشيوخ والخلفاء والفقهاء..ارض الكرموالاصالة السودانية الحقة...لقد سعدت جدا بكلماتك الطيبة في حقنا...ولقد عهدناكدائما في جميع تعليقاتك ومقالاتك في المنبر العام تتسمبالادب الجم والاسلوب المهذب....وتعلمنا منك الكثير...ونرجو ان تقرا بسمات كلماتك الطيبة المفرحة وتعود..وهي بالمناسبة ستصل غدا من السودان وهي زارت قرى في الجزيرة الخضراء وزارت الكاملين ..وشاهدت الكرم السوداني الاصيل...وكنت اتمنى ايضا ان تزور العيلفون وتزور قبة جدنا ادريس ود الارباب وتحدثنا عن هذه القرية ،او قل المدينة التي انجبت كل هؤلاء العلماء والمثقفين الذين تحدثت عنهم في بوست سابق. وبالمناسبة نحن عندنا قرابة معاكم..لانه ابوي دائما بيقول لي ان ادريس ود الارباب والعنده قبة في العيلفون اصوله محسية وانتو احفاده... ...والله يديك الصحة والعافية...
Post: #113 Title: Re: اميرة السيد وبسمات الشيخ Author: اميرة السيد Date: 08-21-2016, 10:56 AM Parent: #112
والى حين ميسرة ومسرة.. واعذرونا اذا تاخرنا عليكم اليوم فاليوم عيد... والله يديكم الصحة والعافية
Post: #114 Title: Re: اميرة السيد وبسمات الشيخ Author: معاوية المدير Date: 08-21-2016, 12:45 PM Parent: #113
ما انقطعت ابداً من متابعة هذا الحديث الجميل .
تضربا بيضا محل ما تقبّل يا ود الفكي، لكم جميعاً عاطر التحايا والقوما لبنتنا اللميرة التي تحكمت في الدفة بمهارة عالية وساقت البوست بعيداً عن الصخور .
ود المدير ...
Post: #115 Title: Re: اميرة السيد وبسمات الشيخ Author: عبدالعزيز الفاضلابى Date: 08-22-2016, 07:04 PM Parent: #114
سلام يا أميرة ,, بالمناسبة حين تُذكرين انت وبسمات تجيئ الى ذهنى إمتثال بصورة تلقائية ,, ربنا يديم بيناتكم المحبة وانتهز هذه الفرصة لأذكر لكم شيئ لاحظته على امتثال من خلال بوست كتَبَتهُ عن واحد من رؤساء دولة آسيوية جاء الى نيويورك وراح ينْحَشى فى واحد من مطاعِمها ,, تداخلت مع امتثال بدعابة ولاحظت من ردها على مداخلتى انها تملِك روح النكتة وتفهما وهى طايرة زى مابقولوا ولاحظت ايضاً انها تملك اسلوباً كتابياً يُظهر قدرتها على الربط وجعل الموضوع يبدو كوحدة موضوعية وإن تعددت جُزئياته فقد ردت على النكتة التى اقحمتها انا وربطتها بموضوع البوست فبدا وكأنها لم تخرج عن موضوع فكرتها الاساسية وفى نفس الوقت ردَّت على السؤال الساخر الذى سألتها له فى شكل نكته ,, فهى بذلك استخدمت اسلوب السهل الممتنع كما فى (الأيام لطه حسين) فارجو ان تكون مٌدركة انها تمتاز بموهبة الكتابة السلسة فلاتحرمنا منها وربما تكون صحفية ناجحة ان التفتت الى هذه الموهبة. لها ولكُنَّ التحية وكل من حواه جمعكُنَّ العامر.
Post: #116 Title: Re: اميرة السيد وبسمات الشيخ Author: اميرة السيد Date: 08-23-2016, 04:11 PM Parent: #115
انا غيرت الباسويرد عشان المسنوحة امتثال ما تقرأ الكلام السمح ده في حقها وتقوم تاني ما تسلم علينا.....
لكن بيني وبينك يا ود الفاضلاب هي لماحة زي وضاحة وذكية جدا وعندها مواهب كثيرة جدا وتطبع بالعربي في كيبورد انجليزي ما فيه حروف عربية وبدون ما تعاين للحروف... ناهيك عن موهبة الموسيقى والعزف على مختلف آلات العزف ومنها الساكسفون العامله لينا بيها ازعاج في نص الليل...وعكس زميلاتها لا تضيع وقتها في الفارغة في التلفونات والواتس اب ولكن ما بتفارق الكتاب وتقرأ كل يوم كتاب جديد وعندها مكتبة من الكتب العربية والانجليزية.. وبت منطقتكم المسنوحة الثانية بسمات وصلت بالسلامة وتسلم عليكم واحتمال ترحل قرية من قرى الجزيرة لانها ما عندها كلام غير كرم اهل الحزيرة.. والله يديك الصحة والعافية
Post: #117 Title: Re: اميرة السيد وبسمات الشيخ Author: nour tawir Date: 08-23-2016, 04:19 PM Parent: #116
و السلام أمان يا أميرة.. وقولى لى بسمات.. ماما نور بتسلم عليكى و منتظرة طلتك البهية..
Post: #118 Title: Re: اميرة السيد وبسمات الشيخ Author: nour tawir Date: 08-23-2016, 04:19 PM Parent: #116
و السلام أمان يا أميرة.. وقولى لى بسمات.. ماما نور بتسلم عليكى و منتظرة طلتك البهية..
