لا بأن لا طلة لا زارنا يتفقد لا جانا فى الحلة ؟؟ ؟؟ ؟؟ ؟؟ اها عاد الباقى عليكم
Post: #2 Title: Re: قصيدة للشاعر الوطنى هاشم صديق بعنوان ( ريس Author: صديق مهدى على Date: 08-07-2016, 11:31 PM
والله يا هاشم ابدا ما قصرت تب , كفيت ووفيت لكن للأسف لم يوجد ريس فى البلد بس البلد محكومة بقدرة قادر وشعبها كل يوم فى المطار مغادر
Post: #3 Title: Re: قصيدة للشاعر الوطنى هاشم صديق بعنوان ( ريس Author: عمر الفاروق عبد الله الشيخ Date: 08-08-2016, 03:39 AM Parent: #2
القصيدة ليست للشاعر هاشم صديق
لشاعر امسه قعقاع تبيدي
قصيدة / السيل كلمات قعقاع تبيدي .. ريس البلد وينو لا بان ولا طله ؟ لا جانا يتفقد لا زارنا في الحله .. لا شاف وقع كم بيت لا جاب طحين لا زيت .. لا كفن الميتين الماتو جوا السيل .. لا جابلو طوريا ساعدنا شد الحيل .. وأصبحنا نص الليل ما جانا منك زول .. ولا طله منك زول .. فاطر في كافوري وشعبك فطورو أنين .. نايم وتتقلب وشفع كتار صاحيين .. متوسد الموكيت وشعبك رقد في الطين .. لاك البفرج الهم ولاك العلينا أمين .. ولاك البجير مظلوم ساعة تدوربو سنين .. لا بتنجد المسكين لاك العلينا حنين .. هسه أكان تصويت أو حتى انتخابات .. كان جيتنا تترقص تقدل مع الخايبات .. خاميها مليارات .. وراكبها عربيات .. وعاديها سفريات .. عصابة شلليات .. ونحن لينا الله عادنها بس بكيات .. لا علاج ولاتعليم لا سكنه زي الناس .. أحلامنا زي ركشات .. وساكانا دوم كشات .. لا قروش ولا كاشات .. شعبك مرق بلبوص لا خلقه لا أخلاق .. لا عمه لا مركوب لا لحمة لا طايوق .. شعبك مرق ماينص وحشاهو دوم محروق .. صابر وعايش الويل ما نصو في الغربة .. والباقي شالو السيل ..
نرجو تغيير العنوان الاستاذ هاشم صديق اصبح يستاء بنسب كثير من القصائد لشخصه وليست من نظمه