Post: #119 Title: Re: اميرة السيد وبسمات الشيخ Author: اميرة السيد Date: 08-23-2016, 04:26 PM Parent: #116
عزيزي الفاضل حاتم الحواري شكرا للمرور والتعليق.. لكن خليني اختلف معاك في حكاية المساواة بين الرجل والمرأة وهي حكاية تكلم فيها الناس كتير من زمان ولكني عارفة ان بعض النساء تفوقن في التعليم على الرجل وونلن اعلى المراتب العلمية واعلى الوظائف وانا بعرف سودانية عالمة في وكالة ناسا الامريكية للفضاء.. ولكن على الرغم من كل ذلك هناك فرق بين الرجل والمرأة ، وخاصة في المشاعر والقوة الجسمانية .. فالمرأة عاطفية وتفكر بقلبها قبل ان تفكر بعقلها .. واقول ذلك وانا امرأة .. .. مع ان عقلها بتوزن بميزان الذهب .. ومثلا انا شديدة التأثر باي شئ يدور حولي ودموعي في طرف عيني.. ..والكلمة الطببة تؤثر فيني اينما تاثير والكلمة الشينة ايضا تؤثر فيني ايما تاثير... ومرة قريت تعليق لعضو من اعضاء المنبر اساء اساءة بالغة لود ابو سن وهو كما تعرفونه اسلوبه اسلوب يقتدى به .. ولكن ود ابو سن لم يتأثر ابدا بما قرأه ولكن رد عليه ، واتخيل باتسامة، بكلمات طيبة جدا .. ونحن لم نقرأ انتقاد بسيط جدا، حتى ولو كان موجه لغيرنا ، نحرد الكتابة ونهرب من الواقع... والأامثلة كثيرة جدا... ولكن هذا باختصار ان المرأة تختلف عن الرجل حتى في تحمل مصاعب هذه الدنيا.. وانا أؤمن بالمساواة بين الرجل والمرأة في حالات كثيرة جدا ، وخصوصا في التعليم والأجر المتساوي في العمل ولكن حدود يعرفها الجميع.... يعني يا حاتم ما تقسو على الجنس الآخر اللطيف وتقول انها مثلها مثل الرجل ولا يجب معاملتها معاملة خاصة... نعم انها تحتاج للمعاملة الخاصة.. عاملها معاملة خاصة تكسب قلبها,, واذا لم تكسب قلبها فلن تكسب اي شئ... وشكرا مرة ثانية للمرور والتعليق.. ومجرد مرورك في هذا البوست فيه دعم وتشجيع روحي ونفسي لنا...
والله يديك الصحة والعافية
Post: #120 Title: Re: اميرة السيد وبسمات الشيخ Author: اميرة السيد Date: 08-23-2016, 07:53 PM Parent: #119
عزيزي الفاضل سليمان القرشي التحيات النواضر كلماتك تشع نورا وألقاً وبهاءاً وعشان خاطرك وخاطر امثالك انا رجعت وساواصل المشوار في هذا المنبر الرائع ابدا بوجودكم .. وامتثال الله يطراها بالخير دائما وجدت اليوم تشجيع ودعم من ود الفاضلاب وهسع لمن تقرأ كلامك المنير ده خلاص حتتفلسف علينا والسلام حينقطع بيناتنا( وجه باسم).. والله يديك الصحة والعافية يا ملك..
Post: #121 Title: Re: اميرة السيد وبسمات الشيخ Author: اميرة السيد Date: 08-23-2016, 11:50 PM Parent: #120
لحين ميسرة ومسرة.. لنواصل غدا مع العقد الفريد...ان شاء الله والله يديكم الصحة والعافية
Post: #122 Title: Re: اميرة السيد وبسمات الشيخ Author: اميرة السيد Date: 08-24-2016, 04:08 AM Parent: #121
استاذنا محمد نور عودو وانت كمان ربنا يحفظك من كل سوء.. وانا متذكرة عندك بوستات متميزة في هذا المنبر ونرجو ان نكون عند حسن الظن ونجاريك في مواضيعك الثرة...وانا كمان بتمنى معاك ان يكون غياب بسمات استراحة محارب عشان كلنا مع بعض نسمع ونقرا حكاياتها الطاعمة عن عطبرة ونهر اتبرا...وكرم اهل الجزيرة الخضراء.. والله يديك الصحة والعافية
Post: #123 Title: Re: اميرة السيد وبسمات الشيخ Author: اميرة السيد Date: 08-24-2016, 04:30 PM Parent: #122
امجد الجميعابي حفيد الملوك وفعلا زي ما قلت بلدنا بعيدة خلاص ... وزميلة لينا خواجية لمن نقول ليها نحن بنسافر 18 ساعة بالطايارة عشان نحصل بلدنا ما بتصدق وتقول لينا:" انتي كضابة .. معقولة 18 ساعة طيران .. انا بسافر 5 ساعات وبكون زهجانة وتصيبني ملل لغاية ما الطيارة تصل مطار مدينتنا.." ودائما هي بتذكرني خواجية في اليوتوب بتحاكي السودانيات... بقولة : انتي كضابة... وابشرك يا امجد ان بسمات فارقت الكتابة للأبد.... لكن محاولاتنا جارية مع ود الفاضلاب.. وشكرا لدعمك وتشجيعك لنا يا ملك.. والله يديك الصحة والعافية
Post: #124 Title: Re: اميرة السيد وبسمات الشيخ Author: اميرة السيد Date: 08-24-2016, 07:05 PM Parent: #123
عزيزنا الفاضل ود الفاضلاب تحية طيبة الشكر والعرفان موصول لك دائما لمؤازرتك ودعمك ، وخاصة في البوستات القديمة التي كنا نتشارك في كتابتها انا وبسمات وامتثال تثال وابتهال... وطبعا النسمة بسمات طبقت نصيحتك بالحرف الواحد .... والله يديك الصحة والعافية
Post: #126 Title: Re: اميرة السيد وبسمات الشيخ Author: اميرة السيد Date: 08-25-2016, 01:49 PM Parent: #124
عزيزي الفاضل حمد عبد الغفار التحايا النواضر شكرا للمرور والتعليق..ودعمك وتشجيعك لينا.. واختك اميرة رجعت..لكن بسمات خلوها بظروفها..كمان ما ندلعها اكتر من كده...وش باسم... والله يديك الصحة والعافية
Post: #127 Title: Re: اميرة السيد وبسمات الشيخ Author: اميرة السيد Date: 08-25-2016, 04:04 PM Parent: #126
عزيزي الفاضل حيدر حسن ميرغني
انا شايفة ان جبهة عطبرة الداخلية قوية جدا بقيادة الشغيل ومعاوية ود المدير وبسمات .. وانتو ما يتملوا ركشة .. لكن بتملوا قطر كامل- ماشاء الله- .. وانت براك شايف عدد العطبراويين البدخلوا بوستات عطبرة .. وهسع ما نقص منكم غير واحدة بس وهي المسنوحة بسمات .. وان شاء الله قريب تقتنع وترجع لمنبركم الرائع ابدا.. وشكرا لمرورك الكريم والدعم والتشجيع.. والله يديك الصحة والعافية
Post: #128 Title: Re: اميرة السيد وبسمات الشيخ Author: اميرة السيد Date: 08-25-2016, 04:33 PM Parent: #127
عزيزي الفاضل الفاتح ميرغني ده كله من ذوقك العالي وحسك الاعلامي الرفيع المستوى وشكرا للمرور والتعليق ودعمك وتشجيعك المتواصل... وهسع اذا كنت علمتنا الياباني كنا استلمنا الوظيفة بتاعة الترجمة البيعرضها ليك بدر الدين الامير في بوست منفصل....ونعيش في دولة عربية قريبة من السودان بدل الغربة فوق الغربة القساية دي.. والله يديك الصحة والعافية
Post: #129 Title: Re: اميرة السيد وبسمات الشيخ Author: امجد الجميعابى Date: 08-25-2016, 05:48 PM Parent: #128
Quote: امجد الجميعابي حفيد الملوك وفعلا زي ما قلت بلدنا بعيدة خلاص ... وزميلة لينا خواجية لمن نقول ليها نحن بنسافر 18 ساعة بالطايارة عشان نحصل بلدنا ما بتصدق وتقول لينا:" انتي كضابة .. معقولة 18 ساعة طيران .. انا بسافر 5 ساعات وبكون زهجانة وتصيبني ملل لغاية ما الطيارة تصل مطار مدينتنا.." ودائما هي بتذكرني خواجية في اليوتوب بتحاكي السودانيات... بقولة : انتي كضابة... وابشرك يا امجد ان بسمات فارقت الكتابة للأبد.... لكن محاولاتنا جارية مع ود الفاضلاب.. وشكرا لدعمك وتشجيعك لنا يا ملك.. والله يديك الصحة والعافية
استاذة اميرة سلام و تحية اكان عشمنا كبير انو بت الشيخ تعمل خاطر للناس لكن يبدو ان جرحها اعمق من ان تضمده هذه النداءات و المناشدات شخصيا احترم خيارها و حزين جدا لان غادرتنا مغاضبة و كم نتمناها بيننا. تقديري لكن جميعا
Post: #130 Title: Re: اميرة السيد وبسمات الشيخ Author: اميرة السيد Date: 08-25-2016, 08:20 PM Parent: #129
عزيزي معاوية ود الزبير فعلا درب الحياة مليان بالأشواك والزهور,, لكن للأسف نحنا بنشوف الشوك بس وما بنشوف الزهور إلا تكون الزهور بمساحة زهور بت عمسيب ... لأن الاسلوب الطاغي في نافذة الفيس بوك هو اسلوب طاغي عليه الشوك.. لكن نقر بان هناك اقلام ممتازة برضه في النافذة.. وشكرا لمرورك ودعمك وتشجيعك والله يديك الصحة والعافية
Post: #131 Title: Re: اميرة السيد وبسمات الشيخ Author: اميرة السيد Date: 08-26-2016, 01:37 AM Parent: #130
الى حين ميسرة ومسرة... والله يديكم الصحة والعافية
Post: #132 Title: Re: اميرة السيد وبسمات الشيخ Author: عمر دهب Date: 08-26-2016, 07:17 AM Parent: #131
سلام يااميره
تعرف يااميره فى اواخر عام 79 ذهبت الى العراق موعودا بدراسة الطب نزلت فى رابطه الطلبه السودانين فى الاعظمية فى البداية ظهرت لى دراسة اثار رفضتها ولكن اخبرنى اخبرنى بعد الطلبه الاى كنت انزل معهم جوار الدار لابد من الصبر حتى ظهور تحويلك الى الطب انتقلت الموصل مع ابن خالتى حضرت بداية الحرب العراقية الايرانية واذكر دخولنا تحت السلالم فى الدار فى الاعظمية وصفارات الانزار عندما اكون ذاهبا او قادما من الموصل رغم زمن الحرب قضيت احلى عام ونصف فى حياتى قبل ان اترك العراق من الموصل كنت دايم الذهاب الى سوريا عن طريق قامشلى حقيقة كانت العراق جنه عشت فى داخليات الموصل انتظر هدفى ولكن صبرى كان قليلا .
Post: #133 Title: Re: اميرة السيد وبسمات الشيخ Author: اميرة السيد Date: 08-26-2016, 03:26 PM Parent: #132
الفنان الكبير الموصلي شكرا لمروروك الكريم ودعمك وتشجيعك .. وفعلا هناك اناس متميزين في الفيس بوك ولكن هناك ايضا من يفور الدم ويفقع المرارة( زي ما بتقول بسمات) وانت براك شوف البوست الانت كتبته غن الاسماء المستعارة واقرأ الاسلوب الشين والسخيف في اسفل النافذة..
ولكن يجب دائما ان ننظر إلى نصف الكوب المليان وليس إلى نصف الكوب الفارغ ولا نلتفت ايضا الى الكلام الفارغ... ونمضي للأمام.. والله يديك الصحة والعافية
Post: #134 Title: Re: اميرة السيد وبسمات الشيخ Author: اميرة السيد Date: 08-26-2016, 04:14 PM Parent: #133
علي دفع الله شكرا لهذه الكلمات الطيبة التي تدل على اصالة معدنك وطيبتك وشكرا للدعم والتشجيع .. واوعدك بانه سيكون هناك عمل كبير جاي في المستقبل القريب ان شاء الله وحيكون زي حلقات اسامة بن لادن.... واتمنى ان ابدأه قريبا واشجع المسنوحة بسمات تشاركني في الترجمة والتعليق عشان لغتها الانجليزية بقت بدون لكنة وقربت تلحق اساتذتنا جعفر محي الدين ومحمد خليل.. والله يديك الصحة والعافية تخريمة.. ما تقول لي انك علي دفع الله صاحب الكاريكاتيرات الرائعة ؟؟؟؟ اسعدنا مرورك جدا...ولا صاحب الكاريكاتيرات عمر دفع الله .. اخوك.. ذاكرتنا بقت ضعيفة مع الغربة القساية( وش ضاحك))..
Post: #135 Title: Re: اميرة السيد وبسمات الشيخ Author: اميرة السيد Date: 08-26-2016, 05:48 PM Parent: #134
عزيزي الفاضل عمر دهب التحيات النواضر ولك ايضا كامل الاحترام والتقدير والف شكر لشخصك الكريم للمرور والدعم والتشجيع وفعلا وثلما قلت كانت العراق جنة ودولة قوية ، على الرغم من القادة الدكتاتوريين لكن الامن كان مستتب ومثلما يقولون كان الراعي يشق البلاد طولا وعرضا ولا يخاف على غنمه وابقاره ، والسيارات تشق البلاد طولا وعرضا ولا يجد في الكريق ما يهدد سلامته وسلامة اسرته.. ولكن انظر الآن ماذا يحدث وقد قسموا بغداد لمناطق آمنة ومناطق غير ’منة وحتى المناطق التي يسمونها آمنة في المنطقة الخضراء ، حيث توجد السفارات الاجنبية والمكاتب الحكومية الرسمية تجد الرعب يسود فجأة عند وقوع انفجار ارهابي... ونتمنى ان يعود الازدهار والرخاء والسلام جنبا الى جنب مع الديمقراطية التي يسعى اليها جميع البشر.. والله يديك الصحة والعافية
Post: #136 Title: Re: اميرة السيد وبسمات الشيخ Author: اميرة السيد Date: 08-26-2016, 08:00 PM Parent: #135
عزيزنا الفاضل ود البوش الرجل النبيل والشهم صاحب الايادي البيضاء اسعدنا مرورك الكريم جدا وتشجيعك ودعمك واظن انك من الناس الممكن تاثر في قرارات المسنوحة بسمات عشان ترجع وتكتب لينا روائعها عن كرم اهل الجزيرة وروائعها عن الاتبراوي..لانها متاثرة بما تفعله من عمل خير في السعودية ودائما بتشكرك وتقول اذا الناس كلها بقت زي ود البوش ما كنا حنلقى زول شقي في السودان..لكن للاسف الدنيا بقت زي الغابة والانانية كترت.. وشكرا لكلماتك الطيبة... والله يديك الصحة والعافية
Post: #137 Title: Re: اميرة السيد وبسمات الشيخ Author: اميرة السيد Date: 08-27-2016, 03:18 AM Parent: #136
لحين ميسرة ومسرة لنواصل مع العقد الفريد والله يديكم الصحة والعافية
Post: #138 Title: Re: اميرة السيد وبسمات الشيخ Author: عزالدين عباس الفحل Date: 08-27-2016, 05:10 AM Parent: #137
اميرة السيد
سلام الغالية الأميرة بت السيد ، متابع جيد للبوست منذ مهده ، ولكن لضيق الوقت لم أتداخل ، عموماً بهدي ليك الفيديو دا ، و لكل المتداخلين الأجلاء ، إحترامي ، ،،،،،،،
Post: #139 Title: Re: اميرة السيد وبسمات الشيخ Author: اميرة السيد Date: 08-27-2016, 01:47 PM Parent: #138
عزيزنا محمد مجيدو.. برو اونتي قلاقي بسمات اللي... وهي اجمل من الصورة كتير ودمها خفيف ....وثقافتها عالية ولكن تغلب عليها الثقافة العطبراوية ...ونحن نظنك ايضا ان دمك خفيف من التعليق الفي نهاية كلامك....عالم بطاااااالة.. بس هل انت بتعني بكلمة عالم بطاااالة ..عالم عطالة ما عندها شغل ولا عالم كعبة وشريرة.... وشكرا للمرور والتعليق والتشجيع... والله يديك الصحة والعافية...
Post: #140 Title: Re: اميرة السيد وبسمات الشيخ Author: اميرة السيد Date: 08-27-2016, 02:21 PM Parent: #139
محمد خليل شكرا على الطلة البهية... ولا ننسى وقفتك معانا في حلقات اسامة بن لادن وتيسير ترجمة المصطلحات الصعبة بالتعاون مع استاذنا جعفر محي الدين ..وشكرا للمرور هنا والدعم والتشجيع.. والله يديك الصحة والعافية
Post: #141 Title: Re: اميرة السيد وبسمات الشيخ Author: Muhamed Hassan Abdalla Date: 08-27-2016, 05:22 PM Parent: #140
بسمات واميرة ازيكن انا ما بعرف اكتب كلام كتير ومنمق مع انكن تستاهلن
وزعلان منكن في حتة شتمونا وسوو لينا لا انتن اكبر من تلفتن لكتابات ناس مجهولة
وانا جيت من الفيس بوك وصفحتي ب اسمي وزيي كتار استفدنا من وجودكن
وما تبخلن علي الكتار عشان ناس قلال ماعندها الشجاعة ومالياها الغيرة
والسلام طيه الاحترام وكل الود
تعديل حروف وعذرا من الناطقين بغيرها
Post: #142 Title: Re: اميرة السيد وبسمات الشيخ Author: اميرة السيد Date: 08-27-2016, 05:39 PM Parent: #141
معاوية ود المدير ازيك ياخي... انت بصراحة زولا سمح بالحيل والدليل مشيتك للاستاذ كبر وقعادكم في تيم هورتون(ما عندكم استاربكس ) وتصافيكم مع بعض بعد اللوم بيناتكم...وتصرفكم عجبنا شديد ..وهي دي اخلاق السودانيين ..الخصومة الورقية ما بتستمر كتير وانا بعني بالخصومة الورقية الخصومة البتجي عبر الكتابة على الورق دون المواجهة الشخصية..وانا متاكدة ان المقابلة الشخصية بتزيل كثير من المرارة .. ...وطبعا يا ود المدير غناكم انت والشغيل وبسمات لعطبرة ونهر اتبرا شوقنا كتير نزور اتبرا ونتعرف على اهلها..هسع انا بعرف عن احياء عطبرة اكثر من الخرطوم... وشكرا للمرور والتعليق والدعم والتشجيع.. والله يديك الصحة والعافية
Post: #143 Title: Re: اميرة السيد وبسمات الشيخ Author: Muhamed Hassan Abdalla Date: 08-27-2016, 05:44 PM Parent: #141
اسف جدا اخونا علي الفكي نسيت اسلم
وشكرا للبوست الجميل
التعديل عشان حاولت انزل فيديو وما عرفت
Post: #144 Title: Re: اميرة السيد وبسمات الشيخ Author: اميرة السيد Date: 08-27-2016, 06:04 PM Parent: #143
الاستاذة الاعلامية نور تاور... السلام وصل... وكلمت بسمات ووصلت ليها سلامك...وهي طبعا كمان بتقرا كل الحروف السمحة البتكتبوها هنا وبتقول ليكي شكرا يا استاذة نور ..وبتقول ليكي انها معجبة جدا بكتاباتك وقرات ليكي موضوع دسم وبترجع ليها من وقت لاخر ..وهو موضوع بعنوان ""المسكوت عنه ""... والله يديك الصحة والعافية
Post: #145 Title: Re: اميرة السيد وبسمات الشيخ Author: اميرة السيد Date: 08-28-2016, 04:49 PM Parent: #144
عز الدين ود عباس الفحل شكرا كتير للمرور والدعم... والشافعة الفصيحة دي بالذات انا علقت عليها في بوست استاذنا علي عبد الوهاب.. ودائما انت بتجينا بالروائع... والله يديك الصحة والعافية
Post: #146 Title: Re: اميرة السيد وبسمات الشيخ Author: اميرة السيد Date: 08-28-2016, 04:53 PM Parent: #145
محمد الحسن والله كلامك كلام طيب ومعقول ..وانا بالذات حاعمل بيه.. وشكرا للمرور والتعليق والتشجيع... اما تنزيل الفيديو فهناك خبراء من اعضاء المنبر بيفوقو قدرات بيل غيتس .. والله يديك الصحة والعافية
Post: #147 Title: Re: اميرة السيد وبسمات الشيخ Author: اميرة السيد Date: 08-28-2016, 05:17 PM Parent: #146
وسنواصل الكلام الى حين ميسرة ومسرة.... ونتكلم عن مشاريع المستقبل ان شاء الله والله يديكم الصحة والعافية
Post: #148 Title: Re: اميرة السيد وبسمات الشيخ Author: اميرة السيد Date: 08-28-2016, 07:01 PM Parent: #147
كنا نود ان نبدا معاكم موضوع جديد..وبالفعل كنا بداناه قبل شهور وهو عن حياة الرجل العصامي الشيخ مصطفى الامين يرحمه الله..ولكن في ذلك الوقت تسلمت رسالة الكترونية من احد الاعضاء ينبهني با ن حياة الشيخ مصطفي الامين مكتوبة في احد المواقع الاسفيرية المشهورة واظن الموقع الراكوبة...ولذلك وقفت البوست.... وعندنا فكرة نلخص كتاب ضخم باللغة الانجليزية واسم الكتاب the kingdom المملكة . ..وقاصدين المملكة العربية السعودية وقرينا اكتر من نصف الكتاب ووجدنه كتاب شيق جدا وبه معلومات لم تنشر من قبل عن ارض الحجاز وعن نشاة السعودية وسر قوتها ومكامن ضعفها ...ولماذا نجح عبد العزيز ال سعود في توحيد القبائل واسرار اخرى عجيبة..وكمان مع مقتطفات اخرى عن الاقوياء والنافذين في المملكة ...ولماذا... واذا وجدنا راغبين في قراءة كتاب مثير وكتاب تاريخي مفيد سوف نستمر ونفتح بوست جديد..والا سنبحث عن موضوع اخر يرغبه الاغلبية.. ونسمع منكم.. والله يديكم الصحة والعافية
Post: #149 Title: Re: اميرة السيد وبسمات الشيخ Author: اميرة السيد Date: 08-30-2016, 12:46 PM Parent: #148
شكرا الحبيبة وضاحة لشعورك الطيب نحو العراق والعراقيين....واهل العراق عانوا في حياتهم ومعيشتهم اشد المعاناة...ولا زالوا... ولا شك انك تعرفين كيف فتك بهم الحجاج بن يوسف الثقفي ونكل بهم...وكذاك نكل بهم الامريكان و ٣٣ دولة تقصف الشيخ والطفل والمراة والطفلة ولا تفرز المحارب والمقاتل من المدني.. ولكن شعب العراق والمراة العراقية انجبت مثل الفنان كاظم الساهر الذي اخرج لنا العواطف والمحبة والعشق من بين ركام الدمار والقتل لكي نرى الزهور بدل الصخور... وكما قلت انت ليس هناك حبة بدون محبة..فلتدوم المحبة بيننا .. والله يديك الصحة والعافية
Post: #150 Title: Re: اميرة السيد وبسمات الشيخ Author: علي محمد الفكي Date: 08-30-2016, 01:02 PM Parent: #149
اميرة الاميرة جعلتي من البوست حديقة غناء فاضت علينا بالزهر والعطر والقمح والتمر واللبن شكراً ايتها الرائعة ممتنين كثير لهذا الجمال والروعه التي نشرتيها لك مني التحايا واصلي فقد اعدتي بقلمك الرشيق الانيق بعض من الق وزخم للمنبر بعد ان كنا خلنا انه انطفأ
Post: #151 Title: Re: اميرة السيد وبسمات الشيخ Author: عبدالله ود البوش Date: 08-30-2016, 01:10 PM Parent: #149
واظن انك من الناس الممكن تاثر في قرارات المسنوحة بسمات عشان ترجع وتكتب لينا روائعها عن كرم اهل الجزيرة وروائعها عن الاتبراوي. --------------------------------------- مقتبس من مداخلة اميرة السيد الاميرة بسمات ليس على الاميرة أمر ولكنه العشم بان تعود لتعطر هذا المكان بروائعها المتميزة عودي لنا بقوة واجبري الخاطر وعلمت انك زرتي الجزيرة فتعالي واحكي عن تلك الزيارة التي قطعا ادخلت فيك الفرحة والسرور فتعالي انشري حروف الفرح هنا ..... قطعا لك قلب يعرف كيف يجبر بالخواطر في انتظار الاميرة بسمات الشيخ
Post: #152 Title: Re: اميرة السيد وبسمات الشيخ Author: علي محمد الفكي Date: 08-30-2016, 02:14 PM Parent: #151
ما انقطعت ابداً من متابعة هذا الحديث الجميل .
تضربا بيضا محل ما تقبّل يا ود الفكي، لكم جميعاً عاطر التحايا والقوما لبنتنا اللميرة التي تحكمت في الدفة بمهارة عالية وساقت البوست بعيداً عن الصخور .
ود المدير ... ــــــــــــــــــــــــــــــــــ يديك العافية ود المدير دعوتك سمحة بالحيل يا رب واياك يا مك
Post: #153 Title: Re: اميرة السيد وبسمات الشيخ Author: علي محمد الفكي Date: 08-30-2016, 02:42 PM Parent: #152
ونسوق البشرى للبسمات ان الريس بكري استجاب مشكوراً لمناشدات الاعضاء ومطالبهم وقام باغلاق نافذة البوست فعلياً وهذا كان وعدها ان تعود بعد اغلاق النافذه بلغيها يا اميرة ان لم تكن متابعه
Post: #154 Title: Re: اميرة السيد وبسمات الشيخ Author: اميرة السيد Date: 08-31-2016, 03:28 AM Parent: #153
عزيزي علي ود محمد الفكي واين قرات هذا الخبر السعيد...وجعل الله ايامك كلها ايام سعيدة...فقد كانت نافذة تاتي منها اساليب غير مهذبة ابدا ..ولكن كان هناك قلة تكتب باسلوب رائع جدا ومفيد جدا ونلتمس من الباشمهندس بكري صاحب الحوش الكبير ان يمنح هؤلاء باسويرد كي يكونوا اعضاء في هذا المنبر الرائع كروعته... والله يديه الصحة والعافية.. والله يديك الصحة والعافية واللقمة الدافية.. ولي عودة
Post: #155 Title: Re: اميرة السيد وبسمات الشيخ Author: اميرة السيد Date: 09-01-2016, 00:26 AM Parent: #154
ود البوش الرجل صاحب الايادي البيضاء ودائما بذكرنا ان السودان والسودانيين بخير... بسمات تجزيك التحايا النواضر وتقول ليك طلباتك اوامر يا ملك... ونحن كلفنا الشاعرة والموسيقار امتثال تالف لينا قصيدة قصيرة في الكرم السوداني وتقوم بتلحينها ووعدتنا.... ومثلك ولك نرفع القبعات.. والله يديك الصحة والعافية
Post: #156 Title: Re: اميرة السيد وبسمات الشيخ Author: محمد حمزة الحسين Date: 09-01-2016, 07:28 PM Parent: #155
Quote: عزيزي الفاضل حاتم الحواري شكرا للمرور والتعليق.. لكن خليني اختلف معاك في حكاية المساواة بين الرجل والمرأة وهي حكاية تكلم فيها الناس كتير من زمان ولكني عارفة ان بعض النساء تفوقن في التعليم على الرجل وونلن اعلى المراتب العلمية واعلى الوظائف وانا بعرف سودانية عالمة في وكالة ناسا الامريكية للفضاء.. ولكن على الرغم من كل ذلك هناك فرق بين الرجل والمرأة ، وخاصة في المشاعر والقوة الجسمانية .. فالمرأة عاطفية وتفكر بقلبها قبل ان تفكر بعقلها .. واقول ذلك وانا امرأة .. .. مع ان عقلها بتوزن بميزان الذهب .. ومثلا انا شديدة التأثر باي شئ يدور حولي ودموعي في طرف عيني.. ..والكلمة الطببة تؤثر فيني اينما تاثير والكلمة الشينة ايضا تؤثر فيني ايما تاثير... ومرة قريت تعليق لعضو من اعضاء المنبر اساء اساءة بالغة لود ابو سن وهو كما تعرفونه اسلوبه اسلوب يقتدى به .. ولكن ود ابو سن لم يتأثر ابدا بما قرأه ولكن رد عليه ، واتخيل باتسامة، بكلمات طيبة جدا .. ونحن لم نقرأ انتقاد بسيط جدا، حتى ولو كان موجه لغيرنا ، نحرد الكتابة ونهرب من الواقع... والأامثلة كثيرة جدا... ولكن هذا باختصار ان المرأة تختلف عن الرجل حتى في تحمل مصاعب هذه الدنيا.. وانا أؤمن بالمساواة بين الرجل والمرأة في حالات كثيرة جدا ، وخصوصا في التعليم والأجر المتساوي في العمل ولكن حدود يعرفها الجميع.... يعني يا حاتم ما تقسو على الجنس الآخر اللطيف وتقول انها مثلها مثل الرجل ولا يجب معاملتها معاملة خاصة... نعم انها تحتاج للمعاملة الخاصة.. عاملها معاملة خاصة تكسب قلبها,, واذا لم تكسب قلبها فلن تكسب اي شئ... وشكرا مرة ثانية للمرور والتعليق.. ومجرد مرورك في هذا البوست فيه دعم وتشجيع روحي ونفسي لنا...
والله يديك الصحة والعافية
يعجبني تصالحك مع ذاتك وعدم المكابرهـ رحم الله امراً عرف قدر نفسة ..... النساء شقائق الرجال ما أكرمهن إلا كريم وما أهانهن إلا لئيم تحياتي للبت بسمات حتي عودتها الميمونة ولصديتكن امتثال مثلها . : : : : : : : : صديقي وإبن عمي ود الشيخ ربنا يتمم علي خير للإبن عابدين وتهانينا مقدماً مع التحيات لله الزاكيات
Post: #157 Title: Re: اميرة السيد وبسمات الشيخ Author: Basamat Alsheikh Date: 09-02-2016, 03:45 AM Parent: #156
انا اقسم باالله ان كل الناس الكتبوا حرف في هذا البوست الرائع ناس سمحين وزينين ...واذا انا ما رجعت اكتب تاني بعد قريت الروائع دي كلها اكون ما عندي دم وما اكون عطبراوية وشاربة من طين الاتبراوي.. .وانا رجعت بس عشان خاطركم يا ناس يا زينين ويا سمحين. .وشكرا محمد علي الفكي على هذا البوست الروعة كروعتك والسمح كسماحتك وقريت كل حرف وكل سطر وانا احبس الدموع...ودي عادتني فيها الاميرة البتقضي نص وقتها بكى... وشكرا ليكم كلكم ومع تحيات خالصة ممزوجة بنسائم عطبرة الحلوة ليكم وللاميرتين الغاليتين العزيزتين نور ووضاحة.. ودمتم بالف الف خير وصحة وعافية
Post: #158 Title: Re: اميرة السيد وبسمات الشيخ Author: معاوية الزبير Date: 09-02-2016, 04:35 AM Parent: #157
ألف حمدا لله على سلامة العودة يا بسمات ارمي الفات وراك بعد ما تاخدي منو العِبرة وإلى الأمام شكرا أميرة السيد على هذا الوفاء شكرا يا علي الفكي لقيادة هذه المثابَرة بالنفَس الطويل (احتمال نحتاج لخبرتك قدام) تقديري لكم
Post: #159 Title: Re: اميرة السيد وبسمات الشيخ Author: امجد الجميعابى Date: 09-02-2016, 10:56 AM Parent: #158
انا اقسم باالله ان كل الناس الكتبوا حرف في هذا البوست الرائع ناس سمحين وزينين ...واذا انا ما رجعت اكتب تاني بعد قريت الروائع دي كلها اكون ما عندي دم وما اكون عطبراوية وشاربة من طين الاتبراوي.. .وانا رجعت بس عشان خاطركم يا ناس يا زينين ويا سمحين. .وشكرا محمد علي الفكي على هذا البوست الروعة كروعتك والسمح كسماحتك وقريت كل حرف وكل سطر وانا احبس الدموع...ودي عادتني فيها الاميرة البتقضي نص وقتها بكى... وشكرا ليكم كلكم ومع تحيات خالصة ممزوجة بنسائم عطبرة الحلوة ليكم وللاميرتين الغاليتين العزيزتين نور ووضاحة.. ودمتم بالف الف خير وصحة وعافية
الاقتباس مو شغال عندي حرم انا محل شين ما بخت ايدي و ناسا ما بيكرموا الديش متلك ما بنطلب منهم طلب عارف و متأكد و متيقن انك حتكرمي الناس شكرا يا بنتؤم شكرا جزيلا كثيرا اصيلا
Post: #160 Title: Re: اميرة السيد وبسمات الشيخ Author: علي محمد الفكي Date: 09-02-2016, 11:40 AM Parent: #159
انا اقسم باالله ان كل الناس الكتبوا حرف في هذا البوست الرائع ناس سمحين وزينين ...واذا انا ما رجعت اكتب تاني بعد قريت الروائع دي كلها اكون ما عندي دم وما اكون عطبراوية وشاربة من طين الاتبراوي.. .وانا رجعت بس عشان خاطركم يا ناس يا زينين ويا سمحين. .وشكرا محمد علي الفكي على هذا البوست الروعة كروعتك والسمح كسماحتك وقريت كل حرف وكل سطر وانا احبس الدموع...ودي عادتني فيها الاميرة البتقضي نص وقتها بكى... وشكرا ليكم كلكم ومع تحيات خالصة ممزوجة بنسائم عطبرة الحلوة ليكم وللاميرتين الغاليتين العزيزتين نور ووضاحة.. ودمتم بالف الف خير وصحة وعافية
ــــــــــــــــــــــــــــــــــــــــــــ
الحمد لله إله الخلق رب العالمين الذي اعاد البسمات سالمة في سالمين الاخت بسمات اشرقت الانوار بي طلتك وتدفق العطبراوي وفاض بالخير والبركة وسجعت قماريه تقول هلا ومرحبا بيك من جديد وكل اخوانك واخواتك بعثروا الفرح ومدوا الايادي مليانين بالشوق والمحبة منتظرين رسم احساسك وقلمك الانيق وفكرك الراقي اهلاً بك يا بسمات من هنا لحد السماء وشاكرين ليك كريم استجابتك لنداءات اخوانك واخواتك وكنا واثقين انك سوف تجبري بخاطرهم ودا عشمنا فيك ونحن نقسم انك عطبراوية اصيلة
Post: #161 Title: Re: اميرة السيد وبسمات الشيخ Author: اميرة السيد Date: 09-03-2016, 04:43 PM Parent: #160
لقد عادت الينا النسمة بسمات ومعاها غبار عطبرة وطين الاتبراوي وطيبة اهل عطبرة...وعادت ايضا للكتابة والقراءة وذلك بعد ان قرات كل حرف كتب في هذا البوست الرائع كروعتكم وسماحتكم... واظنها ستعود بالكثير المفيد... وشكرا لكم جميعا والله يديكم الصحة والعافية
Post: #162 Title: Re: اميرة السيد وبسمات الشيخ Author: علي محمد الفكي Date: 09-05-2016, 01:11 PM Parent: #161
..( وبالمناسبة والدتي حتى الآن تتحسر على عهد صدام حسين) .ز ولمن نقول ليها ده كان دكتاتور سئ السيرة ويقتل الناس بدون سبب وتقول : مش اكتر من البتقتلوا كل يوم في شوارع بغداد .. وعلى الاقل كانت في حكومة واحدة والآن توجد اربعة حكومات.. واحدة منها حكومة داعش التي تذبح المسلمين كل يوم... " وندخل في جدل بيزنطي ...""
الوالدة ربنا يديها العافية يا اميره ولها مني التحايا والاحترام فقد نظرت للامر بعقلها وقلبها لا بعواطفها فقط هذا الامير عبد الرحمن بن مساعد يشهد مع والدتك على ايام صدام بقوله
يا من ملكت ثرى العراق بلا شريك انا لا احبك بقدر كرهي قاتليك لهفي على الشر الذي بك كله الخير شرك اذ يقاس بقاتليك
Post: #163 Title: Re: اميرة السيد وبسمات الشيخ Author: الهادي الشغيل Date: 09-05-2016, 02:05 PM Parent: #162
بسمات كتبت :
Quote: واذا انا ما رجعت اكتب تاني بعد قريت الروائع دي كلها اكون ما عندي دم وما اكون عطبراوية وشاربة من طين الاتبراوي..
هيييع والله كلام يا بسمات عطبراوية أصيلة فعلاً ...
إسمحي لي أن أردد بصوت عالي مجلجل يدوي في الآفاق ويعلو فوق هام السحب ولا يؤاخذني الأخوة والأخوات زملاء وميلات المنبر ويصفني بالتحيز لبنت مدينتي العطبراوية (( اذا كان أعضاء المنبر عبارة عن عقد فريد وهم كذلك فبسمات هي القلادة التي تزين هذا العقد وهذه المنظومة .. والناظر للعقد لا يركز إلا على القلادة بالطبع ))
دمتي بخير يا بت السودنة الراقية وعوداً حميدا ...
كسرة : وعدتينا بالانضمام لقروب عطبرة قطار الشوق في الفيس بوك وعملتي رايحة .. منتظرنك على أحر من الجمر .. ياريت تيجي وبصحبة الأميرة أميرة .
Post: #164 Title: Re: اميرة السيد وبسمات الشيخ Author: اميرة السيد Date: 09-05-2016, 02:10 PM Parent: #162
عزيزي الفاضل علي ود محمد الفكي.. هذه الابيات الشعرية الاربعة هي بالضبط ما كانت تقصدها والدتي...تقول دائما الامن والامان اهم ركن من اركان الدولة التي تسعى لاسعاد شعبها....وان العراق اليوم ليس فيه امن ولا امان...انما شر مستطير في كل ركن من اركان سوارع بغداد ....والمجموعات المسلحة تسرق نفط العراق وتبيعه لتشتري السلاح والحكومة ليست لها سيطرة ...والله يديك الصحة والعافية
Post: #165 Title: Re: اميرة السيد وبسمات الشيخ Author: علي محمد الفكي Date: 09-06-2016, 09:38 AM Parent: #164
سلام ياللميرة ,, غايتو ودعمى اتاح لنا فرصة لنجتر الشعر ــــــــــــــــــــــــــــــــــــــــــــــــــــــ
ابن عمي العزيز الفاضلابي العراق وشعراء العراق سفر ملئ بالدرر والنوابغ وقد حبب الينا استاذنا ابراهيم فضل شعراء العراق في بواكير ايامنا قد يكون ذلك بسبب انتمائه لحزب البعث ولكنا سعدنا بهم وبروائعهم فقد عرفنا من خلاله بدر شاكر السياب وعبد الرازق عبد الواحد ومحمد مهدي الجواهري ومظفر النواب وامجد محمد سعيد وغيرهم وكان يقول لنا ان ملهمة نزار كانت عراقية وان روعة شعر نزار جاءت من نفس العراق فيه نسأل الله ان يمتعه بالصحة والعافية وكان يحتفي ويردد دائماً قصيدة صبر ايوب لعبد الرازق عبد الواحد
( من مأثور حكاياتنا الشعبية، أن مخرزاً نسي تحت الحمولة على ظهر جمل.)
قالوا وظلَّ.. ولم تشعر به الإبلُ يمشي، وحاديهِ يحدو.. وهو يحتملُ.. ومخرزُ الموتِ في جنبيه ينشتلُ حتى أناخ َ ببابِ الدار إذ وصلوا وعندما أبصروا فيضَ الدما جَفلوا صبرَ العراق صبورٌ أنت يا جملُ! وصبرَ كل العراقيين يا جملُ صبرَ العراق وفي جَنبيهِ مِخرزهُ يغوصُ حتى شغاف القلب ينسملُ ما هدموا.. ما استفزوا من مَحارمهِ ما أجرموا.. ما أبادوا فيه.. ما قتلوا وطوقـُهم حولهُ.. يمشي مكابرةً ومخرزُ الطوق في أحشائه يَغـِلُ وصوتُ حاديه يحدوهُ على مَضضٍ وجُرحُهُ هو أيضاً نازِفٌ خضلُ يا صبر أيوب.. حتى صبرُه يصلُ إلى حُدودٍ، وهذا الصبرُ لا يصلُ! يا صبر أيوب، لا ثوبٌ فنخلعُهُ إن ضاق عنا.. ولا دارٌ فننتقلُ لكنه وطنٌ، أدنى مكارمه يا صبر أيوب، أنا فيه نكتملُ وأنه غُرَّةُ الأوطان أجمعِها فأين عن غرة الأوطان نرتحلُ؟! أم أنهم أزمعوا ألا يُظلّلنا في أرضنا نحن لا سفحٌ، ولا جبلُ إلا بيارق أمريكا وجحفلـُها وهل لحرٍ على أمثالها قَبـَلُ؟ واضيعة الأرض إن ظلت شوامخُها تهوي، ويعلو عليها الدونُ والسفلُ!
Post: #166 Title: Re: اميرة السيد وبسمات الشيخ Author: Kabar Date: 09-06-2016, 10:42 AM Parent: #165
ومن بعد ، شكرا يا الفكي ـ وسلام للبنيات النجيمات.. اميرة ، بسمات ، امتثال..
هدية بسيطة ، البلابل.. تسجيل قديم ، البنريدو تاتيه ، ويا حليل البريدنا ، احكام الليالي متين كانت بايدينا..!!
معليش غنية البنريدو تايه ابت ما تظبط ، يعني ما في طريقة نضيفها بصورتها ، نستبدلها بغنية (حيرتا افكاري معاك) ..فيها بشير عباس (عود/صفارة بشرية ) ، خليل اسماعيل.. مع انو التسجيل قديم ، لكن برضك حكاية انو ملون بتظهر.. والأهم.. جلسة البلابل في الفيديو دهي ياها قريبة من طريقة توزيعهن الأولى.. حكاية هادية جناح (طيعا انا متذكر امال وحياة ، لكن الله غالب ، التركيز دايما مع هادية..!!)
الموضوع ما غزل يا شباب..!
يا اميرة ، عليك الله خلي امتثال تحفظ الشغل ده ، تشتغل مقدمة ، كن طرمبة وكن ساكسفون ، ياخي ان شاء الله في البيزمنت.. براها ، وبعد داك قولوا لينا عووووك..! (الشغل المقصود غنية البنريدو تايه)..
يا بسمات ، من باب الكروس كلشر ، ولا شنو كده ماعارف ، التسجيل ده واحد من اقدم التسجيلات الملونة ، وطبعا البلابل زمان وقفتهن ما كانت كده ، لأنو حكاية هادية تكون في النص ده موضوع حديث شوية ، هادية كانت جناح يمين ، ثم بعد شوية بقت نص...المهم..! الفكرة يا بسمات ، البلابل ما كانن غنا وبس ، وانما استايل ، شكل الفساتين والتسريحة..!!
والإبتسامة ، بالمناسبة الضحكة ، لو تابعتي الفيديو كويس ، في البداية ، هي عبارة عن نكتة..طبعا ناس المزيكا في السودان ، عادي بيكونوا شغالين مزيكا لكن عندهم نكات ومواقف بيتذكروها مع بعض ، بتقوم تظهر في شكل ضحكات وابتسامات...يعني لو بقيت مجنون زينا كده ، بتكون بتابع في الشغل وفجأة تظهر ليك ضحكة في النص..!! كل المحبة والسلام.. كبر
